♡تـــــــــتـمــــــــة♡
.
.
.
.
.
.
طلعو لفوق أو دخلو أو بداو كاي هضروا شحال أو كاي ضحكو....وصلات 06:00 ديال العشية أو دخل الدكتور لعندهوم.
دكتور:مساء الخير،لالة كنزة وصلات الوقت ديال العملية واش نتي مستعدة ليها.
لالة كنزة لي حركات ليه راسها أو نطق.
دكتور:واش يمكن ليكوم تفضلو لبرا باش نخرجو سيدة لغرفة العمليات.
خرجوا أو خلاو دكتور أو الممرضات لي بقاو فالغرفة،ليالي لي جلسات قدام باب الغرفة كتسنا إخرجو...بقاو خمسة دقايق كا يتسناو حتى خرجو من الغرفة أو بقاو غادين بيها لغرفة العمليات أو ليالي لي شدات فاليد ديال لالة كنزة أو باستها ليها.
ليالي:ماما ها نتي أديري العملية أو ترجع صحتك مزيانة صافي.
لالة كنزة لي حركات راسها أو طاحت دمعة فعينيها خايفة تمشي أو تخلي بنتها بوحدها...وصلو لحدا غرفة العمليات أو قفوها الممرضات.
المرضة:آنسة ما يمكنش ليك دخلي تسناي هنا.
ليالي:هافاك خليني ندخل مع ماما.
ممرضة:كان نعتدر هادو هوما القوانين مايمكنش ليك دخلي.
مشات دخلات أو خلاتها لالة عائشة لي شدات ليالي من كتافها أو جلساتها فوق الكرسي أو قالت.
لالة عائشة:جلسي أبنتي هنا أو نصبرو هنا حتى تخرج.
فنفس المكان كان واحد شخص كاي تكلم فالتيليفون مع شخص.
شخص:أه أسيدي.
شخص:يلاه دخلاوها لغرفة العمليات.
شخص:صافي أسيدي كون هاني عيني أتكون عليها،صافي إيلا كان شي جديد أسيد دياب أن تصل بيك.
دياب لي عيط لغارد ديالو لي مكلفو إراقب ليالي....سالا الإتصال مع الغارد أو خبط تيليفون مع طاولة أو رجع شعرو الأسود للور أو بدا كاي سوط.
دياب:أووفف أدياب أووف علاش كتراقبها علاش.
بعد منتصف الليل ساعة كتشير ل 12:00pm فالمستشفى لي كانو باقين كاي نتضروا دازت 8 ساعات أو باقي ماكاين حتى شي خبار...خرجات الممرضة أو هي كتجري ليالي طلعات راسها بزربة أو ناضت لعندها أو وقفاتها.
ليالي:أشنو واقع واش عملية دازت مزيان.
الممرضة:مايمكن نقول ليك والو دابا،سمحي ليا.
مشات أو خلاتها هي لي باغا تحماق،من بعد جوج دقايق
رجعات معاها شي ممرضين أخرين أو جايبن معاهوم جهاز صدمات القلب الكهربائي.

هاذا إيلا عرفتوه....ليالي من بعد ماشافتوا زادت تخلعات حيتاش كلشي كتعرف لاياش كاي ستعملو هاد الألة إلا وقف نبض ديال القلب.دخلو دوك الممرضين بجرى مخلاوش ليها الفرصة فين تهضر تسد الباب ديال العمليات من بعد ما دخلو أو ليالي لي كاضرب علي الباب او كاتبكي....جيهان لي مشات أو حضناتهاا لعندها أو لالة عائشة لي جالسة فالكرسي فشلو عليها رجليها....فالداخل غرفة العمليات صوت ديال دكتور لي كي قول لممرضة.
دكتور:يلاه...يلاه، أنبدا بسرعة،
ثلاثة.....زوج.....واحد.
أو حط ليها الجهاز على قلبها أو ترفعات.
دكتور:زيدي....نعاودوا مرا خرى....يلاه ثلاثة،زوج،واحد.
الممرضة:دكتور ما كاينش نبض دالقلب.
دكتور:نعاودوا لأخر مرة....ثلاثة،زوج،واحد.
أو حط الجهاز على قلبها.....لكن تسمع صوت (طيييييييطططط)صوت ديال قلبها لي سكت بمرة.
الممرضة:دكتور فقدنا المريضة.
دكتور لي تأسف على حالة ديال لالة كلثوم غطى ليها وجهها بداك ليزار لبيض...او خرج من الغرفة ديال العمليات.....ليالي لي كانت جالسة كتبكي كتسنا شي واحد إخرج إعطي ليها الخبار على ماماها....ناضت فاش سمعات صوت ديال الغرفة العمليات تفتح شافت دكتور خرجأو ناضت لعندو.
ليالي:دكتور ماما فيناهيا واش نجحات العملية.
شاف فيها بنضرات يأس أو نطق.
دكتور:للأسف فقدنا الأم ديال الله يصبركم.
لالة عائشة لي شدات على فمها بصدمة أو بدات كتبكي او جيهان كتبكي كذالك اما ليالي اهه ليالي سمعات كلام الطبيب تصدمات بردات فبلاصتها أو دموع محجرين فعينيها....تمو خارجين الممرضين او هوما جارين السرير لي فيه لالة كلثوم او مغطين ليها وجها باداك الغطاء البيض.
مشات لعندهم أو وقفاتهوم أو حيدات لغطى على وجه ماما أو فربات يديها لي كاي رجفو أو حطاتو على حنكها لي كان بارد وجهها ولا شاحب،ليالي بدات كتحرك رايها بلا أو نطقات بهستيرية.
ليالي:لا...لا...لا...ماما فيقي ماتمشيش ماتخلينيش ياك قلتي ليا أتبقاي معايا ماما فتحي يلاه نمشيو لدار يلاه أماما فيقي.مال وجهك بارد أماما....ماما علاش مكترديش عليا يلاه أماما براكا من نعاس فيقي نمشيو من نهنا.
أو عنقاتها أو بدات كاتبوسها.
ليالي:يلاه أماما فيقي ماتخلينيش حتى نتيا.
الممرضة:سمحي لينا أ أنسة أنديو الجثة.
بدات كتحرك راسها بلا أو نطقات و كأنها شي وحدا حمقى.
ليالي:لا ماما مغاديش تمشي معاكوم ماما أتمشي معايا...هاهيا أتفيق دابا.....ياكي أ ماما يلاه فيقي باش نمشيو.
جات لالة عائشة من اللور أو هي تعنقها نطقات أو هي كتبكي.
لالة عائشة: براكا أبنتي صافي الله يرضي عليك.
الممرضين لي ستغلو الفرصة فاش كانت لالة عائشة شادا ليالي...مشاو أو ظاو الجثة لبلاثة ديال الجثتت.
ليالي لي غوتات بكلمة وحدة لي كتشرح الألم ديالها.
ليالي:لاااااااا....ماما ماتمشيش مامااا هئ هئ هئ هئ....
أو طاحت للأرض ضارت لعند لالة عائشة أو شافت فجيهان لي كانت كتبكي أو نطقات أو هي كتحرك راسها بهيستيرية.
ليالي:ياك أخالتي ياك أجيهان ماما ما ماتتش باقي حية ماما ياك أخالتي...خالتي قولي شي كلمة ماتبقيش ساكتة.
لالة عائشة: لا أبنتي ماماك ماتت مشات عند الله....ماديريش فراسك هاد الحالة.
ليالي حركات راسها أو ناضت أو كتافها طايحين عليها ما قادراش توقف....مشات وقفات قدام جيهان أو بدات جيهان من كتافها أو نطقات أو هي كتسناى تجاوبها.
ليالي:جيهان هافاك أختي قليلي بلي ماما حية ما ماتتش.
حركات ليها جيهان راسها بلا أو كتبكي،طلقات منها ليالي أو خلاتهوم من موراها أو كتمشى أو هي معدومة أو قتنطق بهمس.
ليالي:ماما مامتيش ماما رجعي....
حسات بدوخة أو عينيها لي ولات رؤية ديالهوم مضببة...شدات فالحيط مقداش توقف مازال بداو كاي تسدو ليها تدريجيا....طاحت للأرض فاقدة للوعي ديالها.
.
.
.
.
.
♡يــــــتبــــــع♡