«អ្នកប្រុសតូចឆាប់រត់ទៅនៅទីនេះទុកឲ្យខ្ញុំចាត់ការវិញអ្នកប្រុសត្រូវចាំថារាជបុត្រគ្មានថ្ងៃធ្វើឲ្យអ្នកប្រុសឈឺចាប់ឡើយ»ឈីងឈីងនិយាយក៏បានផ្ដល់សញ្ញាឲ្យកូនចៅខ្លួនចេញមក
«តែគេបានឲ្យខ្ញុំឈឺចាប់បាត់ទៅហើយ»ថាហើយរាងតូចក៏ចាកចេញទៅទុកឲ្យកហរុមរបស់ឈីងឈីងចាត់ការក្រុមឃាតករបន្ត
ក្រុមឃាតករដែលមកសម្លាប់រាងតូចនោះហាកបីដូចជាច្រើនខ្លាំងណាស់មើលចុះរាងតូចបានចាកចេញពីដំណាក់រាងមាំមិនទាន់នឹងផុតឃ្លោងទ្វារផងក៏មានមួយក្រុមទៀតចេញមក
«ហីយ៉ា ក្មេងតូចឯងពិតជាមនុស្សពិសេសណាស់ដែលអាចរួចផុតពីកណ្ដាប់ដៃរបស់ពួកខ្យាដំរីបានតែគួរឲ្យស្ដាយនៅពេលនេះឯងរត់លែងរួចហើយ»មេក្រុមឃាតករចចក
«. . .»រាងតូចអស់ការអត់ធ្មត់គេបានដកនូវអាវុធសម្ងាត់ជាច្រើនចេញមកហើយសម្លាប់មនុស្សទាំងនោះបានយ៉ាងងាយបំផុតហើយគេក៏បន្តសំដៅទៅរាជវាំងព្រោះ តែគោលបំណងរបស់គេពេលនេះគឺមានតែមួយមុខគត់គឺសម្លាប់មានមាន
«ហាស. .ហាពេលនេះមនុស្សរបស់នាងបានស្លាប់អស់ហើយនាងចុះចាញ់ទៅ»ក្រឡេកមកមើលឈីងឈីងវិញម្ដងក្រុមរបស់នាងមានការចាញ់ប្រៀបលើក្រុមឃាតករធ្វើឲ្យក្រុមឃាតករឆ្លៀតឱកាសបាន
«ទោះបីយើងនៅសល់ដង្ហើមចុងក្រោយក៏យើងត្រូវតែការពារអ្នកប្រុសដែរ យ៉ាច!!!»ឈីងឈីងនិយាយហើយនាងក៏សម្រុកចូលប្រយុទ្ធជាមួយក្រុមឃាតករនោះតែម្នាក់ឯងបន្តទៅមុខទៀតរហូតដល់នាងសម្លាប់ក្រុមឃាតករទាំងនោះបានសម្រេច
«ហាស. .ហាស. .ទីបំផុតអ្នកបម្រើម្នាក់នេះការពារអ្នកប្រុសបានសម្រេចហើយ~~»ថាហើយប៉ុណ្ណេះឈីងឈីងក៏លុតជង្គង់ចុះកណ្ដាលមុខឃ្លោងទ្វារដំណាក់ដែលពោរពេញដោយឈាមដាបនោះ
កាន់តែទៅជិតដល់កម្មវិធីអភិសេកក្រុមឃាតករក៏មានកាន់តែច្រើនរហូតដល់ពេលនេះជាងបីយាមទៅហើយក៏នៅតែមានឃាតករមកបន្តជារើយៗគោលបំណងពួកគេគឺមានតែមួយគត់គឺសម្លាប់រាងតូចបានរង្វាន់មាសសុទ្ធមួយម៉ឺនតម្លឹង
«ហេតុអ្វីបានជារាជបុត្រមិនទាន់មកដល់ទៀតអញ្ចឹង» ក្រឡេកមកមើលនៅក្នុងពិធីឯនេះវិញរាងមាំហាកបីដូចជាកំពុងតែចង់បំផ្លាញពិធីអភិសេកមួយនេះយ៉ាងអញ្ចឹងព្រោះតែនាយមិនព្រមចេញមកទទួលកូនក្រមុំឲ្យចេញពីគ្រែស្នែងឡើយ
«វ៉ាងជី នេះបុត្រកំពុងតែធ្វើអ្វីហេតុអ្វីមិនទៅទទួលមានមាន»
«. . .»រាងមាំមិនតបតឬកម្រើកខ្លួនសូម្បីតែបន្តិចគឺអ្វីក៏នាយមិនខ្វាយខ្វល់ឡើយពេលនេះនាយខ្វល់តែសុវត្ថិ ភាពរបស់រាងតូចតែមួយមុខគត់
«រាជបុត្រ ព្រះនាងមានមានមានបន្ទូលថាប្រសិនបើមិនចង់ឲ្យអ្នកប្រុសតូចស្លាប់ទេសូមឲ្យរាជបុត្រចេញមកទទួលទ្រង់ចូលក្នុងពិធី»អាមាត្រជំនិតរបស់អធិរាជឡានបានមកនិយាយប្រាប់រាងមាំតាមពាក្យសម្ដីរបស់មានមាន
«ស្រីពិសពុល»រាងមាំពោលឡើដោយការខឹងក្រោធហើយនាយក៏ចេញមកទទួលមានមានព្រោះតែពេលនេះនាយគិតថារាងតូចនៅក្នុងដៃរបស់នាង
«ខ្ញុំគិតថាទ្រង់មិនយាងមកទទួលខ្ញុំម្ចាស់ហើយទេតើហឹស. .ដើម្បីជនក្បត់ម្នាក់ទ្រង់លះបង់ដល់ហើយ»មានមាននិយាយ
«ប្រសិនបើនាងធ្វើអ្វីលើគេឬធ្វើឲ្យគេមានរបួសយើងមិនលើកលែងឲ្យនាងនោះទេ»រាងមាំបាននិយាយឡើងព្រមទាំច្របាច់កមានមានផងដែរ
«ខក់. . .ខក់. . .ហឹស~ខ្ញុំម្ចាស់មិនធានានោះទេព្រោះថាមានមនុស្សច្រើនណាស់ដែលចង់សម្លាប់គេច្រើនជាងខ្ញុំម្ចាស់នោះ»
«តើនាងបានធ្វើស្អីដាក់គេ??ឆាប់ឆ្លើយមក»ការលឺមានមាននិយាយបែបនេះធ្វើឲ្យរាងមាំកាន់តែបារម្ភពីរាងតូចលើសដើម
«គឺខ្ញុំម្ចាស់គ្រាន់តែដាក់សេចក្ដីប្រកាសមួយក្នុងផ្សារងងឹតថាអ្នកណាដែលសម្លាប់វាបានខ្ញុំម្ចាស់នឹងឲ្យរង្វាន់មាសសុទ្ធមួយម៉ឺនតម្លឹងប៉ុណ្ណោះហាសហា»
«នាង!!»កាលបើលឺបែបនេះរាងមាំក៏បានដើរចាកពីពិធីប៉ុន្តែត្រូវមនុស្សរបស់អធិរាជរារាំងនាយ
«រាជបុត្រសូមទ្រង់កុំធ្វើឲ្យពិធីមួយខូចឲ្យសោះ»
«ហ៊ើយចង្រៃយ៍»ពេលនេះរាងមាំពិតជាទាល់ខ្លាំងណាស់ព្រោះអធិរាជនិងមានមានពួកគេបានយករាងតូចមកគម្រាមពេលនេះបារម្ភពីរាងតូចណាស់ក៏បារម្ភចង់ចេញទៅក៏ចេញទៅមិនបាននាយពិតជាពិបាកក្នុងខ្លួនណាស់
«តើវ៉ាងជីគេកើតអ្វីហេតុអ្វីមើលទៅគេដូចជាពិបាកម៉្លេះ»
«ក្រាបទូលរាជទាយាទគឺដោយសារតែរាជបុត្រទីពីរទ្រង់ត្រូវបានព្រះអង្គយកជីវិតរបស់ក្មេងប្រុសឈ្មោះវួយអ៊ូសៀនមកគម្រាមហើយពេលនេះទូលបង្គុំលឺថាក្នុងផ្សារងងឹតមានសេចក្ដីប្រកាសមួយដែលចេញពីព្រះនាងមានមានធ្វើឲ្យឃាតករទាំងអស់កំពុងសម្រុកមកតាមសម្លាប់ក្មេងប្រុសនោះដើម្បីយករង្វាន់»អ្នកបម្រើជំនិតនិយាយ
«ព្រះនាងមានមានពិតជាសាហាវឃោរឃៅណាស់មិន បានទេឆាប់ចាត់មនុស្សឲ្យទៅជួយការពារក្មេងប្រុសនោះភ្លាមយើងមិនអាចឲ្យអនាគតប្អូនថ្លៃយើងមានរឿងឡើយ»រាជទាយាទនិយាយត្រូវហើយទោះបីទ្រង់ជួបរាងតូចបានតែម្ដងក៏ពិតមែនតែទ្រង់ពិតជាចូលចិត្តរាងតូចណាស់មិនដូចជាព្រះនាងមានមាននោះទេ
ក្រាំង*ឃ្លោងទ្វារធំត្រូវបានបើកដោយស្នាដៃមនុស្សម្នាក់ដែលខ្លួនពោរពេញទៅដោយឈាមចំណែកឯដៃរបស់គេវិញគឺបានកាន់ក្បាលរបស់មេក្រុមឃាតករចចកនោះហើយដើរចូលមក
«សៀនសៀន»គ្រាន់ឃើញរាងតូចចូលមកខ្លួនពោរ ពេញដោយឈាមបែបនេះវាកាន់តែធ្វើឲ្យរាងមាំអត់បារម្ភមិនបាន
«មានឃាតករសេនាឆាប់ការពារព្រះអង្គ»
«យ៉ាច~~»ក្នុងពេលនេះរាងតូចហាកដូចជាមនុស្សគ្មានព្រលឹងក្នុងខ្លួនអញ្ចឹងឲ្យតែមានមនុស្សមករារាំងផ្លូវរបស់គេម្នាក់នោះនឹងត្រូវស្លាប់ភ្លាមៗតែម្ដង
«ហេតុអ្វីបានជាមួយក្រុមឃាតករមកច្រើនម៉្លេះ??»ស្ដេចឡានកើតមានចម្ងល់ព្រោះតែមិនដែលឃើញមានរឿងបែបនេះពីមុនមកនោះទេ
«ហាស. .ហាស. .មានមាន ថ្ងៃនេះបើនាងមិនស្លាប់គឺខ្ញុំស្លាប់»ក្រោយសម្លាប់ទាហានអស់ជាច្រើននាក់រួចមករាងតូចក៏ពោលឡើងទាំងដង្ហក់
«យើងមិនស្លាប់ងាយៗនោះទេព្រោះថាថ្ងៃនេះយើងបានរៀបចំអំណោយពិសេសមួយសម្រាប់ឯងឆាប់ចូលមក»
កាលបើលឺសម្លេងអនុញ្ញាតរបស់មានមានហើយឃាតករស៊ីឈ្នួលដែលជាមនុស្សនៃនគរឈីងក៏បានដើរចូលមក
«ស្រីពិសពុល»ពេលនេះរាងមាំលែងខ្វល់អ្វីហើយនាយបានដកដាវបម្រុងនឹងសម្លាប់មានមានទៅហើយតែក៏ត្រូវក្រុមឃាតករដែលជាមនុស្សសល់ពីនគរឈីងនោះមករាំងដាវនោះទាន់
«ហឹស~~នាងគិតថាពួកគេហ៊ានសម្លាប់យើងឬ??»រាងតូចនិយាយឡើងនៅពេលឃើញមនុស្សរបស់ខ្លួនដើរចេញមក
«អូ!!យើងលឺមកថានាងចង់ចោទប្រកាន់យើងលើរឿងមួយនេះដែរមិនចឹងហា៎~~នាងមិនបាច់ខំប្រឹងប្រឌិតវាឡើងមកនោះទេព្រោះវាជាការពិតស្រាប់ហើយ»
«នេះពួកឯងបោកប្រាស់យើង»មានមានកាលបើឃើញ ថាមនុស្សនគរឈីងបានដើរសំដៅរករាងតូចព្រមទាំងគោរពគេផងនោះ នាងខឹងយ៉ាងខ្លាំងស្ទើរតែក្លាយជាមនុស្សឆ្គួតទៅហើយសម្លាប់រាងតូចមិនបានហើយឥលូវត្រូវបានគេបោកប្រាស់ទៀត
«ត្រូវហើយយើងគឺជាមេបក្សនៃក្រុមឃាតករមួយនេះហើយក៏ជាអតីតរាជទាយាទនៃនគរឈីងផងដែរ»
«នេះម៉េចនឹងអាចទៅរួចទៅ»ស្ដេចឡានលាន់មាត់
«តែវាអាចរួច រួចហើយព្រះអង្គតើទ្រង់ចាំទេនៅថ្ងៃចុងក្រោយនោះទេទ្រង់បានច្រានក្មេងប្រុសអាយុប្រាំពីរឆ្នាំម្នាក់ទម្លាក់ជ្រោះតើទ្រង់ចាំទេ??»រាងតូចបានសួរទៅស្ដេចឡាន
«នេះឯងជាក្មេងចង្រៃយ៍នោះឬ!!»គ្រាន់តែលឺរាងតូចសួរបែបនេះអធិរាជឡានក៏បាននឹកឃើញភ្លាមៗថាក្មេងប្រុសដែលទ្រង់ច្រានទម្លាក់ជ្រោះនោះគឺជាបុត្រាតែមួយអង្គគត់នៃនគរឈីង ពេលនេះក្មេងប្រុសម្នាក់នោះគឺកំពុងតែឈរចំពោះមុខទ្រង់ហើយ
«អូ~~នឹកឃើញវិញហើយឬជនក្បត់ជាតិ»រាងតូចបានសួរទៅអធិរាជឡាន
«សេនាឆាប់សម្លាប់ឃាតករម្នាក់នេះភ្លាម»អធិរាជឡានបានបញ្ជាឲ្យទាហានសម្លាប់រាងតូច
«អ្នកណាហ៊ានតើពួកឯងស្គាល់របស់មួយនេះទេ??»រាងតូចបានបង្ហាញបណ្តោងគុជដែលជារបស់ដែលនាយបានឲ្យរាងមាំកាលពីក្មេងចេញមក
«កូនសោរឃ្លាំងកំណប់ទ្រព្យ!!!»
សូមរង់ចាំអានភាគបន្ត
សូមអធ្យាស្រ័យចំពោះកំហុសខុសឆ្គងឬពាក្យសម្ដីមិនសមរម្យមួយចំនួន និងការសរសេរអក្សរខុសក្បួនខុសលំដាប់ទាំងឡាយដែលកើតមានក្នុងសាច់រឿង
សរសេរដោយ:យូរី