الرقطاء وكراتها الثلاث
اللـدغه الحادية عشر 🐍
بقلم كهرمانه
__________________
وَها قَدَّ أتىٰ ما كُنت ، مُتراهن على مَجيئهُ فَـ إنها ..
"اللدغة الحاسمة".🐍
_بقلم أُميم الجنابي
____________________
مسك:- منو إنتَ شتريد تباوعلي ماعندي فلوس لو عندي چان نطيتك
-منو گلچ أنـي محتاج فلوس
مسك:-باوعت عليه شكله يوحي إنو هــوَ متشرد حچيت واني مستغربه عقدت حواجبي وگلتله
-لعد شتريد مني ؟
-حذائي جواچ
مسك:-باوعت شفت جوه المرجوحه حذاء اسود يلممع
-باوع لك اذا عبالك اللي گدامك غشيمه فـ انتَ غلطان لاتچذب اتخبل من الچذب گُلي اريد ابوك هذا الحذاء واخذه وروح لاتگعد تچذب عليه
حجه بأبتسامه:-لــيش منو گلچ أنـي جاي اچذب عليچ هذا حذائي
مسك:-اخذه وروح يـله چان مبتسم طول الوقت اخذ حذائه لبسها واني اباوع على رجليه كلهن دم خلي يلبسها خطـيـه هــوَ بحاجة حذاء حتى لو يچذب
راح الولد واجن البنات أمنيه وطيبه وخواتي كاعدين نسولف گالت طيبه
-مسك خلي أصعد مكانچ بالمرجوحه شبيچ
مسك:-ما متصعدين
طيبه:-لــيش
مسك:-مرجوحتي أنـي وأمنيه
طيبه:-شگد نحيسه
هرم:-لاا بَــس انتِ من تصعدين عليها تكسرينها
مسك:-باوعت لطيبه ضاجت واختفت إبتسامتها وإختي ديالا هَـم انتبهت حچت بإستهزاء
ديالا:-على أساس هسه أمنيه جسم المليكان
هرم:-لاا منيلها چنها حمودي القزم
أمنيه:-تعيبن على طولي يــاا ترحنلي فدوووه
طيبه:-صدك بــَنات راح يبدي الدوام اشتريتوا ملابس لاا
مسك:-باوعت لخواتي بدون لاا أحچي ورجعت باوعت لأمنيه
أمنيه:-مسك اذا ماعندچ أنـي انطيچ تشترين ملابس ومن تشتغلين ترجعيهن الي عادي أنـي هَـم بأعتبار اختج
مسك:-مو سالفة ماعندي بسس !
أمنيه:-بَــس شِــنو ؟
مسك:-لاا مو هيچ بَــس احنه راح ننتقل نعيش ببغداد فـ ماعرف شِــنو نظام المدارس الأهليه
أمنيه:-شلوووووون شنووووو تنتقلووون تحچييييين صددددددگ
مسك:-أمـي هيچ أمرت مابيدنا شـيي
هرم:-ماراح ننساچن بــَنات والله وبين فتره وفتره نجي نشوفچن
طيبه:-يَـعنـي اداوم وانتن ماكـو مستعده انقل واخويه يجيبني ويوديني في سبيل مافارقچن
ديالا:-موو لهالدرجه شيوديچ ويجيبچ ،باوعتلها غورگت عيونها بالدموع وگالت
-ايي لهالدرجه لعد منو يگعد يمي منوو يضحكني منو يكعد ويايه بنفس الرحله اوووف خاف لگيت الي صديقات حضي الفگر بعدهن عني
أمنيه:-لاا طبطب لااتحچين هيچ بَــس أنـي وانتِ نعرف خاله شـلون من تأمر بشي تقفل واذا وحده من البنات عارضت راح تعاقبهن وتعنفهن احنه منريد الهن العذاب بــَنات شتگول الچن خاله خيزران سونه وصدگن أنـي وطبطب ماننساچن تضلن معلگات بگلبنا روحنا حتى لو نسيتونا
نزلوا دموعها مجرد مانهت حديثها گامت هرم وحضنتها
-كافي لتبچيين يمعوووده خشمچ گام يخر على تيشيرتي
أمنيه:-چنت اعرف هيچ راح تگولين فـ سديت خشمي وحلگي من حضنتيني
مسك:-ضحكنا على تصرفات هرم ولينا صارت الدنيا مغرب واني مرات المغرب تتخربط كل احوالي فـ صارت عندي خوفه من انو اتخربط بالشارع رجعنا للبيت أنـي وخواتي وأمنيه وطيبه راحن لبيوتهن دخلنا وسمعت صوت امي وخالو محمد يصيحون
هرم:-شكووو
مسك:-مادري يمكن علمود الشيله
وجد:-كون خالو ميخلينا نروح
مسك:-يمعوده هسه تقشمره بكم فلسس
ديالا:-مشكله بيت جدي يضعفون گدام الفلوس
مسك:-اششش سكتن وامشن ندخل جوه الله يستررر دخلنا للبيت وشفت امي متخوصره وتطگ بعلچها وتباوع على خالو وهو صايــر نار ويصيح
محمد:-لتچذبين أمـي تحب اليوسفيه مستحيل تعوفها وتروح لبغداد
خيزران:-خوش أنـي چذابه مو ابقه إنت وفارس هنا واني اريد اخذ بناتي واروح لبغداد وامي كالت احنه نروح وياچ
محمد:-يمه صحيح هذا الحچي
مرمر:-اي صحيح
محمد:-استغفرالله ، عيب من العالم نروح نگعد ببيتهم ومن شــوَكت تحبين بناتچ وتخافين عليهن وترديهن يدرسن بمدارس أهليه هاااا
خيزران:-بناتي كبرن ولازم كل وحده غرفه الها خاصه ، منو گلك احنه رايحين نگعد ببيتهم تَـره همه جوارينه لاا اكثر ولا اقل
محمد:-إنتِ گلتي بيت بصف بيت آل صحار شعندجج يمهم انييييي گلبييي لاعب من هــاي الروحه احنا فلوس المسواگ بالگوه جاي نطلعها مو نوب نشتري لو نأجر بيت ووين بأرقى منطقه ببغداد اللي هـيَ اليرموك
خيزران:- لتصيح علييه متخوفني بصيااااحك نگعد بيه ببلاش وشگد مانريد ، واذا معاجبك مثل ماگلتلك ابقه هنا انتَ وفارس
محمد:-ماكـو روحه
خيزران:-أنـي وبناتي نهاية الاسبوع ننتقل ماتمشيني برأيك
ضرب الكاونتر بقوه وحچه بصوت عالي
-هسسه صارررن بناتج وتخافين عليهن وتردين تاخذيهن لبغداد خيزررراااان طلعه من البييييت ماكوووووووو
فارس:-دروح غسل ياخويه هستوك جاي من الشغل تعبان روح غسل وبعدين نشوفها شـلون تصفه
محمد:-مسك سويلي شـيي اكله ، أنـي هَـم من الصبح لهسه بالشغل اجيت منا امچ تلگتني تريـد تعيش ببغداد منا والله شِــنو تخاف عليچن يصيرلچن شـيي
مسك:-هز ايده وفات بدون ليباوع بوجه امي باوعت لامي عيونها عليه تريـد تاكلني تباوعلي بغضب انداريت احضر الاكل لخالو وهو دخل يسبح سويت عشه النا كلنا جانت امي طابخه أنـي بَــس حضرت الصينيه وزلايط
كملت وصحتهم ياكلون اجه خالو فارس مبدل ع الوصخ عادي بَــس خالو محمد لاا گعد وشعره بنگط على وجهه ورموشه الكثيفه مبلله من المب ومخلي الخاولي ع كتفه
اكلنا بهدوء شـيي تباوع على شـيي حسيت نفسي عايشه بوكر ماال ثعابين شـيي تلدغ بشي حچه فارس وهو يقطع الصمت اللي إحتلنا
-صدگ مسك بعد مارحتي لأبو عامر طلع من المستشفى
مسك:-بلعت ريگي بصعوبه وباوعت لخواتي ورجعت باوعت لخالي اللي منتضر الرد مني
-مو من تصاوب وهو بالمستشفى رحت وابنه عامر طردني وهم جدو اتوفى بعد مارحت بَــس هــوَ طول بالمستشفى لــيش
فارس:-مو الرجال عايش بكلى وحده وچان مطعون ونازف والدم اللي خاسره مأثر على كليته يَـعنـي صحته متأزمه هــيچ سمعت
هرم:-خالو الدچه بالسچينه شعليها بالكلى
محمد:-هــوَ الدم يغذي الجسم كله بَــس اذا عندج عضو من اعضائج مريض وانتي فقدتي دم راح ينتكس عليچ
هرم:-هاا مو داگول
مسك"بأرتباك":-عوفكم من موضوعه كرهته بسبب ابنه
فارس:-ابنه غثيييث عمي ابوه رجال ماكـو منه ومتدين
هرم:-انتَ خوفك من السره الأول
فارس:-شِــنو ؟
هرم:-هيچ هيچ ابو عامر خوش رجال
فارس:-اي والله مرد گلبي
هرم "حچيت بهمس سمعته ديالا":-مرد **** ،غصت باللگمه ضربتها على ضهرها وضحكت عليها ذبيت الخاشوگه العندي وگمت غسلت ورحت للغرفه اجت وراي ديالا گعدت بصفي باوعتلها وگلتلها
-تعرفين البنيه هدير اللي شفناها بالحفله مال حنة خاله
ديالا :-اي شبيها
هرم:-متأكده لو خطيبته لو زوجته لمعاذ
ديالا:-ياعزااا ومسك شـلون راح تدبرها
هرم:-Don't worry sweetie يَـعنـي مسك تعرف شـلون تجيبه سويت حركتي المعتاده مشيت ايدي على خشمي ونقرت عليه ثلاث نقرات
-هـيَ اختچ دماغها ميوگف من التفكير تعرف تطلع مثل الـ alive (افعى) وخليها ببالچ اللي يكون مثل الأفعى بالتفكير طول عمره ماراح يدخل خرب إلا وهو المنتصر بيها وهم لاتنسين تربية رياض
مسك تلدغ بَــس متعرفينها منين تجيج وتلدغچ تتذكرن الطالبه اللي ضحكت على وجد وبچتها ومسك گصت شعرها بدون لاتدري هـيَ متخاف من المواجهة لاا بَــس اذا تواجهها وتگص شعرها مراح تستفاد شـيي غير الفضيحه والمشاكل
ديالا:-اووف ، الله يساعدنا ويعيننا عالأيام الجايه
هرم:-ونعم بالله ،ثاني يوم اجت سياره من الصبح تنگل بالغراض بدون علم خوالي ثنينهم امي حضرت كلشي وصعدت قسم منه بالسياره وراحت ويه السايق هـيَ وبيبي مرمر ورفيف بيبي ورفيف يبقن هناك بالبيت بس ماما تجي ويه السايق تاخذ الغراض اللي بقن وعافتنا يم الغراض أنـي وخواتي هلكانين من التعب كعدت بالكاع ومددت رجليه وخواتي هَـم
مسك:-ولچن جيبن الي مي راح اموت من العطش
وجد:-اي ثواني أنـي هَـم عطشانه
مسك:-جابتلي مي شربته وصحت اححححح
-ماكـو هييييچ امي حتى النمل مال البيت نگلته كلشي مابقت كله كومته بالكراج
وجد:-اريد احجيلج شـيي
مسك:-شعندچ احجي
وجد:-لــيش احسچ قابله على روحتنا لبغداد وراچ شـيي !!
مسك:-لاا ماورايه شـيي بَــس الروحه لبغداد راح تطور من العلاقات ويه ال صحار لانو جوارين وهمه اصدقاء جدو وبيبي مرمر وبعدين امي وين متگللنا نروح لازم نروح عسى ماتودينا لجهنم بقينا كاعدين بملل مروا الساعات اجتني هرم گالتلي
هرم:-هــاي امچ فـدد وحده بر***
مسك:-شنووو امچ تَـره هـيَ امنا كلناااا
هرم:-هسه انتِ عفتي بر*** وأعترضتي من گلت امچ
رحت مليت الكلاص مي وذبيته عليها هـيَ نشغت من البروده مالته واني طلعت اركض لحديقه
مسك:-شفت صينيه مطعوجه ومذبوبه بالسطله مال الزبل اخذتها عدلتها ورحت لگيت هرم بالحديقه شمرت الصينيه قرب عالحديقه وطلعت صوت كِلِّـشْ قوي من فزعتها وكعت بالگاع شافتني اضحك اجت تركض الي
وجد شغله الصونده ونگعتنا ثنيناتنا طفرنا عليها وسحلناها بالحديقه وملابسنا كلها طين اجت ديالا شاركتنا وجد تدغدغ بـهرم وهي تضحك
هرم:-ولچ هههههههه سلحفااااااة ولچ
ديالا:-مسسك شِــنو هاااي دوده بشعرررچ ، تحول الضحك الى خوف عاطت مسك وهيه خايفه ماگدرت اكتم ضحكتي على منظرها ضحكت وهيه عرفت بيه مقلبتها لزمتني جاي تخنگني وخواتي فزعن يفرغن بيناتنا سويناها دراما وتمثيل
ماحسينا الا الباب انفتحت امي وبصفها معاذ وولد مبينين مرتبين اللي طلع واللي دار وجهه واللي سوه روحه يخابر وانسحب بقه بَــس معاذ صافن علينا مصدوم
دخلنا بسرعه نمشي ونتزحلگ گلنا طين ومنگعات وامي تمشي ورانه تحچي من بين اسنانها وبصوت ناصي شحتتنا للغرفه وگامت تعض بايدها
-ولچن غضب الله ينزل ع راسچن حتى ملابس ضامينهم واخذوهن ولچن شِــنو من بنااات الله ياخذچن ويخلصني
هرم:-ماما الله عليج جيبيلنا ملابس بعدهم مماخذينهن بَــس بره بالكراج الجنط
خيزران:-أنـي اعلمچن على هــاي الدگه الناقصه مال زعاطيييططط گدااامي للحمااام يـله على ماااجيبلچچن ملااابسسسي
هرم:-دخلنا للحمام اربعتنا سبحنا بسرعه واجت جايبه ملابس من ديالا النا كلنا لبسناهن وطلعنا وهي تعض بايدها دخلنا للغرفه نمشط صــار البيت هدوء اخذوا الغراض وراحو رجعن العصر كُلش امي وبيبي ورفيف ويه جيه خوالي من الشغل وهم اجو صارت هوسه وصياح بينهم والرابح چانت هي امي گدرت تقنعه بأسلوبها انو يجون ويانه
وثاني يوم كملوا نقل كلششي بالليل لان مسافه بين اليوسفيه والبيت الجديد كِلِّـشْ هْوايَــه حضرنا روحنا نترك البيت ونروح وياهم من يجون باوعت لخواتي الوجوه تحجي بلا ماينطقن كلام
مسك چانت حاضنه صورة جدو مخليتها على گلبها بيبي تباوعلها وتذب حسرات اجت السياره وسمعنا صوت الهورن طلعنا من البيت وسط بچي رفيف ووجد الـ دراما گوين مالتنا
يمكن ساعه كامله احنه بالطريق بعدها دخلنا منطقه كِلِّـشْ راقيه وبيوتها عاليه طلع تليفىنه خالو محمد واتصل على واحد اسمه أبو سعيد
-الوو هــا ابو سعيد يـله احنه وصلنا بالمنطقه
مسك:-الرجال ضل يوصف لخالو المكان لان امي لوصتها عليه وداخ المنطقه بيوتها كِلِّـشْ حِـلوه وراقيه ابد ماتوقع البيت اللي راح نعيش بيه نفس هــاي البيوت وگفنا گدام بيت الواجهه مالته بيضه تلمع من گد النضافه مبين جديد ومحد ساكن بيه
نزلنا من السيارات مذهولين دخلنا للبيت هــوَ حــِلوو بَــس الغراض مسوياته هوسه بيبي ورفيف كعدت عالتخم وخوالي رجعوا عالبيت مال اليوسفيه لان مامنتقلين من شغلهم وميكدرون طريق روحه ورجعه بعيد فـ بالعطل ينزلون يمنه على مايلكون شغل بالمنطقه العايشين بيها
صاحتلنا امي رحنا وگفنا كدامها أنـي وخواتي رفعت اصلعها وحچت بتهديد
-بنااااات نذذييررررر هذا البيت يسواچن اربعتچن خوو اذا اشوف وصخايه لو شخطه عالحايط ماتلومن اله رواحتچن ، وهسه يـله گدامي عزلن البيت شوفن الهوسه رفيف انتِ تعاي وياي للسوك كلشي ماعدنا مسواگ وامي نخليها يم الحجيه أم كنان
مرمر:-شِــنو شِــنو لاا بمه عيب ماخذتني يمهم ازاحم الحجيه
خيزران:-بــَنات نذير خاف يسون الج شـيي تَـره ذني غبيات مايدبرنها
مسك:-انقهرت لأنو امي تخاف من عدنا ومتخلي بيبي يمنا ، طلعن واخذن بيبي وياها ، أنـي وخواتي بدينا نعزل وهرم جابت العده وبدت تسوي التلفزيونات الموجوده عفت البنات يعزلن واني طلعت اجيب الوصله والمنضفات جديدات بره عايفينهن
سمعت صوته يحچي بالتليفون نزعت گلادتي اللي لابستها وشمرتها بالشارع من ورى الباب وره شويه فتحت الباب باوعت شفته يفتر گدام بيتهم ويحچي بالتليفون علمود بضاعه ماعرف شِــنو شفت سياره ببداية الشارع وجايه طايره
ركضت لنص الشارع دنگت اخذ الگلاده مالتي والسياره صارت كِلِّـشْ قريبه حسيتها راح تدعمني بعد بيني وبين السياره اربع اصابع گمت وگفت وباوعت على معاذ فاتح عيونه ويباوع مصدوم ضربت السياره مرتين وصيحت ع الرجال اللي كاعد
-شنووو متشوووف لو داعمنيييي ، نزل الولد من السياره ضخم وكرشه كدامه دفعني وگال
-لاتعيطين انتِ شمرتي روحچ گدام السياره يـله تسرسحي
مسك:-من دفعني تراجعت كم خطوه شفت معاذ اجه يمشي بسرعه لزم الرجال من تيشيرته وگال بعصبيه
معاذ:-إنتَ شلووون تمد ايدك عليهااا
-معليك شعليك انتَ يـله وخرو عندي شغل مو بحال سوالفكم البايخه أنـي
مسك:-ضربه بوكس معاذ وذاك دفعه اجو ثنين يركضون مبينين حراس صاروا حاجز بيناتهم وخلوا الرجال ابو السياره يروح اندار عليهم وصاح
-امشوا من وجهي مابييييكم خيررررر
مسك:-اعصابك عاط بيه
معاذ:-انتِ شعنددددچ طااااالعه برررره عاااجبچ من لزمچ موووو لو شوفوني أنـي سافره لاا وفوگاااهااا كعدتي تحاسبين بيه لــيش تمشي سريع اذا هــوَ من بداية الفرع يدگلچ هورن وانتِ بيج وماتتقدمين عالسيااااارررت
مسك:-چان يحچي بعصبيه وصدره يرتفع وينزل من يصيح واني لو بيدي اخنگه شِــنو يرفع صوته عليه طبگت حواجبي حچيت وهو مركز عيونه عليه
-شعليك اصلًا منو گلك تجي تتدخل وتدافع عني ، خليت ايدي على رأسي وحچيت
-رأسي گام يرجعني بسبب صياحك شويه أهدأ
شفته اشتعل بسبب برودي ابتسمت ودنگت اخذت الگلاده لان وكعت من ايدي بسبب الو السياره وگفت رفعتها گدامه وحچيت ببراءة مصطنعه
-شوف داجيب گلادتي لاتضل تفسر الأمور على كيفك جنت ادور عليها بالبيت مالگيتها وشفتها بالشارع يـله بــاي ، سويتله حركه چاو بأصابعي هــوَ صافن عليه ماحچه ولا حرف انداريت ورحت لبيتنا دخلت وسديت الباب دخلت المنضفات وكملنا التنضيف أنـي وخواتي صعدنا للطابق الثاني بيه اربع غرف ضلينا نتعارك ع تقسيمهن
هرم:-معليه مانوم وجد يمي
مسك:-يوم يمچ يوم يم ديالا
ديالا:-شِــنو السالفه تبقى مجهوله عمي تعاي نامي يمي اختي حـبـيبتـي شعندي غيرچ خيولن ذني الأنانيات
هرم:-عندج مسك انطيج بيها بَــس سنتين بهذا البيت بعدها تنتقل لبيت معاذ ههههاي
مسك:-لاتفرحين يجوز يصير العكس ويخطبوج قبلي
هرم:-شِــنو شِــنو يه وييييع أنـي ماتزوج هسه اذا ماحقق طموحي
مسك:-يم امي ماكـو طموح ادفنيهن
هرم:-هسه الغرفه الجوه لأمي وبيبي والغرفه الفوك كل وحده تاخذلها وحده بَــس ديالا ووجد بغرفه
مسك:- اي
هرم:-أنـي اريد ذيج الغرفه خلص صارت بأسمي ركضت للغرفه دخل وسديت الباب واني اتجول بيها وعفتهن هنه يتعاركن عالغرف الباقيه غرفتي بيها كنتور وسرير نفر وميز تواليت هَـم صغير
ساعات اصفن أكول هذا البيت بيه لغز ليش الغرف مأثثه مال نفر وبناتيات لــيش ماخلو كل ثنين بغرفه ومن ضمننا خوالي يَـعنـي البيت متأثث قبل لاا خوالي اصلًا يدرون راح نعيش هنا هْوايَــه اسئله تدور ببالي ولازم الگالها جواب بالأيام الجايه
طلعت من الغرفه نزلت جوه شفت مسك كاعده عالتخم رحت گعدت يمها واسولف وياها
-تدرين فكره انو احنا جوارين آل صحار معدتي تگلب احس واحد ضاربني على بطني وماخذ الحربه مالتي يمممه الحربه مالتي كلشي ولا هـيَ ، تعرفين مسك مو داحچي وياااچ
شفتها مغمضه عيونها ونايمه بهدوء غميت نفسي طلعت نايمه الاخت واني جاي اخرط يمها، باوعت عالسقف بنكه ماكـو رحت لديالا أسألها عالبنكات وگالت ماعرف بيهن وين
-خاف أمچ ناسيتهن
ديالا:-لاا بَــس بــآعي البيت كله سبالت بعد البنكات شنسوي بيهن
هرم:-انتِ مطي شـلون بيت بلا بنكااااات
ديالا:-اشش أنـي بعدني مصدومه معبالي المنطقه هــيچ فخمه
هرم:-غير نصهم حراميه هنا
ديالا:-احنا هَـم حراميه
هرم:-نبوك اللي باگونا منكم واليكم الشعب للشعب
ديالا:-كوون هسه الگالي واحد يمشيني على فلوس وافعل مود القط عندي
هرم:-اي والله كون اكله اريد ١٠٠دولار يكله هاچ ٣٠٠ بدالهن وين الگه هيچ واحد سبورت سمعنا صوت جوه نزلنا شفنا امي جايه هـيَ ورفيف وبيبي بالعربانه تدفعها رفيف امي من شافت مسك نايمه عالتخم دفرتها علمود تكعد
-انتتتِ شلوووون تناااامييين هنااا
مسك:-من نمت حسيت شعر طوويييل ينلف على رقبتي ويخنگ بيه وگاعده على كرسي هزاز عيونه مليانات دموع بَــس ماينزلن دموعي
باوعت لأيدي متقيده اتحرك اريد افك القيود ماكوو سمعت صوت باب انفتح ورجلين تتقدم بأتجاهي باوعت ناحية الصوت شفت عمي مجيد وجهه خالي من الرحمه ينگط قذاره وسم ، يلزم بجسمي اعيط ماگدر الساني انربط وهو كل مابيه ولمساته تصير قويه اكثر الشعر بده يخنگني وعمي تحول إلى ثعبان چنت اسمع الفحيح عرگت بسبب اللي شفته وماحسيت إلا بدفره على بطني فتحت عيوني بصدمه شفت أمـي گدامي
-الله لاينطيچ عرگانه عالتخمم عسااااچ كووووون لانمتي اي اي ضلي وزعي صفنات لاتحچين بيچ توحد ام الجنيه
هرم:-باوعت لمسك ماحچت شـيي گامت ورادت تصعد فوگ اندارت على أمـي وگالتلها
-ماگدر ارفع صوتي عليچ لو اعصيلچ أمر لإن انتِ امي وشوفي هــاي الكلمه شكبرها
خيزران:-عود هـيَ تحچي المخبله هَـم طالعلچ لساااان
مسك:-شما حچيتي ماراح اضوج لأن تبقين امي كلمتچ ولا كلمة الغرييب
خيزران:-صايره متكلمه الخرسه ولچ هووو انتِ ماعندددچ احساس ضحكتييينيييي
هرم:-ابتسمت مسك وصعدت بَــس أنـي حاسه بيها وره هالأبتسامه الففف دمعه متحجره باوعت لامي واني كل ثانيه تمر يزيد حقدي اكثررر بيبي استلمت امي ترزل بيييهااا وهيه ولا مهتمه عفتهم وصعدت فوگ لغرفتي وسديت الباب وگفت گدام الشباك ونقرت على خشمي ثلاث نقرات
معقوله يجي يوم واشوف خيزران تتوسل بينا علمود نسامحها باوعر عالشارع لان غرفتي شباكها يطل عالشارع واني جاي افكر بالموقف اللي صــار گدامي انتبهت للحديقه مال جواريننا اللي بصفنا اكو سلاح كِلِّـشْ حــِلوو جذبنييي وخليته ببالي لازم يصير الييي
فتحت الشباك واني ارسم خطه بمخيلتي علمود اخذه طفرت من الشباك على البالكونه باوعت هذا الباب شكد ثوله أنـي غميت نفسي ماطلعت من الباب طفرت من الشباك لاا خوش راح اخذه
باوعت عالسياج قريب الحايط اكدر امشي عليه وانزل بالحديقه مالتهم اخذ السلاح بعديـن اصعد ع الحايط اتسلقه ومن السياج للبالكون لغرفتي الله حلوووو
وصلت بكل سهوله بقه اطفر واصير بالحديقه بس ما اخذت السلاح مجرد وصلت السياج واتذكرت شغله رجعت من نفس الطريق قفلت باب الغرفه مالتي خاف واحد يدخل وميلگاني
بعدها طلعت من الباب مال البالكونه عالسياج باوعت للمسافه اكثر من مترين من السياج للگاع شفت الستائر مسحوبه وكامرات ماكـو واكو غرفه عباره عن جام بيها السلاح ومن دققت النضر شفت اكثر من سلاح بَــس مفككات واللي عجبني لاا كامل
قررت اطفر وويه ماطفرت انفتح الباب وتشتت انتباهي ووكعت بالحديقه مال الجوارين بلعت ريگي بصعوبه واني اباوع للأقدام اللي تتقدم بأتجاهي
.
.
يتبع