الـڪاتبه_نَجمه
#أنتقام_مباح
#البارت_التاسع
حبيبات روحي ممكن تتفاعلون بتعليقات ؏ مشاهد وتصويت قدرو تعبي وفرحوني بتفاعلكم
أتمنى ألكم قرائه ممتعه 💕
مكَتوب بگَصصُنه نعَيش متعِوبين
★★★★★★★★★★★★★
«تيـجـان»
قُـتـاده؛؛ عز الدين راح يجيچ
شگد ما أگول أرجع الاهلي وخلي عز الدين شيسوي بيه يسوي بسسس..بمجرد ما أجه قُتاده ونطق هل جُله هزني وهز كياني وهز أعماق روحي.
أنرعبت بس بفكرة أرجع شنو راح يسوي بيه عز الدين؟ وشنو راح يكون مصير؟ وبيا عين أحچي ويا؟ ومنو يوگف بصفي؟
كل هل أسئله أجوبتها مجهوله او نگدر نگول عز الدين راح يحرگني بس لحتى يطفي نار گلبه.
فزيت من مكاني كأن واحد واصله علم بشي مصيبه وهيه أصلاً جية عز الدين عليه و وصوله ألي بحد ذاتها مصيبه ما بعدها مصيبه.
ويه ما فزيت اريد أگوم چنت متربعه ؏ قنفه من گمت أنلوت رجلي وأنچبحت ؏ وجهي أنضربت بخشمي برجل الطبله ونزف دم ما أهتميت شعور الخوف والرعب العليه أني بهذا الوقت اكبر من أكبر وجع جسدي.
قُتاده ركض عليه شالني من الگاع ورفع راسي جر حجابي من راسي وخلا ؏ خشمي وحچه والخوف مجتاح صوته
قُـتـاده؛؛ خرررب شبيچ شلون تطفرين هيچ غير تنتبهين
ضل يغلط ؏ عز الدين ويهمس مستغفر وگف الدم يله عدلت راسي بعدت الحجاب من خشمي وذبيته ما لبسته صار بي دم وگتله بغصه
تيـجـان؛؛ راح تعوفني وتخلي عز الدين ياخذني؟
صفن بعيوني غمض عينه ورجع فتحه أشر ؏ رگبته مكان نحره وهمس
قُـتـاده؛؛ من ينگطع هل نفس والروح ياخذها البعثها ساعتها يلوحچ ابو العز وياخذچ بس هسه يحرم يلمحچ وأنتِ وياي.
كلامه يخلي گلبي يفز سبع فزات ويرفرف بس ما أمن نو أنتقاص من قُتاده لا وﷲ أبد أعرف شنو هوه ورجال وسبعة أنعام منه
بس هم أعرف أخوي ما يمررها مرور الكرام صح هسه هوه خاطف تلاثه منهم بس ما مكتفي لو بيده يرش نفط ؏ أهل قُتاده كلهم نفر نفر ويحرگهم وياخذني ويسوي الي يريده
وبلشت الحرب بين حماية قُتاده ألي وبين ملاحقة عز الدين ياترى منو الراح ينتصر بيهم مانعرف؟؟
دخل رُسلان وأُسامه أبن عمهم غطاني قُتاده وسحب الحجاب رجعه ؏ راسي والتفت عليهم أُسامه وجها ينطي الوان ورُسلان راح ينفجر من عصبيته گال بعصبيه ونتر
رُســلان؛؛ قُتاده فهمنه هسه شنسوي
جر نفس قُتاده يهدأ بروحه وحچه
قُـتـاده؛؛ هسه وصلتني خبريه همه عارفين هيه يمي وعز الدين يريد يجي ولازم نطلعها منا قبل لا يوصل
گمز أُسامه من يمه وحچه بنتر وصوت عالي
أُسـامـه؛؛ شنوووو تطلعهاااا خلي ياخذها بلكتتت يرجع روماڤ
قُتاده فتح عيونه خازره وألتفتله رُسلان رافع تك حاجبه ورده وعبالك گوه متحمله
رُســلان؛؛أُسامه أشوف لو تطلع من السالفه أفضلك
قُـتـاده؛؛ أي وهم أني مو حرمه ومخنث وأعوف مرتيييي.
ركزز بكلمة مرتي رد عليه هذاك
أُسـامـه؛؛ شنو مرتك ترا أنتَ ماتعرف تصرف أختك يمهم وخايف ؏ غرب انطيها وهوه مو غريب أخوها
قُـتـاده؛؛ رُسلااااااااان
بس صاح هيچ جمدت من رُسلان أنطه لطمه الأُسامه ترس بنص وجها خلى يرتد ليوره وحچه ويا أبرود عكس النار البداخله
رُســلان؛؛ گللتتتتتتت لا تدخل
خلا ايدع ؏ وخشمه خزرهم وطلع التفت رُسلان وقبل لاينطق بحرف گال قُتاده
قُـتـاده؛؛ رُسلان طالبك لاتردني
رُســلان؛؛ شتحچي خويه الروح فده جوه رجلك
قُـتـاده؛؛ كفو منك حزام ظهري. تيجان بحمايتك تاخذها وتأمن عليها بمكان الجن ما يندله
رُســلان؛؛ ليش ماتاخذها أنتَ؟
قُـتـاده؛؛ لا عز الدين جاي وأني منتظره يجي عندي حساب ويا
رُســلان؛؛ أني هنا
قُـتـاده؛؛ تكفي وتوفي بس ماريد أنهزم منه اريد افوت بعينه واكسرها. تاخذ تيجان لو لا؟
رُســلان؛؛ يجرالك بعيوني أخذها وأحميها من الهوه أختي هاي
راد يحچي قُتاده قاطعته
تيـجـان؛؛ قُتاده أطلع أني والبنات
رُســلان؛؛ ليش؟
باوعتله ورجعت باوعت القُتاده وحچيت بتوتر
تيـجـان؛؛ قُتاده تعرف بأخويه راح يدخل للبيت هوه وجماعته وأحتمال هم يخطف وحده من البنات
صفن بكلامي هز راسه مأيدني گال رُسلان
رُســلان؛؛ شنو هيه فالتوو ياخذ البنات روماڤ وراح اشلعها من عينه
قُـتـاده؛؛ كلام تيجان صح اني صاحبي وأعرفه كُلشي يسوي وأني أگدر اوگف بوجها بس أخاف يأذي أبوي او ادم او روماڤ وفوگ كل هذا الجماعه كلهم أنگلبو ضدي و واگفين بصف ابو العز
رُســلان؛؛ بس مايصير هيچ شنو يبقى يسرح ويمرح ترا ماسويت غلط أنتَ
تيـجـان؛؛ محد. غلطان غيري بس شنو اليقنع عز الدين بهذا الحچي
رُســلان؛؛ خويه مو قصدي بس اخوچ زودها ويراد واحد يحطله حد
تيـجـان؛؛ صحيح واﻧي وياك بهل كلام
قُـتـاده؛؛ منو يحطله حد اذا هيه الدوله سايبه وضلت بيدهم وبيد غيرهم خلي البنات بتحظرون وروحو يلا
راح رُسلان دخل اندارلي قُتاده وگال
قُـتـاده؛؛ تبقين ويه رُسلان لو يوگف ؏ شط ويگلچ أشمري روحچ تشمريها
تيـجـان؛؛ وليش أخوك يريدني أنتحر
قُـتـاده؛؛ لا إله إلا ﷲ يابه حچايت التنگال يعني شنو يگلچ رُسلان سوي وخليچ وياا
تيـجـان؛؛ خوش وامك ماتجي ويانه
اجه صوتها قبل لا يرد عليه قُتاده
سمـاهـر؛؛ تردين تگوديني نفس ماگدتي أبني الاغم وطشرتينه
رمقتني بنظره حقد وكره دفين للحضه گلت راح تهجم عليه ختلت بظهر قُتاده وهوه رد عليها
قُـتـاده؛؛ يمه شبيچ شنو گادتني عيب هل حچي
سمـاهـر؛؛ هل حچي عيب بس مو عيب لمن عايف أبوك واختك واخوك بيد **** ومانعرف يرجعون لا علمود وحده مامدري شنو هيه شريفه وطاهره لو گحـ** عاهره
قُـتـاده؛؛ يمممممممممه ما أسمحلچ حدچ لهنااااا
سمـاهـر؛؛ ألصمممم مو أنتَ التوگفني يلا أخذها و ولي منااا هل ام مصايب ﷲ يعلم شوراهه اخوهه ونزلت راسه بالگاع وماحسبت حساب اله تريد تحسب حسابك يجي يوم وتنزل راسك
ذبت سمها كالعاده ودخلت للغرفه تطگ بشحتطتها وتتبختر ولا كأن ابنها وبنتها ورجلها مخطوفين ومانعرف مصيرهم دنگت راسي من باوعلي وگال
قُـتـاده؛؛ معليچ بحچي أمي هيه هيچ دائماً
تيـجـان؛؛ أني غلطت واستاهل هل حچي بس أنتُ متستاهلون الجاي يصيرلكم بسببي
حچيتها وانفجرت بچيت سحبني الحظنه وهمس
قُـتـاده؛؛ أششش لاتهدين حيلي بدماعتچ كافي بويه بسچ تنحل وحق من صب لون البحر بعيونچ تنحل وتفرج بس ثقي بيه
تيـجـان؛؛ ماعندي ثقه بغيرك بس أنتَ المأمنه بيك
قُـتـاده؛؛ وأن شاء ﷲ اكون گدها
أبتعد من حمحم رُسلان وگال
رُســلان؛؛ أني راح انزل احچي ويه بيبي وأخذ بنات عمو ساجد وياي وأنتن خلصن ولحگني بسرعه
قُـتـاده؛؛ وين راح تاخذهن
طلعت نارو وجاوبته
نـارڤيـن؛؛ أشوف أحسن وأمن التيجان بيت جدو هم هناك جدو وعمو جلال وحتى باقي عمامي صح همه مو كفو بس مهما يكون اسمهم موجودين وهم ميخطر ؏ بال احد لو يعرف بي أخوج تيجان
تيـجـان؛؛ ما اعـرف
قُـتـاده؛؛ لا لا مايعرف بي أني ماحاچي بهل موضوع وصح أمان هناك ؏ اقل عمو جلال موجود يمچن شتگول رُسلان
رُســلان؛؛ هاهيه زين اوصلهن وارجع
قُـتـاده؛؛ رُسلان أذا سألك عمي ساجد عن مكان البنات لا تجيبله طاري واذا لح گله راحن الخوالي
بدون نقاش وسين وجيم جاوب
رُســلان؛؛ تأمر يلا أمشن
طلع والبنات ويا رحت غسلت وأخذت كم لبسه ولبست الصايه وبدلت الحجاب وجاي اطلع وگفتني حسرة قُتاده الي شگة گلبي قبل گلبه وحچايته الحسيته مسؤليه وحمل چبير
قُـتـاده؛؛ تيجان عينچ ؏ بنات أعتبرين خواتچ لبين ما اردچن يمي أنتِ مسؤله عليهن ماريد يتأذن
تيـجـان؛؛ ليش هيچ تحچي؟
قُـتـاده؛؛ راح ترحين البيت جدي وتعرفين القصد وليش طلبت هل شي منچ بس بالچ ؏ نفسچ و؏ بنات
تيـجـان؛؛ لا تهتم رجع أهلك والبنات أحطهن بروحي
كملتها وعيوني بعيونه نزلت واشوف رُسلان ونارو وياقوت واگفين بالباب بس شافوني توجهو للسياره بس رُسلان عباره عن قنبله موقوته أستغربت مو ؏ اساس بنات عمهم يجون ويانه شو ماكو أشرت النارو أشرتلي بتدين سكتت وطلعنه من هذا البيت مليون فكره وفكره براسي نخرت عقلي نخر وماعرف شوكت أرجع هنا وشوكت ارجع أشوف قُتاده...
⭑⭑⭑⭑⭑⭑⭑⭑⭑⭑⭑⭑⭑⭑⭑
«نـارڤيـن»
نزلنه من البيت بعد ما اخذنه كم شغله نحتاجها دخل رُسلان البيت عمو جوه واحنه ورا اول مادخلنه صار بوجهنه أُسامه گاعد وأمه يمه مخليه وصله ؏ خشمه يمكن جاي ينزف دم
من دخلنه رفع.راسه النه وخزر رُسلان بس ما أهتم اله وصاح
رُســلان؛؛ بيبيي ولچچچ غنيههههههه وينچ
طلعت بيبي من غرفتها ؏ صوته وگالت
غـنيـه؛؛ شبيك تجوعر
رُســلان؛؛ ها غنيه هاااا سمعت مشتاقه الجدي وهاي اجيت اخذچ
بيبي متعوده رُسلان هيچ يسوي بس الصار أُسامه طفر من مكانه وصاح
أُسـامـه؛؛ شهل خريط شنو مشتاقه الجدك شو متعرف تحچي أنتَ
هد عليه رُسلان وبيبي صارت بينهم
رُســلان؛؛لك منو المايعرف يحچي هااا منو بس خلي الزمك
غـنيـه؛؛ كافي يمه بداعتي عندك رُسلان بيبي كافي
سكت رُسلان وسحب بيبي باس راسها وحچه
رُســلان؛؛ هاي الخاطرچ راح أعوفه
أنتبهنه ؏ صوتها الاجه من ورانه
يـاسميـن؛؛ اي مو هوه تايهلك وتعوفه صايرين زلم ؏ ابني دروحوو رجعو أختكم المانعرف هسه وين وشسوو بيها
هم إجه رُسلان يهد بس بيبي شمرت عليها السبحه وعاطت بيها
غـنيـه؛؛ أسسسس ولچ أني شگلت البارحه مو گلت ماتحچين ؏ بنات دخل يجي سويجد اذا ماحطيت حچيچ بيده أني معتبه
اجت البيبي تتوسل
يـاسميـن؛؛ لا عمه ؏ بختچ شنو تگوليله اني احچي هيچ من حرگة گلبي
نـارڤيـن؛؛ وحرگة گلبچ ماتطفه اله من تحچين ؏ أختي لو ؏ أخواني
أُسـامـه؛؛ اششش أنتِ لاتحچين سوالف مو مال زعاطيط
رُســلان؛؛ الف رحمه على والديك وبما أن تعرفها مو مال زعاطيط أنتَ اول زعطوط لازم تبتعد وهسه أنتَ زمخت بأختي گدامي وراح اعبرها الك مره ثانيه اشوه وجهك الي تحبه ماما
التفت رُسلان البيبي واردَف وهوه يعدل بملابسه
رُســلان؛؛ بيبي اني راح اطلع البنات منا واريد اخذ بنات عمي ساجد ويانه
قبل لا حتى يعرفون راح نروح وينه حچه أُسامه
أُسـامـه؛؛ لاااا أنتَ زودتها شنو تاخذهن تايهاتلك
رُســلان؛؛ ها بيبي
غـنيـه؛؛ وﷲ ماعرف يابيبي شو
قاطعتها عمه
يـاسميـن؛؛ شنو حتى بناتي بكيفكم تتصرفون بيهن اني ما اقبل تاخذهن
غـنيـه؛؛ عوفهن حبيبي وتوكل
سكت رُسلان واندارينه نريد نطلع وحچه أُسامه
أُسـامـه؛؛ عود تلحلحو وصيرو زلم ولحگو أختكم قبل لاتكسر وجوهنه
أنصدمت بكلامه هذا مو ؏ أساس يحبها شلون هيچ يحچي عليها شگد نذل مادري شوكت رُسلان طفر نام عليه ودگ ؏ وجها سحبنا ماكو اله من بيبي صاحت راح اتخربط يلا عافه بس عافه وجها سوا خريطه وبعده نار صاير
طلعنه وهوه شرار شگد غلاقتي قويه بي ومداهر اربعه وعشرين ساعه بس ماگدرت أحچي ويا وهوه بهذت وضعه وگفنه شوين نزلت تيجان وطلعنه متوجهين البيت جدو
اول ما وصلنه كالعاده شفنه رمزيه رُسلان همس
رُســلان؛؛ بس أنتِ عايزتني ومحمد احطها برگبتي اذا فكت حلگها
دخلنه هوه گدامنه واحنه تلاثتنه ايد بأيد ونمشي ورا گالت بأبتسامه مجامله وترحيب مُصطنع.
رمـزيـه؛؛ هلا هلا حبيباتي شلونكم
رُســلان؛؛ هلا بيچ جدي وعمي جلال وين؟؟
رمـزيـه؛؛ هاا جوه تعالو دخلوو
دخلنه وجدوه گاعد بالاستقبال وعمو يمنه توجهنه سلمنه عليهم گامو رحبو بينه وكيفو بجيتنه وبتيجان هم باعتبار اول مره زايرتهم خو جدي طار ببها شوي وأجت رمزيه باوعت التيجان الي گاعده بصفي او نگول ورايه مچلبه بي عبالك راح ياكلوهه وراح تموع من المستحى وگالت
رمـزيـه؛؛شنو اليوم شعجب وياچن صديقتچن
رُســلان؛؛لا هاي مرت قُتاده
رمـزيـه؛؛ياااا هاي الشردت وياا والانخطفو مالك و ويلاده من وراهه موو
صاح جدو بيهاا
عـيسـى؛؛ رمززززيه شهل حچي
رمـزيـه؛؛يا عيني شنو مچذبه أني بس وﷲ عمي حقه للولد يشردها ويقوم القيامه عليه دشوفوها شلون تحفه وتخبللل
رُســلان؛؛ كاافي حجيه
عـيسـى؛؛ أمشييي أطلعي منااا بسااع
طلعت من صاح بيها جدو وأشوف تيجان صارت حمره راح تبچي همست الها
نـارڤيـن؛؛ شبيچ عمري لا تهتمين الحچيها ترا محد قبل عليها
تيـجـان؛؛ راح ابقى طول عمري اتعير
رد عليها عمو الظاعر صوتنه مسموع
جــلال؛؛ يخسون بنيتي أحط حد الكل واحد يجيبي طاريچ بسوء وأنتِ دام نيتچ مو سوء ولا قصدچ تأذين لاتهتمين الكلام أحد
رُســلان؛؛ اي خويه ﷲ انطاچ أذنين وحده سمعي بيها و وحده طلعي السمعتي منها
نـارڤيـن؛؛ واذا ما يعجبچ سديهن ثنينهن ولا تسمعين احسن وخليهن يتلاطمن
ضحكنه وهيه ضحكت هم ونزلت دمعه بسرعه مسحتها خليتها براحتها ﷲ اليعلم بشنو جاي تفكر هم الحچي يسمم وهم اخوها ملاحگها ﷲ يساعدها ويساعدنه ؏ مصيبتنه انتبهت الرُسلان حچه
رُســلان؛؛ ياقوته گومي سدي الباب
گامت سدت الباب تحت صمت الكل ورجعت أشرلها عمو تروحله راحت گعدها بحضنه مثل كل مره وبلش رُسلان يحچي
رُســلان؛؛ جدي أني اليوم جايب البنات أمانه يمكم
جدو چان يسبح رفع راسه عاگد حاجبه وگال
عـيسـى؛؛ خير وليدي عسى ماشر
جــلال؛؛ شكو رُسلان
رُســلان؛؛ عز الدين اخو المحروسه مرت قُتاده عرفها يمنه ووصلنه خبر جاي النه وجبتها والبنات وياهه هم ما نأمن نبقيهن
عـيسـى؛؛ زين ما سويت بعيوني اخليهن عزيزاتي هذن هنه ومرت الغالي ؏ راسي
تيـجـان؛؛ سالم راسك جدو
عـيسـى؛؛ بعد عيني بنيتي اي رُسلان وشلون وصللكم الخبر
رُســلان؛؛ جدو مو تعرفهم همه شنو وناس مشبوچه بناس مو صعب يوصل هيچ خبر
نـارڤيـن؛؛ لعد اذا مو صعب ليش الحد هسه ماولتو المكان بابا وأدم وروماڤ؟
رُســلان؛؛ نارو اسكتي
جــلال؛؛ لا ليش تسكتها جاوبها
رُســلان؛؛ لان عز الدين
سكت باوع التيجان راد يحچي شي وتراجع ماعرف استحه او ماحب يجرحه عاد هيه كملت
تيـجـان؛؛ عز الدين تفكيره تفكير بليس ما يوصله بكل بساطه يظهر وبكل بساطه يختفي ويخلي الكل يتلاطم ويدور عليه ويخربها ويگعد ؏ تلتها ما يخاف من شي ولا يهتم الاحد ولا يفكر كل همه يوصل المبتغى.
نـارڤيـن؛؛ أنتِ ذكرتي أمچ وعندچ اخت وبنت عم وياكم مايخاف يوصلولهم؟
تيـجـان؛؛ صح عندي بس هوه مايخاف عليهم من قُتاده وهم محسب حساب هيچ شي ؟
نـارڤيـن؛؛ شلون يعني؟
رُســلان؛؛ يعني ماخذ حذره ومطلع أهله من البيت وماخذهم المكان ثاني محد يعرفه احنه صح ما توصل بينه الحقاره ونروح نلوي ذراعه بعرضه مثل ما هوه سواهه بس تفكيره هيچ وبعدهم عباله مثله
تيـجـان؛؛ لا مو هيج بس عز الدين مايثق بهذا الهوى اليتنفسى
رُســلان؛؛ وشجاب الثقه بموضوعنه جاي نحچي يفكر بردة فعلنه من خطف روماڤ
تيـجـان؛؛ مشكلة عز الدين مو بس وياكم الازهر اله ايد بكلشي صار لان چان يساومه ؏ شي چبير من ماگدر يحصلني الازهر راح يگلب الطاوله عليهم ويسوي شي مايخطر ؏ بال بليس فہ لهذا السبب عز الدين سفر أهلي
رُســلان؛؛ وشدراچ سافرو
تيـجـان؛؛ هاي مو اول مصيبه نوگع بيها وكل مره يسفرنه وأعرفه هسه أكيد سفرهم
جــلال؛؛ يعني هوه ما خايف ؏ أهلچ من قُتاده
جاوبه رُسلان
رُســلان؛؛ عمو بقاموس ابو العز ماكو شي أسمه خوف شتحچي أنتَ
تيـجـان؛؛ صح وهم يگلك مايوصلون الاهلي لان تلاثه عندي بس يوصل الواحد ثاني من أهلي يخطي خطوه تندم الكُل
عـيسـى؛؛ زين ماخاف عليچ وأنتِ عدنه
رُســلان؛؛ شيخاف هم يگلك يسولها شي أردها الهم ابتهم الي هيه روماڤ وهم ابوي يمهم وأدم يعني هسه هوه مربطنه تربط
تيـجـان؛؛ مو بس هيچ خلي نكون واقعيين عز الدين وقُتاده علاقتهم ثار الها سنين واصدقاء بس فجأه خربت بسبب راس الحيه الازهر بس مو معقوله بهل سهوله ينسه صداقته بقُتاده يعني هسه هوه ماخايف عليه هنا بس يريد يوصلني حتى يأذيني أني ويأذي قُتاده
نـارڤيـن؛؛ اذا هيچ ليش خطف بابا وادم وروماڤ
تيـجـان؛؛ ردة فعل لأن اني طلعت من البيت وهوه اباله قُتاده شردني وعنده علاقه بيه وهم هل شي الازهر وسوسله بي
رُســلان؛؛ الفهمته أخوچ ما خايف من قُتاده عليچ ولا من عدنه بس خطفه الاهلي من حرگته ؏ سويتي
تيـجـان؛؛ اي هيچ
نـارڤيـن؛؛ أخوچ داهيه
تيـجـان؛؛ كُلششش
جــلال؛؛ السالفه معقده
عـيسـى؛؛ المصيبه حتى من سوينه گعدة عشاير عشيرتنه رفضو رفض قاطع أن نفصل عشيىتهم او نگاومهم
أستغربت وگلت
نـارڤيـن؛؛ ليش جدو
عـيسـى؛؛ من گعدنه وگلنه وتناقنه وحظ وبخت بس بمجرد ماذكرنه اسم عز الدين سحبو بوشهم وگالو هذا واحد مايتقارش ويا مايعترف بعشيره ومايهتم القانون
نـارڤيـن؛؛ يعني عشيرتنه انسحبت
جــلال؛؛ اي وگالو احنه ماخل تردون نذب بيكم سند واطلعو من عدنه السالفه بيها دم تصير
رُســلان؛؛ عز الدين عنده سنن (سنن بمعنى اعراف العشاير) وقوانين هوه بانيهن ويريد المحيطين بي ينفذوهن لا اله صداد ولا رداد
انداريت التيجان بس باوعتلها هزت راسها اي بمعنى صح هل كلام
نـارڤيـن؛؛تيجان شلون عايشين ويا وهوه هيچ.
تيـجـان؛؛ هوه ويانه مو هيچ صح قوانينه صارمه بس داخل البيت عايفنه براحتنه وميدخل بينه أبد.
طال هذا الحديث الي كان خاص بأستاذ (عز الدين). بعدين جدو صاح مرت عمي وطلب منها تفرغلنه غرفه تذمرت وانزعجت من طلبه بس ماتگدر ترفض وراحت مثل الحبابه نفذت..
گام رُسلان ودعنه حتى يروح وجدو گال
عـيسـى؛؛ دير بالك من الطريق وليدي
رُســلان؛؛ ﷲ الحافظ جدي
وراح وعمو گام يودينه الغرفتنه مشينه ويا وياقوت شايلها وصلنه نزلها اباب الغرفه وحچه بأمر
جــلال؛؛ بنات أي شي يصير وياكم تسمعون حچايه او غيره هتجوني مفهوم
هزينه روسنه أردَف
جــلال؛؛ فهمتي نارڤين
نـارڤيـن؛؛ اي عمو
عرفت يقصد رمزيه او نسوان عمامي الباقيات. دخلنه الغرفه مرتبه مفروشه وبيها ديلاب ؏ صفحه بي خانتين وفوگا فراش مال نوم وبصفه كرسي وبيها مرايه مدگوگه بالحايط وبس
گعدن البنات قفلت الباب علمود تيجان حتى تحلل حجابها وصايتها اعرف ماتذبهن گدام احد گتلها
نـارڤيـن؛؛ نزي حجابچ وصايتچ تيجان محد بعد يدخل
هزت راسها ونزعتهن وتمددنه كلمن بصفحه وكل وحده بالها شارد بشي أحس حتى ياقوت طفلتنه مهمومه...
⭑⭑⭑⭑⭑⭑⭑⭑⭑⭑⭑⭑⭑⭑⭑
«شَـجـن»
چنت متمدده بفراشي ومتغطيه نفسيتي حيل تعبانه مالي خلگ روحي وبس اطلع من الغرفه تستلمني همه أمنه فہ باقيه بفراشي شويه وسمعت صوت صياح ماهتميت ماكو شي جديد تعودنه ؏ مشاكل بس هوايه بقى گلت خلي أگوم أشوف طلعت وچان أشوف ريلان ياخذ نارڤين وياقوت ويطلع واشوف أُسامه الوجه مدمه
طلعت اله أبچي وأحچي شبي محد يجاوبني بس أمي گالت
يـاسميـن؛؛ هذا رُسلان أبن الدايحـ* ضربه عسه أيده بالكسر
غـنيـه؛؛ ياسميييين وتاااالي وياچ
يـاسميـن؛؛ عمه ماتشوفين شسوه بأبني ليش بس تنحازين ألهم
غـنيـه؛؛ أني ما منحازه الاحد ثنينهم أحفادي وأعزهم بس ما اسمحلچن تدخلن بينهم واكثر من مره أگلچ همه اخوان يتعاركون ويردون
يـاسميـن؛؛ لا أخوان ولا بطيخ وبعد ما أقبل الأُسامه يمشي ويه هذولي الهتليه
غـنيـه؛؛ لسانچ ماتلزمي اله أگصه الچ
يـاسميـن؛؛ عمه شنـ..
أُسـامـه؛؛ يممممممه الخاطرر دينچ كااااااافي
خنست من صاح بيها أُسامه وراح الغرفته ركضت جبت وصله ومي حار ورحتله الغرفته دخلت گاعد ؏ چربايته ومرجع راسه ؏ تاج فتح عينه بعد ماچان مغمض شافني ورجع غمض رحت يمه خليت الطاسه مال مي ؏ كومدي مال چربايه وبللت الوصله وبلشت أمسح بوجها بدون لا انطق بحرف وهوه هم
واني أمسح يعفس بوجها متألم گلت
شَـجـن؛؛ ليش هذا العرك أُسامه من شوكت أنتَ و ولد عمي هيچ
ما جاوبني أردَفت
شَـجـن؛؛ ليش تسمحلهم هيچ يضربوك ليش ماتوگفهم عد حدهم
هم ماجوب خليت وسكتت بقيت أمس بوجها فتح عيونه حمرر دم صايرات باوعلي ونزلت دموع من عينه أنصدمت شنو يبچي ذبيت الوصله من ايدي وحضنت وجها بأيدي وحچيت بخوف
شَـجـن؛؛ أُسامه شبيك حبيبي شنو تبچي
نزل خله وجها بحضني وشهگ وحچه بصوت مبحوح
أُسـامـه؛؛ خسرتها شَـجـن خسرتها راحت من ايدي
عرفت يقصد ؏ روماڤ گلت
شَـجـن؛؛ أذكر ﷲ، عيوني أنتَ أن شاء ﷲ ترجع بالسلامه وتخطبها وتزوجون مثل ماچنت مخطط
أُسـامـه؛؛ ماترجع حتى أذا رجعت ماترجعلي خسرتها بسوالفي
مافهمت عليه سألت
شَـجـن؛؛ شنو ياسوالف أُسامه
جاي يحچي وفزينه ؏ صوت رمي طفر أُسامه وصاح
أُسـامـه؛؛ هذا عز الدين العار اجه
طلع يركض وأني ورا بيبي عاطت بينه مانطلع لان رمي بس ما اهتم طلع ولحگته أني الرمي چان بالجو وابابنه لمحت بس ظهر قُتاده وهوه يصيح
قُـتـاده؛؛ گلتتتتت ماموجوده أنتَ شبيكككك ماتفتهم عزز الدين عوف الرمي لا تضر ناس مالهم دخل
جاوبه الاسمه عز الدين بصوت أعلى
عـزالديـن؛؛ قُتااااااااده وحگ أبن البدويه أن مارجعت أختي يصير شي مايسرك
قُـتـاده؛؛ ترجع أبوي وأدم واختي ونتصافه ؏ موضوع مرتي الي هيه أختك
ماحس اله قُتاده تكوم بالگاع و واحد تگول ثنبن زلم ضخام ومطبوگين سوه نام ؏ قُتاده ودگ بوكسيات أُسامه صار فوگ هذاك وسحبه گدر يگوم قُتاده وهجم ؏ عز الدين چان ملثم وجها ما مبين وحتى عيونه الطالعه من اللثام مالمحتهن أبد صاح بصوت هز الشارع هز
عـزالديـن؛؛ ولككككككككككك عااااااااار تزووووووجها حتى تكسرررني وﷲ ماأعديها ألك وانه أبن أبوي
أشتدت العركه هجم واحد ثاني منهم مبينات بس عيونه لمحتهن زرگ مثل عيون تيجان توقعته أخوها وهم صار يضرب تقربت ؏ باب كلش أباوع اشوف بابنه مطوق بأربع سيارات و ولد ملثمين كلهم
استمر الوضع هيچ تقريب الربع ساعه صياح فشار وضرب أشوف رُسلان من بعيد نزل من سيارته واجه يركض جاي يروح عليهم بس عيونه صارت عليه شو هذا عافهم وأجاني عيونه بگصته وأني مثل البهيمه غير شفته جاي عليه ادخل بقيت متبسمره بمكاني دفعني وعلط بيه
رُســلان؛؛ دمااااغ سززز شلون توگفيننن هناااااا شعدچ جوووووه
هسه غير صيح يروح حتى ادخل لا لزمني من ايدي سحلني جوه وشمرني ؏ أمي وگال بتحذير
رُســلان؛؛ أذا شفت وحده منكم معتبه باب المطبخ اله اگضي بيها التوبه
غـنيـه؛؛ ؏ كيفك يمه شمالكم بس تصيحون
رُســلان؛؛ بيبي أحنه مهددين ؏ ساعه ماندري شيصير وهاي واگفتلي تباوع فلم عربي گدامهاا
دار عليه خزرني وگال
رُســلان؛؛ خلي اشوفچ طالعه بعد
خله وطلع وأني أرجف جسمي كله يختض من لزمني ودخلني ومن صياحه گالت أمي
يـاسميـن؛؛ هوه هاي گدرتهم علينه راح سيب خواته بالبيوت واجه يهوبز علينه
مانحس اله اجتها لطمه من بيبي بالعكازه ؏ ظهرها وگالت
غـنيـه؛؛ خلي يجي سويجد وانه الچ ميليييي من وجهي ولي الحجرتچ
راحت أمي الغرفتها واني بقيت گاعده يم بيبي ساعه صياح بالباب وماندري شصار خلصت هل ساعه ودخل ابويه والولد بس شنو حالهم مبهذل الملابس مشگگه والوجوه مگلوبه يمكن بس واحد يفك حلگه وياهم يحرگو تلگتهم بيبي وسألتهم شصار كال ابويه
سـاجـد؛؛ شصار يمه هذا ماناوي ؏ خير وماراح يسكت
غـنيـه؛؛ شنو هيه لعب ومايسكت فوگ ما هوه الخاطف ابني و أبنه وبته هوه ابو الراهي
سـاجـد؛؛ يمه خلي نحچي بالمعقول منو العايل
سكتت بيبي أردَف
سـاجـد؛؛ قُتاده هوه الي مندگ بي وهوه العايل
قُـتـاده؛؛ عمي شمندگ بي رحمه الربك
سـاجـد؛؛ وأخته الجبتها وخليتها
قُـتـاده؛؛ أخته حميتها منه ومن ردت اردها هدد يذبحها شلون اعوفها
سـاجـد؛؛ كل حچيك چذب أنتَ عينك ؏ بت وهيچ سويتو فلم
أبوي گال هيچ أنتفض قُتاده من مكانه وصار يصيح
قُـتـاده؛؛ يابه وحق ﷲ وحق المعصومين وحق المسيح بيش أحلفلكم بعد باليهود بالگوا** بالگحـ** وتصدگ ماعندددي شي وياههه وأني ماعرفهاا ولا داير بيناتنه كلام غير من وصلتلي الكلام الحاچي الاصخم (الازهر)
سـاجـد؛؛ وأنتَ زدت الطيييين بله ورحت تزوجتها
قُـتـاده؛؛ لو باقيه هنا بدون اي رابط بيناتنه چان گال ماخذها لعب بيها صاحبببي وأعرفه يشك بظافيره
سـاجـد؛؛ لااا أنتَ تحبهاا وماتقبل ترجعها
گام ؏ حيله قُتاده وحچه بعصبيه
قُـتـاده؛؛ أي أحبها وما أرجعها يلا أرتاح
وخل وطلع چنت صافنه ؏ عركه التفتت اباوع الرُسلان چان يباوعلي من باوعتله دار عيونه ابويه حچه وره قُتاده
سـاجـد؛؛ راح نصير تراب من وراهم هذا خبل وهذا بعد أخبل منه وتعال جيب الي يفهمهم
رُســلان؛؛ عمو هسه شنسوي
سـاجـد؛؛ مانسوي شي أني دزيت ولد راح يراقبون عز الدين ونعرف مكان أبوك واخوانك
أُسـامـه؛؛ خاف يسويلهم شي هذا مو صاحي
سـاجـد؛؛ لا ما يسوي لو يريد يسوي من اول يوم يسوي
سكتنه گام رُسلان جاي يروح ورجع حچه ويه أبويه وصرت أبلعم من طلب
رُســلان؛؛ عمو من رخصتك تعرف البنات مو هنا وأمي ما أحچي وياهه بس تجي شَجن تغسل ملابسي
سـاجـد؛؛ وعمو يحتاجلها طلب أخيتك هيه
إندارلي وگال
سـاجـد؛؛ گومي بابا روحي ويه أبن عمچ شوفي شمحتاج
گما ورجل تطگ برجل ارجف طلعنه يمشي گدامي صعد واني ورا ولا باوعلي دخلنه بيتهم هدوء تذب بي الابره ينسمع صوتها گال بدون مايباوعلي
رُســلان؛؛ تلگيهن ملابسي بغرفتي ؏ چربايه
رحت بدون لا ارد عليه دخلت غرفته شويه هوسه لملمتها وشفت صدگ أكو ملابس ؏ چربايه شلتهن وهوه دخل جاي أطلع سد الباب ورجعني عليه بهل لحضه لو تذبحوني قطرة دم ماتلگون شگد أحبه وماتمر ليله عليه بدون ما افكر بي بس التوتر والخوف الاني بي هسه ماينوصف گلت بصوت يرجف وكلمات متقطعه
شَـجـن؛؛ شب يك رُسلان
رُســلان؛؛ شلون توگفين بالباب ها
ماحچيت شي دنگت مد أيده ؏ حنچي رفع راسي صرنه عين بعين رجع گال
رُســلان؛؛ يعني لو واحد منهم شافچ وخطفچ ورايح شلون يعني أحنه روماڤ بعدنه مالاگيها انوب أنتِ
شَـجـن؛؛ وﷲ ماعبالي هيچ بس خفت ؏ أُسامه و قُتاده وطلعت اباوع
رُســلان؛؛ شتباعين متگليلي
ماجاوبته غير الموضوع من گال
رُســلان؛؛ ليش هيچ ذبلانه شبيچ
شَـجـن؛؛ مابيه شي
مدام هوه گدامي ويحچي أني أختض أبتسم ونزل راسه عليه جمدت من خله راسه برگبتي سحب نفس قوي كزبر جسمي من نغزات شواربه بس ماگدرت أبعده بقيت جامده أبتعد وگال بأبتسامه
رُســلان؛؛ أخذت طاقتي هههههه روحي راح تموتين روحي
هوه يحچي ويضحك وأني بعدني صافنه ؏ سواه گال
رُســلان؛؛ خررب هاي شبيچ سنحتي هوه نفس جريته منچ ولچ تسمعيني
هزيت راسي بـ أي وگلت
شَـجـن؛؛ أريد أروح نعست
طگها بضحكه وگال
رُســلان؛؛ روووحي يابه روحي
يگلي روحي ومخلي أيدي منا ومنا ومنتچي ؏ باب بعد ايده مسح ؏ شعره و وخر فتحت الباب وسويت بيب بيب طرت جوه دخلت الغرفتي وبعده تفكيري بالسوا كل شويه أخلي أيدي ؏ مكان الطخن بي شواربه وأبتسم أنوب ضجت گلت شلون يشوي هيچ وليش سوه بقيت بأفكار متناقضه
⭑⭑⭑⭑⭑⭑⭑⭑⭑⭑⭑⭑⭑⭑⭑
«رومــاڤ»
تمشي الايام وماعرف لا ليلي لا نهاري صرت أتعب من التفكير وأنام اسمع سوالفهم بره بس ما أفهم عز الدين صار مايدخل عليه أبد بس ليث يجي يمي علمود الاكل واطلع للحمام ويگعد يمي شويه نسولف ويشاقيني ويروح احسه عكس عز الدين واصلاً ولا يمه هذاك بس عصبي هذا يضحك ويسولف
بس كل تفكيري بقُتاده أگول معقوله ماسوه شي ولا حاول يدور علينه هوه ورُسلان وعمو ساجد او جلال أُسامه معقوله هيچ يعوفوني هسه شصاير يمهم
بيوم گاعده تعبانه صارلي يومين مسويه اضراب ؏ أكل بلكت اتمرض يصير بيه شي ويرجعني الاهلي بس الصار عكس كل هذا التفكير الاغبر أنفتح الباب مثل الهجوم ودخل المايتسمه شگد كرهته دخل مثل الثور الهايج وأجه عليه من خوفي طفرت من مكاني وبسرعه دخت وگعت وهوه هجم عليه رفعني وخنگني ويصيح بوجهي
عـزالديـن؛؛ تحچينننننن وتگولييين وين تيجان لااااااا هسه أدفنچچچ
يصيح بكل صوته ولان الغرفه فارغه صدى صوته طلع اجه عليه ليث يجر بي ويحچيي
لـيـث؛؛ عز الدين شبيييييك عووووفهااا تحچي صدگ هيه شعليها.
عـزالديـن؛؛ شنووو شعليها هسه تحچيييي
لـيـث؛؛ خااااب شبيك حتى لو تعرف مكانها هسه اكيد قُتاده غيره شبيك عوفهاا
ولا چنه يحچي ويا ويسحب بي ياجبل مايهزك ريح اختنگت النفس صرت گوه أجره وعيوني نطت رفعت أيدي بيه مابيه وصرت أضرب ؏ صدره حتى يبتعد عني من شافني كُلش أبتعد عني وگعت بالگاع صار يضرب بالحايط ويدگ برجله بالگاع اقسم باللّٰه احس الگاع انهزت من ضربه صرت أبچي وافرك لرگبتي وأني مفاهمه شبي اباوع دخلو ولد تلاثه ملثمين يباوعون چان ما منتبه عليهم هوه التفت وهوه يصيح شافهم لو رجعت أنگلبت.الدنيا صاح بيهم خلاهم يطافرون
عـزالديـن؛؛ گو** ولدد***** مسرحيهههه عنددددي انعل ابوكم لابو العرفني بيكمممم سا****
صار يعد ويوصف حتى ؏ لييث
عـزالديـن؛؛ شلوووووون تخليهم يفوتون
لـيـث؛؛ وأني منتبه عليهم التهيت اسحل بيك
رجع باوعلي بس شفته گمبص يمي نزلت دموعي وشي حار من خشمي گال
عـزالديـن؛؛ هاي شبيها
لـيـث؛؛ ترا صار الها يومين گاطعه الاكل وهسه انتَ زودتها عليها
أخر شي هذا سمعته وبعد مادريت رحت بوسط ظلام
حسيت بنفسي وأني أركضض ركض مو طبيعي سرعه أني منبهره بيها وكل شويه أتلفت أنلوت رجلي و وگعت وباوعت ورايه شفت بس شخص لابس رداء أسود وبي كبوس ويركض بتجاهي انرعبت منه ورجعت گمت أركض المكان الي اني بي غابه او بستان ما ميزته بس مكان يرعب
واني بطريقي أشوف بس ذيابه گدامي وكل ذيب حاد سنونه يريد يهجم عليه باوعت ورايه هذا اليركض عليه وگفت اخذ نفس بقوه واندب بحضي وين اروح وأني واكف هجم عليه ذيب بقيت بمكاني حطيت ايدي ؏ راسي وفجأه تغطيت بشي رفعت راسي نفسه هذا الي يركض ورايه ضمني بردائه وضرب الذيب أخذني وركض بيه
فزيت من هل حلم او الكابوس واني عرگانه وجسمي يرجف صرت أگح حطيت أيدي ؏ حلگي بعدت ايدي دم بسعالي ماهتميت بس اريد اهدئ لان فحطانه عبالك صدگ اركض
؏ صوت سعالي أنفتح الباب رفعت عيني اباوع شفته عز الدين انرعبت من شفته چان عكس كل مره لابس فانيله نص اردان وبنطرون درت عيني اباوع غرفة مستشفى باوعت اللبسي لابس صايه سوده رجعت ؏ سديه وگلت
رومــاڤ؛؛ لا تتقرب عليه لا وﷲ هسه الم المستشفى عليك
عـزالديـن؛؛ خوش صيحي بس اذكري البابا
حچاها وراح يم الميز عليه أبر يلعب بيهن وأني اهتزيت هز گلت
رومــاڤ؛؛ شتسويله؟
رد عليه بغير شي مثل عادته
عـزالديـن؛؛ هاي أبر مال فقر دم لازم تلتزمين بيهن وهم ينظربن بالعضله
كشر وجها ظهرت سنونه ابيض من حياتي العايشتها وكمل
عـزالديـن؛؛ والمفاجأه أني الراح أضربهن الچ
وغمز رديت بنتر
رومــاڤ؛؛ تحلمممم أموت وما اخليك تلمسني
عـزالديـن؛؛ جيد نشوف
رومــاڤ؛؛ أريد اطلع منا
عـزالديـن؛؛ ها اشتاقيتي السجني
ذبيت نفس بنفاذ صبر وجاوبته
رومــاڤ؛؛ أطلع مني أريد ارتاح
شو ذب كلشي بيده وأجه كعد گدامي ؏ سديه ويباوعلي بأهتمام وگال
عـزالديـن؛؛ راحتچ بوجودي حبيبتي
رومــاڤ؛؛ ايييععع أتفل ؏ راحه التجي منك ولا تگول حبيبتي تلعب نفسي ويلا ولي منا
رفع ايده يريد يكفخني ورجعت راسي گال
عـزالديـن؛؛ مشكلتچ هسه عليله من نطلع منا نتفاهم وبس يخلص المغذي نطلع
باوعت للمغذي بي ربع راح ينتهي گلت
رومــاڤ؛؛ ماريد أطلع منا ماريد اطلع
عـزالديـن؛؛ اي مو فندق بابا مالك حتى تبقين هسه راجعلچ بين مايخلص المغذي
طلع وأني صارت عيني ؏ مغذي وصرت أتوسل بي مايخلص اييي اييي هيچ وصلت بيه اتوسل بالمغذي شويه ودخلت الممرضه بدون متحچي شي شلعته من خلص وراحت گمت ودخت ورجعت گعدت شويه ورجعت وگفت وصرت اتمشى
باوعت من باب الغرفه ماكو ماموجود شكرت ربي اجه الفرج طلعت امشي بكل ثقه راح اشرد واخلص منه ماحس اله ايد انحطت ؏ چتفي سوت عندي اختلال بالتوازن جاي اوگع وهوه ثبتني گال
عـزالديـن؛؛ تردين ترحين للحمام
قبل لا اجاوبه أردَف
عـزالديـن؛؛ من عيوني حبيبي بس غير تنتظرين اجي اوديچ بلا تخربطتي غير اموت بعدچ
يحچي من كل عقل لزمني من ابدي وداني للحمامات وأني انعگد الساني مانطقت بحرف وچانت مره چبيره واگفه گال الها
عـزالديـن؛؛ يمه هاي مرتي بس أگدر ادخل وياهه لان تتخربط
صخاااام منين اجيت مرته عصر ايدي حتى ما أحچي المره گالت
؛؛ يمه شلون تدخل كلهن نسوان ضل هنا واني وياهه
عـزالديـن؛؛ لاااا يمه
المره فزت من صوته غمضت عيني يأسانه منه رجع نصه صوته وطلب بهدوء
عـزالديـن؛؛ يمه هاي صغيره و تخاف وعروس بعدها وعندچ الحساب
؛؛ ها هيچ لعد تعال عيني ادخل وياهه
شو هاي من صدگ وخرت ودخلتنه دخلت ودگيت رجل
رومــاڤ؛؛ أنتَ من كل عقلك شنو تگول مرتي
واني أحچي هوه سحلني وفوتني الحمام ودخل ويايه خلاني الطم وگال ابرود وثقه
عـزالديـن؛؛ يلا أنزعي
رومــاڤ؛؛ شنووو!!!!!
عـزالديـن؛؛ مو تردين حمام
رومــاڤ؛؛ ومنو گللك أني أحتاج حمام
خزرني وگال
عـزالديـن؛؛ لعد شعندچ طالعه تردين تنهزمين
رومــاڤ؛؛ لاا بسـ...
قاطعني
عـزالديـن؛؛ هسسسسس حسچ ما اسمعه هاچ
أنتبهت اكو علاگه بيده طلع منها حجاب وأنطانيا وگال بأمر
عـزالديـن؛؛ هاچ غطي شعفتچ بييي
رومــاڤ؛؛ ترا أني مو محجبه
عـزالديـن؛؛ بس أني عاجبني أحجبچ
رومــاڤ؛؛ وليش بصفتك منو يمه
عـزالديـن؛؛ رجلچ لو نسيتي هاااا
يحچي ويغمز شككني بنفسي گلت
رومــاڤ؛؛ درووووح ما ألبس
عـزالديـن؛؛ تلبسين غصباً عليچ
رومــاڤ؛؛ ما ألبس
عـزالديـن؛؛ خوش نبقه هنا يلا أنزعي
رومــاڤ؛؛ هااااي شبيك شنو أنزع
عـزالديـن؛؛ غير ماتقبلين تلبسين حجاب لعد انزعي
رومــاڤ؛؛ لا أنتَ اكيد شاخط اگله مو محجبه يگلي أنزعي
شو بسرعه تحولت نظراته وخزرني وحچه بغضب
عـزالديـن؛؛ ألبسسسيييي
بلعت ريگ وسحبته منه ولبسته هسه بس أعانده ماعنده مانع يذبحني ويشمرني بالمجاري عكس قبل شويه يحچي بهدوء من شافني لبست فتح الباب وطلعنه وأني يسحل بيه ورا طبينه بالغرفه فزيت من شفت ليث نايم بمكاني ؏ سديه طفر من شافني ويحچي
لـيـث؛؛ ستموووني حمدﷲ ؏ سلامتچ ولچ هيچ تخوفينه عليچ
رومــاڤ؛؛ تسلم ليوثي ﷲ يسلمك
لـيـث؛؛ لا لا لدلعيني لا رجلچ يغار
عگدت حاجبي مافاهمه شي
رومــاڤ؛؛ شنو؟ منو رجليي.؟
ضحك ليث بصوت عالي وعز الدين انطا لطمه ابطنه ولا چنه مستمر گعد ؏ سديه وگال
لـيـث؛؛ ولككك ستموني غير عزوز گلب الدنيا من تخربطتي وجابچ هنا يصيح مرتي مدري شبيها وتلگو الدكاتره خبصهم وچنه منتظرين ولي العهد بس طلعتي مو حامل
رومــاڤ؛؛ أنتَ شجاي تحچي
عـزالديـن؛؛ يمسلت معليچ بي يلا شيلي علاجچ خلي نطلع
باوعت الليث من حاچاني
لـيـث؛؛ ستموني من الدكتوره شافتچ گالت أحتمال حامل من شافت عزوز مخبوص
انداريت ؏ عز الدين وحچيت
رومــاڤ؛؛ أنتَ شلون تگول مرتي شنوووو ماتحترم
عـزالديـن؛؛ دنچبي ويلا نطلع
رومــاڤ؛؛ بلا أخلاق
عـزالديـن؛؛ جيد همزين عرفتي راح اطلع گدامك دقيقه ومزروعين گدامي ثنينكم
طلع وبقى ليث يحشش طلعنه ورا صعدنه بالسياره عز الدين يسوق بس عبرنه المستشفى بمسافه طبگ ؏ صفحه ونزل وليث صعد بمكانه اجه يمي انطاني بطل گال
عـزالديـن؛؛ اشربي هذا بي فوار كتبه الچ الدكتور
وأني شربته بدون نقاش شويه واحس عيوني تنسد ونمت فزيت غرفه احسن من الچنت بيها نظيفه ومفروشه ومضويه بس مابيه شباك گمت للباب فتحته تعجبت من أنفتح رحت اباوع كأن بيت مال ساكنين بي ناس مو مهجور مثل الچنت بي
رحت للحمام وغسلت وأني ؏ مغسله سمعت صوته يصيح
لـيـث؛؛ وينننن ستموووني تعالي رجلچ تسوگلچ احتياجات خاصه وعامه
طلعت اشوفه مبسط بعلاليگ بالگاع وعز الدين ؏ قنفه گاعد يدخن صارت عيني عليه گال
عـزالديـن؛؛ اخذيهن للغرفه
لـيـث؛؛ لا شنو تاخذهن خلي نشوفهن سوه
رومــاڤ؛؛ شتشوف
لـيـث؛؛ هذني الغراض اشكال الوان جابلچ جذب الجذبه وصدگها جهزلچ مهر كامل
صدگ هوايه علاليگ جاي اشيلهن انطعنت حمره ومتتت خجل من هذا المفضوح رفع علاگه وگال
لـيـث؛؛ هاي بس لبسـ** وسـ*** احتياجات خاصه
رفسه عز الدين وگاله
عـزالديـن؛؛ الارعن أذا تعرفهن خاصات شكو تمضرط
لـيـث؛؛ غير أشوفهن المرت اخوي
أخذت العلاليگ وطفرت للغرفه وبعدهم يتناقشون بس متت مستحه هذا شنووو خليت العلاليگ ؏ صفحه ورجعت نمت بالمكان الچنت نايمه بي مرت الايام ماكو شي جديد..
⭑⭑⭑⭑⭑⭑⭑⭑⭑⭑⭑⭑⭑⭑⭑
«نـارڤيـن»
مرت اربع ايام أحنه هنا الوضع هادئ ماكو شي جديد رمزيه ماتگدر تحچي لان ما نطلع يمها بس من عمو جلال موجود وعمامي الباقين واحد عازل بالفوگ و الثاني مطلع مشتمل من البيت ومايجون البيت جدو هم ارتاحينه من هل ناحيه بس ياقوت ضاجت تريد تلعب وهيه متعوده ؏ مُراد ماتريد هيچ خامس يوم گاعدين نصفن باوعتلي تيجان وگالت
تيـجـان؛؛ أگلچ هذا جدچ ابو ابوچ غير.
نـارڤيـن؛؛ اي
تيـجـان؛؛ لعد ليش مگاعدين وياكم ومنو هاي المريه .
نـارڤيـن؛؛ هاي مرت جدي
شهگت ولطمت ؏ صدرها وگالت
تيـجـان؛؛ جدچ متزوج ؏ بيبيتچ
نـارڤيـن؛؛ لا مو متزوج عليها بس هم انفصلو قبل وجدو اتزوج وراهه
تيـجـان؛؛ ياا ليش عود
نـارڤيـن؛؛ صايره مشاكل وتشوفين هاي رمزيه هيه ام البلاوي وسبب كل المشاكل الصارت.
تيـجـان؛؛ سولفيلي عليچ ﷲ شو تحمست
نـارڤيـن؛؛ الگوم گايمه والعرب نايمه يعني احنه وين وتردين احچيلچ هل سالفه
تيـجـان؛؛ هوه إحنه متگابلات وگاعدات ماعدنه شي عاد خلي نسولف
نـارڤيـن؛؛ هم صدگ لعد اسمعي
سحبت المخده وخلتها بحضنها واجت تربعت گدامي گلت
نـارڤيـن؛؛ شنو راح اخذلچ خيره وهيچ گعدتي
تيـجـان؛؛ لا تاخذين خيط دحچي
نـارڤيـن؛؛ باع راح تموت من الفضول
تيـجـان؛؛ همزين تدرين يلا فضيني
ضحكت وبلشت احچيلها
نـارڤيـن؛؛ شوفي خيه هاي قبل چانو بيبي وجدو يگولون اني مادري لان اصلاً چنت ما جايه للدنيا يگولون چان يحبها ويموت عليها ويتمنى رضا بيبي وحتى زواجهم عن حب أخذها
تيـجـان؛؛ اي
نـارڤيـن؛؛ اي چانت بت جيرانهم ويحچي وياهه من السطح واتعلق بيها حيل وطلب من ابو يخطبها خطبها ما صار عارض بزواجهم بالعكس كلها رضت واتمنولهم السعاده اهل جدو اهل خير وعز وكرم فہ جدو اول ما متزوج گاعد وحده هوه وبيبي ماگعد ويه أهله عاشو حياة حلوه وهادئه كل مشاكل مابيها وخلفت بيبي عمو ساجد وابوي وعمه أمنه وعمو جلال وبحكم چانت وحدها بالبيت هوايه عدها صديقات من ضمنهن رمزيه!!!
تيـجـان؛؛ عزززا يعني خانها ويها؟!!
نـارڤيـن؛؛ لا أسمعي جايتچ بالحچي لا تبقين تنطنطين
تيـجـان؛؛ خوش كملي
نـارڤيـن؛؛ اي وچانت تجي يم بيبي وتساعدها بالبيت مشت الايام وبيبي علاقتها تقوه برمزيه بحيث صارت تطلع وتأمن رمزيه ؏ بيتها من يمها وجدو بلش يتغير ؏ بيبي السبب ما معروف شنو الغيره محد يدري وحتى صار يضرب بيبي هنا رمزيه قلت جياتها يم بيبي وحتى من بيبي تروحلها رمزيه ماتطلع الها وتتحجج عدها شغل او شي وماتلتقي بيها مرت سنه هيچ علاقة جدو وبيبي لحد ماكلش بيبي طگت روحها ماتحملت واحد يعاملها هيچ وراحت الاهلها وشكت حالها الابوها ابوها طلب جدو وگعد ويا وعاتبه بس شنو السوا جدو؟
تيـجـان؛؛ شنو؟!
نـارڤيـن؛؛ حاچي حچي ؏ بيبي مايلبس ؏ ثوب و؏ اساس بيبي تجيب رجال من يطلع وهنا ابو بيبي متخبل شلون هيچ يتهمها سائل جدو أنتَ شايف هذا الرجال گايله لا وصلي حچي والوصله شخص قريب حيل عليها.
تيـجـان؛؛ صخاام رمزيه الگايله
نـارڤيـن؛؛ راح اكفخچ مو مندمجه وجاي احچي بطريقه مال اكابر ليش تگمزين
تيـجـان؛؛ اسفه اسفه كملي حبابه.
نـارڤيـن؛؛ هنا بيبي متخبله بچي ؏ لطم حتى ذابه نفط ؏ نفسها ورايده تحرگ روحها
تيـجـان؛؛ سوده عليه
نـارڤيـن؛؛صايره عركه شكبرها بين اهل بيبي وجدو ومتگاومين عشائرياً بتهمة طعن بالشرف ومحلفين جدو يجيب الموصله هل حچي ويحلف بالقران أن هوه شايف بيبي خاينه جدو هنا جدو رايح الرمزيه لان هيه موصلتله وطالب منها تجي تشهد ورمزيه لعبتها صح شارطه عليه تشهدله وتسوي كلشي يريده بس وراهه يتزوجها وجدو سوه مثل ماتريد اخذها وحلفت ؏ قران زور واخوان بيبي رادو يذبحوها بس احد الشيوخ ماخذها منه وطلب يسون طريقه ويكشفون الكاذب
تيـجـان؛؛ ياﷲ اي ولچ لا تسكتين كملي
نـارڤيـن؛؛ جاي احچيلچ قصة ليلى والذيب ومادري
تيـجـان؛؛ والحمزه هاي احلى من صخمه والذيب خلصناهه كله الذيب يطارد وره ليلى هاي مختلفه كملي كملي
ضحكت هازه ايدي وكملت
نـارڤيـن؛؛ چانت شنو خطة الشيخ تروح بيبي ؏ رمزيه تحچي وياهه بحجة تعاتبها اذا هيه ماعدها شي وتگلها شلون تتهميني هيچ اتهام وتروح وياهه وحده من نسوان الشيخ يا اما اخته مرته بنته وصدگ الكل وافق وراحت بيبي وياهه مرت الشيخ البيت رمزيه وبيبي طلبت من رمزيه يحچن سوه وحدهن ومحد عارض وخلوهن براحتهن وصدگ بيبي گعدت تحچي وياهه وعاتبتها شلون هيچ تسوي وچان ردها بكل وقاحه وعين صلفه أني حبيت عيسى وحبيت أهتمامه بيچ وأني دخلت التلاثين ومحد مگلبني أني سويت هيچ حتى يعوفچ ويصير الي
تيـجـان؛؛ اييييع شگد قبيحه
نـارڤيـن؛؛ اكثر ماتصورين وباقيه تحچي وماتدري مرت الشيخ تسنط عليهن بيبي راده عليها رد واحد وهوه حوبتي وحوبة شرفي الطعنتي بي وحوبة ولدي ماتتعداچ ومخليه وطالعه من راجعات بيبي ماحاچيه شي ومرت الشيخ هيه الي سولفت الهم كل الي حچته رمزيه وكله چذب وطعن وحتى حلفانها باطل
تيـجـان؛؛ اني هذا الكتلني شلون حلف ؏ كتاب ﷲ چذب
نـارڤيـن؛؛ ايدها الحلفت بيها انشلت
شهگت وگالت
تيـجـان؛؛ دخيلك ربي تمهل ولا تهمل كملي فدوه
نـارڤيـن؛؛ الشيخ واهل بيبي مودين ؏ جدو وانعاد كلشي گدام جدو ماگال شي جدو ورايد يرجع بيبي بس بيبي عزيزة نفس مو شلون ماكان وعدها كرامتها فوگ كلشي گدام الزلم الگاعدين گايله اله اذا صدگ أنتَ رجال طلگني وجدو كأن چان منتظرها تحچي هيچ وطلگها بس ماقصر وياهه اشترالهه بيت وخلاهه هيه وابويه وعمامي بي وراح تزوج رمزيه
تيـجـان؛؛ حتى من عرف بيها تچذب تزوجها
نـارڤيـن؛؛ بيبي تگول رمزيه ماخذه درب السحوره يعني ثبتته بهذا الطريق الي لا يرضي ﷲ ولا عباده وهيچ عاشت ويه
تيـجـان؛؛ اووف ﷲ يساعدها شلون هيچ تحملت
نـارڤيـن؛؛ بيبي قويه وأفتخر عندي هيچ إم أب
تيـجـان؛؛ ﷲ يحفظها ويطول بعمرها
نـارڤيـن؛؛ أمين
گمنه نطلع من سمعنه جدو يصيح رحنه يمه سألنه ؏ ولد گال ماكو شي جديد تعشينه ورجعنه للغرفه تيجان لفت راسها ونامت ولحگتها ياقوت بقيت بس أني اتگلب اريد أنام ماكو للوحده باليل وأني النوم مجافي عيوني
عطشت گلت أطلع اشرب مي طلعت اتسحب ؏ كيف لان ميساء الساحره رمزيه اذا گعدت تضل تمسلت وطبعاً أني ما اسكت وتصير مشكله
وصلت للمطبخ جاي أشرب مي من الثلاجه كملت حمدت ربي جاي أندار وجمدت بمكاني من شفت واحد واگف جاي أعيط خله أيده ؏ حلگي وسفطني ويه الحايط.........
.
.
.
.
.
.
.
.
.
.
. يتبـــ؏
توقعاتكممم شنووو؟؟؟؟
★★★★★★★★★★★★★
ملاحضه ⭕///كُلشش أعتذر من النجمات بخصوص تأخير التنزيل بنات أني جاي أدرس وﷲ ما ألحگ اكتب وادرس وهم عندي ألتزامات بالبيت فہ ماگدر أكتب يوميه والي متابعاتني بالانستا خبرتهم وانطيتهم علم التنزيل راح يكون كل يوم خميس هم اني اخذ مساحه اكتب بيها وهم أنتُ تكونون ماعدكم شي يوم خميه وليلة جمعه تگدرون تاخذون ريست نص ساعه تقرون أتمنى الكم سهره سعيده احبكم وياريت متقصرون بالتفاعل وتفرحوني
★★★★★★★★★★★★★
تابعوا حساب الانستا حتى تعرفون كل أخبار الروايات والابطال. الحساب 👇🏻.
aeat.t21
وقناة التلي القديمه راحت ويه الحساب لان ما صار وعطلته اذا تحبون انظمو العائلتي الصغيره والمتواضعه بالتلي بقناتي الجديده المعرف 👇🏻
t.me/nagmatayat