✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون
البارت واحد وثلاثنين
بقلـم:زهـراء لـؤي
ولـدي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️🔥
حسابـي الأنستا : wa5bad
كنتُ يومًا قد أخترت قاتلًا
واليوم ها أنا أبري جراحي منه
يُقال أن الزمانَ يُنسي المجروح جرحه
ما بالُ زماني بجِراحك متجددُ
لله حسبُك وانا قد سلمتُ
أمري وحال الفؤاد لله والوقتِ
لا أقول اليوم أنت كل بؤس مكتوبي
ولكنّي أقول أنك دافنٌ منبعي
✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹
نبأ...
باوعت الـ أيهم الي مصدوم يباوع بعيوني وحتى مارمش تقرب علي عقد حاجبة وحجة
-عـلي : صاير شيء ليش تبجين نبأ
مسحت دموعي باوعت الـ علي وحجيت
-نبأ : علي أقنعنة انا احبك وانتَ تحبني أقنعة أيهم مجاي يقتنع انا ماحبة ماعندي مشاعر اتاجهة
باوعلي علي مصدوم من الكلام الي حجيتة خفت حيل خفت لا علي يحجي الحقيقية وأنفضح گدام أيهم الي واكف ومصدوم خزرني باوع الـ أيهم وگال
-عـلي : شنو هذا الكلام الي جاي اسمعة أيهم !
باوعلة أيهم ضحك بتعب و مستهتزء
-أيـهم : حجت هيج حتى تخلص من عندي صح لو لا
باوعلي علي وحجة بكل ثقة
-عـلي : لا غلط كلامك فعلاً انا احب نبأ ونبأ تحبني ومن ذبت عليكم التهمه تولين ردت أحجي للكُل انا احب نبأ بس نبأ ماقبلت گالت الوقت مو مناسب وضليت ساكت لخاطرها
ميتة من الخجل من كلامة شسويت بنفسي بس يارب يصدگ أيهم ويعوفني باوعلي أيهم وگال
-أيـهم : نبأ لا تسوين هيج أدري بيج تجذبين
تقدم علي بعصبية خلاني ورا وباوع الـ أيهم وگله
-عـلي : عيب عليك أيهم جذابة شنو نبأ حبيبتي وأحبها
أيهم جر علي على صفحة حتى محد يشوفهم يتعاركون رحت وراهم أركض باوعلة أيهم وعيونة يردن ينطن
-أيـهم : تحبها؟ لو تتسلى وياها شنو الي يثبت تحبها وانتَ أصلاً حتى ماخاطبها هه تلعب من ضهر الأكبر
رجع باوعلي أيهم وگال
-أيـهم : وانتِ جان على الأقل گتيلي انا احب انا مافيدك ليش هيج سويتي بية ليش كسرتيني نبأ ليششش
أخر كلمة حجاها بعصبية وصوت عالي
-عـلي : أيهممم أطلععع منااا وخرر
-أيـهم : صير بيك خير زلمة وأخطبها اذا فعلاً تحبها بس انتَ جذاب
رفع أصبعة وحجة بتهديد
-أيـهم : واحد من عدكم يجذب يا أما انتِ سويتي هيج على مود تجذبين وتخلصين مني يا أما فعلاً تحبي بس الواضح أول وحدة لان ماجاي أشوف بعيونكم أي حُب ثنينكم
-عـلي : أموت على التراب الي تمشي علي نبأ وراح تشوف بعينك نبأ شلون راح تصير ألي وانتَ أول المعزومين لخطبتنة عن قريب
هز راسة أيهم وگال
-أيـهم : ماتگدر لان انتَ جذاب ماتحبها
-نبأ : يحبني وأحبة خلاص عوفنة فك ياخة عنة كافي أيهم بديت أكرهك
باوعلي مصدوم هز راسة وگال
-أيـهم : أنشوف مسرحيتكم شوكت تخلص
راح أيهم گعدت بالگاع أبجي علي يروح ويرجع معصب
-عـلي : گومي گومي لاتبجين شسويتييي انتِ گليلي شلون تجذبين هيج جذبة شلون فهمينييي شوكت انا حابج شوكت حابتني منين أجت هالعلاقة زط بط صرتي حبيبتي
-نبأ : أعتذر علي والله أعتذر ماعندي غير هذا حل حتى أيهم يعوفني بديت أكرهة جاي يضغط عليّ حيل
-عـلي : جان گلتي للأكبر ولسُلطان علي جان طيحوا حضة ماتحضرينة ماتصخمينة الف حل عندجج الف حل
شهگت گل قوتي وخليت أيدي على گلبي
-نبأ : عبالك ماسويتهن كلهن سويتهن حتى غيرت سيمكارت مالتي بس مدري منين يجيب رقمي ، أذا أگول للأكبر يطيح حظة يموتة والله يموتة كلشي ولا احنة ننمس ماريد تصير مشاكل بسبيي
گعد على ركباتة مسح على وجهة
-عـلي : گومي ليشكون أهلج انا ماكو وانتِ ماكو شسوين هسة ترحين تتصرفين طبيعي وهذا رقمي تتصلين عليّ شوية بعد وتتفق على موعد الخطوبة
باوعتلة مصدومة وأرجف
-نبأ : شجاي تحجي لا لا علي لاا خطوبة شنو
حجة ويحاول يكتم عصبيتة
-عـلي : شجنتي متوقعة مثل من گتيلة هيج عبالج راح تخصلين منة شمدرينا ماروح يگل للأكبر گومي عاينيلي كافي لا تبجين
گمت أرجف تندمت على الي سويتة عالجت الغلط بالغلط
-نبأ : شسويت انا شسويت ياربي
-عـلي : حترگت روحك زاهر ولج كااافي تبجين كاافي
مسحت دموعي اخذت الرقم رحت غسلت ورجعت أتصرفت طبيعي حتى مايحسوني على المصيبة الي سويتها قاطع صفنتي دگة الباب الغرفة مريم
-مريـم : لج تعبانة راح انام نومة فلا أگعد طفي الأضوية بشرفج
گمت طفيتهن بدون ماحجي شيء أخذت مبايلي وطلعت كلهم نايمين الساعة تقريب بـ١٢ وفوگ كلها تعبانة طلعت للحديقة طلعت رقم
نزلت دموعي أرجف متندمة شسويت انا شسويتت ياربي
أتصلت گبل فتح خط كأنُ منتظر مني أتصال فتح خط
-عـلي : ها نبأ
بجيت أشهگ
-نبأ : ها علي شسوي شسوي
-عـلي : كافي لاتبجين انتِ دخلتينا بهاي الورطة ومجبورين نكمل بيها نبأ
-نبأ : شلون علي انا حتى أنتَ ماحبك
-عـلي : على أساس انا ميت عليج هو غير نريد نطلع نفسنة من الي احنا بي يعني مجبورين نكمل هاي التمثيلية الي حضرتج سويتيها
أستسلمت للأمر الواقع ولازم أدفع ثمن غلطتي
-نبأ : تمام بس أستعجل لا يحجي شيء الـ للأكبر وتروح ثقة أخوي بية
-عـلي : ماتروح ثقتة بيج لان انتِ ماتحبيني ولا انا أحبج بس يفهم غلط وشوكت تردين نتقدم؟
-نبأ : بكيفك
-عـلي : تمام باجر أحجي بالموضوع وي أهلي ونجيكم أن شاءالله
-نبأ : الله ياخذني
-عـلي : أن شاءالله على هاي دگتج الناقصة
-نبأ : لا حرام عليك
-عـلي : وعليج همين ورطتنيي بيج راح تزوجيني ياج غصب
-نبأ : اسفة
جر حسرة وگال
-عـلي : تمام يالله من رخصتج
سديتة منة دموعي تنزل ياربي لا أعتراض على أختباراتك بس صعبة شسوي مادري رحت على فراشي دموعي تنزل من وحدها گوة حاولت انام ...
•••
ميـار ...
نايمة بسابع نومة أحس بـ سُلطان يلعب بشعري ويطبع بوسات على وجهي
-سُلطـان : صحصحي أميرتي
باوعتلة مبتسمة
-ميـار : صباح الخير حبيبي
-سُلطـان : صباح النور ياروح حبيبج
-ميـار : بيش الساعة ؟
-سُلطـان : بـ٩
گعدت أفكر والجامعة بدين تذكرت اليوم مصباح زواجي
-ميـار : يا نسيت انا اليوم مصباح زواجي
-سُلطـان : هههههههه عبالج راحت عليج الجامعة
-ميـار : أي والله
قرب وجهة يم وجهي وهمس
-سُلطـان : ياجامعة انسيلي الجامعة هل أيام وخليني يمج
دفعتة وگمت
-ميـار : وخر سُلطان مو وقت سوالفك خلينا ننزل عيب
-سُلطـان : بالأساس توي نزلت لگيتهم توهم گاعدين منتظرينة نگعد نتريك سوية
هزيت راسي رحت سبحت وطلعت بالروب سُلطان سابح قبلي لگيت مبدل وگاعد يباوع مُبايلة باوعلي أبتسم بمكر ذب مُبايلة خزرتة
-سُلطـان : حبيبتي شرأيج نتأخر بعد شوية
-ميـار : لا حبيبي تعذرني ماگدر حماتي تنظرني
تقرب جرني علي وهمس بأذني
-سُلطـان : وتنتظر شوية حبيبتي بعدنا عرسان
دفعتة وججيت وانا أضحك
-ميـار : لا سُلطان وخر مو وقتك
جرني من أديدي وخذ شفايفي بين شفايفة وخرتة أرجف
-سُلطـان : هسه صارتلي طاقة أنزل
-ميار : وخر سُلطان وخر عابتلك
ضحك بصوت عالي ورحت بدلت وكملت نزلنا ثنينة لگيناهم گلهم گاعدين ومريم جاي طگ بلبيض تقرب سُلطان باس راس خالة
-ليلى : يابعد أمكم الف مبروك صباحية الخير عليكم ان شاءالله
تقربت باوست خالة والبنات راح سُلطان للأكبر
-الأكبـر : كبرت جتفي وصرت عريس ذاك اليوم انتَ صغير أنتَ مو أخوي انتَ أبني الي ربيتة يابعد أخوك
تقرب سُلطان حضن الأكبر
-سُلطـان : أبوي وروحي انتَ ربي يخليك ألي صدكني انتَ سندي وعكازتي
-الأكبـر : ربي يخليك ألي
باركلي همين گعدنا نتريك بس لاحضت نبأ وجها أصفر ومالها نفس تاكل كوة كلهم انتبهوا
-الأكبـر : نبأ بيج شيء اشو وجهج أصفر ؟
باوعت النا متلبكة وتحاول تضحك
-نبأ : لا عمري مابية شيء بس راح أبدي داوم من باجر وبالي يمة
-الأكبـر : اي الحمدالله وأخيراً ليضل بالج انتِ سباعية
هزت راسها كملنا ريوگ ورحنا شوية وأجو بيت خال سُلطان أهل زين وعلي يباركون النا بس جانوا وعلي وزين ماكو مسافرين على ما أعتقد تغدوا ويانة أريد اساعدهن بالطبخ بس خالة قافلة ماتخليني
لان عروس جديدة ونبأ وضعها ماعاجبني بس تصفن ومريم بعالم الموازي تضحك وحدها ساعة تختفي بتسامتها بنات شاخطات صايرات شبيهن مادري
أجة سُلطان ورا ماراحو بيت خالة جنت گاعدة بالصالة يم البنات
-سُلطـان : حبيبتي تعالي شوية محتاجج
باوعتلة بطرف عينها
-مريـم : بـ شنو محتاجها ماتشوفها گاعدة يمنة
-سُلطـان : شعليج؟ مرتي وبكيفي گومي حبيبتي گومي
-ميـار : حبيبي شوية وأجي وراك
-سُلطـان : هو شنو شوية وتجين وراي دتعاي
تقرب شالني والبنات يضحكن
-ميـار : سُلطان لا يجي الأكبر ويشوفنة
-سُلطـان : معليج حبيبتي ماخذ أحتياطاتنا مايجي مگابل صور طليقتة
دفنت راسي برگبتة أضحك أخذني للغرفة وشمرني على الجرباية ونمنة ..
•••
ايسـون ...
گاعدة بالكافتريا ويمي رفيف ونحش بالطلاب حجت وهي تضحك
-رفـيف : كافي ايسون بسببج راح ندخل النار وعلي
حجيت وانا ميتة من ألضحك
-ايـسون : سكتت سكتتت
رحنا أخير محاضرة عدنا أتصلت على حيدرة مايجيني لان عندة شغل ومايگدر يطلع گلي راح أتصل على علي ماقبلت كتلة انا أتصل بس ماريد أتصل لان أدري بيهم مشغولين باوعتلي رفيف وگالت
-رفـيف : أخوي دُرغام راح يجي ياخذني بطريقة همين دائماً خلي نوصلج بطريقنة
-ايـسون : لا حبيبتي ماريد أتعبج هسة أشوف تكسي بس ماعوفج لحد مايجي أخوج
-رفـيف : لا خلي نوصلج مو ذاك اليوم أنتِ ساعدتيني خليني اليوم ارجعلج المعروف حبابة
-ايـسون : نجبي مابينة هاي السوالف
-رفـيف : اي لعد روحي وياي
-ايـسون : صدگيني عيب من أخوج
-رفـيف : والله مو عيب صدگيني دُرغام أنسان حباب أكثر واحد بين أهلي مُتفهم يجي وشوفي بعينج
-ايـسون : تمام
فرحت لان وافقت شوية والله وأجة أخوها أبتسم من شافها وسلم عليها باوعلي مستغرب أنحرجت منة
-رفـيف : هاي صديقتي ايسون أخوها ماگدر يجي ونوصلها بطريقنة
أبتسم بهدوء سبحان الله أشگد بي قبول هدوء ورزانة
-دُرغـام : أي ليش لا نوصلها أهلاً وسهلاً تفضلي
-ايـسون : أهلاً بيك ، أعتذر على الأزعاج بس أخوية صار عندة شُغل
-دُرغـام : لا عيناي ماكو أي أزعاج لاتحجين هيج
اتشكرت منة وجاي يسولف وي رفيف ومندمجين طلع بوجهي الأكبر وكف يباوعلي ويباوع دُرغام
-الأكبـر : ايسون
-ايـسون : أكبر
تلبكت رفيف وگالت
-رفـيف : دكتور هذا أخوي دُرغام دُرغام هذا دكتور الأكبر يصير ابن عم ايسون
باوعلة الأكبر ورفع تاك حاجب وگلة
-الأكبـر : أهلاً وسهلاً
أبتسم دُرغام بهدوء وگال
-دُرغـام : أهلاً وسهلاً بيك دكتور
-الأكبـر : ايسون شنو حيدرة ماجة يوصلج؟
باوعتلة برود وحجيـت
-ايـسون : لا صار عندة شُغل وراح أروح وي رفيف ودُرغام
خزرني وگال
-الأكبـر : لا ميحتاج انا أوصلج
-ايسـون : لا دكتور مايحتاج انتَ رفيف أصرت وانا راح اروح وياها لتعب نفسك
أبتسم بتصنع وحاول يخفي غضبة
-الأكبـر : بالأساس انا جاي عليكم ايسون خلي نروح سوية
ضحك دُرغام وكتف أدي وگال
-دُرغـام : ههههههه أختاري ايسون هسة وي منو ترحين
باوعلة الأكبر وخزرة
-الأكبـر : وياي حبيبي روح لتعب نفسك
-ايـسون : أعتذر منكم لان عطلتكم بنفس الوقت ماريد أتعبكم ماطول الأكبر رايح علينا يعني أروح ويا رفيف ان شاءالله غير مرة
-رفـيف : عادي حبيبتي براحتج
-دُرغـام : مو هاهية هم نتشوف ان شاءالله
باوعت الي عيونة ناطة خزرة وگلة
-الأكبـر : شايفني شادهن ستيل لو بلاستيك حضرتك أشو ماتحترم انتَ تشوفها شنو؟
فتحت عيوني بصدمة على الأكبر أختفت أبتسامة دُرغام وحجة بأنزعاج
-دُرغـام : حشاك بس ايسون صديقة رفيف وأكيد من راح أجي اخد رفيف راح اشوفها وأسلم عليها شبيك بعد؟
تقرب علي الأكبر وقابض على أيدة والشارين الي بوجهة ناطة
-الأكبـر : وي رفيف بدون رفيف ايسون ماتلمح ضلها فهمت لو لا
دُرغام واضح علي عصب وحجة بنفرة أسلوب الأكبر
-دُرغـام : شبيك حارگ دمك انتَ ! شعليك اصلاً
صحت بعلوا صوتي ونص الطلاب تباوع النا
-ايسـون : كااااافي شبيكم زعاطيط انتوا كاافي
باوعولي ثنينهم رفيف ترجف من الخوف
-دُرغـام : أعتذر ايسون بس أبن عمج مايعرف بالذوق
حجة الأكبر مستهتزء
-الأكبـر : عن ياذوق جاي تحجي وانتَ تگل الـ بت عمي نتشاوف ! تمشي من وجهي أحسلك
تقرب دُرغام على الأكبر ومدري شهمس بأذنة الأكبر نطت عيونة بحيث مانحس الة دُرغام انشمر على صفحة صرخت رفيف بعلوا صوتها رحت ركضت للأكبر ألزم بي وهو فاقد يصيح
-الأكبـر : وعلي أنهيك ياگوا**
گام دُرغام ويريد يضرب الأكبر صرت بالوسطة بينهم
-ايـسون : كافي أكبررر كافي فضحتونة بين الناس
باوعت الـ رفيف تبجي وترجف
-رفـيف : دُرغام عليك الله لا حباب
گام حضنها ومدري شيهمس بأذنها وهيّ تبجي اخذ رفيف باوع للأكبر
-دُرغـام : ماخلص حسابي وياك
-الأكبـر : يمة رجف طي** من الخوف دمشييي لك هذا شاربك الي بوجهك أمسحة بحذائي
هد رفيف دُرغام وهيّ لزمتة ملجبة تصرخ وتبجي
-رفـيف : لااااا عليك الله لا دُرغام
هز راسة للأكبر باوعلي خازرني الأكبر وأشر براسة بمعنى أمشي طلعنا أباوع أريد تكسي أجة بتجاهي
-الأكبـر : شجاي تسوين تحركي فضيهاا
-ايـسون : شنو الي سويتة توك؟ ها شنو هاي المسرحية شبيك أكبر تصرُفاتك صايرة شنو ماادري
-الأكبـر : أمشي أصعدي وياي بالسيارة وهناك نتفاهم
-ايـسون : مااصعد وجهك بعد ماريد أشوفة
أستغفر ربة وضل يباوعلي
-الأكبـر : ايسون أخر مرة أگلج تعالي أصعدي
-ايـسون : ماصعد وشتريد تسوي سوي
وگفت تكسي باوعلي مصدوم شلون أجرتة وماصعدت ويا أجرتة وصعدت ماحس الة الأكبر صاعد يمي وطلب من الولد يضل واكف
-الأكبـر : شتحسينن من تسوين تصرُفات زعاطيططط هاي
-ايـسون : مثل حساسك قبل شوية
باوعلة كل ذرة بجسمة ترجف ! شبي مادري
-الأكبـر : تمام ايسون روحي
بهت لوني وانا اشوفة شلون يرجف دفع الفلوس ونزل من السيارة اخذت جطني ونزلت ورا لگيتة بسيارة گاعد مغسل وجهة ويرجف
فتحت الباب صعدت ماباوعلي بس مخلي أيدة على عيونة
-ايـسون : شبيك ليش يصير وياك هيج؟
-الأكبـر : ايسون أبقي أهنا شوية وأجي
-ايـسون : وين رايح أكبر أصبر أجي وياك
-الأكبـر : بداعة أمج لا تجين حلفتج
نزل ضليت مصدومة شلون يحلفني ضليت أسغفر ربي حتى مابوعت وين راح ضليت أنتظر عشر دقايق وأجة
-ايـسون : وين جنت
-الأكبـر : ماعليج
-ايـسون : هو شنو ماعلية شنو هاي تصرُفاتك قبل شوية سويتها حظرتك هااا ممكن أفهم شكوو تطگ الولد جان محترمك
-الأكبـر : انتِ مخبلة ايسون مخبلة شلوننن تردين ترحين ويا وهو ولد غريب شلون
داس سرعة وحجيت بعصلوا صوتي وعيني على الطريق
-ايـسون : شعليككك انتَ شحارك دمك
-الأكبـر : شنو شحارك دمي ولجج ولج انتِ بت عمي تعزُفين شنو بت عمي شنو ماعندي غيرة على عرضي
-ايـسون : لا تدخل بت عمك بت خالك لو حضرتك فقط تجيب ليالي وعندك عادي !
-الأكبـر : ليالي هيج طبعهم تفهمين شنو يعني ايسون لا تخبليني ماضل عقل براسي من وراج
-ايـسون : ولا يضلل باجر عگبة أريد اتزوج أكمل حياتي انتَ شكووو
باوعلي مستغرب وانا ستغربت من كلامي زواج شنو
-الأكبـر : زواج شنو ايسون؟
-ايـسون : ولا شيء
كز على أسانة وحجة
-الأكبـر : تردين تزوجين؟
باوعتلة برود وكملت التمثيلية
-ايسـون : أي عندك مانع؟
ضحك مستهتزء
-الأكبـر : الي يحاول بس يوصلج لو يطخج أرجعة البيتة مكسر
-ايـسون : وانتَ شعليك شعليك انتَ خطيبي السابق فقط
-الأكبـر : بس تضلين تخصيني
-ايـسون : بس يجي يوم اتزوج
-الأكبـر : اي تزوجيني
-ايـسون : تحلم
ضحك هز راسة سكتت مالي خُلك اداهر نزلت من السيارة خازرني وخازرتة سديت الباب السيارة على كيفي
-الأكبـر : منج من الشيطان مارگعتي اشو جبتي حياتج كلها ترگعين بي
-ايـسون : من جنت خطيبتك ارگع براحتي هسة مو خطيبي تعذرني
-الأكبـر : فداج الباب ارگعي براحتج
-ايـسون : أنسان غثة حيل غثة
ضل يضحك بصوت عالي
-ايـسون : تفضل وياي
-الأكبـر : لا عندي شغل راح اروح
هزيت راسي شخط سيارتة وراح دخلت للبيت انا سلمت عليهم تولين جاية وعلي ماكو حيدرة همين صعدت بدلت وغسلت نزلت جوة لگيت علي جاي
-عـلي : بس يجي حيدرة اريد أحجي وياكم بموضوع
-ميـاسين : شنو الموضوع يمة؟
-عـلي : من يجي حيدرة نحجي بي
-ايـسون : شنو الموضوع الي مخليك هيج متلبك
ضحك بس احسة مو طبيعي
-عـلي : موضوع خير
احس فهمت السالفة الواضح يحب بنية بس ماريد اتسرع واحجي خلي لمن يجي حيدرة يحجيلنا الموضوع شوية وأجة حيدر تعشينا وكملنا گعد علي
-عـلي : عندي موضوع وياكم
ياطلابة الموضوع الماتخلص ههههه باوعلة حيدرة مستغرب وگلة
-حـيدرة : شنو الموضوع أحجيلنا
-عـلي : انا احب بنية واريد أخطبها
عرفت يريد يگول هيج بس ماعرفت منو البنية ضحك حيدرة وتولين وأمي فرحانين
-حـيدرة : صدك ولك على الخير منية ياسعيدة هاي
حجة وهو يباوع لوجهنة واحد واحد حاسة حاب يشوف رد فعلنا
-عـلي : نبأ
باوعنة مصدومين مستغربين حيدرة يباوعلي وتولين اخفت ضحكتها ضلينا مصدومين
-حـيدرة : لحظة يانبأ؟
-عـلي : نبأ بت زاهر وأخت الأكبر
كالها أنفجرت من الضحك انا
-ايـسون : تشاقة أكيد ؟
-عـلي : لا ما اشتاقه الموضوع جدي ترا
-حـيدرة : ولك شنو تحبها شوكت لحگت تحبها ومو على أساس أيهم يحبها؟
-عـلي : اي انتَ گلتها أيهم يحبها وهيه ماتحبة لازك الها ومن يوم شفت نبأ انا حبيتها صارت بينا نظرات اعجاب ويوم عن يوم اتأكدت من نفسي أحبها وأعترفت الها انا وصار بينا تواصل حبتني وحبيتها وامس گتلها اريد أخطبج كالت جيب أهلك وتعالو
يحجي هو واحنه الصدمة شايلتنه تولين فاتحة حلگها وأمي همين
-ميـاسين : أبني خاف اصير حزازيات بينك وبين أيهم
-ايـسون : علي انتَ متأكد !!
-عـلي : طبعاً متأكد هسة شنو تخطبولي لو اروح أخطب انا وحدي
-تولين : علي يعني انتَ راح تزوج وأخيراً !
أبتسم وفتح أيدة الها گامت حضنته هيّ
-عـلي : أي حبيبتي أخوج راح يصير عريس
-حـيدرة : علي الـ راح تسوي غلط ترا أيهم يحبها
گام وحجة بعصبية
-عـلي : انا شعلية بـ أيهم نبأ تحبني وانا أحبها تخطبوليي لو لا
-ميـاسين : نخطبلك يمة نحطبلك
-عـلي : أعتذر عليت صوتي بس رجاءً حسو بية أيهم وأيهم
-حـيدرة : مادري شگلك بس هاهية الي تريدة يصير باجر أمي تروح الهم وتحجي وياهم بالموضوع
انا من صدمتي مانطقت شيء أبدً راح علي الغرفتة أجت تولين يمي گعدت
-تولين : تدرين مامصدك ترا نبأ حبابة بس أيهم همين حباب تصدگين نكسر گلبي علي
-ايـسون : الصراحة انا همين يعني مادري شگول وشحجي مادري
-تولين : بس همين مانگدر نجبرها لان هيّ ماتحبة
-ايـسون : طبعاً بس أكو شيء غريب مادري شنو
شوية ورحت الـ غرفتي باجر عندي عطلة اتصلت على ميار ضلينك نسولف تقريب ساعتين وسديتة وبنفس الوقت نروح نشوف ميار ونخطب نبأ شلون صايرة مادري هههه نمت گعدت ثاني يوم حيدرة لازم جيس ويخلي بأذني فزيت مرعوبة
-ايـسون : والله انتَ واحد سرسري دوخرررر
-حـيدرة : هيوو گومي يالله راح نروح نخطب لعلاوي
-ايـسون : شو وخر واحد ماينام
-حـيدرة : امشي ولج نسيتي أختج اليوم نروح نشوفها
-ايـسون : أختي هيّ النستني يم سُلطان تنسى عشريتها كلها
غسلت ونزلت تريگت وبدلنا وطلعنا هناك معزومين غدة وصلنة تلگتني ميار تضحك حضنتها
-ايسون : نسيتيني
أجة سُلطان وهو يحجي
-سُلطـان : لك هلا بالنجرة ولج محضرلج مُفاچاة تعجبج وعلي
باوعتلة مستغربة
-ايـسون : شنو هاي المُفاچاة الي ختلك حتى تنسى تسلم عليّ
غمز وهو يحجي
-سُلطـان : شوية بعد توصل
ميار تضحك وترفع بحاجبها دخلت جوة سلمنا عليهم باوعت الـ نبأ الي بالها مو يمنا سارحة بغير عالم الأكبر يباوعلي بسكتة مسوي نفسك ثگيل وبوسة مني أخلي يتسرسح
تغيدنة وكملنا صعدنا فوگ بالصالة الثانية احنا البنات نسولف أجة سُلطان صعد
-سُلطـان : كلكم تعالوا انزلوا بسرعة
-ايـسون : شكو؟
-سُلطـان : مفاجعتج وصلت ااا أقصد مفاجأتج
نزلنا كلنا حتى أمي وحيدرة وخالة ليلى أشر النا ندنة على صفحة طلع شرع الباب على حيلة دخل سيارة رانج روفر فتحت عيوني بصدمة أتذكرت واعدني بسيارة گلي من تحبني ميار أشتريلج سيارة بس ماتوقعت يسويها
كلهم باوعولي مصدومين وانا مصدومة أكثر
-ايـسون : عزااا هاي شنوو
-مريـم : سُلطان واعدج بيها وجابها ألج
نزل سُلطان يضحك باوعت للأكبر مكتف أيدي ومرتجي على الحايط مبتسم
-سُلطـان : هاي الوعد الي بينا
-ايـسون : مُسسسستحيل سُلطـان والله ماگدر أخذها ترا عبالي تشاقة شلون تسوي هيج شيء
-سُلطـان : ايسون انتِ أختي وروحي حالج من حال نبأ ومريم عزيرة عليّ ترا خاف ماتدرين بنفسج وانا اذا أوعد اخواتي بـ شيء أنفذة وتستاهلين أغلى منها والله
-حـيدرة : زين بشنو واعدها يمعود
-سُلطـان : گلتلي ميار راح يجي يوم وتحبك گتلها اذا حبتني ميار أشتريلج سيارة هدية بداعة أمج لا ترجعيها اخذيها
مصدومة ومستحية منهم كلش يعني ماتوقعت يسويها والله واصلاً ناسية سُلطان واعدني بسيارة
-سُلطـان : تعالي يالله شوفي سيارتج
رحت ويا أضحك نوبة رانج !
-سُلطـان : حلوة عجبتج؟
-ايـسون : هواية هيج سُلطان والقران
-سُلطـان : تستاهلين أكثر ايسون
ضليت اباوع بيها مصدومة فرحانة بنفس الوقت تشركه منة وأهلي همين غمزت أمي الـ خالة ليلى تريد تحجي وياها بموضوع نبأ الواضح گامن ثنينهن اخذن ساعة گاملة بالغرُفة طلعن ثنينهن يضحكن وفرحانات
باوعت الـ نبأ متلبكة رحت گعدت يمها وهمست
-ايـسون : احم احم جنتنة
بلعت ريگها أبتسمت وگالت
-نبأ : گال الكم علي؟
-ايـسون : گال النا صايرة تلعبين من ورانة ولج اشو ماگتيلنا زين وأيهم
حجت بنرفزة ماتوقعت هيج رد فعلها
-نبأ : ايسون أيهم ماحبة شوكت تفهمون ماحبة ماحبة الولد ماعندي مشاعر أتجاهة
حجت وانا اباوع خاف أحد انتبهة بس همزين محد
-ايـسون : تمام نبأ على كيفج ليش هاي النرفزة كلها
-نبأ : لان ماحب أيهم لحد يجبلي طاري أيهم رجاءً
هزيت راسي الواضح صاير عليها ضغط على مود أيهم حقها المشاعر مو جبر صعدت فوگ للصالة مسطر بيها كتب أكو كتاب دائماً أحب اقرا اريد أخذة من نبأ ادور على الكتاب واعض بشفتي
ماحس الة الأكبر يدك على الباب ويغني
-تـمايـل ياحـلاتة ومـرة شفتـة
-مـرة يـعض بصعبـة ومـرة بشفـتة
-عـسل ياطعم شـفتة من رشـفتة
-سبكـني ونزلـت دمـوعة بديـة
باوعتلة خازرتة وهو يضحك ويغمز أجة تقرب عليّ يحجي
-الأكبـر : شوفـة شفايفج تفزز المـيت من گبـرة
أبتسمت وگتلة
-ايـسون : چا دير بالك لا يجي يوم وتفززك
رحت وأسمع صوت ضحكاتة رجت البيت رج أشتاقيت أسمعها
نزلت جوة رادت أمي نروح ترخصنة من يمهم ورحنا للبيت ...
•••
نبأ ...
راحوا بيت خالة مياسين من يمنة أجت أمي تضحك باوعتلي وگالت
-ليلى : صيحي أخوانج وتعالوا كلكم
هزيت راسي عرفت تريد تحجي بموضوع علي گمت من يمها نزلت دموعي شسويت بنفسي انا طلعت نفسي من ورطة دخلت نفسي بورطة ثانية وين نهايتي انا وين أوصل بعد بغبائي ياربي
مسحت دموعي رحت صحت الولد ونزلنا جوة باوعتلي أمي وگالت
-ليلى : أكو ناس تقدموا الـ نبأ وخوش ناس
باوعوا الولد مستغربين
-الأكبـر : ياهمه؟
-ليلى : عمتك مياسين طلبوها الـ علي
كلهم باوعلي مستغربين حتى ميار نصدمت
-ميـار : مافهمت شلون يعني؟
-ليلى : بنيتي علي عاجبتة نبأ ويريدها
-الأكبـر : يمة زين وأيهم ! خاف يزعل تقدم شكم مرة ورفضناة
-ليلى : يمة قابل احنه رافضينة أختك ماتريدة ماهاويتة ومابينهم قسمة
-سُلطـان : زين وعلي؟
-ليلى : نشوف أختك رأيها
يحجون وانا أرجف أدعي مايوگعن دموعي وانفضح يارب دخيل أسمك ساعدني
-الأكبـر : شرأيج نبأ
مدنگة راسي واحجي
-نبأ : أفكر بالموضوع وراجع الكم الجواب
-سُلطـان : تمام نبأ احنة وياج بكل قرار
هزيت راسي مستغربين شعجب حجيت هيج بس ماحسسوني بـ شيء خليت وصعدت لغرفتي لحكتني مريم وميار
-مريـم : تفكرين؟؟ شعجب ولج اشو أيهم رفضتي
من صدك لعبت نفسي من طاري أيهم وهالموضوع عصبت عليها
-نبأ : كااااافي تجيبولي طاري أيهم أيهم شعليكم ماحبة شنو هيّ جبررر خوب مو جبر كافي مريم كافي
أحجي ودموعي تنزل تقربت ميار حضنتي مريم واكفة مصدومة من رد فعلي
-ميـار : خلاص حبيبتي انسي أيهم وطاري أيهم كافي بجي
-نبأ : ميار ميحسون بية
-مريـم : ماجان قصدي شيء نبأ ترا اتشاقة وياج
أبتعدت من ميار امسح بدموعي
-نبأ : عادي مصار شيء وانا موافقة على علي
ثنينهن نصدمن
-ميـار : فكري على الأقل
-نبأ : مايتاج تفكير انا موافقة عاجبني علي شوية بعد أنطي موافقتي الـ أمي
هزت راسها ميار طلعت تقربت مريم حضنتني
-مريـم : اسفة حبيبتي مو قصدي والله
-نبأ : عادي عمري بالأساس انا بالغت برد فعلي
-مريـم : تحبينة علي؟
بلعت ريگي احاول اخفي غصتي
-نبأ : اي مُعجبة بي من جان يجيبنا هواية تصير بينا نظرات
-مريـم : ياروحي الي حب علي خوش ولد والله حباب
-نبأ : اي والله كلش حباب
نزلت يم أمي راحت وانا ضليت بالغرُفة مبايلي بيدي دك باوعت أيهم أستغفرت ربي اخير مرة اجاوبة
-نبأ : تفضل أيهم
أجاني صوت شهگتة
-أيـهم : سويتيها نبأ !
بلعت ريگي ونزلت دموعي ارجف
-نبأ : عوفني أيهم راح أنخطب لشريك حياتي
-أيـهم : غزالتي حبيتج من گلبي هيج تسوين بية!
-نبأ : المشاعر مو بيدي صدگني انا هاوية علي واحبة
-أيـهم : الله يسعدج ياوجع أيهم
سد الخط گعدت أبجي ياربي سامحني على هاي عملتي بس مو بيدي والله مو بيدي ماحبة مسحت دموعي نزلت جوة تعشينا وكملنا أنطيت موافقتي الـ أمي
-ليلى : يمة بنيتي موافقة يابعد روحي انتِ
هزيت راسي وگتلها
-نبأ : راح أصعد فوگ ماريد تنطين موافقتي لخواني گدامي اخجل
خليت وصعدت سديت باب الغرُفة أبجي حمل على صدري ياربي لا تعاقبني هيج لان كسرت گلبي أيهم بس وحق أسمك ماحبة
ياربي ساعدني وين جاي اودي نفسي بيا متاهه انا شوية وصعدت مريم للغرفة
أخذت غطاي ومخدتي انام يم أمي صار شكم يوم أريد أشبع منها روحي رايها ادئماً احس نفسي محتاجتها رحت يمها وبحضنها نمت ..
•••
مريـم ...
راحت نبأ يم أمي نامت صارلها يومين غريبة بس تصفن وماتاكل زين نسالها تگول مابية شيء حتى للدوام اول يوم الها ماراحت
اخذت مبايلي فتحتة لگيت شهم دازلي رسالة بس يسأل هو وانا على كد السلام اجاوبة
-شـهم : شلونج مريم
-مريـم : الحمدالله بخير
-شـهم : راح اتصل أفتحي خط
بعدني ممجاوبة بسرعة أتصل جاوبتة اجاني صوتة يرجف
-شـهم : مريم
-مريـم : ها شهم تفضل بيك شيء
-شـهم : وداعة أمي احبج خايبة
رجف گلبي من كلامة دگاتة بدت تتسارع أحسة يسمعهن رجع كمل كلامة
-شـهم : بس باعي من الشباك مالتكم اطلعي انا بالشارع
انصدمت موجود أهنا شهگت
-مريـم : عزا بعينك شهم شجاي تسوي انتَ
-شـهم : حتى دراستي هاملها وحق علي كل تفكيري بيج بس أطلعي خلي أشوفج
سحبت شالي لبستة وطلعت أباوع لگيتة مرتجي على سيارتة والمُبايل على أذنة
-شـهم : حطي شيء عليج باردة لا تتمرضين
-مريـم : ماريد شهم لا يطلعون اخواني ويحسون عليك
-شـهم : مريم شوكت تحبيني
-مريـم : شعندي حابتك
واكفة أباوعلة مبتسم
-شـهم : حبيني أعشگيني لان انا احبج
-مريـم : غير تگول أذيج
أختفت أبتسامتة وضل يباوع منا ومنا ويفتح سحابة القمصلة
-شـهم : حتى انتِ !
-مريـم : حتى انا شنو !
-شـهم : تعبت مريم والله تعبت
خلة وصعد بسيارة بس ماحركها
-مريـم : زين بس گلي شبيك شصاير وياك
-شـهم : سدي الشباك مريم
-مريـم : تمام وبعد لا تتصل عليّ
خليت وسديتة بوجه وسديت الشباك نزعت شالي ونزلت للحمام الجوة الفوگ لحد هسة ماگايلة الهم يسو دافي انسى رجعت حطيت راسي على المخدة تذكرت نسيت اقفل باب المطبخ
-مريـم : يبو خلي أكيد شوية بعد شو منو يفز ويسدة ويا مابية حيل
ماگمت شفت شهم راح لو لا لانُ ضوجني الصراحة خليت ونمت
نايمة وحسيت نفس شخص يضرب بوجهي عبالي بحلم بس أسمع كلمات يحجيها توضح صوتة أكثر شهم ! هذا حلم لو حقيقة
اسمعة يبجي ويشهگ
-شـهم : أعتذر مريم بس أحبج والله ماحس بالأمان بس يمج بصوت يروح تعبي وانسى نفسي
جاي أحاول أفتح عيوني ماگدر جسمي كلة يرجف ماحس الة جرني لحضنة وحضني كل قوتة ...
للحكاية بقية ⛓️.
_______________________
باقلم : زهراء لؤي
شنو رأيكُم بالبارت🌚🫦🩶
اعتذر عن التأخير بس مُبايلي جان عطلان والله 😭🩶
توقعاتكُم 🫵🏻🫵🏻🫦💙
لا تنسون تصوتون وتعلقون نجراتي 🥹🩶🩶🩶
مُتابعة جميلة مثلكُم