#ضلمات الفاهد
بقلمي : ميريام سبيشل..
{ المشهد الأول}...
الساعه السادسه والنصف صباحا
كعدتني امي اروح للمدرسه بدلت وتريگت وطلعت للمدرسه دخلت للصف كئيب مابي طاقه بارد وهادء مشه اليوم كلش طبيعي الى ان،
طلعنا من المدرسه ورحت للمحل اشتريت كارتون مي وطلعت واني بطريقي للشارع ابيع المي وضربت بواحد
- شبيك متشوف
- شبيج خانم ما ادري عليمن هل عصبيه انتِ المتشوفين
- لا تجاوز فوگ ما غلطان؟
- اسففف
- شوف المي كله ب الكاع صار
- العفو اعتذر اني اشيلهم هسه
كعدت الم ب المي وهوه ضل يتأسف وراح ومريت بمكان مال بي قاعات ملاه***ي
نورسين بسرها : يبوو، شجابج هنااا نورسين شجابجج منين طبيت انيي يبووو
- واااووو
- اعوذ بالله من الشيطان الرجيم شتريد؟
فاهد بغمزه : نروح
- وين؟
- ليش تشتغلين هيج مكان؟
- لا عمو اني..
- شنو اسمج
- نورسين؟ شتريد
- عاشت الأسامي انطيني مي ثنين
- هاك عمو واذكر الحسين من تشرب
- صار شعجب اذكرين الحسين وانتِ تشتغلين هنا
عافني قبل لا احجي ومشه
راح رجعت للبيت سبحت وسويت غده وشغلت الصوبه وكعدنا نتعشى،
شويه وخلصنا وشلتهم وشغلت الصوبه وبديت اقره دراستي صعبه مرحله الثالث متوسط اصعب مرحله مريت بيها بس مرة ابوي ابد ما خلتني احس ب الصعوبه ايشي ما افهمه اتفهمنيا وادرسني وتحفزني اكمل دراسه....
في ليالي اكتوبر البارده، شتاء قارص، ممطر، الساعه الواحده ونصف ليلا!
ساريه ( مرة ابوي) : نورسين كومي ماما حبيبتي تعاي فرچيلي رجليه على كيفج وانتِ تجين اخوانج نايمين
نورسين : اي ماما جايه
ساريه: عفيه ببنيتي الحلوه!
نورسين : ماما..
ساريه : ها حبيبتي
نورسين: شوكت يصير عدنا فلوس ونشتري كلشي؟
ساريه : ليش حبيبتي؟
نورسين: هيج
ساريه : حمدي الله وشكري على هاي العيشه حبيبتي اتقبلي اي شي اتعيشي الله كاتبلنا هيج وان شاء الله ما يبقي خاطرنا مكسور وتعيشين احلى عيشه
نورسين: الحمدلله
ساريه : شوفي بيش الساعه ولج
نورسين: هيييييء...
ساريه : وجع اخوانج نايمين هيج تشهگين شمالج؟
نورسين: ب الثنتين الا ربع وراي دوام وشغل يومم خلي انام اسفه باجر افرچلج
ساريه: نامي حبيبتي نامي
اجتي فوك راسي تمشي على شعري ب ايدها وقرتلي الدعاء وراحت لخواتي واخواني كلهم تقرالهم ونامت، واني شويه وغفيت!
فجأة وجان نسمع صوت الباب راح يتفلش من الدگ..
ساريه: يا علي دخيلك استرنا منو هاذ جاينه بتالي الليل
نورسين : لبسي حجابج يوم اني افتحله
علي: انجبي لج اني اطلعله
نورسين : لا تغلط يوم كليله لا يغلط
ساريه: ولكم واحد يطلعله فلشونا تفلش
علي:اني طالع دخلو
دخلنا جوه ونباوع من الجامه انريد نشوف منو هذوله
علي: تفضلو تفضلو عمي
ساريه: يمه دهر منو هذولهه شعدهم هسه جايين؟؟؟
نورسين : واني شدراني يومم باوعي شوفيهم زين
وجان الاحض هاذ نفسه الي شفته ب الشارع وتعاركت ويا وضل يصيح عليه وانطاني ورقه صار مرتين اشوفه وجهي صوفر شيريد هاذ؟؟
دخل صفن بوجهي لفترة طويله وكعد
ساريه: اهلا وسهلا أهلًا وسهلا خو ماكو شي؟
فاهد : لا ماكو شي نعتذر على الازعاج الي اجاكم بنص الليل
نورسين: اعتذاركم مو مقبول نايمين فجأة تهدون هيج بنص النوم تهبطونا؟.
حسين: خويه ديربالك منها هاي امبينه السان احجي ويه هاي الجبيره امبينه فطيره
نورسين: فطيره على روحك شو متحجي عدل اكبر منك هاي تحترمها وتعتبرها مثل امك
حسين: غصب هوه ؟
نورسين : غصبا عليك وعلى شاربك
واجاني راشدي من امي واخذتني للمطبخ
ساريه : شبيج هيج تحجين ويه الاكبر منج شهل لسان هاذ
نورسين: يوم شفتي شلون يستغلج يكول فطيره لو ما اني
جان..
عافتني وطلعت وضليت اتسمع عليهم
ساريه: ها خويه اعتذر نيابه عن بنتي
حسين: هاي بنتج؟
ساريه: لا بت شريجيتي
حسين :اي امبينه مو عليج
ساريه:خويه شتردون؟
فاهد: اجينه نشوفكم ونروح
ما تحملت وطلعتلهم اركض
حسين: اجاك الفحل
نورسين: تجون تشوفونا ب 4 الفجر؟؟ جاين تصلون ويانه؟
فاهد : ليش ب الاربعه الوقت متأخر
نورسين: لا كلش مناسب!
فاهد: عيني ست نورسين
نورسين : شمعرفك ب اسمي؟
فاهد : امج من عاطت بيج سمعته
نورسين : ليش تجذب امي متكول اسمي كدام احد!
رحت همست يم اذنه وحجيت
نورسين بهمس : عمو لا اتكلها احنه متشاوفين قبل تخبصني خبيصه عليك ابو فاضل
فاهد: صار عمو
نورسين: مو كلنه لا اتكول عمو
فاهد: ماشي عمووووو
جرتني امي
ساريه: ولج شهل اخلاق تلطشين يمه وايدج على خده وحلكج ب اذنه شهل استهتار ادبسززز امشي فوتي جوه
فجأة كام فاهد وجرني من ايدي يريد ياخذني ويا ويصعدني ب السياره
ساريه: يمه وين ماخذين بنيتي ولكم شتردوننن منهاااا نونه يمه بنتي يبووو
حسين: عمه صوتجج فضحتينا
ساريه: افضحككم ليش ما افضحكم شمسويلكم ولكمم بنيتييي وين ماخذيهااا
نورسين: يمههه عوفونييي وخروو شتريد انتَ ولككك وخررر شبيككَك يمههه تعاي اخذيني منهم ولك وخر شبيكككك
فاهد: مو بيدي....
نورسين: شنو؟
فاهد: سكتيييي
نورسين : عمو وخر حباب وخررر عوفنيي شتريد صار ثلاث مرات اشوفك شرايدددد؟
ذب حسره وفتح باب البيت وامي تعيطط وهوه صعدني ب السياره اني اعيط وامي تعيط والولد حسين يسكتني واني اعض ب ايده وارجع اصيح الى ان...
*******
يتبعععع🫣🔥🔥🔥
******
-فِي أحـد البيوت..
-كان فيهُا رجلاً!
-مغروراً لايهتم لأحد،
-منبوذً داخلياً لم يهِتم لشيئاً!
-غير أحبائهُ...
-لطيف مع الذي يحُبه...
-مع أصدقائهُ هادئ للغايهّ!
-غروراً جدًا
-طويلاً غُنياً!
-عصبياً داخليًا كأنهُ ناراً
- فقدَ أمُه وفقد معها كُلشيء!
-يحُب اللون الاسود ،
- الذي تلطخت فيهِ حياتهُ....
-مواليُداً 1990
- هذهِ السنه ألذي التجأ فيها!
-ولم يهتم لأمر حياتهُ!
-تزوج أبوه زوجتاً ثانياً..
-بعد وفاة أمهُ..
-وبعد مرور السنين......
-الذي دخِلت فيها فتاة..
-الذي عِشقها عشقاً..
-وأنفتح قلبهُ أليها
" وكان أحد الايام تسمى فيها ضُلمات الفاهـد ..
/ كـَليمـَاتـي ✨...
- مـِيـريـَام سُـبيـشـَل ، 💙.
قصه جديده مختلفه نوعـًا ما،
#ضلمات #الفاهد 🔥🔥🔥🔥.