هلو حبايبي
***
احب ذاتي وكأني اخر الاناث ؏ هاذا الكوكب
***
_ احيانا اكو مواقف تكون صعبه علينا لدرجة تنقطع الانفاس ننسئ شلون نتنفس فيها هاذا الي صار وياي اليوم
من ابتعد عني تميم وهوة يباوعلي بنظرات مكدرت افهمها
ضل يروح ويجي ويفرك بوجها كلش خفت
بالاخر تميم شخص بالاضافه الا انو شاب وسيم و واعي
هوة ايضا خطير وذو نفوذ وقوة هائله وكلمته مسموعه
وابن عرب وعدهم هيج شغلات كلش حساسه
هوة وافق عليه وهوة يعرف اني ارملة اخوه حقه ينصدم
شلون اكون عذراء واني سنه ونص تقريبا زوجة اخوه
حتئ المجنون مايصدك لذالك تميم كلش توتر
ومو بس هاي الصدمة الاكبر الي ابدا ممتوقعه انو كدر يتقربلي اني هم ضليت مصدومه مثله من الي صار كان بكامل صحته وماشفت اي اشكال بلي صار بالعكس
كان جيد وحتئ كلش اذاني لكن هوة كان فقاد السيطره
؏ نفسه ماحس لحد مااخذني هنا نحن الاثنين توقف بينا الزمن وبصراحه لو اعرف بي متعافي ويكدر يتمم هل زواج
مستحيل اسمحله يتقرب مني لانو كان براسي خطط ثانيه
لهل ليله لكن الي صار كان مفاجئ لذالك من
ابتعد عني وهوة بحاله من الذهول صرت
اريد احجي وياه مااكدر خوف خجل ارتباك وتعب ومنا
رجلي كلش اذتني مكدرت اكوم ضليت كاعده
واباوعله وكف يباوع من الشباك صدره عاري وقفته جكاره الي باايده منظره كلش مهيب دموعي صارت تنزل
بلا وعي خفت لا يخرب زواحي للمرة الثانيه شكله وهوة بهل حاله واني اباوعله مااعرف شيدور براسه ارعبني
شهكت بحصره وايدي ؏ وجهي اخفي بيها عيوني الي متروسه دموع هنا هوة انتبه عليه طبك حواجبه واجه تقرب مني اجه كعد كبالي ورفع ايده وخر اديه ولزم وجهي بااديه الاثنين مسح دموعي من ؏ خدي باابهامه تقرب مني بهدوء باسني من جبيني وخله راسه ؏ راسي اخذ نفس قوي هنا تشجعت من حسيت بحنيته كتله
حور ،، تمييم
_ ابتعد عني صارت عينه بعيني رجعت كتله
حور ،، تميم انت بخير مبيك شيئ
_ هز راسه وحسيت بي عنده كثير كلام بس متردد يحجي
لزم ايدي رفعها باسها ورجع صفن كتله
حور ،، شبيك مفرحان متندم ؏ الي صار
_ من حجيت هيج وجها امتعض وبسرعه كال
تميم ،، شنو متندم ولج اني بس مااعرف شكول او شلون اصرف بهل الحاله بعد الي صار لكن صدكيني اسعد رجال بالعالم اليوم ولج انتي عافيتي واليوم حصلت عليج شريد
من دنيا بعد بس عتبي عليج حوري
ليش محجيتي ليش مكلتي اني عذراء جان ماتقربت منج ولج جان سويتلج ذاك العرس ليش حور ليش ضميتي عليه وشلون هيج احجي فهميني الي صار حقيقه لوو شنو يعني
_ حور سحبت ايدي من ايده رفعت الغطاء ؏ صدري
واخذت قراصه لفيت شعري لانو كلش ضوجني ارتجيت
؏ تاج الجربايه ولميت رجليه الصدري رغم الالم
الي دااحس بي دنكت راسي مااكدر اباوعله واحجي
وصرت احجي اله كل شيئ صار بخصوص علاقتنه اني
وزهير لحد ممات بلع ريكه وتقرب عليه مدد بصفي
وسحبني بحضنه وكل شويه يبوسني من راسي ويحجي
تميم ،، هسه شسوي اريد العالم كله يعرف انه اول رجل
يلمسج بس شلون مااكدر اكسر بااخوي وهوة ميت وهم مااكدر اسكت كلبي راح يطك يامهرتي
حور ،، مو مهم العالم المهم انت صدكني
تميم ،، ولج لو كايلتلي جان خليتج اسعد عروس بالدنيا
حور ،، اخاف انت بنفسك عرس
تميم ،، لا والله ؏ مودج
حور ،، اني مااهتم واصلا اعتبر مثلك لان حفل زفافي سابقا ماحسيت في ولا حبيته اصلا يعني تقريبا نفس الحال
_ رفع راسي باايده صارت عيني بعينه كال
تميم ،، ولج سويتي بيه راد يوكف كلبي ولج مامصدك
ولج طلبتج من الله طلبه قبل لا اشوفج وياه ذاك اليوم
وهاي انتي بحضني اويلي يابا
_ حور حجاها وشدني حيل الحضنه ضليت مااعرف شااحجي ضليت اباوعله تقرب عليه باسني ؏شفتي اكثر من مرة ابتعدت عنه كتله
حور ،، شراح يصير يعني علاقتنه
تميم ،، شيصير بوياا بعد هاذ هوة صرتي مريتي هاي نومتي اصبح نطلع انه وياج وخل الكل يعرف مهرتي صارت
حلالي احد اله شيئ عندي لا
_ ضليت ساكته رجع تقرب مني حسيته كلش متلهف وفرحان ومحبيت اخرب فرحته رغم احس نفسي انتهيت بعدها نمنئ سوئ كنت بحضنه مثل طفل كان يمطرني بكلامه المعسول اول مرة احس بالخجل لهل درجه الفجر حسيت عليه راد يكوم مثلت النوم وهم خجلانه اباوع عليه بعد الي صار كعد ليحيله باوعلي ضل صافن عليه بعدها تقرب عليه خله راسه برقبتي اخذ نفس عميق وحجة
تميم ،، راح اروح اغسل حتئ اصلي الفجر وارجع
نامي ارتاحي اعرف تعبتي وانتي مريضه ارتاحي يعيوني
_ باسني براسي وكام لبس دشداشته وطلع
هنا اني كعدت ليحيلي اباوع النفسي ممصدكة
كل الي صار بيوم واحد تغيرت حياتي كليا كلش خايفه
من تطور هل علاقه بهل سرعه
كمت اباوع دم عذريتي ؏ فرشتي حسيت بثقه مو طبيعيه
ماعرف شنو سبب سحبت الفرشه شلتها ضميتها وطلعت وحدة جديدة فرشتها رحت ؏ غرفه الملابس واني بس جرجف لافتهه جسمي فستاني ملابسي كانو
؏ الارض رتبت كل شيئ بسرعه اخذت هوت شورت وتانك دخلت غسلت وطلعت جففت شعري خليت مرطبات وتعطرت توجهة للسرير حتئ انام سمعت الباب تندك رحت فتحته شفت تميم كبالي اول مشافني ضل صافن بعدها بلع ريك وتغيرت ملامح وجها عيونه صارت بهامته من تدارك نفسه بسرعه دخل وسد الباب سحبني عليه وحجة بحده
تميم ،، ولج حور شلون تفتحين الباب وانتي هيج لابسه افرضي واحد من الحرس لو عداي لو
حور ،، ؏ كيفك ترئ شفتك ؏ جهاز وفتحت الك ثانيا
الحرس شيجيبهم هنا الفجر المهم عطرك طيب
_ اباوع عليه انحلت عقدت حواجبه وابتسم بعدها كال
تميم ،، ناويه ؏ موتي بويا
حور ،، لا اسم الله ليش اجيت
_ خزرني ضحكة كتله
حور ،، اشاقه خلينا ننام كلش تعبانه ونعسانه عفيه
تميم ،، يانوم هاذا تعالي بوياا احجيلي القضئ والمضئ
حور ،، لا حباب اريد انام اذا مانمت هسه النهار كله اضل مزعوجه متعوده انام هيج وكت
تميم ،، دخيلج لا تتموعين كلبي مو حمل دلالج انني بلايا شيئ جاتلتني بفهاوتج
_ باوعتله معقوله هاذا تميم نفسه و ؏ بالك حس عليه
اخذني بحضنه كان يعاملني بكل حنيه شيئ جديد عليه
نمت واني كلش مرتاحه محسيت غير ؏ صوت جهاز
يدك بس نغمه غريبه هاذا مو جهازي نسيت تميم عندي رفعت راسي احاول استوعب باوعت شفته نايم ؏ بطنه ماخذ السرير عرض وطول تلفون ماسكت مديت ايدي اندها
حور ،، تممميم تمييم
تميم ،، هممم
حور ،، تلفونك اكعد
_ حجيتها ورجعت نمت لكن من سمعته يحجي طار نوم
من عيوني
تميم ،، الوو ها ياباا
عداي ،، شيخ وينك مو عوايدك تتاخر احم
تميم ،، عداي اخيك معرس ياشغل يابطيخ
عداي ،، لا الله عليك ولك بنفس اليوم كضيتها
تميم ،، اي والله شسوي
عداي ،، بيها الخير بعد اخوك يلاا اخذ راحتك انه اصرف
بس دير بالك ترئ الكل شاد احزامه ؏ مهرتك
تميم ،، يصير خير
_ من خلص المكالمه ضل صافن بعدها تقرب عليه حضني
ورجع نام بس اني مااجاني نوم انسحبت ؏ كيفي
كمت غسلت وطلعت باوعت بعده نايم شكله يجنن وهوة
نايم دخلت الغرفة الملابس طلعت فستان بيج
بسيط نص ساق ردان تحت العكس صدر دائرة لبسته
وسويت شعري كعكه فوضويه باوعت للميك اب وابتسمت
خليت گ العاده كوري ابحبه اخر شيئ تعطرت ولبست
تخم ذهب ناعم بعدها لبست الخلخال كمت حتئ اكعده بس صديت صار بوجهي حضني سحبني الصدرة العاري كلش خجلت منه كان يباوعلي بعيون متروسه رغبه وحب
تميم ،، انتي ليش هيج حلوة
_ محجيت ضليت اباوع عليه هاذا اشلون اقنعه انو هوة
اكثر الرجال وسامه وهيبه دنكت راسي بخجل لسه احسه غريب لان ماكو علاقه مسبقه بينا من هل ناحيه كتله
حور ،، خلينا نطلع كلش جوعانه البارحة مااكلت
_ باوعلي طابك حواجبه كال
تميم ،، بوياا چا شلون عايشه
حور ،، هههه متعوده اذا كل يوم اكل وجبه وحده كافي
والباقي اقضيها نقرشات وقهوة
تميم ،، خلينا ناخذ المقسوم وبعدها نطلع
حور ،، لا فدوة اصلا كلش متاذايه رجلي وجسمي كله يوجعني اريد اكل حتئ اخذ علاج صدك مو ؏ اساس مريض شنو صار شلون تعافيت ليش مكتلي قبل لا
تميم ،، بوياا انتي عافيتي الي يشوف
هل حسن كله مو يستسودن مو بس يتعافه لا ونوب ضامتلي روحها اويلي يابا كل مااذكر اكزكز عليج
حور ،، مضامه شيئ الك بس كلت مايلمسني الا رجال
يليق بيه وانت ياحلو محضوض مو اكثر وكدرت تحصل عليه
تميم ،، شسالفة الحلو هاذي
حور ،، لقب اطلقته ؏ رجال اعجبني من اول نظره
_ رفع حاجبه وكال
تميم ،، افهم من كامج جنتي تحبيني
حور ،، لا اكيد كلت اعجاب مو حب في فرق كبير بين الحب والاعجاب لكن احتمال احبك او يمكن بدات احبك لان انت كنت اقرب شخص اليه طول هل فتره
تميم ،، حورري من اليوم مااريد اشوف هل حزن
بعيونج الي تموتني اريد اشوف بس الفرح اريد من ادخل للبيت متلهف الشوفتج يتلكني عيونج يضحكن
حور ،، هل شيئ باايدك هل قرار يعتمد عليك حبك او اكرهك انت تقرر من خلال تصرفاتك انت ترسم هل بسمه
تميم ،، اويلي يابا تعالي اخليج بكلبي واقفل عليج ولج شوفي هاذا مادك الغيرج مهرتي شتردين بعد كلب شيخ بيدج بويااا ديري بالج عليه وداري تراه رهيف كدام عيونج
حور ،، مهرتك تعرف كنت حاسه انك تقصدني
تميم ،، والله زين حسيتي يرادلج جم جيله بويااا
حور ،، ههههه يلااا خلينا نطلع ياحلو
تميم،، وعلي كل مااسمع هل كلمه اعاقبج وتعرفين
شلَوٌنِ عقابي لان حيل تثيرني هاي انه بلغتج راح اعتبرها اشاره حتئ اخذج بحضني وشوفج هل حلو شيسوي
حور ،، تمام يلا خلينا نطلع ولو كلش خايفه
تميم ،، لاه لاه تخافين وانه موجود امت عيني چاغير انتي حرم الشيخ بعد منو يجرأ يميل صوبج بويااا يلا الكل ينتظر
حور ،، ليش
تميم ،، وكت غدا فرصه نبلغهم بموضوع زواجنه
_ حور جمدت بمكاني واحس بطني صارت تمقصني
مااعرف ليش هوة ابتسم وحضني جوة جناحه يطمني
طلعنه انه وياه دخلنه للصاله وهنا كانت الصدمه بالنسبة الهم الكل ضل يباوع علينا واني شويه واختل وراء تميم
من الخجل بس من حجة بصوته المهيوب احس قلبي راد يتوقف لكن وجوده قواني كال
تميم ،، حجيله اخذت بنصيحتج وخذيتها صارت مريتي
_ حور يبووو فديت الهجه وهلها
حجيله ،، بالمبارك حبوبي بالمبارك تعال احبنك
ام هارون ،، شلون يعني خذيتها
_ ام هارون متفاجئ لان تعرف ابنها مريض ضلت ممصدكة
حجيله ،، يااا شمالج حبوبه وليدج معرس افرحيله
_ حور اباوع ؏ باجي ممصدكه تقربت عليها همست يم اذنها بصوت ناصي بس هيه تسمعه كتلها
حور ،، باجي ابنج مبي شيئ لتخافين والله تم زواجنه
_ من كتلها هيج حضنتني وصارت تبجي فرحانه لان ابنها تعافئ وهم لان معرس كالت
ام هارون ،، بعد كلبي يايمه الله يبشرج شايفه كل الخير يمه
_ بًعدها الكل بارك النا حتئ ام عداي بس جانت حيل مقهورة بس مبينت مكنت اعرف بخطتها الوسخه
اثاري ساكته ؏ فساد اني هم مااهتميت بعدها تميم كال
تميم ،، شنوو اليوم ماكو غداا ترئ جوعانين
ام هارون ،، تدلل؏ غدا يبعد امك
ثراء ،، وانه اكول ليش عداي جاب الغدا وكال اريد سفرة
طيب الخاطر اثاري يعرف الشيخ معرس
_ الكل ضحك ؏ ثراء بنت طيبه و ؏ نيتها رد عليها عداي
عداي ،، چاشعبالكم غير هاذا الضلع لا وجماله معرس
_ يحجون طبيعي واني صخنت ياالهي اكاد اختفي من شدت الاحراج لكن فهد انقذني من جابته هدئ ذب روحه عليه فدوة حبيبي كعدته بحضني وهوة هم لازك عليه واني روحي معلكه بي دارو الغدا والكل كاعد صرت اوكل فهد شويه شويه مو منتبها ؏ البقيه لحد ماهدئ ندهتني باوعت عليها اشرتلي بعيونها ؏ تميم
رفعت راسي اباوعله رافع حاجبه ويباوع ؏ فهد
يغار منه موقف يموت ضحك سويت نفسي مو فاهمه عليه
بس هدئ مركزه ويانا بعدها كمت اغسل اني وفهد
اجتي هدئ ورايه اخذته وراحت الغرفته رجعت كعدت يمهم
تميم اجه كعد يمي بس الحلو بي يعاملني كدامهم طبيعي
حتئ اذا يحجي يتغزل كانو ممسوي شيئ بعدها طلع
هوة وعداي للمضيف اجوهم ضيوف واني رحت الغرفتي
نص ساعه وسمعت الباب تندك كمت فتحتها شفتها
باجي استغربت جيتها لكن من حجة ارتحت كالت
ام هارون ،، اكول يمه ماتنزلين ملابس رجلج هين عندج
لو انتي تصعدين فوك مايجوز كل واحد بدار
حور ،، مااعروف باجي من يرجع اسئله واشوف
ام هارون ،، براحتج يمه
_ راحت واني ضليت حايرة شلون باوعت غرفتي
كبيرة واني متعوده عليها وغرفة ملابسي هم بيها مجال
لا بأس في اخذت التلفون واتصلت عليه من اول اتصال رد
حور ،، الووو تميم
تميم ،، عيونه
حور ،، احم اتصلت عمود
تميم ،، كولي مشتاقه انه هم مشتاق والله
حور ،، اكيد اشتقلك لكن اتصلت عمود اكلك
اجتي باجي وكالت عمود انتقل ؏ غرفتك بس
تميم ،، بس شنو
حور ،، اني احب هل غرفه واسعه ومريحه اكول
تميم ،، لا تكلين شيئ سوي الي يريحج بويا انا والبيت
وكل شيئ املكة تحت امرج من ايدج هاي لايدج هاي
حور ،، تسلم تمام راح اصعد الغرفتك حتئ انزل اغراضك
تميم ،، تمام اني بالمضيف من تخلصين كوليلي بس حور
لا احد يدخل غرفتي غيرج مااحب احد يطلع ؏ خصوصيتي غيرج انتي زوجتي راح خلي عدنان ينقل وياج
حور ،، تمام المفتاح
تميم ،، تاريخ ميلاج
_ ضليت باهته وهوة قفل الاتصال بعدها تجاهلة الموضوع وطلعت صعدت فعلا دخلت التاريخ فتح الباب دخلت
غرفته تموت اني داخلتها من قبل لكن مركزت غرفه رجوليه فخمه العطر يدوخ لكن ماكو وقت دخلت ؏ غرفة الملابس
اول مرة اشوفها واوووو بالاخص قسم العطور
الاكسسوارات كلها مميزة صرت اخليهم بالكارتونات بعنايه
ساعه يلا خلصت ترتيبهم بعدها رجعت ؏
الملابس عود اني اكول عندي ملابس كثير من شفت
ملابس تميم تاكدت انو اني كنت ضالمه نفسي المهم ضلت
جمع كل اغراضه اجه عدنان نزلهم اليه بعدها
كعدت ارتب بيهم بغرفتي اخذا شيئ اربع ساعات يلاا
خلصت تنظيم غرفتي ؏ نظام جديد
خلصت المغرب بس شنو متت تعب رجلي بعد مااحس بيها رحت اخذت ملابس ودخلت غسلت وطلعت لبست بجامه وتشيرت ربع ردن وكعدت اجفف شعري سويت مكياج بسيط واكيد العطر مااكدر بلاياه خلصت اخذت كوب عصير وكعدت اشوف كروب المستشفى بعد باجر دوامي
كنت كاعده اباوع مقابيل الشباك مكاني المعتاد ولان السماعه ؏ اذني محسيت بي من دخل للغرفه جفلت لمن تميم دنك عليه وهوة تبهر من شافني هيج خايفه كال
تميم ،، اسم الله بويا شبيج
حور ،، اسفه بس خوفتني لان لسه ممتعوده ؏ وجودك
تميم ،، تعالي
_ فتح لي حضنه وكال
تميم ،، تتعودين بويا تتعودين تعالي
_ تقدمت عليه وهوة يباوعلي بنظرة متروسه حب وحنان
عجيب امرة كم مرة سئلته شلون حبيتني
مقبل يحجي اليه دخلت الحضنه طوقني بذراعه
وهوة يبوس براسي بعدها كعد وخلاني ؏ فخذه كلش خجلت منه لكن هوة ابد ميحسسني بالخجل بالعكس
يصرف طبيعي كلش فرح من شاف اغراضه عندي كال
تميم ،، هسه الي يسمع شيخ مزوج كعيدي شيكول بالله
حور ،، شنو كعيدي
تميم ،، بويا هاي اكو رجال يزوج المراة ويروح يكعد عدها
مثلي انه تزوجتج واجيت اكعد وياج بغرفتج مااخذتج الغرفتي يفضيحتك بين الوادم ياشيخ هاي تاليتك
تزوج كعيدي
حور ،، هههههه بس انت مو كعيدي هاذا كله بيتك
تميم ،، هاذا بيتج الج وانه كلي الج
_ مضئ فتره ؏ زواجنه
_ تميم مدد اجازتي مااعرف شلون دبرها يكول
اني عريس اريد استمتع مع عروستي يادوام يابطيخ
وفعلا طول هل فتره اغلب وقته وياي لكن
اليوم رجعت اداوم لكن متغيره كليا شكلي نفسيتي حتئ اصدقائي لاضحو بذات من تميم وصلني المستشفى بنفسه ودخل وياي سلم ؏ المدير لانو يعرفه وصاه عليه والمدير من عرف اني زوجة الشيخ صار يهلي ويرحب
طلع تميم واني استلمت شغلي بصاله اني وزينب
مشت ايامي طبيعي لحد مايوم رجعت من الشغل واشوف
الوجوه كلها مكلبه خير شكوو ماعرفت دخلت غرفتي بدلت
وطلعت لان صار عندي قلق تميم كان طالع لكيت ثراء
كاعده بالمطبخ كتلها
حور ،، ثراء شكوو ليش الكل كالب وجها
ثراء ،، جاين خطابه ؏ رغد وعبن خوش اوادم عداي
كال لابوه ننطيها وهنا ام عداي تخبلت تكول
بنتي كاعده للشيخ شصار وبعد مايريد بنتي
حور ،، ياشيخ
ثراء ،، خايبه شبيج چاغير رجلج شيخ تميم
_ باوعتلها صفح وضحكت واثقه من تميم ليش اغث نفسي كتلها
حور ،، اي وبعد شصار
ثراء ،، صارت عركة بين عداي وامه وشيخ تدخل وكال
تميم ،، انه مزوج ورغد مثل اختي عيب هل حجي
البنت اجت قسمتها خل تروح بفالها وانه ماناهي عليها
وهاذا عمي اكو يوم كتلك الك او اعدي اريد مراة منكم
عداي ،، لا يخوي اعرفك ماتعدهن غير خواتك
تميم ،، اي بالله
ام عداي ،، خذيت هاي الارمله جنها زرافه وعفت بنت عمك
الي صار سنين تباوعلك والكل يعرف رغد الك ليش
ياشيخ تزوجة وكلنا ميخالف يحقلك تزوج اربعه
بس مال تعوف بنت عمك تروح للغريب لاهاي مامرجيه منك
عداي ،، كافي ياامي ليش لتنطين بنتج فوك مراة مو هاي قسمة زينه شلج ؏ البنت تشيلين خطيتها
ام عداي ،، يمه ياخطيه شيخ يرادله مراة معدله تشيل بيته
مو هاي المشلتحه
تميم ،، امممممم عداي احترمي هاي عدها اسم وهيه
زوجتي وشيخة هنا وغصب ؏ الكل يحترمها والي يقلل من شئنها جاي يجاوز حدوده وياي انه
عداي ،، حقك ابو فهد اعذرنه خويه
تميم ،، عداي انت اخوي واني الخاطرك متحمل يااخي
هاي مو سالفه
ام عداي ،، ليش كلام الحق يزعل وينها مرتك وينها
تدري شصار مصار بالبيت تجي تاكل وتنام الداكتوراه
هاي مو مال بيوت احنه الي شايلين بيتك ومضيفك
تميم ،، ماتقصرين ام عداي من اليوم شيلي ايدج
_ باوع العمتي وحجة
تميم ،، يمه انه من باجر اجيب نسوان تخدم هين تحت اشرافج مرتي وامي خط احمر خوش وانتي مامجبورة
تشتغلين ياام عداي ترئ هاي مو سالفه عايف الديوان
وكاعد احل مشاكل النسوان
ثراء ،، اي خيه وبعدها طلع شيخ شايط وهذول هم جدامج
من اليوم شدي راسج راح يحاربنج عبن ماخذاها فوكج
حور ،، جوعانه اكو غداا
ثراء ،، ههههه اي اشلون غدااا
_ حور كمت فتحت الاوڤن لكيت جدريه صغيرة فتحتها
بس شفتها قلبت معدتي حتئ مكدرت اروح
للمغاسل طلعت اركض من باب المطبخ استفرغت بالحديقه
كانو طابخين سمك مع الباميه لونها بيج يسموها مسموط
اني كم مرة شفتهم يطبخوها بس مااقرب ؏ الاكل
اليوم شجاني لحكتني ثراء تضحك
ثراء ،، خيه شجاج
_ باوعتلها كالبه عيوني رجعت غسلت ودخلت الغرفتي
لحد المغرب اجه تميم بس كان نار محجية وياه غسل وبدل اجه تقرب عليه حضني حيل وخله راسه برقبتي اخذ نفس عميق وابتعد بعدها طلعنا اني وياه كعدنا بصاله دارو العشئ والكل كعد بس كان جو متوتر خلصنا اني كمت رحت غسلت اجه تميم هم ردت ارجع للصاله قبل لا امشي كال
تميم ،، اكفي لا ترحين
_ هزيت راسي وضليت واقفه خلص ونشف اديه
سحبني من ايدي ؏ غرفة دخلنا سد الباب كال
تميم ،، حور اريد احجي وياج بشغله بس لا تفهمين غلط بويا هل شيئ لمصلحتج وانه احبنج ومااريد احد يحجي
حور ،، ماشي
تميم ،، ادري بيج مو حمل مسؤليه وعيال ملاحض هل شيئ من اجيتي لليوم ودائما جانت امي تحجي اسكتها
اكول الها بنيه حضريه ماتعرف واحنه مو بحال شغلها عندنا نسوان الي تسد وهاي صارلج سنتين هينه ماتعلمتي
من نسوانه شيئ يعني لازم تعلمتي من عمتج من البنات
حور ،، لا وبصراحه مااحب اتعلم منهم شيئ لان حياتهم
تختلف عن حياتي صح عايشه وياكم بس اني مو مثلكم
ومااكدر اصير مثلهم هاذي حياتي
تميم ،، ليش بويا احنه فضائين مثلا مو بشر مثلج
صح انتي دارسه ومثقفه بس تبقين مراة حالج حال نسوانه واجب عليج بيتج ورجلج و عيالج مثل ما واجب عليه اداريج واحميج واوفر الج كل سبل راحه الحياة اخذ وعطئ
حور ،، المطلوب شنو تميم احجيلي من الاخر
تميم ،، اذا راح تزعلين اني ابطل مااحجي كله ولا زعلج
حور ،، لا عادي ليش ازعل مجرد نقاش اتفضل
تميم ،، بويا انتي صرتي زوجتي تغير وضعج كونج صرتي زوجة الشيخ وشيخة هاذا البيت امي مراة كبيرة وتعبانه تريد زوجتي تشيل عنها الحمل
حور ،، لحد الان مفهمت المطلوب
تميم ،، بويا تخصصين وقت الزوجج وبيتج بااوقات
مثلا قبل الغدا بنص ساعه اطلع ويالنسوان اوكف ؏
روسهن اساعدهن اشوف شنو الناقص واهم ايدي وياهن
تجي حلوة منج كونج الشيخه هينه
وهم عليج واجبات بعد من يجون ضيوف لازم انتي تستقبليهم وتقومين بالواجب ومن تصير مناسبه طلعين
لو وياامي لو وياي هاذا واجبج كونج شيخه انتي مو مثل
ثراء ولا حتئ مثل ام عداي انتي زوجة شيخ عليج كثير
واجبات لازم تعرفيها حجيله تعلمج بس اطلبي منها
واهم شيئ لازم يكون وجهج يضحك بوجه الوادم
مو عبالك مجبوره نادرا مااشوفج تبتسمين لازم تنسين
الماضي ومن اليوم مااريد اشوف الزعل اريد الابتسامه
ماتفارك وجهج ولاتخافين مااطلب منج شيئ
فوك طاقتج او ارادتج هين اكو عاملات يجن ينضفن
يخبزن يطبخن شغلتج بس نواعم والاشراف
حور ،، اني مااتعاجز بس مااعروف شنو اشتغل
تميم ،، هههههه لا تخافين بوياا امت عيني اذا اخلي
هل ادين الحلوة تشتغل من باجر اجيب عامله
خاصه للمطبخ نفيدها وتفيدنا وانتي ؏ روسهم وثراء وياج
لا تخافين حبيبتي تتعودين وكتلج حجيله مدرسه تعلمج
_ جر ايدي باسها وخلاها ؏ خده وغمض عيونه اخذ نفس ضليت اباوع عليه كل كلامه حلو وصدك لكن كبير عليه
حور ،، تميم
تميم ،، عيونه
_ ضليت صافنه عليه وهوة عيونه نعست هل فتره
عرفت نفسي شكد الي تاثير عليه يعني اباوعله بنظرة مطوله يروح يفقد حتئ مرات يكول اذا نكعد يم الناس لا تباعيلي من شفته هيج سحبت ايدي من بين اديه وكتله
حور ،، كل الحجيته صح وماعندي اعتراض
بس محتاجه منك شغله وحدة والي هيه لا تعوفني وحدي لحد ما اتعود ؏ هل نظام ؏ هل روتين الجديد
تميم ،، لج شلون اعوفج يعافيتي
حور ،، تمام
_ اني اصلا اكعد من اصبح رجعت اسوي الهم ريوك
قبل لا اطلع للدوام ومن ارجع ارتاح شويه واطلع ويالبنات
ام عداي معلي بيها بذات بعد ماانطو رغد للناس الي اجو
خطبوها تخبلت علينه كل نهار تدور مشاكل
تميم كل يوم اعرفه اكثر صرت حب اهتمامه وحنيته
عليه وااتمنئ احبه لكن الضاهر انه عندي اعاقه بالمشاعر
مراة سئلة دكتورة نفسيه صديقتي بااميركا بعد محجية الها قصتيي كالت المشكله موشخصيه انتي مشاعرج بارده اتجاه اجميع وهاذا شيئ طبيعي لان انتي جراحه مشاعرج شبه معدومه بطبيعة عملج لذالك شيئ طبيعي الي تعيشي
_ حاليا حياتي هادئ مبيها شيئ جديد علاقتي بتميم جيده
مشكلتي الوحيده البرود الي يتملكني رغم كل اهتمام تميم
وحبه وحنانه مكدر يطلعني من العالم الي عشت بي
عشرين سنة من عمري من ماتو اهلي الحقيقين لحد اليوم
احيانا اخاف لا اخسر تميم لانو هوة الشيئ الوحيد
الحلو بحياتي اذا اخسرة انتهي
_ اليوم رجعت تعبانه كلش وهوة كان طالع غسلت لبست
شيئ خفيف سرحت شعري رطبت جسمي تعطرت ونمت صحيت ؏ بوساته وهوة يعاملني مثل ام مشتاقه الطفلها كعدت حضنته خليت راسي ؏ كتفه كتله
حور ،، تمييم
تميم ،، عيونه
حور ،، تحبني
تميم ،، ولج عيون كلبي انتي حضنج ينسيني هموم الدنيا والوادم كلها چاغير من اشوفنج كلبي يفرفح عليج تكول حوريه بداري
حور ،، مممم يعني مرتاح وياي
تميم ،، بويا اخاف مصخنه شعندي غيرج من اشمنج
كل عضاي ترجف
حور ،، تميممم
تميم ،، اويلي يابا تتقصد تكول اسمي تعرف
كلبي رجيج من اسمعنه بصوتها اتسودن
حور ،، هههههه اكول ليش مانسافر كم يوم
المكان هادئ اني وياك
تميم ،، ليش لا بوياا مكسب اشبع من هل حلقوم
_ حجاها وتقرب عليه ميكدر يقام يكول من تكعدين
من النوم شكلج حيل مغري اذوبن بدلالج وفهواتج
بس ترئ اني مو فاهيه نازكة بس هنا يسميها فهاوه
المهم قررنا نسافر كم يوم لكن الله اعلم شوكت
لان تميم دوم مشغول واني هم كثرت اجازاتي
راح انفصل من شغلي اجلنا السفرة ؏ ربيع ان شاء الله
وخيرا احس نفسي اخذت الي استحقه من هل حياة
والي هوة تميم احس الله عوضني بي عن كل تعبي
وحزني وفهد كان هدية من رب العامين اليه اكو
امل بالمستقبل اصير ام لكن نحتاح وقت حتئ يتعالج
تميم ونحن اصلا حاليا مافاتحين هل موضوع
حابين نتونس بحياتنه فهد كافي علينه
_ سلام انقطت اخبارة حتئ مشتبه ماعاد حجيت وياه
من اخر مشكله صارت من تميم كعدهم للحق بعدها اختفو
من حياتي رغد تزوجة قبل فتره اصلا مكانت تهمني
وهسه اسمحو الي اروح ارتب نفسي قبل لا يرجع
تميم مااحب يشوفني مبهذله احب اشوف الهفه
بعيونه الي كل مايشوفني هل فتره صرت اشوفه كل شيئ بالنسبة اليه عيوني دور عليه اذا تااخر اضوج هل حلوو كدر يحصل ؏ اهتمامي بااسلوبه الحلو الي ياخذني بي الغير عالم حبه اهتمامه حنيته رجعوني للحياة من جديد
***
حسابي jnaaldaudie
لا تنسون تفاعلو حتئ تصعد روايه
الئ القاء برواية جديدة احبكم كومات 🔥