🔥حصريا فقط على مجموعة لهيب الضوء 🔥
# لا_يـــــــــــــحـــــــلل_نشر_نهائـــيا
⎓⎓⎓⎓⎓⎓⎓⎓⎓⎓⎓⎓⎓
🌹القصة بعنوان 🌹
#مَـــــسْك_الرُّوُسْـــــفِـــيِ
بقلم#أضـــواء
⎓⎓⎓⎓⎓⎓⎓⎓⎓⎓⎓⎓⎓
كان اول واحد ناض هو روسفي شاف قطة تاعو راقدة ناض دوش و لبس و دار الريحة فتح الخزانة خرج دراهم و كواغطهم يروح يجيب باش يرجعو (البناتتت ادمااان هاد الشي والله ) خرج لقا يماه نايضة تتقهوة
هبة : قهوتك هاي هنا وين بيها بهاد الحطة تشوفك هكذاا تعلقك
روسفي: هههههه مادارت والو و راني رايح نريزيرفي باش نرجعو باش نديها لطبيبة باش نشوفو
هبة: ايه خير هنا طبة غير كور وعطي لعور العود يمدولو دوا تع حمار رفد مرتك ورجع
روسفي: اني رايح مالا (باسها من راسها و خرج )
⎓⎓⎓⎓⎓⎓⎓⎓⎓⎓⎓⎓⎓
رجع لقاها نايضة تشرب فالحليب منين طلت الشمس شافتو يشوف فيها
مسك : علابالي علابالي الله غالب بغيتو ماشي انا هادا (دارت اشارك لكرشها عاودت شافت كاشها ابري عاودت طلعت راسها بالخف و شافت فيه شافها هكداك فهم )
ايهييههه وين كنت بهاد الحطة و روايح ربحت عليا لقاو راجل امبورتي جاهز للطلبية يااك ا شلاهبييي اشارف ولاد عتيقة مافيهم تيقة ماكذبش المقل اواااه
هبة : بنتي هادا ماشي وليد عتيقة
مسك : يرجع يدبر راسو
روسفي: اصبري شكون ولاد عتيقة هادو
مسك : لا لا ماتبدلش هدرة
روسفي: رحت باش نرجعو للدار
مسك: ايه موكتا
روسفي: غدوة صبح على ثمنية هادا وش لقيت وعلى زهرنا قعدو برك 3 بلايص
مسك : مالا تروح تجيب ماما انا فيا دوخة شويا مانقدرش طريق
روسفي سمعها قالت دوخة ولا صفر : دووخة وعلاه راكي واقفة روحي لبلاصتك
مسك : نقعد في بلاصتي بزااف
هبة: حاجة نورمال ابنتي
مسك تبسمتلها: علابالي راني نستنا كثر
روسفي : روحي اقعدي فالصالون روحي نهار كامل كي بوزنزل
مسك : ايه ايه بن عمييي نعيط لياسمين قبل (عيطت لياسمين قالتلهم بلي روسفي يجي يجيبهم غدوة رايحين وجدو روحكم و روسفي راح يجيبهم هيا ناضت وجدت شمبرة تاعهها ليهم دار فيها روج شمبرات برك هيا و روسفي راح يرقدو فالصالون )
⎓⎓⎓⎓⎓⎓⎓⎓⎓⎓⎓⎓⎓
زوج سوايع رجع روسفي مع مروان و ياسمين و طبيعة الحال احسن استقبال من عند هبة و فاتت سهرة شابة بيناتهم مع ضحك مسك اللي مايخلاصش
كي لحق وقت الرقاد كل واحد راح لشمبرتو غير مسكو روسفي راحو للصالون
روسفي: علابالك شحال عندي مارقدتش فالارض
مسك : هههههههههه اليوم رقدت
روسفي: ارقدي باش تقدري تنوضي على خمسة
مسك : نتا شحال تنوض
روسفي: ربعة
مسك: انا ثاني فرق السوق (ورقدت )
روسفي: طفات ايه تصبحي بخير ههههه (تقلب على جنب وعنقها مدخلها فيه شوي و يرجعو واحد )
على ربعة صونا رافاي ناض ثاوب و شاف في مسك دك هادي تنوض على ربعة قعد ينوض فيها
روسفي: مسك (قعد يهزها ) نوضي
مسك تهدر و اينيها مغلوقين: وشنو
روسفي: راهي ربعة
مسك : خلاص نضت (تقعدت و عينها وغلوقين و شعرها الاورونج مشعشعو هيا تحك فيه و تريكو الي لابسة طالع حتى روسفي مد يدو هبطلها شعرها و تريكو حتى نطقت بحاجة خلاتو ييبس
مسك : بغيت بغرير بالسكرر و شيبس هاداك تع شيكولة تع بكري قولي دك برك منين نجيبهوم انا والله غير نحكها في وجهي و جي بغريرة في وجها ايا دك (ناضت رايحة لادوش )
روسفي: بغرير على ربعة تع صبح كي ماقالتش شاورما كامل راني مليح ( ناض رفد هو الفراش الراجل الصح و ستناها حتى خرجت و دخل هو هيا دخلت للشمبرة لقاتتهم راقدين
مسك : نوضوو نوضوو راهي ربعة
ياسمين : دين باباك كلب
مسك : ههه شعلت ضو جيت ندي قشيي و قش راااجلي ارقدي ارقدي (رفدت القش و عاودت طفات الضو و خرجت دخلت عليه فلادوش كان يدوش
روسفي: طل عليها ارواحي دوشي
مسك : لالا خاطري مروع و قشك راه هنا ياك
روسفي: تحبي نجيبلك حاجة
مسك : لا لا كمل دوش
روسفي كمل دوش و دار منشفة على روحو حتى سمعاها ترد خرج ليها لقاها فالارض مع توالات قلبها خرج هو شدلها شعرها و يمسحلها على ظهرها : سمحيلي
مسك ناضت تغسل : نتا ثاني سمحيلي علاه مهبول
(غسلت فمها و ضروسها ) هادي حاجة عادية راني اونسانت نورمال ياك
روسفي: راح نحاول نتقبل هاد شي
مسك : تحاول ههههههه كملت تلبس قشها حتى هو خرجوا راحت طيبت الفهوة حتى خرجت هبة ثاني و ياسمين و مروان قهوة نسمة الصباح مع العايلة حاجة شابة
لحق الوقت اللي يروحو شوية تع بكا راكم تعرفو حالة المتغرب غير مواليه اللي يبكو عليه
ياسمين:ديري بالك على روحك ماتوقفيش بزاف و ماترفديش ثقيل
مسك : ههه شغل دار نتي ديريه ماتخافيش باباه الغول هادا (دارت بيدها لروسفي)
ياسمين ضربتها لكتفها: تفوو
مسك : اوووف بعدي ديجا نسلم على بابا
ياسمين تعوج في فمها : بابا
مسك سلمت عليه وعنقاتو خلات هاداك الغول يقول في راسو حمد الله كي راهم راجعين ههههههههه زادت سلمت على هبة و صاتها على كلش بإختصار
⎓⎓⎓⎓⎓⎓⎓⎓⎓⎓⎓⎓⎓
روسفي: وش تحبي نجيبلك
مسك : والو
روسفي: متأكدة ماكليتي والو
مسك : والله والو مانقدرش
روسفي: ايه كي نلحقو نشوفو
ماشي بزاف وصلو دارو اجراءات تاعم و دخلو داخل و مسك بدلت رايها كي شافت هادوك بينيي بالشيكولة كلات ربعة فات سفر تاعهم مليح كي العادة روسفي لقا طوموبيلتو وين خلاها فطريق كي العادة شرا ماكلة و شاف في مسك لقاها رقدت وصلو للدار رفدها هيا وخلا القش غدوة يجيبو فالدار كاين مسك نورمال لابسة سيرفيت تع صوف ينحيلها برك فوقاني دار سخونة
⎓⎓⎓⎓⎓⎓⎓⎓⎓⎓⎓⎓⎓
صبح مسك هيا اللي ناضت اللولة قضات حاجتها و خرجت للكوزينةتشوف واش كاين مالقات والو من غير قهوة اللي قعدت و هيا ماتشربش قهوة راحت قعدت فالصالون تفكرت فريجيدار ناضت لقات ماكلة تع برا داخل
مسك: راجلي العزيز جامي ينساني (سخناتها و راحت تاكل فالصالون مع تيليفزيون كي العادة سبونجبوب و روسفي جابتو الفطنة صوت فالصالون عرفها ناضت خرج ليها لقاها تاكل غير شافتو ناضت ليه باستو في خدو
مسك : بونجورر
روسفي : وش نوضك
مسك : رقدت بزااف و جعت
روسفي: علاه راكي تاكل هاداك تع بارح لوكان خليتيه ليا و نوضتيني نخرج انا
مسك : و علاه وشبيها مليحة(عاودت رجعت لماكلتها و هو دار راح يغسل و هيا كملت قعدت تشوف )
روسفي: نروح نجيب القش مازالو تحت باش نروحو طبيبة ياك و نقضو شويا.
مسك : ايه
⎓⎓⎓⎓⎓⎓⎓⎓⎓⎓⎓⎓⎓
رجع روسفي و هيا بدلت ماكياج خفيف برك فاوتو الطبية اول شي اللي قالت ليهم الحمل راه في ثلاث اسابيع ومايقدروش يعرفو وشنو حتى يقوت اربع شهور بصح سمعو دقات القلب خفيفة وبلا ماننساو ردة فعلهم كلها فرحة و دموع الفرحة ثاني كملو معاها مداتلها شوية دوا وفيتامينات باش تشربهم طول فترة تع اربع شهور خرجو من عندها و هرمون سعادة ساكن فيهم راحو قضاو للدار اللي كانت فارغة فات نهارهم يمكن بالنسبة ليهم احمل نهار تهناو من مشاكل و كاين برك الحـــــب بيناتهم
مــــسك و روســـــفي جمعتهم صدفة حب من اول نظرة لدرجة خلاتهم يديرو ثقة في بعضياتهم بوقت قصير و تخلق بيناتهم حب عميق و ثقة عميقة و غيرة نابعة من عشقهم و اخيراً ثمرة حبهم اللي راهي جاية
النـــــهايــة ❤️
---------------
سمحوولي ولكن هادا كروووو اقصر و اسرعععع وحدة كتبتها اربع شهووور
امراة الرجل الشرقي عام كامل
حب الطفولة ثلث سنين ومازال ماكملتها ههههه
و هادي مسك الروسفي نشكر مخيلتي تع مقبل الرقاد على الفكرة الجميلة و خلوني نقولكم حاجة
وائل شخصية حقيقة ولكنن فالحقيقة شخص مختلف تماماً على الكرونيك فالحياة الواقعية هو انسان حنين وانا شوهتوو هناااا 😂😂ربي سامحني اما ندى شخصية حقيقة وفالواقع تلعب البنت الخالة اللي تبغيك للاسف 🐍 اكيد كابن كامل هاد الشي فالعائلات الجزائرية الله يهديهم