الرقطاء وكراتها الثلاث
اللـدغه الثالثة عشر 🐍
بقلم كهرمانه
____
وحُسنُ ضنكَ بالأفعى مُكـابرةُ
فالطبعُ يغلِـبُها والعِرقُ دسّاسُ !
__🐍__
مسك :- رفيييف لاتخبلييينيييي امييي وين ماتت صــار عليها شييي فهميييينييي ؟!
رفيف :- مسك حالنا من حالچ گِعدت امي الصبح مالگتها گـَعدتنا اني والولد دورنا عليها البيت كله مالگيناها تلفونها يطلع مشغول النا حاضرتنا كلنا من الاتصال
عبالنا يم الحجيه ام كنان مرايحه الهم وهسه محمد وفارس راحو على مروان عنده معارف بالاستخبارات وراح يشوفون شـلون يلگونها
مسك :- گعدت عالدرج اطرافي كلها ثلجت اباوع لخواتي منهارات بالبچي وحالتهن حاله بيبي تبچي رغم أنـي وخواتي ماشفنا من حنانها شـيي بَــس تبقى امنا وجودها امان
دخلوا خوالي صايرين اعصاب بيبي صرخت من شافتهم
مرمر :- هااا يمه بشرروووا بنيتي بزرر بطنيي وينهااا وين مختفيييه
فارس :- يمه وين المفتاح مال كنتور ابوي ؟
مرمر :- عند خيزران
فارس :- محمد روح شوف الكنتور مفتوح لو مسدود
مسك :- راح خالو محمد فتح الكنتور انفتح عنده صاح لفارس
- فاااارررس توقع بحرر طلع بمكاااانه خيزراان بايگه الفلوس مال ورث ابوي وشارده وحتى مستمسكااتها ماكوو
مرمر :- يممممه شتحجووون خيزرااان شارده هـيَ والورث العافه النا رياااض !
مسك :- لزمت التاير مال عربانتها ودفعتها متجهه يم خالي فارس وصلت يمه گامت تضرب بصدره اغمى عليها من قوة الصدمه وديالا ضلت محتاره بيها
وجد :- ويننن ترووووح المن باگتهن اخاف صايره وياها مشكله ومحد يدري ؟
مسك:-خالو گال ديرن بالچن على امي ، وطلع يركض هــوَ ومحمد واحنا ضلينا نگعد بـ بيبي مرمر كُـلش حالتها انتكست وخليناها بالغرفه ترتاح وطلعنا ضلينا واگفين كبال الدرج
ديالا:-اوووف وين اختفت مو راح اتخبل
هرم:-رفيف طلعت بره وگفت تباوع من باب الشارع بلكت واحد يجي من خوالي يكوللها شـيي مسك لزمت راسها وگعدت عالدرج ضجت عليها هـيَ تحب امي رغم كلشي سوته الها بَــس تحبها ، رصت على اسنانها بقوه وحچت بهمس
-امي متزوجه
هرم:-شِــنو شدتحچين شمدرييچ
مسك:-مثل ماگلچ امي متزوجه من زمان بالسر
هرم:-شفت حالتها بالگوه تحچي عفتها براحتها (المس )اللي بيها هــوَ يگوللها مو تعرف شغلات مصايره لاا ماتعلم بالغيب هـيَ بَــس المس يحچيلها شغلات صايره وهيه ماتدري بيهن ، مرات اشك هذا المس امي مخليته بيها عن طريق سحر والله اعلم
رِدت اتأكد من انو المس جاي يأذيها ومسيطر عليها رحت جبت گلاص مال مي وقريت عليه (بسم الله الرحمن الرحيم ، ربنا لاا تؤاخذنا إن نسينا أو أخطأنا ربنا لاا تحمل علينا اصرآ كما حملته على اللذين من قبلنا ربنا لاا تحملنا مالاطاقه لنا به واعفُ عنا واغفر لنا وارحمنا أنت مولانا فانصرنا على قومٍ كافرين ) .
وقريت المعوذات على گلاص المي رحت يمها نزلت لمستواها ماريـد اشوفها فـدد يوم حزينه رغم هـيَ ماجاي تبين انو هـيَ ضعيفه لو حزينه بَــس أنـي احس بيها لزمت ايدها وگلتلها
- باوعيلي مسك ، انتِ قويه شو باوعيلي ، باوعتلي وجهها اصفررر نقطة دم مابيه شديت على ايدها باوعت على گلاص المي اللي بأيدي الثانيه
- اشربي من هذا المي هسه ترتاحين شويه يـله هاچ
مسك:-شِــنو هذا المي بيه ريحه مو طيبه هرم مي وصخ هذا شوفي لونه خابط
هرم:-لاا مابيه شيي انتِ دايخه وتشوفين المي خابط يـله اشربي علمود تصحصحين شويه مبين عليچ مصدومه
مسك:-ماكدر اشربه هرم
هرم:-فدوه لخاطري غمضي عيونج وشربي مي يـله مالازم تضعفين مسك مالي غيرچ اترجاچ ، غمضت عيني ونزلوا دموعي انجر الكلاص من عندي فتحت عيوني اباوع بـ غواش شفتها مسك ماخذه من عندي المي
مسك:-جيبي خل اسد خشمي واشربه ،شربت المي واحسه مثل التيزاب ونزل ببلعومي غنضت عيوني بقوه وصرختتت
هرم:-شربت المي لو روحها طلعت گومتها من الدرج وخليتها تتمدد عالتخم مال الصاله وضليت لازمه ايدي ومغمضه عيونها بآلم دخلت رفيف من باب المطبخ والدموع بعينها ومبين عليها الخوف
-امي وين
هرم:-لو حايره بأمچ چان رحتيلها مو محتاره بأختچ أم الز... بعدني ممكمله كلامي وشدت مسك على ايدي
مسك"بهمس":-اسكتيي محد يدري خليهم يدرون من غيري هسه اذا احچي محد يصدگ بيها متزوجه
رفيف:-شبيچ هرم انهديتي بيه شـلون ترديني ماخاف وخيزران ماندري بيها عايشه لو ميته من الصبح ماكـو
هرم:-لتخافين عايشه عرگ ميطگها
مسك:-هرررم وبعدييين ويااااچ
هرم:-يـله سكتت ، رفيف هزت ايدها وراحت يم بيبي تطمن عليها اجت وجد تبچي گعدت يمنه
-هسه شـلون امي وين نلگاها يَـعنـي بعد منشوفها
هرم:-من كل عقلچ تبچين عليييهااااا ولج وجددد
وجد:-صحيح هـيَ قااسيه ويانه بَــس وجودها يمنه يعوضنا عن حرمان اليتم مال ابونا أنـي احب ضحكة امي وكلشي بيها يفرحني من راح ناخذ بثار خالو يونس اكيد راح تكوم تحبنا وتحسبلنا حساب اوووف يارب نلگاها شتاقيتلها وهـيَ بَــس كم ساعه ماشايفتها
هرم:-وخري مني وجد وخررري لاا تندفرين الزگج بالباب طبعًا تحبيها لأنچ ماشفتي كتل وتعنيف مثلنا
مسك:-على كيفچ وياها تبقى ام وبناتها وننقهر عليها
وجد:-امي هـيَ الألوان والنكهه بحياتي تدرين لو لاا ع الاقل معوضه غياب بابا
هرم:-لاا امي مو الوان حياتنا ولانكهتها امي فلفل اسود بحياتنا وهالات سوداء شايفه الهالات السوداء شـلون تلطش بالوجه وتشوهه هــاي امي واذا جانت نكهه فـ هـيَ بهارات وتحديدًا فلفل اسود ولچ احنا كلشي ماشفنه منها
شو من واحنا صغار عمه وفاء محتاره بينا وهيَ ولا يمها ومن انتقلنا لليوسفيه خاله نقاء استلمتنا تربيه وتعليم هـيَ وجدو رغم هــوَ چان قاسي ويانه بَــس حنيته طغت على قساوته يعاملنا كأنو احنا بشر وعدنا احساس مو مثل امچ عاملتنا كأنو احنا لعابات بلاستيك
نسيتي من حرگت ايدي بالصوبه لو من غرگتني بالنهر والناس فزعت وطلعتني وهيه تباوع وتبتسم بكل دم بارد
وجد:-واذا راحت للأبد شلووون نبقى هــيچ منو يصرف علينا منو يدفع فلوس المدرسه بله هــاي السنه دافعتها سنة التجي شلوووون فهموني واحنا بهاي المنطقه الراقيه منو ميت علينا يشغلنا عنده واحنا اكبرنا عمرها ١٧ سنه حتى خبره عمل ماعدنا زين وخطة جدو شـلون نكملها منو يوجهنا
هرم:-باوعت لمسك لازمه راسها ومغمضه عيونها متجاهله كلامنا اكيد جاي تفكر بشي
-اوزع خبز العباس اذا اختفت للأبد خيزران اما الخطه فـ نغير بيها شويه
وجد:-شِــنو قصدج شِــنو نغير؟؟؟
هرم:-كم نظام بَــس ههههههه ، مارحنا للدوام بيومها اجونا عابد والحجيه أم كنان بقوا يمنه يستفسرون حتى بلكت يكدرون يوصلون الها عن طريق مروان ومعارفه والحجيه ضلت تهدي بمرمر وبيبي منتهيه بَــس تبچي بعدها راحوا
للساعه بالوحده الصبح دخلوا خوالي هلكانين من التعب كعدوا عالتخم واحنا التمينا عليهم
مرمر:-هــا يمه لگيتوا خبر عليها لو لاا
فارس:-اي يمه لگينا لگيينا
مرمر:-ايييي ويننن
فارس:-تعاي يمه بالغرفه احچيلچ كلشي
ديالا:-لاا خالو احچي گدامنا شــكوو تضم علينا تَـره هـيَ أمنا واحنا مو صغار علمود تضمون علينا شـيي
محمد:-صحيح من حقكم تعرفون بَــس
هرم:-احجو لاتضلون تماطلون
فارس:-يمه فدوه لاتنفعلين ولا تتعبين روحججج
مرمر:-اخخخخ شمسويه خيزران احچولي
فارس :-تعاي يــاا يمه اريد احجي وياچ وحدنا
مرمر:-امشي امري لله راح تموتوني انتم
هرم:- راحت بيبي لغرفتها واحنا باوعنا لخالو محمد وهو خاف من عدنا وگال
-احچيلكم احچيلكم
هرم:-اتفضلللل احجييييي
محمد:-اتصلنا بيها وحچت النا كلشي
مسك:-شـلون وصلتوا الها
محمد:-وصلنا وصلنا
هرم:-خلصنيييي احجييييييي راح اكفخك
محمد:-خيزران قبل ست سنوات چانت مصادقه واحد
هرم:-فلككك والله ماتنجرع
مسك:-هرررررم اذا فتحتي حلگچ بعد أدوس بيطنچ
هرم:-سويت حركه بايدي عود سديت حلگي بسحاب وسكتت
محمد:-خيزران مو يوميه تروح للسوك فـ الولد شايفها بالسوك وضال يوميه جاي علمودها لحد مامتعرف عليها وصايره بينهم علاقة حب وطبعًا هــوَ متزوج ومطلگ وعنده جهال وحالته الماديه مو شـيي وقبل لايموت ابوي بأشهر متزوجها بالسر بدون لاا احد يدري
وترى هذا البيت الگاعدين بيه ملك لابوي هــوَ مشتري ومأثث بَــس ماعرف لــيش خيزران ماقبلت نگول الچن هذا بيت راجع لرياض وهم عايف فلوس ٦٥مليون مضمومات والعند خيزران ضامهن ١٥ مليون وكلهن ماخذتهن خيزران وشارده
والبيت اللي گاعدين بيه هسه مسجله بأسم خيزران واسمي أنـي وامي ورفيف عدا فارس ونقاء ذوله المنبوذين ابوي كلشي ماعاف الهم ، ومن جابتكم هنا هـيَ رادت تأمنةم وتروح تعيش حياتها ، طيارتها بالخمسه الصبح اليوم لتركيا وواصله
رفيف:-زييين ليششش بالسررر لــيش مو زواج اعتيادي مابيها شـيي
محمد:-مو طمعانه بالفلوس مال ابوي كلهن شالتهن وانطتهن لزوجها حقنا كله عنده
رفيف:-وبناتها مافكرت بيهن وين يرحن ؟
هرم:-لاا حبي احنا بيش كيلو سمعنا صوت بيبي صــار عالي تصيح شكلها عرفت بالموضوع وخالوا فارس يهدي بيها
محمد:-ولازم نروحلهم نجيب الفلوس ونجي
رفيف:-گعدت بصفه ولزمته من كتفه
-عوف الفلوس خيزران ماترحمم لو اكو بگلبها ذرة حنية چان ماعافت بناتها وراحت فدوه عوفوا الفلوس تروح وتجي خاف زوجها يسويلكم شـيي
محمد:-شحده يسويلنا شيي يمعوده ما اسكت ولا يهدالي بال اذا ماجيب فلوس وتعب ابوي من الغريب
رفيف:-اجي وياك أنـي ماعوفك
محمد:-لاا رفيف أنـي رايح اجيب خمسه وسبعين مليون وين ماخذچ ويايه وما اسكت على حقي لأن هــوَ مو احسن من عدنا ويتهنى بيها كلشي ولا الغش والاستغلال وخيزران ماقصرت
طلع فارس من الغرفه وامه لازمه عكازات وتمشي
-محمد خابرت مروان علمود الجواز ؟
محمد:-لاا هسه راح اخابره
رفيف:-ماتروحون اذااا متاخذووني وياكم الله يستر من هــاي روحتكم يمه احجي شـيي تَـره سالفه تخوف وبيها موت .
مرمر:-خلي يرحون يجيبون حقكم كلكم رياض كل هــاي السنين يشتغل ويتعب ويقصر على روحه حتى يموت وهو متطمن وخيزران تجي تضحك علينا وتطمع وتاخذ كل الفلوس الها لاا ميصير اكو قانون واكو حق يتوزع عليكم
رفيف:-بَــس ييممممه
مرمر:-اشششش ولاكلمه سكتي رفيف ، فارس اذا ترحون الها انطوها حقها بَــس وجيبوا الباقي وگولوا الها لاتجي ولاتسأل واني متبريه منها خلي تنسى بناتها وتنسى عدها اهل وحتى بناتها خلي تنساهم خاف باچر عگبه تطالب بيهن
هرم:-اندارت علينا وعيونها مليانه دموع حچت بغصه وصوت يكاد يسمع
-تروحن تعيشن يمها اذا رادتچن؟
هرم:-أنـي بالنسبه الي تگوله بيبي اسوي وأميي ههه اذا طالبت بينا اختارچ انتِ بيبي وابقى طول عمري هنا ماروح يمها تقدمت ناحيتها وبست راسها وگلتلها
-لاتنقهرين يمعوده إعتبريها متزوجه اعتيادي حالها حال اي وحده بَــس الفلوس الخامطتهن وخوالي راح يرجعوهن
مسك:-احس روحي مشوشه و وسواس بأذني ماجاي اكدر انطق حرف بَــس اباوع بعيوني نضرات بيبي وخالو فارس عليه باوعتلهم وخالو گال
-وانتِ مسك خالو هَـم يجي يوم وتبيعينا مثل امج المحترمه وترحين هناك؟
مسك:-رجفت ايدي وراسي ثگل گمت من مكاني واني الزم التخم الچنت گاعده بيه لزمت رأسي خالو باوعلي بإستفهام بَــس تداركت الموضوع ماريـد اشوف نضرات الشفقه بعيونهم تجاهي
-أنـي ماعوفكم ولاخواتي اصلًا منفكر بهذا الشي بَــس اخاف انتوا تستثقلونا وتضوجون من مسؤوليتنا اما بالنسبه لماما فـ تبقى امي بَــس ولا احتمال واحد بالميه انو أروح واعيش ويه رجال غريب اكيد
فارس:-حلوو هذا هــوَ لعد أنـي راح اصفي اموري وشغلي ونتحرك مو محمد ندس محمد بَــس محمد صافن مو يمه
-وين صافن حمودي وياي ؟
محمد:-أنـي عندي شـيي اريد احچي مادام هـيَ حاميه حاميه
فارس:-خير ان شاء الله بَــس لاا يطلع رياض مرحوم الكلاوي حاط عماره بأسمك واحنه ماندري
محمد:-لاا ياعماره بَــس غير شـيي
فارس :-شِــنو ؟؟
____
يتبع