وهم الوجوه

الحلقة الثانية والعشرون

#وهم_الوجوه

الحلقة الثانية و العشرون..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°

رجعت للبيت اطوطح من تعب وتفكير فتحت الباب وخليت سويج ع ميز نزعت حذاء ورحت غسلت دخلت لغرقة هدى بسرعة كمزت من شافتني _ اجيييتي ماسمعت صوووتج

تمدتت يمهه على جربابة _ شتردديني اصييح

_ بشررري شصااار وياج شدعوووة هلكد اتاخرتي شبيهن عيونج حمررر ؟

_ كوووولي شنهووو الماصارررر

_ خير ولججج شككووو

_ اوووف اليوم تأكدت من كللل شكوكي وكلهه جانت صحح

_ اوووكفي لتكوووليلي قيصر يصير ابننن!!!

_ كمليهه كمليهه

_ خالج ؟

_ إيڤت (نعم)

عدلت كعدتهه وهيا مصدومة _ عللليج الزهرة

_ والزهررة

_ شلووون يعني شوووكت منوو عرف

_ اول ما دخلت للبيت وشفتهم كلهم كاعدين منتظريني كلبي لعبني اول مافتح حلكة عرفت

_ بس فهميني شلووون يعني

_ لللج بابا انتي مو نشرتي من رحنه للنجف وطلعتي قبر اهلي

_ اي ومن كعدت لكيتهن ممسوحات

_ لان اني مسحتهن فهووة مو متابعج شايفهن وماخذ سكرينات وشايف اسم امي نفس عمته

_ عززززا

_ اي واني الثولة اجاني من كتلج يساعدني ومعرف ايش طللع يسحب من كلام بس هووة نغل ولوتي ابد مابينلي

_ شووووف لووتي

_ اي طابخ طبخة ومكملهه ومتأكد وجامع اهلة وصاحني وصاار العيااط

_ شلوون جانن ردة فعلهم

_ كلم مصدووومين وووو ( بديت اسولفلهه عن الي صار من بداية النهاية)

_ أصيل هسه انتي دثبتيلي الدنيا شكدد صغيرة منوو يكوول قيصر يطللع ابن خالج شنووو هلصدفة شنو هلقدرر يعني أصيل هسه انتي صفنتيني اني الي مااصفن

_ هدى بربج اني عقلي مسطوور هسه

_ زين هسه شنوو حيكوون موقفج منهم ؟

_ هنا المصيبة مااعرف اذا اصيح واعصب منهم على الي سوو بأمي لو اكول الي صار صار والكل ندمان وتبدي علاقة جديدة

_ ماعرف أصيل بس الي اشوفة شغلت امج قدديمة عليهه طين حتى هيا الله يرحمهه صار شكد من ميته قابل حتلوو ماصايرة هااي مشكلة خوالج مالهم دخل بجريمة قتلهم

_ هددى والنبي مااعرف شنوو الي اتصرفة بلضبط حاايرة مادري شنوو ردة الفعل الي اخذها منهم اليوووم يعني عيططت عليهم وحجيت بس الرجال حضني وباسني وكلي ندمان حتى ام امي كلللش خطية قهرتني ضللت تبجي وتنحب

_ كلب الام بعدد وترة هذا شي مو سهل وين اكو بين يوم وليلة تعالو عدكم حفيدة عايشة وجنتو عبالكم ميته

_ من هلناحية عاذرتهم لان كو*** خللف كايللهم ميته حتى هما ميدروون

_ والله زين من ما ضحكوو عليج وكالو جذبين

_ ماحجيت اني قيصر سوولف وكاللهم تأكدت بنفسي

_ الله يجلعلهه خير ..

_ امين

رجعت حضنتني _ اصيل خايفة

_ من شنووو

_ اخااف صاروو عندج اهل جدد وتنسيني وتروحين تعيشين يمهم

رفعت راسي من خدة وضربتهه ع خدها راجدي خفيف _ انتي متنجبين شنوو هلحجي ادبسززز مسلعة اني اعووفج

_ اووووي كللشي يصير اني ما ميته عليج

_ لعد شنووو ولج

_ ع مصرف منو يدفعة وياي خخخخخخخ

_ وحدة ادبسز وخايسة تفكرين بمصلحتج .. من باجر اخذ هددومي واستقر عند خوووالي

_ اكسررر رجلج شحدج

_ هسه شوووفين حتى يتكربس مصرف براسج

_ لا جذابة ادري بيج كلبج مينطيني صددك ماعدهم واحد صاك منه منه

_ ههههه والله رعنة .. هوة اكبر الأحفاد قيصر

_ لا هذا الج غيرة ماكوو

_ جعفر يعني عمرة هيج ١٨_٢٠

_ لا فرريخ هذا شسوي بي

_ وبعد خوات رائد ثنين ايلول وريم وقائد عمه

_ ايييي شكررر دادي هذااا زين

_ مطللللق وعندة ٣ جهال

_ ياااا بااع حضي الاعوج

_ بنات ثنين اسيا ودجلة ولد فرات

_ شهلسمااء هاااي خيية مين جايبهه

_ قيصر من سولفلي يساافر هوواي وعود اسماء وطنية من هلسوالف

_ شكد عمرة

_ واللهي ماركزت بس صغير مو كللش جبير اعتقد اصغر شي يعني جبير رائد ورة تؤام ورة قائد

_ يعني انطيني ررقم شسووي بي اصغر اخوته

_ يعني تقريباً ثلاثيني

_ اييااااخ هذا ممتاز

_ لللج مطلك وعندة ٣ جهاال

_ اصير مرة الاب الحنونه عادي

_ والله بطرانه صمتي تفطرين ع ثومه

_ انجبي وووينهم هما الرجووولة متكليلي شباب تلث اربعها راحت بحرب داعش مابقى منهم

_ الله يرحمهم كووولي

_ اميين شكلت هسه اني بس غير اضمن مستقبلي

_ اخخخخ ع تفكير العندج ودي افتح عقلج اطلع نعال الي بي وارجع اسدة كاتلتني بالرجال

_ اهووو لتخليني هسه احجي سدي موضوع

_ الأفضل هيج ..

_ نامي يمي اليوووم

_ خووش .. تمددت بصفهه وحضنتني ونمنا سووة هياا غفت بسررعة واني الف حسبة باالي مااعرف شنو القرار الصحيح الي اتخذة .. توكلت على رب العالمين هووة اكيد الي بي خير وصالح الي راح يصير

.. قيصر ..

من بعد ماطلعت اصيل رجعنا ليجوةة دخلنا وكل واحد عندة الف سؤال وسؤؤال

لواء _ قيصرررر تعااال فهمني 

_ قيصرر _ جددي شفهمك كللشي اعرفة سولفتة

لواء _ اكو شغلات ماخشت بدماغي هذاا سزز خللف شلووون يجرأ يسوووي هيج بأي قانون لكككك وين كاااعدين

رائد _ اول مرة بحياتي تمر علية هيج سالفة يدفنهه وهيا عايشة

قائد _ اني شكدد معااشر اجانب ومسافر عمري ماشفت عدهم هيج كذب وتزوير

قيصر _ اني هم نصدمت ماتوقعت هيج توصل لمواصيل

لواء _ خاااف چذبت علينه وتريد تستغفلنة !!

قيصر _ لا جددي مستحيل البنية اعرفهه من زمان

قائد _ ووين من زمان مو توك كللت من دواام مصار هوواي

رائد _ ابني اذا تعرررف شي احجي كلشي خلينا نفتهم

قيصر _ يابة تعرفون حجي صالح ابو مطعم الي بسووك **

لواء _ اي جاب حجي صالح

قيصر _ قبل هووواي جان عرس اخو صاحبي يشتغل عند حجي صالح وهوة جان حجي صالح متكفل بيهه ومشغلهه يمة بلعرس شفتهه

لواء _ لككك صالح صااحبي من ثمانينات جنة سوة هووة مربيهه للبنية

قيصر _ اي جانت عندة لحد ماكبرت

رائد _ لك احنه كل فترة نمر على هذا سووك معقولة ماشفناهه

قيصر _ يجووز شايفيهه بس جانت كللش صغيرة هسه كبرت هاي احجيلك من جان عمرها 14_15

لواء _ وراها شلووون شفتهه

قيصر _ بعدهه من كملت قانون بلمرحلة الرابعة هم رجعت شفتهه تدرس قانون بنفس كلية

رائد _ كو** كل هذا شايفهه ومتحجي

قيصر _ اااي ما جنت ادرري شعررفني بيهه ورة ماكملت قانون ماشفتهه الة من متعينة بدائرة ال...

لواء _ زين هيا شلوون بنية ثكيلة حبابة لو عدهه سوالف مكسرة

قيصر _ لا  ماعدها شي كللش ثكيلة وعاقلة حتى الي مانطتني مجال

قائد _ يابة انتى شفتهه شلون تحجي وسولف عبالك زلمة مو بنية صرراحة اني عجبتني شخصيتهه حلووة وقوية

رائد _ احنة خنشوف شنسووي نحير بشخصيتهه هسه

لواء _ رائد بووية هااي سالفة يمك اريد طللع خلف من ساابع كاااع ودفعة ثمن كللشي سووة ارجع افتح قضية قتل حسام

رائد _ يابة سالفة صارلهه ب15 سنه قضيتهه اعتقد ملغية

لواء _ اررجع افتحه دددم اختكك مايرووح هدررر

رائد _ باجر من صبح طالع ان شاء الله خير

واحنة دنسوولف دخلت حبوبتي وهيا منتهية من البجي كايدتهه امي صارت مقاابيل جددي رفعت سبابتهه وتعييط _ دممممم ريمممم بركبتك كللللة بسببك حررررمتتني من بنتتتتي الله لا يوووفقك

كمت بسرعة لزمتهه من ايدها وابوية وعمي كاموو يهدوون وضع وحبوبة تعييط _ دمرررررتنه كللللة بسبببك ضلللليت عمرررررري كلة كلللبي مجوووي على بنيتي كتلللللت رررريم حتى ررررنيم كلللللة بسبببك متخااااف من الله متكووول باجر وراي حساب كتاااااب للكككك متخااااف

انفجرت بلبجي والكلام الي ضامته بكلبهة من سنين وجدي مدنك يسمع ودموووعة تنزززل كلللش نكسرر بهليلة واضح عللي شعوور بذنب وتأنيب الضمير بس مابيدة شي يصلحة ويكفر عن ذنبة ..

حسيت حبوبتي انتهت كللش تعبت صاارت تررجف سكرها ارتفع وعيونهه حمر شلتهه بسررعة وهيا فقدت بين ادية ركضنا للمستشفى اني وامي وابوية تلاحكنهه بلطورائ وضلينا سهرانين يمه لحد ما استقر وضعهه ورجعنا

جان البيت هادئ الكل ناايم دخلت حبوبتي للغرفة وضلت امي يمهه من بعد ما اطمنت عليهه صعدت لغرفتي واني افكر ليلة كللش طوويلة وصعبة ابد ما جانت سهلة على اي واحد من بيت كلنة مرينا بحالة صدمة بس مجبورين نتماشى ويا وضع واحاول احسن العلاقة بين جدي واصيل ..

..

كعدت الصبح ساعة 6 على أثر صووت المنبه واني اكذب اذا اكوول نمت .. شايفين من عدكم شي ينتظر كم الصبح مثل كل بداية عام دراسي او بداية عمل جديدة او سفرة او زيارة لأحد يصير عندك هلع وقلق كللساع تفزز بليل وترجع تناام تفز وترجع هيج بضبط صاار عندي بس للأسف ما جان شي حلوو ينتظرني بلعكس اكبر التغييرات الفجائية تنتظرني هوواي احداث متاكدة منتظرتني باجر ..

من بعد الروتين اليومي من تغسيل وتبديل طلعت من الشقة وتوجهت للسيارة واستغربت من وجود شخص متكئ على سيارة من امام تقربت اكثررر واشووفة الدخان مالي وجهه

_ صباح الخير

_ صباح النور خير شكوو من صبح

زفررر نفسة الاخير من جكارة وشمرها بلكااع وسحك عليها بسطالة البيرية نازلة على عينه الهالات السود محفورة تحت عينة واضح علي مانايم _ غير بنت عمتي اجيت اشووفج

_ هه مو احسن اذا تنطي مجال شووية حتى نستوعب الفكرة وبعدين تتعود

_ شكوو بيهه خلينا من اوول يووم شراح يصير يعني لو عندج شك لسة ؟

_ لا .. لأني جنت شاكة قبلك انتَ بس ثبتتلي الحقيقة

_ اممم شلووون بلا

_ صراحة ماريد اعيد بلموضوع كللش تعبت لأن

_ تمام خلي يولي اهم شي عرفنا الحقيقة علينا بلي جاي

_ صدك شعندك من صبح هناا

_ واكف هناا من ال 5 منتظرج ماردت اكعدج كلت خااف مانامت واكعدج من وكت

_ لا اصلاً مانمت ضليت اتگلب بلفراش مثلك بضبط

_ شدراج مانايم ؟

_ عيونك تحجي

_ على شي الصار البارحة محد نااام من صدمة

_ حقهم

_ اصيل ليضل كللبج قااسي على جدي صح هووة غلط بس صدددكي ندماان تدرين البارحة اول مرة بحياااتي اشوووفة يبجي ومكسووور

_ قيصر اذا اكلك شنوو الي اريد اسووي اكذب علليك لان ماعرف شنو التصرف الي اتخذة بحق اهلك كللهم اكرهم واضوج منهم على الي سوو بأمي لووو امسح الماضي واعتبر شيئاً لم يكن ..

_ شووفي كللشي تتخذي اني ويااج مو ضدج بس شووفي هيا الدنيا شكد صغيرة من جابتج لبغداد وخلت دخلين لهذا سلك ونتعرف اكثر ونواجه هاي الحقيقة منو جان بالة اني اطلع ابن خالج وانتي بنت عمتي ؟ هسه الي بدوام لو يعرفوون ميصدكون

_ لتحجي شي يمعوود مالي خلك اكعد اشرح واوضح

_ لا طبعاً منحجي .. بس داوضحلج لفكرة شكد دنيا صغيرة من جمعتج ويا اهلج وخوالج من بعد كل هلسنين ! شووفي هوة العمر كاضي وخلصان مالة داعي احنه نكبر الموضوع على شغلات قددديمة عليهه الطين ثقي بالله وسمواته لو امج عايشة جاان من زمااان مسامحة اهلها حتى يمكن هيا من توفت مسامحتهم ..

لتخلين حقد والكره الي بداخلج تجاه عمج يتوجه لجدي واهلي مو قصة هما اهلي بس صدكي لو يعرفون الصاير بيج من ساعة الي عمج سووالج قبر رمزي فلا خلووو خلللف عاايش وجابووج يمهم وعيشووج مكرمه معززة بس ماجانوو يعرفون

اني واحد من الناس لو ما انتبه على ستوري هدى واشوف اسماء اهلج فلا ادري هم عابرة علية السالفة لان هذا شي ميخطررر على عقلل احد .. الي اريدة منج تفتحين صفحة جديدة وثقين بية وبابوية وجدي وعمي نرجعلج حكج مرربع وانفكس عيوون خلللف وامة حتى ابوية اليوم طلع للدوام من ال4 راح يشوووف معلومات ويتاكد من موقع خلف حتى نشتكي علي ..

چنت مكتفة ايدي وصافنة بوجهه مستمعه الى لحد النهاية اكدر اعترف قيصر عندة اسلوب مقنع بلكلام يخلي الشخص المقابل يثق بي لذالك ايدته بلكلام مو لان دفعني بكلامه لا .. لان فكرت وشفت اتخاذ  موقف على شي صارلة اكثر من 30 سنة مالة داعي لان سالفة صارت وانتهت والرجال ندمان ومقهور ولأني محتاجة من جد احد يووكف وياي بقضية خللف لان اقتنعت اقتناع تااام وحدي مراح اكدر اجابه واكشف حقيقة الة بوجود قيصر وياي ولان ابوو واصل بلدولة راح يكدر بسررعة يطلعلية من سابع ارض ..

_ تمام قيصر هسه خلي اروح للدوام لا اتاخر وانته اذا عرفت شي جديد كلي

_ خوو ماعندج مشكلة بلدائرة اي شي يصير بس اتصلي عللية

_ هسه صاار عندك عذذر حتى تبرر غيرتك الزايدة على ابوو بنت عمتي مووو ؟

_ ههههه اي فنج تحجين حجاية بعدد

_ ههه شلوون لكيتني علساس راح اسمعلك حجاية لو تطلع اخوية مو ابن خالي هم مامشي بكيفك

_ تؤ تؤ تؤ هسه ليش ترديني ابطلج من شغل واكعددج بلبيت

_ مو اخذت الدوور بزيادة خف عللينا يبطلل

_ انجبي اصيل كاافي رعونية

_ شوووف اني اكثررر شي اكرها بلدنيا احد يتجاوووز علية لووو تطلع مااعرف منووو ماسمحلك تجااوز تمام .. هلكلمة اذا نعادت ميصير خير قيصر

_ احناا شلووون بهاااي العصبيةةة الزايدددة

_ الاحترام صااار عصبية هسه ؟!

_ كافي كافي مالي خلك أدخل بنقاااش وياج حالياً يلااا تووكلي واني وراج

_ خير هم راح تجي وياي للدائرة

_ اي عندج ماانع ؟

_ بس اريد اعرف كل يوم والثاني جاي يمنه شعندك ؟ لو معاملات هم خلصن ما شاء الله واسطتك قووية بسرعة تخلص كلللشي

_ شغل بابا شغل شدررراج انتي

_ لعد متكلي شنو شغلك

_ بعدين بعدين يلااا امشي شووفي ساعة

صعدت بلسيارة وصرت امشي وهوة وراي لحد ما وصلنا الدائرة ركنت السيارة بلموقف وهوة ضل بلسيارة كاعد عفته ودخلت ليجوة وتوجهت لمكتبي لكيت ملازم دعاء موجودة جانت ماخذة اجازة سلمت عليهه

_ هلاووو حياتووو شلوونج

_ اهلاً بيج عيني

_ مشتقتيلييي شعجبب لا سؤال لا جوواب

_ امم لا ماشتقيتلج عادي وضع

_ لكبر بلجذب دجااملي احجي

_ واللهي هاي طكتي مااحب اجامل لو اكذب احجي الحقيقية

_ مدام هلكد صريحة قبل فترة شفتج ويا رائد قيصررر طالعين سووة

_ شووكت هاي

_ قبل اسبوعين تقريبأ او اكثر

_ اي هيج صارت شغلة

_ شنو من شغلة يعني شعندج ويا ؟!

_ أشياء خاصة

_ علليج الله كوليلي

_ شبيج بابا شنوو هلتدخل والفضووول

_ يعني اكوو علاقة بينكم ؟!

_ طبعاا لاا شنووو هلحجي دعاء شبيج

_ عبالي كو** يضحك علية

_ ليش شسووالج

اجت تقربت يمي وكعدت على طرررف مكتب _ شووفي هوة ديراسلني مرات نتخاابر وطلب مني علللاقة .. يتبع

هلاو بنات طبعاً اغلبكم يحجي على موضوع التنزيل سبق وان حجيت علي مثل متعرفون الدوام بلش قبل اسبوعين واني كل فكري لشهر ال١٢ وجانت الخطة الي راسمتهه منة ال ١٢ اني مكملة القصة لكن وقت الدوام صار فجأة فحابة اوضحلكم شغلة اني الكتابة مو شغلي ولا مهنتي مجرد هواية يعني باختصار ماكو شي داخل بجيبي حتى انتو نفسكم الي تقرون كل هلشيئ مجرد هواية ( القراءة والكتابة ) فهلشي مو شي واجب ولازم التزم بي كل انسان يمر بظروف ماكو واحد حياته فارغة اكيد عندة مسؤليات التزمات لذالك اتمنى منكم تتفهمون الوضع واني حاسة بلوضع انو تأخرت هوواي يعني مو مادري وثقوو كلما يصير عندي مجال شويونه اضل اكتب والمشكلة انو القسم الي اختاريتة بي صعوبة مجبورة اضل ادرس يعني ماعندي وقت طويل وفارغ وهسه هواي طولت عليكم بس الي اريدة منكم بدون تهجم تتفهمون الوضع وان شاء الله البارتات الجاية راح اطولهه اكثر من المعتاد حتى انهي القصة بدون تضيع حقهه 🕊️💖