سلاسل الماضي

السلسـلة الثانيـة عشـر 🔗🖤.

بسـمهِ تعـالى ...

مِن يُوم الرِحت
ما غَمُضت عِيني
ومَدريِ شكَد ذِكرَتك
وإنتَ ناسيِنيّ
وكِت خَلاك صايرُ
ويّنك وويّني
أنَه الحَافُظ أسرارك
وانتَ يَم الناس
مو بَس تنطي بيّه
يجُوز تَنطيني.

سلاسل الماضي بقلمي انـا الكاتبـة زهراء الشمـري 🤍🤍.
______________________________________

::ـ عيني صار عـنده بنـات نسانـه بس اجتت بنـته كالتلـه هيـج باعنـا

ـ جاوبهـن
::ـ نفس المعـزة كلجـن بنـاتي

::ـ الله يديمـك النـا بحـق الامام علـي

ـ نامـت سـَدن راح يوديـها لغرفتنـا كتله انطينياها ما قـبل مشـة وعيوني تتبـعة مشيتـة ابد ما متوازنـة لمـن رجـع يلا ارتاحيـت درت عيوني لجهتـهن مبتسمـة هوَ بعـدة بالباب يريد يدخـل ما نحـس غيـر علـى وكعتـة ...

________________________________

"وسن"

ـ راحت گلـوبنـا صار ساعتـين منتظرينهـم الجهـال بعـد ما شافـو ابـوهم شلون وكـع وانخبـصنـا عليَّ كعدو يبجوون ويصيحون يردون ابوهم امـي تخربطـت ضغطهـا صعد گمرة بس كاعدة دموعـهـا على خدودها وكل شويـة وكال

::ـ وضعـة مو طبيعي يارب رجعة النا سالم

ـ حجـت غِصِن

::ـ والله اشك بي شي لا سامح الله ليش تأخرو لسـه

ـ ردينـا عليهـا واحنا ندعي القوة وداخلنا هش لان واضح بي شي
::ـ اسم الله لا مابي شي هسه يطلع ضغطـة

ـ كلنـا خايفين وكاعدين بالمـدخـل ننتظرهم وكل شويـة وفتحنـا الباب نشوف رجعو لو بعدهم اخر شي عهـد ما تحملت مسحت دموعـها وكالت

::ـ رايحة اشوف واحد من الولد يشوفهم ما خلوني اروح والله بي شي

::ـ هسه يرجعون ان شاء الله مابي شي يارب يارب ما بيدنا غير الدعـاء رجعـة سالم لجهاله وبيتـة

ـ جواهـر جانت كاعدة على صفحة بدون اي مشاعـر من قبل هيَ هيج مو جديدة عليها هـل سالفـة عكس كمرة الي اقل صوت تطلع للباب ودموعها ما بطلت تنزل

ـ اخر شي حجت وياها امي بتعب
::ـ اكعدي يمـة لا صيرين مثلهن بس تفترن هسه يرجعون مابي شي ان شاء الله

ـ ردت عليها رغـد
::ـ يمـة تأخـرو حيل هسه لو ظغطة صاعد جان رجعو بسرعة بس والله بي شـي

::ـ بس عوفي اخوج وبطلي تفكرين بالموزين حتى ما يصير

::ـ ترا هسه تعدل وضعج قبل شوية جنتي واكعـة من الخوف عليَّ وهمَ تأخرو ليش لعد؟ اكيـد بي شي وما يردون يكولون النا

ـ ما ردينـا عليها ولو كلنا نعرف بي شي بس نجهـل نفسنـا

ـ اجـه علينا مهـاب ضايج وعاگد حواجبة
::ـ ابوي وين مو كلتو هسه يجي كل شوية تكولون هسه هسه وينـه ليش تجذبون حتى بيبي تجذب تكول هـسه بيبي بس ينطوو علاج ويجي

ـ اخذتـة عهـد وكعدت تحجي ويا
::ـ هسه يجي حبيبي ادعيلـة حتى يرجع بسرعة

ـ رفع ايدة للسماء واردف بضوجة
::ـ اريد ابوي اني اشتاقيتلـة هوَ گـال العصـر اطلعكم منو يطلعنـا هسـة؟

ـ وي كلامـة سمعنـا صوت باب السيارة انسـد وصوت ابوية عرفنـا رجعـو فتحنـا الباب متأملين يطلع مابي شـي لـكن

ـ خابـت امـالنـا من شفنـا ملامح ابوي تعتليها الضوجة وبعـدها انفتح باب السيارة الثانـي ونزل محمد ابوي لازمة من جهة ومصطفى ابن عمي لازمة من جهة ووجهة اصفر شفايفة بيض وتعبان بالكوة يمشي

ـ اول ما دخـل باب البيـت تقدمنا الـه نتحمدلة بالسلامة جان مكتفي بـهز راسـة وابتسامـة تَـعب هنـا ادركـت الي بي مو شي عـادي دخلو لغرفتـة حتى يرتاح مصطفى جاب العلاج وطلع ابوي كعد ع الكرسي واحنا متداورين محمـد الي واضح عليَّ التعب والقهر ومنتظرين ابـوي يحجـي

::ـ الدكـتور گـال كل فتـرة راجعـوني حالتـة كلش متراجعه

ـ ضربت امي ع رجلها وصاحت بصوت عالي
::ـ يمه ابني شبيي

ـ كلنـا خايفين ومنتضـري يحجي اخر شي نطق مرة وحده

::ـ عنـدة ڤايروس "السحايا" ونسبة الشفاء كلش قليلة انطـا علاج وكـال خلي يستمر علي الالتهاب واصل ويا مرحلة متقدمة لو يطيب لو ..

ـ شهگنـا ونزلت دموعنـا واحنـا نعرف هذا المرض كلش خطر لو الله يرأف بحالـه لو يموت

ـ وضعنـا تخربط امـي بقت يمـه وجواهر وگمرة كل شوية وراحن يسون الـه شي ياكلـه وجهـاله ما مفتهمين السالفـة طلبهم الوحيد هوَ

::ـ نريد بابا يلعـب ويانـه ليش نايم

ـ هاي الكلمات جانت كل يوم تنعاد وكل يوم نبجي عليهم وندعي الله بيهم يشافي محمد علمودهم

ـ بقينـا كل فترة مرضـة احنـا يمـة وكل مرة يروح للدكتور نبقـة ندعي مابي شي لمن اخـر روحـة الـه كلش اتأخـرو ومن رجعو كالو الدكتور كايللهم ما الـة بس الدعـاء ..

ـ اجتي اختي عهـد عدهـا ابنـها عمـرة سنـة خلتـة بحضـنها وبقت تبجي وهوَ رغم تعبـة ومرضة ما قابل بدموعنـا عليَّ
جانت كلماتـة الي يهدئنا بيهـا

::ـ الله لو يريد ياخذ امانـتة ياخذها بكل وقـت ليش هل بجـي كلنـا نموت بعدين اني اذا ما اموت من المرض اموت من دموعجن تعبتني يابـه

ـ نبطل بجي ونذكر حالتة ونرجع نفس ما جنـا اخر شي نـام كامت اختي الكبيرة بيـدها ابنهـا فرتـة على راسم محمد وبـقت تحجي بصوت ناصي ودموعهـا على خدهـا اخر شي نطقـت

(يـارب شافي محمد وابنـي قربـان الـه )

________________________________

يتبع ..

حسابي الانستا للتواصـل ..
zhraa_al_shmmeriy

ﺗﺬﻛﻴﺮ✨
- سُبحان الله .
- الحمدلله .
- لا إله إلا الله .
- اللهُ أكبر .
- سُبحان الله و بحمدهِ .
- سُبحان الله العظيم .
- استغفر الله و أتوبُ إليهِ .
- لا حول و لا قوة إلا بالله .
- اللهُم صل على نبينا محمد .
- لا اله الا انتَ سبحانك
اني كنت من الظالمينَ .
- حسبي الله لا اله الا هو عليه
توكلت وهو رب العرش العظيم .
-اللهم ارزقني من حيث لااحتسب .
-اللهم ثبت قلبي على دينك.
- يارب رضاك والجنه .
-اللهم احسن خاتمتي .
-اللهم اجرني من النار ."