𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
#قوة_ ايسون
البارت تاسع عشـر
باقلم : زهراء لؤي
ولدي الحلوين لا تنسون تصوتون وتعلقون بين الفقرات 💅🏻❤️🔥
حسابـي الأنستا للتواصل : wa5bad
هجرتُ أحبّتي طوعاً لأنّي
رَأيتُ قُلوبَهم تْهوَى فِراقِي
نَعم يَشتاقُ لهُم قَلبيّ ولَكِن
وضَعتُ كَرْامتي فَوقَ إشتياقي
وأرغبُ في وِصالهمُ ولكِن
طَرِيقُ الذِلّ لا تَهواهُ سَاقي
𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
ايسـون ...
فتحنة عيونة بصدمة من الكلام الگالتة وكلنا باوعنة الـ نبأ الي وجها صار أصفر أبتسمت خالة وگالت الها
-ليلى : والله عاد يشرفني يكون أيهم نسيبي بس القرار الأول والأخير ألها
-أم أيـهم : أبنة مُحامي وأبو متوفي وتعرُفين ماعدنة احنا احد بس هو قمر وهوا وحيدي ولو يطلب روحي أنطيها ألة وهو عاجبتة بنيتج
-ليلى : أن شاءالله خير نتشرف بـ أيهم أحنة بس گتلج القرار الأول والأخير الها
ضحكت أمي وغمزت بمعنى شوفن نبأ اندرنا عليها ترجف وعيونها حمر حيل ضلن يحجن بالموضوع شفت نبأ مو طبيعية غمزت للبنات نگوم وگومت نبأ أخذتهن للغُرفة دخلت دفترت الباب كل قوتها وگالت
-نبأ : انا مو گايتلة يابة أيهم ماعندي مشاعر أتاجهك يابة أيهم ماريد أتزوج ليشش خطى هيج خطوة
-ايـسون : على كيفج حبيبتي أهدي أگعدي
-نبأ : ماريد ايسون ماريد أفهميني أيهم الولد ماعندي مشاااعرر اتجاههه ماعندي مشاعر !! تردون اصيح بعد
-ميـار : تمام نبأ صوتج ليسمعون
باوعنة الـ ميار كلش تحب أيهم وماتقبل علي بس لخاطر نبأ ماحجت شيء
-نبأ : بنات أطلعوا برا خلوني وحدي مُمكن
- مريـم : نبأ شبيج شنو هاي رد فعلج أرفضي وفضيها بعد عليمن
باوعت الـ مريم بخزرة
-نبأ : أطلعي برا مريم
طلعت برا مريم طلعنة احنا همين وراها نهرول ، نزلنا لگيناهن گاعدات يسولفن ويضحكن وشوية وأجو الولد دخلوا كلهم أجة حيدرة فتح أدية
-حـيدرة : شلونج حبيبتي
تقربت حضنتة
-ايـسون : بخير تؤم روحي وانتَ
-حـيدرة : بشوفتج صرت أحسن
باوعت للأكبر يباوع النا وكتف أدية درت وجهي عنة گعدت يم حيدرة شوية وراحوا بيت أيهم ودعناهم باوع النا حيدرة وگال
-حـيدرة : يالله نروح يمة
حجة الأكبر وعينة عليّ
-الأكبـر : بس قبل لترحون أريد أشوفكُم شيء
كلنا باوعنالة طلع مُبايلة من جيبة وگال
-الأكبـر : اليوم أريد اثبت انا بريء انا الأكبر ما أسوي شيء حرام ولا أغضب ربي ولا أخون خطبيتي الي على ذمتي
بلعت ريگي من سمعت كلامة شغل تسجيل صوتي وهو وأحمد يحجون و! والصورة مفبركة رجف كل جسمي والأنضار توجهت عليّ الأكبر يباوعلي بخيبة أمل
-الأكبـر : مثل ماشفتوا يعني انا مالي ذنب بالي صار
حجت خالة ليلى وحسيت كلامها بسمار ألي
- ليلى : ثاقين بيك متأكدين متسوي شيء غلط ولا يطلع منك هيج شيء
حجة حيدرة يريد يعتذر منة
-حـيدرة : أعتذ...
وگفتة وخليت عيني بعين الأكبر
-ايـسون : انا اعتذر لان اتهمتك بس أي وحدة مكاني جان صدگت والصورة هذيج هيّ عبالك انتَ ، وحتى لو ما الصورة احنا اول وتالي نتطلگ
-الأكبـر : صح ايسون اول وتالي نتطلگ وبكل مرا تضلميني انتِ عفية عليج
نترت بصوت عالي
-ايـسون : ماضلمت أحد ماضلمت انا ماعندي ثقة بيك
-الأكبـر : هاهية ايسون الي تردي صار
-حـيدرة : ايسون الأكبر گولو يالله
ثبتت عيوني بعيونة الي كلهن خيبة أمل ألي ، أبتسم بتك خد مستهتزء
-حـيدرة : ايسون تردين نروح حبيبتي
-ايـسون : ياريت حيدرة
هز راسة گامت أمي وميار وعلي وتولين طلعنا ودعناهم صعدت بالسيارة طول الوقت أرجف
-حـيدرة : انا اعرُف الأكبر مايسويها لان عاشرتة وعرفتة مايسوي هيج شيء
-ايـسون : أگول وارجع أگول حتى لو ماصير هالشيء الأكبر أتطلگ منة
-ميـاسين : حقج بنيتي أي وحدة مكانج سوت هيج
-عـلي : بس هو يحبج حيل خطية حالة متغير
باوعلة حيدرة وخزرة
-عـلي : لا تخزر حيدرة الصراحة تنگال الولد صحيح مالة علاقة بـ أبو وهو مضلوم الضحية ترا ، بس بالأخر ايسون هم الي سوتة حقها ترجع كرامتها الي راحت بسببة وتعاقبة على الي سواه حتى بعد مايكررها
كلام علي صحيح أريد أرجع كرامتي انا ماينضحك عليّ لا الأكبر ولا غيرة ، سكتت ماعلقت على كلامة هم سكتوا من شافوني ساكتة
وصلنا للبيت كلهم تعبانين كلمن راح الـ غرفتة دخلت سبحت أرتاحيت ميار كلعادة سر سعادتها سُلطان ميتة بي وهو همين كلش يحبها بحيث مهوس بيها هوس ، راحت بالغرفة تخابر أضحك وافرح من اشوفها فرحانة
فتحت مُبايلي لگيت حيدرة دازلي رسالة
-حـيدرة : من تكملين سبح تعالي للغرفة مال أمي نام يمها
أبتسمت گمت فتحت باب الغُرفة لگيت حيدرة نايم بحضن أمي ضحكوا من شافوني شمرت نفسي بحضنهم ضلت تبوس بينا وگالت
-ميـاسين : افشش واخيراً انجمعتوا وصرتوا بحضني الله حققها أمنيتي
-حيـدرة : ان شاءالله طول العمر نضل سوية أمي حبيبتي
-ايـسون : جنت دائماً اتمنى تكون عندي عائلة وأم تحبني ويكون عدي اخ استند علي
-حـيدرة : يابعد أخوج عندج أم تحبج وأخ يموت بدونج
-ميـاسين : بنية گلبي انتِ وعزيزة روحي
بجيت وشهگت
-ايـسون : لا تعوفوني
گمزوا أمي وحيدرة
-حـيدرة : شبيج ايسون لتبجين محد يعوفج
-ميـاسين : أسم الله يابعد أمج يمج احنا نموت ومانعوفج
أشهگ ومدوعي تنزل مادري شبية وليش بجيت بس جنت محتاجة أبجي
-ايـسون : خلوني يمكم ماتحمل بعد خيبات وجع تحملت بمافية الكافية
تقرب حيدرة أخذني من حضن أمي وحضني
-حيـدرة : أكسر راسة الي يمسج انتِ بت رشاد ومياسين واخت حيدرة انتِ قوية الدرجة فخور عندي أخت مثلج
-ميـاسين : أعرف شبيج انا تعالي تقربوا ناموا خلي اقرالكم ايات ترتاح نفسيتكُم
نمنة بحضنها وهيّ تقرا ايات ارتاحيت شوية وغفوا أمي وحيدرة انا ماجاني نوم ضليت أحوس گمت توضيت وفرشت مصلايتي لبست جادر الصلاة گعدت أصلي و أبجي وأشهگ على المُصلاية
-ايـسون : يارب أنتَ أعلم بحالي ، دليني على الطريق الصح أختبارك كلش صعب وحق علي بن أبي طالب روحي رايحة
ضلت على هذا الحال لحد ما صار وقت الأذان سمعت أمي وحيدرة گاموا يصلون وعلي هم رجعت صليت من جديد وكملت لفيت سجادتي وركضت لغرُفتي ماريد يشوفوني دموعي
فتحت مُبايلي الي مخليتة الـ بغرفتي ماخذتة وياي لگيت رسالة من الأكبرغنيتة كلعادة "حبيب عُمري "
گعدت أسمع بيها وراكز بكل كلمة وكل كلمة بيها معنى نزلت دمعتي من گال
-حـبيـب الـروح ألـك هالـروح
-فـدوة تـروح ألـك فـدوة
-أبـوسـك ويـن عـلـى الخـدين ، فـوگ العـيـن
-لان ماكـو مثل حُـبـة لان ماكـو مثل گلـبـة
-أريـد انسـى انا الـدنـيـا ونـام بحُـضـنك وأغفـى
-دفـيـني دفـو صـدرك بـعـد حُـضـنك فـلا أگـدر
دموعي ضلت تنزل گبل مسحتهن طفيت المُبايل ونمت ماريد أفكر بي ابدً الي بينى انتهى وراح وهو أذني هواية وأكثر شخص حبيتة وثقيت
نمت حسيت حيدرة يگعد بية
-حـيدرة : گومي ايسون
-ايـسون : شكو شبيك
-حـيدرة : شنو شكو يمعودا عندج دوام گومي
فزيت مرعوبة نسيت عندي دوام گبل طفرت
-ايـسون : غير تگعدوني هية شنو هسة الساعة بيش؟
-حـيدرة : بـ٦ بعد وقت يالله تلحگين أركضي
ركضت غسلت وبدلت على السريع حتى ماتريگت
-حـيدرة : أكلي لگمة على الأقل
-ايـسون : ماريد مناك أكل
هز راسة طلعت من البيت بس تولين ماراحت للدوام مادري شعجب وميار ماراحت اليوم نزل يم المحل جابلي كيكة وعصير
-ايـسون : غير گتلك اكل من الكافتيرا
فتحتهن وانطانياهن
-حـيدرة : حتى لو مو زين عليج تضلين بدون أكل
مدري شبيه نفسيتي محمضه من الصبح جاوبتة برود
-ايـسون : خوش شُكراً
باوعلي مستغرب وحجة
-حـيدرة : دخيلك ياعلي شبيج شسويتلج؟
-ايـسون : مابية شيء حيدرة شوكت نوصل
-حـيدرة : شنو مابيج شيء ماتشوفين خلقتج گالبتها عليّ
-ايـسون : بالغلط گلبتها والله بالغلط
ضحك هز راسة كملنا وصلني للجامعة نزلت الحمدالله لحگت بعدهي مبادية المحاضرات بدت طلعت بالكافتريا وأجت صديقتي رفيف كلش حبابة فقيرة بشكل مو طبيعي أجت گعدت يمي وجها اصفر سألتها بخوف
-ايـسون : شكو شبيج رفيف ليش هيج ترجفين بيج شيء؟
حجت بخوف وعيونها مليانة دموع
-رفـيف : ايسون أذا أحجيلج فد موضوع تساعديني بيها
-ايـسون : طبعاً رفيف أحجي شبيج
-رفـيـف : باعي ايسون أكو ولد ويانة بلقسم بسام أعتقد تعرُفي
-ايـسون : اي سامعة بي هذا صايع ايع
- رفـيف : بالضبط ايسون يريد يسوي وياي علاقة حاول وياي هواية بس انا رافضه مو مال علاقات اخاف ربي ومن غير أهلي يذبحوني ، رفضته واليوم أجة يهددني عندة صوري يگلي اذا ماتسوين وياي علاقة انشرهن بكل الجامعة
فتحت عيوني بصدمة وين ماواصلين الزلم بكمية النذالة تذكرت الأكبر هم نذل شطت ضربت الطولة بكل قوتي حتى البنية نخلست
-ايـسون : وين هو النذل وين!
ماحس الة صوت الأكبر وراي
-الأكبـر : ياهوا النذل
ثنينة أندرنة علي شفتة ولو انا لعبت نفسي منا سالفة رفيف ومنا اتذكر الزلم أشگد مُقرفيين وتذكرت الأستاذ احمد ! لعبت نفسي
-ايـسون : گومي حبيبتي رفيف انا احلج الموضوع
-الأكبـر : شبيج رفيف صاير شيء؟
باوعتلي وضلضت تبثبث بكلامها
-رفـيف : ها أستاذ ها لا ماصاير شيء
خزرها وگلها
-الأكبـر : أحجي رفيف
اشو هاي كتتله الأول والتالي هز راسة وگال
-الأكبـر : سهلة ، أبقو اهنا انا احل الموضوع
تخصرت وگتلة
-ايـسون : شنو عيني شنو؟ هيّ أجت طلبت مني انا احل الموضوع يعني انا احلة خوش لو لا
-الأكبـر: ماتحلينة وحدج يا انا وياج يا انا فقط احلة
حجيت برود وانا احط شعري ورا أذني ولبست نضارتي
-ايـسون : OK تعال وياي
ضل يباوعلي أبتسم گعدنا رفيف بالكافتريا ورحنا انا والأكبر كل ساع يباوعلي ويستغفر ربة شماله هذا تالي صاحني
-الأكبـر : بشرفج هاي سالفة ايسون !
درت وجهي مستغربة ورفعت النضارة وگتلة
-ايـسون : نعم؟
-الأكبـر : حمرتج تگعد الميت من گبرة صدك تحجين
-ايـسون : وشبيها عيني شحال لو حاطة حُمرة حمرة
-الأكبـر : بوية حمرتج لايگتلج وطالعة حلوة
خزرتة وگتلة
-ايـسون : أحترم نفسك
كملنا طريقنة وصلنا الـ بسام الي گاعد يقهق جنة زرزور مهلس تغسل وجهك الي مابي رحمة وگفت على صفحة راحلة الأكبر صاحة أجة ويا
-بسـام : أتفضل دكتور
طبطب على كتفة الأكبر وأبتسم أبتسامة شريرة
-الأكبـر : تعال وياينة محتاجينك بشغلة
-بسـام : أي دكتور ليش لا تفضل
مشينا للكافتريا شاف رفيف وجهة ضل ينطي الوان گعدناة
-الأكبـر : گالو جاي تهدد بتنا صح لو لا !
- ايـسون : وتنشر صورها
-الأكبـر : أذا مادخلت وياك بعلاقة
-ايـسون : عبالك راح نخليك؟
-الأكبـر : شاربك الي بوجهك ازينة بالقنرة
-ايـسون : حرامات انتَ زلمة المفروض انتَ منتقرض من زمان
-الأكبـر : فـ صير عاقل وأحذف الصور احسن ماسويها وياك عشاير وفوگ العشاير كتله مسنعة گوة لازم اعصابي لان طلاب منا
رفيف تباوعلنا وتبجي وهو مصدوم دايرين علي جنة عصابة بلع ريگة وگال
-بسـام : دكتور هاي تجذب هيّ أكبر ساقـ** بلجامعة
فتحنا عيونة بصدمة مانشوف الة الأكبر نايم فوگاها ودك بوكسات
-ايـسون : ححيل طيح حظ حظة يستاهل نذل
تقربت الأكبر يضرب اسحك برجلي على أيدة اجو الطلاب فاككوهم
-الأكبـر : بسررررعة وياي بسررررعة
رحنا نهرول وراة جنة بطوط ورا أمهن يهرولن وگف خازرنا
-الأكبـر : انتن وين جايات؟
-ايـسون : جا غير انتَ گتلنا بسرعة وياي بسرعة
-الأكبـر : جاي أقصد على هذا النذل ارجعن للقسم انتن
باوعتلة بطرف عيني اخذت رفيف ورحنا نهرول للقسم تبجي
-ايـسون : شبيج تبجين يحظي شبيج مو كتلناة وهسة الأكبر راح يفصلة همين ويسحلة سحلة معدلة
- رفـيف : خايفة لا يعرفون أهلي والله يذبحوني
-ايـسون : لتخافين ياحبيبتي والله محد راح يعرُف بس الي أريدة خليج قوية
- رفـيف : يعني انحلت خلاص
أبتسمت أطمنها
-ايـسون : شنو ماتثقين بية؟
- رفـيف : لو ماثق بيج ماجيت وحجيتلج
أبتسمنا ثنينة كملنا محاضرتنا طلعت أشوف الأكبر واسألة عن الموضوع الي صار ، لگيتة گاعد بالكافتريا ويمة بنية ! الدخان ضل يطلع من أذاناتي والنار شبت بين ضلوعي رحت أمشي سريع
وصلت يمة أبتسمت أبتسامة مصطنعة وحجيت
-ايـسون : مرحبا دكتور
باوعلي وباوع للبنية الي يمة
-الأكبـر : هلا ايسون شلونج
-ايـسون : الحمدالله دكتور شنو صار عن الموضوع الي صار مساع ؟
-الأكبـر : اتطمني حليتة
باوعت للبنية خازرتها انتبهلي الأكبر ضحك وگال
-الأكبـر : هاي ايسون بت عمي
رفعت حاجبي وگتلة
-ايسـون : اي انا بت عمك هيّ حضرتها منو؟
-الأكبـر : صديقة قديمة ألي حبت تزورني بالجامعة
-ايـسون : ها اتشرفت ، هسة من رخصتكُم لازم اروح
رحت قبل لا يكملون كلامهم ثنينهم روحي شابة النار بيها شعلي بي خيولي اصلاً ما اغار واحنا منفصلين الله ويا ومحمد وعلي شيريد يسوي خيسوي
ضليت اهز برجلي كملت محاضراتي وطلعت شفتة اجة بتجاهلي غيرت الطريق رحت بغير طريق اريد اضيعة شفت حيدرة صاف سيارتة واگف رحت ركضت صعدت
-حـيدرة : شبيج جنج شاردة من أحد
-ايـسون : شاردة من أبن عمك
-حيـدرة : شبي مضوجج؟
-ايـسون : لا بس شفتة اجة بتجاهي وضيعت الطريق ماريد اشوفة
هز راسة توكلنا رحنا للبيت ، بعدها مرت الأيام عادي الأكبر يريد يشوفني ماخلي او يريد يلتقي بية ابدً ماخلي يلمحني ...
•••
نبأ ...
مرت هالفترة مدمرة نفسيتي بسبب أيهم الي جاي يخطبني مرة ومرتين بس جاي أرفض يحاول وياي بس انا قافلة لان أيهم ماعندي مشاعر أتجاهةة بيوم ما أمة حجت ويا أمي گعدنا كلنا فتحت الموضوع أمي وياي وي أخواتي
-ليلى : انتوا شنو رأيكُم
باوعلي الأكبر وگال
-الاكبـر : يمة الموضوع يضل يم نبأ اذا قابلة قابلة واذا ماقابلة خلاص
-سُلطـان : انتِ شنو رأيج حبيبتي؟
-نبأ : ماريدة والله ماريدة الولد حباب ومابي قصور بس هاي بعد ممرتاحة انا
-ليلى : زين انطي فرصة وشوفي نفسج انخطبوا اذا ماحبيتي افسخي
-نبأ : يمة جاي أكلج مامرتاحة ولا مجبورة اصلاً افسخ وانخطب أرفضوا وهاهية
-الأكبـر : خلاص ماتريد يعني ماتريد لحد يضغط عليها
-سُلطـان : الي تشوفي مناسب سوي واحنا بضهرج
هزيت راسي صعدت الـ غرفتي ثاني يوم أمي رجعت الهم الجواب گالت الهم مموافقة البنية ، أتصل عليّ أيهم
-أيـهم : ليش هيج غزالة شبية حتى ماترديني!
-نبأ : صدگني مابيك شيء بس انا ماريد أيهم ماعندي مشاعر أتجاهك ربي يوفقك بالي تحبك ان شاءالله عوفني بحالي رجاءً
سديتة گبل مرت الفترة وهو بس يحاول وياي شوكت يفهم انا ماريدة
گاعدين انا ومريم وأجة الأكبر يحجي بخوف
-الأكبـر : سُلطان وين
باوعنالة ثنينة
-مريـم : غير طالع بالشغل
-الأكبـر : صاير أنفجااار يم شغلنااا وسُلطان ماكوو
فتحنا عيونة بصدمة وحجيت بخوف
-نبأ : شنو شنو فهمنة أكبر
-الأكبـر : أنفجار صاير هناك يم المحلات والمكان متدمر تدمر سمعت أكو انجفار هناك گبل رحت أركض لگيت المحل مفتوح بسسس سُلطان ماكووو
بجيت
-نبأ : زين أتصل أتصل علي
-الأكبـر : أتصلتتتت ميجاووووب ماكوووو
نزلت أمي على صياحنة غمز النا انُ مانحجي
-ليلى : شكوو شبيكمم صياحكممم يسمعة التايهه ماتگلولي
-الأكبـر : يمة ايسون گلعادة متعاركين انا وياها
باوعتلي وگالت
-ليلى : شكووو شبيج تبجين!
-الأكبـر : ماتعرُفين نبأ حساسة بس سولفت الها بجت
باوعت النا بشك وگالت
-ليلى : ماصدگ أحجولي شصاير گلبي مامرتاااح
باوعلي الأكبر وأطر يحجي بده يحجيلها كلشي وهيّ تسودنت
-ليلى : ولكممم ابني وين راح
-الأكبـر : انتِ مو قوية ! وعندج أيمان برب العالمين صدگيني يرجعلج أبنج بس خليج قوية انا هسة رايح أدورة واتصلت بشكو مُستشفى أعرُفها وراح ارجعلجياة وعد
-ليلى : ونعم بالله بس أبني أبني
-الأكبـر : والله يرجعلج بخير بس أصبري وديري بالج على البنات
طلع الأكبر من البيت يدور على سُلطان نتصل بي ماكو ضلينا منا للـ٧ باليل وماكو أي خبر أمي تصلي وتدعي وانا أبجي بس مريم الوحيدة مانزلت دمعتها تگلي واثقة يرجع سالم
اتصل عليّ الأكبر كلنا گمنا أرجف خايفة أفتح ويگلي خبر يخليني أنصدم كلش خايفة فتحت أسبيكر وأجاني صوتة فحطان ويحجي
-الأكبـر : نبأ لگيت سُلطان تعالو خلو سامي السايق يجيبكم الـ مستشفى ***..
•••
ميـار ...
ورة خطوبتي من سُلطان حبيتة أكثر وأكثر صار سُلطان كل حياتي وروحي هو بحيث اذا مايسمع صوتي او ماسمع صوتة شيصير بينا نسولف ونضحك سُلطان غيرلي حياتي
صرت أموت على احروف أسمة سر سعادتي هو لحد ما أجة اليوم المشؤم جنت نحجي سوية ونسولف
-سُلطـان : ميرو أميرتي اريد اسألج سؤال
-ميـار : جواب سُلطان گلبي
-سُلطـان : أذا اجة يوم ومتت شنو راح تسوين!
نغرني گلبي من حجايتة وخفت حيل
-ميـار : شجاي تحجي سُلطان شبيك
-سُلطـان : هو سؤال ياحبيبتي انتِ
-ميـار : لا تسأل هيج اسألة تعرُفني ماحب تحجي بالموت
ضحك بصوت عالي وگال
-سُلطـان : ماموت حبيبتي أريد أحجي حبنا لجهالنا واريد اگلهم انا اعشق أمكم وميت بيها
حجيت بضوجة
-ميـار : اي يالله خوش
-سُلطـان : شبيج زعلتي أميرتي والله بعد ماعيدها خلاص انسي اصلاً حجيت
-ميـار : OK
گعد يراضيني ساعة كاملة يالله قتنعت سدة مني گلة أجاة زبون مهم تقرب بـ ٥ العصر سداة نزلت جوة يم خالة والبنات
-ميـاسين : تعالن صايرات مسربتات وماتجن يمي
-ميـار : خالة هذا سر سعادتي لازگتلي
-ميـاسين : ههههههههه جا شعندة غيرج
-ايـسون : وانتِ مالازگة اشو بس يگلج ميرو تتسرسحين على وجهج
-تولين : نوبة مو بس هيج علمها على عض الشفة بس تسمع صوتة تعض شفتها صايرة نسخة منسخه منة
حجيت وانا خجلانة
-ميـار : أهو هسة شبيجن حاطات گورجن من گوري شعندي غيرة احبل اجيب
-ايـسون : حقج والله سُلطان ميتعوض وخوش أنسان
-ميـاسين : ربي يخليكم ويديمكم بنيتي بحق الحسين وتضلون دوم سوية
-ميـار : عمري انتو ربي يخليكم ألي ولا يحرمني منكم عائلتي انتو
ضلينا نسولف ونضحك الحد الـ٧ باليل وسُلطان ماتصل بية مو من عوايدة اتصلت مرتين ماكو ضليت اتصل ماكو بالي ضل يمة مادري ليش نزلت جوة الـ ايسون گاعدة بلمطبخ تباوع مُبايلها وعيونها شايطة مدري شبيها
-ميـار : ايسون سُلطان ماكو جاي أتصل بي ميجاوب
-ايـسون : أي يجوز بشغل ومايشاف مبايلة
حجيت وشفايفي ترجف
-ميـار : لا بس بالي يمة أول مرة سُلطان هيج وگلبي ناغزني خايفك
گمزت حضنتني
-ايـسون : شسالفة حبيبتي دگولي يالله هسة يتصل يجوز مشغول
وين مدتحجي دگ مبايلي أخذته لگيت مريم دگ گلبي أكثر وايسون باوعتلي بخوف فتحت خط وفتحت سبيكر اجاني صوت مريم وهيّ تبجي
-مريـم : ميار شلونج
گبل حجيت بدون مارد السلام
-ميـار : شكوو شبيج تبجين سُلطان بي شيء
-مريـم : ميار سُلطان صاير يم المحل مالتة أنفجار وسُلطان ماندري شبي بس الأكبر گال تعالوا للمستشفى
حسيت كلامها مثل الضربة على راسي ضليت أرجف صحت بعلوا صوتي
-ميـار : ولججج شنوو شبييي گيليلييي وينة ويننن
-مريـم : احنا هسة طالعين راح نروح المستشفى ****
-ميـار : جاااين جاااين
سديتة گمزنة انا وايسون بدلنا ملابسنة دموعي تنزل راحت ايسون تگل الـ خالة وحيدرة والولد
-ميـاسين : صخام بوجهي انتظرن البس عباتي
على ماكملوا روحي رايحة اخذنة حيدرة وانا أبجي
-حـيدرة : ميار كافي بروح أهلج والله تلگي مابي شيء
-ميـار : ماااابي شيء شنو خايفة حيدرررة
-ميـاسين : دگولي يالله يمة هسة نوصل ونعرُف
روحي رايحة خايفة أفقد سُلطان أموت والله أموت أدعي ربي مابي شيء سُلطان گلبي اخخخ ياسُلطان وصلنا نزلت للمستشفى أمشي عسريع لو ما الناس ركضت
وصلنا لگينة خالة والبنات والأكبر كلهن هناك
-ميـار : عليك الله گول بي شيء أكبر
-الأكبـر : لتخافين ميار الحمدالله والله مابي شيء مُجرد أنفجار صاير يم المحل مالتنا وهو طالع يساعد طفلة وشايلها محترگ بيدة شوية لتخافين
-ميـار : عليك الله يعني صاحي مابي شيء ؟
-مريـم : والله مابي شيء يمعودة أهدي
- حـيدرة : يصير ندخل نشوفة
-الأكبـر : جاي يضمدون بأيدة گال الدكتور نكمل وادخلوا
-ميـاسين : الحمدالله ياربي مابي شيء الف الحمدالله
يحجون وانا مامصدگة منا لمن اشوفه بعيني ويرتاح گلبي دموعي تنزل وأرجف طلع الدكتور تحمد النا بالسلامة نگدر نشوفة
دخلنا كلنا شفتة مابي شيء ضليت أجر نفس أبجي وأشهگ راحت خالة حضنتنه وتبجي
-ليلى : يمة أبني ولك ردت أموت من وراك
-سُلطـان : كلشي مابية يمة والعباس
كلهم أهلة حضنو وتحمدولة بالسلامة وبيت خالة مياسين كل هذا وانا ابجي واشهگ گام تقربلي هو جرني حضني
-سُلطـان : اششش كافي حبيبتي والله مابية شيء
-ميـار : ردت أموت والله ردت أموت تأذيك أيدك؟
-سُلطـان : كلشي مابية أهم شيء الطفلة بخير وماصرلها شيء گدرت أنقذها
حضنت وجهة وأشهگ
-ميـار : الحمدالله باوع باوع شلون أرجف عبالي صارلك شيء
لزم أيدة يبوس بيهن ورجع حضني
-سُلطـان : عمت عين روحة ريت بية ولا بيج يابعد حيلي انتِ كافي دموعج تحرگ بروحي
-ميـار : وينها الطفلة !
-سُلطـان : أجو اخذوها أهلها وشكروني شلون ناس وشلون طفلة تجنن بس نتزوج أريد وحدة مثلها
ضحكت هزيت راسي
-مريـم : يالله كافي دارما شباب خلصت خلونة نتوكل للبيت كلنا
باوعلها سُلطان وگلها
-سُلطـان : حية من يوم يومج
أختفت أبتسمتها وكأنُ أتذكرت فد شيء دنگت أستغرب سُلطان راح حضنها
-سُلطـان : شبيج ريمة أتشاقة وياج شجاج
-مريـم : ادري بيك حبيبي شسالفة
-سُلطـان : شكو ليش ختفت ضحكتج لعد
-مريـم : هيج ولا شيء
-حـيدرة : حبت تغير جلدها
عيبت علي ضحكو كلهم باوعت الـ ايسون وخالة مياسين
-ميـار : أريد أليوم أبات بيت خالة ليلى
ضحكت ايسون وگالت
-ايـسون : حجه وجابها الها الله
-ميـاسين : ديري بالج تسون وكاحة منا منا ميار
-تولين : هم يالله مايسون اول مايوصلون گبل وكاحة
-ميـار : عزا لا خالة والله مانسوي بس خلوني اليوم يمة
-ميـاسين : روحي بنيتي نتشاقة وياج أنتبهي الـ نفسج
ودعتهم راحوا باوعت الهم وگتلهم
-ميـار : جاية وياكُم اليوم
-ليلى : واخيراً هلا بيج بنيتي
-سُلطـان : بعد يومية خلي يصير انفجار حتى تجين
-ميـار : أسم الله سُلطان شبيك
ضحك توجهنه للبيت وصلنا گعدت رحت يم البنات لان اصدقاء سُلطان اجوي علي
-نبأ : قدمت وراح اداوم
-مريـم : بختت
-نبأ : أهو هم حطت عينها
-مريـم : نجبي ولي
-ميـار : كااافي تتعاركن فضحتنا بنات لو سگط على گولة ايسون
ضحكن ضلينا نضحك ونسولف خالة كلش صايرة تتعب هالفترا نبأ گالت ماگدرت تضل سهرانة راحت نامت من بعد ماصاحت سُلطان اتطمنت علي
نزلنا جوا بصالة أجة الأكبر گال راحوا وصعد الـ غرفتة دخل سُلطان
-سُلطـان : أخواتي العزيزات نترخص من عدجن راح أخذ خطيبتي واشرد
-مريـم : ميحتاج تنطينة خبر هيّ واضحة السالفة اخذها وروح
-سُلطـان : أشگد ادبسززز انتِ وخري
ضحكنا وصعدنا فوگ للغرفة ضحك ضحكة مكارة ورفع حاجبة
-سُلطـان : أجيتي والله جابج
-ميـار : أشو ايدك أشوفها صارت زينة
-سُلطـان : كلشي مابية من شفتج ضأع الوجع
تقرب من يمي يباوع بعيوني بكل حُب أيدة حاوطت رگبتة
-ميـار : أشتاقيتلك والله
-سُلطـان : روحي رايحة عليج
وين ماگالها أخذ شفايفي بين شفايفة بادلتة مثل كل مرة بكل ، حب وشغف ، ولهفة ، گدرنا نعبر عن حبنا بهل قبلة
أبتعد عني يضحك وانا ميتة من الخجل ضحك بصوت عالي
-سُلطـان : خجلانة أميرتي
-ميـار : وخر سُلطان
-سُلطـان : تعالي تعالي أنام
-ميـار : خلي أروح أبدل ملابسي أصبر
غمزلي وهو يحجي
-سُلطـان : شراح تلبسين
-ميـار : وخر وخر ملابسي ضايقوني
رحت بدلت لبست تراك عريض ورجعت لگيته ممطول على الجرباية ومسويلي مجال ومطفي الأضوية ضحكت رحت نمت بحضنة
-سُلطـان : ثاني حلم يتحقق من أمنياتي
-ميـار : شنو أحلامك
-سُلطـان : حلمي تصيرين الي وخطيبتي ، والثاني أنام بحضنج
حضنته أكثر
-ميـار : أن شاءالله احققلك كل أحلامك
-سُلطـان : ماطول انتِ وياي نحقق كلشي ياروحي انتِ
ضلينة نسولف شوية بعدها غفينة ثنينة فزيت على صوت سُلطان وهو يهذي ويهلوس أستغربت شجاي يحجي گعدت الدنيا ضلمة تقربت من يمة أكثر حتى أسمع شيگول
وأهناء كانت صدمتي من سمعتها يهذول بأسم بنية ! ضل يرجف كل جسمي ورجع عادها
-سُلطـان : ديار حبيبتي وينج ...
للحكاية بقية⛓️..
__________________
باقلم : زهراء لؤي 🔥
شنو رأيكُم بالبارت؟🌚♥️♥️
توقعاتكُم🔥😁♥️♥️