هلو جمراتي طبعا. هل فتره حيبدي دوام واحتمال اتاخر بالتنزيل. تحملوني شوي
يلا استمتعوا بالبارت
شريان : يمه شهل صوت
جاسم : هلا بنت اخوي هلا بالكاطعين
شريان : انت منو اني ما اعرفك ولو سمحت اطلع بره بيتي لا اتصل بالشرطه
جاسم : انجبي لج ادبسز. تحضرين غراضج وتجين وياي للانبار ما اخليج هنا ماعدنه بنات يضلون وحدهم وي وحده ما معروف اصلهه من فصلهه
شريان : تحترم نفسك احسن الك امي تشرفك وتشرف عشرة منك انت لو رجال صدك جان ما دخلت لبيت بي بس نسوان بس شترجه من اشباه الرجال
جاسم : صدك نازعه المستحه انتي
شريان : اني مالبستهه اصلا حتى انزعهه وهسه يلا بره ما نلفي واحد مثلك اطلع لا والله ورحمة بابا بصوت واحد الم عليك امة لا اله الا الله. فارج كطيعه
جاسم : اسمعي ولج غصبان عنج تجين فهمتي لا اخليج جنازه هنا
شريان : اذا زلمه وطالع من ظهر ابوك مد ايدك واراويك الامهات شتخلف
جاسم : ادب سز. شو اجيت اضربهه هاي مطلتني وشبعتني بوكسات
شريان : هههه عود يريد يمد ايده شبع بوكسات وسحلته وشمرته على ولده هاكم هذا ابوكم بعد لا تعتبون باب بيتي لا تندمون على الساعه الي عرفتوني بيها
بعد مرور شهر
شريان : ماما ردت عافيتها وكتمنا حزنه بكلوبنا وباقي خمس ايام على الاربعين. اوف بابا لو تشوف شصار بينا
وريد : شريان ماما انزلي تغدي كافي حابسه نفسج بالغرفه
شريان : جايه ماما. نزلت لكيت السفره كامله ماما خلي اشيل من الاكل بثواب بابا اكو عائله فقيره هنا شتكولين
وريد : بكيفج انتي سوي الي يعجبج.
شريان: اخذت صنيه بيها تمن مطبك سمج وروبه وزلاطه وخبز ولبن. جاي امشي وشفت واحد لاحكني كملت بهدوء انطيت الاكل وبالرجعه حسيت بأيد على متني
علي : شلونج عيني
شريان : شلو عيونك ان شاء الله ايدك عني لا اكسرهه واعلكهه بركبتك
علي : اعصابج عيني تره ماسويت شي واجيت اكلج اني اخوج من ابوج. شبيج شرسه
شريان : اني ما عندي اخوان. ولو سمحت خليك بعيد عني
علي : بس اني مايهون عليه تصلون وحدكم هنا. تعالو وياي لهناك
شريان: سعيك مشكور استاذ علي طول عمرنا عايشين وحدنا شنو الجديد الي طرء عليكم بالله لو لان بابا مات ومسجل كلشي بأسمي. تردوني يمكم على كولت الكوتيين حامض على بوزكم اجي معاكم
علي : هسه انتي فكري براحتج
شريان : ما افكر اصلا وهسه من رخصتك اروح. رجعت للبيت ولكيت امي منتظرتني وخايفه
وريد : ولج يمه وين رحتي تاخرتي
شريان : اجه واحد يكلي اني اخوج هو ماما بابا متزوج قبل
وريد : بعد الغده اسولفلج كل شي
شريان : ماشي ماما. خلي نتغدى تغديتا بصمت كملنا وغسلت مواعين وسويت فنجانين كهوه تفضلي ماما كهوتج
وريد : تعيش ها ادين اكعدي خلي اسولفلج شلون تعرفت على ابوج وليش ما نروح لا لخوالج ولا لعمامج
الرجوع للماضي
وريد : جاي امشي واجه واحد صدمني هنا صرت عصبيه. انت اعمى ما تشوف شهل غباء
محمد : اسفين عيني مو بقصدي شبيج انكرصتي علينا لو حلوه شتسوين
وريد : اضل احلى منك وجهه الطاوه يلا اتسرسح منا لا الم عليك امة محمد
محمد : يخزي العين على اساس انتي ما لميتي علينا امة محمد لسانج جنه لسان دلاله
وريد : طالعه على امك واختك تعلمت منهن
محمد: صرت عصبي وضربتهه راجدي
وريد : شو هذا ضربني راجدي ماكدرت اتحكم بدموعي نزلت وطكيتهه ركضه للبيت جاي اركض واعبر الشارع ودعمتني سياره
محمد : لااا. اطلبو الاسعاف بسرعه. يلا بسرعه
وريد : اخ راسي اني وين.
محمد : حمد الله ع السلامه واسف لان كله صار بسببي
وريد : اني بخير بس افارك وجهك.
محمد : اروح اشوف ليمته خروجيتج
وريد : استعجل بسرعه
محمد: صوتج نصي ما اشتغل عندج عيني
وريد : طلعت للبيت ما خليته يوصلني طلبت تكسي ورحت تلكاني بابا ضربني راجدي على اثره انفتح الجرح. دخلت للبيت بوجهي لغرفتي قفلت الباب. ونمت وراسي ينزف
ام وريد : وريد ولج وريد تعاي ساعديني فلك صابج
ابو وريد : اني اعرف اربي هل كلبه واخليهه تسمع الكلام صعدت لغرفتهه دكيت ما فتحت بعصبيه كسرت الباب. ولكيت وريد سابحه بدمهه ولك عامر الحك اختك راح تموت
عامر : شكو بويه. شبيهه
ابو وريد : شيلهه بسرعه
عامر : شلتهه وركضنا بيهه للمستشفى اول ما دخلنا اخذوهه
الدكتور / منو وي المريضه وريد عمر
عامر : احنا وياهه دكتور طمنا شلون وضعهه
الدكتور : بنتكم الصبح نقلوهه النه اثر حادث سير واصرت تطلع رغم هل شي خطر عليهه وهسه حالتهه احسن بس محتاجين دم لان نزفت هواي
عامر : هسه اتبرع. بويه خليكم يمهه
ابو وريد : اوف سوده عليه
وريد : كعدت وراسي كلش يوجعني اني وين. اوف اخ راسي
ابو وريد : انتي بالمستشفى. هسه يجي الدكتور ينطيج مسكن.
وريد : لا رد سكتت كانما همه ما موجودين
ابو وريد : شلون صار الحادث. احجي
وريد : جنت جاي امشي وصدمني شخص وكع كوب كهوته على ملابسي انجويت صار مشكله بينا وبعدهه ضربني انقهرت وبجيت وركضت ما انتبهت للسيارات. اندعمت وما ضليت بالمستشفى لان انتم ما تدرون بيه انو اندعمت واكيد من ارجع للبيت ما راح تتفهمون
ابو وريد : اسف لان ضربتج قبل لا اسمع منج
وريد : مشت الايام وبلش دوام الجامعه ورحت وبالصدفه شفت الشخص الي ضربني. غضيت البصر وكملت طريقي وبالطريق شخص. سمعني كلام وصدفه سمعه محمد. وشبعه بوكسات وتم استدعائنا من قبل العماده وكلنا ترزلتا
محمد: بيج شي محتاجه شي
وريد : سلامتك وشكرا لان ساعدتني ما انسالك هل جميل
محمد : ولو ما سويت شي. هذا واجبي
وريد : من رخصتك حتبدي محاضرتي
محمد : براحتج
وريد : مر على معرفتي بمحمد ثلاث اشهر اجه اعترفلي انو يحبني. ويريد يخطبني
محمد: اني احبج واريد اخطبج شتكولين
وريد : اني موافقه تخطبني. بس خايفه اهلي ما يقبلون
محمد: ان شاء الله يقبلون اليوم افاتح ابوي
وريد : تمام. كملت دوام ورجعت للبيت تعبانه بوجهي للنوم
محمد: بويه اريد احجي وياك بموضوع اذا فارغ
الشيخ عبد الكريم : اي بويه كول شنو عندك
محمد: بويه اكو بنية وياي احبهه واريد تخطبهه الي بالحلال
الشيخ عبد الكريم : من ليمته احنا نتزوج غرب ولا تنسى من صغرك حجزنالك بنت عمك سعد. هناء لو ناسي.
محمد: بس اني عاده مثل اختي ما اكبر اتزوجها
الشيخ عبد. الكريم : عندي حل الك حتى تتزوج الي تحبهه لازم تزوج بنت عمك اول وتدخل عليهه ومن نروح نخطب حبيبتك ما نكول انو انت متزوج شتكول
محمد: شورك وهداية الله. خلص زواجي من هناء خلال اسبوع وبعد شهر العرس خطبت وريد وهي ما تدري بيه متزوج
وريد : ما اصدك واخير حنتزوج
محمد : صدكي بعد عيني حنتزوج
مشت الايام وتزوجت وريد محمد وهنا هناء حامل وهل شي صدمه لمحمد لان متفقين بلا جهال
وريد : محمد خلي نزور اهلك شتكول
محمد : اي نروح ليش لا
وريد : رحنا وتلكتني وحده وكالتلي هلا بشريجتي محمد هاي شتحجي شنو هلا بشريجتي
محمد : هناء مرتي. جان شرط ابوي انو اتزوجها. قبل لا اتزوجج
وريد : لا تخبلني شتحجي وفوكاهه حامل منك
محمد : اهدي بس خلي افهمج
وريد : ضله وياك ما راح اضل. نقطه راس سطر هي حامل وراح يجيهه طفل اني طرف ثالث
محمد : هناء انتي طالك بالثلاث
وريد : انت شسويت تخبلت
عبد الكريم : اطلك بنت عمك علمود هاي. من هل اليوم لا انت ابني ولا اعرفك
محمد: وريد امشيلنا يالله
وريد : مشيت واني مصدومه ضليت فتره زعلانه بعدهه طلعت حامل بيج وسمعت انو هناء جابت ولد وبالولاده توفت ومن يومهه احنا ما وصلنا لعمامج
يتبع ...
هلو جمارات كلبي. هذا البارت هديه الكم واتمنى تصوتون وكومنت حلو مثلكم شجعوني حتى استمر