🔥حصريا فقط على مجموعة لهيب الضوء 🔥
# لا_يـــــــــــــحـــــــلل_نشر_نهائـــيا
⎓⎓⎓⎓⎓⎓⎓⎓⎓⎓⎓⎓⎓
🌹القصة بعنوان 🌹
#مَـــــسْك_الرُّوُسْـــــفِـــيِ
بقلم#أضـــواء
⎓⎓⎓⎓⎓⎓⎓⎓⎓⎓⎓⎓⎓
مسك ليماها: راكي تشوفي مام نتي ولا انا نواظري فيهم حاجة
ياسمين : لا سواسوا وائل هاداك ياك
مسك : hola mi hermosa familia
( عسلامة عايلتي الشابة )
ياسمين : سلام عليكم
مروان : سلام
نخليكم تتخيلوا صدمة وائل ، ندى ، ليلى ، عالية ،
اللي شوكاهم كثر هو مسك قعدت عادي و تشوف حتى هدرت ام وائل
جميلة : مالا حنا قصدنا الباب جينا ناويين يد بنتكم ندى لوليدنا وائل هو يعرفها راكم تعرفو الدراري تع هاد الجيل
عالية (وجهها صفر تقطر شوية و طيح وهيا تشوف في
مسك ): حنا نتمناولهم الخير و الباقي عليها ندى قابلة
ندى : ق-قابلة(شافت شرفة خفيفة في مسك اللي كانت تبسم)
ناضوا الزغاريت حتى الجارة جات انا مسك خرجت جاها ميساج من عند شخص عزيز عليها بزاف
بدر : مسك جيتي شافك ايمن قالي
مسك : ايمن هادا لوكان كان فعهد فرنسا باقي خرجناهم بكري ههههههه
بدر: راكي في دار جداك امالا ارواحي الحومة دراري كاينين
مسك : صحا راني جاية (رفدت ساكها و خرجت خلاتهم
مافاهمين والو
⎓⎓⎓⎓⎓⎓⎓⎓⎓⎓⎓⎓⎓
مسك : سعيييد
بدر : السپنيولية تاعنا (سلم عليها ) واش راكي
مسك : حمد الله و نتوما موح عماد
موح : والله حمد الله
عماد : سوال عليك
موح : بصح هادي غيبة
مسك :لهلا تغيبك المهم رايكم ملاح انا خليت خطابة فدار و جيت ليكم
عماد : ماتقوليليش ااا ههه
مسك : هيا
بدر : لعقوبة للعرس نشاء الله
مسك : نشاء الله
موح : و انتي
مسك : انا هههه يا حسراه مازال
بدر : يجي نهار يجي كلش بعقلو
مسك : ايا حمد الله كي راكم بخير انا نروح باي تهلاو في رواحكم
بدر: ايا نوصلك
مسك: موكتا خرجت
بدر: لول بارح
مسك: حمد الله على سلامتك ياك ماشي ناوي تولي
بدر: جامي
مسك (شدتلو يدو ): ماشي الحبس ..الدواء
بدر(مسح على لحيتو): هاداك اللي كاين
مسك(قرصاتو): زيد كان
بدر : قوليلي ندى صح تخطبت
مسك :وي مع صاحبي
بدر: صاحبك ؟؟مافهمتش
مسك : هيا دك انا عرفتو قبل كنا نهدرو و نورمالمون كي ندخل نتشاوفو و انا ماقلت لحد راني داخلة جيت لقيت بومبا هتلر ماحطاش
بدر: نتي صافا
مسك (كانو وصلو شوية قدام الباب) : علاه مانكونش الحاجة المليحة ماحبيتوش كنت نفورصي روحي برك تعرفني
بدر(شدها من خدها): نعرفك ايه
مسك: اوه راهم رايحيين
جميلة : تبقاو على خير
عالية : بالسلامة
مسك : تلحقو بالسلامة نشاء الله
جميلة : يسلمك
سعيد : انا نروح و ماتعمريش راسك
مسك : ماتقلقش باي (طلعت و دخلت لقاتهم كامل في توتر عام )غرقلكم بابور (قعدت و حطت رجل على رجل )
ياسمين : اااااش هااااد اللي صراااااااا ا يمااااا
مسك: ياسمين علاه راكي تعيطي شدي بلاصة
مروان : معليش نفهم
مسك : نفهمك ممممم العرييس كان راح يجي يخطبني انا على حساب الاقوال تاعو بسك عرفتو انا ووو وش راني نشوف تقلبت القدرة هادي(على ندى ) وش راحت دارت ولا كاش ماغناتلو دار ليها (شافت في عالية وناضت) قوليلي الالة عالية بردتي تنحاتلك هاديك العقدة اللي كاينة داخل قلبك اووووففف بغيت نفهم برك وش ربحتي ؟؟؟... انا نقولك nada والو زيرو (نطقت بغرور و عجرفة و ثقة) و ماشي بنت ياسمين اللي تبكي على راجل المخير في اسبانيا نجيبو (دارت ليماها) نوضي كيما جيتي خرجي بالمعنى الحرفي حتى اللي في يديك (راحو حتى الباب خرج مروان قبل و مقبل ماتخرج مع يماها دارت ليهم ) دقيقة اللي راح نحط رجلي برا عتبة الباب مانعرفكم ماتعرفوني مع بنتكم دبرو راسكم خرجت و حبطت تبعت باباها شافو في ياسمين اللي دورت راسها و تبعت بنتها و راجلها
ليلى: اللي يسمعلها يقول راهي تصرف علينا
هناء : علاه كذبت ماشي صرفت عليكم
ليلي: نتي غير بلعي فمك
هناء: مممم بسك الحق تقال هههه شوفي باش ديري عرس بنتك مام يماك انقطع عليها هه ليديا إدريس هيا نروحو بابا راه تحت (حتى هيا راحت )
⎓⎓⎓⎓⎓⎓⎓⎓⎓⎓⎓⎓⎓
عند مسك اللي حاولت تبان طبيعية بالنسبة ليها هيا ماشي جزء تع راجل الي غاضها اللي غاضتها هيا غدرة من قريب من شخص كانت تحكيلها على وائل و كلشي فالاخر
ياسمين: مسك بنتي ماتعمريش راسك راح هو يجي غي...
مسك : هههههههه علابالي يجي غيرو حمد الله كي جات من
عندو كنت نحاول نحبس ماعرفتش كيفاه ههههههه
ياسمين : باردة القلب
مسك (تشرب من كاسها ) :حتى هو قالي هاكا طفرت فيه ... بااابااا ا بابا
مروان : وش كاين
مسك : اسمع تعيش نروح للعاصمة غدوة بغيت نحوس
مروان : واش يديني للعاصمة انا
مسك : حاجتي اللي تديك هيا ا بابا ياك نتا نايض صبح نايض نروحو
مروان: كي نشوفك على سبعة نايضة نروحو
مسك : ايا صحااااا (ناضت راحت شمبرة تعها )
العاصمة انا قاددمة!!
⎓⎓⎓⎓⎓⎓⎓⎓⎓⎓⎓⎓⎓
ماتنساوش نجمة كل ماكان تصويت كثر راح نحط اكثر 😉❤️
تأكدوا من ان النجمة ⭐️🟠