ᰔᩚＣｈａｐｔｅｒ Ｎｏ 13ᰔᩚ
Siyaah rang ke three piece suit mai malboos wo us sofay pe bethhy na jany kab se uska intazar kar raha tha...
Yakdam se darwaza khulne ki awaz sunayi gayi thi usne foran se apna chehra utha ke samne ka manzar dekha tha.. Aur dekhty hi na jany uski jism mai ajeeb harkat hui thi.. Kya koi itna khoobsoorat ho sakta hai uske dimag ne shyd yeh bat sochi thi.. Mehboob har haal mai khoobsoorat lagta hai, Mehboob dil se lagy tou khoobsoorat hi tassavur huta hai.. Yeh dil ka jawab tha jo usse muskuraanya pe majboor kar betha.
"Chale Shehryaar?" Zarnish ne apni sari ka palu sahi karty usse mukatif kiya tha, wo na jany kabse usse dekhe ja raha tha, wo surkh rang ki sari mai beyad khoobsoorati ki misaal qaim kar rahi thi.
"apka irada kya hai?" yeh ajeeb sa puchne jany wala sawal Shehryaar ka tha, Zarnish ke mutabik
"Matlb?" wo be yaqeeni se usse dkeh rahi thi..
"apka irada meri saansein band karne ka tou nahi?" wo uske qareeb aye, kaan Ke qareeb bola tha, Zarnish usko apne achanak qareeb paye zara khabrayi thi.
"ma.mai. samjhi nahi" wo ba mushkil boli thi..
"Hayee yeh mosoomiyat, yeh nain dil ka le ja rahy hain chain" Shehryaar apna sidha hath dil pe rakhe bol raha tha, Zarnish uski ajeeb hi halat dekhe has pari..
"ap.. Apko ho kya gaya hai" Zarnish ne apni hasi ke bich kaha tha..
"Bhukkar, special bhukkar" Shehryaar ne usske nazdeek aaty, uske chehre pe ati hui zulfo ko hataya tha, wo usse dekhti haste ruki thi..
"ahh i see, hairan karte rehte aap mujhe" Zarnish uski gardan ke gird apni bahy philaye boli thi. Uski bat pe Shehryaar halka sa hasa tha.
"aur Mujhe apka yeh hairan karna pasand hai" wo phir se boli thi.
"aur Mai?" Shehryaar ka masoom andaz mai ek chota sa pyara sa masoom sa sawal tha.
"Aap.. Hmm.." wo sochne ki acting kar rahi thi, halake wo uske is sawal pe lajawab thi.
"mai!?" Shehryaar uske mazeed nazdeek jaty bola tha, aur wo ek ek qadam karti piche hui thi..
Yuhi wo diwar se lagy ruk si gayi thi, Shehryaar ne uske gird diwar pe apna hath rakhe usse khudhi mai qaid kar liya tha.
"jawab ka muntazir hai banda!" uski awaz uske dil mai halchal si macha rahi thi.
Ke achanak hi vase niche girne ki awaz sunayi gayi thi, dono khud se alaida huwe vase ko dekhne mure..
Samne khara Husam ba mushkil muskura raha tha, sharmindagi ke sth
"I.. Iam sorry sorryy"
"mai bs guzar raha tha.. Na maine kuch sunna na dekha.. I promise!"
Wo sharmindagi se nazre idhr udhr ghoma raha tha..
"Acha relax" Shehryaar ne uski sharmindagi dur karte kuch kaha tha.
Wo gehra sans bharte waha se janny ko mura tha "bare galat waqt pe entry mari hai maine hayee Allah g kyu!?
Wo khud se barbarata aage ko chal diya tha.
Shehryaar piche mure Zarnish ko dekhe ruka tha."chalain begum?"
Jawaban Zarnish ne sar asbat mai hila diya
Shehryaar uske nazdeek hute apne hath mai uska hath liye parking porch ki taraf Chal diya..
.........
Wo teeno marriage hall mai punchy chuky thy.. Aur chacha se milte nazar arahy thy..
"Aba phool kidhr hain??? Larke wale aaty honge.. Phoolo ki theliya mujhe jald se Dede" Wo bhagti phuli hui sanso ke sath apne aba se mukatif thi..
Laal surkh maxi jora pehne wo shehzadi se kam nazar nahi arhi thi..
"Acha Husna ruk ja Putar abhi laya" wo usse kehte mure thy,
wo abhi pout kiye ab apni jagah se hili thi aur nazrein us seene se bandhe khare shaqs pe pari, lal three piece suit uspe gazab lag raha tha..
Wo wohi shaqs tha jo uski saansein lamhe pal rukne ki taqat rakhta tha..
Nazrein usse hata li gayi, werna wo chahti tou usse kabhi nazrein na hatati..
"yeh.. Yeh apko kya huwa?"
Uske hath ki patti pe nazar pare wo khabrayi thi.
"Kal se lagi hui hai"
"par kal.. Maine notice nahi kiya tha"
"lekin aj kar liya" wo ek qadam uske nazdeek chala tha, aur Wo ek qadam peeche ko hoi
"aa.. Wo..mai"
"kya?"
"dehan nahi rakh sakty?" wo ankhe uthaye boli thi
"kiska?"
"apna aur kiska?.. Zakham gehra hai?"
Uski awaz mai fikarmandi ubal rahi thi
"farq nahi parta.. Khair hai"
Wo dheema sa muskuraya tha
"yani zakham Waqai gehra hai??"
"Insaan ke bache banny aap"
Wo phir se boli thi, lekin is bar Awaz mai sakhti mehsos hui thi
"kyu shakal se bandriya ka bacha lagta hu?" wo herat se us larki ko dekh raha tha
"wo apko maloom hoga lekin sunne khud ko takleef nahi deni chhaiye"
"aur maine Kab khudko takleef di?"
"yeh zakham!" uska hishara uske zakhmi hath pe tha, jany anjany wo sahi thi yeh uska khud ko khudhi diya zakham tha.
"hmm gusse ke badulat yeh harkat sar anjam di gayi hogi jiska nateeja samne hai" wo sochti hui boli thi, Husam ab ke khamosh khara raha.
"zyada andaze baaz galat sabit huty hain, aur khush fehmiyoon ka bich boty hain"
"hum adi hain khush fehmiyoon paalne ke"
Wo dhemi hasi thi
"akhir mai har cheez tor deti hai!"
Sanjeedgi chehre pe sawar rahi thi
"manpasandi mai tootna bhi azeez huta hai"
"hath se sab phisal jata hai"
Uski ankh mai kuch toota tha
"sacha yaqeen se wo bhi hasil hojata jo la hasil nazar ata hai"
"Yaqeen ka safar asaan nahi"
Sar sabz ankhein aur anaari range ankhein aapas mai mili hui thi..
"tabhi tou uska ajar haseen huta hai!"
"itni bardash, itni taqat.. Kaha se aye gi?"
"Kaamil yaqeen dil mai ho tou har mayoosi umeed mai badal jati hai!"
Is guftugu ke doran Husam ab jakay khul ke muskuraya tha, wo larki Yaqeen ke safar mai bhut aage jany wali thi, uska yaqeen Kaamil yaqeen nazar araha tha.
"kisne la jawab kar dala apko janab?" Husna ke waha se foran jaty Husam khayalo mai khoya nazar aya tha.
Shehryaar ki taraf Dekhe Husam ne muskurahat ka agaaz kiya tha.
"Kaamil yaqeen ne, aap jese Yaqeen ki jhalak kahi aur bhi dekhe dil mutmeen sa hojata hai"
"Naraz ho mujhse?"
"hargiz nahi, Husam apne bhai se naraz ho bhala itni uski auqaat kaha"
"nahi pagle bhut anmol ho beyad anmol, naraz hone manana yeh rishto ki khoobsooratiyan huti hain"
"wese kidhr chor aye apni begum ko?" Husam ne sharati muskurahat ke sth pucha tha.
"Unko chorna asaan nahi khambakt-dil pe hukmarani kar rahi hai wo" Shehryaar ne gehri muskurahat ke sath kaha tha
Husam ne chaha unke Sadkay warray jaye.
"aha hmm sahi ja rahy aap" Husam ne bari mushkil se apne chehre pe sajne wali muskurahat ko roqa tha.
"Zyada tang na Karo mujhe, Mai bara hu tumse" Shehryaar sanjeeda nazar aane ki badulat bola tha. Husam sar asbat mai hilaye muskura diya.
Shehryaar apni muskurahat kabu karta udhr se jany ko mura tha..
Aur murte hi bilfaiz muskura betha.
Uski khil khilati hui gehri muskurahat ko Zarnish be-yaqeeni se dekhe uske pas ayi thi.
"Kis pe dil agaya?" wo hath seene pe bandhe uske aage khari hui thi. Shehryaar lamhe bhar tou usse dekhta gaya herangi se.
"yeh dil ek hi shaqs ka paband hai, aapse nazarein hatay gi tou hi kahi aur jaye rukein gi" wo uski ankho mai khoya sa bola tha, yeh kehna tou galat tha ke uske alfaz sunne Zarnish ka dil dharka na ho.
"ahm ahm" wo apni nazrein dahey bahey ghomaye, khud ki muskurahat daba rahi thi.
"haq halal ka shohar hu apka, dil khole muskuraye,
Hum apki ek muskan ke dewanay tehry"
Ab ki bar Zarnish kii muskurahat rukna ba-mushkil tha, uske hont khudbakhud gehri muskurahat ko uske labo pe saja beththy.. Aur uske gaal na chahty huwe bhi surkh laal horhy thy..
Kya wo Sharma rahi thi?
Ajkal wo usse heran pe heran karte ja raha tha, wo khush thi ke wo ek qabil e aitbaar khush iklaaq izzatdar shaqs ki izzat dar biwi thi..
Wo yuhi ek dosere ki ankho mai khoye rahy thy.. Waqt bhit raha tha ya thehra huwa tha.. Jo bhi tha waqt bhut khoobsoorat mor pe tha..
....
Takreer se farigh huwe wo sb mehman apne apne ghar ko riwana huwe thy..
Wo dono mai ghar aaye apne kamre mai mujood thy..
Zarnish aaine ke samne khari apne baalo ko sawar rahi thi jabke Shehryaar fawaqta waqta usse pyar ki nigha se tak raha tha..
Zarnish ne uski nighayein apni taraf aaine ki badulat parti dekhi thi.. Kuch pal ke liye dono ki nazrein appas mai mili thein..
Zarnish apni jagah se hile Shehryaar ki taraf ayi thi aur uske sath bed ki side pe aye chup chap beth gayi..
"Shehryaar.."
"ji begum sahiba"
"mujhe apse baatein karni hain" wo masoomiyat andaz mai boli thi.
"jii karein mai sun raha hu" wo apni puri tawajha se uski taraf dekhne lag gaya
"Baatein karni hain, sunani nahi hai" wo dono jumle ko daabthy huwe boli thi
"okiee mai aap aur dhair sari baatein" Shehryaar ne uski taraf dekhty pursakoon lehje mai kaha, wo muskura di..
"Shehryaar aap bhut achay hain" Wo uske kandhe pe sar rakh chuki thi
"yeh bat shyd mai bhi janta hu" masoomiyat se jawab diya gaya.
Zarnish ne sar uske kandhe se uthaye usse dekha tha "aap Waqai bhut achay hain"
"begum apne kaha tha baatein karni hain yeh tou aap meri tareef kar rahi hain"
"tou kya apko apni tareef hazm nhi ho rhi?" wo uski taraf be-yaqeeni se dekh rhi thi
"Zyada tareef kare gi tou Shyd mai hawao mai udhne lag jaon isi liye.. Baatein karte hain idhr udhr ki" wo halka sa hasa tha.
"idhr udhr ki baatein tou muhalle ki auntiyaan karti haina?"
"begum, maine baatein krne ko kaha hai chuguliyaan karne ko tori" usne gehra sans bharte usse samjhaya.
Agle hi lamhe Zarnish has pari thi, uski hasi dekhe Shehryaar ne usse dekha tha bilkol be-yaqeeni ke alam mai.. Par usi ke baad wo usse Tamanni ke alam mai dekhe muskura diya..
"koi itna pyara kese hasta hai.."
"meri Zarii.. Meri zouja... "
"سيدة قلبي بأكمله" (Sayyidat qalbi bi-akmili).
"lady of my all heart"
Wo haste ab ruki thi aur nazar uspe pari jo musalsal ussi ko hi dekh raha tha, Zarnish ne ankhein jhaptkaye usse pukara tha..
"Shehryaar!? Kidhr kho gye"
"Ya Qalbi" Shehryaar ne uski awaz sunne apni dil ki baatoon ki dastaan ko band kiye usse dekha tha, aur yukdam usse nazdeek aye uska matha chum betha..
"Chale ab aap soo jaye bhut dair ho gayi hai" Shehryaar ne waqt pe nazar parte usse mukatif kiya..
"Aap kidhr chale?" wo usse jata dekhe usska hath pakre boli thi..
"idhr hi hu apke pas.." wo uska hath apne hath mai liye muskura diya. Aur uske sth hi barabar mai aye bistar pe aram farmanay lait gaya..
Dono ne ek dosere ki taraf chehre ka ruk kiya tha aur sth ek pursukoon muskurahat honto pe sajaty huwe nind ki agoshiyoon mai sawar hone ko thy..
...
"kya huwa beta? Yaha kyu bethi ho?" Wo usse mukatif thi, jo na jany Kab se us adhere bhare kamre mai bethi hui thi
Apni maa ki taraf dekhe wo apni jagah se uthi thi..
"apko kyu farq par raha hai? Ap tou mujhe apni beti nhi manti"
Tabbasum ki uski bat sunne ankh nam hone ko thi..
"yeh kesi baatein kar rahi ho Alisha, meri bachi.. Apki mama apse bhut pyar karti hai, fikr rehti hai apki har pal.." Akhir wo tou ek maa thi jazbaat mai aye usse apne seene se laga bethi..
"batao beta kya huwa yun udas kyu ho?"
"Mama wo.. Zoya aur Ibraheem mujhse khafa hain...."
"kyu? Phr se larai kar li tumne un dono se??"
"Mama mai nhi larti bs wohi dono mujhe samjhtey hi nahi.."
"puri bat batao kya huwa?"
"Mama wo mai... UsUske ghr gayi thi... Aur.... Bas isi bat pe Zoya aur ibraheem mujhse khafa hai.. Ap hi bataye maine kya galat kiya?"
Lamhe ki khamoshi mai ek tapphar ki awaz ghonji thi..
Aur Alisha apna laal huta gaal pakre niche zameen pe dekh rahi thi..
"kya huwa????"
"kis cheez ke girne ki awaz rhi??"
Arzang khan bhi waha preshani se dorte aaye thy..
"Mar jaooo sharam se tum.. Ginn aati hai tume apni beti kehte huwe usse bhar kar ek insaan kehte huwe...!!"
"kya huwa Tabbasum kyu chila rahi ho bachi pe?" Apni Pouti ko apne gale se lagaye wo aag bagola huti Tabbasum se mukatif thy..
"huh.. Apne hi bigara hai isse!!!! Apne andar tou bohja hi bich nafrat ka lekin is ke andar bhi wahi nafrat bhara bich boh dala!!!... Apko zara sa bhi tars nahi aaya??? Zara sa khouf nahi aya??? Kabhi socha ke kya karne ja rahy thy aap, aur kya isse karwanay ja rahy thy aap??? Apko apna bara, apna buruzug kehte huwe sharam arahi hai.... Khudara bss kar deee baksh de unhy!!! Yeh mere jore hath hai apke aage!!!... Aur sudhar de apni ladli ko...
"kya bakwas kiye ja rahi ho Tabbasum??? Zara khouf kro"
"kuch nahi rakha in nafratoon mai siwaye pachtawao ke... Akhir mai insaan inhi nafratoon ke hatho pachtaway ka ruk murta hai... Kuch hasil nahi huta nafrat karke... Jisse aap shadeed nafrat karte haina wo kab ki mar chuki hain.. Bs apki nafrat nahi mari.. Us shaqs ka shohar apka beta tanha reh gaya.. Us shaqs ki aulaad juda juda si hogayi.. Wo hasta basta ghar ujar gaya.. Wo mar gayi.. Lekin sirf apki yeh nafrat nahi marii!!!!.... Khuda ka wasta hai mur de apni ladli ko is nafratoon ke rasto se "
"DILAWAR ISSE YAHA SE LE JAO!!!! isse phele ke mai kuch galat faisala kar bethu.!"
"afsoos se apne kabi zindagi bhar sahi faisale nahi kiye... Agar kiye hute tou aj ap aur baki sab sakoon mai hute!!"
"BAS TABBASUM BASSS!!!!"
"Kab tak bhage ge sach se.. Ek na ek din sach khud apke samne hoga tab aap nazrein churane ke qabil tak nhi rahy ge.. Pachtatay rahy ge... Humesha ke liye.."
"Chalo Tabbasum.." Dilawar bebasi se Tabbasum ko waha se le jany pe razi kiya tha..
Tabbasum ke waha se jaty hi Arzang khan apna sar pakre beth chuky thy...
Maazi ke ek ek safay samne manzar khashi ho rhy thy..
Unka wo hasta basta ghar ab veraaniyaan siwa kuchh nahi rakhta tha..
Wo apne kamre ki taraf khamoshi ke sath chalte aaye thy aur apni almari ke ek drawer se ek tasveer hath mai liye wapis bistar pe aa bethe..
Ek hath us tasveer pe phirey wo kuch mehsos kar paa rahy thy..
Purani yaadein
Unka hasta khelta ghar
Do bete ek ladli beti
Bhai behno ka pyar
Unki marhoom biwi
Wo apnaiyat, wo apna paan
Sab kuch yaadein ban ke reh chuka tha in unis(19) saalo mai...
"Zaeemah..." unki ankh nam si hoi thi..
Par agle hi lamhe wo khud pe kabu paye ruk gye... aur jhat se tasveer ko zameen Pe de mara... Tasveer ka shisha aas pas karchiyoon mai bhikar chuka tha..
Unke nazdeek wo ek dhoke baaz thi.. Aur dhokebaaz log Arzang Khan ko na gawar sabit hote aaye hain..
....
"chale ab aap sakoon se yeh
kuch din guzare, jese sb
shohar apni biwi ke mayke
jane ki khushi mai guzarte hain"
Apne suitcase ko pack karte huwe wo darwaze se andar aaty huwe thakay huwe Shehryaar se mukatif thi..
Shehryaar ne usse sar se leke paon tak ek nazar dekha tha.. Wo heraan tha.. Kafi zyada..
"Yeh khambakt dil apke bagair kaha lagta hai, lagaye na lage kahi lagta hi nhi"
Uske alfaaz humesha ki tarah aaj bhi Zarnish bechari ke dil pe halchal se macha de rhy thy. Wo usse nazrein na mila saki.
"ja kyu rahi hain aap?" wo afsos se naram lehje mai mukatif tha.
"jab se idhr ayi hu tab se bibi jaan se milna nahi huwa tou socha unke sath jakay waqt guzar aaon"
Wo wazahat pesh karne lagi..
"aur mera kya hoga apke bagair? Yeh nahi socha?"
Wo hath seene se bandhe dressing mirror ke sahare khara huwa usse dekh raha tha.
"kya sochna chhaiye tha?"
Zarnish ne ankh uthaye ussi ki taraf dekha tha.
"mujh gareeb miskeen pe reham kahy mohtarma" wo masoomiyat se kehta qayamat dha raha tha, Zarnish muskura bethi
"kuch hi dino ki bat hai mai ajao gi wapis Mr. Shehryaar, tab tak zindagi enjoy kre"
Uski zuban se apna naam sunne Shehryaar muskuraye bagair reh na saka.
"Apke Bina bhi koi zindagi zindagi rehe gi..tou khaak us mai enjoy" wo muh phulaye bola tha.
Zarnish uski bat pe has di thi.
"hayee chale janab ab muje drop kar ke aayeee"
"jo hukam sarkar! Hum apke panahgar"
Wo uske hukam ki pawandi karte uske peeche chal para..
Dono ek dosere ke sth muskurahatay muskurahatay gari mai aa bethe thy.
.....
Shehryaar usse Bibi jaan ke ghar drop kiye khud udhr se wapis ko araha tha ke samne barabar mai ek bhag ki bench pe usse koi larki bethi nazar ayi thi.. Wo foran apni gari se utarey uske pas puncha tha.. Aur uske barabar mai chup chap sa beth gaya tha..
"kyu aaye hain yaha..?"
Usne usse apne barabar mai kisi ko mehsos karte, us shaks ko sirf ek nazar dekha tha..
"meri guriya ko ab uske bhai ki majoodgi bhi zehar lagti hai...?" wo shikasta muskurahat ke sath bola tha..
"aap mere mujrim hain..." wo bas itna hi keh saki thi..
"mai tou na chahte huwe bhi sabka mujrim hun.."
"kyu karte hain aesa phir?"
"Mama ka kehna tha sab ke sath banaye rakho..."
"Mama ne yeh tou kahi nahi kaha ke kisi ki zindagi tabah kar dalo..." Arwa ne uski bat bich mai hi Kat dali thi..
Ek pal ki khomoshi ke baad Arwa dobara si boli thi..
"Mama ko ap pe maan tha..
Afsoos apne unka maan tora hai...
Mama agar aj hum logo ke bich mai huti tou jeetey jee mar jati... "
Shehryaar ne uski taraf dekha tha..dil e dard se bhari kaifiyat mai.. Uska halak Khushk ho raha tha.. Par phir bhi chehre pe muskurahat thi.. Udaasi bhari muskurahat..
"mai mama se beyadd muhabat karta hu.. Unke liye kuch bhi kar sakta hu.. Jaan de bhi sakta hu."
"khair filhal tou aap kisi ki jaan le rhy hain!"
"Arwa mai itna bura nahi hu jitna tumne samjh liya hai...!" wo bebasi mai bola tha.. Wo uski behn thi.. Uski izzat thi..
"aap Utne achay bhi nahi nikle jitna maine samjha tha!!!"
Wo sar jhukaye usski baatein sunte ankh ka kona nam kar chuka tha..
"albata muje apse koi behs nahi karni, bas darkhast hai ke khudara meri aur Nizam ki zindagi se bhut dur chale jaye.. Chahe uske liye apko marna hi kyu na par jaye!"
wo jo muh mai aye bolti hi chali gayi yeh tak na soch saki ke samne uska bara bhai tha jisse wo yun mukatif thi.. Kya wo waqai nahi samjhti thi ke uska bhai bhi ek dil rakhta hai usko bhi takleef punchti thi uske yun rawaiye se..
"Nizam se itni muhabat!?" wo halka sa muskuraya tha, karta bhi aur kya.. Uske bas mai kuch nahi tha.. Bas wo sab kuch bardast karne ke liye tou jee raha tha..
"wo itne burey nahi hain jitna aap muje tassavur karwana chahty!"
"bura nahi hai wo.. Lekin uska haq nahi banta tum pe hath uthanay ka"
"aap humdardi ka dhol na bajaye jabke aap hi uske is rawaiye ki wajha hain"
Wo shikasta muskura betha..
"hmm... Dekho guriya yun kisi bat ko mukamal sach nahi maan lete.. Har bat ke teen phelu hute hain, ek Sach khud, ek hum, ek dosera shaks.. Har insaan ka apna apna point of view huta hai aur Kahi na kahi wo sahi bhi huta hai lekin har baar har point of view sahi sabit nahi huta.. Ek baar sach ko tarjee deke dekho.. ek baar sach ko khud sach bolne ka moqa deke dekho..."
Wo khamoshi se uski bat sun chuki thi.. Aur yak dam uthi aur chalti chalti peeche muri thi..
"jis din Nizam khud Mujhe aake kahein ge ke aap Kasoorwar nahi hain.. Bas usi din se aap Kasoorwar nahi rahein ge.. Par usse phele aap hi Kasoorwar hain!"
"mai apni begunahi sabit kru tou kya muje meri guriya wapis mil jaye gi???"
wo khushi se puch raha tha.. Jese wo waqai sab haasil karne ke qarib tha.. Lein kon jata tha wo raasta phele kahi aur ka hi ruk moray betha hai..
"Ho sakta hai! Kar ke dekhaye khud ko begunah sabit" wo kehti waha se jaa chuki thi
Peeche Shehryaar muskurahat liye utha tha.. Wo apni begunahi sabit karne ko chala tha.. Usse uski behn wapis chhaiye thi.. Kisi bhi haal mai.. Jiske liye wo kuch bhi kar sakta tha.. Kuch bhi qurbaan kar sakta tha.. Aur wo tou qurbaaniyoon dene ka shokein tha...
...
"Bhabhi kaha hai?"
Husam ne lounge mai aate sath waha bethe ghomsum Shehryaar ko sar jhuke dekhte usse pucha tha.
"bibi jaan ki taraf gayi hai kuch din waha rehne ke liye" Shehryaar ne amoman bas bataaya tha.
"ohh i see tabhi itne ghomsum bethe huwe hain aap!?" wo usse chirah raha tha.. Sharati muskurahat ke sth
Shehryaar ne sar uthaye usse dekha tha
"ab aesi bat.. Bhi nhi hai.. Mai kuch aur soch raha tha.."
"kya huwa sab khairiyat? Kuchh huwa hai??" Husam sajeeda hute huwe bola tha
"pata nahi.. Kuch keh nahi sakta.. Smajh nahi araha karu tou kya karu.."
"kis hawalee se?"
"Arwa mili thi muje aaj... Wo muje apna mujrim samjhti hai.. Apni khushiyoon ka qatil.. Apne sath hute zulm o sitam ka Kasoorwar.. Nizam ke badulat.."
Uski awaz se usski bebasi ka saboot mil raha tha..
"Chahta kya hai wo?? Muhabat karta tha na wo Arwa se??? Phir kyu wo uske sath yu badtar salook iktiyaar kar raha hai aur yeh Arwa ki aqal ko kya hogaya hai usse samjh nahi aata abuse Kya huta hai.. Wo usse mentally physically har tarah se torture kar raha hai aur wo mahaaraani chup chap bardast kar rahi.. Kya wo isse Nizam ki muhabat samjhti haiii??????"
Usse nahi maloom tha wo kya tha wo bas khud ko gusse se ruk nahi paya.. Wo cheek utha tha.. Uska khoon khol raha tha.. Wo is liye nahi ke wo usse muhabat karta tha.. wo is liye bhi nahi ke wo uski dost thi.. Balke wo is liye ke wo usske farishte jese bhai ki ek louti behn thi.. Aur Husam tou Shehryaar ka dhuk takleef apna samjhta aya tha..
"Husam, muhabat mai insaan aqal ka istamal nahi karta.. Agar insaan muhabat karte waqt aqal ko tarjee de de tou wo khambakt muhabat hi kyu kare ga?"
Shehryaar ne apni jhuki hui gardan usski cheek o gusse ke darmiyan uthayi thi..
"insaan ko ab itna bhi muhabat mai kho nahi jana chhaiye.. Tore bhut apne senses ko bhi khole rakhe!"
Wo khud ko qabu karta ek sofe pe beth chuka tha..
"Husam! Yeh lafz muhabat sare hosh uda deti hai, yu samjho koi addiction hai aur jab koi kisi cheez se behadd addict hota hai tou phir kaha hosh kaha madhosh kese maloom parta hoga usse"
Har baar ki tarah.. Humesha ki tarah Shehryaar wo taqat rakhta tha uske hosh udhany ki.. Usse behadd khoobsoorat tareeqe se baat ko samjhane ki..
Kyu tha wo Shehryaar Sikandar itna acha?
Kyu har baar wo uske nazdeek bethar se behtareen sabit huta chale aaya..
Jo bhi tha Husam ko Shehryaar se apni akhiri sans tak muhabat kam nahi honi thi
"Wo apse kis bat pe badguman huwa hai? Kis bat ka badla lena chahta hai??"
"pata nahi Husam.. Allah jany Wo kya chahta hai.. Wo mera sab se behtareen dost tha pata nahi kyu achaanak se itna badal gaya..."
"bhai shyd wo apse dosti kisi bat ka badla lene ke liye ki gayi thi?"
"lekin phir bhi wo bat hai kya aesi.. Aesa kya galat hogaya mujhse!??"
"ya kahi koi usse manipulate tou nahi Kar raha?"
Husam ke kehte hi Shehryaar ne yakdam usse dekha tha.. Kya aesa tha? Par akhir kon tha is sabke peeche
"par akhir yeh kaam kre ga kon?"
"koi tou zaroor hoga, Hume maloom karna hoga.. Arwa jaha Nizam ke sath rehti hai waha kon kon aur rehta hai?"
"Nizam ke koi maa baap nahi hain, wo aur Arwa hi rehte hai us ghar mai.."
"apko kisne bataya tha ke Arwa ke sth aesa wesa salooq huta hai?" wo kuch sochta bola tha.
"waha ki ek mulazama thi unho ne bataya tha.."
"Theek.. Ab hum usi mulazama se mile ge, aur is talash ki safar e manzil ka ibtida kare ge."
"par Husam unko kya maloom ho sakta Nizam ke bare mai??"
"wo waha ki mulazama hain tou zahir hai apne malik ke bare mai kuch tou janti hi hongi."
"Husam..." Shehryaar ne fikr se uske kandhe par hath rakha tha..
"fikar na kare bhai.. Mai Husam apse wada karta hu apki behn apko sahi salamat dobara wapis loutaon ga.. Chahe Iske liye muje marna hi kyu na pare!!!"
Yeh uska ehd tha Shehryaar se.. Aur wo apne ehdo se phirne wala nahi tha..
.....
As salam alaykum Pyare logo🤌❤️
Kya haal chaal sabke???
Update wo bhi finally after decades hahahahhaahh🤧😂😭i know and iam literally shoo shoo sorry for it, but yaar mai bhi update karne ki halat mai hargiz nahi tha it was tough time for me.. Khair I am not here with my dhuki dhuk 😂😭
Aap sab log update enjoy kare aur muje feedback dete jaye :)
Allah Hafiz ❤️ take care of yourself, be kind to yourself, love yourself today a little tomorrow a more ❣️🫂
Spread kindness and Happiness all over, let your kindness ✨🫀