سلاسل الماضي

السلسـلة الحـادية عشـر 🔗🖤.

بسـمهِ تعـالى ...

بالعافية من إبعدّت
يـ مخيب ضنونيّ
وضعك حِلو ومستقر
ناسيني حَد الوجع
چا هُيج گالوا ولك
يا صاحب عيوني
چا هيچ مِن نفترگ
أختل بسِد دمعتي
ومَا تسأل شلونيّ ؟

سلاسل الماضي بقلمي انـا الكاتبـة زهراء الشمـري 🤍🤍.
________________________________________

ـ غسـلت وكمـلت طلعـت لگيـتهم متجمعيـن كلهم سويـه سلمت على خواتـه وابـو وترخصـت بوجهـي للمطبـخ خليـت الدولـمة ع النـار وسويت التشريـب اني سلگتـها الصبـح فـه بسرعة حمستـها حمسـه سريعـه هيَ والبصـل وخليت كـل المكونـات الي محضرتهم ورحـت للتمـن انـي مجهـزتـة بس طبـخ طبـخـتة وجواهـر تقطـع دجـاج كملنـا كلشي تقريبـا بقـه بس المقبـلات مو هسـه لـ 11 يلا نسويهـن خدرت الجـاي وحضـرت مـاي واخذتـه الهـم

ـ حجـت عمـتي
::ـ اليوم تعبنـاج ام ايهـاب

ـ طفـرت اخـت محـمد الصغيـرة سوتـها بالضحك
::ـ شتعبناهـا ما تشوفيـن الشغـل كلـه على جواهـر وهيَ جانت بالحمام توهـا طلعـت هههه

ـ حجـت عمتـي
::ـ لا جنتـي ما عليـها قصـور كملـت شغلـها والتفتـت لروحهـا

ـ محمـد جان يباوعـلي ويهـز براسـه حتى ما احجـي ما اهتميت ووزعت الجاي اخر شي وصلـت يمـه سوالي مجـال بينـه وبين اخـته

ـ  وتقرب باس راسي وكـال
::ـ مريتي هـاي ام ايهـاب ما يجـي منـها بس الزيـن

ـ ابتسمت الـه ودنگـت مستحيـة من نضراتهم بـ اتجاهي

ـ حجت اختـه نفسـها
::ـ يا محـمد تفـرق بين نسوانـك وانـت المتديـن جواهـر هم تعبت خطيـة

ـ رداهـا بـ اسلوب حلو
::ـ  انتِ كلتيـها نسوانك يختي يعنـي انـي مسؤؤل عليهـن واذا عدهن شكـوه يجن الي مو صح؟

::ـ اي بس اني ما شاكيتلي اقصـد هيَ تعبت هم خطية

::ـ نسـد الموضوع خويـة؟

ـ حجـت اختـه الي خطبتني
::ـ والله محـمد بدون مجـاملـة نسوانـك اثنينهن حبابات بـس گمريـة خوش مرة

ـ حجـه عمـي
::ـ جا يبويـه انـتي ردتـي تكحلينـها عميتيـها جواهـر بنت عمـه وما عليـها قصـور واثنينهن بناتي وبحسبتجن

ـ ضحكت مرت عمي
::ـ هسه انتم جايين للعزيمـة لو تقيمون نسوان محمد شني اول مرا تشوفوهن تراهم صار سنين متزوجيـن وكل نزلـة لمحمد من الدوام نجي لهنـا توكم فتحتو على نسوانـه اثنينهن بنات اصول وما تطلع منهن العيبـه وما عليهن قصور

ـ هز ايدي محمد باوعتلـه اشر بعيونـا بمعنـى ردي على امي

::ـ الله يحفظـج عمـه والله انتـم مثـل اهلـنا بعـد والبنات خواتي اتقبـل كلامهـن

ـ انتـهـى النقاش گمـت صاحت اخـتة الوسطانـية
::ـ تعـالي گعـدي انـي اكمـل طبخ بمكانجن من الفجر لسه تشتغلن 

::ـ لا حبيبتي ارتاحـو كملنـا ماعدنـا شـي

ـ هزت راسهـا بعدم رضـا تريد تگوم بس احنـا خلصنـا حتـى ما اكسـر بخاطـرهـا كلت من نسوي المقبلات اصيـحلـهـا ترخصـت ورحت اغسـل للجهـال وجواهـر تغسل لولدهـا

ـ كملنـا ورحت وديتهم لابوهـم البنات اخذاهـم جدهم حيـل يحـبهن كلهم يحبوهن بس جدهن اكثر شـي

ـ كتلهـم
::ـ جوعانيـن نصـب الغدة هسـه

::ـ لا مابقـه شي عـن الصـلاة نصلي يلا

ـ كتلهم تمام رحـت للمطبـخ لحگتني وسـن (اخـته الوسطانـيه)

::ـ هل مـرة اجيت وحدي اساعدج

ـ ابتسمتلهـا
::ـ هسه جنت رايده اصيحـج كملنـا والله بقـه بس اللبن وهاي السوالف ونصـب

::ـ الله ينطيكم العافيـة ان شاء الله

ـ باوعـت شافت ع الكاونتـر غراض الزلاطـة
::ـ ح اسوي الزلاطة تمام؟

ـ كتلها تمام كعدت تثـرم وانـي احضـر باللبن والفواكـه وجواهـر تقطـع بـ خيـار الطُـرشي

ـ اذن رحنـا كلنـا نصـلي كملـنا واجيـت اصـب اني وجواهـر رادن يجـن ويانـا بس ما قبـلت كملنـا صـب وكعدنـا نتغـده

ـ اباوع محمـد واجـه كركـم بـس ما مهـتم وكاعـد يوكـل خواتـه ويشـيل اكل من السفـرة ويقربـه الهـن ولامـه كذلك اميـر وايهـاب ومهاب واسمـر كاعديـن ياكلون ع جهـة ابوهـم والبنـات بين بيبيتهم وجدهـم همَ يوكلوهـن  اسمـر صغيـر مو كلش يعرف ياكل كل عمـرة سنـة ونـص يشيـل بالتمـن ويطشـره ع نفسـا

ـ  اخـر شـي اكـل مدري شنـو وغـص ما احـس غيـر طفـرت محمد وخبصـتنا مدري شلون خلا بحضـنة وبقـة يدگ ع ضهـره لمـن رجـع الاكـل

ـ مدد محـمد رجليَّ وغمـض عيـونـه بتعـب وحجـة صوتـه يرجف ::ـ والله لو صايـرلة شي امـوت عبـالي مـات

::ـ اسم الله عليـك يمـه مابي شـي شوفـه يضحـك

ـ اشـر بجهـة جواهـر وبعدها الرجفة بصوتـة
::ـ خلـي بحضـنج ووكلـي

ـ هزت راسها وسحبتـه يمـها وهَو مات من البجـي يريد يم اخوانـه

::ـ ولك بابا بـس اكـعد ذولـة يمـك وين يرحـون

ـ ما قبل وبـقة يبـجـي كام من مكانـه دايـخ لزم الحايـط كلنـا التفتنـا لجهـتة دكت امـه ع رجلـها

::ـ صخام يمـه ابني مو كتلكم مو طبيعي مريض كلبي حسني والله گلبي حسني

ـ اشـر الها
::ـ مابيـه والله هـاي من الهبـطـة

ـ وكمـل مشيـة طبييعي يريد ياخذ اسمـر يمـه واحنـا عينـا عليَّ لمن شـالـه وراح كعده يمـه وبلش يوكـل بي وناسي نفسـة

ـ اشرت اله
::ـ محمد اكـل لا يصيـر بيك شي ما تشوف نفسك دايخ ووجهك اصفـر

ـ هـز راسـة وغلس كملنـا اكـل كمـت اغسـل اجتـي وراي امـه

::ـ يمـه گمرة محمد بي شي وماكايلي مو؟ والله ابني واعرفـه هذا مو وضعـة شبي كليلي وريحي گلبي اروحلج فدوة

::ـ والله عمـه ما ادري من رجـع من الدوام هوَ هيـج وضعـة ورحنـا للسفـرة وتعب ورجعنـا بسرعـة اكله شوف طبيب ما يقبـل

::ـ هسـه اخلـي يروح مو بكيفـه وجهـه اصفـر وجسـمة يرجف وحـار اكلـه شبيك يكلي ما بيـه والله گلبي حسني ضام عليه شي

ـ كملت غسل وراحت تحجي ويا اجـت سحـر (اختـه الجبيـرة)

::ـ هـا يلا روحـن ارتاحـن غسلـهن علينـا هسـه تجي وياي وسـن

::ـ لا والله ما يحتـاج هنَ قليلات هسه اغسـلهن واجـي روحـن يم اخوجـن ما شايفاتـه

ـ ما قبـلت وبقـت تريـد تغسـلهن وياي عاد قبـلت امري لله غسـلناهن وخلـصنا رحـنا لگينـا محـمد كاعـد وحاضـن خواتـة صاحت سـحر

::ـ شفتني رحت اغسل اماعيـن ونسيتني سويلي مجـال يـلا

ـ ابتسـم وجاوبـها
::ـ انـسة روحي وما انسـاج تعالي يـَابـه هـذا مكـانج

ـ كعدو يسولفون ويشاقون اني ما مرتاحـه لان محمـد وضـعة نفسـه بس يكابـر علمود خواتـه وكل شويـة يغمـض بـ ألم ويرجـع يبتسم ويحضـنهن

ـ اخـر شـي سـَدن نعسـت باوعـت لابوهـا كلتله وكلامـها گوة ينفهـم

::ـ اريـد انـام بحضـن باباتي

ـ هيَ گـالت هيـج لو مات عليـها وخـرن خواتـه من حضـنا وسحـبها يبوس بيـها ويردد

::ـ يبـعد ابـوج وعشيـرتة ، يبـعد اهلي , بويـه كون محد يكول باباتي غيـرج يروحلج فدوه باباتـج

ـ وهيَ تضحتك وتتدلع عليَّ ويمـوت يموت عليـها يريـد ياكـلها

حجـن خواتـه بالشقـة
::ـ عيني صار عـنده بنـات نسانـه بس اجتت بنـته كالتلـه هيـج باعنـا

ـ جاوبهـن
::ـ نفس المعـزة كلجـن بنـاتي

::ـ الله يديمـك النـا بحـق الامام علـي

ـ نامـت سـَدن راح يوديـها لغرفتنـا كتله انطينياها ما قـبل مشـة وعيوني تتبـعة مشيتـة ابد ما متوازنـة لمـن رجـع يلا ارتاحيـت درت عيوني لجهتـهن مبتسمـة هوَ بعـدة بالباب يريد يدخـل ما نحـس غيـر علـى وكعتـة ...

________________________________________

يتبـع ..

حسابـي الانسـتا للتواصـل ...
zhraa_al_shmmeriy

ﺗﺬﻛﻴﺮ✨
- سُبحان الله .
- الحمدلله  .
- لا إله إلا الله .
- اللهُ أكبر .
- سُبحان الله و بحمدهِ .
- سُبحان الله العظيم .
- استغفر الله و أتوبُ إليهِ .
- لا حول و لا قوة إلا بالله .
- اللهُم صل على نبينا محمد .
- لا اله الا انتَ سبحانك
اني كنت من الظالمينَ .
- حسبي الله لا اله الا هو عليه
توكلت وهو رب العرش العظيم .
-اللهم ارزقني من حيث لااحتسب .
-اللهم ثبت قلبي على دينك.
- يارب رضاك والجنه .
-اللهم احسن خاتمتي .
-اللهم اجرني من النار ."