💜💜
YN ne apne haath ko utha Veer ke hotho par lagi apni lipstick ko saaf karte hue kaha : Main khana laga deti hu aap jaaiye.
Ye kehte hue YN mudi to Veer ne use peeche se apni baaho me bhar liya. Aur uske gaal ko chum kar vaha se bahar nikal gaya.
YN uski is harkat par muskuraa di.
Idhar Veer bahar hall me aaya to,
Shiv bethkar TV dekh raha tha. Aur vahi Jeetu window ke paas khada hokar ciggerate pi raha tha.
Veer ne Shiv ke paas bethte hue pucha : Kya hua mile fir aap us Suryakant Sahay se ?
Shiv ne khush hote hue kaha : Mila bhi aur deal pakki bhi hogayi. Tujhse milna chahta hai vo. Tera kaam pasand aaya use.
Veer ne halke se muskurate hue pucha : Acha par Veer itni aasani se kisi ke haath aane walo me se nahi hai.
Shiv : Are maan ja.. iske baad chandi hi chandi hogi apni.
Shiv ne Veer ko cigarette jalakar dete hue kaha : 1 khoka diya hai us sahay ne, badle me bas hume uske khilaaf uth rahe vote ko dabana hai.
Isase jada kuch nahi
Veer ne ciggerate hoth se lagate hue kaha : Vo sab to thik hai, par hathiyar kaha se aayenge. Kyunki Bhaijaan to ab humare khilaaf hai.
Shiv ne dhuaa chhodte hue kaha : Tu uski fikra mat kar hathiyar bhi vo sala sahay dega. Hume bas uske liye kaam karna hai.
Veer : par main kisi ke liye nahi apni marzi se kaam karta hu ye usko bata dena, kyunki main achese jaanta hu in netavo ko. Ye saale dusre ke talve chat kar, dusro ki gulaami kar minister bante hai. Aur fir chahte hai ki ab dusre inki gulaami kare.
Vo dono baat kar rahe the tab tak Jeetu vaha se nikal YN ke paas kitchen me aaya.
To YN ne apna sar jhuka liya.
Vahi Jeetu ne muskurate hue khaane ki plate YN ke haatho se lete hue kaha : Bhabhi aap aaram karo hum log khaa lenge. Aap pareshan mat ho.
YN ne ha me sar hilaya, aur fir apna aur Veer ka phone lekar room me chali gayi.
Room me aayi to usne Veer ka phone open karne ki koshish ki par vo password maang raha tha.
YN ko apni aaj ki li hui photos dekhni thi.
Par ab vo phone rakh bathroom me chali gayi.
Idhar bahar Jeetu ne un teeno ko khaana lagakar Veer aur Shiv ko khaane ke liye kaha.
Veer ne andar room ki taraf dekhte hue kaha : Tum dono khaao mera abhi man nahi hai.
Is par Jeetu ne use chidhaate hue kaha : Acha sab samajh raha hu ki tera man kaha hai abhi.
Is par Veer ne kaha : sab samajh gaya hai to jaldi khaa aur nikal.
Uski baat sun Jeetu ne bethte hue Shiv se kaha : Bhai main to soch raha hu khaa kar yahi so jaate hai bahot raat hogayi hai.
To Veer ne Jeetu ke kaan khinchte hue kaha : saale mujhe pata hai. Tujhe yaha kyu rukna hai.
Shiv un dono ko dekh ab hasne laga, aur usne khaana khaate hue kaha : Tum dono lad lo par main to khaana khaaunga.
Tabhi Jeetu ne khud ko Veer se chhudate hue kaha : Ha to main bhi khaana hi khaaunga. Aakhir itne pyaar se meri Bhabhi ne apne devar ke liye khaana banaya hai.
Ye kehte hue Jeetu ne Veer ko ankh maari to Veer apna sar hilaate hue vahi beth gaya.
Jeetu ne khaana khaate hue kaha : Wah bhai Agar daily aisa khaana khaane ko mile to hume chiken nonveg se apni sehat banane ke liye khaane ki jarurat nahi.
Uski baat sun Veer ne Jeetu ko aankh dikhaate hue kaha : Kya bol raha hai saale teri bhabhi vegetarian hai.
Jeetu ne ab apni baat badalte hue kaha : Acha main bhi na kya kya bolte jaata hu. Shiv Bhai main to kehta hu ki ek dulhan aap bhi bhaga laao. Mujhe ek aur bhabhi mil jaayegi. Ha par vo nonveg banana jaanti ho.
Uski baat sun Shiv khaate khaate ruk gaya.
Vahi Veer ne apna sar pit liya tabhi Jeetu ko ehsaas hua ki vo flow flow me kya keh gaya.
Jeetu ne ab apna bite muh me rakhte hue kaha : sorry Bhai lagta hai aaj ek peg bhi chadh gaya hai mujhe.
Vahi Shiv ne ek baar fir se apna khaana khaate hue kaha : Gauri hi tumhari bhabhi thi aur humesha rahegi.
Shiv ki baat sun ab maahol shant hogaya.
Thodi der baad Shiv aur Jeetu khaana khaa kar jaane lage.
To Veer ne Jeetu se kaha : Aaj bhai ka dhyan rakhiyo. Tera muh kuch jada hi khulne laga hai.
Veer ki baat sun Jeetu ne kaan pakadte hue kaha : Sorry Bhai meri jubaan fisal gayi.
Dono ko bahar tak chhod Veer vapas aaya aur usne door lock kiya.
Vo apne room me aaya to dekha YN kapde change kar chuki thi. Aur shayad uska wait karte karte sogayi thi.
Veer uske paas aakar beth gaya, aur usne uske haath ko apne haatho me liya to uski mehndi ko dekhne laga.
Tabhi YN ki mehndi me bane V ko dekh vo muskurane laga.
Usne YN ke haath ko apne hotho ke karib laate hue chuma. To YN jaag gayi.
Veer ne apne haath se YN ke gaal ko sehlaate hue pucha : Tumne saree kyu badal li?
YN ne ab thik se bethkar dheere se kaha : Vo saree bahot heavy thi.
Veer ne use apne paas khinchte hue kaha : Tumhe saree pasand nahi aayi?
YN ne apna sar hilate hue kaha : Nahi bahot sundar saree hai mujhe achi lagi.
Uski baat sun Veer muskuraya aur usne YN ke forehead par kiss karte hue dheere se kaha : to pehan kar rakhni thi na, mujhe tum achi lag rahi thi par kuch samajhti hi nahi ho tum to.
Ye kehte hue Veer ne ab YN ke chehre ko chum liya.
YN ne uske aisa karne par apni ankhe band kar li. Aur Veer ke baaju ko pakad kar daba diya.
Veer ne apne hotho ko YN ke gale pr rakhte hue pucha : Ye tumhari mehndi me V kyu likha hai.
Veer ki baat sun YN ne apni ankhe khol bolne ki koshish karte hue kaha : Vo mujhe aap ka asli naam nahi pata tha. To jo suna tha vahi..
YN ab isase jada kuch bol nahi paayi. Uski saanse bhari ho rahi thi.
Veer ke hoth uske gale par lagatar harkat kar rahe the.
Veer ne YN ki baat sun dheere se kaha : To tumne kabhi pata karne ki koshish ki?
YN ne ab Veer ko dhakka de usase dur hote hue kaha : To ab bata dijiye.
Veer ne YN ko ek nazar dekha aur fir use vapas se apne paas khinchte hue kaha : Viransh..!
YN use dekhne lagi.
To Veer ne ek baar fir uski ankho me dekhte hue kaha : Viransh Singh naam hai mera.
YN ne ab Veer se khudko dur karte hue kaha : Aap ke khaana khaa liya?
To Veer use dekhne laga.
Vahi YN ne ab mauka paakar bed se uthte hue kaha : main khaana laga deti hu. Jaldi aaiye. Mujhe bhi bhukh lag rahi hai.
YN ye kehte hue chup chaap vaha se nikal gayi.
Usne ab seedhe kitchen me ruk muskurate hue kaha : Viransh. Kitna acha naam hai. Aur ye hai ki bas Veer Veer....
Tabhi Veer ne YN ke kaan me fusfusate hue kaha : Ha kitna acha to hai. Veer..
YN uski baat sun chihak uthi vo uske aise achanak peeche aane par dar gayi thi.
Veer ne ab khaane ki plate sajakar, YN ka haath pakadte hue use apne saath hall me le aaya. Aur fir vahi use dinning table par bethakar khaana khilaya to YN use dekhne lagi.
Veer ne use dekhte hue kaha : Khao abhi to chilla rahi thi ki bhukh lagi hai aur ab..
Tabhi YN ne apna muh khol uske haatho se bite apne muh me le liya.
Ab is baar YN ne dheere se apna haath aage badhakar Veer ko khilana chaha tha ki,
To Veer ne jaldi se YN ka haath pakad khaana khaate hue kaha : Itna soch kar khilaaogi tab tak to bhukh hi mar jaayegi.
Dono ne khaana khaaya. Aur fir YN kitchen me jaakar kitchen saaf karne lagi.
Vahi Veer usne bhi ab change kar liya usne sirf ek pant pehani thi.
Vo kitchen me aaya to YN abhi bhi kaam kar rahi thi.
Veer ne YN ka haath pakadte hue kaha : Chhodo ye sab subha kar lena.
YN ne ye sun mana karte hue kaha : nahi kitchen saaf kiye bina mujhe acha nahi lagega.
Veer ne uski baat sun ab apna sar hilaate hue thode gusse me kaha : Thik hai karlo.
Ye kehte hue vo jaane laga, to YN ne dheere se kaha : Ha bas 5 minute.
Veer ne uski baat sun ab jaldi se YN ke haatho ko pakad liya aur fir uske haatho ko nal ke neeche kar dhulne ne ke baad usne YN ko god me utha liya.
YN ne Veer ki is harkat par hairaan hote hue kaha : Aap ye kya kar rahe hai? Abhi mera kaam baaki tha.
To Veer ne naraz hote hue kaha : main sab samajhta hu tum bas mujhse duri banane ke liye bahane banati rehti ho.
Ye kehte hue Veer ab YN ko lekar room me aaya.
Aur usne use bed par letate hue kaha : Kya mujh me kaante lage hai. Jo is tarah mujhe dur karne ki koshish karti rehti ho?
YN ne uski baat sun apna sar hilaate hue kaha : Nahi.
Veer ne uski baat sun dheere se pucha : To fir itni duri kyu? Tumhe bahot chahta hu main, agar tumhe apni mohabbat ke rang me rangana chahta hu to kaha galat hu main.
YN ne Veer ki baat sun apni ankhe band kar muh fer liya.
Kya vo galat nahi tha. bhale use lagta ho ki vo nahi, par galat vo to thi. Kaise vo apne papa ko dukhi kar aage badh sakti thi. Uske liye to uske papa ka maan bhi jaruri tha.
Vo chahti thi ki Veer bas ek baar uske papa se keh de ki ha usne galti ki hai. Vo bas unse maafi maang le aur unhe kahe ki vo sab chhodkar YN ke saath ek khush-haal zindagi jeena chahta hai.
Vo uske liye sare galat kaam chhod dega.
YN isi soch me gum thi ki tabhi Veer ne uska dupatta usase alag kar fek diya.
Usne YN ke bandhe baalo ko khol diya. To YN ke reshmi baal takiye par bikhar gaye.
Veer ne jhukkar YN ke gaal ko chumte hue kaha :
Main jaanta hu ki tum kabhi khud se pehal nahi karne wali. Mohbbat to tumhe bhi hai mujhse. Nahi to tum ye vrat na karti mere liye.
YN ne uski baat sun dheere se kaha : Nahi. Aap pati hai to aap ke liye vrat rakhna mera dharma hai.
Veer ne YN ki baat sun usase naraz hote hue kaha : Jhuth mat bolo tumhe bhi mohbaat hai mujhse, dekha hai maine tumhari ankho me.
Ye kehte hue Veer ne apna sar YN ke seene me chupa liya
Vahi Veer ke hotho ke touch ko mehsus kar YN ne ab apni ankhe band kiye hue kaha : Aage mat badhiye, main aap ko koi haq nahi dungi jab tak aap apne sabhi bure kaam chhod nahi dete.
Veer ne YN ki baat sun uski kamar ko kaskar pakadte hue kaha : Ha to ye kaho na. Mohbbat nahi hai ye to mat kaho.
Veer ne ab apna chehra utha YN ko dekha to uski ankhe ab bhi band thi. Veer ne apne haath se uske gaal ko sehlaaya to vo sihar uthi.
Veer ne ab YN ke haath ko apne gaal par rakhte hue kaha : mujhse is tarah muh mat modo akhir mujh par itni bandishe kyu?
YN ne uski baat ko sun dheere se kaha : Kyunki galat hai aap. Kya ek baar bhi mere baare me socha aap ne ki main kya chahti hu? Meri chahat kya hai?
Veer ne uske lips ko halke se chumte hue kaha : sirf tumhare hi baare me to sochta hu aur kaun hai mera jiske liye sochunga.
Veer ne YN ke baalo ko sehlaate hue kaha : Meri taraf dekho.
YN ne ab ankhe khol Veer ko dekha to vo use mohbbat se dekh muskuraa diya.
YN ne use dekhte hue kaha : So jaaiye raat kafi hogayi hai.
YN ke kahe shabdo ne Veer ki muskurahat jaise chhin li.
Tabhi Veer ka phone bajne laga.
Veer ne awaz sun YN ko dekhte hue apna haath badha paas me rakhe phone ko utha liya
Veer abhi bhi YN ke upar hi tha.
Veer ne aise hi call pick karte hue kaha : Ha bol.
To dusri taraf se Jeetu ne kaha : Aana padega tujhe vo bhi abhi.
Veer ne ek nazar YN par daali, vo bhi use hi dekh rahi thi.
Veer ne ab YN ke upar se hatate hue kaha : Aata hu.
Call khatam kar Veer utha aur usne shirt nikal kar pehan li.
YN ne ab Veer ko dekh usase pucha : Aap kaha jaa rahe hai?
To Veer ne halke se muskurate hue kaha : Khush ho jaao aaj tumhe pareshan nahi karunga.
YN ne ab uthkar bethte hue pucha : Aisa kyu keh rahe hai? Aur is time kaha jaa rahe hai aap?
Veer ne YN ki baat par chidhte hue kaha : Mat karo dikhava. Tumhare liye to acha hi hai, ek bas main hi pagal hu jo soch raha hu ki tum badlogi mere liye. Par nahi tumhe koi farak nahi padta.
Chhodo aakar darwaza band kar lo.
Ye kehte hue Veer ne apni gun nikali, aur room se bahar nikal gaya.
Uski baate sun YN rone lagi par fir apne aansu poch uthkar Veer ke peeche chali gayi.
Veer ne uski taraf bina dekhe hi bahar nikalte hue kaha : Band karlo.
Door band kar YN ki ankho me bhare aansu chhalak aaye. Shayad uska koshish karna hi bekar hai,
Uske papa thik kehte hai Veer ke liye bas uska kaam hi sab kuch hai. Use YN se koi vasta nahi.
Vahi Veer apartment se bahar nikal kar aaya.
To Jeetu aur Shiv car me bethe hue uska intejaar kar rahe the.
Veer ne car me bethte hi kaha : Bhai is time kyu? Aap to jaante hai ki use raat me akele dar lagta hai.
Shiv : Minister ko abhi milna tha tujhse. Saath hi vo apne bete ko bhi tujhse milwana chahta hai.
Bas mil ke vapas aa jaana tu tab tak YN se phone par baat karle vo nahi daregi.
Veer ne apna sar hilaate hue kaha : Nahi rehne do Chalo kaha milne bulaya hai.
Ye sun Shiv khamosh ho gaya.
===============================