𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
#قوة_ ايسون
البارت سادس عشـر
باقلم : زهراء لؤي
ولدي الحلوين لا تنسون تصوتون وتعلقون بين الفقرات 💅🏻❤️🔥
حسابـي الأنستا للتواصل : wa5bad
انا ما خايف اموت
انا خايف لا اموت ومو بحضنك
انا خايف لا اموت
وماشفت كل البياض الشاله سنك
ادعي من الله يموتني اعله اديك
كافي چم دوب اشتهيك
على اقل ارتاح يوم بموتي يمك
على اقل ريتي تشمك
واخذ امرادي التنيته اسنين منك
ولو ماينشبع منك
لاچن انه اشگد قنوع بنسمه منك
بشمه منك بحضنه منك
اخ مني واخ منك
انا ماخايف اموت
انا خايف لا اموت بعيد عنك
انا خايف
واليخوفني بعد اكثر حناني
انا ماخايف اموت
انا خايف لا اموت ومو عليك
انا اريد احضه بحنانك ولو لحظة
هي شنهي الدنيا لو ماانت ومضة
𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
تولين ...
جرني حيدرة نزلني جوة الجرباية حاضني كل قوتة وانا أصرخ وأبجي والطلاق ترس بيتنا ترس
-حـيدرة : لتتحرگينننن توووولين أصبررري
حاضنتة كل قوتي وأصيح وهو يصيح
-تولين : گوم حيدرررة أهلناااا جوة گوووم
- حـيدرة : أصبررري شلون نگوم أصبري
خف الطلاق من غرفة حيدرة مد راسة حيدرة يباوع خاف تجي طلقة بس الصوت الطلق جاي من الجهة الثانية گبل حيدرة جر أيدي وگومني سحبني ركض لگينة الأكبر شايل ايسون ويركض والي هيّ تصيح نزلي مابية شيء
وميار تبجي وملجلبة بخالة واكفات بالجهه المخزن ماعليّ شيء مايلوحة شيء صاح حيدرة بعلو صوتي
-حـيدرة : بسررررعة أكبررر بسرعة أحذهن للگررراج بسرعة
اخذنا الأكبر للگراج صاير ورا البيت ممتقربيلة ولا شوية الحمدالله كلنا نبجي وخايفين الة ايسون
-الأكبـر : أبقوا اهنا بس اجيب اسحلة من حيدرة وأجي
لزمتة ايسون من متنة وگالت
-ايـسون : أجي وياك
عصب الأكبر وصاح بعلوا صوتة
-الأكبـر : ويننن تجين وياييي وين ! أبقي اهنا تردين تموتين انتِ
-ايـسون : اي اموت وياك ماتموت وحدك
-الأكبـر : أبقي حبيبتي هسة أجي
-ايـسون : جيبلي وياك سلاح حتى أحمي أمي وأخواتي
-الأكبـر : تدللين بس أبقي أهنا
-ميـاسين : تردينن تخبلينييي انتِ وين ترحينن متشوفين أخوج وخطيبج بنص الموت وانتِ تردين تلحگينهم
-ايـسون : جاا يمة تردينن تخليهم يموتون وحدهم منيننن ذولة اجونة منيننننن وشصايرررر فهموني عدكم عداوة وي أحد !
-ميـاسين : مااعدنة ماااعدنة بس أتوقعععع على حيدرة على مود القضية شكممم مرة أجاة تهديدد بس ماصدگنة يسوووها ماصدگنة
فتحت خالة مياسين أديها نجي الـ حضنها اجينا كلنا ميار بس تبجي وترجف جرتها ايسون حضنتها وتحجي وياها
-ايـسون : أحرگة اليدنالج
حجت وهيّ ترجف
-ميـار : خايفة ايسون خايفة
-ايـسون : اشش كاافي ماتخافين انتِ فهمتِ لو لا انتِ قوية حالياً انتِ مصدومة وين ميار القوية الي تگول دائماً ماخاف من شيء
-ميـار : ماريد أموت واعوفكُم
خزرتها ايسون وحجت بعصبية
-ايسون : ماتموتيننن
أجة الأكبرلازم سلاحين بـ أيدة انطة واحد الـ ايسون
-الأكبـر : الگوا** رايحين مفلشين البيت
-ميـاسين : ماعرفتوهم منو!
-الأكبـر : حيدرة شايف واحد منهم على ما أعتقد الي رافع قضية ضدهم حيدرة
ضربت على رجلها خالة مياسين وهيّ تبجي
-ميـاسين : لو صاير الـ بناتي شيء شسوي ها شسوي
-الأكبـر : هسة علي راح ياخذكُم الـ بيتنا تضلون هناك
فرحت من گال علي بالي وعقلي كلة يمة صحت بعلوا صوتي
-تولين : وينة علي وينة اخوي عليك الله أحجي زين؟
-الأكبـر : لا تخافين هسة يجي والله زين مابي شيء
حجت خالة مياسين وهيّ تعض بـ أصبعها
-ميـاسين : وينة الدايح
-ايـسون : راحت هيبتك علي
ضحكنا بعز خوفنا
-الأكبـر : تعالوا ندخل للبيت ماكو شيء راحوا
اخذنا الأكبر للبيت الرصاص صاير بي يعني مُعجزة محد بينا اتأذة او انضرب بس بالي يم علي وحيدرة ماكو ثنينهم
باوعت الـ ايسون راحت تباوع للكزاز الي مطشر شالت وحدة ضلت تباوع بيها عبالك تذكرت فد شيء أبتسمت تك خد وذبتها
باوعتلي شافتني اباوع الها اختفت أبتسامتها
شوية وأجة علي متلهف وخايف علينا گبل أجة حضني
-عـلي : بت روحي بيج شيء صارلج شيء
أبتعدت عنة أحجي وأبجي
-تولين : وينن جنتت وينن اتصل عليك ماتجاوبني بالي ضل يمك
-عـلي : اشش ياروح أخوج انتِ يمج انا يمج مابية شيء والله
-ميـاسين : طااايح الحظ ماتگول أكو ناس أهنا ينتظروني بالهم يمي
تقرب يبوس بـ عمتي ويحجي
-عـلي : اسف بس والقران يم أصدقائي ومُبايلي مادري بي وين حطيتة
-ميـاسين : صايع ماتصيرلك جارة
-عـلي : مع الأسف عمة انا صايعع اخ سهمج دگ بگلبي
-تولين : حباب بعد لتسويها علي والله ردت أموت من خوفي عليك
-عـلي : ياروح علي انتِ وعُمرة وعد ماتنعاد كافي بنيتي كافي بجي
شوية أجة سُلطان دفر الباب مال الصالة مرعوب ورعبنة ويا وجة أصفر گبل ركض حضن ميار كل قوتة وهيّ تبجي وتشهگ
-سُلطـان : بيج شيء؟ حبيبتي صارلج شيء؟
حجت وهيّ تشهگ
-ميـار : لا لا بس خفت أموت سُلطان
-سُلطـان : أسم الله عليج يلوعة گلبي لا تحجين هيج يمج انا
تبجي وتشهگ مجلبة بحضنه
-ميـار : خليني بحُضنك خليني أموت بحُضنك وانا يمك
صاح بصوت عالي
-سُلطـان : يا أبو الحسنين صبرني عليها ولج كافي تموتين شنو غير اذا تموتين أموت وراج وحق علي شنو عيشتي من بعدج
-ميـار : خليني يمك سُلطان گلبي
-سُلطـان : يمج انا ياحيلة انتِ
باوع النا وگال
-سُلطـان : سُلطان أعتذر بس والله بالي يم ميار شونكم خو محد تأذة بيكُم؟
- ايـسون : لا محد الحمدالله
كال جهزوا نفسكُم اخذكم رحنا نجهز نفسنا ...
•••
ايسـون ...
الي صار مثل الفاجعة گعدت انا بحلم لو بعلم شنو الي صار مادري نايمة بسابع نومة وماحس غير صوت الطلق ترس البيت ترس انضربت الجامة طلقة اتفلشت گبل أجة الأكبر شالني اريدة يهدني انزل ماكو أگدر امشي بس قافل
من غير البارحة أفكر شنو صار وشهذيت وأصلاً شوكت أجة الأكبر بس الي اتذكرة گلت الـ ميار اريد الأكبر ماتوقعت تسويها لانُ ماجنت بوعي أذهي بس اصخن
خفت من الي صار كلش خفت أخسر أهلي واخواتي خفت يصير للولد شيء مادري شسوي شلون احتضنهم ودي ماخليهم يتأذون ميار حبيبة گلبي الي خايفة وتهذي شلون أضمها بروحي مادري
ماخليها تتأذة الي خافت اول مرة يصير هيج شيء يمها
أجة سُلطان ياخذنا الـ بيتهم جهزنة غراضنة شوية على ما يشوفون شنو السالفة كلهم طلعنا ال بس الأكبر وحيدرة ماكو ضل بالي نغزني خفت لا واحد منهم بي شيء
غمزت الـ سُلطان يجي يمي اسألة حتى ما أشغل بال البنات
-سُلطـان : ها ايسون بيج شيء؟
-ايـسون : حيدرة والأكبر وين ؟
دنگ راسة يحجي ومايحط عيونة بعيوني
-سُلطـان : راحوا يشوفون الموضوع شنو
-ايـسون : لا تجذب والله تجذب أحجي واحد بيهم صارلة شيء !! أحجي
-سُلطـان : ايسون ماكو شـ...
سكتة قبل لا يكمل كلامة
-ايـسون : ولك أحجييي منو بيهم بي شيء لا تحاول تجذب دير بالك
ضل يباوع منا ومنا خاف ينتبهن علي صاعدات بالسيارة ينتظرنة
تقرب مسح على وجهة يريد يحجي بس متردد
-سُلطـان : لا حول ولا قوة الا بالله العلي العظيم شبيج ايسون وكتها هسة
-ايـسون : اي وكتها وكلش هميننن أحجي سُلطان لتفت گلبي رحمة للگعبة
-سُلطـان : حيدرة شاخطتة طلقة
حسيت واحد وضربني على راسي من ورا كلامة ضليت أرجف أريد أحجي اطلع صوتي ماگدر حجيت وصوتي گوة ينسمع
-ايـسون : شننو شلون شلون شبي بداعة ميار أحجي
-سُلطـان : مابي شيء والله راحوا للمستشفى يضمودوها ويجون لتخافين
-ايـسون : جذاب ادري بيك تعال وياي بسرعة نوصل أهلي للبيت ونروح للمُستشفى
-سُلطـان : ولججج شلون أخذجج ايسون ميقبلون
-ايـسون : تحرك سُلطان
هز راسة يستغفر ربة صعدنا بالسيارة وأمي شكت اكو فد شيء لان وجهي صار أصفر وبس أرجف لزمتني من متني نزيت نزة
-ميـاسين : أسم الله الزهرة القُران بنيتي شبيج
أبتسمت وحجيت أطمنها
-ايـسون : مابية شيء يمة لتخافين انا وسُلطان نوصلكم للبيت ونروح نجيب فد شغلة
عقدت حاجبها وگالت
-ميـاسين : شغلة شنو وين ترحين
تقربت همست بأذنها
-ايـسون : هيج شغلة تخص ميار لتهتمين بس ديري بالج على البنات
هزت راسها مامقتنع بكلامي بس مو مهم المهم اروح واشوف تؤم روحي وعزيز گلبي وصلناهم نزلوا گبل توجهنا للمُستشفى وسُلطان كل ساع يستغفر
وصلنا للمُستشفى أمشي ملهوفة بس أريد المح بيهم أحد كون بخير كون ماصير الهم شيء امشي وأدعي
شفت الأكبر گاعدة على الكرسي وحاط أيدة على راسة صحت بصوت عالي ودموعي تنزل
-ايـسون : أكبرر
گام وگف على حيلة من سمع صوتي رحت أركض لحُضنة أريد أذب نفسي بحنضة ماهتميت للناس ولا الـ أي شخص الي هتميلتة هو الأكبر وحيدرة يكونون بخير حضنته كل قوتي وهو شاد على حضني
-ايـسون : انتو بخير أكبر بخير؟
أبتعد يمسح بدموعي ويحجي
-الأكبـر : مابينة شيء ياروحة للأكبر انتِ
-ايـسون : وحيدرة حيدرة شونها گلييي أحجي
جرني گعدني على الكرسي وباوع لسُلطان وخزرة
-الأكبـر : زين مابي شيء والله بس مُجرد شخط وجاي يخيطوة
-سُلطـان : وأبو فاضل انا ماعلية هيّ جابتني جنها بريعصي لزگت فرد لزگه الة تاخدني
-الأكبـر : انجب ولك تروحلها فدوة بريصعي بعينك
-ايـسون : انجب جنك ديج هراري
-سُلطـان : والله وصارت عليّ ياخوية
-الأكبـر : تستاهل
مسحت دموعي وگمت وكفت باوعت للأكبر وحجيت
-ايـسون : أريد اشوف حيدرة خلي يخلونا ندخل
-الأكبـر : هسة يكمل ونشوفة لتخافين
-ايـسون : خاف بي شيء وجاي تجذبون عليّ !
-الأكبـر : وداعتج مابي شيء هسة يطلع جنة بغل
-ايـسون : لا تحجي على اخوووي
ضحك بتعتب وگال
-الأكبـر : ياريت هيج تدافعيلي
-ايـسون : ليش انا شوكت مامدافعتلك
-الأكبـر : يعني مدافعلتي؟
خزرتة ونترت بي
-ايـسون : لااااا
ضحك وهز راسة سُلطان يهز بأيدة طلع حيدرة نصدم من شافني گبل رحت حضنته وأبجي بحضنة
-ايـسون : انتَ بخير ياتؤم روحي والله لو صايرلك شيء شسوي گلي
-حـيدرة : اش كافي حبيبتي مابية شيء وعيونج بس مُجرد شخط وخيطوا شجابج انتِ
-ايـسون : سُلطان جابني
باوع الـ سُلطان. خزرة ضرب سُلطان أيدة بأيد. وحجة
-سُلطـان : ياسالفة سُلطان الـ ماتخلص
-حـيدرة : وحمس المن جبتها
-سُلطـان : انتَ تدري بأختك راسها يابس وماتقتنع الة تسوي الي براسها مثل شسوي جابتني وانا الممنون لا حجيت ولا ربطت والله يالله رجال فقير
ضحك الأكبر وحيدرة يحاول يضم بضحكتة گام الأكبر وگال
-الأكبـر : علي وين؟
-حـيدرة : راح للمركز يشتكي وهمين ياخذ الشرطة للبيت يشوفوهم الي صار يحققون بالي صار
-ايـسون : يعني تعرفهم الي مسوين سوايتهم؟
-حـيدرة : أعرفهم أعرفهم بس وحق اخو زينب أدفعهم ثمن كل خوفة ورعب عشتنة بسيطة
طبطب على كتفة الأكبر وگال
-الأكبـر : كلنا وياك هسة امشونة للبيت ترتاح كلهم بالهم يمك
-ايـسون : اي حباب أمي عوزها شوية وتشگ زيجها وتصرخ وعلي من گد مابالها يمكم
ضحكوا كلهم بصوت عالي طلعنا توجهنة للبيت الحمدالله حيدرة بس شخط بس شوية جان عميق لهذا الـ سبب مخيطي حمدت ربي وشكرتة محد بيهم صايرلة شيء أكثر ، وصانة مانگل الـ أمي لبس بطريق أشترة قميص بدالة
وصلنا للبيت فتحت الباب مريم الي توزع طاقة أيجابيها دائماً
-مريـم : أمشي أمهاتكم راح تموت فضحنا فضيحة الله
كلنا فتحنا عيونة بصدمة ودخلنا للبيت نهرول لگيناهن گاعدات كلهن ملتمات هن والبنات وينعن ويلطمن ويبجن !! ضلينا واحد صافن بالثاني ركض الأكبر تقدم يلزم بأمة
-الأكبـر : شبيج يمة شجاج
كلهن سكتن من شافنة حضنت الأكبر خالة وأمي گامت تبوس بحيدرة
-ميـاسين : يمة عمود البيت ماصايرلة شيء يابعد أمك
حجة سُلطان
-سُلطـان : ياعمود منهن عمود الكهرباء
كلنا حاولنا نكتم ضحكتنا حجة حيدرة وهو كاز على أسنانة
-حـيدرة : يمة بعد بعد سويني واير
-مياسين : يمة الـ سميتك واير الـ سميتك عمود الـ سميتك چلب مو مهم المهم بخير
عزا كلنا ضحكنا متحملنا حجة حيدرة بصوت عالي
-حـيدرة : يمة ولعباس ترا اروح
حجت وهيّ تسمح بدموعها
-ميـاسين : سكتت سكتتت
تقرب سلم على خالة ام الأكبر وانا هم سلمت عليها بس سلامي وياها بارد كلعادة كلناا سلمنا على بعض وها اها
-مياسين : ماگتلنا يمة ! منو مسوي هيج
-حـيدرة : ذولي يردون اتنازل من القضيه بس وحق أخو زينب اذا ماطحيت حظهم وراح اخليهم من سجن الـ سجن من محكمة الـ محكمة من أيدهم بسيطة
-الأكبـر : أتصلوا بعلي اتطمنوا علي انا ماعندي رقمة
حجت تولين بخوف
-تولين : وين هو علي؟ وين راح؟
-حـيدرة : لاتخافين بزونة هسة يجي اخذ الشرطة للبيت يحققون بالي صار
-تولين : يعني هو بخير؟
-حـيدرة : طبعاً بخير اتطمني
اتصل عليّ كلة بخير بس على ما نكمل تحقيق صارت تقريب بـ٧ الصُبح گمنة نسوي ريوگ احنا البنات باوعتلي مريم وگالت
-مريـم : ولج گلبنها مناحة ولعباس انا كوة كاتمة ضحكتي گلت هسة أطگها بضحكة ويجيني نعال يسويني طشار
ضحكت وگتلها
-ايـسون : حقهن أمهات گلب والدة
-نبأ : والله لو انا مكانهنن متت
-ميـار : نوبة أحنا نصرخ ونبجي خايفين الة ايسون ! تريد سلاح تحمنية فهميني ماتخافين انتِ؟
باوعتلها أمسح بأدية من الـ مي
-ايـسون : من شنو أخاف؟ أخاف من الموت؟ خليني اموت على الأقل متت وانا ادافع عن أهلي ولا أحد يضرهم مستعدة أدفعلكُم عُمري بدون ماتردد
أجيت ميار تركض حضنتني
-ميـار : اخ على قوتج ايسون لبوة شرسة انتِ والله العظيم
خزرتنا تولين وگالت
-تولين : جا شنو وانا ماتحضنيني؟
ضحكت فتحت أيدي الثانية وصحتها
-ايـسون : تعالي
باوعت مريم وهيّ معاجبها وگالت
-مريـم : وانا هم أحضنيني شنو وحد انا هم من أهلج يا بت عمي
ضحكت بصوت عالي صحتهن هيّ ونبأ حضنتهن گبل دخل الأكبر ضل صافن علينا يباوع
-الأكبـر : عمي والله خوش شابعات حضن
-ميـار : الله أكبر حطيت عينك على الحضن
-الأكبـر : أي والله أختج مخليتنا نتحسر على الحضن
أبتعدت مريم وهيّ تدفع بيهن
-مريـم : صدك جذب جنك على حضن تعال حبيبي تعال
ضحك تقرب يريد يحُضني خزرتة أبتعد يتحمحم خزرتها وگتلهم
-ايـسون : أمشن بسرعة العالم ماتت من الجوع
درت وجهي أنگل بالمواعين طلعت وعفتهم گلبي يدك كل قوتة من نظراتة الي حتلتني گعدنا تريگنة خالة ليلى فرشت فراشات الة تنامون ماشبعانين نوم انتوا نام حيدرة واجة علي همين خطية نام
أمي نامت وتولين بس انا وميار ضلينا مانعسانة لان شبعانة نوم انا صعدت لغرفتني انا وميار مشتاقيلها حيل
-ميـار : صايرات عيارات احنا مانجي أهناء
ضحكت وگتلها
-ايـسون : اها تردين تجين أهنا مو
طگتني على أيدي وهيّ تضحك
-ميـار : نجبي أدبسزز وين نيتج ولت
أندگ الباب گامت فتحتة ميار طلع سُلطان يضحك ويباوع الـ ميار ويرفع حاجبة
-سُلطـان : مرتي حبيبتي مُمكن تجين شوية محتاجج
باوعتلي ميار ضحكت ودفعتها
-ايـسون : روحي عيني روح زوجج يصيحج
-ميـار : اوي شبيج تردين تفتكين مني
-سُلطـان : ها شنو صايرة ماترديني؟
تقربت جرتة من أيدة وتحجي بدلع
-ميـار : اذا ماريدك أريد منوو؟
عض على شفتة
-سُلطـان : وعلي احبج أميرتي
باوعت الهم صفح وگتلهم
-ايـسون : ايع امشوا اطلعوا برا يالله يالله
دفعتهم طلعوا ثنينهم ضحكت حلوين يارب يضلون دائماً سوية ذبيت نفسي على الجرباية واندفر الباب كل قوتة فزيت مخروعة شفتة حيدرة توة گاعد من النوم وشعرة مخربط
-ايـسون : أسم الله الزهرة شبيك؟
-حـيدرة : باسج غصب عنج گليلي وين النذل اطيحلج حضة؟
فتحت عيوني بصدمة شجاي يحجي
-ايـسون : شبيك حيدرة شجاي تحجي انتَ منو الي يبوسني غصب عني
يحجي وعبالك مو بوعية
-حيـدرة : الأكبر النذل تحلمت يبوس بيج غصب عنج لان گتيلي يبوسني غصب عني ضل الموضوع بالي خاف يغصبج علي
مصدومة من كلامة شوكت گايلتلة انا هيج
-ايـسون : شوكت حجيت هيج حجي انا شبيك حيدرة
گعد على الجرباية يمسح على وجهه
-حـيدرة : انتِ بيوم مامصخنة حجيتي كلشي
هو گال هيج لو انا ردت أغط بهدومي من الفشلة وين أنطي وجهي وين أروح بلعت ريگي وگتلة
-ايسون : مثل شنو؟ كلشي شحجيت ولك عزا
-حـيدرة : اذا صدك يبوسج غصب عنج ايسون احجي والله أطلگج منة
-ايـسون : لا لا مايبوسني غصب عني والله
-حـيدرة : يعني براضتج يبوسج؟
جفيت من الفشلة ردت أموت ضليت أحجي مادري بنفسي صحت بصوت عالي
-ايـسون : الله اكبر حيدرة الله اكبر وخرررر كوم منا شبيك انتَ ماصاير هيج شيء
انتبة الـ نفسة هو وگام يباوعلي صفح خلى وطلع سديت الباب من الفشلة يربي شلون اباوع بوجهه بعد صخام بوجهج ايسون وين أكبر النذل على گولة حيدرة وينة ليش ماگلي هيج حاجية انا اخ منك اخ
گعدت الوب مستحية مرت هاي الومين عادية بيت خالة ليلى باقين وبيتنا مانرجعلة لانُ حيدرة جاي يشتغل على القضية وخاف يصير شيء بعد حياتنا بعدهي بخطر من ورا ذولي يهدوون بي بس هو مُصر يربحها ويسجنهم على الي سوو بينا
ردنا انضف البيت ماقبل حيدرة كال انا اجيب مُساعدات ينضفوا أبوا انتوا نضفوا البيت بس بقينا بيت خالة ليلى گاعدين صار يوم الثالث أجة الدوام رحنا انا وميار وتولين جبنة ملابسنا اخذنا سُلطان وباجر يبدي الدوام انا وميار نداوم سوية والأكبر همين
گعدنا ثاني نحضر نفسنا نروح للدوام ميار نحسة لانُ ماتحب أحد يگعدها من نومتها گوا جريتها جاي نتريك وحجت وهيّ ميتة نعاس
-ميـار : يعني هسة وكتها والله نعسانة
-سُلطـان : اسس حبيبتي صيري نشيطة أهم شيء دوامج شهادتج بأيدج انتِ سباعية صحصحي
-الأكبـر : والله خوش عمي سُلطان ينطي نصائح صاير
-حـيدرة : هيج العشگ يغير يا أبن عمي ؟
-سُلطـان : اي والله يا أبن عمي كتير بيتعب وبيخليك تحس بالتعاسة ااا العفو السعادة
باوعتلة ميار خازرتة الة شوية تطلع عيونها
-ميـار : كتلي التعاسة مو؟
رفع أدية ويحجي بأستسلام
-سُلطـان :ولعباس أبو فاضل طلعت بالغلط
گامت ميار وهيّ تحجي
-ميـار : كملت الف عافية كملتوا يالله حتى نروح؟
-الأكبـر : كملتي ايسون ؟
هزيت راسي وگمت علاقتي والأكبر على حطتها گام سُلطان يريد يحجي وي ميار ماخلتة خلت وطلعت گعد هو ضايج طلعنا انا والأكبر نمشي
-الأكبـر : مو كافي عاد؟
باوعتلة بطرف عيني وگتلة
-ايـسون : على شنو؟
-الأكبـر : ماشتاقيتيلي؟
-ايـسون : أصبح وامسي على وجهك شوكت الحك أشتاقلك
ضحك هز راسة ساكت صعدنا بالسيارة وصلنا للجامعة ميار راحت الـ محاضرتها وانا رحت الـ محاضرتي خلصت المحاضرة گعدت بالكوفي انتظر ميار ماجت أشو توي أريد أگوم وأجة الأستاذ أحمد
بعدة شاب تقريب عُمرة ٢٩ سنة ضحك وگال
-أحـمـد : شلونج ايسون
-ايـسون : أهلاً وسهلاً أستاذ أتفضل
قبل لا يگعد باوعلي وگال
-أحـمـد : شتحبين تشربين؟
حجيت وانا خلاجنة منة أول مرا يگعد وي طالبة بالكوفي
-ايـسون : چاي
ضحك أشر على عيونة وگال
-أحـمـد : من هاي قبل هاي
أبتسمت بـ تصنع لانُ ماعندي علاقة بي ولا حاجية ويا من قبل بس ملاحضته يباوعلي من جنت بالجامعة ، راح جاب چاي الي وأله وگعد
-أحـمـد : أشتاقينالج صار هواية مشايفيج
حجيت وأبتسمت بتصنع
-ايـسون : تشتاقلك العافية أستاذ تسلم
خاط الچاي وشرب منة
-أحـمـد : مستغربة من گعدتي يمج صح لو لا ؟
-ايـسون : اي والله الصراحة مستغربة أول مرا يگعد يمي ولد
ضحك وگال
-أحـمـد : جفصاتج هواية
أستغربت وين الجفصة بالموضوع
-ايـسون : نعم أستاذ أريد أعرُف سبب گعدتك يمي شنو؟
رفع راسة يباوعلي عيونة تتفحص كل وجهي أنقرفت من نظراتة جاي يحجي وأجة الأكبر صاير ورا اشرلي بنعنى أسكتي كتف أدي وضل يباوع
-أحـمـد : انتِ مخطوبة من الأكبر صح؟
فتحت عيوني بصدمة منين يعرُف هذا
-ايـسون : اي نعم صح بس منين تعرُف ؟
ضحك يهز براسة
-أحـمـد : شنو منين أعرفة هذا الأكبرالي كلها تحجي بي يومية وي وحدة بيمن تورطتي انتِ
نصدمت هذا شديحجي نوبة شهل قُرف جاي يفتري على الأكبر باوعت للأكبر يحاول يكتم غضبة وانا عصبت أكثر منة
-ايـسون : هوب أستاذ أحترم نفسك جاي تحجي ترا انتَ على خطيبي !! تعرُف شنو يعني على خطيبي ! عيب عليك هالكلام
-أحـمـد : جنت متوقع هذا ردج صدگيني بس حقج الأكبر لاعب بعقلج
ضربت على الطاولة على كيفي حاولت أحجي بهدوء
-ايـسون : عندك دليل على كلامك !
ضحك تك خد وگال
-أحـمـد : ذكية وليش انا مُعجب بيج وأحبج أسمعيني زين الأكبر مايفيدج انا أحبج من زمان انتِ بس أفسخي وداعتج اتقدملج اليوم قبل باجر واذا عن دليل عندي ألج
باوعت للأكبر الي واكفة يستمع وقابض على أيدة كل قوتة
-ايـسون : طلعلي دليلك !
أبتسم طلع مُبايلة فتحاة داره عليّ أنصدمت بالي شفتة ! الأكبر ويا أبنية حاضنها وماخذين الصورة سوية ...
•••
تولين
وصلني حيدرة الـ جامعتي قبل لا انزل باوعلي وگلي
-حـيدرة : هاج هاي فلوس خاف تحتاجين شيء
أبتسمت وگتلة
-تولين : تسلم بس شايلة فلوس
باوعلي صفح وعيب بحلگة
-حـيدرة : تسلم ! وشايلك فلوس؟ شبيج بابا دخذي لا اطيح حظج بلا هالرسميات الجايفة
ضحكت وأخذتهم منة
- حـيدرة : ديري بالج على نفسج وأي شيء تحتاجي أتصلي عليّ ماشي بزونة
-تولين : ماشي عيوني
حرك سيارتة وراح ضليت واكفة أضحك خجلانة خليت ورحت دخلت للجامعة بدت المحاضرة وعلى ماخلصت طلعت روحي أضوج من عدها ياربي گاعدة أجت صديقتي هُدى علاقتي بيها سطحية هيّ لازگة
-هُـدى : شلونج ياحلوة
-تولين : زينة حبيبتي وانتِ
-هُـدى : بخير عمري ، أريد اسألج منو جابج؟
استغفرت ربي هاي حاطة عينها على حيدرة
-تولين : حيدرة
ضحكت وگالت
-هُـدى : يااي غير تگليلييي قبل لتجين يمعودة حتى أشوفة والله مشتاقتلة
گالت هيج وانا ماتحملت عطت بيها
-تولين : شبيج هُـدى شبيج! ترا عيب هالتصرُفات وانتِ بنية تعرُفين كل الزين حيدرة انتِ مو بالة
-هُـدى : وشبيج انتِ تحسستي ترا المحاولة حلوة خلينا نحاول يجوز يحبني مثل ما انا احبة
-تولين : لتگولين احبة لان انتِ متحبي ولو تحبي مو يومية عاجبج هذا وهذاك خوش لو لا
گامت خزرتي وهيّ تحجي بصوت عالي
-هُـدى : أحترمي نفسج خو گولي حاطه عيني علي عليمن بعد هالحجي الزايد
گمت خليت عيني بعينها وحجيت
-تولين : أحبة واموت عليّ عندج مانع ؟
-هُـدى : ماخليج تتهنين والله
-تولين : دمشي ولج امشي. لا الم العالم عليج شلون خلقة خايسة عابت
راحت وهيّ تهز براسها گعدت العصبية تطلع من أذاناتي خليت ادية على راسي وگعدت ماشوف الة كعد ولد گبالي لابس اسود وكبوس التراك على راسة همس اشش باوعت الـ أيدة الي بيها السلاح موجهه عليّ وحاطة على طاوله محد يگدر يشوفة ...
للحكاية بقية ⛓️.
____________________
باقلم : زهراء لؤي 🐺❤️🔥
شنو رأيكُم بالبارت؟💅🏻❤️🔥؟
توقعاتكُم❤️🔥⛓️؟
لتنسون تصوتون ، وتعلقون بين الفقرات وتضيفون حسابي الأنستا 🐺♥️.