قوة ايسون

القـوة السـادس وعشـرون

𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
#قوة_ ايسون

البارت سادس عشـر

باقلم : زهراء لؤي

ولدي الحلوين لا تنسون تصوتون وتعلقون بين الفقرات 💅🏻❤️‍🔥

حسابـي الأنستا للتواصل : wa5bad

وهجرتني بعد الوصالِ فقلتُ لك
لا تقتل القلبَ الذي قد أمَّنكْ

والآن تأتي آسفاً ، مستعطفاً
القلبُ ماتَ فما يفيدُ توجعك؟
𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
مريم ...

صرخت بعلوا صوتي من شفت شهم وأكف وأيدة تجري دم وجهة وشايل لايت يضوي بوجة الي نصة بي كدمات مال ضرب

أجه گبل جرني وسد حلكيي وهمس بصوت ناصي
-شـهم : اشش فضحتيني شبيج

كل ذرة بجسمي ترجف خايفة منة وعلي شبية مادري أشرت بأيدي يوخر عني
-شـهم : راح اوخر بس حرف واحد متحجين خوش !

هزيت راسي بمعنى "أي" أبتعد عني أرجف بلعت ريگي وگتلة
-مريـم : شكو شبيك ليش هيج شصاير وياك !

-شـهم : تعاركت وحضي الأغبر خلاج تطلعين هسة وتشوفيني

-مريـم : أحترم نفسك لا والله هسة أكلهم عليك

-شـهم : خوش بوية سكتت ، بس أطلب منج روحي للمطبخ تلگين بالكاونتر أخر واحد علبة اسعاف جيبيهن ألي اذا ماتعبج

هزيت راسي بمعنى "أي" ورحت كسر خاطري حتى لو هو نذل مايصير اعوفة بهيج حالة رحت جبلتة علبة الأسعاف لگيته نازع قميصة والجرح كلش جبير بزندة يجري دم تقربت من يمة وگتلة
-مريـم : أنطيني الفها ألك

بسرعة رفع راسة باوعلي ورجع دنگ
-شـهم : لا ميحتاج هسة انا اسويها

اخذت قطن وشاش وديتول
-مريـم : أنطيني اشوفها رجاءً

باوعلي وقرب زندة عليّ جرح جبير الصراحة ويحتاج خياط باوعتلة وگتلة
-مريـم : ترا الجرح كلش جبير مو مال تسكت عنة يحتاج خياط

-شـهم : لفيهه مو مهم

هزيت راسي عقمتها ولفيتها باوعت الـ وجهة جوا عينة زراگ وشخطة طالع منها دم فوگ من حاجبة اخذت القطن وحطيت ديتول وحطيتها على الجرح

باوعتلة لگيتة صافن بوجهي گبل أبتعدت
-مريـم : مابيك شيء هسة تصير زين بس خفت من الدم الي بالگاع كلش هواية وزندك نازف هواية ولحد هسة ترا ينزف ! شون بالله تسكت عنة !

-شـهم : مو مهم هسة أصير زين

أشتغلت الكهرباء باوعتلة وگتلة
-مريـم : بكيفك راح اجيب مي وماسحة اغسل الدم

-شـهم : لا عوفيهن انا اغسلهن

-مـريـم : لا روح أصعد أنتَ ارتاح وانا اسويهن

باوعلي وطول بنظرتة مدري شبي هزيت أيدي بمعنى شبيك ؟
-شـهم : ماتوقعتج يالحية عندج ضمير

-مريـم : عندي ضمير وفة وحتى عندي رجولة

-شـهم : أروح احسن اضل يمج بس تمسلتين يالحية

هزيت أيدي رحت جبت مي وماسحة غسلتة واخذت قميصة حطيته بعلاگة وذبيتة لانُ كلة دم رحت للبنات لگيتهم كلهن يسولفن باوعتلي نبأ وگالت
-نبأ : وين الـ مي؟ صار ساعة منتظرة گمت شربت ورجعت دورت عليج وانتِ ماكو !

گعدت يمها وهمست
-مريـم : بعدين اسولفلج

باوعتلي وهزت راسها ضلن شوية كلمن گامت على فراشها سولفت الـ نبأ ضلت تلوم بيه لان گلت سكتت ماحجيت الـ أهله وبنفس الوقت كالت لو طالعين وشايفيج

نمطلت على فراشي ضليت احوس بالي يمة الصراحة خطية أخذت مُبايلي دزيتلة رسالة
-مريـم : شلون صرت ؟

دقيقة أخذ وشافها
-شـهم : أحسن ، وشُكراً على مُساعدتج ألي وسؤالج

-مريـم : العفواً اذا أحتاجيت شيء راسلني

-شـهم : تسلمين
-مريـم : الله يسلمك

شافها ومجاوبني خليت مُبايلي على صفحة ونمت ...

•••
ايسـون ...

ممطولة على فراشي أتذكرت الأكبر لمن صايحيني أجت قمر تكلي أمج تريديني طلعت جذابة الأكبر يصيحيني

رحت أدور عليها ماكو رحت للمطبخ شفت الأكبر واكف أشرلي باصبعة معنى تعالي رحت ورا اشو هذا راح للترك !

-ايـسون : نعم ؟

جرني من خصرني ورجعني على الحايط وعُيونة تتأمل تفاصيل وجهي
- ايـسون : أكبر ؟

-الأكبـر : براغي گلبة

ضحكت على كلمتة ورجع گال
-الأكبـر : شطالعة نجرتي بالحُسين ودي أضل اتأمل جمالج طول عُمري

قربت وجهي على وجهة أبتسمت بمكر قربت شفتي على شفتة توة
يريد يبوسني وأبتعدت عنة
-ايـسون : لا تصدگ نفسك أخليك تتقربلي أو تبوسني بعد

رفع حاجبة وجرني من أيدي رجع دفعني على الحايط
-الأكبـر : واذا رجعت بستج شسوين؟

ضحكت تك خد قربت شفتي على شفتة وحجيت بهمس
-ايـسون : يالله بوسني

يريد يلزمي وجهي ويبوسني دفعتة وضحكت بمكر بلع ريگة وحجة
-الأكبـر : دمرتيني بعلي

-ايـسون : تستاهل

دفعتة وطلعت قاطع تفكيري رسالة فتحت مُبايلي لگيتة هوة
-الأكبـر : روح الأكبر أشتاقيتلج

كتبتلة
-ايـسون : تشتاقلك جنهم الحمرة

-الأكبـر : هواية هيج على گلبي نجرتي حتى غزلج مختلف

-ايـسون : لا تخليني الزم گلبك وأعضة فك ياخة عني ماريدك

-الأكبـر : انا أريدج كلشي بية يريدج ويحبج وميت بيج وعليج صدگيني جاي تحرگين روحي بلي جاي تسوينة

-ايـسون : عساك وأبو زايد رجاءً لا تزعجني يالله باي

طفيت المُبايل ونمت گعدت على صوت أمي تگعد بية
-ميـاسين : صباح الخير بنيتي يالله أگعدي حتى شوية ونروح

باوعت محد البنات كلهن گاعدات
-ايـسون : صباح النور يوم حبيبتي تمام رايحة أغسل

نزلت صبحت عليهم غسلت وجهي ساعدت البنات جاي يسون ريوگ وخالة مُهرة باوعت الـ ميار الي صافنة بحلقتها وتبتسم
-ايـسون : شلونة صباحج يالمختوبة أن شاءالله أحسن

ضحكت وحجت بمياعة وخت أيدها على وجها
-ميـار : زينة غير كل يوم بحيث أحس نفسي عندي سوج لطيف انا اليوم مختوبة لحد يحاجيني

-ايـسون : ماوصيج أحضرينا من حياتج همين

حجت مريم وهيّ تغم بيها
-مريـم : عوزها تحضرنا وعلي افشخها

-ميـار : بنات الأودام احضرجن شنو مو انا يمجن

-ايـسون : اي عبالنا

أجت قمر تضحك وترفع بحواجها
-قـمـر : اتفقنا على سفرة عگبة للبيت الي بالمزرعة

-مريـم : أي بشرفكُم نتونس

حجت مدري من تذكرت ضربت جلب
-نبأ : ها أگلجن خاف نوبة أكتل ذيب هناك

-مريـم : هو انتِ كتلتي جلب وأجيتي تطلمين عاد تكتليلج ذيب يجوز تموتين وراه تهي بهي

-نبأ : وسم شگلولج عني يومية كاتلتي جلب اوع

-ميـار : كافي ولجن متنة جوع انا مختوبة مو زين عليّ أضل بدون أكل

-ايـسون : بنات نقرفت من يمها سكتوها

ضلينا نضحك صبينة الريوگ وتريگنا نريد نجي وماقبلوا بس حيدرة وأمي مقبلوا نضل يگولون عيب غير مرة نجيهُم طلعنة نريد نصعد
-مريـم : أگلج ايسون روحي بدالي وي أهلي أريد انا اصعد وي ميار

باوعت الها بطرف عيني وحجيت
-ايـسون : مريم

دفعتي للسيارة وهيّ تحجي
-مريـم : حبابة حبابة أحبج نجرتنة

يحاول الأكبر يضم ضحكتة حيدرة عوزه شوية ويموت ضل يستغفر ويمسح على وجهة باوعت الـ حيدرة هز راسة بمعنى "اي"
صعدت وي الأكبر وسُلطان وخالة ليلى ونبا راحوا سوية
-الأكبـر : أصعدي يانجرة الأكبر

-ايـسون : أكبر كافي

-الأكبـر : براغي گلبة أنتِ وروح روحة

-ايـسون : فضنا

حبيت شوية أحرگ بگلبة شغلت دكة مُبايلي اخذتة ضحكت وحجيت
-ايـسون : ياعُمري عمر

باوعلي وحجة بصوت عالي
-الأكبـر : منو منو !!

اشرتلة بمعنى أسكت فتحت خط وحطيتة على أذني
-ايـسون : هلاو عموري عيناي مشتاقين وينك مختفي

دار وجهي الة وحجة
-الأكبـر : ايسون داحجي وياج منوو هذاا !

وخر المُبايل عني بعدتة وخزرتة وحجيت بحدة
-ايـسون : شبيك أكبر مو جاي تشوفني جاي أحجي

ضرب على الستيرن كل قوتة وحجة بصوت عالي
-الأكبـر : حترگت روح الأكبر

وخرت المُبايل عني وگتلة
-ايـسون : ليش هيج حرگتني !

-الأكبـر : منوو حارگج انتِ منووو

-ايـسون : مو قبل شوية تگلي أنتِ روحي !!

دار وجهة للجامة يضحك رجع باوعلي بحدة وگلي
-الأكبـر : سديي ايسون سدددي لا تخبلينيي

-ايـسون : ماشي عمر بعدين نحجي هههههه انتبة الـ نفسك ههههههه عمري يالله بيباي تمام باي

يباوعلي مصدوم وگف السيارة وهو يضرب باصبعة على الأستيرن
-الأكبـر : منو هذا ايسون !

-ايـسون : صديقي من ألجامعة وحب يسأل عني لان صار هواية ممتصل عليّ

باوعلي بنضره عتب بلع ريگة وگلي
-الأكبـر : اذا ناوية تحرگين روحي أحرگيها ترخصلج الروح ، بس مو بهاي الطريقة لان جاي أموت

درت وجهي عنة وگتلة
-ايـسون : كتلك فك ياخة عني وعوفني بحالي ماريدك بعد ماريدك كاااافي طلگني

رجع باوعلي وگال
-الأكبـر : يعني بعدج مُصرة تردين تطلگين مني !

حطيت عيني بعينة وحجيت بثقة
-ايـسون : وبكل ممنونية همين وياريت اليوم قبل باجر

هز راسة وحجة كلام ماصدگت ينطقة !
-الأكبـر : تمام جهزي نفسج باجر نروح نتلطگ ....

•••
نبأ ...

طلعنا للبيت وصلنا راح الأكبر وصل ايسون أجة وجهة مايكصة الطبر دفر باب غرفتة كل قوتة بحيث احنا الجوة سمعناة باوعتلي أمي وگالت
-ليلى : أكيد متعاركين هو وايسون

-مريـم : ياترة شنو صار حتى هيج معصب

سمعنا صوت تسكير بغرفتة رحت أركض فتحت الباب ولگيت مخلي أيدة على وجة الي دم صاير وعيونة حُمر اجن أمي ومريم أشرت الها بمعنى يرحن أريد أحجي ويا انا

هزن راسها طلعن راحن لانُ محد يفهم الأكبر بگدي تقربت حضنتة
-الأكبـر : جاي تحرگ بروحي رغُم تدري هيّ روحي

-نبأ : أعذرها أكبر حقها ترا مو سهل الـ صار وياها

أبتعد وهو يحجي
-الأكبـر : مشغلة دكة مُبايلها تريد تحرگ بگلبي عود تخابربصديقها اسمة عمر انا صدگت بالبداية بس من جاي أحجي وياهل بعدت المُبايل شفت مجاي تحجي وي أحد جذب هههه بس ماتدري شفتها بس حرگت روحي

-نبأ : عزا والله عليها سوالف همزين ماعصبت عليها انتَ

-الأكبـر : عصبت بالبداية بس حاولت أكتم غضبي وأفتهم منها ماريد أتصرف بـ همجية عود ردت أستفسر منها فضحت نفسها

عقدت حاجبي وحجيت
-نبأ : لعد شنو الي مضوجك ومعصبك ؟

حجة بغصة وهو يرجف
-الأكبـر : باجر نتطلگ

شهگت مصدومة
-نبأ : شنو شلون ليش هيج جاي تسون !

-الأكبـر : جا شسوي نبأ ماتريديني ماتريديني بكل مرة تگول ماريدك تحرگلي روحي ! ولج جاي أموت وحق أبو فاضل

تقربت حضنتة وهو يرجف
-نبأ : أهدأ حبيبي بالكي تغير رأيها

-الأكبـر : خلاص الي تريدة يجرالها

شوية ضليت يمة وطلعت كسر خاطري سولفت الـ أمي ومريم تسودنت أمي صعدت تحجي ويا وتشوفة شبية رحت الـ غرفتي لگيت مبايلي يدگ شفتة أيهم

ضليت اعيطط ليش من يتصل عليّ أضل ارجف ومعتي تضل تأذيني ياربي معناها علاقة سامة أي أي علاقة سامة خيولي أنقطع الأتصال رجع أتصل استغفرت ربي وفتحت خط

-أيـهم : مو جاي أتصل عليج ليش ماتجاوبيني

-نبأ : عفواً منك ! شكم تتصل

-أيـهم : أشتاقيتلج

- نبأ : أشو ماخذ راحتك زيادة عن الزوم عوفني بحالي رجاءً

-أيـهم : ليش هيج تسوين وياي نبأ !

-نبأ : شنو ليش أسوي وياك هيج جاي أكلك انا ماعندي مشاعر أتجاهك أيهم تفهمني لو لا

-أيـهم : أنطيني فرصة

-نبأ : لتحاول رجاءً مع السلامة

سديتة بسرعة انا أيهم ماعندي مشاعر أتجاهه صحيح خوش أنسان وحباب بس بعد گلبي ماهوى مو بيدي والمشاعر مو غصب عني بداخلي ممرتاح أذا انطي فُرصة لهذا الـ سبب من البداية انهي ديصير .

نزلت عزلنا البيت كلة تراب مدري ليش هيج وغسلناة والأكبر ضل بغرفتة ماطلع وسُلطان بـ الشُغل راح الـحد العصر واحنا نجلف بالبيت رغم هو بس اتراب بس فد مرة عزالنة كلة

سوينة عشة لليل الأكبر مانزل يتعشة مايشتهي سُلطان بـ الشغل يتعشة وانا اوأمي ومريم گوا علينا أكلنا مالنا نفس لان محد ويانة

گاعدين بالصالة على التلفزيون تقريب بـ١١ ونزل الأكبر والمُبايل على أذنة
-الأكبـر : صدك تحجين ميار شبيها ! تمام تمام جاي

طلع گبل حتى مالحگنة نحجي ويا ! .

•••
ميـار ...

وصلنا للبيت تعبانين من الطريق خالة گبل سوت راحت غدة طبخت وحيدرة طلع عندة شُغل وتولين سبحت ونامت وعلي همين رجع نام
ايسون روحة بگصتها مدري شبيها !

دخلت للغُرفة ونامت صارت الضهر صعدت الها ماقبلت تنزل صارت العصر همين ماقبلت تنزل صعدت الها خالة گلتلها ماريد بس جاي احس جسمي يأذيني

لليل وحيدرة مجاي ماكو بالشغل وعلي گعد العصر طلع رحت الـ غرفة ايسون لگيتها نايمة وترجف وتهلوس جانت دأئماً من تصخن تحجي وتهلوس بدون ماتدري بنفسها تخيط وتخربط

رحت الها ركض صحت خالة أنطيناها علاج صارت زينة لحد الـ ١٠ رجعت الها الصخونة وخالة يمها تنطيها علاج ماكوماقبلت ايسون نتصل على حيدرة حلفتنة ماردات نقلقة لان عندة شغل مهم للـ١٢ ماتقبل لا تگوم ناخذها للدكتور ولا تقبل اي شيء خالة ضلت تلطم وتلوب

بدت تهلوس ايسون تقربت من يمها وگتلها
-ميـار : شتريدن ايسون تريدن مي؟

-ايـسون : أريد الأكبر حبابة اريدة جيبيلياة

-ميـار : أتصلج عليّ ؟

-ايـسون : اي اتصلي جيبلي أكبري

عرفتها تهلوس استغليت الفُرصة واتصلت بالأكبر زدت ابهارات على الطبخة وكتلة ايسون راح تموت الحك وكلي جاي وهيج يقضون وقت سوية همين خرب حضي أشگد ذكية

شوية وأجة الأكبر دگ الباب ملهوف دخل جوة
-ميـاسين : يمة ماجاي تقتنع ناخذها ولا تقتنع اي شيء حاول وياها بالكي تسمع منك

-الأكبـر : لتخافين هسة اشوفها

-ميـار : روحلها تهلوس بـ أسمك

أبتسم ودخل للغرفة يركض ..

•••
الأكبـر

اتصلت ميار گلتلي ايسون مريضه وحالتها تعبانة وتريد تموت ضليت ماشوف طريقي حتى بدون ماگل الـ أهلي الي ضلو مصدومين واكفين دزيت الـ مريم رسالة كتلها

دخلت للغُرفة لگيتها نايمة جستها مصخنة حجيت وياها
-الأكبـر : گومي حبيبتي گومي أخذج للدكتور

اشرت بـ أصبعها عليّ
-ايـسون : أجيت أكبري؟

تقربت بستها بخدها الي يجوي نار جاي يجوي بروحي مو بخدها
-الأكبـر : براغي گلب الأكبر انتِ أجيت أي گومي يالله أخذج للدكتور

-ايـسون : لتاخذني الـ مكان خليني يمك

-الأكبـر : انتِ يمي أصلاً

-ايـسون : جذاب راح تطلگني

فتحت الكتور طلعت الها جاكيت لان الجو بارد ثلج گومتها لبستها وهيّ تطوطح مثل السكرانة جبت جواريب گعدت لبستها وجبت كبوس همين لبستها
-ايـسون : بس تطلگني واتزوج اخلي هيج يهتم بية

شبت نار بضلوعي من ورة كلامها سكتت ماحجيت شيء رجعت گالت
-ايـسون : راح أتزوج بس تلطگين

-الأكبـر : خوش يالله گومي كملنا

-ايـسون : مابية أمشي جسمي يوجعني

-الأكبـر: اي جا تعالي اشيلج

ضحكت وگالت
-ايـسون : الحجي الجنوبي عليك حلو

-الأكبـر : وعليج أحلى

شلتها ونزلت جوة لگيت عمتي مياسين حاطة أيدها على خدها وميار تغسل وجها كامت من شافتني
-ميـاسين : ها يمة ماخذها للمستشفى

-الأكبـر : أي خالة ليضل بالج هسة شوية وأجيبها

هزت راسها باوعتلي ميار وگالت
-ميـار : رومانسيننن

-الأكبـر : امشي ولي البت راح تموت من السخونة وهاي تفكرلي بالرومانسية

-ميـار : أذا اخوك مو رومنسية مثلك اطلگه من هسة أكلك

طلعت وانا أحجي
-الأكبـر : حتى لو مو رومانسي يصير رومنسي ألج ادري بـ أخوي يموت على مودج

طلعت صعدتها بالسيارة شبة نايمة بس تهلوس
-ايـسون : أكبر

-الأكبـر : روحة

-ايـسون : انتَ واحد سرسري وطايح حظة

فتحن عيوني بصدمة على كلامها
-الأكبـر : ليش ولج !

تحجي وگوة يطلع الكلام منها تجر بالحجاية جر
-ايـسون : جذبت عليّ تدري لو لا أكرهك لان جذب عليّ

-الأكبر : حقج حبيبتي

-ايـسون : بس أعترفلك بـ شغلة

-الأكبـر : أعترفي شورانة على مانوصل

-ايـسون : من تبوسني شفايفك طعمهم طيب

ضحكت بصوت عالي من كل گلبي
-الأكبـر : يعني تعجبج بوستي

-ايـسون : اي ايي تعال بوسني

ضحكت بصوت عالي أكثر دمعت من الضحك
-الأكبـر : تعالي تقربي

مدت حلكها بوزت تريد أبوسها تقربت بستها بوسة خفيفة خايف عليها لا شاربي يجرحها
-الأكبـر : بستج

بوزت وحجت وهيّ تغمض عيونها
-ايـسون : مو قوية البوسة اوي وخر

ضحكت على هلوستها ياريت تضل هيج ياريت ماتگول طلگني ياريت ماننفصل بس هيّ قافلة فرد قفلة روحي تحترك عليها
جريت حسرة وصلنا ضربنها أبرة المُمرضات

اخذتها وطلعنا أتصل مُبايلي شفتة حيدرة
-حـيدرة : گليي وينها ايسون بيها شيء العباس عليك أحجي وين انتم هسة أجيكم

-الأكبـر : ماكو شيء لتخاف هسة جاين احنا بالطريق

شبهه بدت تصحى بس مو كلش بس من كلامها اتأكدت بعدهي
-ايـسون : منو هذا

-الأكبـر : حيدرة

-ايـسون : انطينا بسرعة انطينا

انطيتها اخذتة بسرعة حجت وهيّ تون ضليت صافن عليها
-ايـسون : حيدرة ولك باس أختك باس أختك خطيبها باسها جرها بحلگ

فتحت حلگي مصدوم
-الأكبـر : ايسون شسالفة شبيج

فتحت سبيكر وگوة تشوف بعيونها صاح حيدرة بصوت عالي
-حـيدرة : ايسووووون تعالو بسرعة هسة يجي واطيحلج حظة

- ايـسون : حيدرة دومة يحصرني مو أول مرة يبوسني غصب عني اخ حيدرة اخ حيدرة نوبة بوستة طيبة

ضليت مصدوم سحبت المُبايل منها وحجيت وي حيدرة
-الأكبـر : جاااين احنا بعدين نحجي

-حـيدرة : دتعال وشوف شلون اطيح حظك ياحيوان أبو البوسة الطيبة

ضحكت وسديتة خزرتها وحجيت بحدة
-الأكبـر : شلون تحجينن هيج مو عيب مو انتِ ردتي أبوسج

-ايـسون : انتَ يومية حاصرني شسويلك يعني مالازم أسكتلك

-الأكبـر : عمي بعد مانحصرج بس سدي حلگج فضحتينا

حجت وهيّ تغمض بعيونها
-ايسون : وصلني وصلني

ضحكت ياربي صبرني عليها جريت حسرة على شنو يصبرني واحنا باجر نتطلگ أختفت أبتسامتي سرعت بالطريق بدون ماحس بنفسي وبالطريق كلة تفكير وصلنا نزلت شلتها دگيت الباب

فتحة حيدرة خازرني عيونة يردن ينطن عبرت أضحك وحجيت
-الأكبـر : دير بالك لا تفجر شبيك

دفعني من ضهري
-حـيدرة : دمشييي ادخل امشي

تلگتنة عمتي مياسين مفرفحة
-ميـاسين : شلونها صارت بنيتي

-الأكبـر : أحسن ضربناها أبرة خلوها ترتاح

خليتها على جربياتها گعد حيدرة يبوس براسها وأيدها وخدها أحس روحي متت شلون يبوس بيها النذل گدامي
-حـيدرة : يبعد والله حسيت تعبانة بس أبن الكلب ماخلاني أتصل خرا على الشغل

-ايـسون : زينة

-الأكبـر : كافي تمعط بالبت ماتشوفها مريضة يعني وخر وخر

-حيدرة : وانتَ شكو وانتَ شكو انا وأختي

-الأكبـر : تحب أذكرك هيّ خطيبتي

حجت ميار وهي مصدومة
-ميـار : أطلعلوا برة تعاركوا مو جاي تشوفون البت مريضة

-الأكبـر : ماتشوفينة يبوس بيها البت منتهية وهذا يبوس ماشايف يگلك

حط أيدة على ضهري وحجة
-حـيدرة : تعال وياي أكبر تعال

طلعنا انا ويا باوع وحاول يكتم غضبة
-حيدرة : بايس ايسون؟ وغصب عنها؟

-الأكبـر : تجججذب بوية تجذبب شوكت بايسها غصب

-حـيدرة : انجب ايسون ماتجذب

-الأكبـر : جا انا اجذب !

-حـيدرة : الله اعلم ابو البوسة الطيبة

-الأكبـر : واحدد سرسرري انتَ

حـيدرة : دير بالك بعد تبوسهاا ديررر بالك

-الأكبـر : شنو بوية غير مرتي وخطيبتي

-حـيدرة : حتى لو لا تبوسها

ضل يداهر كتلة خوش مابوسها بس أسكتت فضحتنا لسانة جنة لسان دلالة رحت الـ غرفتها لگيتها نايمة بسابع نومة عمتي مياسين گاعدة يمها وميار همين لازمتها من راسها عبالك نفسة البت

- الأكبـر : عمة أذا متصير زحمة عادي أبات أهناء؟

-ميـاسين : يا بعد عمتك جا تاخذ أذن مني البيت بيتك

حيدرة وأگف طبطب على كتفي وگال
-حيدرة : البيت بيتك حبيبي

ضحكت حجيت بمكر
-الأكبـر : حبيبي انتَ ميار اذا متصير زحمة مديلي فراشي أهنا بالگاع يم ايسون انام بغرفتها

فتح حيدرة عيونة بصدمة عصر على متني وهو يضحك ضحكة متصنعة ميار تباوعلي وتباوع الـ حيدرة عمتي مياسين تضحك ضحكة مصطنعة احاول اخفي ضحكتي
-الأكبـر : اي ماگدر بدون ايسون لازم انام يمها خاف تحتاجني

-حـيدرة : لا حبيبي مايحتاج نام يمي انتَ بغرفتي

-الأكبـر : لا مايحتاج والله

هز راسها ويطلع عمة مياسين عدلت الجرباية وميار طلعت تجيب فراش باوعتلي خالة مياسين وگالت
-ميـاسين : أي شيء تحتاجة اخذة لا تستحي أكل شرب اي شيء البيت بيتك

-الأكبـر : تسلمين عمة ربي يخليج

طلعت أجيت ميار تفرش بالفراش وتضحك
-الأكبـر : أضحكي أضحكي ليش ضامة ضحكتج

اشو هاي كتلها اضحكي انبطحت بالگاع
-ميـار : ولك أكبر متت ولعباس شسويت بي مات حيدرة ههههههههههه

ضحكت انا بصوت عالي وگتلها
-الأكبـر : جا بس يبوس بيها يمي والله يالله

-ميـار : حقك والله من يمي وغرت ههههههههههههه خرب يومك

-الأكبـر : أمشي أطلعي عوفينا انا ومرتي شلون لزگة

-ميـار : عشتوا هو ومرتة طالعين طالعين

طلعت ميار تضحك وانا أضحك سديت الباب نزعت تشيرتي ضليت بس بالبنطرون تقربت بستها حرارتها نازلة الحمدالله ، اخخ أخر يوم انا وياج بي سوية

گعدت بالكاع بين الجرباية العب بشرها وأحجي
-الأكبـر : شيصير لو مطيتني ومنطية الـ نفسج فُرصة صحيح خسرتي ثقتج بيه بس انا مالي ذنب بالي صار وداعة عيونج

-الأكبـر : صدگيني حبيتج من كل گلبي وكل ليلة تمر وانا ضام عنج الموضوع احس روحي ميت

أجتني نوبة العصبية أضل ارجف
-الأكبـر : أتمنى أموت ولا أنفصل عنج

گمت غسلت وجهي أهدأ بنفسي رحت نمطلت أذا أجتني لازم أكسر فد شيء مزهريات كراسي كلشي اكسرة حتى أرتاح أسغفرت ربي عيب شاخذ وشكسر الرجفة جاي تزيد ياللهي صبرني

لبست تشيرتي وطلعت أخذت كلاصات ٥ من الكاونتر وطلعت بشارع راحت أكو قطعة فارغة رحت كسرت كلشي بيها وأصيح بصوت عالي ضليت ارجف رجفة قوية وراها أرتاحيتت

رحت دخلت جوة غسلت وجهي رحت حطيت راسي على المخدة أجر نفس گوة غفيت

•••
تولين

جنت نايمة أول ماجينة من السفرة ذبيت روحي ماحسيت بـ شيء نص اليل بـ ٢ فزيت گمت اغسل وجهج گعدت جوعانة وعطشانة
شفت ميار طلعت من غرفة ايسون والأكبر أهنا

عزا شديسوي طلعت ميار لزمتها من أيدها
-تولين : هاي شصاير الأكبر شديسوي أهنا ؟

-ميـار : ايسون مريضة واجة اخذها للدكتور الولد طالعين جانوا وعلي لحد هسة طالع اتصلنا علي يكول شغل وقبل شوية اتصل حيدرة ميجاوب ضل يلوب حيدرة

-تولين : على كيفج وحدة وحدة خلي أفهم اصبري ، ايسون شبيها شلون صارت؟

-ميـار : لا زينة جانت مصخنة واخذها الأكبر بزها أبرة

ضحكت على كلمة الأكبر بزها أبرة
-تولين : زين شنو علي شبي وين أكو يضل لحد هسة طالع !

-ميـار : والله مادري خالة بالها يمة

-تولين : تمام هسة أتصل علي وأشوف

رحت الـ غرفتي اتصلت علي مايجاوب ضليت الوب
-تولين : وينك وينك علي بالي يمك

رحت الـ غرفة حيدرة لگيت حاط المُبايل على أذنة باوعلي خايف من طبتي للغُرفة بسرعة
-تولين : حيدرة علي ماكو لحد هسة بالي يمة

-حـيدرة : ماادري من مساع أتصل وماكو علي اول مرا يتأخر هيج

ضليت أبجي أرجف
-حـيدرة : لا تبجين تولين هسة يجي لتخافين

-تولين : خايفة علي حيدرة حيل خايفة

-حـيدرة : كافي هسة يجي يجوز وي اصدقائة ومايسمع جهازة طلعتي جبانة عبالي قوية

-تولين : كلشي ولا اخوية حيدرة والله ماصدگت گدرت اتقرب من يمة شلون بية اذا صارلة شيء

-حـيدرة : دگولي يالله سويتي الولد بي شيء تلگينة وي جماعتة العفطية ههههههه

ضحكت لانُ حاول يضحكني باوعت بعيونة الحادة الي شما يضحك تضل حادة دنگت راسي
تولين : زين ماعندك رقم أحد من اصدقائة ؟

باوعلي تبلك وحجة
-حـيدرة : ها لا لا ماعندي أصدقائة ماعندي ارقامُهم

گمت خزرتة
-تولين : لا تجذب حيدرة عندك لو لا !

-حـيدرة : تولين نصي صوتج أمي گوة خليتها تنام من قلقها على علي گتلها يم أصدقائة اتصل بية

-تولين : جاا جاوووبنييي عندك لو لااا

-حـيدرة : تولين ماعند

وين ماجاي يحجي وبيتنا انترس طلق ترس الجامة وگعت من الطلاق وضلينا مانسمع ولا نحس بشيء غير اصوت الطلاق الي هدمت بيتنا ورجتة رج ...

للحكاية بقية ⛓️...
____________________________
باقلم : زهراء لؤي 🐺💅🏻💙

شنو رأيكُم بالبارت؟❤️‍🔥

توقعاتكُم ولدي 🌚❤️‍🔥❤️‍🔥

لاتنسون تصوتون وتضيفوني انستا : wa5bad

مُتابعة جميلة مثلكُم ولدي 🐺❤️‍🔥.