𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
#قوة_ ايسون
البارت الخامس عشـر
باقلم : زهراء لؤي
ولدي الحلوين لا تنسون تصوتون وتعلقون بين الفقرات 💅🏻❤️🔥
حسابـي الأنستا للتواصل : wa5bad
وحينما رقّ قلبُه راجَع قوله :
أتظنّي أنّي قد نسيتكِ لحظةً ؟
أو أنّ طيفكِ راحمٌ غفواتي ؟
لا والذي أعطى عيونكِ سحرها
ما زلتي تحكمين روحتي وغداتي
𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔 𖣔
ايسـون ...
رحنا صعدنا بالسيارة توجهنه للبيت واخيراً سجنة قاتل أبوي الـ نذل بالفترة الي راحت انجمع ادلة الأكبر وسُلطان وعلي وحيدرة تعاونوا ويراقبون بي ولزموا من عصابتة واعترفوا علي
الفترة الي راحت الأكبر حاول يحجي وياي ولو كلمة بس انا قافلة تواصلي بس وي البنات أما خالة ليلى على كد السلام تتصل تتطمن عني ، أمي همين ماتحجي وي حيدرة تكلة منا لمن تسجن زاهر
وانا همين وي حيدرة على كد السؤال والجواب
مرة سنة على دور سنة خالة مَودة وسُلطان يلح يريد ينخطبون وميار تصيح أستحي ومتوترة
راحوا الأكبر وسُلطان للبيت نزلنا انا وحيدرة وعلي دگينة ألباب الباب يدكة بكل قوتة الضحكة شاگة حلكة
-حـيدرة : يالله وينكم افتحوا الباب
-تولين : أجيت والله أجيت
فتحت الباب ضحكت من شافتنة وگالت
-تولين : سويتوها؟؟
ضرب كف أياها وگال
-حـيدرة : سويناهاااا
-عـلي : شلونج ياروح أخوج
حضنته وباستة بخدة وگالت
-تولين : بخير حبيبي وانتَ
دخلنا جوا طلعت أمي تباوع النا والواضح باجية تقرب حيدرة وحضنها
-حـيدرة : سجنتة يمة سجنتة أرضي عني
حضنته كل قوتها وبجي ضلت تشهگ
-ميـاسين : عفية أبني عفية بزلمتي
يمسح بدموعها ويحجي
-حـيدرة : فدوة لوجهج يمة كافي تبجين لا تنزلين دموعج
-ميـاسين : دموع الفرح يابعد أمك
فتحت حضنها ألي تقربت حضنتها
-ايـسون : الحمدالله الي ردناة صار وربج سهل النا
-ميـاسين : فخورة بيكم ، تعالوا سافلين تعالوا علي تولين تقربوا
تقربوا حضنوها تولين طخت بحيدرة وعيونها علي تتأملة هو ممنتبة الها أبتعدت عنة ودنگت
-ايـسون : يوو شني هاي العاطفة وخروا اويي
درت وجهي اريد أروح وسحبني حيدرة
-حـيدرة : أمج سامحتني شوكت تسامحيني انتِ ياتؤمي
-ايـسون : ماسامحك ياتؤمي
شالني على متنة ويفر بية
-حـيدرة : شني ماتسامحينة ولج ! هاا شنييي
ضحكت بصوت عالي
-ايسـون : نزلنييييي حيدرة راح أوگع
عيب عليّ وحجة نفس نبرتي
-حـيدرة : نزلنييي حيدرة راح أوگع كولي مسامحتك بسرعة
-ايـسون : ممسامحتك نزلنيييي
-عـلي : سامحي ولجج
-ايـسون : انجب انتَ
-علي : شني. ولج شگلتي
-ايـسون : معليككك عليك الله نزلني
-حـيدرة : كولي مسامحتك
-ايـسون : مسامحتك نزلنيييي
نزلني وحضني وفرني كل قوتة
-حـيدرة : يابعد أخوج انتِ واخيراً
دفعتة عني وگتلة
-ايـسون : محامي جيس حب يريديني اسامحة وانا تحت التهديد
-حيـدرة : جا شسوي ماخليتي عندي غير هاي الطريقة
رجع فتحلي حُضنة تقربت حضنته وهمست بأذنة
-ايسون : هالمرا راح أعديها واسامحك المرة الثانية اذا شفت مجذب عليّ لو ضام عني موضوع وحق الحق ارجع منين ماجيت
أبتعدت ابتسمت بهدوء هو مصدوم مني باسني بكُصتي
-حـيدرة : يجرالج يابعد أخوج اهم شيء سامحتيني
-ايـسون : ميار وين؟
-ميـاسين : جوة تعالوا ندخل
دخلنا جوة ماكو صعدت فوك للغُرفة لگيتها تحجي وي سُلطان گمزت حضنتني
-ميـار : اشتاقيتلج بشرينييي شصار ولج
گعدت أحجيلها بحماس شنو صار ويانة
-ميـار : يمة فخررر
-ايـسون : كلش كلش ولج هيج فرحت من أخذوة
-ميـار : طبة مرض
-ايـسون : بشريني ماقتنعتي تنخطبون
ضحكت وگالت
-ميـار : لا أقتنعت وشوية بعد خالة ليلى تتصل على عمتي مُهرة وتگلها نريد نطلبها منكم يعني سُلطـان كلش متحمس
-ايـسون : اي واخيراً زين يجون ليجاي ؟
-ميـار : لا ماتوقع هيّ العادات يطلبوني من بيت أهلي
-ايـسون : وأذا احنا اهلج خلي يطلبوج من يمنة
-ميـار : ماتوقع عمو راح يقبل أكيد يريد من بيتهم وحسب الأصول
-ايـسون : اي هم صح حقة
-ميـار : شوية بعد يحددن الموعد وعود من يحدوو نروح كلنا
-ايـسون : أن شاءالله تعالي ننزل جوة
نزلنا جوة سولفنا الـ أمي والأكبر اول شيء رفضوا نروح كالو عيب ومنعرُفهم بعدين ميار قنعتهم يتعرفون اقتنعوا صارت الساعة بـ٨ باليل تعشينا كاعدين نغسل المواعين اجت تولين
-تولين : حيدرة يگول بدولو خلي اطلعكُم نتونس
-ايـسون : وين نروح
-تولين : مادري گال نطلع
-ميـار : تمام روحي بدلي كدامنا راح نخلص احنا
هزت راسها وصعدت فوگ باوعت الي ميار وگالت
-ميـار : ملاحضة تولين نظراتها تجاة حيدرة أعقتد عندها مشاعر تاجهه
-ايسون : اي ملاحضة بس حيدرة ماتوقع
-ميـار : اتمنى يطلع حساسج غلط لانُ راح تصير حالتها انكس من قبل نوبة ترجع تصير علينا مشكلجية
ضحكت وكتلها
-ايسون : الله كريم يمعودة
كملنا وصعدنا نبدل ملابسي كلها عريضة احب الملابس العريضة والواسعة ارتاح بيها أكثر لبست تراك أسود عريض ويا حذاء ابيض رفعت شعري ذيل احصان وحطيت مُكياج خفيف ونزلنا
لكيناهك جاهزين كلهم
-حـيدرة : جاهزات أميراتي
هزينة راسنة بمعمى اي أمي ضلت ماجت ويانة مابيها حيل
-عـلي : وين لاگيات هيج شباب صاكين يطلعوجن
باوعتلة بطرف عيني وگتلة
-ايـسون : وين لاگين بنات صاكات يصعدن وياكُم؟
ضحكن بصوت عالي حتى حيدرة ضحك وگال
-حيـدرة : وعلي ضيم مو بنات كل وحدة لسانها ينگط عسل
-عـلي : انتَ وياي عليّ !
-حـيدرة : انا وي الجميلات
-عـلي : نذل ماتصيرلك جارة
ضلوا يتناگرون اخذنا حيدرة نشتري ملابس لان راح يبدي الدوام وهمين اخذنه ملابس خاف تصير خُطبة ميار وراها رحنا اكلنا موطة ، اخذنا بحديقة گعدنا بيها عوائل
-عـلي : هنيالجن طالعات وياي
حجيت بصوت عالي
-ايـسون : حترگت روحك زاهر داكاافي شذليتنا
كلهم طگوها ضحكة لان كلت حتركت روحك زاهر
-ميـار : بنار جهنم
-تولين : ترا الرجال بالسجن بعدة ماميت دكولن يالله
-حـيدرة : يموت يموت ماعليجن
باوعت الها تولين ضحكت ودنگت الواضح هاي واگعة ومحد مسمي عليها رجعنا للبيت لگينة أمي نايمة خطية صعدنا انا وميار بالغرُفة بدلنا شوية وأندك الباب دخلت تولين تضحك
-تولين : أجيت يمجن
-ميـار : هلا بيج
دگ مُبايل ميار شافتة عمتها مُهرة ضلت تلطم
-ميـار : عزا عزا مستحية
-ايـسون : أفتحي خط لا أرگع راسج بالحايط
فتحت خط سلمت عليها ضلن يسولفن شوية كرصتني ميار
-ميـار : ها شنو شلون منو الخطابة ، ها خالة ليلى ها لا لا وين أدري هههههههههه كاشفتني هههههههههه
-تولين : مفضوحة هاي الفرخة
-ايسون : كلش
سدتة گامت تكمز
-ايـسون : أحجي شگلتلج
-ميـار : گالت باجر تعالي علينا وعگبة يجون يحجون بالموضوع خالة ليلى گايتلتها بينا عود وكذا اووووي سُلطاني احبك
باوعت الها وگتلها
-ايـسون : تغسل عود هم راح تنختوووب
-ميار : اي راح اصير مختوبة
-تولين : ايعع راح اتقيء
ضلينة شوية نسولف راحت تولين الـ فراشها وميار كلعادة راحت بغرُفة الضُيوف تخابر سُلطان ومرات تنام هناك ضليت وحدة فتحت مُبايلي شفت الأكبر ناشر صورتة وعليها شُعر
امس روحي اشتهت
واحد مزعلها
حنت والمحنة
ما تطيح الها،
امس جثة هنود الروح
تالي الليل
گبال عيون أهلها
تحترگ كلها ،
امس حطيتهن
مرسال يم مرسال
وعاينت لردودك ،
ما استاهلها ..
شفتها وجريت حسرة اجذب أذا أگول مامشتاقتلة بس للأسف كرامتي أهم من كلشي جذب عليّ وضم عني الموضوع حطيت انا هم صورتي وكتبت عليها
تُوصل للزعل ونمَد الچفُوف
وتوصل للكرامَة ونبتَر الأيد
ماشافها ضليت احوس ليش ماشافها تقريب نص ساعة همين ماكو ! معقولة نام والله مادري توي درت وجهي لجهه الثانية وشفته واكف ومكتف أدي يباوعلي نخرعت خرعة بحيث كمت صرخت اجة سد حلگي
-ايـسون : شجااااي تسوي اهنا
-الأكبـر : فضحتيناا راح يگعدون أهلج
دفعتة وگمت قفلت الباب
-ايـسون : شجاك شعندك أجيت ! شلون دخلت وشجابك فهمني
تقرب من يمي وعيونة تتأمل تفاصيل وجهي
-الأكبـر : روحي تريدج
-ايـسون : بس انا ماريدها
-الأكبـر : ارجعيلي ايسون تعبتيني
-ايـسون : تستاهل التعب
جرني من خصرني وخلة شفايفة بطرف شفتي ويحجي بهمس
-الأكبـر : ماشتاقيتلي
قويت نفسي ماريد أضعف حجيت وانا عيوني بعيونة
-ايـسون : ماشتاقيت لا
خلة عيونة بعيوني الي تتفحص وجهي وبيهن دموع
-الأكبـر : كارهتني ايسون ؟
تقربت بتسة بتفاحة أدم وگتلة
-ايـسون : كلش كارهتك فوك متتصورك وگتلك وارجع أكلك راح اخلي وجودي ياذيك أكثر من عدمة
-الأكبـر : لا تكسريني نجرتي أول حُب انتِ وأول دكة گلب انتِ
-ايـسون : تستاهل تنكسر على الي سويتة
-الأكبـر : تعبت ايسون محتاجج والله
-ايـسون : اتعب تستاهل
تقرب اخذ شفايفي بين شفايفة قويت نفسي وأبد مابادلتة ضليت على برودي أبتعد عني وعيونة مليانة دموع ويرجف بلع ريگة وحجة
-الأكبـر : لاتسوين هيج بدونج أضيع مايضل الأكبر
تقربت همست بأذنة
-ايـسون : انتَ ضايع بدوني اصلاً
كز على اسنانة وحجة
-الأكبـر : لج لا تسوين هيج لا تعاقبيني هيج ايسوون
-ايـسون : صوتك اهلي ليگعدون ، وبعدين شلون أجيت انتَ شدخلاك جوة منو فتحلك الباب
مسح على وجهة وحجة بهدوء
-الأكبـر : ميار أتصلت بـ ميار
-ايـسون : لا يا ادبسزز انا اعلمها والله
-الأكبـر : البنية مادخلها انا أصرت عليها
-ايـسون : اي خوش يالله روح ليگعودون
أبتسم وتقرب من يمي
-الأكبـر : حتى لو گعدوا مو بيت غريب انا بيت عمي وخطيبتي
-ايـسون : أشو جنك عايش الدور زيادة
-الأكبـر : أحبج نجرتي
-ايـسون : أموت منك
ضحك تقرب من يمي يريد يبوسني دفعتة
-ايـسون : أطلع أكبر أطلع
أختفت أبتسامتة وهز راسة طلع بهدوء ويباوع خاف أحد يگعد طلعت ورا كلشي يصير محد فتحت الباب باوعلي طول بنظرتة وهو يباوعلي جر حسرة وراح سديت الباب ورا
گبل رحت الـ غرفة ميار فتحت الباب بعصبية ذبت المُبايل وكمزت
-ميـار : ونبي ايسون هو أصر عليّ والله كسر خاطري
- ايـسون : أخر مرة تسوينها ميار ماريد أجرحج بكلامي أخر مرة فهمتي !!
-ميـار : اي والله أخر مرة
طلعت من الغرُفة وطبگت الباب طلع علي غرفتة ضحك وگال
-عـلي : شبي الحلو معصب
-ايـسون : ولا شيء ميار ضوجتني شوية
-عـلي : دتعالي وصيت على أكل تعالي ناكل سوية
-ايسون : لا أكل انتَ ما أشتهي
جرني من طرف تشيرتي ومشاني وهو يحجي
-علي : دمشيي ضلعي ضايج خلي ناكل سوية
-ايـسون : شوصيت؟
-عـلي : بيتزا وبسبيي وصيت ثنين حتياط لانُ عرفت واحد منكم الكاه كاعد
ضحكت شوية وصلت الطلبية گام جابها وأجة
-عـلي : ولج ميت من الجوع
-ايـسون : ماكتلي اسويلك أكل
-عـلي : لا مانتعب أميراتنة
-ايـسون : بعد أحسن
ضلينه ناكل ونسولف شوية رحنا على فراشتنة گبل نمت نعسانة لان گعدت الصُبح ميار راحت الـ بيت عمها ومارحت وياها احس عيب مر اليوم عادي بين تجهيزات اجهز ثاني يوم جاي نحضر نفسنا نروح كلنا
-حـيدرة : يابوية ولجنننن فضنههااا گطعتن گلبي
-ايـسون : وهرشششش اجينا اصبر
-عـلي : حتى التطلگ مو مثلجن فضنها
-ميـاسين : يالله كملنا
قفلنا البيت وطلعنا رحنا الـ بيت مُراد طول الطريق وانا أفكر الأكبر راح يجي وأكيد يطلع يخبل عابتلة خيولي
نمت شوية لان تعبت گعدت على صوت تولين تگعد بية
-تولين : وصلنا ايسون
-ايـسون : اي خوش
گعدت نفسيتي محمضه دگنيه الباب طلعت النا قمر أخت أيهم
-قـمـر : أهلاً وسهلاً تفضلوا
-ايـسون : هلا بقمورة هلا بالسمرة الفاتنة
سلمنا عليها دخلنا جوا طلعت النا خالة مُهرة فرحانة هالأنسانة أشگد طيبة وحبابة
-مُـهـرة : نورتونة البيت بيتكُم
-ايـسون : ميار وين عمو مُراد وين
-مُـهـرة : ميار جوة جاي مستحية ومُراد طالع هو وشهم شوية ويجون
وين مدنحجي أندك الباب راحت تفتحة دخل عمو مُراد وشهم سلموا على حيدرة وعلي وعلينا شلون ناس خلوقين ياربي
سحبت تولين ورحنا للغُرفة الـ ميار فتحنة الباب لگيتها كاعدة وايدها بحلكها وخايفة
-ايـسون : هااااي
كمزت گبل حضنتني
-ميـار : ولجن وينجن والله خايفة متوترة خر* عليجن
-ايـسون : اجيناج شبيج راح تموتين
-ميـار : شبيج محسستني يومية مخطوبة هاي راح تجي بالطريق أم الصالون مستحية وخايفة ياربي
ضلينا نضحك شوية على خوفها وتوترها اجتِ البنية مكيجتها ب١٢ غدينة الناس اكو اقارب عمو جاين وتغدوا اهلي متصل سُلطان على ميار كلها طالعين راح يجون بدلنا انا وتولين
تولين لبست فُستان اسود رادناتة طوال وقصير مخصر على جسمها طلعت لعابة منا هيّ تجننن وميار لبست فُستان ابيض قصير خلاعي يجننن كلش عليها وعلى جسمها بحيث طلعت لعابة
انا لبست قُستان أحمر مخصر تخصر وبي فتحة من ركبتي لحد رجلي ويا مُكياج طلعنل هوت قمورة الجمال كله يمها لبست فُستان أسود همين بس طويل وخلاعي تشگ شك
بدت النسوان تجمع وتصير خبصة وعلى مامكيجو ميار شوية وأنكد الباب سمعنة صوت الأكبر الحاد رحت باوعت من الشُباك لابس قاط أسود وفاتح الدكمة من گدام يخبل طالع تغسل وجهه مكروة
وسُلطان لابس بنطرون أسود وقميص أبيض مفتوح الدكم ثنين مدري شعدهم وي الدكم ولابس نضاره سودة طالعين كلش حلوين فخمين
دخلن البنات جاي يسلمن على أهلي وخالك ليلى همين دخلت سلمت
-نبأ : لج عينييي هاي شطالعة تخبلين
-مريـم : كاسرتنة يابة
ضلينة نسولف البنات طالعات كلش حلوات لابسات فساتين طوال طالعات كلش حلوات مريم طالعة تجنن ونبأ بعد احلى
جبنا ميار گعدت متوترة وبجت لان أمها مو وياها حضنتها
-ايـسون : يالله عيني راح يعقد السيد
•••
ميـار ...
اليوم أحلى يوم بحياتي الي هو خطوبتي من الشخص الي أحبة والي متوقعت راح انجمع بي او أصير أله فرحانة كلش فرحانة الفرحة مسايعتني بنفس الوقت حزنانة أمي مو وياي أشگد تمنيت تكون بهذا اليوم يمي هيّ
بس للأسف ، أجت ايسون گالت راح يعقد الـ سيد خوف توتر فرح الشخص الي راح احبة راح يصير من نصيبي راح يصير ألي وأصير ألة كل ذرة بجسمي ترجف
بدة السيد يحجي أيات قُرانية طلب مني الموافق حجيت وگوا يطلع صوتي
-ميـار : نعم انتَ وكـيلـي
بدت الهلاهل تعلوا وأجو يباركولي مجلبة بأيد ايسون همست بأذني
-ايـسون : شبيج راح تموتين ترا مماخذيج الـ حرب استرخي
-ميـار : أسكتي مستحية
شوية واجة سُلطان يجرن بي النسوان يبوسن وعينة عليّ نظراتة وترتني كلش أجة يمي گعد تقرب طبع بوسة على كُصتي
-سُلطـان : وأخيراً لوعة گلبـي صرتـي ألي صرتي بأسمي مامصدگ والله
-ميـار : ولا انا والله
-سُلطـان : أشكر الصدفة الي عرفتني عليج الي خلتج تدخلين الـ حياتي مُغرم بيج ميرو حبيبة گلبي
-ميـار : كافي سُلطان راح اتسرسح على وجهي
ضحك وگال
-سُلطـان : بس تخف الناس حابب امسحلج حُمرتج
باوعتلة وخزرتة
-ميـار : لا سُلطان أسكتت
ضحك وهز راسة تقرب يلبسني الحلقة طبع بوسة على عيني وبين شفتي كل ذرة بجسمي ترجف والنسوان يهلهن وايسون والبنات يضحكن ويصرون صحاح ايسون وگلها
-سُلطـان : لتخلين غريبة تصور بس انتن اخواتي صورن خوش كلشي صورن اريدهن منجن
أشرت على عيونها وگالت
-ايـسون : بعيوني
- سُلطـان : ميار يعني صدك صرتي ألي !
-ميـار : لا أضحك عليك شوية وارجع الـ أهلي
ضحك وگال
-سُلطـان : ابداً مو مال رومانسية
ضل شوية گاعد يمي وطلع وراها ضلينا انا والبنات يصورن بية تقربت خالة ليلى باوستني وگالت
-ليلى : يابعد خالتج الف الف مبروك يديمكم ربي ويحرسكُم علي
-ميـار : حبيبتي خالة يخليج النا
باوعت الـ ايسون وگالت
-ليلى : طالعة حلوة بنيتي
باوعت الها ايسون وحجت بكل هدوء
-ايـسون : تسلمين خالة يخليج ربي
دارت وجها ايسون ألي تصورني ايسون تغيرت معاملتها وي خالة ليلى تگول ضايجة منهم ماگدر اسامحهم ، صورتني ايسون
راحت الناس وطشت النسوان أجت ايسون وگالت
-ايسـون : سُلطان يريد يشوفج ميار
بلعت ريگي وباوعت الهم يكلهم يباوعولي خالة ليلى وخالة مياسين وعمة مُهرة ضحكت عمتي مُهرة وگالت
-گومي بنيتي گومي زوجج صار حقة غير يريد يشوفج
هزيت راسي رحت للدوانيا كلها الزلم ماكو مادري وين راييحين بس سُلطان فتح أدية وحضنة
-سُلطـان : هلا بلوعة گلبي هلا بتعبي هلا بالي مسهرتني ليلي
تقربت حضني كل قوتة
-سُلطـان : منتظر حُضنج يلمني صار سنة وأخيراً صرتي ألي
باوعتلة وحجيت
-ميـار : سُلطان أحبك
-سُلطـان : أموت عليج وحق علي الفحل
حضني كل قوتة باسني بخدي بكل لهفة مشه أصعبة على شفايف بكل هدوء وگال
-سُلطـان : أول شفة تنحط على شفتي من أحلى أنسانة بحياتي
أخذ شفايفي بين شفايفة بادلتة بكُل حب ولهفة نسيت نفسي وانا بين أدي تبدلنا القُبلات بكل شوق أبتعدت فحطانة وحجيت
-ميـار : الله ياخذك تعبتني
ضحك ورجع باسني ضليت أضرب بي وماكو اوخرة وماكو
-ميـار : شمالك ولك مشايف
-سُلطـان : أي والله وين شايف قابل بايس بحياتي شنو اول بوسة انتِ نوبة طالعين تموتين تسوين واهس للواحد يعني شنسوي
-ميـار : وخر ليجون الزلم
-سُلطـان : هم صدگ انتبهي الـ نفسج ماشي حبيبتي؟
-ميـار : ماشي أحبك سُلطاني
-سُلطـان : اويلي اموت على ربج ياروح سُلطانج
طلعت أضحك رحت صعدت يم البنات تلگتني مريم تهوس
-مريـم : ها ها ها هلا هلا هلا بشريني بشريني وشصار وياج بشريني وشصار وياج
سديت حلگها
-ميـار : ادبسزز فضحتينا
-مريـم : هو منو اهنا شبيج
وين مدتحجي وطلع شهم من غرفتة صاير ورا مريم ماتدري بي باوعت اله بصدمة وگبل دخلت نسيت مريم وياي وشلابسة همين امداني دخلت جوا
-نبأ : شبيج فحطانة راح تموتين
-تولين : تلگينة حاصرها دشوفي شوفي حلكها قطرة حُمرة مابي
-ايـسون : حيل وابو زايد تحشش عليّ
-ميـار : اويي عابت الجن بس وعلي أحبة
-ايـسون : ايعع سوالف المخطوبين مو يمنا
-ميـار : ديالله على اساس انتِ ممخطوبة
-ايسون : ليش شنو هم حاسبتني على المخطوبين ؟
-نبأ : ايسون شوكت تسامحين الأكبر
-ايـسون : حلم
-نبأ : ترا ميت بدونج والله لو شايفتة شصاير بي حتى أكله مامتنضم وبس يگب بوجه الي يحجي ويا بحيث گال لحد يحجي وياي حتى ما اجرحكُم ومخلصها بس جگاير
-ايـسون : مادخلني بي
دخلت قمر
-قـمـر : ها بنات شونكُم
باوعت الـ قمر وحجيت
-ميـار : أكلج شو ماشفت أيهم
باوعت قمر الـ نبأ وگالت
-قـمـر : منتظر الغزالتة يريد يشوفها
باوعنة الـ نبأ الي وجها صار أحمر غيرت الموضوع وگالت
-قـمـر : ايسون على ما أعتقد والدتج جوا تصيحج
هزت راسها ايسون ونزلت جوا
-قـمـر : والدتها والدتها
ضحكنا كلنا بصوت عالي معناها الأكبر يصيحها
-نبأ : مسكينة والله لو تدري بيج مجذبة عليها تمحيج من حياتها
باوعت الها قمر وضحكت بصوت عالي كلعادة ضحكتها الشهيرة
-قـمـر : دسكتي متسويها اموتها والله
ضلينا نسولف شوية بدلنا وگعدت احجي وي سُلطان ...
•••
مريم
طبعا الغبية ميار عافتني وراحت ضليت مصدومة شبيها هاي راحت درت وجهي شفت شهم گبالي انصدمت جان بأيدي بشت گبل خليته على جسمي لبستة خزرتة وحجيت
-مريـم : شعندك واكف أهنا متستحي على نفسك
ضحك وگال
-شـهم : البيت بيتي ترا خاف ناسية أذكرج
-مريـم : وأذا البيت بيتك؟ متشوفني بنية واكفة ولابسه خلاعي وبكل عينة صلفة واكف وتتأمل جمالي ! قصدي تتأملني ! مو أكلك نفسك انتَ ماعندك لا رجولة ولا خجل
تقرب من يمي ودفعني على الحايط شهگت مصدومة من الي سوا
-شـهم : شوفي يالحية أحجي وياي عدل أحسلج
-مريـم : شسوي بالله يلعملاق تهددني ! هسه الم العالم عليك
-شـهم : لميهم مايفرق عندي
دفعتة وحجيت
-مريـم : واحد حقير وسرسري
-شـهم : لا تخليني اسوي شيء أندم علي
-مريـم : سوي وشوف
خليت ورحت أشگد واحد غثة وماينبلع فد مكروة ايعع أهله شلون متحملي الي راحت تزوجة شلون تتحملة ايع
خليت ورحت گعدت يم أمي
-مريـم : يمة شوكت أنروح
وين مجاي تحجي نزل شهم
-ليلى : من يجون أخوانج نروح
باوعلي شهم مبتسم وگال
-شهم : شنو هذا الحجي خالة عيب محد يروح اليوم كلكم تباتون أهنا
-ليلى : لا خالة تسلم ربي يحفظك ويخليك
-شـهم : لا أبد والله تباتون كلكم خلونا نشوفكم نتعرف عليكُم أكثر محد يروح
-ليلى : بيد الولد يمة
-شـهم : يمي انا اگلهم
حجيت بضوجة
-مريـم : لا نروح منضل
رفع حاجبة وگال
-شـهم : ليش تردين ترحين أكو شيء مضايقج أحد مضايقج
رفعتلة حجابي وگتلة
-مريـم : أي أكو واحد عديم الرجولة ضوجني
باوعلي بصدمة وجهه ضل ينطي ألوان باوعتلي أمي وگالت
-ليلى : منو مضوجج ولج أحجي هسة أخلي خواتج يطيحون حظة
ضحكتلة ورفعت تك حاجب
-مريـم : لا لتخافين ماكو شيء
ترخص هو من يمنا وراح باوعتلي أمي وگالت
-ليلى : هاي جذبة حتى تروحين ماتضلين؟
-مريـم : على گولة ايسون يمة نبيع ثگل خلي نبيع ثگل مثل نگلهم اي اي نضل شسالفة
ضحكت أمي وغمتني ، طبعاً ملابسي ضايقوني أنطتني ايسون ملابس وميار همين الي والـ نبأ ومثل ماسوا شهم محاجي الولد وگوا مقنعهم نضل جابوا عشة جاهز تعشينا كلنا سوية
ركزت بالناس أكثر من ما أكل سُلطان كلساع يغمز الـ ميار وهيّ تندگ تستحي والأكبر الي يباوع الـ ايسون يتمنى نظرة وحدة منها وهيّ ممعبرتة ، وأنتهبت أبن عمي حيدرة يباوع الـ قمر يسرق نظرات الحلو ويدنگ
وتولين تسرق نظرات من حيدرة الي محاط بالة يمها قاطعني شهم الـ غثة وهو يگول
-مريـم : ممكن تنطيني الـ مي من يمج
هزيت راسي وأنطيتة الـ مي كملنا عشة وغلسلنا المواعين باوعت ألي خالة مياسين وگالت
-ميـاسين : خايبات شحلاتجن أشو تعالن ابوسجن بعد ماشبع منجن
تقربنة انا ونبأ بوستنة ضحك حيدرة وگلها
-حـيدرة : بنات حماج صاكات
-الأكبـر : طفي عينك لا أفكسها ولك
-حـيدرة : جا شني بس انتَ خاطب أختي
-الأكبـر : اهو شلون ذلة
ضلينا نضحك ونسولف ايسون تحاول تضم ضحكتها وماتطلعها ضلينا الـ حد ١٢ فرشولنا فراشات صعدنا احنا البنات گعدنا نسولف فوگ بالغرُفة
-ايـسون : بنات أجة الدوام وشلون راح اداوم وي الأكبر
-مريـم : شعليج بي يمعودة داوي قابل راح يجكجكج
-ميـار : اي صدك يراد نشتري ملابس همين بنات وأريد شُغل
-نبأ : انا طلع تعيني وراح اشتغل همين
-مريـم : بخت بعدلي سنة واخترج
-ميـار : اي بنات خلونا كلنا نشتغل والله هملنا نفسنه بالمشاكل الي مرت خلونا نعتمد على نفسنا
-ايـسون : طبعاً بقى للدوام يومين نحضر نفسنا همين ونشتري ملابس
-مريـم : كلنا نطلع نشتري بنات
-نبأ : اي بنات عطشت راح أگوم اشرب مي
باوعت الها وحجيت
-مريـم : لا أُبقي انا رايحة للحمام وأجيبلج بطريقي
هزت راسها طلعت للحمام رحت ورجعت كلها نايمة طفت الكهرباء وي حظي سمعت صوت برة كلش قوي نوبة
الجو رعب كلش الكهرباء طافية والدنيا ضلمة اخذتني رجلية ليبرا أسمع صوت ونين اي اي ! شخص جاي يتألم هاي شديصير الصوت منين جاي مادري
رحت أباوع ماكو انتهبت للترك الصوت منة ديجي مشتغل ضوة شوية رحت دفعت البردة ونصدمت بالدم الي شفتة بالگاع رفعت راسي نصدمت أكثر بالشفتة صرخت بعلوا صوتي ....
للحكاية بقية⛓️.
---------------
باقلم زهراء لؤي
شنو رأيكُم بالبارت ياقوم 🫦♥️⛓️؟
توقعاتكُم ♥️😔💅🏻؟
لاتنسون تضيفوني الأنستا احسن بعد مانزل الكُم بارت🌚🙈
مُتابعة جميلة مثلكُم♥️🐺