بعد مرور 10أيام
==========================
فهاد 10أيام رجعات علاقة ديالي أنا وماما وبابا كيف كانت ولينا كنخرج مجموعين ونضحكو أو نساو كولشي 😈طبعا غادي ينساو أو هوما والدين شياطين غادي ينسيوهم بزز😈
==========================
ماما:جاد سفيان أجيو تعشاو أو سير أسفيان فيق ختك باش تعشا
سفيان :واخا مامي /مشا لبيتها ودخل لقاها نعسة بحال زوفري يد فالشرق ويد فالغرب وشعرها طالع السما
سفيان :نجلاء نوضي نجلاء (يحركها) وااااانجلاء نوضي الزمرة أوووف نجلاء نجلاء
ن:أممممم
س:نوضي باش تعشاي واش نتي كتنعسي دابا أو فالليل كتبقاي سهرانا
نجلاء خشات راسها المخدة وقالت:خرج عليا أوجه النحس خرج
س:نوضي راه قالت ليا ماما نوضك أو مغاديش نخرج حتى تنوضي
ن:ماباغاش أنا نتعشا غير غبر عليا
س:نوضي نوضي نوضي نوضي نوضي نوضي نوضييييييييييييي
نجلاء وقفات أو قالت أو هيا كتشير عليه بالمخدة:هانا نضت تفو منعس حتى بحال الناس غبر عليا أوجه النحس
س:شتي راه قولت ليك غادي تنوضي هانتي نوضتي😈
ن:خرج برااااااااااا
(سفيان مشا يجري أو خلاها معصبة)
ن:أوف الناس عندهم خوة أو أنا عندي دحش ناضت دخلات البيت غسلات وجها وقضات حاجتها أو مشطات شعرها و مشات تعشا
م:وأخيرا سيت الحسن ناضت
ن:صباح الخير
ج:واش منيتك فين هوا صباح دابا
بابا نطق بنبرة صارمة :بداو تعشاو راه عندي معاكم موضوع مهم مور العشا بلى هدرة بزاف
انا بقيت كنشوف فبابا حيت ممولفاش ليه يدوي بحال هكا حولت نظري الماما لقيتها غير كتشوف مفاهما والو
💫تعشينا فصمت حتى شي واحد ما هضر حيت ذاك الجملة ديال بابا 🌟بلى هدرة بزاف 🌟باين معنى ديالها ملي سالينا نضت أنا وجاد جمعنا الطابلة ومشينا الصالة باش بدوي معانا بابا جا جاد كيجري مع بغينا ندخل سمعنا هدرة ماما لي خلعتنا :أويلي أمحمد راه دراري مغاديش يبغيو أو خصوصا نجلاء راه
قاطعها سي محمد بصرامة :هدرة واحدة راني قولتها سلينا يبغيو ولا ميبغيوش أنا لي عارف المصلحة ديالهم ماشي هوما
💙يتبع 💙
🦋البنات خليو ليا توقعات ديالكم فالموضوع ديال سي محمد🦋
شنو غادي يكون فنضر ديالكم ؟؟؟؟