🔥حصريا فقط على مجموعة لهيب الضوء 🔥
# لا_يـــــــــــــحـــــــلل_نشر_نهائـــيا
⎓⎓⎓⎓⎓⎓⎓⎓⎓⎓⎓⎓⎓
🌹القصة بعنوان 🌹
#مَـــــسْك_الرُّوُسْـــــفِـــيِ
بقلم#أضـــواء
⎓⎓⎓⎓⎓⎓⎓⎓⎓⎓⎓⎓⎓
فاتو ايام و حياة اخيراً لقات فرصة باش تخرج و راحت لعند هناء للدار خاطرش صحابات طبطبت وحلتها بنت هناء ليديا
ليديا : طاطا حياة
حياة باستها في خدها: صافا ليدوش و ماماك
ليديا ادخلي ( دخلت حياة و راحت قعدت فالصالون )
حياة: هناااء
هناء: حياة هادي غيبة
حياة: راكي عارفة حالة وحدة مع بيبي نتي وش راكي
هناء : حمد الله راكي تعرفي (عاودت ناضت جابتلها واش تشرب )
حياة: حقا كيفاه بنت ختك تتخطب ماتقوليش
هناء: بصح ندى انخطبت من شهر هاكداك هادا وين سمعتي
حياة : كيفاه عادي شهر و هيا بارح برك لوكان تشوفي العريس يا يما كي هاداك تع الافلام ماري تشوي سعداتها
هناء: علامن راكي
حياة : على بنت ختك تع اسبانيا بارح سمعت الزغاريت طليت لقيت العريس خرج مع يماه واقيل و راجل ختك و ياسمين كانت مع بنتها يطلوا حسباتلي علابالك ؟ ماعرضاتكش
هناء: لالا هيا صراحة صارت حكاية وماوليناش نتهادروا بزاف
حياة : وش صرا
هناء: ندى
حياة : هيه
هناء: راحت هدرت مع صاحبها تع مسك اللي كان راح يتخطبو جيست كي مسك تحبط لهنا
حياة : ماتقوليليش داتولها
هناء: ايه راحت هدرت معاه شهور و شهور منبعد قنعاتو يجي يخطبها وجا وجاب دارهم و فنص الخطبة لحقت مسك وشافت ذاك الشي لوكان تشوفي مسكينة خلات الخطبة تكمل و ماقالت والو كي راحو دار الخطيب قالت واش بغات وقطعت كلش معانا
حياة : اعوذ بالله كيفاه هادي تروح تدي صاحب بنت خالتها و بنت خالتها اللي كانت ليها الاخت ونتي هناء كنتي معاهم
هناء عينيها دمعوا: نكذب عليك اذا قلت لالا
حياة : علاش ا هناء نتي ماشي هكذا و زيد مسك عزيزة عليك بزاف
هناء : واش بغيتي ندير كلش من يما وليلى
حياة: ماعليش فيها خير ان شاء الله نشاء الله تفتح عليكم انا نروح مالا جيت باش نقولك برك خليت علاء مع باباه وراكي عارفة الحالة
هناء: معليش حبيبتي المهم طليتي
حياة: تبقاي على خير
هناء : بالسلامة
بعد عشر دقايق ملي راحت حياة هناء عيطت ليماها
هناء: الو
عالية. الو
هناء: وي يما واش راكي
عالية: مممم حمد الله طال غيابك
هناء: ههههههه منبعد واش درتو بيان سيور غيابي يطال
عالية: مافهمتش علاه راكي ديري فيها انا اللي يماك ولا نتي
هناء: عندك الحق انا عيطتلك باش نقولك الطفلة اللي درتوها
حمارة راهي تخطبت البارح بسيد الرجال ربحتوا العيب برك قالك واش من طونوبيل واش من زين
عالية : ايه الله يهنيها
هناء: بالسلامة مالا (كوبات عليها )
⎓⎓⎓⎓⎓⎓⎓⎓⎓⎓⎓⎓⎓
ليلى : واش قاتلك
عالية : مسك تخطبت البارح
ليلى: كيفاه تخطبت هادي بالاك دارتها ضد فينا برك
عالية: دك نعيط و نشوف و نزيد نروح برجلي ونشوف
عيطت لوحدة تعرفها تما هيا موالفة تنقلها الاخبار على مروان قالتها بلي على حساب واش قالتها ياسمين بلي الراجل لاباس عليه من العاصمة و بلي عامر وشوم و كذا عالية كي سمعت هكذا لقاتها سبة باش تروح
⎓⎓⎓⎓⎓⎓⎓⎓⎓⎓⎓⎓⎓
مسك : قلتيلها
ياسمين : ايه بصح علاه
مسك : عندك يومين تشوفي النتيجة زيد روسفي راح يكون
ياسمين : مسك وش ناوية
مسك : الخير برك هههههههه
غدوة من داك راحت عالية لدار ياسمين كانت وحدة ونص تاع نهار عشر دقايق ملي لحق روسفي صونات عالية فتحتلها مسك
مسك : اوووووو العالية مساء الخير اتفضلي الدار دارك ماما يماك جات
راحت عالية للصالون لقات روسفي قاعد مع مروان سلمت عليهم اكيد و جات ياسمين من الكوزينة مروان ناض خرج قعد غير روسفي مع مسك و ياسمين
ياسمين : انعام
عالية: سمعت بلي بنتك انخطبت
ياسمين : كاينة
عالية : بهذا (شرت على روسفي )
ياسمين : علاه هدا وش بيه هذا
عالية: هكذا عامر وشام واش راح يقولو علينا الناس
مسك : هههههههه و انتوما وش راح يقولو عليكم الناس نهار يعرفوا بلي ديتو راجل من صاحبتو
عالية:ماكنتيش هكذا مسك كنتي عاقلة و تقادري
مسك: واش جابلي ذاك القدر و ذيك العقالة شفتوني عاقلة قلتو ماراح تقول والو و صح ماقلت والو بصح شوفي (دارت ابتسامة عريضة) ربي عوضني بشي ماكنتش اصلاً متوقعاتو خير من هاداك نص راجل
عالية : مهما كان ماتهدريش على راجل بنت خالتك هكذا
مسك : ههههه نسيت
عالية : شفتي ياسمين تربيتك ين راحت
ياسمين : يما من الاخر علاه جيتي ؟ جيتي باش تشوفي الاحوال شفتيها خلاص
عالية: راكي تحاوزي فيا ا بنت كرشي
مسك : لا حاشا اما باش تفهمي روحك برك
روسفي كان شاد الضحة كي نطقت حط يدو على فم مسك و خرجها من الصالون للكوزينة
روسفي: خلاص راهي كبيرة قادري شوي اوو
مسك حبطت شنايفها
روسفي: ماتزعفيش بصح مهما كان ماتطيحيش القدر
مسك : ايه خلاص
ياسمين : يما نتوما درتوا حنا جبدنا روحنا وخلاصت الحكاية
عالية: عندك الحق و نهار ترجع بنتك مطلقة و مضروبة ماتقوليش يما ماقالتش
ياسمين : صاحا
ناضت عالية و راحت رجعت مسك وروسفي ومروان
مسك : ماما واش قاتلك
ياسمين ناضت رايحة للكوزينة تكمل الفطور : والو
روسفي : نوضي حتى نتي الكوزينة
مسك : وش ندير
روسفي : من نيتك
مسك: لا من ...احم من ريتي
روسفي همس في ودنها: لوكان كملتيها فمك نكسرولك نوريلك تخسري الهدرة
مسك : هههههههههههه
⎓⎓⎓⎓⎓⎓⎓⎓⎓⎓⎓⎓⎓
ماتنساوش نجمة كل ماكان تصويت كثر راح نحط اكثر 😉❤️
تأكدوا من ان النجمة ⭐️🟠