#قـوة_ايسـون
البارت الثالث عشر
باقلـم : زهراء لؤي
ولـدي الحلوين لتنسـون التصويت ، وتابعونـي ✨💅🏻
حسـابـي الأنسـتا zahraa_Loay
كمت امر بترابهم واشتم عطرهم
وأسأل اتراب الگبر يوميه عنهم
بعده لون الورد مرسوم ابوجهم
لو ترابك يا گبر غير شكلهم.
________________________
ميـار
تقدمت ايسون عليّ تحجي وياي تصيح انا بعالم ثاني بـ صدمه أحس روحي جاي تطلع باوعت الـ ايسون وحجيت
-ميـار : شديگول هذا ايسون أكيد يجذب أمي مابيه شيء
رحت ركضت فتحت الباب الغرُفه لگيت أمي متمده رحت ركض أصرخ واهز بيها
-ميـار : يمه لا هذا جاي يگول متي لا متعوفيني وحدي يمه انا مالي غيرج يالله گومي أگعدي انا بنيتج الوحيدة أدري بيج تردين تخوفيني عليج
-ميـار : يمه لا تكسريني بيج يمه لا تحرگين روحي الموت مو ألج والله مو ألج
تقدمت ايسون تلزم بيه وانا أصرخ دخل سُلطـان وياها حاولو يوخروني وأنا فاقده
-ميـار : ولج ايسون شوفيها ليش ماتگعد گليلها بعدني صغيره لا تسوي بيه هيج گليلها اريد حُضنها گليلها تقبلين تيتمين بنيتج عزيزة روحج
صرخت بصوت عالي رجهم رج
-ميـار : ولج يمه رحتي واخذتي روحي وياج
أجه الأكبـر كومني هو وسُلطـان وأبو مُصطفىٰ وأكفين يريدون يهدوني بس انا فاصله بغير عالم راح الأكبر يسوي الاجرائات وكمل اجه طلعوها من المُستشفىٰ وأنا أصرخ گالو راح يغلسوها
-ميـار : اخذوني انا أغسل أمي اخذووووني
حجه سُلطـان وهو يتقرب من يمي
-سُلطـان : تعالي يالله ناخذج ايسون تعالي ويانا
رحنا طول الطريق أبجي واصرخ ماخذه ايسون فوني ومتصله على عمو من واحد لواحد كلهم سمعوا بالي صار
وصلنا للمغيسل نزلت دموعي تنزل وأشهگ جسد بلا روح
يمي ايسون لازمتني ابد ما هدتني
أمي أم طول الحلو أم ضحكه الحلوة الحنينة متمدده أهناء !
صرت اغسل ألها واشهگ
-ميـار : يمه والله هذا مو مكانج فدوه اروحلج لا تعوفيني والله مالي غيرج
لزمت اديها ابوس بيها واحجي بلهفة
-ميـار : يمه باوعي أنا بنيتج راح اضيع من بعدج شلون بيه من بعدج اريد حُضنج يلمني
ضليت أدگ على گلبي واصرخ
-ميـار : يمه نار الي بصدري ماجاي تطفه گلبـي مات من بعدج
-ميـار : گليلي أذا اشتاگلج وين ألگاج ؟ وأذا روحي تطلب حُضنج يلمها منين أجيبه ألها !
كملت تغسيل سحبتني ايسون شطفتلي وشطفت هيه ردنه نطلع اجت مرة عمو مُـراد تبجي وحضنتني وحضنتها اصرخ
-ميـار:عمة عافتني أم روحي عافتني
تصرخ وهيه حاضنتني
-مُهرة : عمت عين روحي ولج
-ميـار : أريد أمي عمه اريد أمي
-مُهرة : يابعد عمتج تعالي نصعد بالسيارة ينتظرونا
رحنا صعدنا ضليت اضرب برجلي كل قوتي شعور كلش بشع من تحسين أمج بعد ماكو يمج بعد ماكو ضهر تستندين علي
من احتاج أمي أحتاج حُضنها هيّ كل دنياي ليش عافتني وراحت هدت حيلي والله هدت حيلي
طول الطريق أبجي وايسون ادري بيها ماتگدر تبجي گلبها ميت بس تفرك بصدرها وكلساع تختنك عمه مُهرة تلزم بيه وهيه كذالك متسودنه لان كلش تحب ماما وعلاقتهن قويه
انطتنا شالات وصايات ايسون لبستهن وانا مالي طاقه ألبسهن لبستهن ألي هيّ
ضلت تشهگ وگوا تحجي
-مُهرة : مَوَدَّة جا هيج تسوين بيه يابعد أخيتج انا ماعندي اخوات بس انتِ أختي صرتي ليش عفتيني تعرفين ماعندي غيرج
لطمت على وجهي وصرخت
-ميـار : يمه أرجعيلنا كلنا محتاجينج والله
حضنتني ايسون وهيه ترجف
-ايسون : ميار مصدومه مصدومه لحد هسه مجاي أصدك أمج ماقصرت وياي بـ بيوم وتخابرني وتسأل عليّ والله جنت مشتاقتلها جنت ناويه أجي اشوفها وأخذج بس راحت وماشفتها
وخر من حضنها اتوسل بيها
-ميـار : ايسون انا اخاف بدون أمي والله أخاف حياتي مابيها معنى خلي ترجعلي والله لو تطلب روحي أنطيها
حجه سُلطـان بغصه
-سُلطـان : ميار ميصير تبجين مو زين على أمج
-ميـار : أريد أمي سُلطـان
-سُلطـان : أمج صارت بـ مكان أحسن يم ربج الكريم
خليت راسي على الجامه وأحجي بغصه وبهمس
-ميـار : أريدج يمه
𖥕᷂ 𖥕᷂ 𖥕᷂ 𖥕᷂
ايسـون
مصدومه وكلش همين خاله أم ميار ! شلون أنسانه عظيمه بـ معنى الكلمه ماكو مثلها والله حنونه عشت يمهم فترا كلش طويله أبدً ماحسستني غريبة تعاملني مثل تعامل ميار ويوميه تخابرني وتسأل عني
بيه غصه مجاي تنزل دموعي مصدومه يارب كل الناس الي أحبهم جاي اضيعهم صعب هالختبار ياربي ميار حالها يكسر الضهر صديقه عُمري
خايفه عليها كلش خايفه رُغم هيه ماتحجي هوايه بـ أمها بس حيل تحبها ومتعلقه بيها بـ شكل جانت يوميه تسأل وتخابر
صحيح مشتاقه الـ ميار بس أبد ماتگلها تعاي او محتاجتج
دأئماً تكلها اريد شهادتج بـ أيدج اريد سحلاج لا تشيلين همي
كلش كسرتينا خاله فوك كسرتنا مادري شنو الي أسوي ونطفي النار ألي بينا
ميار حاطه راسها على الجامه وتون صعبه كلش صعبه أمج وضهرج وأحن شخص عليج بـ هالدنيا تخسري تحسين الدنيا أشگد تافهه
طول الطريق ميار تون وتبجي وتخرمش أديها طلع دم منهن اوخرها ترجع تنسى نفسها وتخرمشهن
سألت سُلطـان عن أيهم گلي بغير سياره صاعد وحاله كلش تعبان
وصلنا للمقبره نزلنا نزلو التابوت ميار حاضنته تبجي وتصرخ
-ميـار : يمه أگعد گليلي الي جاي يصير حلم أرجعيلي لا تهدين حيلي لا تعوفيني يمه
تقربت عمتها مُهرة سحبتها وحضنتها وضلت تتوسل بيها
-ميـار : عمه لا تخليهم يدفنوها مو تگولين أختج هيه؟ مو تكولين ما أگدر بدونها يالله گليلهم لدفنوها عليج أبو الحسنين لا تخلينهم
جريتها حضنتها وخرت مني وراحت حضنت خاله
-ميـار : كسرتي ضهري يمه حيلي نهد منين أجيب الحيل بعد وانتِ ماكو يمي
اخذوها يدفنوها وتصرخ سُلطـان تقرب منها وگلها
-سُلطـان : لتسوين هيج حرام ميار ميصلح گومي عيني نفسج شدي حيلج
-ميـار : ولك سُلطـان اخذوا أمي يدفنوها منين أجيب الحيل بعد
-سُلطـان : أصيرلج الحيل كله عيني نفسج
گومناها ضلينا نباوع شلون يدفنوها ميار متسودنا كملوا أجه تقرب أيهم من يم ميـار حضنها وضلوا ثنينهم يبجون
-ميـار : أيهم راحت عزيزة عيونه أيهم ولك عافتنه كسرتني أيهم
-أيـهم : يوجعني گلبي ميار راحت أمي الثانيه
طاحت بالگاع وهوا حاضنها كل قوته
-ميـار : أريد أمي
أيـهم : اشش كاافي كاافي تعالي نزور تعالي وصي أبو الحسنين عليها اليوم يمه هيه
گومناها صعدنا بالسيارة حطت راسها على كتفي وتون حجيت وياها بـ بغصه
-ايسـون : ميار أريد أبجي گلبـي يوجعني على خاله
-ميـار : أبجي أبجي أمي تستاهل واحد يبجيلها
طول الطريق هيه تون الأكبـر دموعه تنزل هو وسُلطان من يشوفون ميار هيج ميگدرون يسون شيء لان بالأخـر هاي أمها
وصلنا (للأمام علي عليه السلام)
نزلنا جاي نمشي وگفت ميـار صاحت بصوت يرجف وعالي وبجت بحيث كلها باوعت النا
-ميـار : والله صعبة ياعلي
تقرب أيهم ماتحمل حضنها وبجه وياها نزلت ادموع سُلطـان والأكبـر راح الأكبـر اندارع على الأيهم وحضنه كل قوته رُغم مايعرُفها الأكبـر بس بالأخر تضل أم ميار
رحت الـ ميار حضنتها وتبجي دخلنا جوا زرنا ضلت ميار شابكه الشباك وتبجي
-ميـار : يا أبو الحسنين أمي يمك أمانه
حضنتها خاله مُهرة وضلت تبجي
اختنكت بعد ما أتحملت ضليت گوا أجر النفس وأشهك كل قوتي اريد الهوى يدخل الريتي ماكو ماردت اقلق ميار شويه ابتعدت عنها على صفحه أجت مرا جبيرة شافتني
-:شبيج يمه بيج شيء؟
-ايسـون : أريد هوى خاله اريد هوى
جرتني على صفحه جانت جنطتها بالگاع طلعت بطل مي وأنطته ألي وگالت
-: اشربي يمه اسحبي نفس على كيفج
شربت مي اخذت البطل من أيدي رشت على وجهي غسلته بي ومسحت على صدري وضلت تقرا أيات عليّ شويه حسيت صرت أحسن رحت تشكرت منها ورحت الـ ميار وزرت همين اخذت ميـار وطلعنا
أجه عم ميـار مُراد حضنها وضلوا يبجون ثنينهمُ
-ميـار : عمو أريد أمي مجاي يفهموني أكلهم اريدها ماگدر بدونها بس محد يفهمني محد يفهم وجع روحي
باسها براسها وگلها
-مُـراد : يابعد عمج أنتِ راحت أمج مكان أحسن أريدج قوية وأمج دأئمًا جانت تريدج قوية ومتضعفين أبدً أريد أمج تفتخر بيج،
هزت راسها رجع گال
-مُـراد : تعالي هسه نروح يالله والفاتحه تصير عندنا بيتنا
-أيـهم : ليش متسويها عندنا ؟
-مُـراد : لا يمنا أفضل وماكو فرق ثنينا واحد
هز راسه جاي امشي نريد نصعد صاحني الأكبـر
-الأكبـر : بلغت أمي بالي صار وتريد تجي روحوا انتوا وانا منا حطلع أجيبها هيّ والبنات
حجيت وگوا يطلع مني الكلام
-ايسـون : تمام ، بلا زحمه ياريت تگول للبنات يجيبون ملابسي وملابس ميـار
-الأكبـر : ماكو أي زحمه ايسون تدللين
هزيت راسي وردت اروح جرني حضني بشارع همست
-ايسـون : شبيك أكبر وخر شدسوي
حجه وهوا يوخر
-الأكبـر : خليج قوية ايسون ادري بيج انتِ قوية مايحتاج اوصيج ميار محتاجتج حاليًا ماشي
-ايسـون : أن شاءالله
رجعنا ردت أصعد بالسيارة همس سُلطـان بصوت ناصي
-هسه وكت محاضن وسوالفكُم ماتگلولي شسالفتكُم متتحملون
خزرته وكرصته وگتله
-ايسـون : أدبسزز مو مثل ما انتَ مفكر
-سُلطـان : اي خوش
صعدنا حركنا السيارة ميـار طول الوقت تون وعمه مُهرة تحجي وياها وتحاول تصبرها غمضت عيونها وتنزل دموعها
وصلنا باليل الساعه بـ٧ ونص باليل لان كل ساعه وينزلون نص الزلم الي يعطش او يصلي او يريد يشتري نزلنه بيت مُراد لزمت ميـار نزلت عمه مُهرة گدامنا لگينه هوايه نسوان بالبيت
اول مدخلنا بدت النسوان تصرخ وتبجي واجن يسلمن على ميار وهيه كذالك بدت تبجي أجت أم الأيهم واخته راحت ميـار تركُض حضنتها
-أم أيـهم : يمه بنيتي عمت عيني عليج عافتنه شمعه البيت عمت عيني عليها
-ميـار : اخ ياخاله شحجي گليلي شحجي أمي عافتني خاله اختنكت أمي خاله مالحگت عليها ياريت ترجع أبوسها وأشمها ياريت
تقدمت أخت أيـهم قمر حضنت ميار
-قمر : كافي حبيبتي ميصير تبجين ميصلح گومي أسبحي وأقري قُران ليلة الوحشة يالله
هزت راسها ميار راحت تسبح جابت الها قمر ملابس لبستهن وراحت تصلي وتقرا قُران شويه واجوا الأكبـر وأهله أجت خاله والبنات يبجن رحنا گبل حضناها ثنينه
-ليلى : عمت عين روحي بنياتي
-ميـار : روحي توجعني خاله
-ليلى : ياريت الوجع بيه ولا بيج يابعد أمج
تقربن نبأ ومريم حضنه وگالن
-البقية بحياتكُم
-ميـار : حياتكُم الباقية
گعدنه يم النسوان والمُلاية تقرا كملت المُلايه اجه الأكبر وسُلطان رادوا يرحون بس مقبل أيهم گلهم أبقوا ميصير تطلعون بهيج وقت واحنا محتاجيكُم بقوا يمنا
أجت فاطمه بنت خالها محمد وخالها وزوجته على ما أعتقد ميدرون همين البنيه متسودنه تبجي وتصرخ
-فاطمه : وينجج يمه ليش عفتيني والله انتِ الـ ربيتيني وكبرتيني شلون تعوفينا هيج وترحين گولي شلون يطنيج گلبج
تگابلن هيّ وميار يبجن
اجوي كلهم التموا من بعد ماراحت الناس وضلوا يبجون گامت خالة مُهرة تفرش الـ ميار والـ أهل الأكبر يرتاحون فرشنه راحت ميار على فراشها وراحن البنات وخاله ليلى يمها وفاطمه وأهلها راحوا مقبلوا تضل أشگد اصرت مقبلوا لان تعبت نفسيتها
رحت انا دخلت سبحت وطلعت على السريع حتى اعزل وي عمه مُهرة عزلنا البيت دخل ولد جبير للصاله اول مرا اشوفه لابس أسود وجه باهت ولابس جنطه ام الـ متن وگال
-السلام عليكُم
باوعتله بـ ستغراب وگتله
-وعليكُم السلام تفضل محتاج شيء
نزع جنطته وگال
-أهلي وين؟
-ايسـون : منو أهلك؟
وين مسألته وطلعت عمه مُهرة
-مُـهرة : ها يمه شهم أجيت
تقرب منها وباسها براسها وگلها
-شهـم : شلونج يمه
-مُـهرة : بخير يابعد أمك
خليت ودخلت للمطبخ عيب اضل يمهم اكو مواعين ممغلوسات غسلتهن دخلت خاله مُهرة وگالت
-مُهـرة : تعبتج بنيتي
-ايسـون : لا خاله شسالفه ماسويت شيء
دخلت أبنها شهم باوعلي ودنگ وگال
-شـهم : شويه من رخصتج بس خلي أغسل
ابتعدت عنه وگلت
-ايسـون : العفو منك تفضل
غسل وجه كملت المطبخ گلت الـ خاله مُهرة راح انام وترخصت منها ورحت للغرفه دخلت فتحت الباب كلهن نايمات اريد انمطل وصاحت ميـار
-ميـار : ايسون تعالي شويه
گمت الها بخوف وگتلها
-ايسون : شبيج حبيبتي بيج شيء تردين شيء
حجت وهيه تلتوي ولازمه بطنها
-ميـار : بطني ايسون جاي تأذيني حيل
حجيت وانا اوخر الغطى اريدها تگوم شغلت الـ ضوة مال المُبايل لگيت كومه دم ! باوعت الها وگتلها
-ايسـون : ميار جاي تنزفين ترا !
بلعت ريگها وباوعتلي وگالـت
-ميـار : هاي ليش انزف
حجيت وانا أگوم بيها
-ايسـون :لان تعبتي ولان خفتي وصدمات صار عندج نزيف گومي ويايه بسرعه خلي ناخذج للمُستشفى
سبحت الغطى وصاحت
-ميـار : شبيج ايسون مُستشفى شنو شتگوليلهم تعالوا ناخذ ميار للمُستشفى جاي تنزف صدك تحجين !
-ايسـون : لج أمي عيناي مابيها شيء گومي احسن ميصيرلج شيء تحركي
-ميـار : ماگوم عوفيني عوفييني
-ايسـون : اش ولج راح تگعدين العالم تمام منروح تعالي ويايه للحمام خلي اجيبلج احتياجات گومي
گومتها اخذتها للحمام رحت ركض الـ خاله مُهرة گعدتها من نومها خطيه اخذت منها احتياجات ضل بالها ردات تروح شوفها مخليتها گتلها تخجل كتلها اطمني هسه احل الموضوع
اخذتهن الها رحت ركض كملت اخذتها على فراشها
دزيت الـ سُلطـان مسج اريده يجيب علاج بالكي صيدليات مفتحه
-سُلطـان موجود؟
رد عليّ
-سُلطـان : ها ايسون شكو صاير شيء بيجن شيء ميار بيها شيء؟ احجي
-ايسـون : اهوو دنطي مجال احجي شبيك باوع اريد تجيبلي علاج من الصيدلية ضروري تشوفلي مال نزيف حباب
-سُلطـان : خرب أنه فهمت ألمن هسه گايم افر اديالىٰ صيدله صيدله ، زين هسه شلونها؟
-ايسون : سُلطـان اتحرك ولتضل تسأل بسرعه
-سُلطـان : رايح رايح
راح للصيدلية گمت گعدت برا انتظرة سمعت صوت فتحت باب الدونيا درت وجهي اريد أشوف منو طلع الأكبر باوعلي بصدمه وگال
-الأكبـر : شبيج ايسون بيج شيء ؟ ليش طالعه برا بهل وقت
-ايسـون : لا مابيه شيء بس
-الأكبـر : بس شنو ايسون احجي
-ايسـون : ميار صار عندها نزيف وديت سُلطـان يجيب ألها علاج
-الأكبـر : صدك تحجين ليش ماگتيلي
-ايسـون : ماكو فرق بينك وبيك سُلطـان
-الأكبـر : زين شلونها ميار هسه
حجيت وانا استغفر
-ايسـون : شبيك انتَ شهل اسأله انتَ وسُلطان
-الأكبـر : خايبه شبيج غير اسألج عليها
-ايسـون : يعني بنظرك شونها؟
حك شعره منحرج وگال
-الأكبـر : هم صح
أنفتح الباب على كيف خليته مردو الـ سُلطـان دخل جايب بيده علاگه علاليگ باوعلي وحجه بخوف
-سُلطـان فدوه خلي تشربهن كلهن ولتگليلها سُلطـان جابهن ألج وراسليني طمنيني عنها ماشي ايسون
-ايسـون : طبعًا ماگلها تريد تريدها تذبحني على القُبلة
حجه سُلطـان والأكبـر ثنينهم بنفس لوقت
-الأكبـر : تمام انتبهي الـ نفسج
-سُلطـان : تمام انتبهي عليها
ضلينا واحد صافن بالثاني هزيت راسي ودخلت الـ ميار لگيتها نايمه جيت الها مي وگعدتها
-ايسـون : تعالي أگعد اشربي هذا العلاج جبته ألج
گعدت تحجي بنعاس
-ميـار : منين جبتي؟
-ايسـون : من عمه مُهرة گتلها ألي صاير عندي نزيف وانطتنيا
هزت راسها شربته طلعت وديت العلاج للثلاجه دخلت للغرفه صاحنتي ميار
-ميـار : ايسون تعالي نامي يمي
تقربت يمها بست راسها ورحت نمت يمها خليتها بحُضني ونمت
𖥕᷂ 𖥕᷂ 𖥕᷂ 𖥕᷂
نبأ
گعدت الصُبح وانا بيت عم ميـار باوعت الها صافنه متستاهل ميار أنسانه كلش حباب ونصدمه بالي صار وخاصه الأنسان يفقد أمه الأُم هيّ كلشيء بـ الحياة
مانگدر نمعنها شما تبجي لانُ تُبقى أُمها الله ينطيها الصبر والقوة ، تعوذت الشيطان حطيت شال لبسته من أجينا للفاتحه كلنا لبسنه شالات لگيت ايسون وأمي ومريم بالمظبخ باوعت الهن وگتلهن
-نبأ : صدك تحجن الساعه بـ٧ غير تندهني وياجن والله عيب نايمه
-ايسـون : ندهناج بس جنتي تعبانه خليناج نايمه وتوها اجت خاله تريد تگعدج واجيتي انتِ
هزيت راسي غسلت وجهي انطتني ايسون جاي وجبن استحيت أكل بس جبرت نفسي حتى مايُغمى عليّ لان أذا ما أكل أتعب أكلت وشبعت
وگمت انضف أنا وايسون ومريم ويانه بنيه أسمها قمر بس ماعرُف بنت منو تصير
تقربت من يم ايسون وگتلها
-نبأ : ايسون منو هاي الأبنيه ؟
-ايسـون : قمر أخت أيهم
نصدمت تنطي شبه بس ما أجه على بالي أنُ أخته كلش حلوة ماشاءالله جاي اغسل المواعين ورحت اسطرهن بالكاونتر وگع من ايدي صحن صاحت الي أسمها قمر
-قمر: الله حبيبتي انتبهي
-نبأ : آسفه وگع من أيدي بالغلط
ابتسمت وگالت
-قمر : عادي حبيبتي مصار شيء بس أبتعدي عن الكزيز على ما أجيب المُكناسه وأجي المها
-نبأ : لا أبقي انا راح ألمه
قبل لتحجي رحت جبت المُكناسه گعدت ألم بي سمعت صوت أيهم دخل للمطبخ يگول
-أيـهم : تعالي قمر حبيبتي جيبلي ملابسي الي يمج خليني أسبح
رفعت راسي لگيته يباوعلي حجيت وانا مدنگه
-نبأ : شلونك أيهم البقيه بحياتك
-أيـهم : أهلاً غزاله وحياتج الباقيه انتِ شلونج
رفعت راسي خازرته وانتبه لنفسه وگال
-أيـهم : العفوا أقصد نبأ
دهر وجهي اريد اروح لگيت قمر أخته بالباب تحاول تخفي أبتسامتها مشت وهيّ تگول
-قمر : تفضل حبيبي محتاج شيء بعد
-أيـهم : لا حبيبتي سلامتج
كملت طريقي منحرجه منها من وراها اخوها الـ عتوي شويه وأجت النسوان والمُلا تقرا وميـار گاعده تبجي لگيتها وايسون حاضنتها وتحاول متخليها تأذي نفسها لانُ اديها عباره عن خراميش وطالع دم منهن گعدت أبجي يمهن وأبجي
خلصت الُقرايه وردنا نروح لانُ عيب من الناس باقين يمهم بس أيهم الـ عتوي مقبل نروح وراح يحجي وي أمي وگلها بتوسل
-أيـهم : خاله ميار محتاجتكُم بهيج لحظة صعبه شلون ترحين وتعوفيها ينطيج گلبج
ضربت أمي على رجلها وگالت
-ليلى : يمه عمت عين روحي طبعًا لا بس شلون عيب من الناس نُبقى أهناء ٣ أيام شيگولون علينا
-أيـهم : صدك تحجين خاله عيب هالحجي هذا احنا نطلع وانتوا تضلون البيت بيتكُم والله
حجت زوجه عم ميـار
-مُـهرة : مع الأسف عليج أم الأكبـر شهلحجي هذا البيت بيتكُم مابينا هيج
وافقت أمي نُبقى صار اليل كلها راحت نامت على فراشاتها گمت أريد اروح للحمام البيت أضلم طلعت للطارمه دامشي وانفتح باب الشارع ضويت على الباب شفته أيهم
تقرب وهو يمشي وگال
-أيـهم : شعجب گاعده بعدج منايمه
-نبأ : ها لا بس أجيت للحمام
هز راسه ضل صافن خليت ورحت دخلت للحمام طلعت من الحمام بعده واكف ! جاي أمشي أريد اعبره وگال
-أيـهم : مُمكن أسألج سؤال يخص ميار
جاوبتها وانا متبلكه خايفه أحد يطلع ويشوفه وياي بنص ليل شيگول
-نبأ : أتفضل گول
توا راد يحجي وسمعنا الباب الباب الدوانيا أنفتح گبل أيهم حط أيده على حلگي وجرني من خُصري گبل دخلني للمطبخ وهو يهمس
-أيـهم : اشش لتحجين أي شيء
هزيت راسي بـ أي طلع ولد يخابر برا بس ماعرفته منو شويه ودخل يباوعله أيهم من الشباك ابتعد وضربته على صدره وحجيت بين أسناني
-نبأ : بس انتَ أسألتك أبنصاص اليالي لو شايفك أحد شيگول ها شيگول عبالهم شو شعندك ويايه وتدري حرام تلمسني شون تسوي هيج ، أيهم بعد اذا تشوفني وجه بوجه لتسلم عليّ خوش لو لا
حجيت مخليته يجاوب گبل رحت للغُرفه ارجف من الموقف الي صار حرام يلمسني انقززت أول مرا رجال غريب يلزمني بس أخواني يحضنوني وأجه أيهم حضني مدري ليش كرهته
خليت ونمت گعدت على صوت أيسـون وهيه تنده بيه
-ايسـون : نبأ نبأ
فتحت عيوني تك وتك
-نبأ : ها ايسون
-ايسـون : ماشفتي ميار وين ماگلتلج وين رايحه؟
كمزت وگتلها بخوف
-نبأ : لا مشفتها ليش وينها؟
حجت وهيه لازمه بلعومها وتفرك بي من الخنگه
-ايسـون : ماكووو صار ساعتين يدورون مختفيه طالعه من البيت وماندري وين
للحكاية بقية ...
_____________________
بـ قلم: زهراء لؤي
شنو رأيكُم بالبارت ولـدي 💅🏻💙؟
برأيكُم ميـار وين راحت🙃💙؟
رأيكُم وين راح يلگوها الـ ميار 💙؟
مُتابعة جميلة