ألرقطاء وكراتها الثلاث
اللـدغه الثامنه🐍
بقلم كهرمانه
__________🖤_________
يبثون في سَمهم كـ السِهام في القلب، لا يعلمون أنّي أدمنت على شَراب كأسٍ مِــنْ الأفعىٰ ..🐍
_بقلم أُميم الجنابي
__________🐍_______
خلصت سبح بسرعه وطلعت من الحمام شفت امي وجدو جايبين بيبي من الدكتور ابتسمت لجدو ودخلت للغرفه خواتي نايمات وخالو محمد يمهن يزعج بيهن ويضحك عليهن التفتنا لصوت الشباك دقدقات خفيفه
-هذا فارس خل افتحله الشباك
مسك:-لــيش منا ؟ حچه وهو يفتح الشباك
محمد:-لأن ابوي مايدري بيه طالع وميقبل ، فارس محد شافك ؟
فارس:-اي محد شافني ابوي رجع
مسك:-اي شفتهم جايين مِن طلعت مَن الحمام
محمد:-فارس الله عليك بعد لاتعيدها وتطلع بلا علمه ابوي يحبك بَــس مايريد واحد يعصي اوامره شوفني أنـي شيگلي اكله صــار حتى لو شـيي غلط ويگوله الي هَـم ماعارض واكله صح لــيش لأن اريد اكسبه ماريده يضربني ويهينني
فارس:-انتَ حتى من تغلط ينغفرلك ويسامحك بَــس أنـي من اغلط بشي لااا يضل واكف وياي وكفه يكرهني بعيشتي
مسك:-مشت الايام واللمسات اللي احس بيها استمرت ماعرفت شِــنو هـيَ وشنو سببها صرت صف ثالث ابتدائي وتفكيري كله بأختي هرم
امي لزگت ايدها بالصوبه بسبب لعب الطوبه وحبها للسچاچين جابتها امي من الشارع للبيت سحل دخلتها للحمام وشغلت عليها المي الحار تخنگها بالمي وتطلعها اخر شي طلعتها من الحمام شافت الصوبه مشتغله بالصاله وخلت ايدها عالصوبه
صرخت هرم بوجع وخاله نقاء طفرت سحبتها من امي چانت ترافس ورافعه ايدها من الوجع ركضت رفيف جابت عصارة الحروق وراشي وانطتهن لخاله خبطتهن وخلتهن على ايدها وحضنتها حيل تحاول تسكتها
خيزران:-إذااا اشووفچ ياهرم بعد بره ويه هذول المزعطه ومطينه روحچ اله أذب نفط فوگچ واحرگچ كلچ
هرم دفعت نقاء وراحت تركض للغرفه تبچي وأم خيزران ضلت تصيح وترزل ببنتها ونقاء هَـم بَــس شِــنو الفايده إذا القاضي راضي !
دخل رياض هــوَ وولده يضحكون باوع لزوجته وگاللها
-شوفي شجبت لابنج گلاده فضه وعليها سيف الأمام علي
أم خيزران:-بالعافيه يمه
محمد:-الله يعافيچ
رياض:-شبيكم شبيها وجوهكم مگلوبه صايــر شـيي ؟
خيزران:-اي ، أنـي خليت ايد هرم عالصوبه وهنه صارن حنينات عليها يابه تلعب بالشارع وكلها طين وويه الولد ترضاها
رياض:-شنووووو شگلتيييييي شنوو چويتها شدتحچيين انتِ منن كللل عقلچ
خيزران:-ايي چويتها أمها وبكيفي
تقدم رياض يمها وضربها كف على وجهها وصاح بصوت هز البيت
خيزران:-تضرررربني علموووود بنت نذيرررر
رياض:-هااي بنتچ مو بنت نذير ، نذير كلشي ماشاف منهن احنا اللي ربيناهن وتعبنا عليهن ومجبوره تحبيهن مجبوووره
خيزران گامت ترجف من العصبيه وتشيل روحها وترگعها لزمت راسها وتحچي بشكا فوضوي
-مووو بناتييي ذنييي أكرههن ماريدددهننن لحددد يگلييي بناتججججج ذني دفنني بالحياة واني عايشششه كبرررنييي قبل عمرررييي ماريددهنن
رياض فار دمه من كلامها شلون أم متحن على ضناها راد يضربها بَــس محمد لزمه
-يابه على كيفك ويه روحك روح ارتاح وبعدين تفاهمو
رباض:-شوفي ياخيزرااان اذا بعد حاولتي تشوهين وحده من يمهن لو تسوين سوالفچ الجايفه اسوي حيياااتچ عددم وانت اكثر وحده تعرفين شِــنو ريااض وشيسوي من واحد يعصيله أمر
سويتي بكل وحده عقددده ممكن تأثر عليها بالمستقبل هرم تخاف من المي مسك تخاف من الضلمه وجد تخاف من الصوت العالي ديااالا تنرعب اذا لزمت سچينه لو شافت أحد قريب منها لازمها لاعبالچ خوف عادي تَـره بناتچ تطلع عليهن اعراض نفسيه
وجد إذا واحد صيح گدامها البنيه تصيبها رجفه ومتعرف تسيطر على روحها ، مسك من تصير بمكاااان مضلم شبه يغمى عليها ، هرم من تدخل جوه المي تختنك ومتعرف تتنفس ، ديالا من تلزم السچينه توكع من ايدها واذا شافت واحد قريب عليها تغادر المكان وهم تلزمها رجفه
البنات متدمرررات نفسسسيًا هــاي العقدد منو رااااح يعالجهن يادكتوووور يافهييييم يگدر يساعدهن يطلعن من الفوبيا والخوف الزرعتي بداخلهن
من احچيييي ويااااچ باوعيلييييي واستمعي لكلامي عددددل خيزرااان بناتج خط أحمررر وأتمنى اشوفچ بعد جاي تأذين وحده گدامي ساعتها أيد ماراح ارحمچ وانتِ شايفه من واحد يعصي أمري شـلون يتعذب
گلتلچ البنات احتاجهن من يكبرن لــيش تحاوليييين تخربيييين عليه مخططاتي
خيزران "بتلعثم":-أأي بـبـ بسس أني أضرربهم و وعادي أأ أي أم تضرب اطفالها
رياض:-تدرييييين بيييييه محتاجهن وانتِ بغباااااائج راح تضيعين عليه تعبب سنييييييين خيزراااان كوني حذره من عندي
مسك:-أباوع عليهم واحد يريد ياكل الثاني اختنگت من منضر اختي اللي إتچوت ايدها ومن المشاكل اللي بالبيت احس سيم ويخنگ برگبتي ابتعدت وطلعت من البيت متجهه لبيت صديقتي أمنيه دگيت بابهم وطلعتلي صفگت بحماس وگالت
-چنت متوقعه راح تجييني
مسك:-أخذتني من ايدي وطلعت من بيتهم مشينا للحديقه القريبه على شارعنا اكو هناك مراجيح جبرتني نكعد عالمراجيح لان أنـي بكل مره ماقبل اكعد ماحبهه واخاف اتوصخ لو اوكع واتدمر وامي تكتلني
مر الوقت واحنه بالمراجيح أمنيه گالتلي خلينا نرجع ورفضت كلتلها رجعي وحدچ أنـي شويه وارجع لبيتنا رجعت هـيَ وحدها وبقيت أنـي اتمرجح حسيت همسات يم اذني التفتت ماكـو شخص قريب من عندي بَــس جماعة هرم يلعبون طوبه وصياحهم بعيد شويه
ماهتميت ورجعت اهز روحي بالمرجوحه حسيت اكو ضل يفتر وراي باوعت ماشفت شـيي سمعت همسات خفيفه مافهمتها والهمسات چانت
-عبايه سوده بسوادكم .
فزعت من الصوت وفقدت السيطره عالمرجوحه انگلبت ووگعت منها تشخطت اديه ورجليه وراسي گام يوجعني أثر ارتطامه بالگاع
نهضت بسرعه متناسيه الأوجاع وركضت لبيتنا بالطريق شفت كرايب بابا بيتهم قريب علينا واگفه ببابهم وحده لابسه عبايه وياها بنيه صغيره المره كلشي ممبين منها دايره وجهها خوفتني بالزايد كملت ركض للبيت دخلت وسديت الباب وأني الهث
شفت اختي ديالا گدامي احجيلها اريد اكوللها شِــنو صــار وياي بَــس لساني احسه نعكد من أحچي اختنگ ضليت اهفي گدام وجهي اريد الخنگه تروح
شافت حالتلي دخلت للبيت تركض تصيح لخاله نقاء
ديالا:-عفت مسك تحاول تحجي كم كلمه وترجع تعيد الجمله وتتلعثم بالحروف وصلت يم خاله شفتها گاعده يم هرم اللي تعض بالمخده من وجع ايدها ميلت حلگي على خواتي احس گلبي يوجعني عليهن
-خاله مسك مدري شبيها بره
نقاء:-احجي شبييييهااااا مسك
ديالا:-مثل المختنگه تريـد تحجي متگدر صوتها بالگوات يطلع طفرت من مكانها وراحت بسرعه الها أنـي رحت وراها صــار بوجهي فارس يبتسم
ديالا:-فااارس مسك مدري شبيها
فارس:-شبيها
ديالا:-راحتلها خاله نقاء تعال هـيَ بره طلعت ركض وفارس وراي وصلنا يمها التمينا عليها تفتح عيونها وتغمضهن مثل الطير المذبوح خاله صاحت لفارس كالتله روح كول لابوي خل يجي حضنتها خالتي حيييل وضلت تمسد على راسها شويه گدرت ترجع طبيعيه
إجه جدو حيل خايف عليها انحنى يمها ولزم وجهها يريد يعرف شبيها
فارس:-يابه ناخذها للمستشفى
رياض:-لاا يجوز تعبانه من شـيي هـيَ وين چانت
ديالا:-يم أمنيه كل مره تروحلها
مسك:-وو وكعتت من المرججوحـ ـه
ديالا:-اخذها جدو يمه بالصاله وامي اجت صيحت علينا وتدعي
-ديالا ووجـد رووحن اقررن بالغرفه يـله كافي دراما وتمثيييل فالحات بَــس بالبچي من هسه البومات ، مگبره كون تلفچن اربعتچن
-إتلبسنا الخوف ورحنا للغرفه بدون مجادله لگيت هرم كاعده وتريد تشوف شـلون صارت مسك بَــس دخلنا للغرفه سألتنا
-هــا شـلون صارت
ديالا:-بعدها بعدددها يم جدووو ولاتحاجيني لأن ماعرف شـلون صارت ، شـلون صارت ايدج
هرم:-لاتحاچيني
ديالا:-يَـعنـي تقلدين عليه
هرم :-اي
ديالا:-شو مسك طولت يم جدو خاف بيها شـيي ؟
هرم:-أَگــلچ خاف متعاركه وكاتلينها وتخاف
ديالا:-لاا ماعليها باحد
وجد :-أنـي اكول تخبلت مسك
هرم:-لااااا لچچ وجددددد لتعيدينها هــاي الحچايه خوووش خيزران مخبله اي بَــس مسك لاا اموتج
وجد:-اهووو شگلتتت أنـي شگلتتت بَــس تردين عركه
نقاء:-كافي لاتتناگرن ومسك مابيها شـيي
هرم:-صدك
نقاء:-اي حـبـيبتـي صدگ عفتهن گاعدات ورحت اكمل شغلي
مسك:-طلعت من جدو ورحت للغرفه اللي گاعدات بيها خواتي گعدت بصف هرم إلتمن عليه وخالو محمد گاعد يباوع بالحاسبه شافني مابيه شـيي ابتسملي ورجع اندار يباوع
-احنه لاازم ننفذ كلشي يطلبونه
هرم:-هــا؟
مسك:-احنه مجرد عايشين هنا علمود ننتقم
ديالا:-چانت مركزه عيونها بعيوني وتباوع خوفتني بعديـن بقينا وحدنا هـيَ راحت تمددت واني رحت بصفها حضنتها علمود ما أخاف وبچيت
-ماعندي غيرچ لاتخوفيني لأن احس الدنيا كلها وحوش
مسك:-لاا ديالا إحنا الوحوش احنا اللي الناس تخاف من عدنا مو نخاف منهم ، عشنا وتربينا علمود من نكبر نكتل ونهجم ونأذي ديالا ممنوع الحچي يطلع لأحد لو گطعوچ وصل اعتبري متعرفين شـيي تَـمام
ديالا:-اي اي تَـمام
.
.
الواقع
مسك:-اخخخخ
نقاء:-طولت راح الوقت وكلشي مافهمت من البنات
مسك:-امشي نگعد يم البنات
نقاء:-يـله
مسك:-رحنا يم البنات كِلِّـشْ تونسنا ويه خالتي نقاء احبها واحب وجودها بالبيت تأخر الوقت والبنات كلمن بفراشها تمددت ورجعت ذاكرتي ليوم للحنه مالتها كِلِّـشْ فحنا من انخطبت حتى امي طارت من الفرحه صارت الخطوبه والمهر وره يومين الحنه
*نرجع لقبل كم يوم من بديت اشتغل يم أبو عامر*
لبست تيشيرت أسود وبجامه اسود ورصاصي وبوتين أسود وشفقه على رأسي هَـم سوده وشعري شادته ذيل
عفت خالاتي يتناگرن وطلعت بره شفت ديالا وبيبي مرمر "جدو يصيحلها مرمر لأن جانت تنكد عليه مرمرة أيامه ومشت عليها " صاحتلي
-وين رايحه يمه
مسك:-رايحه اشتغل يم ابو عامر واليوم اتأخر لان البارحه مارحت هسه الگه الشغل متراكم
ديالا:-شِــنو المتراكم البتيته والبصل لو صايره عركه بين الفواكه !
مسك:-لاا بَــس يطلعلي شغل من جوه الكاع وهسه الكه البراد هوسه وتعاي مسك نضفي خل أروحح لاتأخير ويگلب خلقته
مرمر:-مو گلچ جدچ بعد ممنوع شغل
مسك:-لاا بيبي امي متقبل
مرمر:-اوف والله مايهونلي أشوفچ تتعذبين انتِ وخوااتج ومابيدي شـيي اسوي شــوَكت الله ياخذ أمانته واخلص
مسك:-اسم الله عليچ حـبـيبتـي
مرمر:-روحي ييمه محروسه بأسم الله
مسك:-طلعت للشارع حسيت اكو خيال وراي باوعت مالگيت شـيي كملت طريقي شفت البيت اللي جدو گال هذا بيت أبوچ قبل چان عايش بيه واتزوج بيه عمو حمد ، طلع من البيت عمي مجيد تذكرت شِــنو چان يسويلي من چنت صغيره انرعبت خفت لاا يشوفني ختلت وره السيارات وانتضرته يروح علمود أكمل طريقي
طبگت يمه سياره عاليه سوده نزلوا ثنين واحد لابس كله أسود وضخم بشكل مبين حارس شخصي هــيچ شـيي ونزل واحد ثاني سلم على عمو مجيد ويضحكون عمو باوع لبيتنا نضره مطوله بعدها صعد بالسياره وطلعو من الفرع مالتنا ضليت أمشي وأحچي بيني وبين نفسي
-منو ذوله الرياجيل وليش عمي وياهم ، زين عمي صارله سنين ماجاي لهاي المنطقه شعجب إجه لهذا البيت سالفته مو خاليه
شفت نفس السياره واگفه بالركن يم المحل مال أبو عامر نزلت الشفقه اللي لابستها أكيد هسه ميتذكرني لأن شكلي كله تغير بَــس عيوني بعدهن يجوز يعرفني من عيوني تخطيت السياره ودخلت للمحل سمعتلي رزاله من أبو عامر يأمرني اكمل شغلي
بديت بالشغل وشفت الرجال اللي چان ويه عمو ويضحك وياه دخل للمحل وحده هو والحارس ضل ينتضره بره عمو ماموجود وياه
أبو عامر:-رتبي التفاح شكله هوسه ورايح عالبرتقال افصليهن والفوگانيات لمعيهن علمود اليجي يشوفه يلمع يشتري منه
-السلام عليكم
أبو عامر:-أهلًا وعليكم السلام
-أريد كيلوين تفاح
مسك:-هذا شمعنى راد تفاح معقوله لأن واگفه أنـي يم التفاح صاح بيه أبو عامر
-وزنيييله كيلوييين شمنتضرره
مسك:-أي أي عمو هياتي داوزن ، إجه الرجال وگف يمي إبتسم بمكر وگال
-هــاي عيونچ حقيقيات ؟
مسك "خزرته :-ممكن تنطيني فلوس وتروح
أبو عامر:-ولچ مسك عيب شِــنو هالحچي
مسك:-باوعت لأبو عامر بغضب بالگوه لازمه اعصابي رجعت گلتله
-يـله ادفع حسابك وتوكل
-اعصابك يا أبوعيون حلووه
مسك:-مد إيده بجيبه طلع فلوس كله دولارات ورق عود شوفي فلوسي انطاني أبو عامر ملتهي ويه الزبائن اللي إجو للمحل وهذا ضل واگف يمي
-بيش اشتريچ وهاي أديناتچ الحلوه ماخليهن يلمحن تراب ووصخ أغيرهن واخليهن يتحنطن من ذهب ألماس اللي تردي وتطلبي يجيچ ، الله عليچ عيونچ حقيقيه؟
مسك:-رجعتله الباقي بَــس بقه ربع وباوعت لأبو عامر بعده ملتهي وبديت اخاف من هذا اللي واگف گبالي
-أي مبلغ بَــس اطلبي جوه رجلج يوگع
مسك:-أحس من گد ما كتمت عصبيتي إذاناتي جمرن طلع من المحل بدون ماجاوبه نزعت الچفوف ورحت لابو عامر كلتله اريد ربع انطاني ، وطلعت اباوع وراه كل اللي بالسوك يسلمون عليه من يفوت منهم وصل نهاية الفرع صحت وراه بصوت عالي
-إنتَ أوگف ، إلتفت وأشرلي بمعنى تعالي ، مو بعيوني رحت اركض وصلت يمه وگلتله
-تشتريني موووو عمرها الفلوس مانضفت داخل البشر الأنسان النضيف والشريف يبقى محافظ على نفسه ومايتباهى بفلوسه گدام العالم ، راد يلزم أيدي دفعته وركلته ببطنه چان وراه واحد من الحرس راد يلزمني دنگت على الگاع اخذت تراب وشمرته على عيونه لزم عيونه بوجع
-شفت بنيه صغيره بگدي گدرت تخبصك إنت وهذا ابو عضلات الفاشوشيه لعد شگد فارغين، هذا مستواك ويه التراب يامن تدعي الفخفخه وهاا نسيت بقه من حسابك ربع دينار هاك احنه مناكل حق احد حتى لو چان ميسوى مناخذ حرام يا ابن الحرام شمرت الربع عليه درت وجهي ومشيت سمعت صوت ضحكته يضحك بصوت عالي ويتمتم بكلمات ماگدرت اسمعهن عدل وصلت للمحل مال ابو عامر شفته مبتسم هذا بيه حاله نفسيه مو صاحي الرجال
-وين چنتي
مسك:-جانت عندي شغله كملتها واجيت
أبو عامر :-يـله كملي شغلچ
مسك:-ضليت گاعده بتراب الفواكه والخضروات وهو راح يم البرادات يشتغل مدري شيسوي شفته مخبوص ماهتميت وكملت صارت الدنيا عصر بالخمسه ونص اجه وكال يـله خل نعزل
نزعت الچفوف خليتهن على صفحه غسلت ايدي بسطل المي الموجود وعفته يعزل وحده رجعت للبيت مرت الأيام نفس الروتين وأجه يوم الحنه مال خالتي نقاء ..
هرم
دزوني علمود ارتب الحديقه وازينها اليوم عدنا مناسبة حنة خالتي وكلها فرحانه واني عفت كلشي وگعدت اكرز حب وما اسمع اله صوت امي تصيح
-العتوووي أكعددديييي
طفرت من مكاني والحب تطشر بالكاع وهيه تتخبل من الوصاخه شالت النعال مالتها وشمرته عليه طاح على بطني لزمت بطني بألم
-اخخخخ
-ومررررضض لمي الحب الوگع كله وترحين هاچ هــاي فلوس
هرم:-" طلعت فلوس وشمرتهن بوجهي"
-موصيه على قطع مال كيك من المعجنات اللي براس الشارع ترحين بهاي الدراجه مال حمودي بَــس والله لو تتأخرين اله اغرگج بالمي مال التانكي
هرم:-"من سمعت بطاري المي كزبر جلدي اخذت الفلوس وباوعتلها غمتني بكصتي مشيت رحت للمطبخ اخذت المفاتيح مال الدراجه وخليت الشفقه على رأسي واني ادردم "
-والله مالم الحب لو تموت مالمه خليها شتسوي خلي تسوي شغلت الدراجه ولامبين عليه بنيه شعري قصير كِلِّـشْ وملابسي مال ولد
وصلت يم المحل نزلت شفت ثنين بالمحل واگفين ثخنت صوتي وگلت "السلام عليكم" ردوا السلام الولد الواگفين واحد لابس قاط والثاني سبورت باوعت على حذائه عجبني
-خويه لعد ابو المحل وين "اندار عليه الولد اللي لابس سبورت والثاني ابو القاط ولا چن واحد يحچي وياه مبين عليه محتقن وعصبي گال الثاني "
-ماندري بيه وين حالنا من حالك
هرم:-"ضحكت وگلتله "
-تَـره الدنيا ماتسوه لــيش ضايجين انتوا "باوعلي صفح واستغفر وطلع تليفونه يخابر ويصيح"
-صيحوووووا ابن الـكـ.... وينه
هرم:-"فتحت عيوني على وسعهن ودرت وجهي من يمهم وجوههم متبشر بخير مبينين ناس مو خوش أنـي صوچي حچيت وياهم هسه يطلعون مخابيل اجه ابو المحل وجهه كله دم وعيونه مدمعات "
-هــاي شِــنو علاوي شبيه وجهكك منو كاتلك "مسح دموعه والدم اللي على وجهه وحچه بصوت مبحوح قهرني "
علاوي:-هــا هرم شتردين
هرم :-امي موصيه كيك ودزتني وهاي الفلوس بَــس أنـي عجبني ذاك الچكليت مدري ككاو هذاك "اشرتله بيدي " اريد من عنده بَــس مو اشتري هــيچ بلاش عجبني كلش ، باوعلي چن واحد لازمينه ويهرسون بيه وغلس مانطاني لان مبين عليه ماله خلك
راح جاب الكراتين مال الكيك وبدا يرتب بيهن علمود اخذهن انداريت عـ الولد اللي يمي لگيته يباوعلي من شافني اندار گلت بگلبي "خطـيـه شگد ماعنده ثقه بروحه يباوع عليه بهاي الطريقه يمكن مريض الله يكون بعونه" درت وجهي نوب رجعت باوعت هَـم لگيته صافن عليه ماتحملت حچيت
-اخوووي انتَ مضيع شـيي بوجهي شـ "قاطع كلامي"
-انتِ بنيه
هرم:-لــيش 'مارد عليه هــوَ طبعًا عرف بنيه لان علاوي صاحلي هرم عافني وطلع ، والولد ابو القاط انطه لعلاوي كارت لونه اسود من شافه ضل يتراجف عافه وطلع وخطيه علاوي اخذ الكارتونات وياي وخلاهن عالدراجه ىكلي ديري بالچ لاا يوگعن
رجعت للبيت شفت اكو كم سياره بالباب مديت ايدي عالكيك اخذتلي قطعه اكلتها ومسحت حلكي ودخلت للبيت واني اصيح
-رفيييف السعلووه ويينچ إجتني هي وفستانها اللي لابسته ومكياج وشعرها الكيرلي مسويته طالعه كلش حِـلوه
هرم:-ايبااااخ صايره مثقفه ضحكت واخذت الكارتونه من عندي واجت نقلت وياي الباقيات باوعتلي وگالت
-إنتِ لــيش لهسه ممبدله
هرم:-اي هسه راح أروحح ابدل حمودي عنده تيشيرت وبدي لون اسود يخبلن راح اخمطهن منه
رفيف :-وااااتتت ، تَـره نقاء اشترت إلچن فساتين وگالتلي اذا مالبسنهن ازعل عليهن
هرم:-اهوووووووو ماحببب واحددد يتدخللل بلبسييييي ماحس إلا إجتني كفخه على رأسي
خيزران:-لـــچچچ شلووون ترفعيييين صوتچ على خاااااالتچ
رفيف:-على كيفچ خيزران تَـره كلشي مگالت
هرم:-لزمتني من شعري القصير وسحلتني سحل للحمام شغلت المي الحار من شفت المي ضليت ارجف واتذكر أيام قبل من چانت تسبحني وتخنگني بالمي مال البانيو
-الله يخليچ ماما هسه اسبح وابدل بَــس اطلعي گزت على سنونها قوي وفتحت عيونها حسيتها تحولت حچت بفحيح اشبه بفحيح افعى
خيزران:-اششش العالم بدت تجي صوووت ماريـد اسمعلچ
هرم:-خلتلي الشامبو ودخلتني جوه الدوش والمي الحار حسيته يخترق الجلد صرخاتي مكتومه ماكدر اصرخ لأنو راح اتعاقب على صوتي حچت بنفس النبره وتشدد على كل كلمه
-ولچ اخويه نايم بالگبررر وانتِ يابنت نذييير الغدااار تشميين الهواا هااااا
هرم:-ضبت ايدها على شعري حسيت شعري راح يتگطع
-ماما والله أنـي معليه مو أنـي اللي قتلته لخاالوو حبابه عوفيييني
خيزران:-شلووون لعددد راح تنتقمييين هاااا شلووون راح تغرييينه وانتِ بهاااي تصرفااات الولدددد لووو مو جسممچ حلووو اخخخخ لأن حلوووه عايفتچ ومامشوهه وجهچ علمود تغرييين ذاك الحقير اللي يسرح ويمرح مثل الطلييااااان الله ياخذچ لو ما مصلحتنا يمچن يابنات نذيرررر چان خليت عليچن نار وحرگتچن وخلصت من همچن
هرم:-خلت ايدها على رگبتي وخنگتني وهيه تسب وتغلط عليه مستمره بالغلط حسيت روحي راح اموت وخرت إيدها وراحت لسطل المي الحار شالته وشمرته عليه احس جسمي بعد مايتحمل اگثر حچيت بضعف وأنفاسي بالگوه ألتقطهن
-كافي ألله عليييچ
خيزران:-كل متتوسليييين كل ما أقسسسى أكثرررر الضعفاء مايعيشون بهاي الدينا فاااهمه اكررره هــاي الدموووع اكرههن
هرم:-سحلتني طلعتني من البانيو وشمرت عليه خاولي نشفت بيه ولبست ثوب قصير علما اطلع للغرفه أبدل طلعت هـيَ واني وراها رِدت أروحح للغرفه صارت بوجهي مسك لابسه فستان فستقي وحمرتها حمره مكياجها خفيف ومسرحه شعرها طالعه تخبل
ماخليتها تباوع لوجهي سويت روحي مشغوله بنفسي اتخطيتها ورحت للغرفه شافتني وجد حسيتها تدري امي شِــنو سوتلي اجت يمي بسرعه وحضنتني وگامت تبچي وخرتها وگلتلها واني أضحك
-يبووو سلحوووفه گاعده تبچين وبعدچ لامبدله ولاشي راح تبدي الحفله وتجي امي تسحلچ سحل
وجد:-لاا لاا راح أروحح هسه ثواني تلگيني مجهزه نفسي
هرم:-اخذت فستانها وراحت وره شويه إجت مبدله بَــس مكياج عوزها صوفرت وگلتلها
-الله طالعه شگد حِـلوه بالفستان Very beautiful
وجد:-Thanks ، مو بجمالچ حبحب يـله گومي بدلي مو ضليتي تنگين عليه
هرم:-أي والله خل أكوم لاتجي عزرائيل
وجد:-إسكتييي لاتسمعچ
هرم:-ميهمني بَــس راح اسمع كلمتها لخاطر خاله نقاء
لبست الفستان ومشطت شعري وخليت مكياج خفيف يناسب حنة اليوم الفستان جاي فتتت على مقاسي باوعت بالمرايا معقوله هــاي أنـي وجد خلصت مكياجها وحضنتني عطت بيها
-يـله يـله وخري لاحمرتچ تطبع بيه
وجد:-شهالجمال ماشاء الله
هرم:-يَـعنـي طالعه صاكه اليوم
وجد:-كُلشششش ، يـله أنـي طالعه
هرم:-بقيت گاعده وحدي استحي اطلع احس هذا الستايل ميناسبني وماعرف البس هــيچ انفتح الباب دخلت ديالا لافه منشفه على راسها وصديقتنا أمنيه وطيبه وبقية خواتي
هرم:-هلا هلا بالشله التعبانه
مسك:-گوووومي وياي جدو يريدنا عنده شغله مهمه دز عليه گال جيبي هرم وديالا وياچ ، والبنات أمنيه وطبطب ووجد تبقن بالغرفه تقفلن الباب لأنو احنه راح نطلع من الشباك
أمنيه:-تدللين صــار
ديالا:-راح اطلع ملابس ابدل
مسك:-جدو گال بدلوا وتعالوا
ديالا:-بَــس خل امشط
مسك:-بسررررعه ديااالا بسررررعه
ديالا:-اي ناعم شعري مشطت شعري عالسريع وطلعنا من الشباك أنـي وخواتي
مسك:-طفرت أني اول وحده من الشباك والبنات ورايه ماخليت أحد يشوفنا جدو چان ينتضرنا بالسياره فتحت باب السياره وصعدت بصفه والبنات ليوره
رياض:-ماشاء الله گمر گمررر
هرم:-مدت رجلي صعدت بالسياره قدمت راسي وگلتله
-وأنت مصدر الضوه للگمر جدووو
مسك:-أبو ياسين أحچيلنا شِــنو الموضوع المهم اللي خليتنا نجازف هيچ مجازفه ونجي
رياض:- باااعن ركزززززن زين اليوم راح يجون بيت آل صحار
مسك:-اللي تقصده يَـعنـي من اليوم نبدي؟ صك سنونه قوي وگال
رياض:-اييييي من اليووووم راح تجي الحجيه هـيَ وبناتها ونسوان ولدها
هرم:-عزززه يَـعنـي آل صحار يعرفونناااا
رياض:-نعرف بعض بَــس أبويه يصير صدييق أبوهم
ديالا:-يَـعنـي الهدف آل صحار
رياض:-أي
ديالا:-لعد لــيش ماقتلت اللي قتلوا خالوا وخصمت الموضوع
رياض:-ومنو گلچ أني اريدهم يموتووون
مسك:-لعد ؟
رياض:-أني أريده يتمنى الموووت وميلگاه يتندم باليوم اللي إجه بيه للدنيا إنتن الحلو الوحيد اللي بقالي عكازتي وقت الدنيا شمرتني شديت ضهري بيچن إنتن جيشي وتدرن بيه أنـي بدونچن كلشي ماگدر اسوي محد شاف رياض بأضعف حالاته غيرچن وقت ما أكون ضايج إنتن تكونن سبب ضحكتي من اكون مريض شوفتچن تردلي عافيتي وهسه أنـي جاي اكولها إلچن رياض بدأ الحرب راح تكونن گدها ؟
مسك:-وحدتنا بألف رجال جدو لاتضن بيوم راح نتردد إنت تأمر وإحنا ننفذ عسى ماتريدنا نذب روحنا بالنار نذبها ونعتبرها فدوه إلك
رياض:-ماراحت تربيتي بيچن
هرم:-منو المشترك بموت خالو
رياض:-آل صحار الأخوه ولد صديقي وآل سحمي اللي همه أهل ابوچن ، اخخخ صديقي معن چان ابوو نسوااان ويصبغ شعره أحمر وسكييير درجه أولى
عنده ولد چبير أكبر من خالچن بسبع سنوات إسمه كنان مدلل وطالعه عينه نسخة ابوه نقطة ضعفه النسوان وأخوته الباقين غسان وعابد عدهم إخت وحده اللي هـيَ چانت تحب صديق يونس اخوتها منعوها منه بَــس هـيَ ماتتوب ودائمًا تلتقي بيه
لحد ما عرفوا إنو هــوَ متقربلها أو مغتصبها وهيَ منا صغيره سوو گعده عشائريه بَــس مابرد دمهم آل صحار ولد معن ضلوا يراقبون فلاح يردون يقتلونه وبيوم اللي رادوا ينفذون عملية القتل فلاح چان حاس وهو بطريقه يريد يجي لخالچن چان يريد خالچن يروح للمستشفى ومخبوص وفلاح موگفه علمود يحاچيه وانخطفوا ثنينهم
بَــس خالچن مات وفلاح من ضربوه اهل المنطقه سمعوا صوت واجوا والطلقه چانت بمكان أمن مو خطر مثل خالچن اللي تزرف تزرف
مسك:-اهل ابوي شِــنو دخلهم ،رفع أيده لزم أصبعه البنصر وگال (كنان النگس) رجع رفع الخنصر وصك على أسنانه(مجيد إبن ضاحي) رفع الوسطى(غسان أخو كنان ) رفع السبابه(عابد أخوهم ) عابد نفسه صديق أبوچن اللي گايله عن كلششي وأبوچن گايل لخيزران غير شـيي وضحك عليها علمود يتزوجها
أبو نذير چان يعرف صديييق عمرررري يعرررف بكتالة ابنييي وماگلي واجه بكل عين صلفه يطلب ايد بـِـنتي لأبنه علمود ينفذ شرطه ويكللها منو اللي قتلوا اخوها
-زين جدو إنتَ شمدريك هالعائلتين متورطه ؟
رياض:-لأن صحباني عدهم خيرر وفلووس وولدهم ميضمون عليهم صالفه حتى خاف يصير شـيي همه عدهم علم ويحلونها بفلوسهم يگدرون يسدون حلوگ العالم علمود لايوصلي خبر لأن يعرفون بيه أحرگ الأخضرر واليابس
ضموا عليه وأجوا حضروه فاتحة إبني يقتلون القتيل ويمشون بجنازته واذا تسألن شـلون عرفت أنـي رياض ورياض مو شـيي هين اذا خليت نقطه بعيده براسي اوصللها من مات خالچن چانوا يجون يمي معن وضاحي يشربون چاي ويضحكون ويسولفون
فتره وگالوا الناس بنت معن آل صحار تزوجت ومنو اللي تزوجته نفسه صديق خالچن فلاح وراحوا عاشوا بأربيل وحتى عائلة آل صحار هَـم انتقلوا لأربيل علموذ سمعة بنتهم لاتطش
رِدت اتواصل وياهم بكل چاره ماكـو رجعوا من اربيل وبقوا عايشين باليرموك عفت صاحبي معن وماردت احاچي اخذت بخاطري منه ماچنت اعرف الأسباب اللي خلته يبتعد
بعديين ويه الأيام عرفت خالچن ياسين صــار صديق كنان كلشش صديقه شـلون وليش ماعرف أني هَـم گلت خليه وبيوم وليله ياسين دخل إلهم بعد ماطلع شـلون وليش مادري بَــس كل اللي شايفين ياسين يم بيت آل صحار دخل الهم وضاعت علومه
بيوم اللي إجيتن للدنيا وشفتچن گلت ذني بــَنات رياض مو بــَنات آل سحمي ذني راح اربيهن احسن تربيه وادرسهن بأحسن مدارس اللي يدوسلهن طرف يقلعنه من جذوره وربيتچن عالقوه عالشجاعه على موت القلب
وهسه كل اللي أكوله إلچن رياض دق طبول حربه راح تكونن جيشه الكفوء بهاي الحرب لو لاا تجيبن صــار زلم من حلوگ زلم وانتن بنااات ؟
مسك:-صدگ ياجدو وهذا وعد اوعدك يــاا ثار خالو يونس ناخذه وناخذ فوگاه چماله هَـم وعلوم خالو ياسين واجيبلك الخبر ووياه دليل هــوَ إذا ميت واذا عايش وأبردلك گلبك المشعوله نيرانه من سنين باوعلنا جدو بفخر وكأنو جاي يحصد ثمار تعبه عيونه تحچي يلمعن هذني لبوات رياااض آل منهل راح يركضن زلم على تك رجل ...
.
.
يتبع