#انتي زۣهۣۗہرتي ఌ︎🌸
رواية...#زهےـِرة_أّلَمًطِعٌمً
كاتبه : ليــان جاســم
🌹🌹🌹🌹🌹🌹🌹🌹🌹
كنت مستعدا دائماً للوداع قبل أن يبدأ اللقاء ...
فكم غريبة هذه الحياة...
تأتيك بالخيبات والإحباطات ....وتحطمك رغم كل قوتك وثباتك وإيمانك فلا تستغرب...
ماتفعله هذه الأشياء في قلب الإنسان....
------------------
صبح كعدنه وبيت وجهال هوسه كمنه ساعدنه بنات بعد ما خلصنه رحنه بيت عمي لكينه نور مجهزه روحهه يخذوهه صولون وسرور وياهه وهدئ ، مرام طبكت وياه نور بسوالف طلعنه وياهن صولون هناك سوينه تساريح وميكب لبسته فساتين وطلعنه ساعه ب 1، القاعه
طبعن حجزو قاعه من بارحه كوولش حلوه وكبيره
اول ما دخلنه لكينه عماتنه ونسوان لي جايات من كرايبهم .. بقن يرقصن ودخلن عريس طبعن عمار، شكول طالع يخبل حلو كولش هوه شكر يختلف عن خوته سمراني قليل ولابس قاط ... رصاصي وليكين هوه ونور وكفت خذتلهم صور وصورت وياهم وبنات هم واني ومرام خذنه كومت صور ومرام ، تخذلي مقاطع صور واني ورقص ..بعد ما خلصت زفه بقن بس عيال عروس واهل عروس ..
رجعنه البيت جدي. وكلهم هناك مجمعين ستونه نزلنه ندخل بيت كالت مرام : ياا هذاك برااء
كلت : شبيج كمزتي حلمانه بي
كالت :لا والله هذاك ..باوعت صدك شفته واكف يم سيف هوه شافنه رفعنه أيده بتسمت وتجهت لي سلم علي
زهور : شلونك براء هاي جيتو انتو هم
براء : اي جينه صبح وهنا بقينه بيت جدي شنو جيتجن من قاعه
:- اي والله هسه تعال سلم على هدئ
راح سلم على هدى وسرور وسمر ..بس سهر وسحر ستحن ما سلمن علي كتله : هذني خجولات ميعرفنك منو هوه بتسم جانه سيف يباوعنه شر براء وطلع دخلنه
كالت سحر : گولچ هاذه براء صدك إني ما شايفته بحياتي
:- اي غير مهتم بدراسته ميجي لهون
كالت : واوو والله يخبل طالع وهم عيونه كولش حلوات
طفرت مرام : هيي انتي مو خليتي عيونج علي
سحر : وانتي منين تعرفي طفرتي
مرام : عرفه هوه ... سكتته كولت سكتي راح تفضحينه "صمت حلكهه دخلنه بدلنه ملابسهه وكعدنه نرتاح مرام ،حضرت روحهه امهه تصلت عليهه لا ترجع كالت : روح ما ابقه ماما تصلت عليه
طلعت هدئ، شوف يوسف يوصلهه بس يوسف ماكو وياه جماعته صاحت سيف عنبل ميروح ولا حسن
كال براء : هاي شساوي هنا ولچ
مرام : غير زهور لزكتلي لة روح وياهه
ندستهه كلت : لچ إني او إنتي كمتي تعوين كدام امج لا ترحين
ضحك براء كال : ياله إني حروح تعالي وصلج وياي
هيه ما صدكت جتي بوستنه وكالت : حرامات عروس مالحك شوف زفتهه بوسلياهه وانتي شوكت تجون
كلت : يجوز باجر سلميلي على شيرين
كالت : يوصل كلبي .. راحت مرام وياه براء ..
اليل زفوهم اخذوهم بيتهم كبل لان عمي شترلهم بيت حلو كولش وقريب علينه نكدر نروح ونشوفهم بعد عشه كل طشو بيوتهم من تعب إني رحت ويه سرور بقينه سوالف وضحك وهيه تحجيلي عن معانات ابنه
كولت سرور ليش ما ترجعين مهند اكو فرصه لكم لازم تصلحون وتقبلون عرف بعدكم تحبون بعض بس هيه ماكو رافضه علمود ابنهه
لبست شالي وكلت خلي روح يم سمر ماطول بقت يم اهلهه كوه كامت كالت روح انام ..بس خذتهه وياي لكينه سمر تفتر بالحديقه تخابر بزوجهه نتضرناهه مرجوحه خلصت مكالمه جت كعدت يمنه بقت سولف جتي فكره براسي دزيت رساله سمر ..
هيه فتحت تلفون قرتهه وباوعتلي شرتلهه نكوم
كالت سمر ..روح شوف بنتي خاف كاعده بقن هنا دخلت بقينه كاعدين دخل مهند شافنه كعدين
كال .. سلام عليكم
ردينه ..وعليكم السلام .كال شنو متنامن
كلت ..حروح انام تعال كعد ويانه
كال ..لا روح انام خليكم براحتكم
كمت وكفت وجريته من أيده كعته بص سرور
وكلت : كعدو انتو اثنين عدي موضوع وياكم
«بوعو بعضهم ورجعو باوعولي »
كالت سرور ..شنو زهور خلي روح انام كافي
رادت تكوم رجعته مكانهه
كلت ..سمعوني ثنينكم اكو مواضيع كعدو ثنينكم وتفاهمو بيهه وذا من صدك تحبون بعضكم لازم تحولون مره ومرتين وثلاث وبقو حولو لا تخلون بهل سهوله
مهند : زهور شني هل حجي
:- سمعني مهند انت بلول ليش متروح تزوج شمنتضر هاا لو منتضرج سئلي سرور ليش ما يزوج شمنتضر
سرور بوعتله ونزلت راسهه
كالت بخيبات ..اي مهند لازم تزوج لا تنتضرون شي مني كال : حتلو بقه منتضر
:- بقو كعدو واحد يسئل وثاني يجاوب إني حروح بس عيوني عليكم من. فوك متروحون منا يمن تحلون بينكم
سرور : الله يخليج زهور كافي
:- شنو هوه لكافي هااا لو تخافين من عقيل مراح يساوي شي ابنج بيدج وخذتي حقج من محكمه شمنتضره لو منتضره يزوج هوه بعد كم يوم شوفي جهاله وراه وزوجته وياه لازمه أيده وانتي بقي تالي عمرج تبجين حجو وفهمو بعضكم تصبحون على خير
عفتهم ورحت دخلت فتحت مطبخ شرب ماي كعدت على كرسي فتحت تلفوني ماكو اي رساله منه خذت نفس .. ونزلت راسي دخلت سمر
كالت : هاا زهور شساويتي
:- خليتهم كاعدين سوه بلكت يتفاهمون ويرجعون سوه
كالت : انشالله وانتي مراح تنامين
:- اي راح صعد .. صعدنه باوعت من شباك شفتهم كاعدين طمنت رجعت صطحت بوعتلي سمر خلت ايدهه جوه راسهه كالت : شبيج زهور كو شي جديد
خذت نفس وهزيت رأسي
سمر : لاحضت هذه من اول ما بدت حنه حجي منو شفتي كريم ولا محمد
:- اي شفتهم ثنينهم سمر " غمضت عيوني "
وكلت .. محمد طلع يحبني ..بتسمت
كالت : شلون عرفتي
:- هوه عترفلي بحبه لي ..بقت مبتسمه كمت كعدت وكلت : شبيج شو ما ومتفاجئه
سمر : لان جنت عرف محمد يحبج من نبره صوته من اول ما خبرتي عرفته هوه شكد محبته عزيزه عليچ بس جنتي مغرومه بطعم كريم لي عماچ
:- بس كريم ما يعنيلي شي بعد يكون بس محمد ووفف حركته وما تقبلت بقه وياه
سمر : لعد ليش انتي كيبه مو تحبي هاا مو تعرفين كلبج انج تحبي ليش ما كولتي انج هم تحبي
:- معرف حسيت نفسي إني وحده محتاله وخاينه لان حبيته اخو وبقيت كل هل فتره بعلاقه وياه شراح كوله لمه يسئلني جنت حبه اخوك وتركتك علموده
سمر : حاسه بالي تفكرين بي بس مو عبالج اول علاقه راح تكون خيانه بنسبه علاقه ثانيه بالعكس تبلشين بحياه جديده ويه شخص لي بلشتي وياه صح حنه حيانن نفشل باول حب بس اكو فرصه راح تعودنه ونصلح غلطنه وانتي راح صلحين هل غلط وانتي ومحمد ليكين بعضكم انتو ثنائي رائع ومحمد شخص محترم من نضرته وشكله وكلامه واضح انو نسان طيب ومحترم عكس اخو غامض
خذت نفس وبتسمت كلت : صح محمد احله نسان بحياتي جنت كل يوم بلش بيوم جديد بفضله وكلهه كل سعاتي لان مرح وشقوق وجهه كول اليوم يحجي ويضحك لچ حته من اكون حزينه وضايجه ما يسئلني شبيج بالعكس هوه يعرف يتصرف بدون ما يسئل ويبفه كول اليوم يضحك ويشاقه وماكو اي يوم مشاكل هوه لي جمعنه بروح وحده واني جنت تونس من اكون وياه وذا يوم بدونه هووسه ممملل
( سولف وضحك وسترجعت ذكريات قبل وسمر مخليه ايدهه على خدهه ومبتسمه
:- بس إني حركته بكلامي كوتله ماكدر كمل وياك اكو شخص ثاني حبه كلبي
كلي : انتي تحبين بس ما جوبته جان واضح سؤال ..غمضت عيني
سمر : زهور لا تكونين يائسه اكو فرصه ثانيه لازم صلحين غلطج وعترفي لي بكلبج وخلي كوولشي وراج
بتسمت كلت : يعني خابره حجي لي بكلبي اكيد هسه يفكر بكل صار
سمر : لاا زهور مو بتلفون شوفي وجهن بوجهه وحجي وياه وتفاهمو ( خلت ايدهه ع قلبي كالت : طالعي لي موجود هوون كوول ذكرياه لي ربطتكم بروح وحده "بتسمت ..
______________
سرور .. مهند الله يخليك لا تنتضر شي مني ماكدر والله إني مو انانيه زوج علمود عيش حياتي عدي طفل محتاج ام تحضنه وتربي وتفكر بس علمود مصلحته
مهند : سرور انتي لازم سمعين مصطفى مثل ابني. إني لي راح ربي راح كون ابو له وكلشي عوضكم عني لي عشتو صدكيني وبحياتي مراح تخله عنج سرور إني ولله روحي متعلقه بيج ماكد حب غيرج ولا عيش ويه نسانه غيرج الله يخليج فكري بالي كوله ذا مو علمودج علمود ابنج
نزلت رأسي بخيبات غمضت عيوني ورجعت فتحتهن
كلت : الله كريم مهند بس لا تنتضرون اكثر لان مراح تلكه جواب لحسن شوف طريقك مكو احد بهل حياه راح يمعنه وعائلاتنه مراح تقبل شلون مهند إني وانت منتراهم شراح يحجون عمامي طلقت من اخوهم وزوجك انته وهذه ابنه هاا يعتبرك عمه مايصير مهند شراح تحجي علينه ناس
مهند : ما يهموني لو يهموني ما بقيت وراج بس فكري سرور مراح زوج غيرج ( بتسمت وهزت راسيهه
كامت وكفت وكالت : متوقعت انك هلكد تحبني ولحد هل يوم توقعت من اول ما زوجوني طلعتني من كلبك ونسيت سرور منو بس تالي طلعت نسان لي رب العالمين راح يجمعنه فد يوم نسان لي ختاره ربي لي
بتسم لزم ايد كال : سرور يعني موافقه نبقه سوه
هزت راسهه بتسامه وعيونهه تلمع
سرور : اي موافقه بس مو بهل ستعجال لازم نحل كولشي بلاول وكلهه تعرف ونشوف موافقات اهل بالول
مهند : كلشي ساوي علمود عيونج حلوات
بتسمت وتحركت
كالت : ياله لازم روح لا يشوفنه احد بعد سلامه
مهند : الله وياج ..
صبح .. عمتي وعمي طلعو راحو نور وبنات بقن
جنت كعده بصاله على قنفه كلب بتلفوني
كلت : سحرر سحر وينج ماكو نيت خلص رصيدي
كالت : اي عدنه
:- تعالي خليلي
كالت : والله معرف رمز عد سيف ما يقبل ينطينيا لان ربعه وعشرين ساعه فتحيهه
:- اهووو "راحت حمام تغسل ثياب واني صفح بتلفون ووففف نزل سيف بوعتله وصحت
:- سيفف ووين
بوعلي جان يزر بدكمه قميص ردن
كال : طالع نعم
كلت : فدوه نطيني نيت
رفع أيده كيفت نطيته تلفون خلالي رمز صاحتلي سرور فتت مطبخ وبقت تلفوني يمه
سرور : ياله وينج هاج سويتلج قهوه
:- لا قهوه مره ما حبهه ريد كبجينو
سرور : هاج ساويهه انتي تخرت إني علمود روح نشوف نور ..طلعت سويتهه خذت رشوه منهه دخل سيف
كال : هاج تلفونج
خذته منه كلت : شكرا تريك كبجينو
كال : لا ماريد بس ريد سئلج انتي اي شركه لي تشتغلين بيه
:- اااءء شركه مهندس ل..... ليش منين عرفت
شتغل
سيف : لاا بس جتي رساله تصاميم ومشاريع ستغربت بس انتي من شوكت تشتغلين قصد منو شغلچ
:- لا ما شتغل بس ساعد بابا يعني بتصاميم
وهل سوالف وانت تعرفهه
سيف : بس انتي شعرفج بهل مواضيع عرف ما تحبيهه
:- اي عرف دوخ وأني مو هاي مهنتي بس راح تركه بعد ما بلش امتحانات بس بابا طلب مني ابقه وياه ساعده اكثر لان هل فتره يتعب بسبب مشروع لي مساوي واني هم تعب كولش وياه لان ما كاعد فهم
سيف : زين ليش ما طلعين بالحسوب افضل وسرعه لحسن ما تبقين كعده وسويت بتسصاميم
:- شنو يختلف نفس شي بس عدي فكره راح فتحلك عرض بعد ما ترك شغل تلزمه مكاني يعني تكون مساعده بابا علقل هوه يوثق بيه وبيك ما يوثق بغريب
سيف : إني ممم معجبتني لفكره شلون شتغل واني بعيد عن مكان
:- ليش تكدر راح رسلك على لابتوب وشتغل وانت كعد وعليك ترسلي مخطط واني نسخه ونطي بابا وانت وشطارتك
بتسم وهز راسه على قميصه ومتجهه باب
كال : فكر ورجعلج خبر بس شكد راح حصل بشهر
:- هوه انت تفكر بالفلوس ياله ..50
كال ..لا قليل ما مقتنع
:- اوكي ..125 بس مال شهرين
سيف : اوك .. رجعت كعدت وكلب بتصاميم جبت ورقه سجلتهن كلهن وكمت جهزت روحي وطلعنه ويه سيف خذنه بيت نور ،
دخلنه شفناهه فرحانه وتضحك كعدنه وبقينه سوالف ،سئلتهه هدى ، عن اليلتهه دخولهم تكول حله اليله وتضحك بودي غمهه
بعد غده ردنه نروح بس عمار لطش لة نبقه على عشه بس بابا ما قبل كال عدي شغل ومشاريع لازم كملهه ماكدر عوفهه ،كال خلي تبفه زهور يمنه
كلت : شاكو باقيه هاي مرتك يمك خلي شبعك بلسانهه
كال : لا ولو انتن نفس طينه ضربته وهوه يشاقه ويضحك العصر .. ودعناهم ورجعنه إني من تعب رحت صطحت ونمت ..
ثاني يوم جتي مرام وغصون سولفلهن عن عرس جتي شيرين وحجيتلهه كالت : سبقتج مرام حجتلي كووولشي من اول ما وصلتو لحد ما وصلت باب بيتنه
ضحكت كالت : حته صور شفتهن شطالع زهور عروس والله بتسمت كلت : يوم لج حبيبتي
تفرجن ع صور بعدين راحن صعدت كاعده يم شباك حس مشتاقتله ريد روح وشوفه بس امي مراح تقبل .. مر اليوم وبابا شترالي سياره لي حلم بيهه بس طبعن مو بس لي هههه لا إني وحسن نتشارك بيهه صغيره وحلوه الونهه اخضر
صراحه لون حسن اني ردت يكون لونهه زرق عادي هم حلوه حسن بقه يعلمني بيهه طلعنه مكان كبير وساحه ويانه نغم وعلي وريمي وبابا بقت بس امي بيت هههه 😅
علمني حسن واني سوق على كيف خايفه منهه بس تعلمت وجربت سياقه وحنه راجعين جنت كوولش سعيده وكال بابا : روح بيهه شركه ومدرسه فرحت صورت سياره واني جرب سياقتهه خليتهه بدفتر مذمراتي وكتبت تاريخ ....
بهل فتره ما طلعت من بيت وجنت فكر شلون شوفه محمد وحجي وياه وعبرله عن مشاعري جنت كاعده وصافنه من شباك صاحلي بابا نزلت
لكيته مغير ملابسه ولابس قاط عرفته يروح شركه
كال: بابا إني رايح شركه ،
اكو وراق بس بعدين ما مخلصات بس يكملن جيبيهن وراي ونتبهي على طريق وسوقي على كيف
كلت : تمام بابا يعني حسن هنا عفهه سياره
كال : اي بس نتبهي مو سوقين بسرعه
هزيت راسي بتسامه اول ما طلع بابا بوعت من شباك ركضت طلعت ملابسي لبست بنطلون وردي عريض وياه قميص ابيض وفوكه جاكيت وردي وشال ابيض وحذاء كعب هم ابيض طلع ستايلي يجنن ميكب فاتح وجنطه بيضه
نزلت لكيت وراق بعدهن كلت نغم رايحه مطعم جيب كم شغله مناك علمو وزعهن موضفين او كيك بين ما رجع لكه وراق مخلصات
كالت : خلي روح وياج شركه حبه شوفهه
كلت : شوفي امي ذا قابله هسه طالعه ذا سئلت عني كولي راحت محل جيب كم شغله محتازتهه شغل
نغم : انتي وين رايحه هسه
:- رايحه مطعم بس مو تكولين ماما ياله باي
طلعت صعدت بسياره واني فرحانه فتحت كراج وطلعت سياره تجهت مطعم نزلت قفلت سياره خليت مفاتيح بجنطه دخلت مطعم لكيت ناس قليله وهدوء مطعم ذكر جان هوسه وصواتنه وين واصله هسه كل راح بحال سبيله لا براء ولا شباب ولا مرام وفيروز ولا عذراء ولا إني بقه بس محمد مكسور بدونه راح صلح كلشي ورجع سعدت مطعم
دخلت مطبخ شفت بس محمد واكف وداير ضهره يثرم بلخيار .. بقيت واكفه وباوعلهه
هوه حس عليه كال بدون ما يباوع بوجهي
محمد : ليش رجعتي
خذت نفس وصنعت بتسامه
:- رجعت شوفك
بتسم مستهزء وكال : بيا حال شوفيني هاي كدام عينج بقيت بس إني .. لتفت باوعلي ويباوع ع ملابسي وشكلي
كال : تغيريتي ..
بتسمت وتقدمت خطوه كدامه
:- لا محمد ما تغيرت بعدي زهور لي تعرفهه
كال : بس مو من حقي معرفه زهور انتي هواي جرحتيني وعفتيني كلت نفسي بعد ما شوفج بعد ما حجيتلج لي بكلبي كلت خلص لهنا وكلشي نتهه وهسه جايه تكولين شوفيني طلعي زهور ماريد حجي حجي زايد ..
«دار ضهره بقيت باوعله بتسمت بهدوء »
وكلت : بس محمد انت ما سمعتي هم لازم تسمعني
كال : حجي لي عدج وتفضلي روحي لان انتي هون زبونه لا اكثر
:- هيج محمد هيج سويتني غريبه عنك
محمد : اي إني ما عنيلج شي واني غريب عنج وانتي كذالك
تقربت لي شبكت أيده وكلت : محمد لا تجاهلني ولا ساوي بيه هيج عرف زعلان مني واسفه مردت جرحك
محمد : والله جرحتيني وطول اليل ما غفت عيني ليش زهور
:- كتلك اسفه
محمد : منو هوه ولو مالي دخل بس كلبي مصر يعرف منوو زهور «بتسمت رفعت ايد خليتهه ع كلبه »
:- انته يا محمد انته لي حبك
بقه صافن بوجهي باوع بعيوني لزم ايدي وخرهه عنه
كال : لا مو إني لو إني حا حجيتي ليش طلعتي تبجين علي هاا علمودمن
:- اسمع محمد إني مكدر تخله عنك وجنت خايفه والله لان جنت حله شي بحياتي اخو وصديق وكولشي بحياتي من بتعدت هل فتره عنك حسيت شكد شتياقي زاد لك جنت داور عليك بكل مكان روحي داور عليك محمد
( لزمت أيده وخليتهه على كلبي )
:- محمد مكدر بدونك تعلمت عليك وعلى سوالفك وضحك إني كل يوم شتاقلك
"بتسم خله أيده على ايدي "
وكال : واني نفس تفكير عشت وياج اجمل لحضات من عمري ولا راح يوم نساهه ابد حتلو فترقنه
نزلت دموعي وكلت : محمد إني هم حبك بس خفت كولك
بتسم كال : من شنو خفتي عرف بيج سبعه مو چبانه
ضحكت وكلت : لا مو چبانه بس خفت ما تحبني ولا تقبلني لان اكو امور صارت خفت منهه تعوفني
لزم ايد وكال : ذا قبلتي تبقين وياي مراح تخله عنج اليوم دين ( بتسمت وشبكته من ركبته وضحكت )
وكلت : والله مراح تخله عنك حمدي
شبكني اكثر له وكال : ولا انتي يا زهرتي
شالني ويفتر بيه واني ضحك بصوت عالي
نزلني وكال : اششش ناس سمعتج شكبر حلكج
كلت بدلع : بكد حلكك
رجع سحبني له وتقرب وجهي
كال : بكد حلكي ولچ
:- اي لان لحضت من تاكل تفتحه حلكك
كال ..اااةة من لسانج والله ريد اكله
بتعدت عنه وكلت : يععع جا شلون اكل شلون ضوق طعم "ضحك باوع لبسي ورفعلي حواجبه
كال : گلج وين جنتي جايتني من حفله ولا من عرض ازياء شطالعه
:- شريك وفتر كدامه
محمد : والله مرهمه ابيض وردي هم كوله ماشالله ما تبطلن حركاتجن مال لبس طالعه جنج كيكه مزينه
:- اووفف شبيك حمودي غيران وانت لابس فنيله زرقه وبجامه سوده هاا ما مرهم وجسم ابيض ديربالك اديك لا يحتركن من شمس
محمد : عوفيج مني وين جاينه
:- ياروحي جيت بوجهي ليك غير مشتاقتلك
" تقرب مني لف دي على خصري ونزل ملامحه ع وجهي حس نفاسه ختلكت بنفاسي "
كال : روح فدوه مشتاقلي
( بتسمت بخجل وخليت ديه ع صدره حول دفعه )
:- محمد صاير وكيح كعد راحه
محمد : منو خلاني وكيح غير لسانج
:- لساني شدخله وخر دخيلك لا يدخل احد وروح ثنينه
كال : لچ من زمان منتضر هل لحضه
:- اااة وهسه جه وقتهه وخرر ..
حولت وخر عنه ثبتني بين دي خله خشمه ناعم على خشمي وشفايفه على خدي باسهن بهدوء
ونطق حرف حرف .. ح ب ج .. م و و ت
باس خدي مره ثانيه ورفع راسه بوعت بعيونه بكل حب رومانسيه كلت : صاير رومانسي
كال : روحله فدوه لي رومانسي بس خليج وياي رويج رمانسيه ،دفعته بضحكه خفيفه
وكلت : حمودي ما جايه سمع هل سوالف اخر وكت هسه ريد فطائر تخرت عن شغلي
كال : وين طايره انعل ابو شغل غير جيتي شوفيني
:- اي ياروحي شوفك واخذ وياي فطائر شتهيتهه من دياتك حلوات
بتسم وكال : تمرين يا روحي
بتسمت راح يساويهه واني كاعده وبوعله ومبتسمه
كال : شلونه عرس
كلت .. حلو كولش بس ناقص تكون موجود بي
محمد : ذا انتي عفتيني مكسور ومجروح ورحتي ترقصين وضحكين ومتدرين بيه لا اليلي اليلي ولا نهار نهاري
:- شعرفك بيه غير طلعت منا دموعي بعيوني وهناك كاعده وصافنه
كال : ممم منو تهز خصر وتضحك لابسه فستان زرق وبعدين احمر
بقيت صافنه كلت : انت شعرفك
ضحك وكال : شفتج مو ما شفتج
:- لا الله عليك وين
ضحك فتح تلفونه خذته منه شفت مقاطع فيديو لي واني رقص بقيت فاتحه عيوني على وسعهن
محمد : ممم .. ورفعلي تك حاجب ويريد يضحك
:- مراامم مووو
ضحك بصوت عالي وكال ..اي بس والله نقهرت تدرين ردت فلشه تلفون وهاي رفيجتج تكول شوفي حبيبتك شلون ترقص ردت شتم ابوهه والله العظيم
:- اي وشتمتني وياهه مو شفف حته تلفون شاشه رايحه مبين لطشه باع جامه مكسوره
محمد : لا والله طاح من ايدي واني باوعله
:- من انشالله تكسرهه ايدج يااا مرااامم
ومسحت فيديوهات عاط عليه ..ليششش ولج من تكسرهه يدج ولا ايد مرومه
كلت : هاا هدور ايدي وعاشت ايد مرومه موو
" ضحك وكعد بصفي باس خدي وحضني "
كال : غير هسه تونست من عرفت حبيبت كلبي تحبني
كمت وكلت. هاك تلفونك روح تخرت والله
كال : وين رايحه
:- رايحه شركه لازم وصل وراق بابا
كال ..شركه شنو ولج
:- حبيبي غير بديت شتغل بشركه هندسه ويه بابا
كال : هلووو وحضرت جنابج رايحه هسه
:- اي لهذه صارت فرصه شوفك بيهه لحته راضيك لان بعد مكدر شوفك
وكمت تقدم لزم ايد وكال ..وين طايره ماكو روحه والله العظيم ما شبعت منج وبعدين عفتي شغل هنا حضرت جنابج ورحتي هناك داورين شركات
:- اهووو علينه يا روحي غير ساعد بابا والله صلان لا بحال شركه ولا بطيخ صلان إني حب بقه وياك ومطعمك بس علموده بابا وصلان ما بقيه راح تركه لنا راح نبده امتحانات
كال : وصلچ وياي
:- لا حبيبي جيت بسيارتي
كال : يالله شكد حلوه حبيبي
ضحكت وكلت : ياله صلان إني متعوده كول حبيبي وعدي عادي كول كليبي حله
كال : يطلع من لسانج كلشي حلو حبيبي كليبي روحي عمري كوولشي
:- هسه كافي غزل تعال راويك سيارتي
محمد : لا بالله سياره هدور طكت بنت ابو فضل
ضحكت .. طلعنه الحديقه شفت جون ركضت شلته وبوس بي
:- يا روحي جوجو شكد مشتاقتلك يا عمري واروحي انته ( بوعت محمد شابك دي ويهز برجله مزعوج
كال : هاذه كله علمود چلب واني لا روحي ولا كلبي
:- اووفف بدت غيره باع جوجو شوف حمودي شلون غيران منك ياله يوم انته حبيبي يوم انته كليبي "هوه هز راسه بضحكه وكال : وشلون إني متت على مخبله
كلت : تروح مخبل ميته عليك .. طلع باوع سياره بقه يفتر مدايرهه يتفحصهه دخل بصطهه واني شايله جوجو لعب بشعره
كلت : هاا شريك
نزل وكال : حلوه والله ولو صغيره بكدج واخر مديل بس تمام ولو إنتي مو كلتي تحبين لون زرق شو هاي اخضر
:- اي غير اخوي ختارهه وهذه احله موديل
كال ..يالله هم حلوه وأني عاجبتني (سياره جرجر ) بس شتريهه هذج بجوله وهم الون زرق
:- هههه إني شتريت قبلت تعال اخذك بجوله ولو تخرت ياله غير مره وين فطائر
كال ..هاج ياله نتضرج تره ما شبعت منج والله حبج
:- واني حبك ياروحي
محمد : يله روحي لا تخليني جي خذ بوسه
:- خجلتني
قلد حركاتي وكال ..تعرفين خجل إنتي
كلت ..لا بس انته ضحك صعدت جون وياي كلت ..ياله باي
كال .. وين مخذه هذه وياج
:- هههه اليوم يبفه وياي باي .. رجعت البيت ..
عفت سياره بره خليت جون بالحديقه دخلت لكتني امي عطت بيه ..وين جنتي انتي ..كلت رحت جبت كم شغله هسه رايحه
دخلت بيت دردم وراي دخلت لكيت نغم محضره روحهه
:- هاا راح ترحين
كالت ..اي كوه قنعت يمن رتبتله بيت وغسلتلهه حمامات وكلت يجوز ما لحك منا يمن راجعه بس كوه لحكت بدل
:- هههه هسه ياله فضيني .. دخلت خذت وراق خليتهن بجنتي وطلعت ..كالت امي ..مو تخرين هسه اختج شكو رايحه هسه ابوج ما يقبل
:- ماما ما نتخر ونغم حابه شوف شركه من بره ما نتخر
كالت ..ياله بسرعه لا يرجع اخوجن يلكه سياره ماهيه
:- اوكي
كالت ..عكيفج سوقي ديربالج شارع وسيارات
كلت ..أووگيـ Ok ـٍہ .. صعدنه سياره وتحركنه إني امشي ع 50 ، علكيف خاف ساوي حادث ونغم تضحك عليه باوعت علبه كالت ..كولج وين رحتي شوفي محمد لو علمود فطائر
كلت : لا ولچ صلان شتهيت فطائر سلمت علي وكتله يساويهه لي
:- هااا ..وصلنه شركه دخلنه ونغم وباوعلهه من بره دخلنه الجوه ونغم تريد شوفهه كولهه. دخلت امشي وياي نغم امشي ورافعه رأسي بكل ثقه وكل نضار حولي
كولت سكرتيرا : بابا موجو مكتب
كالت : لا مكتب شتمعات
:- تمام تعالي نغم خذتهه مكتب بابا خليت وراق فتحت مجر دور على ملفات ونغم تفتر. بغرفه متعجبه باوعت ورد وكالت ..واوو حلو هل ورد ، باوعت ورد لي جابه كريم كمت كلت ..نغم بقي هنا روح ورجع بقبل لا بابا يخلص شتماع لا تحركين
كالت : اوكي ، طلعت تجهت سكرتيرا
:- غاليه هذني ملفات وصليهن بابا مكدر فوت هناك
كالت ..تمام كلبي بس خلي وصل هل ملفات ستاذ كريم ،
:- جيبي حبيبتي إني وصلهم بس وينه مكتبه
غاليه هناك .... كلت : اوكي روحي انتي خذت ملفات وتجهت مكتبه دكيت باب مارد فتحت الباب مالكيت احد سديت باب تقدمت وباوع مكتبه متواضع مو كبير بكد مكتب بابا. لا مختلف خليت ملفات ؏ مكتب
شفت صوره كدامي شكلهه غريبه رجال كبير
فتحت مجر لكيت ملف نتبهت ؏ صوره نص طالعه سحبته فتحته شفت صوره رجال شكله غريب وجهه مشوش لعبن روحي كلبت ثاني لكيت ثلاثت رجال واحد صلع عرفته نفس رجال ضن حارث وبصفه واحد عيونه رصاصي من شفته نصدمت معقوله همه كلبت صفحه شفت صوره جماعيه واحد مخطط بقلم احمر مرسوم دائره علي وثاني لي عيونه رصاصي لي تهجم عليه حول يخطفني جار علامه اكس
وثنين معرفهم منو مخلي مخطط عليهم درت جهه ورقه مكتوب الانتقام ...
حس نصدمت صدك طلعت تلفوني لحته صوره نفتح الباب رفعت رأسي كريم ..حس دقات قلبي سارعت ديه كامت ترجف بسرعه سديته وخليت ملفات فوكهن تحركت وخليت تلفوني بجنتي هوه بقه صافن عليه
كال : شتلعبين
:- مالعب بس ضن اكو واحد هوه لي كاعد يلعب
كريم : بلا .. جريت نفس وحاول شجع وما بيله
:- ملفات وصلتهم
كريم : بس منو طلب منچ توصليهم
:- سكرتيرا مشغوله طريت جيبهم ولو مكتبك عاددي كولش وصغير متواضع مو مثليات مكتبه بابا
«ضهرت بتسامته مستهزء وكعد فوك كرسي »
كال : والله يا زهرتي بس املك هل شركه كلهةةة راح خليهه خاتم بصبعي وحته مكتبه بابا لي تحجين عنه حيصير لي وانا لي راح صيطر عليهه
:- بلول لا تكول زهرتي وبحلامك تملكهه لا توثق بنفسك زايد
كريم : ممم
تحركت كال : لحضه خلي نسولف شوي اكيد ما عدج شتماع لحته ترحين تحضري عرف جيتج هنا شنو سببه إني اكيد
:- لا بالله
كريم : خلي شوفج اكثر طالعه حلوه ومن زمان ما شفتج اكثر وين هل غيبه
( بوعتله بنزعاج كلبت عيوني وتحركت وصلت باب )
كلت : غيبتي تريحهه نفسيتي ومزاجي وانته ما غيرتهه مزاجك من تركتك
بتسم وكام تقدم لي واني رجع خطوات لوره يمن حصرني باب نزلت رأسي خله أيده جوه حنجي ورفع رأسي باوع بعيوني
كريم : شنو يريحني ويغير مزاجي غير هل عيون
غمضت عيوني وكلت : وخرر عني ولا تجرء تلمسني
بتسم مستهزء وخله أيده على قبض باب وثانيه خلاهه ؏ متني
كريم : هههه لچ انتي شنو مميز بيج هااا باعي نفسج شلون جذبين رجال بجسمج
بوعت بعيونه بغضب دفعته وكلت : حترم نفسك إني شخص محترم مو مثل ما تصور چذب رجال لا غلطان إني واثقه من نفسي وما يهمني لي تكوله
كريم : ممم قويه لعد ليش كسرتي قلب اخويه صغير حطمتي
:- انت شتكول
كريم : عترفلج بحبه صح جه اخويه صغير لعدي وشكالي لي بكلبه ولي حبهه من ربع شهر وهل ربع شهر لي جنه نعيشهه بحب وهوه معتبره شخصيه محترمه وماكو اي شخص بحياتهه
( بقيت باوع بوجهه وعيوني دمعت )
كريم : جرحتي اخويه كولش واكو شخص ملكه كلبي صح منو .. نزل يم اذني همس ، إني هل شخص
خذت نفس بقوه وبتعدت عنه فتحت نص من باب ريد طلع وكلت : لا غلطان مو انت صح محمد عترفلي بحبه بس ما رديت جواب واليوم رديت جواب اني هم حبه المحمد واموت بي او تبقه اخر ناس ما فكر احبك كريم انت نتهيت طلعت من كلبي صدكني وخذ مكانك محمد وذا ما مصدك روح الخوك وخلي يحجيلك ذا يحجي اخو كبير المحتره لي يفهمه راح يفهمك اكيد ليش عشنا حله يوم
بقه صافن بوجهي بغضب بتسمت مستهزء وتحركت طلع
رجع سحبني من ايدي بقوه حسيته راح يخلعهه ركعني بلحايط حس كسره ضلوعي ، غمضت عيوني بقوه من لم كمت اون من وجع
:- انشالله تكسرهه ايدك يا حقير شبيكك
"تقرب لي كلش همس بذني .. "
كريم : تعرفين إني ما حبيتج ابددد بس حبيت شي واحد بيج ' بتعد باوع بعيوني وشفايفي خله صبعه على ملامحي ونزلهه شفايفي
كريم : هل شفايف حلوه وهل جسم حلو لي رغبله كل يوم ( إني حس حراره صعدت رأسي حولت دفعه بس مكدريت هوه ضخم مني رجع أيده على جسمي وخله راسه بركبتي همس
- تعيشون بالهنه وتمنالكم كل سعاااده بس راح بقه هون بكلبج لا تنسيني
" وخر حس دقات قلبي تصاعد وتنازل ريد ستجمع قوتي عطت بوجهه "
:- من صدكت هسه وضحت ؏ حقيقتك يا نذل يا خاين بس صدكني محمد حبه من كلبي وروحي ويجوز مستقبل تزوج واول واحد انت راح تجيك دعوه لا تنسه وانت خليك تركض وره هل نسوان ملاهي وشركه صدكني راح طلعك منه
بتسم بحقاره "طلعت وركعت باب وراي
:- شكد نذل وتافهه شكد حقير الله يعينك يا محمد على هيج اخو نذل .. شفت كدامي نغم طالعه من مكتب
:- هاا نغم شكو طالعه تفترين
نغم : اي والله مليت كلت فتر وين جنتي
:- هاا هنا جوه شربين شي طلبلچ
نغم : لا خلي روح بابا يتخر يله
:- يله مبينه ضجتي ياله تعالي باي غاليه
كالت باي حبيبه .. طلعنه ركبنه وتحركت بوعتلي
وكالت : وين رحتي
:- مم شنو
نغم : شفتج طالعه من غرفه كريم
:- هاا نطيته ملفات
نغم : شفتكم سوه وجان لازمج شعده منج
:- هاا لا ماكو شي ( حسيت توترت وكلبي بده ينبض بقوه
نغم : زهور تره شفتكم قراب كو شي بينكم
:- انتي شبيجج ما تفهمين مااكوو شييي
( طلعت سياره بوجهي عطت نغم ..بسرعه دست بريك وكفت بقيت صافنه حس كلبي راح يوكف باوعت نغم بغضب
:- الله يخذج انشالله جنتي ساوي حادث بسببجج
نغم : اني شدخلنيي
:- اي شدخلچ ما سويتي شي .. نزلت ورجعت باب سياره خذت نفس وبقيت واكفه بوعتل نغم تباوعلي بحزن دارت وجهه خذت نفس وصعدت شغلت سياره وتحركت
كلت : اسفه بس عصبت جنه نساوي حادث
ما حجت شي ..وصلنه بيت لكيت ريمي وعلي وامير يلعبون ويه جون بتسمت رحت بوسته ودخلت غسلت وصطحت وفكر مصعب نذل وصور لي وياه ليش مخلي علامه عليه معقول اكو شي ... !!
مرت ايام وبلشت امتحانات ،، تصلت بسمر وحجيتلهه عن وراق ومخطط كالت ..ما صورتي
كالت ..لا مكدريت لان دخل كبل
كالت : متكده نفسه لي خول يخطفج
كلت ..اي سمر ما نسه نضرته شلون باوعلي
ومصعب من عرف بحبي محمد. حسيته عصب وضربني حقير
سمر : عدج صور له
:- اي صورته خلي دزلج سوره .. دزيتله صور كريم شافته رجعت فتحت كامره وسبيكر
كلت : ها شفتي
سمر : شخصيته غامض بس وراه سرار احسن ما ندخل لان متكدرين تعملين وحدج
:- شكد نذل يكولي لي عجبني بيج شفايفي وجسمج ويتلمس بيه بقذاره
سمر : لا تخلي يتقربلچ زهورلا تغلطين بشي لان كريم متعرفين لي عمايل لي ساويهه
:- ممم عرف شكد غبيه اني مدري شلون حبيته بس إني ماعد يهمني
سمر : يعني طلعتي من كلبج هسه
:- اي بعد لي شفته منه خلص كلشي نتهه وحنه هوه صلان لي عشنا جانت كذبه وهوه ما يحبني واني هم
سمر : اي هيج افضل خليج بدراستج ونسي كريم وسوالفه
:- اي ماكو شي يربطني بي من يوم ورايح ولا شكله ولا حبه كريم
سمر : اي خوش ..
نغم .. جنت صعد درج وسمع زهور تحجي وياه سمر ، تقربت باب سمع سمر تكول : يعني طلعتي من كلبج هسه
:- اي بعد لي شفته منه خلص كلشي نتهه وحنه هوه صلان لي عشنا جانت كذبه وهوه ما يحبني واني هم
عليمن يحجن سمعت تكول ..:- اي ماكو شي يربطني بي من يوم ورايح ولا شكله ولا حبه كريم
نصدمت معقوله تحبه كريم ..اي وضحلي لي شفته اليوم وهمه سوه وشلون جان لازمهه ... فتحت الباب ودخلت بوعتلي وكالت : ياله حبيبتي باي ونتبهي نفسج قربت ولاتج
كالت : لا توصين كلبي وانتي هم نتبهي نفسج
سديت خط نغم راحت فراشهه بدون متحجي شي نمت ... مرت الايام وكل يوم روح نمتحن جنه نكعد سوه إني ومرام وغصون ندرس سوه ومحمد كل ما يتصل كوله مشغوله هوه مصر اجي مطعم يشوفني بس مكدريت بسبب امتحانات وأني ذابه روحي ع دراسه وخايفه كلش رسب هل سنه لان اموت بتاكيد
خابرني محمد كال اجي وندرس سوه
صدك رحنه مطعم لكيته كاعد هوه وبراء نقصنه بس مرام تصلت عليهه جتنه ودرسنه سوه وعدنه نفوسنه نحقق حلامنه لو شو مصار .. مرت الايام
جنه كعدين سوه بالحديقه ندرس ونسولف
:- محمد إني شتهيت شي كوم ساوي لي
محمد : شنو امري ياروحي
:- شتهيت بقلاوه بجوز
محمد : تددلاين كومي ساعديني ،كمت وياه سويناهه بسوالف وضحك خله طحين على خشمي جبت بديه خليت ع وجهه غطيته غط بقينه نلعب ونضحك
خلصنه كعدنه بالحديقه ناكل
كلت ..مستقبل انت لي تطبخلي تره
كال : تدللين بس مو يوميه مو عبالج مخذتلج رجال بس مطبخ
:- ههههه لا اكيد يا روحي غير انت طباخنه
محمد : طباخج ابو كم عيون
:- هههه ابو عشر عيون 😂😂
محمد : ام عيون اكلي ياله صدك زهور تره إني حبج وريدج تكونين زوجه
:- والله
كال . والله اني حبج وريد تقدملج
:- شوف محمد واني هم حبك وريدك بس سمع ماري زوج وجيب هجال وهتم مور بيت وعياله من هسه كولك
محمد : هههههه 😂 تفكرلي بجهال وبيت لچ إني ريدج بس لي كلشي ماريد غير صبح بوجهج هل حلو وانني نايمه بحضني
:- كاافيي محمد لا يسمع احد كافي هل سوالف ماريد هسه خلي نخلص جامعه ونتخرج وعود بعدين نفكر بهل مواضيع
( لزم ايد وكال : يعني قابله تبقين وياي طول عمر
لزمت أيده وبستهه وهزيت رأسي بتسامه
كام وكف شال صحن شلت باقي صحون دخلنه مطبخ رتبنا وطلعنه مسحنه طولات
كال : زهور هم تفكرين بجال
:- اي ليش
محمد : هاا يعني شتفضلين ولد ولا بنت
:- إني حب ولد لان وكيح وكيوت وقوي اما بنيه فاهيه مددله
محمد : هههههه روح فدوه لهه ولابوهه
:- لا باله وامهه
محمد : روحي ابنج شايل خشمه على امه
:- اكول اسكت ابني ومن حقي ربي وهتم بي وفنك زعله بشي
محمد : وينه ابنج وسبرتينه من هسه
:- اي افضل ما تحجي عن ابني
ضحك وحضني من وره وهمس بذني كال: ياله قتنعت بولد زين شنسمي
:- ممم نفكر .. شبك بطني اكثر وباس خدي
محمد : راح سمي خالد
:- يييييع خالد شنو لا ما حبيته
محمد : زين اكو سم بعقلي شريج بفرات
:- فرات مم واوو حبيته اوكي فرات ودجله شكلت
بتسم وباس ايد كال : اوكي والله بس صيرين لي دللهم دلال بحياتهم ما شيفي
:- لا محمد هيج يصيرون فاهين لازم نعلمهم ؏ شي زين وانت علم بنتك طبخ واني علم ابني على شغل ذكياء بلكت يطلع ع امه ذكي محامي
محمد : والله مختاره محامي لا حبي ولد وهوه يختار وانتي عليج بنتج
:- يااا محمد
كال : كافي من نزوج نقرر هسه ياله فضيني خلي روح
:- هاا تطردني وسفه عليك ولو مشتهيه طلع بحر واكل موطه شريك
محمد : صدك تحجين ستوج اكلتي حلويات ياله روحي لا تخرين
:- شبيك والله طلعت روحي من بيت .. جرني طلعنه قفل مطعم وطلعنه كعدنه بالحديقه ناكل موطه شفت يزن ورزان رحنه نلعب بيهم مراجح ونضحك ونفكر ذا صار لنه جهال نالعب بيهم ونكون احله اسره
بين نهايت امتحانات جنت ستوي طالعه منتضره مرام تخلص رحت شتريت عصير ونستله وكعدت اكل مرت سياره من كدامي باوعت محمد بتسمت وصلنه بيت وطول طريق يسولف ويضحك
نتهت امتحانات وجنه منتصرين نتائج إني مو كولش روح شركه بسبب دراسه بس كل ماروح كريم ماشوفه ومرام وبراء طورت علاقتهم برغم براء هادء بس مرام تعلقت بي وهوه هم حباهه هدئ نخطبت ابن جيرانهه شخص لي تحبه وكولش فرحتلهه سمر ولدت ولد شحلاته اسمه صادق ،
وسرور منعرف شنو شي منتضرتهه لحد هل يوم برغم تعلق مهند بيهه بس هيه ماكو اي فايده منهه ...
كعدت صبح على صوت نغم صيحلي نزلت لكيت حسن كعد وبيده لابتوب ونغم وعلي فوك راسه كلت شكو كالو ..اليوم نتاج يممةة إني حس كلبي وكف متت خوف
وكفت بصفه رجف كلت ..هاا حسن بشر ناجحه
كال : بعدي ما طلعت تصلت مرام كالت : هاا شفتي نتائج كلت : لا بعدي وميته خوف تعالي لي والله حس راح وكع من طولي صدك جتي مرام وغصون وحسن يطالع نتائج دخل بابا كعد ويانه وامي وحنه نفرك بدينه من توتر ..تصلت نور كالت : هاا بشري ناجحه لو لا
كلت : بعدي وانتي كالت : بعدي
كلت : حسن كاعد يطالعهن هسه نشوف
وبقينه منتضرين وبنات هم منتضرات فتحات تصال ..
صاح حسن : بلةةةة بيبن نبده اول هدى وينج عمتو هدى
كالت : هاا حسن شنوو بعد عمتك
ضحك وكال : والله عدج حض معدلچ 82 ،
كالت : صدككك فرحت كلش كال نورر
كالت : هااا .كال :كلششش ضعيف جانت تفكر بعرسهه خانم راحت عليج
نور : صدك والله راح ابجي 😢
زهور : تيله حسن شكد
حسن معدلچ 76 ، يعني ناجحه
هيه طارت من فرحه كال: عمار احسن منج والله ناجح معدله 80 .كال غصون عاشت ايدج خوش جايبه 96 ،
هيه بتسمت بوجهه
كال : وانتي قصده مرام كال : معدلج فاهي مثلج
مرام : تيلةةة شكد فضني روح اهلي منتضرني
حسن : اي خلي يسفقولج على شطارتج يا كسلانه
زهور : تيله حسسنن خلصني وانييي
فضل : تيله بويه شوفهم كملهن مو بس تلغي شلعت كلوبهن
غفران : اي يمه ونغم
كال : مرام اي ناجه بس ضعيفه جايبه. 82
مرام : صدك هيييي
زهور : صدك الفف مبروك هذه بفضل براء لو ماهوه والله رسبتي كالت : هيي روح بشر امي
وراحت كلت : اوكفي خلي نشوف مالتي
راحت تركض ما مصدكه ..
كال حسن : نغم زينه ناجحه وسحر وسهر هم كلجن نجحات وسيف هم
زهور : حسن نسيت شي واانيييي
حسن : وسمم سبرتي روسنه انتي باله زهرة زهرة هاا لكيت هذه براء اوو اول على كلل والله بي حض
فضل : شاطر براء
غفران : اي ذكي خلص جامعه
:- باباا وانييي والله راح يوكع كلبي
فضل : تيله فضنه زهور
حسن : انتي ممم يااا راسبه مم همده طكج اي والله شوفي يوم راسبه بس تفتر بتج شوفي تغميهه شوف بويه
«إني بقيت صافنه دموعي جمعت بعيوني »
زهور : بابا صدك
حسن : ههه ما مصدكه شوفو ههه كل ناجح له هيه
بقه يضحك عليه وأني بندت من بجي عفتهم وصعدت ابجي بابا خذ لابتوم من ايد حسن وباوع
فضل : لك حسن ليش تكذب على اختك باوع مو ناجحه تعالي بويه يجذب عليج نغم صيحيلهه
صعدت لكيتهه شامره روحهه على جربايه وتبجي وتكول امده حضي تالي وكتي رسب والله روح كتل روحي ولا يضحكون عليه
نغم : والله عليج فلم اكشن
:- اااةةة يممةة
نغم : وغمه تكومي يكذب عليج هذه كومي انتي ناجحه والله .. بقت تعوي وتبجي بابا جاب لابتوب طلع كدامي مسحت دموعي وترجع تجري بعد كلشي ما شوف
كال : بابا معدلج 94، احسن واحد ناجحه
:- صدك بابا والله ، باوعت صدك ناجه طرت من فرحه حضنت بابا وفرحانه اليل تصلت محمد وبشرته هم فرح وياي وكلت وانت شنو ما شفتك
كال : ههه هم ناجح
:- صدك الف مبروك النه حبيبي انشالله يجي يومنه
كال : امين
ثاني يوم رحنه مطعم وحتفلنه بيوم نجاحنه جنه كلش فرحانين
مرام : وهاي براء تخرج وحيصير حسن محامي بلاد
محمد : اي احسن من وجهج فكر
مرام : لا بلا خاف حسن من مطعمك مجعمر لاطش بي وانت بقيت وحبيبي تخرج
محمد : طبعن إني تارك سنتين وحبيبج مكضيهه بالخارج يدرس
براء : كاافي سكتو خلي ناكل
زهور : صدكني دوله فار وبزون خلي ناكل حنه
محمد : هاا بزونه لا تمدين راسج تره اكله
:- ييي خفت هسه اكل صحنك تره اجي اكله مكانك
محمد : انتي حوته شكد تاكلين
:- انييي (وبقينه معارك ودوله يضحكون كمنه ساعدنه شباب طارق واخو كلنه اليوم نتغده سوه عزمو كل شباب واني عزمت بنات جتي شيرين هيه وغصون وفيروز هم عزمنهه وصدقائه محمد ..جمعنه كلياتنه على طوله وحده بالحديقه تغدينه سوه بعدين دخل كريم بوعنه
وكال : بالعافيه
كام محمد حضنه وطلب يشاركنه كعده كوه كعد وعيونه بيه بس ما نطيته اي هتمام بعد ما خلصنه ساعدت شباب بترتيب مطبخ واكفه مسح بصحون حسيت واحد حضني من وره حس كلبي وكف
لمست دي بتسمت خله راسه على متوني
وكال : حبج كوومه موت بيج
:- كافي محمد كل موجود لا يدخل احد
محمد : اي خلي يعرفون اكول يا ناس هيه هاي بنيه لي مجنو بيهةةة
«ضحكت وخليت ديه ع حلكه »
:- تسكت يا مجنون من صدك تكدتت إنك مجنون "حوط خصري وتقرب وجهي "
وكال: مجنون بحبج انتي تحبيني مثل ما كعد حبج
بتسمت وخليت ديه على ركبته
:- اموت عليك "بتسم شالني خلاني ع كونتر
ضحكت تقرب وجهي باس خدودي يباوع بعيوني
زهور : محمد لا يدخل احد مو وكته شبيك
كال : لعد شوكته
:- من صير حلالك ساوي لي يعجبك بس هسه ما يصير حرام
محمد : انتي خليتي عقل براسي
:- هههه ولو انت مخبل شكول وشحجي ما يفيد وياك
"ضحك تقرب شفايفي خليت صابعي بين شعره باس شفايفي وبتعد بوعت بعيونه بكل حب وقوه
رجعت بدلته ، بتعدت خجلنه من نفسي بتسم وحضني من ضهري كال :زهور شوكت نزوج بعد ماصبر
:- لااا شكلت محمد
محمد : ممم ماريد .
ضحكت نفتح الباب كريم بقه يباوعنه عجق حواجبه
كال : ضن جيت بوقت غير مناسب
ضحك محمد وكال : تعال مصعب تعال صلن تعرف حنه نحب بعض وانت راح تكون شاهد
هوه شبك دي وتجه ضهره على باب بوع بعيوني
وكال : بلا يعني شنو قررتو تزوجون
محمد : اي "ولزم ايدي كال : حنه نحب بعض وراح نزوج ( بتسم مستهزء ) وكال : هنيك ع اختيار يا اخي هنيك
.ورفع دي يسفق بقيت باوعله ومعرف ليش حس كلبي نغزني راح يساوي شي راح يخرب كلشي بينه
كال : الفف مبروك راح كون اول شاهد على زواجكم الف مبروك هنيكم مره ثانيه صلان لايكين بعضكم
بتسم محمد وكال : وانت اخويه انشالله اليوم لك ويلا راح يصير جهال عده وصير خاله
هز راسه وطلع بوعت محمد بخوف بتسم
وكال : طمني مصعب خلي عليه وشوفي شلون فرحنه
هزيت راسي كلت : كافي روح لان تعبت
كال : هههه شصار هسه من شنو تعبتي
كلت : كافي حمودي من صبح لسه ما كعدت
طلعنه ويه بنات وهنه فرحنات واني فكر بتصرفاته لي كرهه وحقد ليش هيج صاير حاقد وياي
تصلت سمر ..بقينه نسولف وسئلتني عن حياتي طمنتهه عايشه ومرتاحه ونفس روتين وحجيلهه عن سوالف محمد كالت : شكد مهضوم هل ولد عكس اخو ..
بعد اسبوعين .. جنت باليل كاعدين وكلب بتصاميم موضفين كلهن نفس شي مكو اي ختلاف ولا عجبني راسلت سيف تصاميم كولش حلوات وجايبهن عدل
كتبت ..عاشت ايدك حلوات راح خلي بابا يشوفهن
كال : تمام .. شافهن بابا هم عجبه نسخت وراق وبقه يشتغل عليهن رجعت كاعده تصل بيه محمد
بقينه نحجي كال : ريد طلب منج طلب
:- تدلل حبيبي طلب واني نفذ
كال : متقصرين حياتو ريد منج لافته سويهه لي
:- لافته شنوو
كال : مطعم ريد تلفت الانظار تكدرين
:- وشلون مكدر كولي شلون تريد شكلهه واني رسمهه لك
محمد : ريد غير اسم مطعم
:- صوودك بلا شراح اسمي هل مره انشالله ختريت اسم مناسب
محمد : هههه اكيد طول اليل وأني فكر بهل اسم وعجبني كلش لان يا زهرتي مطابق ويه حرفج
:- يله حمستني زايد شسمه
محمد : «زهرة المطعم » شريج
:- صودك باله زهره المطعم شنو هاي حمودي إني إني ومطعم
محمد : اي شنو ما عجبج
:- يا حياتي وشلون ما يعجبني حلاه اسم يا كلبي وروحي انته عشقك كومه
محمد : هههه واني موت عليج هسه ريد سويلي لوحه بنيه ريدهه عسل تخبل ملاك جوهره مثلج يا زهرتي ورسمي بصفهه ورد وكتبي عليهه زهرة المطعم
:- اوكي حياتو بس شنو بنيه يعني ما فهمت بنيه شكو رسمهه
محمد : حبيبتي ريدج انتي تكونين بلوحه
:- ااااةةة مالة روح نشر لا يا روحي ماريد
محمد : ههههههه 😁 مو هيج قصدي يعني ريد بنيه حليوه مثلج يعني من يصير عدنه بنيه عسل مثلچ اسمهه ورده ومطعم على وجهه ملاك
:- ياااا بس ريد ولد إني
محمد : شلون لزكت بلولد ياربي هسه مثل ما كتلج مالي خلك بقه حجي زايد صوتي رايح وتعبان شاجرج لان محد يكدر لسانج
:- ياا سلامتك كلبي ما بيك غير عافيه بيك شي
محمد : لا بس مثل ما كتلچ
:- اوكي فهمت راح ساويهه طفله لان خاف بنات يغيرن وشباب تخلي عيونهم عليه
محمد : هههه هيه لافته هسه يلا مثل ما كتلج وريدهه بعد يومين تره زهورتي
:- تددلل هم من باجر مخلصتهه كول كدر شوفك باجر تجي مطعم
محمد : لا والله ماكدر حس نفسي تعبان كلش وكوه تحرك
:- سلامت كلبك حبيبي
محمد : تسلمي حبيبتي
:- ياله رتاح ونام مريد لغي زايد وياك مبين من صوتك كوه تحجي يله روح ساوي لوحه لان تحمست رسمهه
محمد : هههه عدج حماس زايد عكس غيرج ماله خولك
:- هههه إني قويه بعد وحماسيه مو مايعه
كام يضحك ..ودعته وسديت تلفون نزلت جبت لوحه من مكتب بابا خذت وحده كبيره كولش ومناسبه بابا سئلني عليهه
كتله : رسمهه صديقتي طلبتهه مني عادي اخذهه
كال : تمام خذيهه ، صعدت فوك جهزت دوات رسم وبلشت بقيت رسم رسمت ب لاول طفله تخبل ملامح وجهه تشبهني بيضه وعيون عسل .. شعر شكر ومبتسمه كيوت 😇 ..ولازمه بيدهه باقت ورد ، كتبت بصفهه « زهےـِرة أّلَمًطِعٌمً »
« نهاية البارت » يتبع