#الفاتنة و الذيب
البارت "20"
بقلمي:تبارك ياسر
حلوات لا تنسون التصويت +تعليق بين الفقرات ومتابعه الحساب
İnsta: to20_mo
TikTok:to20_mo
بنات راح يصير التنزلي كل يومين لان ما اكدر فكلش اسفه
واذا شفت تفاعل وتعليقات هواي احاول انزلا من وكت
________________________________
تماره تكول
_ليش يا بَعد الوَطن، خيبت ظني؟
__________________________________
ضحكت وصرت امشي ايدي على لحيته وشفته واحجي
_حبيبي اشقد اتحبني
ضحك وحجا
مهيمن :هسه اسولفلج سالفه واكولج اشكد احبج
ضحكت ضكه عاليه وهو سد حلكي وحجا
مهيمن :ولج راح تفضحيني
مسكت ايده ونزلتها وهو باوع عليه وعض شفته وحجا
مهيمن :اني اعلمج
ضحكت وهو اخذني بين احضانه الي كلها حب وحنيه خلاني اصير بغير عالم وياه عالم خاص بينا نحنا الثنين
ابتعد وحضني وباس راسي وحجا
مهيمن :احبج فراشتي
_اموت بيك ذيبي
ضحك واني حجيت
_حبيبي امشي انغوح اتضف البيت خوما انضل هوني
مهمين :ها شو بعتي اهلج
_ما صوجك وحق الله ما صوجك ضل هوني احسن
ضحك وسحبني الحضنا وحجا
مهيمن :ليش شنو ناويا تسوين
_كشي اش اعمل فرضا ارقصلك
مهيمن :تعرفين ؟!
_اي اعرف بس ما ارقص ما انت عيبت علي
مهيمن :ما عيب عليج بعد
_امااا ما تستيهل انضل هوني
مهيمن :افاااا عليج ولج هيج تحجين
_بعد لا اتقلي هشكل والله انا على مودك هسه يجي بابا وغدا جمعه وتحلم اطخني لي حد ما انكون بلغرفه
اتنفض وكام وحجا
مهيمن :كومي ولج ابوج يحرمني منج
ضحكت وحجيت
_لا اتصير سرسلوغي
اتقرب مني وصار وجها مكابيل وجهي ساند جسما ابيديه وحجا
مهيمن :اكو وحدا مؤادبه تحجي هيج
حضنت ركبتا وحجيت
_اي انا
مهيمن :من اكول بربوك تزعلين
ضحكت وبست شفتة وحضنته شويه وكمت سبحت ونزلت وخليت مهيمن وحدا شفت ابويه هستوه راجع من الشغل وامي جانت مبدلا حجيت
_غيحين ؟
هاله:اي بس ديري بالكي على اخوانكي
_اتغوحون بتكسي ؟
ياسين :اي لكن اشون
_لا اجيب المفيتيح مال مهيمن واجي غوح بسيارتو احسن
ركضت جبت المفاتيح ونزلا ولا كتلا طلعت
شفتا طلع من غرفتي مبدل اتقربت وكفت مقابلا وحجيت
_مهيمن لا تزعل بس عطيتو المفاتيح مال سيارتك البابا هسه شويه ويرجعون
ضحك وباس انفي وحجا
مهيمن :ولج ليش ازعل السياره وصاحبها على احسابج
ضحكت وحجيت
_امشي ننزل لان محد ما اكو بلبيت بس نحنا
نزلنا جان هذال عند اصدقائه رحت علمطبخ وبديت اسوي العشا حضرت كفته وبطاطه ردت اقليهم اجا مهيمن باس خدي وحجا
مهيمن :حبيبي الولاد خليتهم يرسمون واني اجيت اساعدج
باوعت عليه وحجيت
_عادي حبيبي غوح ارتاح انا عدعمل
مهيمن :انجبي وكوليلي شنو اسوي
_اعمل الخضراوات
مهيمن :لا اريد اقلي
عرف سوا هيج لان مره جنت اقلي وصار على ايدي زيت بوقتا احمرت واني ما جاي اتوجع بي هو ايضل يسالني وحتى جابلي دهن
ضحكت واني طلعت الخضراوات وصرت اسويهم ومهيمن شلون يسوي الكفته بديه ويقلي ضحكت على شكلا
خلصت ورحت يما اخذت كفته واكلت نصها وعطيته النص الثاني ضحكت ورحت رتبت الاكل علميز
واتصلت ابابويه
_بابا ايمتي ترجعون عملتو عشوي
ياسين : هسه راجعين طلعت امكي حامل
ضحكت وكلت
_يااا مبارك يالله لا تتاخرون
ضحكت ورحت على مهيمن حضنتا وحجيت
هو خطيه بادلني وهو يضحك وما مفتهم شي رجع حجا
مهيمن :شكو شبيج حبيبي
_ماما حامل
ضحك وحجا
_شكلها امج عرست ويا عرسنا
ضحكت وباوعت بعيونا وحجيت
_يوم النا ان شاء الله
باس خدي وحجا
_امين بس انت لا اتفكرين بلموضوع
بتعدت من حضنا
رحت شفت غزل وجود شويه ومهيمن اجا هما ركضو عليه وحجو
جود :مهيمن شوف رسمتي
غزل :مهيمن شوفو منو الاحلى
مهيمن :اشوف تعالو
سحبهم وكعد وهما ماسكين الرسمات وهو حجا
مهيمن :الله شكد حلوين هاي منو معلمكم الرسم هيج
غزل :نحنا اتعلمنا انشوف بلايباد ونرسم بس تماره ترسم
باوعلي وعقد حواجبا وحجا
مهيمن :ليش تماره ترسم
جود :اي
غزل :ترسم واشقد حلو رسما
_لا تبالغون ارجعو ارسمو
هما ضحكو ورجعو يرسمون واني باوعت على مهيمن وحجيت
_ مهيمن ترا عادي الرسم عيبالغون
مهيمن :كومي شوفيني
_مهيمن
خزرني وسحب ايدي وصعدنا على غرفتي
ضحت وصرت ادور عليهم مهيمن ايقدس هيج اشياء او شي اسما هوايات ايكول اذا الانسان عندا هوايا لازم ايطورها واكيد راح ايابدع بيها
طلعت الرسمات وهو اخذهم وبلش يشوفهن وحده وحدا ويضحك
مهيمن :ولج طلعتي رسامه واني ما اعرف
ضحكت وحجيت
_لا اتبالغ
مهيمن :شلون ما ابالغ ولج رسمج كلش حلو
رجع شال رسنا وحجا
مهيمن :بس هاي مو حلوه
ضحكت لان جانت صورت ممثل جنت كلش احبا
_لا اتقلي ارجعي ارسمي لان ما لي كيول
مهيمن :هي بكيفج من ارجع كلشي تحتاجي مال رسم اجيبلج ياه وترسمين اتنمين موهبتج
_مهيمن
مهمين : انجبي ولج والله شكد حلو من ايصير اسمج على الوحات بلمعلرض
_مهيمن عتبالغ
مهيمن :مو بكيفج
_الله كريم
ضحك هو شال الرسمات وحطهم بل جنطه ورجع شال الاقلام وكلشي جان عندي مال رسم وحطهم بل جنطه
رجع كعد مكابيلي حضن وجهي بين اديه وباسني وحجا
مهيمن :فدوه المرتي المبدعه
ضحكت ونزلنا شفت امي هستوها طابه ضحكت وحضنتها وحجيت
_الف مبروك
هاله :يوم الكي
مهيمن سلم على بابا وتشكر منا عسياره راحو ايبدلون ملابسهم واني حميت الاكل اتعشينا ورحنا بيت عمي
اول ما وصلنا شفت ملاك رحت حضنتها وبوستها جانو الكل متجمعين شفت اسيا ودنيا وحنين بوستهم ودخلنا شفت نسوان عمامي وجدتي كلهم موجودين صرت اسلم علهم صارلي من ازوجت ما شفتهم
كعدت ومهيمن راح ويا بابا ضلينا اسولف لي حد ما حجت جدتي
ام ابويه :ولي تماره ما حبلتي
_لا يوم
ام ابويه:ليش ولي اخاف بيكي شي
_يوم اسم الله بعد كلا ما صاغلي مزوجي شهرين وشويه
ام ابويه:اشون جيل والله على وقتنا من هوني تزوج ومن هوني تحبل
عوجت حلكي وما حجيت شي شويه و انتبهت على ماما من حجت
هاله : انا حامل
استغربو الكل بس انا جنت اضحك باركولها واني طلعت ويا البنات
اسيا :ولي اشونكي اخباركي اشون الزواج معاكي طيب
_الحمد لله والزواج اجنن ما بس طيب
حجيت هيج وضحكت
ملاك :ولي شفنا استورياتكي من غحتي على تركيا تعاي احكيلنا اش عملتي
ضحكو وبديت اسولفلم من خلصو انتبهت على حنين من حجت
حنين : اي يمه هاي لو ازوجني انا كان عشتو بعد احسن بس انت حقيرا بس اتغيدين النفسكي
فتحت عيوني على حجيا والبنات انصدمو وحجو
اسيا :ولي اش عتحكين انجبي واسكتي ابدال ما اتقليلا بل عافيه
ملاك :اشقد عينكي فارغه
دنيا :حنين اسكتي احسن
_عابتلكي اي والله قل اعوذ برب الفلق
حنين :حيل زي عتقرا كوي ما دحسدكي وانتم ضلو دافعولا
ضجت كلش من حجيا فكمت وضليت اردد بداخلي سوره الفلق هيا راحت ردت اروح واسيا حجت
اسيا :ولي ما عليكي بيها خي اتولي
ملاك :انجبي وين غيحا
ما حجيت شي رحت على الستقبال جان الرياجيل كلهم كاعدين عبرتا وطلعت برا اتصلت على مهيمن ما رد بعثتلا رساله
_حبيبي محتاجتك تعال علحديقه
شافها ما مرق ثواني وشفتا كدامي واني بدون مقدمات ارتميت بحضنا وهو لمني عليه اكثر ويمسح على راسي
مهيمن :ولج شبيج والله تركتج وانت ما بيج شي
_ما اعرف حسيتو نفسي اغيدك فبعثتولك رساله
بعدت راسي من حضنا وحجيت
_اسفه ضوجتوك ما
سند راسه على راسي وحجا
مهيمن :ايمت ما اتريديني اجي مو مهم وين اكون شعندي غيرج
بستا ورجعت حضنتا ودفنت راسي بركبته
ضجت كلش من كلامها الحقيره هي بعمري وتركت دراستها من الثاني متوسط واني كملت شلون اتشوفني عايشة حياتي جامعه ودراسه وهسه ازوجت فعينها عليه اني شنو ذنبي ابدال ما تتمنا الخير الغيرها تحسد الحقيرا
نزلني مهيمن وحضن وجهي وباس راسي وحجا
مهيمن :هسه ارتاحيتي لو انروح انغير جو اني وياج
_لا حبيبي ارتاحيتو الله لا يحغمني منك
مهيمن :ولا منج يروحي
ضحكت ورجعت دخلت شفتها شلون تباوعلي وتخزر بيا ما اهتميت رحت كعدتا لي الوحده رجعنا
دخلت على غرفتي اني ومهيمن بدلت ملابس واتمددت واجا مهيمن وسحبني الحضنه وباسني واني حجيت
_مهيمني حبيبي
مهيمن :يا روح حبيبج شنو
_غدا الصبح انغوح انضف البيت انا وانت بس تشتغيلي منضفات وغراض
مهيمن :منضفات افتهمتها بس الغراض شنو
_غراض للبيت حبيبي يعني مسواق بس لا اتكثر وهم اغيد نمنميات
مهيمن :وبعد
_اغيد ازبري ليمون وفروله
مهيمن :وبعد
_امممم واشتغيلي ورق عنب حتى اعملك اخليك تاكل اصابيعك وراها
ضحك وحجا
مهمين :تمام اشتريلج بس اني اريد اكلج انت بال اول
ضحكت وهو اخذني بين احضانا لي حد ما نمت
كعدت الصبح شفت مهيمن ما موجود اتصلت بيه اجاني صوتا
مهيمن :صباح الخير حبيبي
_وينك
مهيمن :حبيبي اني بلبيت اتريكي واذا اتريدن تعاي واذا اتريدن لا تجين من اكمل ادز وراج
_بس لا عتنضف
مهيمن :اي
_مهيمن ليش هشكل
مهيمن :ما احب اتعبج بويه
_ميخالف عل اقل كان قعدتني
مهمين :ما تكعدين شبعتج بوس ولا اتحركتي
_وانت اخذت راحتك
مهيمن :ولج اعشكج
_اكلت حبيبي
مهمين :اي
_بلعافيه اكل واجي
مهيمن :قبل لا تجين كولي حتى اكفلج
_تمام
سديتا ونزلت شفت امي كاعدا اكلت وشويه وطلعت شفت مهيمن ينتضرني رحت وحضنتا
مهيمن :ولج بويه صايرا سمينه
دفعتا وهو ضحك واني حجيت
_اذا ما يعجبك غوح ازوج
حجيت هيج ومشيت
مهيمن :افااا عليج هيج اتبيعيني
_لا ما بعتوك بس انت ما عيعجبك
مهيمن :ولج شلون ما اتصيرين اني اعشكج
ضحكت وفتت شفت مهيمن مكمل الطابق الثاني كلا وشلون منضفا كلش حلو ضحكت وشلحت العبايه جنت لابسه دشداشه كصيره لي جوا الركبه بس مثل الفراشه من ارفع ايديه اصير فضاحه
بديت امسح وحجيت
مهيمن اشتغيت كل الغراض
_لا حبيبي ما اشتريت كلت اكمل واشتري
مهيمن :روح ارتاح ما تعبت
_راحتي كلها يمج بويه ما اعوفج الا اتخلصين
رحت بستا وكملت وشطفت شفتا يباوع عليا وانتبه تفاحه ادم تتحرك يعني جاي يبلع ريقه ضحكت وهو شويه وحجا
مهيمن :ولج شلون بيج روحي بدلي هاي العليج
ضحكت وحجت
_اشبيها
مهيمن :ضل بس الب***ما طالع ولج روحي غيريها ترا والله امسكج وما اهدج
ضحكت وحجبت
_عدعملك اغرائات
حجيت هيج وخليت اديه اتحاوط ركبتا وهو حجا بصوت ذايب وخدران وهو ماسك خصري
مهمين :ولج اني وانت لابسه عبايه تغريني شلون ولابسه غير شي
ضحكت بس صوت ضحكتي عالي هو حجا
مهيمن :شتعلو عشيرتج على هل ضحكه
ابتسمت وباوعت بعيونه وبدون اي مقدمات بستا بكل حب وهو بادلني ما بتعدنا لي حد ما حسينا بنفسنا انكطع باوعت بعيونا واني كوه اخذ نفس وهو حجا
مهيمن :ولج شسويتي بيه
حضنتا وبست ركبته وهو باس خدي وكملنا صار البيت كلش نضيف رحت سبحت وهو راح يشتري غراض واجا جايب غدا جاهز اكلنا وهو كلشويه موكلني طلع سبح واني شلت ما خليت شي و اتاكدت من كلشي وطلعت شفتا متمدد ومخلي ايده على عيونه من سديت الباب بعد ايده من وجها ضحك وفتح ايده وحجا
مهيمن :لا اتعصبين والله جنت انتضرج
ضحكت ورحت دحست روحي بحضنا وحجيت
_مهيمن ميتي عنومي لا تعمل شي
ضحك وهو ولا كان حجيت شي ضل يبوس ويعضعض بيا واني اضحك وابعد بي لي حد ما باس خدي ولمني الحضنا اكثر ونمنا
لي قريب المغرب فزيت على صوت التلفون
سحبا مهيمن وخلاه على اذنا وحجا
مهيمن :هلا يامن ....اي انا بلموصل من البارحه...... تعال يا هلا بيك
سدا ورجع حضني واني حجيت
_منو ديجي
مهيمن :يامن
_اي خي يجي حتى نتونس عندي حكي معاه
دمغني على راسي وحجا
مهيمن :اشكد ما تعرفين اسولفين انجبي ونامي
برطمت وحجيت
_بعد ما احبك
ضحك وباس شفتي وحجا
مهيمن :اموت بيج عرج كلبي
عضيت كتفا عضه قويه وحجيت
_هاي لان كمختني عابتلك
مهيمن :بربوك ما اضيعين حقج
_اي لكن شلون
ضحك واني كمت نزلت صفنت كلت اسوي ورق عنب لان كلش مشتهيتها
بديت اسويها واني واكفا عطباخ حسيت بايدن اتحاوط خصري باس كتفي وحجا
مهمين :شنو اسوين فراشتي
_اعملك ورق عنب
مهيمن :واذا ما طيب
_ابوسك
مهيمن :واذا طيب ابوسج
ضحكت وحجا
مهيمن :متفقين
_اي
شلت التمن من النار وخليتا عليه البهارات ودبس الرمان وكعدت علميز وبشلت الف
اجا مهيمن شايل دشداشه وحجاب وحطهن علميز وحجا
مهيمن :حبيبي جبتلج هذولا حتى من يجي لبسيهم فوك ملابسج
_حبيبي ليش جبتم كان طلعتو انا
مهيمن :نفس الشي
ضحكت وهو جاب صينيه وكعد علميز وحجا
مهيمن : علميني شلون اسويها
_حبيبي هيان انا عدعمل
مهيمن :اريد اساعدج مو هسه اضلين اتلفين وضهرج يصير يوجعج
باوعت عليه ضحكت وعلمتا شلون يلف
مهيمن :هسه اني الف جيبي طلت سهلا
_بس انتبه على الجها الخشني لا النيعمي
هز راسه وصار ايلف وبسرعه خلصت ضحكت وبستا وخليتها عنار شويه واجا يامن دخل هو ومهيمن علستقبال واني ضليت مكابلا الحيطان شفت ورق العنب صار يفور نصيت النار وتركتها
شويه ومهيمن اجا كومني عدل حجابي وحجا
مهيمن :حبيبي يامن ايريدج
هزيت راسي ورحت وياه اول ما دخلت حجيت
_مرحبا يامن اشونك
يامن :هلا خويه انتي شلونج شلون مهيمن وياج
ضحكت وكعدت يم مهيمن وحجيت
_الحمد لله
شويه كعدت ومستغربا لان شفتا متوتر لي حد ما حجا مهيمن
مهيمن :شنو اضل صافن احجي
حمحم وحجا
يامن :تماره اتمنا تفهميني ولا تحكمين علية بسرعه
_تمام
يامن : شوفي مهيمن حجالي انو بنت خالتج سولفتلج شنو صار
باوعت على مهيمن واني ولا فاهمة رجعت باوعت عليه وحجيت
_اي
يامن :من الاخير اني حبيتها واريد اخطبها
حجاها واني انصدمت ما اتخيلت يحجيها هيج حمحمت وحجيت
_يامن انت مثل اخوي وانا اقدر مشاعرك تجاها بس ما اعتقد تقبل لان هيه هسه سادس
يامن :عادي شنو ما اتريد اني اوافق ما اخلي الزواج اياثر عليها ووعد اني ادرسها وحتى دورات ادخلها بس المهم اتصير الي
ابتسمت وحجيت
_انا غاح اقلا وان شاء الله ايصير خير
حجا مهيمن واني صفنت بيه
مهيمن :بس مو تكعدها ابيت ابوك يا تشتريلها بيت يا ملازم خطيه البنت ما تستحمل مرت ابوك
يامن :مفكر بهل موضوع لا تشيل هم
هز راسه واني استاذنت وانشغل بالي كلش بهل موضوع خليتها على الله شفت الورق عنب استوا طلعت عصير ورتبت الميز وصحت مهيمن ويامن من اجو حجيت
_مهيمن تعال بس اقلبا ما طقتو
قلبها وريحتها فاحت هما ابتسمو كعدنا ناكل
خلصنا غسلت المواعين كملت ردت اتخل شفت يامن ومهيمن طالعين راحو واني شلحت كلش ضجت دخل مهيمن وحجا
مهيمن: روحي بدلي ملابسج نطلع
_اماا ما اغيد
مهيمن :ليش
_ما اعرف ما لي نفس خلي نعمل سهره انا وانت
مهيمن :وشلون سهره
حجا هيج وغمز واني حجيت
_اشقد ادبسزز مهيمن قصدي على فلم هشكل حلو وبوشار وعصر وجبوسي هشكل
مهيمن :تمام روحي حضري واني ادور على فلم
_تمام
رحكت سويت بوشار واجا مهيمن اخذ النمنميات وراح
شلت البوشار واني جنت لابسه شورط ومفلتا شعري خليتا بحضني ومهيمن حضني وكعدنا ناكل ونشوف جان رومنسي واني اباوع واكل لي حد ما نمت واني ما حاسه حسيت على مهيمن يشيلني خلاني عجربايه راح بدل ملابسه واجا سحبني الحضنا ونمت
ثاني يوم العصر مهيمن جان طالع رحت اتصل باسراء
_هلو اسو اشونكي
اسراء :هلا حياتي الحمد لله انت اشونكي
_بخير وي دسالكي سؤال
اسراء :خير ان شاء الله
_وي جا يامن وسالني عليكي وايغيد يخطبكي
ضلت صافنه لا تاخذ ولا تنطي لي حد ما حجيت
_ولي وينكي ترا هو غادكي اش اتقولين
اسراء:تماره انا هسه ما مفكره بزواج اغيد اكمل دراسيتي لان هسني سادس وتعرفين الضغط الي يصير علي
_قتولو قال عادي انا ادرسا وما اخلي الزواج اياثر عليها
اسراء:لا ما اريد
_واذا وغا ما اتخلصين سادس يجي يخطبكي هم ما اتوافقين
اسراء:ينتضرني لي هذاك الوقت
_اي ليش لا ما طول هو غادكي
اسراء : الله كريم ان شاء الله بس ما اتواصل معاه لي حد ما اكمل
_تمام هسه اقلو
ضلينا نحجي شويه وراحت حجيت المهيمن على الي صار وهو حجا ويا يامن وكال المهم اتصير الي
مرت ايامنا كلش حلوه ويا مهيمن طول ما هو وياي احس بنفسي فراشه طايره
ضلينا اسبوعين ورجعنا البغداد كلش اتونست وياه ما خلا بنفسي شي كلو يشتريلي ويونسني وبدا الدوام بس ما داومت كلت هشهر ما اداوم
بس بهل شهر صار مهيمن غريب نضراته اهتمامه خوفه كلش بي اتغيره بلمختصر صار اوڤر كلش هواي من رجع من الواجب صار هيج كلش استغربت
ومن ايريد يحضني كان راح ابتعد عنه ايريد ايدخلني الصدرا كلش استغربت تصرفا بس ما علقت لي حد ما اجا اليوم الي انصدمت بيه
بيومها جنت نايمه حسيت على مهيمن من كام من حضني باس راسي وراح جنت احسب راح ايروح يشرب مي او عل حمام بس اتاخر كلش كمت رحت دورت عليه ما لكيته
نزلت جانو الكل نايمين سمعت صوت من المطبخ جان الباب شويه مفتوح ردت افتحا بس انصدمت من سمعت حجيا
مهيمن :حياتي ايمت اجيج ....مو اشتاقيتلج كل هواي ....ههههههه...اي هسه نايمه .....لا متكعد نومها ثكيل .....تمام حياتي لعد على اتفاقنا
اني سمعت هل حجي اتصنمت صارو دموعي ينزلن كلبي وجعني هو فتح الباب وشافني اتفاجأ بوجودي باوعت بعيونا و حجيت
_خيبت ضني بيك كنت احسبك غير عن الكل طلعت حالك حالم ياريت ما حبيتك
حجيت هل كلام وطلعت على غرفتي واتمدتت وصرت ابجي وشهقاتي تعلى حسيت عليه من اجا قرفص كدامي واني جنت ماسكه كلبي وابجي من دخل درت وجهي سمعتا من حجيا
مهيمن:تماره سمعيني
حجا هيج وحضن وجهي واني دفعتا وحجيت بصياح حاسه الكلام يطلع من نص كلبي
_اش اسمع اش اسمع والله حبيتوك اكثر من روحي وانت تعمل هشكل معاي مهمين ليش هشكل تعمل انا مقصرا معاك هااا قول مقصرا كان قلتلي والله ما انزل بس ليش عملت هشكل
مهمين :لا وعلي ما مقصرا بشي
_لكن ليش هااا قلي ليشش عملت هشكل ما انا مامني بيك
حجيت هي وغصيت اجاني صوته
مهيمن :وعد احجيلج والعباس ابو فاضل احجيلج بس مو هسه ما اكدر
_ليش
مهيمن :ما اكدر
ضليت صافنه بيه جانت عيونه حمر دم ومدمعه حجا وهو يباوع بعيوني بصوت مكسور وبي رجفه بلع ريكه وكال
مهيمن :راح تتركيني
حجا هجمله وصار يتنقل بنضراته على كل وجهي
مسحت دموعي و حجيت واني اباوع بعيونه
_من هوني لي حد ما تحكيلي ما غاح تلمسني ولا تتقرب مني واذا كان سببك ما مقنع اترك البيت واغوح وتحلم تغشع وجي بعد
مهيمن:ما اكدر شلون ولج والعباس روحي تلوب عليج
_ما لي علاقه وهسه اغيد انام
حجيت هل كلام ودرت وجهي ورحت اتمددت سمعت صوت الباب عرفته طلع بعدت الغطه عن وجهي وصرت ابجي كلبي كلش اياذيني
ما ردت اروح الاهلي اذا ما اعرف شنو السبب الي حتى هيج ايسوي بيه والله حبيته وما قصرت وياه بشي ضليت ابجي وما ادري شلون نمت
فزيت الصبح على عطره جان يمي يباوع بوجهي ويبعد الشعر عن وجهي
بتعدت منه باوعت عليه هو باوع عليه بنضره ترجي او ما اعرف شنو بس هيج شي اعرفا متعلق بيه مثل ما متعلقه بيه واكثر بس شسوي مجبوره
ابتعدت وحجيت
_قتولك لا تلمسني غوح على حبيبتك خي هيه تحضنك وتبوسك
حجيت هل كلام وشفتا اتنهد رحت سبحت وبدلت ملابسي صليت ونزلت
صبحت على خالتي وشمس ورحت اشتغلت اريد التهي بشي حتى لا افكر
بس وين كل شويه تجيني فكره ويوجعني كلبي كل شويه افكر يا ترى يحبها يحضنها مثل ما يحضني يبوسها يشتريلها يلعب بشعرها يمشطا ويغنيلها اينيمها بحضنه يغازلها هي تلعب بشعره تلمسه
كل شويه افكر لي حد ما تعبت كلش هواي كعدت علمرجوحه وخليت ايديه على وجهي وصرت ابجي بعد هذا اول يوم شلون راح اتحمل
حسيت على شخص قرفص كدامي عرفتا مهيمن حسيت على مسكت ايديه
بعدهم من وجهي وحجا
مهيمن :بويه لا تبجين وعلي كلبي ديتكطع عليج ولج شسوي بس كولي والله كلبج راح يوكف
بعدت ايديه منا وحجيت
_كلو منك الله ياخذني حتى تاخذ راحتك
مهمين :اسم الله لا تحجين هيج
_قلي ريحني ليش عملت هشكل مهيمن عتجيني افكار عتموتني
مهمين :لا اتفكرين هيج وهلي اني ما هيج اسوي بس كتلج وعلي احجيلج بس ما هسه
مسحت دموعي وكمت طلعت على غرفتي حتى اكل ما اكلت
لي العصر طلع مهيمن وجايبلي اكل جنت كاعده عل جربايه وافكر هو دخل وكعد كدامي وحجا
مهيمن :جبتلج الاكل حتى تاكلين لا ايصيرلج شي بويه
_ما اغيد ازقنب
مهيمن :ما ايصير يلا بويه اكلي الخاطري
ضحكت وحجيو
_الخاطرك ليش انت اش خليت
حجيت هل كلام وهو اتنهد وراح وسد الباب بقوه شلت الاكل خليتا بصفحه ضليت افكر لي حد ما قررت اجاهله تماما حتى يعرف قيمتي اسويلا كلش ايريده بس ما احجي وياه وهيح اترتب واكشخ ولا همني خليه يشتعل بنار وحطب حتى يعرف منو انا
شلت الصينيه اكلت رحت سبحت وبدلت ملابسي خليتلي ماسكاات الوجهي والشعري خلصت باوعت على نفسي كلش حلوه طالعه نزلت كعدت وخاله سالتني
ام مهيمن:وي بنتي وين راح مهيمن ليش معصب
_ما اعغف منو خبرو وعصب وغاح
هزت راسها اشويه وشمس اجت
شمس :يمه خالتي تتصل
اخذت التلفزن وصارا تحجي واني وشني كلشي ما مفتهمين
ام مهيمن:هلا كلبي باختي الحلوه اشونكي
طبعا خاله تحجي مصلاوي ويايه ويا اهلها بس الباقي لا تحجي مثلهم
ام مهيمن:يا اش بيه اخوي .... يمه اسم الله ..... اي لازم اجي هسه يجي مهمين واقلو .....مليح (زين) قلتيلي .... اي يمه مع السلامي سلميلي علينو
حجت هيج سدتا وشمس حجت
شمس :ها يمه شبي خالي
ام مهيمن:ولج مو خالج مريض السكر ارتفع عليه كلش انقهرت عليه كلت اروح اشوفه هسه يجي مهميمن واكله
اني ابتسمت اذا راحت خاله اني ومهيمن انضل وحدنا فراح ايصير التجاهل كلش حلو
شويه وخاله اتصلت بمهيمن وحجيت وياه
ام مهيمن: مهيمن خالك تعبان هسه خالتك اتصلت بيه راح اروح عل موصل يجي حيدره ياخذني لان هوه بغداد ....تمام يمه الله وياك
شمس :يمه اجي وياج
ام مهيمن:لويش
شمس :مو اريد اداوم طكت روحي
ام مهيمن :وانت تماره مو عندج دوام
_لا خالي بعد
رادت تحجي شمس كرصتها شويه و راحت لمت غراضها واجا حيدره وصل اول ما دخل شفته كلش حلو هيج طويل وحنطاوي واشقر عيونه سود كلش حلو اجت خاله واني سلمت عليهم وبوست خاله وشمي وراحو
ضليت وحدي بلبيت ضجت رحت سويت كيك بلصوص وضليت شكد التهيت بيه لي حد ما خليته بلفرن رحت سبحت ولبست شورط وقميص تطلع بطني منه وهو دلع كلش حلو اول مره البس هيج ولميت شعري كبه وخليت مكياج بسيط كلش حلوه طلعت
نزلت شفتها مستويه طلعتها وريحتها فاحت شفت مهيمن دخل ما عطيت اي رده فعل انتبهت عليه صافن بيه وبلع ريكه لان جانت اكو مرايه فكدرت اشوفه
نزل راسه وفرك عيونه ودخل ضحكت بداخلي وحجيت ويه نفسي
_بعد ما شفت شي انا اعلمك
ضليت اروح واجي لما خلصط سويت عشه طماطه وبيض وجاي وهيج
خليتهم علميز وكعدت بعثت المهيمن وكلتلا تعال اتعشه
شويه واجا اينشف بشعره كعد وعطيته خبز وصرنا ناكل هو حجا
مهيمن : اليوم اتريدين نطلع بمكان
_لا رد
مهيمن :مو جاي احجي وياج
_لا رد
مهيمن :شنو هذا اسلوب جديد
_لا رد
ضليت اكل ولا باوعوت عليه هو عصب دفع الميز وكام بس من دفعا قلب الجاي عليه صار على رجلي شاخت روحي هو فز
مهيمن :اسف وعلي اسف ما جان قصدي ااذيج
دفعتا وكمت رحت غسلت صارت حمره كلش توجعني طلعت شفتا جايبلي دهن ما اخذتا
طلعت عل مطبخ وصرت اشيل بلصحون واغسل حتى الوجعي ما اهتميت ردت احرك مثل ما حرك كلبي
اجا ووكف بلباب وحجا
مهيمن : بعدها توجعج
_لارد
مهيمن :اذا تحكرج حطي من هذا كلش زين
_اتحمل شعل رجلي باري اهون من شعل قلبي
حجيتها هو اخذ المفاتيح وركع الباب وراه
خلصت كلشي وكعدت خليتلي دهن لي اليل هو ما رجع اخذت تلفوني وطلعت مسلسل وصرت اكل وعيني عساعه
شفتا كلش اتاخر طلعت عل حديقه وصرت انتضره وكلبي ميت عليه بس اريده يجي عبر ال12:00 وهو ولا اجا
خفت كلش عليه بس ما اتصلت ولا دزيت لي ال 2:00 سمعت صوت سياره
ركضت فتت على غرفتي واتغطيت وسويت نفسي نايمه كلهة دقايق وانفتح الباب
سمعتا اتنهد اجا قرب عليه وصار ورايه ما عطيت اي رد فعل ردت اشوف شيسوي
باس راسي وصار يمسح على شعري وحجي بلوم وبعتب
مهيمن :لهدرجه كرهتيني ولج انتضرت دقيقه دقيقه كل شويه اباوع على تلفوني بلكت دازتلي شي كلت بس ادزلي اجي ركض لي حد ما استسلمت و اجيت ولكيتج نايمه بعد ما جنتي ما اتنامين الا اجي واذا اتاخرت تشعلين التلفون ولج والعباس احبج وما خاينج
حسيت بغصتا رجع اردف
مهيمن :ما الومج على كل تصرفاتج اعترف حركت كلبج بس انت جاي تحركين روحي بعد اكثر ولج اليوم من شفتج شلون لابسه وكاشخه اشتعل اهلي فتت سبحت وطلعت بس من شفتج شلون تجاهليني ولج والله حركتي كلبي ما متعود عليج هيج احب ضحكج سوالفج
صوتج كلشي بيج احبه وحرمتيني منهن واني متعود عليج اتنامين بحضني لا اسوين هيج
طول ما هو يحجي احس بسجاجين بصدري بس ما حجيت شي وبلموت مسكت دموعي حتى لا ينزلن
حسيت على شفايفه الجمر وشواربه الي تبزز على خدي بس جانت سطحيه حتى لا افز ورجح باس شفتي بوسه سطحيه وراح
من سمعت صوت الباب اخذت نفس وصرت ابجي كلش انقهرت عليه اتمنيت احضنه اتمنيت ياخذني بين احضانه بس ما كدرت كلش جاي اتاذا بس ما استسلمت
مر كم يوم ونحنى على هاي الحاله ما احجي وياه كلش صوتي ما سامعه واشوف يتحارش بس يرد احجي شي واني ولا حجيت
اهتميت بكلش بيه اكوي ملابسه اسويله اكل كلشي يحتاجه اجيبله ياه بس اني ما حجيت هو صار ينام بل هول
مره نزلت سمعت صوت ضليت اباوع عليه سمعت صوتي من اضحك واحجي وياه انصدمت مسلج مكالماتي اني وياه
_حبيبي جيبلي اندومي وجبوسي ونساتل
مهيمن :يا روح مهيمن بعد شنو اتريدين
_هذا هو
مهيمن : اجيبلج ازبري
_اي
مهمين :وتصير شفايفج حمر اخخخ الله
ضحكت وحجيت
_لا تتاخر
مهمين :جايج ولج
ضحكت وسديته
وبعد اكو هواي اني اسمع وابجي بهدوء اشو شويه وجانو اتصال كام وهو طلع بره
عرفتا جاي يحجي وياها طلعت على غرفتي واني الافكار موتتني شلون جاي يسمع صوتي وشلون يحجي وياها راسي صاير يوجعني رحت صليت ونمت
مر اسبوعين وكلش ما اتغير بس مهيمن صار يتاخر وصار يلوب ايريد يسمع صوتي صار يتحارش بيه ويخليني اعصب حتى احجي بس ولا حجيت شي
بيوم جنت جاي اكوي ملابسه حتى ديروح وهو صار يستفز بيه ايريدني احجي
مهيمن :اكويه زين
كويته وعطيته ياه وهو مسكه سواه كره ورماه بوجهي وحجا
مهيمن :شنو هلكوي سويه زين
اخذتا رجعت كويته وعطيته ياه وهو حجا
مهيمن :هناه ما كويتي زين
اخذتا وكويته رجع حجا
مهيمن :من هنا
رجعت كويته لي حد ما مل ولبسه وراح
لي اليل جنت بغرفتي هو ما يطلع لي حد ما انام يشوفني ويرجع ينزل لان ما يدكدر يلزمني او يحضني وباخر فتره ضجت صرت اقفلا
جنت اشوف صوره وابجي شكد ردت ينتهي هلشي او يطلع حلم فزيت على رساله بتلفون شفتا دازلي اغنيه فتحتها جان موال
ماجد المهندس (كون يمك )
كون يمك
الف هنياله اليوم
الف هنياله اليوم الي ينام يمك
انا احبك
واحبك كل حرف بسمك
انا احس يجرن سوه دمي ويه دمك
كون يمك
كون ابوسك
كون احضنك
كون اشمك
كون اضمك
كون احط راسي على صدرك بلكت خدي ايزيل همك
ناري ما تطفا ولا نارك طفت
وعيني كبلك تبجي اذا عينك بجت
طول ما جاي اسمهاه ادموعي تنزل كلش اتاذيت صح اني جنت مجاهلته واتصرفت كان ما مهتمه بس اني جواي نار كل ما يطلت اكول رايح الها الافكار الي تجيني اتموتني كل يوم اشوف صوره وابجي وانام ضجت كلش تعبت اريده يحجي بس هو ولا ينطق
مره سمعته هم جاي يحجي وهلمره اشتعل كلبي بعد اكثر والله تعبت فزيت على رساله منا
💬ما اتحنين ؟
_لا
💬كلبي طاك عليج
_اي لكن خليه بعد ايطق
💬ولج حارمتني من كلشي حتى الغرفه صرتي تقفليها
_اي احسن غوح خلي هاي الي تحكي معاها تنفعك
💬ولج ما تجي ضفرج
_هههههه والله ؟ تحكي هشكل لكن اشون اتفضلا علي وتحكي معاها
💬 :مجبور
_ما اكو شي جبر قتولك اذا ما تحكيلي انا ما احكي معاك وما تلمستي
💬شنو اتريدن احجي
_ليش عملت هشكل ليش حكيت مع بنت عتجيني افكار بغاسي عتموتني مهيمن وحق الله وحق الله اذا سببك ما مقنع تحلم اتشوفني بعد
💬هيج تتركيني
_اي اتركك
💬كلهم تركوني ضلت عليج
صفنت برسالته رجعت كتبت
_انا ما مثلم مهيمن صاغلي اسبوعين عدموت علبطئ تحسبني هشكل هين الموضوع خلي نفسك ابكاني ولا عليش تذكر من زعلت مني على مود الي معاي بلجامعه هاي وانا ما حيكيا معاه وضليت ما تحكي معاي لكن انا اش اقول تحكي معاها واتقلا ايمتي اجي اش اتغيدني اصرف
💬حقج كلشي حقج بس ايصر الوق احجيلج
_الله كريم
حجيت هيج ونمت
مر يومين ونحنا على نفس حالنا بس مهيمن صار يتاخر كلش هواي ومن يجي حالتا ما طبيعه حتى ملابسه هو يغسلهم استغربت بس بعد بكم يوم
ما اجا لي ال 4:30الصبح دخل واول ما شافني راد يطلع ما جان متوقع ضاله كاعده لي هذا الوقت شفتا جان شكله غريب
اتقدمت بتجاهه وهو يباوع بعيوني واني ما اباوع عليه اباوع على بقع الزركه والحمره الي واضحه على ركبته اباوع على قميصه المشكوك وطالع صدره وكفت مقابله حرفين بهل موقف حسيت شي صار بدخلي ما ادري شنو حتى جان امل ابداخلي انو ما خايني راح بعد.ما شفت حالتا
هو راد يحجي بس انهاريت صرت اضرب صدره وابجي ولاول مره احجي بعد هلمده
يتبع ......
شنو رايكم بلبارت ؟
_________________________________
#الفاتنة و الذيب
بقلمي:تبارك ياسر
حلوات لا تنسون التصويت +تعليق بين الفقرات ومتابعه الحساب
İnsta: to20_mo
TikTok:to20_mo