قوة ايسون

القـوة الـواحـدة وثـلاثـون

✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون

البارت واحد وثلاثنين

بقلـم:زهـراء لـؤي

ولـدي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️‍🔥

حسابـي الأنستا : wa5bad

عيونك الي خلتني احس
ماكو قبلها عيون حلوة
و لا اكو وراها عيون تسوى
تبتسم، و عيوني تاخذها بطريقك
و هنة لرموشك عيوني تروح فدوه
✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹
ايسـون...

مبتسمة وهو واكف يباوعلي برود كلش ضحك مستهتزء
-الأكبـر : حتى بعدين من تصير سالفة ماثقين بية حتى من تجيج وحدة تگلج انا عندي علاقة وي زوجج تصدگينها وبدون ماتفهمين مني ؟

أختفت بتسامتي من كلامة
-ايـسون : حط نفسك مكاني أكبر !

حجة بعصبية وعيونة حمر ويرجف
-الأكبـر : حطيت ايسون گلت حقها ضام عنها موضوع قاتل أبوها ماكو مُشكلة بس مال تجين ايسون وينطيج النذل صورة وتصدگينها لا هاي واكفة ثبتيلي ماعندج أي ثقة بيج الي يحب يثق ويسمع من الثاني لو سامعة مني ! هاا لو سامعة ! وعرفتة جذاب وعرفتة مفبرك الصورة لان هذا نذل كلشي يطلع من عندة ، بس انتِ صدگتي وجذبتيني

-ايـسون : لو انتَ مكاني تصدگة وجايبلك الصورة !

-الأكبـر : أجذب الدنيا كلها وأصدك بيج لان انا اعرف نفسي شحاب من مرة

-الأكبـر : وانتِ لو صدك تحبيني جان عرفتيني شنو انا بس مثل ماردتي ايسون انفصال وانفصالنا وكلمن بطريقة بس تعذريني ماگدر أرجع انا كرامتي ماتسمحلي أرجع

-الأكبـر : انا مو لعبة عد حظرتج شوكت ماترديني موجود وشوكت ماتردين تعوفيني تغارين عليّ بس ماترديني ، تعال روح أريدك ماريدك تصرفاتج !

تقرب ثبت عيونة الي صايرات حمر بعيوني وحجة
-الأكبـر : أول مرة بحياتي راح أنطق هاي الكلمة انا أبن زاهر المُجرم انا ابن قاتل أبوج انا أبو النسوان ، أگدر مثل مادختلج الـ گلبي أطلعج

رجع أشر على الباب ويرجف أحسة گوة لازم نفسة
-الأكبـر : أطلعي ايسون ماريد أذيج أطلعييييي

مصدومة من كلامة نزلت دموعي مسحتها شفت حالتة مصدومة بي يرجف أول مرة اشوفة هيج تقربت من يمة
-ايـسون : انا أطلع بس على كيفك شوف نفسك

عاط بصوت عالي يريد بس أطلع مادري شنو سبب
-الأكبـر : ايسوووون برااا كتلجج براا

هزيت راسي بمعنى "لا" فتحت الباب صحت بصوت عالي
-ايـسون : نبأ جيبي مااي نبأ

تقرب جرني من أيدي وفتح الباب وطلعني !
-ايـسون : أكبر شبيك بس أفتحلي الباب أكبرر

أجت نبأ تركض وجها مخطوف
-نبأ : ايسون انزلي جوة انا راح اشوفة

-ايـسون : لا نبأ شبي حالتة تخوف يرجف وعيونة حمر شبي أكبر

صعد حيدرة ومريم وميار
-حـيدرة : ايسون تعالي شوية تعبان هسة يصير زين

دخلت نبأ وسدت الباب
-ايـسون : هو شنو تعبان غير تحجولي شبي تردون تخبلوني

-ميـار : خاف معصب من عندج اهدي حبيبتي تعالي

جرتني ميار حضنتني وراها نزلنا وانا بالي وعقلي كلمة يمة
-ايسـون : خالة عليج الله شبي الأكبر

حجت خالة ليلى وهيّ تحاول تطمن بية
-ليلى : مابي شيء حبيبتي هو من يعصب هيج ومايريد يأذي أحد لهذا سبب يطلب من عدج تطلعين

-ايـسون : ونبأ !

-ليلى : نبأ اكثر وحدة تفهمة وحتى من يعصب هيّ تضل يمة دائماً

هزيت راسي شوية ونزلت نبأ
-نبأ : مابي شيء ليضل بالج يمة

-ايـسون : شلون صار؟

-نبأ : احسن حبيبتي لتخافين

-ايـسون : زين أگدر اشوفة

-نبأ : للأسف عرفاج تگولين اريد أشوفة لهذا سبب گال ماريد أشوف اي احد

هزيت راسي
-عـلي : حيدرة نروح؟

-ايـسون : اي نروح

گامت أمي وحيدرة والبنات وميار همين ودعناهم وطلعنة طول الطريق دموعي تنزل وامسحها
-حـيدرة : ايسون كافي بجي

-ايـسون : ماجاي أبجي

-حـيدرة : لا ذني شلال جاي يطيحن مو دموع

-عـلي : لا مو شلالات تانكي

-ايـسون : كوميدين ماشاءالله عليكم

-حـيدرة : وين اكو مثلنا

-ميـاسين : مستهترين ذولة ولج

-تولين : شدعواج عمة اوي احلى مستهترين

-ايـسون : انجبي ادبسزز دافعيلهم دافعيلهم

طگتني على أيدي
-تولين : طبعاً اذا مادافع الهم ادفعلج

-حـيدرة : وانتِ ميار دافعيلمن

حجت بدون ماتنتبة شحجت اصلاً
-ميـار : سُلطان

ضليت صافنة انا طكوها ضحكة كلهم وميار استوعبت شگالت
-حـيدرة : عمي هنيالة هذا الدايح اكو من يحبة

-عـلي : شلون دايح ومنقذ النسااء

-حيـدرة : أسكت ولك ماتدري ميار نقذ بنية شابة همين

-ميـار : ولعباس ابو فاضل سُلطان مايسويها

-عـلي : شالج ودگج ان شاءالله العباس شمدرج انتِ

-ميـار : رجلي واعرفة زين

-ايـسون : رجلها ام خيسة

ضحكت وگالت
-ميـار : مساع الصُبح حجينا بموضوع زوجنة ويگول بعد أسبوع نتزوج

انصدمنا
-ميـاسين : هلاو هلاو تحددين زواجج بدون ماندري ولج صايرة مستهترة مثلهم

-ميـار : هاي شبيج خالة سر سعادتي هو طلب مني

طگيت أيد بأيد وحجيت
-ايسون : وعلي ميار صايرة ماتحبني وماتسولفلي

ضلينة نتعارك لحد ماوصلنا للبيت بدلنا ونزلنا گعدة
-ايسون : اي ست ميار شوكت جنتي ناوية تحجين بالموضوع

-ميـار : مساع جنة ناوين نحجي بالموضوع بس صارت العركة ونسيناة

-ميـاسين : وين تلحگين منا لبعد سبوع ميار

ضحكت بفرحة وگالت
-ميـار : صار هواية سُلطان يجهز للعرس قبل شكم يوم دزلي صور فساتين معبالي جاي يجهز بس گلي هذا صديقي جاي يجهز الـزوجتة مُفاجأة فُستان زواج وحنة دزيتلج الصور شوفي منو احلى شيء برأيج اخذ ذوقي بس انا مافهم بالفساتين واجيتج انتِ انطيتة احلى وأرقى فساتين وطلع جاي يختار ألي

حطيت أديها على وجها تضحك واحنا نضحك وياها هز أيدة علي وگال
-عـلي : عمة زوجيني ترا من وراهم طگني الجفاف

-حـيدرة : ولك ادبسزز من وراهم طگ الجفاف شنو

-عـلي : هاي شبيكم أقصد اريد اتزوج

-ميـاسين : ان شاءالله خير يمة من باجر نطلع نجهزلج

مر ٥ ايام واحنا نجهز الـ عرس ميار وطايرين من الفرح راحو عقدو عقد محكمة الحمدالله فرحانين بشكل وهيّ همين وخوب سُلطان يبو ميت من الفرحة فرحانين الهم كلش

اليوم حنتهم وبـ ١٢ الضهر نروح للمركز ونسوي الحنة بالقاعة يجهزوها وميار من التوتر عوزها شوية وتبجي
-ميـار : بنات ماتحمل شسوي شسوي خايفة

-ايـسون : ميارح راح الطج على عينج محق علي انطمي واستجني شبيج

-مريـم : عيارة العرايس

-ايـسون : والله استجني هو حنتج اليوم عود توتري

-نبأ : شبيجن وي البنية كبر لفجن خوفتنها بزايد ، تعالي حبيبتي انطيج نصيحة لتخافين خافي الـ باجر وحتى الـ باجر لا تخافين

-مريـم : لو ساكتة أحسلج

-ميـار : شهل نصيحة لو مانصيحتج ميتة انا

ضحكنا كلنا گمنا نرتب البيت لحد ماصارت بـ١٢ رحنا للمركز انا وياها ومريم وأمي وتولين نبأ ماقبلت گالت تضل يم خالة

لبست ميار فُستان كلش حلو لونة وردي فاتح ضيق جاي على طول الجسم ومن فوگ الردانات منفوشة وبيه خرز على طول الفستان بحيث طلع عليها يخبل ويا مُجهورات فُضة ومكياج طلعت أميرة

اما انا لبست فُستان جوزي وبي فتحة لحد الركبة وشوية أطول وبية من يم الصدر فتحة جيبرة وبي أحزام

طلبت يخلولي مكياج خفيف لان مايلوگلي المكياج هواي كملنا كلنا تمكيجنا
-ميـار: طالعة حلوة بنات؟

-ايـسون : تخبلين أميرة سُلطان

-مريـم : عين الله عليج زوجة اخوي

-ميـاسين : شحلاتج بعد روحي

أتصلت مريم بالأكبر يجي ياخذنا بالفترة الي راحت لا شفتة ولا شافني واصلاً ماحاولت
- تولين : حنة الزلم وحدهم؟

-مريـم : أي بقاعة ثانية

شوية وأتصل الأكبر على مريم وصل خلينا على ميار عباية واحنا لبسة صايات راح اشوفة صارلي هواية ماشايفتة هواية أشتاقيت ألة كلش هواية طلعنا لكيناة واكف مرتجي على السيارة ويشرب جگاير من شافنة أبتسم وأجة
-الأكبـر : هلا بزوجة أخوي

-ميـار : هلا بيك حماية

-الأكبـر : أصعدوا وحدة من يمكم تجي تصعد ليگدام

-تولين : روحي ايسون أصعدي

خزرتها الأكبر مامهتم ولا مخلي بالة
-ميـاسين : روحي ولج

-ايـسون : لا يمة روحي انتِ ورا راح أگعد يم البنات

خليت أمي تصعد يمة ليگدام صعدت ورا الباب أنتبهت الة بس يشرب جگاير شغل أغاني وذني ضلن يركصن فرحانات وأمي تهلهل

شلت عيني للمراية شفتي يباوعلي گبل دار وجهة من باوعتلة لحد ما وصلنا نزلنا كلنا بلقاعة وصلنا وراح

باوعت النا ميار وعيونها مليانة دموع
-ميـار : تمنيت أمي بهاي الحظة وياي وتشوفني

-ميـاسين : الله يرحمها حبيبتي

-ايـسون : الله يرحمها ، أمسحي دموعج لا يخرب مكياج يول

مسحت دموعها النسوان كلش هواية جايات وقمر كلها جاية فرحنا كلش هواية أجت عيني على خالة ميار وأمها مايحجن وياهم حتى من جنة مأجرين يمها ماتروح الها هواية وبالفاتحة مال خالة أجت يوم وراحت استغربت شعجب جاية
-ميـار : لا تهتمين الها تموت على الأكل والفخفخة طبعاً راح تجي

-ايـسون : أسغربت الصراحة منو عازمها

-ميـار : أكيد خالة مُهرة

هزيت راسي ورحنا القاعة والتنظيم كلش يخبل ذوق سُلطان حلو ميار تصيح اريد اركص فرحانة ضلينا نضحك شغلو اغنية الـ ساجدة تگابلنا انا ومريم وثنينة نهز نسينة اروحنا ، ملتهين نركص وهيّ تصيح
-مريـم : ولج منو معلمج على الركص

-ايـسون : انا تعلمت انا

-مريـم : أمداج لعد ليش ماتعلمنة

-ايـسون : مو تعرفين ركصتج جنة ركص بنات ***

ضحكت شغلوا أغنية الـ حسام الرسام / الف مبروك ميار تغني وياها وتتمايل وفرحانة وتولين تستحي كل شوية راجعة لمكانها

ضلينا نركص لحد ماگالوا راح يجي العريس يشوف العروسة وياحذون صور كلنا رحنا لبسنة بشتات دخلوا فرقة ويا والأكبر وعلي وحيدرة وشهم ركضنا خلينا على ميار بشت على مايروحون

ضلو يغنون ويركصون
-اخونة خوش أخو يستاهل الهوسة

واحنا نضحك على ركص حيدرة وعلي بس شهم مايركص واكف على صفحة ومكفتي بأبتسامة بسيطة

لحد ماكملوا ركص وراحوا دخل سُلطان فرحان ويرجف بمدري شهمس بأذن ميار وهيّ وجها صار اصفر ضحك هو تقرب باسها بكصتها ورجع باسها بعيونها فرحان والضحكة مافارگتة أجن المصورات اخذن صور الهم يجننن طالعين متنة عليهم

كل ساع يبوسها وهيّ تموت من الخجل وكلها تباوع الهم وفرحانين
-ميـاسين : شحلاتهم ربي يخليهم بحق محمد وآل محمد

-ليلى : أمين ياربي العالمين

-تولين : باع شلون متسرسحة هاي البنية مستهترة بس يبوسها تذوب

-ايـسون : كلش وداعتج وتگول لا انا مو هيج

-نبأ : حلوووينن بنات

-مريـم : أن شاءالله يوم الألج نبأ

خزرتها نبأ وگلتلها
-نبأ : ويوم الألج همين

ذني ضلن وحدة خازرة الثانية أكيد اكو فد شيء بس ماندري شنو ماعلقت على الموضوع راح سُلطان وشوية وكملنا وطلعنا للبيت
أجة حيدرة ياخذنا البنات راحن وي الأكبر للبيت واحنا حيدرة اخذنا واخذنا خالة مُهرة ويانة خليناها يمنة وعمو مُراد وشهم راحو وي الأكبر
-حـيدرة : شلوني شون أركص

-ايسـون : ماتوقعت تعرف تركص

-حـيدرة : انا والأكبر وسُلطان مانحب نركص هيج نحب جوبي

-ايـسون : الجوبي بي رجولة أكثر

ضل يباوعليرهو صفن على كلمتي وأمي صفنت وكلهن صفن عليّ هزيت راسي بمعنى "شكو"

سكتو كلهم ماحجو شيء ميار تضحك بصوت ناصي وصلنا للبيت صعدنا يم ميار للغرفة اخذت صور شوية الخنام شكلها مطولة طلعنا الها ملابس حتى تسبح ورحنا ، گبل رحت ذبيت نفسي على الجرباية نزعت الگعب ورحت طلعت ملابسي ألي دخلت أسبح
طلعت نشفت شعري ومشطتة ونمت ...

•••
مريـم...

رجعنا من الحنة فرحانين شفت شهم بالقاعدة هو ضل يباوعلي وانا توترت من نظراتة درت وجهي عنة احاول انسى كلامة وأعترافة

نوبة أجة يمنا هو وأبو مستحية منة سبحت بالحمام الي جوة لان الي فوگ مادري شمالة المي ثلج نبأ ماكو يم أمي نامت كملت سبح وصعدت وگعدت أنشف بشعري وأضفرة دگ مبايلي وانا مخليتة على الميز گمت شفتة "شهم" صوت أنفاسي صارت عالية فتمت خط
-مريـم : الو

-شـهم : مريم أطلب منج طلب بسرعة بس بداعة أمج لا ترجعيني

أستغربت شنو طلبة حتى ماسلم
-مريـم : شنو هو الطلب الي خلاك حتى ماتسلم

-شـهم : وعد تقبلين؟

-مريـم : هو خلي اشوفة شنو بالأول

-شـهم : گولي وعد أخليك

حجيت بضوجة
-مريـم : تمام وعد أخليك شنو؟

-شـهم : تعالي للمطبخ أشوفج بحجة تشربين ماي

-مريـم : شجااي تحجي شهم !

-شـهم : بداعة الأكبر مريم بس خليني أشوفج والله محتاج شوفتج

-مريـم : لا شهم لا شنو هاي شلون

-شـهم : تجين لو أجيج الغرفتج

-مريـم : صخام بوجهك شهم لا تصير حقير أكره هاي التفصرُفات

حجة بتوسل
-شـهم : والله بس هاي المرة

-مريـم : لا يعني لاا باي

سديتة بوجة ونمت عوزها انصاص اليالي يريد يشوفني ذبيت مُبايلي وطفيت الگلاوبات ونمت گعدت على وجع بطني موتني أون عرفتها الشهرية باوعت هاي شصاير أول مرة يصير وياي هيج شيء ياربي صبرني ، ضليت أبجي من الوجع

نزلت جوة حتى أشرب علاج بالكي مسكن دموعي تنزل ولازم بطني شجنت أحس من نزلت نسيت شهم موجود ونوبة مدمرة دمار حتى حجاب مالبست نزلت للمطبخ لگيتة گاعد على الكرسي ويدخن جگاير شافني وانا شفتة صارت لحظة صمت من الخجل ردت أموت ضليت أبجي بالزايد وأشهگ

كمز هو أجة يمي ويحجي بخوف
-شـهم : شبيج مريم هاي شصاير بحالج تعالي أخذج للمستشفى گليلي بيج شيء

-مريـم : وخر وخر أطلع مابية شيء أطلع

-شـهم : شنو الي مابيج شيء مخبلة انتِ

تقرب يريد يشلني دفعتة
-مريـم : أطلع حراام حراام ملابسة حجااب وخرر وشلون تريد تلزمني غبي انتَ

-شـهم : گليلي وين مخلية حجاباتج فوگ بغرفتج راح أصعد أجيبلج أبقي مكانج

راح يركض باوعتلة يصعد ٣ بايات لو اربعة وانا أبجي من الفشلة نزل لازم حجاب حطاة على راسي
-شـهم : فهمت شبيج هاي الحالة اول مرة تصير وياج لو دائماً

صخنت من الخجل عوزي شوية وأموت
-مريـم : أول مرة ، بطنيييي راح اموت

ضليت أبجي تقرب شالني فتحت عيوني بصدمة
-مريـم : عوفنيييي شهمم حرام حرام

-شـهم : ولجج حالة طارئة شنسوي يعني نخليج تموتينن

راد يصعدني فوگ جريتة من ياختة وأحجي بألم
-مريـم : للحمام الجوة أخذني للحمام الجوة مي بارد فوگ

أخذني للحمام فتح الدوش عليّ مي دافي وانا بملاسي ودموعي تنزل
-شـهم : راح أجيبلج ملابس وأجي

ضليت اصرخ من الفشلة يعني راح يجيب ملابسي الداخليات
-مريـم : ماريد ماريد

نزل گعد ركبة ونص يباوعلي ويحجي
-شـهم : لاتبجين عادي لا تستحين مني والله صيري سباعية أعتبريني أختج نبأ كافي بجي هسة أجيبلج ملابس وأجي

هزيت راسي دموعي تنزل ليش نحطيت بهيج موقف فاشل بايخ صح الهشرية مو عيب ولا حرام بس بعد ولد غريب وهيج موقف متت بدمي اتأخر مدري ليش، گمت نزعت ملابسي وأبجي

دك باب الحمام وهمس بصوت ناصي
-شـهم : هذا الخاولي وملابسج وانا منتظرج على ماتطلعين تلگين سويتلج شيء تشربي دافي ماشي مرايمي

فتحت الباب اخدتهن منة بدون ماحجي شيء شفت جايبلي داخليات وحتى أحتياجات وحجاب لان حجابي تبلل گعدت بالگاع أبجي
-مريـم : راح اموت من الخجل ياربي

سبحت وكملت غسلت ملابسي شريتهم وطلعت لفيت حجابي ورحت للمطبخ لگيت وأكف على الطباخ وتوا يطفي الي مسوي مادري شنو تقرب أبستم وگال

-شـهم : هاج أشربي هسة تصيرين زينة ، وانا راح أگعد برا أنتظرج خاف أهلج يگعدون يشوفونة سوية وأعتذر على الأتصال الي بذر مني وطلبت أشوفج بس جان بوقت ضعف من أحتاجج أريدج يمي بس لا تهتمين والي سويتي صح صديني ماريد تجيج مشاكل من وراي ولا اريد أشوفج بالحرام

أباوعلة يحجي برازنة مو نفسة شهم الي يتصل عليّ ويگلي أذيج مصدومة من هلبشر شنو مادري ، باوعت الـ ملابسة الي بيهن دم رجعت بجيت فتح عيونة بصدمة واجاني
-شـهم : ولج شبيج شجاج مرايم گليلي موجوعة حيل

أشهگ واحجي
-مريـم : باع ملابسك من وراي صاير بيهن هيج روح جيبلك ملابس أسبح وبدل خلي اغسلهن الك

-شـهم : صدك تحجين يمعودة فدواتج ابو الملابس بس مانزعهن خاف اهلج يشكون شعدة سابح بنص اليل احس عيب

صفنت وگتلة
-مريـم : لا أهلي مو من هذا النوع روح جيب ملابسك تعال أسبح وملابسك أنطينياهن اغسلهن بالحمام الي فوگ ، ولا تگول لا ومادري شنو رجاءً روح

حط الكلاص على الطبلة ويا علاج مسكن وگال
-شـهم : أروح وارجع ألگاج شاربتة كلة خوش!

هزيت راسي مادري شنو شربت بس طعمة ماعجبني شربت العلاج هذا خوش علاج من تجيني الشهرية واتأذة اشربة واصير زينة بس هو شلون يعرف هيج شيء

أجة دخل للحمام وبدل أنطاني ملابسة من ورا الباب
-شـهم : بداعة أمج لاتغسليهن هسة حلفتج من تصرين زينة اغسليهن هسة بس نگعيهن بـ ماي لان انتِ تعبانة مو زين عليج الحركة

-مريـم : تمام حلفتني بـ أمي بعد

أخذتهن وصعدت نگعتهن بالغسالة بمي زاهي وغسولات مال ملابس ورحت على فراشي متمدةً نص ساعة والألم خف بس مو كلة شوية ، سمعت صوت أشعار مسجت أجاني فتحتة لگيتة من شهم
-شـهم : شلون صرتي؟

-مريـم : أحسن ، سبحت نعيماً

-شـهم : الله ينعم عليج شُكراً ، ليش مانايمة

-مريـم : طارت نومتي

-شـهم : رجعيها ، وباجر أياج وبالج تتحركين هواي أو تشتغلين ديري بالج انتِ مريضة خوش؟

-مريـم : خوش ، تصبح على الخير

-شـهم : وانتِ الخير مرايم الحية

ضحكت ماجاوبتة خليت راسي على المخدة أتذكر الفشلك تختفي بتسامتي بعدين أتذكر عادي أرجع أبتسم شوية وغفيت

گعدت على صوت نبأ
-نبأ : گومي ولج ادبسز نايمة واليوم العرس

حجيت وانا موجوعة وبطني بيها ألم
-مريـم : تعبانة نبأ البارحة صار عندي نزيف اضن مادري بس أعتقد

باوعتلي مصدومة أجت گعدت يمي
-نبأ : نزيف شنو ولج شجاي تحجين منين بيج شيء

-مريـم : مابية شيء يمعودة بس لان ركصت هواية ويجوز تريد تجيني الشهرية صارت طاح طيح كض اخوك لا يطيح

-نبأ : بعدج موجوعة تتأذين جاي ناخذج للدكتور

-مريـم : شبيج نبأ والله مابية شيء يخوف مُجرد الشهرية زايدة اوي دوخري خلي أگوم اغسل

گمت غسلت وجهي شفت ملابس شهم گلتها روحي انزلي هسة اجي وراج غسلتهم ونشفتهم وشريتهم على المحجر الي ورا محد يگدر يشوفهن نزلت جوة لگيت جاي يحضرون ريوگ

رحت دخلت الـ غُرفة سُلطان خاف ناقصها شيء حبيبتي ماما محضرة كلشي وسُلطان همين طاير من الفرحة اوي

خليت وطلعت رجعت نكمل الريوگ كملنا واجة أكبر اخذاة باوعلي مستغرب
-الأكبـر : شبيج حبيبتي أشو وجهج أصفر

-مريـم : مابية شيء حبيبي ليضل بالك بس شوية بطتني وجعتني

هز راسة وگال
-الأكبـر : أشربي مسكن تصيرين زينة

يبو ردت أطم روحي من الفشلة معناها فهم يبو باوعتلي أمي ونبأ تضحك
-ليلى : تأذيج حيل؟

-مريـم : لا لا مابية شيء ترا استحي لا تحجون وياي هيج

خليت ورحت گعدت بالصالة أتذكرت شنو صاير وياي وي شهم ضليت الطم بزايد شوية مسحت دموعي
-مريـم : عادي عادي

رحت تريگت وكملنا راح الأكبر ياخذ ميار للمركز ماقبلت ميار ياخذها ماتريد تشوفة تستحي سُلطان فرحان
-سُلطـان : ولج مريم واخيراً راح أخذ حبية گلبي أسعد شخص بالكون انا مريم

ضليت أغني وهو ونبأ يركصون وشوية وأجت النسوان ماما تعرُفهن صديقاتها التمو حتى منا ونروح للقاعة شوية وأجة الأكبر وصل ميار
-الأكبـر : ميار تريدجن تجن للمركز وياها هيّ وايسون تعالن

-مريـم : تمام انا اروح ترحين نبأ

-نبأ : انا ماگدر اعوف ماما وحدها خطية منا نسوان وجاي وزلم وهوسة

أبتسم تقرب باسها وگالها
-الأكبـر : روحي حبيبتي لا تهتمين احنا موجودين وياي الولد نساعدها

-نبأ : متأكد أكبر؟

-الأكبـر : متأكد ياروحة انتِ يالله روحي

صعدنا نجهز نفسنة واخذنا فساتينة ونزلنا أجة الأكبر وگال
-الأكبـر : شهم راح ياخذجن انا اكو زلم أجت معروفة ماگدر اعوفهم واروح ماشي حبيباتي

وجهي صار اصفر من الخجل
-نبأ : ماكو مُشكلة يالله

رحنا صعدنا بالسيارة نتظرة يجي أجة احاول اتغاضة عن جمالة بس عيوني تروحلة گوة
-شـهم : شلونكم بناتنا

-نبأ : الحمدالله خوية وانتَ

باوعلي بلمراية
-شـهم : الحمدالله بخير ، شنو مريم مالنا سلام

-مريـم : ها لا أهلاً وسهلاً بس بالي جان مو يمك

غمز بالمراية ضحك وگال
-شـهم : على گولة حيدرة جا وين

-مريـم : هيج بالي فد سالفة

هز راسة طول الطريق يباوعلي بالمراية درت وجهي الـ نبأ
-مريـم : صخنت من الخجل نبأ

باوعتلي مستغربة
-نبأ : شبيج من شنو؟

-مريـم : ماكوو شيء

وصلنا للمركز جاي تنزل نبأ تقرب من يمي وهمس
-شـهم : صرتي زينة؟

-مريـم : زينة الحمدالله

خليت ورحت لـ نبأ وگفت يمها اجانة
-مريـم : شُكراً هوايك تعبانك

حك كصتة ضحك وگال
-شـهم : خادم للحلوين يابة

ضحكت ماگدرت اسيطر على ضحكتي نبأ تحاول تضم ضحكتها خلينا ورحنا
-نبأ : الله ياخذج الولد مناسيها

-مريـم : مأثرة بي هواية انا

-نبأ : واضح

دخلنا للمركز لگيناهم توهم راح يبدون بـ ميار يجهزوها
-ايـسون : حقيرات ليش ماتجن عود

-مريـم : مابية حيل بطني تأذيني

-نبأ : مريم منو يسألها شبيج تگلة بطني تأذيني ومن يعرفون جايتها الشهرية تضل تبجي

-مريـم : وحمس شسوي لعد

-ميـار : مريم سُلطاني شلونة

-مريـم : طاير من الفرحة مكيف

-ايـسون : تلگي عوزة شوية ويذب روحة زرگ بالشط من الفرحة

-مريـم : أسكتي مخبلنة عبالك بس هو راح يتزوج

ضلينا نضحك ونسولف ...

•••
ايسـون ...

تمكيجنا وكملنا الحد ماصارت العصر كملت ميار طلعت تجنننن أميرة واخيراً شفتها بدلة العرس نزلت دموعي وهيّ تبجي وأمي ويانة تبجي
- ميـار : وعلي ماريد اعوفج بس زوجي يريديني شسوي

ضحكنا كلنا على سوالفها
-ايـسون : صحيح راح تتزوجين بس يومية أجيج واحنا سوية بالجامعة واحنا أهل

-ميـاسين : طبعاً بنياتي قابل بيت غريب هيّ

-ميـار : أحبجن ربي يخليجن ألي

حضنتها شوية وأتصل الأكبر على مريم گلها أجينا صعد سُلطان شحلاتة طالع لابس قاط كلة اسود حتى القميص وحتى الربطة فخمم فخمم الدرجة واو تقرب من يم ميار وطبع بوسها على كصتها ويرجف
-سُلطـان : مامصدك تحقق أمنيتي

تضحك ودموعها تنزل
-ميـار : ولا انا والله

-سُلطـان : دموعج تحرگ بروحي لا تنزليها كافي

تقرب باسها وحضنها ويبوس بأيدها
-سُلطـان : تدرين ماريد أبوسهن أخاف لحيتي تبزهن وتتأذين

-ميـاسين : يديمكم ربي يابعد روحي

أخذها وطلعوا صعدوا بالسيارة نزلنا بشارع وشهم وعلي وحيدرة وأيهم كلهم فرحانين ويركصون اجة حيدرة
-حـيدرة : أصعدن بسرعة

صعدنا بالسيارة وصعدن البنات ويانا حرك السيارة حيدرة أجة الأكبر
الأكبـر : شنو راح تاخذ البنات وياك

-حـيدرة : أي وياي

انتبهت الة طالع حلو الثگيل ولد ليلى كلهم حلوين شداوعهم هيج
حركنا السيارة وعلي يركص ركص ماصاير يطلع راسة من الجامة ويركص ...

•••
ميـار ...

اليوم هو من أحلى الأيام الي مرت بحياتي كلها اليوم زواجي من سُلطان گلبي الخوف محاوطني والتوتر خجل كلشي صاير بهليوم
صاعدين بالسيارة وسُلطان فرحان طاير من الفرحة كلساع مطلع راسة للولد ويرجع لان هو جاي يسوق
-ميـار : سُلطان أنتبهة لا تسويلنة عملة وتموتني بيوم زواجي

-سُلطـان : لا حبيبتي لا تخافين مايصيرلج شيء

-ميـار : سُلطان عليك العباس ادخل يمعود متشوف الطريق والسيارت وانتَ كلساع داير وجهك

وگف السيارة باوعتلة مستغربة
-ميـار : شكو؟

-سُلطـان : راح ننزل نركص

-ميـار : ها يعني انزل وياك

باوعلي مستغرب
-سُلطـان : ولج انا والولد انتِ شسوين نازلة

ضحكت نزلو جوة يركصون اباوع الهم شلون يركصون فرحانين كلهم اوي باع شهم وأيهم ياروحي انتوا الأكبر واكف على صفحة فد رزن وثگيل يضحك ويدخن وأيهم همين مثلة ماركص حتى شهم

بس حيدرة وعلي وسُلطان وأصدقائهم ، أجة سُلطان صعد يضحك
-سُلطـان : يافرحة عُمري انتِ

-ميـار : أحبك هواية

-سُلطـان : أحبج أكثر منج والله

وصلنا للقاعة نزلنا سوو دوخوليا مال عرسان مجبلة بأيد سُلطان وكل العالم تباوع النا حابة البدلة بشكل بيها اردانات اطوال ونفش بس مو كلش ، بس فخمة كلش حتى أگدر اخذ راحتي بيها

رحنا كعدنا أجت ايسون هيّ والبنات وخالة ليلى وخالة مياسين

بجت خالة ليلى وگالت
-ليلى : فرحانة بيكم الف الحمدالله جاي أشوف أبني عريس ان شاءالله يوم للأكبر

باوعلنة الـ ايسون الي ممهتمة بس تصور
-سُلطـان : أن شاءالله وازفة بأيدي

-ميـاسين : أمين يارب العالمين

صاحت مريم بعلوا صوتها بس الي يمنا يسمعون
-مريـم : اخونة خوش اخو يستاهل الهوسة

تضحك وفرحانين كلهم شغلو اغانية "عبالي حبيبي" سحبني سُلطان نركص يباوعلي بكل حُب وعيونة مدمعة
-سُلطـان : تتذكرين لمن تگولين لو اموت ماتزوج هذا

ضحكت وهمست
-ميـار : هاي مو انا

-سُلطـان : جا منية ، تعلمت على الـ جا

حجيت مثلة
-ميـار : جا وحدة جانت مو عاقلة

-سُلطـان : جا انا احبها هيّ وخبالها ، وصارت ألي ومن نصيبي

-ميـار : تحبني سُلطاني

-سُلطـان : انا ماحبج لان كلمة حُب ماتوفي انا مهوس بيج وميت بيج انا عاشگج وعاشگ كل تفصيلة بيج

تقرب باسني بكصتي وضلينا نركص لحد ماتعبنا گعدنا گامو الولد يركصون وسُلطان گلب الجو گلاب
-ايـسون : أشتهيت أتزوج امداكم سويتولي واهس

-ميـار : يوم الألجن كلجن بنات

- مريـم : انا ممحسوبة

-نبأ : ولا انا

هزت أيدها ايسون وگالت
-ايـسون : جا حتى انا مامحسوبة شنو تخلني اتزوج وحدي

ضلن يتداهرن ويضحكن لحد ماخلصت الحفلة واجو الناس سلموا علينا ورحوا باوعلي سُلطان غمزلي وگال
-سُلطـان : اليوم يومنا حبيبتي يالله

بلعت ريگي وگتلة
-ميـار : شتقصد انتَ

شافني خفت وجهي صار أصفر ضحك بصوت عالي تقرب باسني وحضني
-سُلطـان : اتشاقة حبيبتي شبيج خفتي

-ميـار : ماتشوف نفسك شلون خوفتني

-سُلطـان : شبيج حبيبتي اتشاقة ماكو شيء

أجة حيدرة ألي يركض يبارك النا
-حـيدرة : الف مبروك ياروح أخوج ان شاءالله يوم أشوف خلفتج

ضحكت ودمعت حيدرة صارلي أخو وصديق ونعم منة
-ميـار : عمري حيدرة اخوية ربي يخليك النا

باوع الـ سُلطـان وگلة
-حـيدرة : أبن عمي المسربت دير بالك على أختي وعلي أذا سمعت بيك مضوجها بس دگيلي تلفون اكسرة الج تكسر

-سُلطـان : عمي شو دروح انا بوسة ابوسها برقة خاف أذيها مو عاد اضوجها

عزا بعينك سُلطان خجلت من كلامك بارك الـ سُلطان همين ، أجة الأكبر بارك النا أخذ خالة والبنات صعدوا بالسيارة ودعت أهلي
-ايـسون : صيري سباعية مو ثولة

-تولين : لا تخافين من شيء خوش لو لا

-ميـار : هو حتى لو ألي نية ماخاف خوفتني انتن وخرن ماخاف

ضحكن راحوا صعدو صعدنا احنا بالسيارة وهمين سوو زفة ثانية گلبوها كلاب باليل احلى وكل الناس تباوع النا الي يركص والي يضحك فرحانة هواية صرنة سبب ضحكة ناس ولو شوية

وصلنا للبيت صعدنا للغرفة سد الباب أبتسم وتقرب طبع بوسة على شفتي
-سُلطـان : بوسة منج تروي گـلبـي

-ميـار : وخر مو وكتك هسة

دفعتة ورحت بدلت نزعت البدلة وانا بالحمام سمعت الباب أندگ على ما أعتقد خالة بدلت وطلعت لگيتة مبدل و لگيت أكل جاهز جايبين باوعلي مبتسم
-سُلطـان : تعالي أكلي حبيبتي

-ميـار : اي تصدك جوعانة

-سُلطـان : أشو احسج خجلانة مني

-ميـار : منين خجلانة لا

-سُلطـان : مدري احسج خجلانة

-ميـار : سُلطان خليني اتزوهر ميتة من الجوع ويني وين الخجل موكت خجل هسة وكت أكل

ضحك بصوت عالي حتى عيونة دمعت
-سُلطـان : هسة ثبتت مو خجلانة

ضليت أضحك اكلنا وكملنا راح طلع شال الصينة جوة رحت غسلت وجهي من المكياج طلعت لگيتة جاي شعري مامسوية تسريحة لان ماحب وهمين يتشلع فقط مخلين تاج ناعم فوگاة گعدت امشط بي لان تشلع

تنزفزت منة صحت بعلوا صوتي بنرفزة
-ميـار : اوف اوف أكررههه

باوعلي سُلطان مستغرب تقرب من يمي
-سُلطـان : شبيج حبيبتي

-ميـار : شعري دمرني ماگدر أمشطة لعب نفسي سُلطان والله الة أكصة واخلص من عندة

خزرني وگال
-سُلطـان : نجبي حبيبتي مضووجج لان ماتگدرين تمشطي؟

حجيت وانا گلبي محترك من ورا لان من صدك تنرفزت
-ميـار : اي سُلطان لعب نفسي هناك ايسون تمشطة ألي

ضحك أخذ المشط وگعد يمشط و يحجي
-سُلطـان : اوعدج وعد انا دائماً بعد امشطلج شعرج حتى ماتضوجين منة وحتى لو انا طالع لو بشغل وانتِ تسبحين أنتظريني أجي وامشطة ألج

-ميـار : جذاب يوم يومين وتمل من عندة مثلي

طبع بوسة على متني وهمس
-سُلطـان : كل تفاصيلج عايش عليها انا مو عاد نوبة أمل منج

ضحكت ضل يمشطلي شعري ويسولف وياي وانا مندمجة لحد ماخلص گام طفة الأضوية بلعت ريگي گبل نمت وغطيت راسي أسمع ضحكتة ، أجة نام على الجرباية
-سُلطـان : على الأقل أحضنيني

باوعتلة لگيتة فاتح أيدي تقربت الة وحضنتة
-ميـار : أحبك بگد الدنيا

-سُلطـان : وانا أكثر منج

-ميـار : لاا انا أكثر

-سُلطـان : وحق علي انا

حجيت على نياتي مجانت قصدي غير قصد اشو هذا انهد
-ميـار : أثبتلي تحبني أكثر مني

گلبني وخلى خشمة على خشمي وهمس وعيونة على شفايف
-سُلطـان : أي اثبتلج ليش لا

-ميـار : لا سُلطان مو هيج قصدي

بعدني ممكملة كلامي أخذ شفايفي بين شفايفة بكل رقة أستسلمت الة بكلامة الحلو وهدوئة سحب كل خوفي ومن أهنا بدت ليلتنا وصرت بـ أسم سُلطان جسد وروح جانت ليلة عبارة عن حُب ولهفة ...

•••
نبأ ...

رجعنة من القاعة واخيراً سُلطان أتزوج أميرتة وصارت يمة وخلصنا منهم فرحانين الهم حيل

بس بالنسبة ألي العرس جان عبارة عن خوف تمنيت مارحت گعدت
دموعي تنزل وانا استرجع الي صار بيني وبين أيهم توي رجعت من الحمام وشفت أيهم جاي بـ أتجاهي
-أيـهم : شلونج وجع أيهم

تلبكت من كلامة
-نبأ : أهلاً وسهلاً أيهم شونك

-أيـهم : شتگولين شلوني!

-نبأ : أيهم رجاءً بلا هلكلام تدري بية انا مو من نصيبك وماعندي مشاعر أتجاهك ليش تسوي هيج

مسح على وجهة يضحك بصوت عالي
-أيـهم : ليش ماتحبنيي ليش

ضليت أبجي وامسح دموعي ويرجعن يوگعن
-نبأ : مو من نصيبك عوفني بحالي رجاءً

حجة بهدوء وعيونة بعيوني
-أيـهم : أكو شخص بحياتج نبأ

شهگت أبجي شلون انتبهت الـ علي گاعد بالطرف باوعلي مستغرب أجة بـ اتجاهي ياريت ما أجة ياريت ماباوعلي ماجنت متوقعة الي راح أسوي بنفسي ولا توقعت راح أوگع نفسي بهيج متاهة ماحسيت غير نفسي وانا أنطق الكلام الي غيرلي حياتي وحتى أخلص من ضغط أيهم عليّ
-نبأ : أي اكو والي هو علي أبن خال ايسون ...

للحكاية بقية ⛓️...
____________________
باقلم : زهراء لؤي

شنو رأيكُم بالبارت 🌚💙

توقعاتكُم الحلوة🙈💙💙

لاتنسون تضيفون حسابي الأنستا نتناقش أهناك بخصوص الرواية

حسابـي : wa5bad

وقناتي التلي الي نسولف بيها ومنطلقين أكتبوا وتطلع الكُم
لـ زهراء لؤي

عقلوا بين الفقرات احسن مانتزاعل

مُتابعة جميلة🔥🩶⛓️