لتنسون التصويت + متابعه لحسابي✨
#الكاتبه_اماني_المحنه✨
_العقاب المتناقض ✨
_-_-_-_-_-_-_-_-_
~2019
جلس العجوز على كرسيه واخذ كتابه المفضل لقرائته كالعاده، والا به يتفاجأ بدخولها وهيه تقول بحماس
_ ابي ابي اقرأ لي قصه قبل النوم!
نضر اليها بتمعن ثم اخذ نفس عميقا وابتسم وقال وهوه يغلق كتابه ويضعه على الطاوله
_ حسنا يا عزيزت ابيك لك ما تريدين،
تسطحي على فراشك للاروي لك روايه ستنال اعجابك بالتأكيد..
تسطحت على فراشها وهيه تنضر اليه والسعاده تغمر قلبها، وقف العجوز على قدميه وغطا جسدها وقبلها على وجنتها ثم عاد لكرسيه، امسك يدها والابتسامه مرسومه على وجه ثم بدأ بسرد الروايه لها!...
_-_-_-
1975
صوت اذان الضهر..
دخل ايار للبيت بملابس وصخه من بعد لعب وعرايك طويله فصخ فانيلته وبجامته وضل بالشورت الداخلي رماهن على الارض وهوه يلهث، اردف بصوت عالي
_ يمااا حضرتي الغده؟ تره اني ميت من الجوع
وبأقدامه المليانه طين مشى على الفراش ولا مهتم كالعاده متجه للمطبخ ياكل لقمه يسكت بيها جوعه
امه جانت فوك السطح تنشر الملابس وهيه تفكر بموضوع شاغل بالها تحاور نفسها وتكول
_هسه شلون راح افاتحه بالموضوع؟ زين ابني ارعن واخاف يسويلي مشاكل ويفشلني كدام العالم؟ بس.. لا لازم احجيله، اي لان هاي حياتي ومن حقي اعيشها مو كافي انحرمت من ابو واني بعمر صغير، وتبهذلت لمن كبرته، اكيد راح يفرحلي ويتقبل الموضوع..
خلصت من الملابس ونزلت على الدرج وجان تشوف ملابس ايار المطينه على الارض وطبعات اقدامه على الفراش، هنا طار عقلها وعصبت وجان تصيح
_ كاااافيييي مليييييتتت منك شنو انته ما ناوي تكبرررر، الى متى اضل انضف وراك موتتنيي..
سمع صوته ايار وطلع من المطبخ وهوه ياكل وجان يرد عليها وهوه يمضغ اللقمه
_ سهله يمه لتعصبين اذا على ملابسي هسه اشيلهن واغسلهن
ردت امه بعصبيه وحركت اعصاب وهيه تنزل الدرج وتدبج على برجليها بقوه من شيطتها بسبب تصرفات ايار..
_ لا ايار بعد لهناا وكافي خلص بعد اني من هل لحضه قررت وحسمت امريي، لان انته ما ناوي تتغير ابد
ايار متعجب على كلام امه وما يعرف شنو قصدها رد عليها بجهل
_شبيج يمه ليش مكبره الموضوع هيج! هسه اني اساعدج والله
ردت امه وهيه تحوم حوله
_لا لا لا انته ناوي تجلطني بس اني هل مره راح انطيك عقاب ماراح تنسا بحياتك!!
*العائله الثانيه
الاب كاعد ومسيطر مثل الملك، بيده جكارته وما عاجبه العجب يدور اي زله بالبيت حتى يسوي مشكله هاي عادته ميغيرها لان تحسسه بالذة السلطه والتملك..
ناده على زوجته بصوت عالي و وبطريقه تحسسك انه ملك وينادي على خدامه
_ هيوووو وينج؟
زوجته لمن سمعت صوته تركت الي بيدها وركضت علي بخوف تلبي طلبه وبصوت متأرجح ردت
_ هها ها ابو سمير صحتتللي؟
رد بغطرسه وتكبر يأشر باصبعه ويكلها
_روحي صيحيلي بنتج ام للسان طويل خلي تجي تفرك رجليه احسن ما كاضيتها كعده بالغرفه
ردت زوجته
_ اي لعد وين تروح يا عيني! نوب خطيه جاي تقضي وقت بالرسم
طفر الاب من مكانه لمن سمع كلمه رسم وعيونه رادت طلع لبره من العصبيه ومشى لغرفة بنته وهوه يصيح ويزنجر بصوته
_شنوووو!! منو سمحلها ترسممممم هل عار منوووو!!
الام تركض ورا تريد تهدي وهيه تكله
: تره ما بيها شي خطيه وين تروح من مللها، مجرد ده تمارس موهبتها ما مرتكبه جريمه..
وكف الاب عند كلمة جريمه ونطت عيونه، التفت لزوجته وعيونه كلها شرار
هيه من شافته هيج خافت وحطت ايدها على حلكها وصارت ترجع لوره شويه شويه وجسمها يرعشش
الاب وهوه يتقرب عليها صاك سنونه وبصوت خافت اردف
_شكلتي والج!! شنو قصده بكلمة جريمه هااا؟
زوجته حطت اديها على وجها مثل الدرع تحمي نفسها وبصوت مرعوب اردفت
_ووو والله مممااا قصديي ش.. شيي ممجرد كك كلمه عاببره وو ب بس
وبحركه مفاجأه كضها من شعرها الطويل وعتها حيل، هيه من الوجع شاغت روحها بس ما طلعت صوت، باوع بعيونها واردف
_هل مره لفضتيه نوبة الاخ يصير، بيج شي ما يعجبج ابد وانتي تفهمين شقصد
اردفت بصوت مهزوز وعيونها دمعت
_ ان انن ان شاء الله بب بعد ما ماتصير..
دفعها حيل على الارض وجان يدخل لغرفة بنته وهوه يزنجر بصوته
جانت كاعده ترسم وتباوع على الشباك وتتأمل الشجره الي طل على شباكها وهيه مبتسمه،
_اي عمي ايييي ارسمي لعد شعندج يالفاشله..
لمن سمعت صوته تغيرت ملامحها بسرعه من ملامح فرحه الى اكتأب وضوجه وعبس وجه، وكفت وباوعت لبوها واردفت بصلابه
_ هاا.. اعذرني مجنت اعرف الرسم ممنوع بيتنه هم!! جان نبهتنه من البدايه
الاب لمن سمع ردها عصب بالزايد وجان يردف بصوت عالي
_ شووف الرد!! اكو بنيه هيج ترد على ابوهاااااااا يالحقيره..
تجاهلت كلامه وماردت علي، هنا هوه لكمها كف على خدها رجعها لوره من قوته بسبب احساسه بالاهانه لان ماردت علي وهزت كبريائه
هيه حطت ايدها على خدها وباوعت لمها حتى تتكلم ودافع عنها بس امها لزمت الصمت كالعاده ومحجت شي،
ابوها اخذ الرسمات كلها وبلشت يمزق بيهن ويرمي على الارض حتى يحرك روحها اكثر واكثررر بكل طغيان ونفسيه حقيره متعطشه للاثارة المشاكل لاجل ارضاء رغباته بالسلطه والغطرسه..
بنته تباوع علي وهيه صامده ما نزلت ولا دمعه لان تعرف غاية ابوها هيه يحرك قلبها وبس ولذلك هيه بالعناد ما بجت رغم انو رسماتها هنه اغلى ما تملك، من الداخل جانت مثل البركان الهائج ومن الخارج صامده كالحبل ..
لمن شافها ابوها ما متأثره عصب اكثر وسحبها من شعرها وطلعها من الغرفه يعت بيها عت مثل الحيوان، شمرها على الارض وكعد على التخم واردف بتكبر
_ امشي جيبي المي والصابون وافركي رجليه لان انتي وامج هذا مستواجن يا حثاله،
استحقرته بنته وماردت علي، جابت الي طلبه منها وكعدت جوه رجلي تفرك بيهن، هوه بكل حقاره غطس رجله حيل بالوغفه مال الصابون متعمد وجان يدخل بعينهه، طفرت من مكانها تفرك بيهن وراحت للمغسله حتى تغسلهن ويروح الوجع، وهناك على المغسله وحدها غسلت عيونها وانهارت بالبجي وهيه تذكر ابوها شلون يمزق برسومها وشلون يعاملها وامها تباوع وساكته،...
*
ايار _يمه شتقصدين بكلامج هذا؟
اخذت نفس عميق واردفت
_اني راح اتركلك البيت واروح
ايار- وين ترحين؟
ردت- ازوج وابلش حياة جديده
ايار من صدمته ضحك واردف
_تشاقين صح؟ ادري بيج تكولين هيج حتى ابطل من سوالفي
ماردت علي امه ضلت تباوع علي، هوه هنا ادرك انو كلامها هل مره مو شقه ولا مجرد تهديد، بلع ريكه واردف
_ما تشاقين صح؟
اردفت امه ونزلت راسها
_لا ما اشاقه اني اخذت قراري
ايار-اخذتي قرارج!! يعني السالفه من زمان
امه- اي قبل فتره طلبني احد للزواج وشرط عليه شرط
ايار-وهل شرط هوه تركيني مو؟
- اي
ايار بهضمه- ينطيج قلبج يمه!
امه-مابيها شي تره وانته مو طفل،
ايار-يمه والله اوعدج راح اتغير واصير مثل ما تردين وابطل تصرفاتي هاي،
بس لتركيني الله يخليج
الام-منو كلك راح اتركك لوحدك؟
ايار-شنو قصدج؟
الام-راح ازوجك يله ازوج اني
ايار-شنوووو؟ من كل عقلج يمه!! تره عمري 16 سنه لتخبليني يمااااا، شلون راح اتحمل هل مسؤليه؟
الام-هوه هذا الي اريده تتحمل المسؤليه لانك واحد فاشل ولازم تتعاقب حتى تتحمل وتحس بيه
حط ايار ايده على راسه وصاح معصب
-يا مسؤوليه يمااا شبيج انتيييي؟ لهل درجه تكرهيني وتردين تتخلصين مني بأي طريقه..!!
ردت امه بصوت عالي
-اني قررت وخلصصص ماريد كلام زايد بعد، هاي حياتي واني حره بيها وبعدني بمنتصف عمري وبعدين اني راح ازوجك حتى ما يضل بالي عليك و اشيل همك فهمتتت..
ايار-الله الله.. ومنو هاي الي راح تقبل تزوج مراهق بالله فهميني!!
-اعرف ناس عدهم بنيه راح نروح الهم اليوم العصر ونطلبها منهم
ايار-منو هذوله؟
-كتلك العصر نروح وتفهم خلص سد الموضوع
ايار ما هداله بال ضل يفتر طول الضهريه بالبيت وكلام امه يتكرر براسه دايخ ومايعرف شيسوي وبعدين راح للحمام سبح وبدل ملابسه وكعد ينتضر امه
اجه الوقت الي يرحون بي طلعت امه وشافته ينتضرها وهوه على اعصابه
مشت بسكوت وهوه يتبعها، ولوصلو لبيت ايا هنا وقف وحس انه شايف هل بيت من قبل لكن مايذكر شوكت
باوعتله امه واردفت
-يله امشي شبيك لطشت بمكانك! اكو شي؟
ايار-لا ماكو شي..
طرقت امه الباب وجان تفتحه الها صاحبة البيت، باوعت الام لايار واردفت
-انتضرني هنا من اصيح الك تعال
ودخلت
كعد ايار ينتضر امه عند الباب
امه دخلت وسدت الباب
-ام ايار؟
-اي هاي اني
-تصدكين ولا عرفتج بالبداية! هواي متغيره وصارلج فتره طويله مجايه النه
ام ايار-اعذريني والله مشغوله وحالتي حاله، بس بصراحه اليوم جايتكم بموضوع
-تفضلي ولو تدللين
ام ايار-امم ابو سمير موجود؟
-اي موجود تفضلي
دخلت الام لغرفة بنتها واردفت
-يمه زمرد سويلنه جاي اجانه خطار
زمرد-ان شاء الله
كعدت ام ايار مقابيل ابو سمير وام سمير وبلشت بالسلام جانت تقضي وقت وياهم لمن ما تجي زمرد..
حضرت زمرد الجاي وقدمت الها باوعت ام ايار بعيونها وبتفاصيلها نوب ابتسمت واردفت
-هاي شنو شعجب زمرد لسه ما مزوجه؟
رد عليها ابو سمير-ليش هيه زمرد منو يخطبها اذا لسانه اطول من عمري منو يجرعها اصلا، الناس ما تجي الها لان يعرفون لسانها السليط، مفشلتنه كدام خلق الله
ردت ام ايار-زين واذا اخطبها للابني تنطوها!
ام سمير معجبها العرض واردفت
-بس ابنج صغير وهيه اكبر منه ب 4 سنوات ما ترهم
قاطعها زوجها ورد بشكل حاسم
-موافقين
زمرد انصدمت من رد ابوها بهل سرعه وامها مكدرت تكسر كلامه ضلت ساكته مثل الي بالع موس..
كمل ابو سمير برده
-وهم اريد نزوجهم بسرعه ماعندي مشكله بهل شي..
ابتسمت ام ايار لان الي تريده صار وكفت اردفت
-تمام لعد انتضرو حتى اصيحه يشوف زمرد ونحسم الامر
ابو سمير-لا ممنوع يشوفها لمن يزوجون يله
كعدت ام ايار واردفت
-اهاا تمام، بس بصراحه شويه الماده صعبه هل ايام وانتو تعرفوني مره ارمله يعني اتمنه ما طلبون مهر غالي
ابو سمير-شوفي اني متنازل الكم بكلشي حتى حفلة عرس لسوون بس سوو عقد زواج بالمحكه وخلص، البنيه تاخذوها هيه وملابسها ومن باجر هم
فرحت ام ايار وما صدكت الي سمعته اترخصت منهم وشكرتهم وطلعت
زمرد عصبت وعيونها انملت دموع واردفت
-شنو توافق انته بمكاني بابه!! انته منتبه انك ماخذت رأيي حتى! تره مايصير توصل بالتحكم بيه لهل درجه!!
رد ابوها وهوه يناضرها بقوه
-سدي حلكج وانجبي، اني ماصدكت اخلص منج وانتي تردين اخذ رأيج، وبعدين تعاي انتي من كل عقلج!! يخطبخ احد من هل ولايه وهمه يعرفون لسانج اطول منج!
زمرد تركته ودخلت لغرفتها تبجي ومنهاره من ردود ابوها..
طلعت ام ايار وبلشو يمشون هيه وابنها ويحجون
ام ايار- اخذت الموافقه من ابوها
ايار بتعجب رفع حواجبه واردف
-شنهاي بهل سرعه قبل؟
ام ايار-اي والله وحتى ما تشرط مجرد نسوي عقد محكمه وتاخذها
ايار-شنو يعني هيج مباشر، لازم السالفه بيها انه لان ممعقوله اهل هيج ينطون بهل سرعه
ام ايار- ماكو لا انه ولا شي لتخاف بتهم اني اعرفها وضامنتها الك
ايار-اي ادري يمه غير اشوفها شسالفه ليش احسكم تردون تخلصون من عدنه بأي طريقه
ام ايار-امشي للبيت واحجيلك
وهناك حجتله
-اسمها زمرد شابه عمرها 19 سنه حلوه وام بيت يعني ماراح يضل بالي يمك
ايار- هلووو اكبر منيييي! ما لكيتي غير هااي يمااا تره مستحيل يجي يوم واحبها!
الام-ليش مو انته جنت تحبها اكثر مني
ايار-مفهمت!! شلون احبها اكثر منج بله؟
الام-اي جنت ما تنام اله على ريحة صدرها
ايار-شبيج يمااا شتحجين انتي؟ تره اني ابنج وتعرفين مستحيل اروح لهل طريق!!
الام-راح ازوجك البنيه الي ربتك وانته رضيع !!
ايار-شنووووو !!!
*
زمرد دخلت لغرفتها منهاره وتبجي
اخذت التليفون الارضي واتصلت على اختها الجبيره
-الوو عبيرررر، والج شوفي ابوي وين وصل بتصرفاته وضلمه
عبير ردت ويمها صوت اطفالها وهمه يلعبون قريب منها
-شكووو احجييي
زمرد-ابوي راح يزوجني لواحد اصغر مني 4 سنوات مو بس هيج وراح ينطيني الهم بدون حقوقي بس نعقد المحكمه يعني لا زفه ولا شيي تخيلي حتى من هاي حرمنييييي
عبير-اوففففف والله ماعرف شكلج يروحي بس بالنهايه القرار قرارج
زمرد-والج يا قرار، ابوي انطاني وخلص يعني باجر نروح نعقد المحكمه شبيج انتيييي
عبير-لعد اتقبلي زمرد لان ما بيدج شي بعد تعرفين ابونه
زمرد بحرقة اعصاب ودموعه تنزل اردفت
-والله يا اختي اهرب ولا انفذ طلب ابوي، لان ضلم والله، يعني ما كفا لمن حرمنه من كلشي نوب يضلمني بهل زواج!!
علياء-لا فدوه للتتهورين والله اخاف عليج من ابوي، شنو نسيتي علياء شصار بيها؟
ابوها جان واكف وره الباب ويتصنت عليها وبيده الحزام والشرار يطلع من عيونه..
_-_-_-_-_-_-يتبعع
اكتبولي توقعاتكم الحلوه؟
بنات هاي قناتي على التليكرام ضيفوني