"ဘန်း..ဘန်း"
"ဘန်း! ဘန်း! ဘန်း!"
ဖူကျား၏မျက်လုံးများဆတ်ခနဲရုတ်ချည်းပွင့်လာပြီးသူ့ကိုစိုးမိုးထားသည့်အမှောင်ထုကြောင့်အသက်ရှူရပ်မတတ်ဖြစ်သွားသည်။
သူအိပ်နေသည်မှာသူ့အခန်းထဲရှိသူ့ကိုယ်ပိုင်အိပ်ရာပေါ်တွင်ဖြစ်ပြီးတံခါးကိုအဆက်မပြတ်ထုနေသည်မှာဒေါ်ဒေါ်ချန်းဖြစ်သည်ကိုသဘောပေါက်ရန်အချိန်အတော်ယူလိုက်ရသည်။ "ဘယ်အချိန်အထိအိပ်ဖို့စဉ်းစားနေတာလဲ...ဟဲ့ကောင်လေး...ကျောင်းနောက်ကျတော့မှာပဲ"။
အခန်းအပြင်မှဗလုံးဗထွေးအော်ဟစ်ပြောဆိုနေသောကြောင့်ဒေါ်ဒေါ်ချန်း၏အသံကိုသဲသဲကွဲကွဲမကြားရပေ။ ဖူကျားတစ်ယောက်အခန်းတံခါးကိုဖွင့်လိုက်ချိန်တွင်သန့်ရှင်းရေးပစ္စည်းတစ်ပုံတစ်ပင်နှင့်သူ့အခန်းရှေ့တွင်ရပ်နေသောဒေါ်ဒေါ်ချန်းကိုတွေ့လိုက်ရသည်။ ညွှတ်စိုက်ကျနေသောမျက်ခုံးတန်းများနှင့်အရောင်အဆင်းမဲ့ကာအကျည်းတန်နေသောမျက်ဝန်းများကြောင့်ဒေါ်ဒေါ်ချန်းကမိန်းမလှတစ်ယောက်မဟုတ်ပေ။
သူမပြုံးလိုက်လျှင်ပင်သူမ၏မျက်နှာအမူအရာမှာပူဆွေးသောကဖိစီးမှုအချို့နှင့်ရောယှက်နေသည်။
ဒေါ်ဒေါ်ချန်းကိုမြင်သည့်အခါတိုင်းကွယ်လွန်သွားပြီဖြစ်သောမေမေ့ကိုဖူကျားသတိရမိသည်။
လူ့ဘဝဇာတ်ခုံထက်တွင်သူ့အားချမှတ်ပေးသည့်
ကံကြမ္မာဟူသောအရာကိုနာကျည်းမုန်းတီးလှသည်။
ဒေါ်ဒေါ်ချန်းကရာဘာလက်အိတ်ကိုဝတ်ဆင်လိုက်ချိန်တွင်ပျားပန်းခတ်အောင်အလုပ်ရှုပ်တော့မည့်နောက်ထပ်နေ့သစ်တစ်နေ့စတင်ပြီဖြစ်ကြောင်းသိလိုက်ရသည်။ "အိပ်ရာကနေထတော့...စတိုခန်းထဲမှာရေမြှုပ်တစ်ခုသွားယူပေးဦး...အစောတုန်းကငါယူထုတ်ဖို့မေ့လာခဲ့လို့"။
ဖူကျားလည်းခေါင်းညိမ့်ပြီးအစေခံတန်းလျား၏အစွန်ဆုံးတွင်ရှိနေသောစတိုခန်းဆီသို့ခြေဦးလှည့်လိုက်သည်။ စတိုခန်းကဗီလာတစ်ခုလုံးတွင်ပြတင်းပေါက်တစ်ပေညက်မှမပါပဲအသေးငယ်ဆုံးနှင့်အမှောင်ဆုံးအခန်းကျဉ်းလေးတစ်ခုဖြစ်သည်။
ဒေါ်ဒေါ်ချန်းမှာလိုက်သည့်ရေမြှုပ်ကိုယူရင်းစင်တစ်ခုပေါ်တွင်တင်ထားသောအရွယ်အစားမျိုးစုံရှိသည့်ဓားများဆီသို့ဖူကျားအကြည့်ရောက်သွားမိသည်။ ထို့နောက်အချွန်ထက်ဆုံးနှင့်အသေးဆုံးဓားကိုယူပြီးသူ့အိတ်ကပ်ထဲသို့ထည့်လိုက်သည်။
စတိုခန်းမှယူလာသည့်ရေမြှုပ်ကိုဒေါ်ဒေါ်ချန်းလက်ထဲသို့ထည့်ပေးလိုက်သောအခါဒေါ်ဒေါ်
ချန်းကသူ့ကိုအထပ်ထပ်အခါခါသတိပေးလာသည်။
"ခဏနေကျောင်းသွားတဲ့အခါကျရင်နောက်ဖေးတံခါးကနေပဲထွက်နော်...ဧည့်ခန်းကနေလုံးဝဖြတ်မသွားနဲ့"။
"ဘာလို့လဲ"
ဒေါ်ဒေါ်ချန်းကအသံကိုနိမ့်ပြီးတီးတိုးစွာဖြင့်ပြန်ဖြေသည်။ "ဒီမနက်ဝေလီဝေလင်းအချိန်လောက်တုန်းကဖုန်ဖုန်းအန်ထားတာမနည်းမနှောပဲ...သခင်ကြီးနဲ့သခင်မကြီးတို့နှစ်ယောက်လုံးသူ့အတွက်ပျာယာခတ်ပြီးအရမ်းစိတ်ပူနေကြတယ်
အိမ်ကိုဆရာဝန်ပင့်ထားတယ်လို့ပြောတာပဲ...သူတို့ကိုသွားမနှောင့်ယှက်မိစေနဲ့နော်"။
ဒေါ်ဒေါ်ချန်းကအရိပ်အမြွက်မျှသာပြောသော်လည်းသူမဆိုလိုသည့်အဓိပ္ပါယ်ကိုဖူကျားကောင်းကောင်းနားလည်ပါသည်။ အိမ်ကြီးရှင်သခင်လေးကနေမကောင်းဖြစ်နေသောကြောင့်သခင်ကြီးနှင့်သခင်မကြီးနှစ်ယောက်လုံးကစိတ်ပျက်နေရသည့်ကြားထဲအခြေအနေပိုဆိုးသွားအောင်လောင်စာသွားမထည့်မိစေရန်ဆိုလိုခြင်းဖြစ်သည်။
ဖူကျားလည်းထွေထွေထူးထူးခံစားမနေတော့ပဲခေါင်းညိမ့်လိုက်သည်။
ဖုန်ဖုန်းဆိုသည်မှာသူ၏အဖေတူအမေကွဲညီလေး လင်ဖုန်းရွှင်းဖြစ်သည်။ လင်ဖုန်းရွှင်းကငယ်စဉ်တည်းကချူချာအားနည်းပြီးမကြာခဏဆိုသလိုဖျားနာတတ်သောကြောင့်အိမ်ထဲကအိမ်ပြင်မထွက်ခဲ့ပေ။ ကျောင်းနေအရွယ်တွင်ပင်ကျောင်းသို့မသွားပဲကျူတာဆရာတစ်ယောက်ငှားကာအိမ်ထဲတွင်သာပညာသင်ယူခဲ့သည်။
သူတို့ညီအစ်ကိုနှစ်ယောက်ကရုပ်ရည်ပုံပန်းသွင်ပြင်ဆင်တူသော်လည်းအကျင့်စရိုက်ကမူအဖြူနှင့်အမည်းကဲ့သို့ဆန့်ကျင်ဘက်ဖြစ်သည်။ ရုပ်
ရည်သွင်ပြင်ကိုမူလူတိုင်းဖျတ်ခနဲတစ်ချက်
ကြည့်လိုက်ရုံနှင့်သူတို့နှစ်ယောက်ကညီအစ်ကိုတော်စပ်မှန်းချက်ချင်းတန်းသိသည်။
ကျောင်းနှင့်နီးသောလမ်းကြားလေးတစ်ခုတွင်
ဖွင့်ထားသောဆိုင်တစ်ဆိုင်မှအဆီခပ်ရွှဲရွှဲဘန်း
မုန့်နှင့်ပဲနို့တစ်ဘူးကိုဖူကျားဝင်ဝယ်လိုက်သည်။
ဘန်းမုန့်ထဲတွင်ပါသောအသားပြားကချိုချိုငန်ငန်လေးနှင့်အရသာရှိပြီးပဲနို့ကမူရေကဲ့သို့ကျဲတောက်ကာဘာအရသာမှရှိမနေ။ သို့သော်ဖူကျားတစ်ယောက်အရသာခံမနေတော့ပဲဗိုက်
ပြည့်စေရန်တစ်ခုတည်းအတွက်ဝယ်လာသမျှအားလုံးကိုပါးစပ်ထဲအမြန်သွတ်ထည့်လိုက်သည်။
စာသင်ခန်းထဲဝင်ဝင်ချင်းတစ်စုံတစ်ယောက်ကသူ့အားမမှိတ်မသုန်စူးစိုက်ကြည့်နေသည်ကို
ဖူကျားခံစားမိသည်။ အခန်းထောင့်တွင်ထိုင်နေသည့်လျှိုချန်ဟူသောကျောင်းသားကတစ်တန်းလုံးတွင်အဆိုးဆုံးနှင့်စာအညံ့ဆုံးကျောင်းသားဖြစ်သည်။ ထိုသို့သောကျောင်းသားမျိုးက ကောလိပ်ဝင်ခွင့်စာမေးပွဲကိုမဆိုထားနှင့်အထက်တန်းပညာရေးကိုပင်ပြီးဆုံးနိုင်မည်မဟုတ်ဟုဖူကျားအပြည့်အဝယုံကြည်ထားသည်။ အထက်တန်းတက်ဖူးသည်ရှိအောင်သာကျောင်းလာတက်နေပုံရသည်။
သူ့ဝါသနာကသူငယ်ချင်းမိတ်ဆွေအပေါင်းအသင်းမရှိပဲတစ်ကိုယ်တည်းဖြစ်နေ
သည့်အဖော်ကွဲ၊ သင်းကွဲသမားများကိုပစ်မှတ်ထားကာအနိုင်ကျင့်ပြီးငွေညှစ်ခြင်းဖြစ်သည်။ ထို့ကြောင့်ဖူကျားကဲ့သို့အမြဲတမ်းတစ်ယောက်တည်းခွဲထွက်နေတတ်သူမျိုးကသူ့အတွက်မျက်စိကျစရာဖြစ်လာသည်။
ဖူကျားတစ်ယောက်ကျောမတ်လိုက်ပြီးအိပ်ကပ်ထဲလက်ထည့်ကာတစ်ဖက်သို့လှည့်လျက်
လျှိုချန်အားဘာမထီဟန်ဖြင့်မျက်လုံးတည့်
တည့်ပြန်လည်စူးစိုက်ကြည့်ပေးလိုက်သည်။
မထင်မှတ်ထားစရာကောင်းလောက်သောသူ့အပြုအမူကြောင့်လျှိုချန်တစ်ယောက်ဒေါသပုန်ထပြီးရှူးရှူးရှားရှားဖြစ်သွားသည်။
ဖူကျားရှိရာသို့ဝုန်းဒိုင်းရောက်လာပြီးစာရေးခုံကိုသူ့ခြေထောက်ဖြင့်ပြင်းပြင်းထန်ထန်ကန်ကျောက်တော့သည်။
"မင်းကဘာကောင်မလို့ငါ့ကိုစိုက်ကြည့်ရဲတာလဲ
ပိုက်ဆံထုတ်ပေးစမ်း"။
"ပထမစာသင်ချိန်ပြီးရင်ကျောင်းနောက်မှာတွေ့ကြရအောင်"။ ဖူကျားတစ်ယောက်လျှိုချန်အားမျက်တောင်မခတ်တမ်းစိုက်ကြည့်ရင်းပြောလိုက်သည်။
သူ့ကိုတစ်စက်ကလေးမှမကြောက်သည့်အပြင်တည်ငြိမ်အေးဆေးစွာစကားဆိုလာသောအနှီကောင်လေးကြောင့်လျှိုချန်အံ့ဩမိသွားသည်။
ရဲတင်းလွန်းလှသောထိုကောင်လေးကိုစူးစူးစိုက်စိုက်တစ်ချက်ကြည့်ပြီးအံကြိတ်ကာပြောလိုက်သည်။ "ကိုယ့်အဆင့်ကိုသိနော်...ရုတ်ရုတ်ရုတ်ရုတ်လာမလုပ်နဲ့"။
ပထမစာသင်ချိန်ကတစ်ခဏအတွင်းလျင်မြန်စွာကုန်ဆုံးသွားပြီးဖူကျားနှင့်လျှိုချန်လည်းစာသင်ခန်းထဲမှအလျှိုလျှိုထွက်လာကြသည်။
ကျောင်း၏အနောက်ဘက်တွင်သစ်ပင်များစိမ်းလန်းစိုပြေစွာပေါက်ရောက်နေသည့်သစ်တောလေးတစ်ခုရှိသည်။ သို့သော်ကျောင်းအဆောက်အဦးကြီးကအရှေ့မှကာထားသောကြောင့်တောအုပ်လေးကကျောင်း၏အရိပ်ထဲတွင်စုန်းစုန်းမြှုပ်နေသည်။ ထိုတောအုပ်လေးကလျှိုချန်လိုလူအတွက်အလွန်အကြိုက်တွေ့သောနေရာလေးတစ်ခုဖြစ်သည်။ ဘယ်သူ့ကိုဘယ်လောက်ရိုက်ရိုက်၊ ဘယ်လောက်ဆဲဆဲ လူတကာတွေ့ရခဲသောနေရာဖြစ်နေသောကြောင့်ပင်။
လျှိုချန်ကကျောင်းအင်္ကျီအိတ်ကပ်ထဲမှစီးကရက်တစ်လိပ်ကိုထုတ်လိုက်ပြီးနှုတ်ခမ်းအနားတေ့ကာမီးခြစ်ဖြင့်မီးညှိလျက်ခပ်ပြင်းပြင်းရှိုက်ဖွာလိုက်ရာဖြူလွှလွှဆေးလိပ်ငွေ့များကတစ်လိပ်လိပ်တက်လာသည်။ "အဲဒီမှာဘာရပ်လုပ်နေတာလဲ...ငါတောင်းထားတဲ့ပိုက်ဆံပေးမလို့ဆိုရင်လည်းပေးစရာရှိတာပေးပြီးငါ့မျက်စိရှေ့ကနေအမြန်လစ်တော့"။
ဖူကျားကသစ်ပင်တစ်ပင်အနားတွင်မှီရပ်နေရင်း
လက်ဆန့်ထုတ်လိုက်သည်။
ဆေးလိပ်ငွေ့များမှုန်မှိုင်းနေသည့်တိုင်ဖူကျား၏လက်ထဲတွင်ငွေစက္ကူတစ်စုံတစ်ခုမှမရှိပဲ
ဓားမြှောင်အသေးလေးတစ်ခုသာရှိနေသည်ကိုလျှိုချန်ရှင်းရှင်းလင်းလင်းမြင်ရသည်။
လျှိုချန်တစ်ယောက်ဒေါသထောင်းကနဲထွက်သွားပြီးဖူကျားအားတစ်ဖက်သို့မျက်နှာလည်ထွက်သွားသည်အထိအားပါပါပိတ်ရိုက်လိုက်သည်။ "ငါ့ကိုလာနောက်နေတာလား"။
သို့သော်ဖူကျားကနာကျင်မှုကိုမခံစားရ သကဲ့သို့ကိုယ်ကိုချက်ချင်းပြန်မတ်လိုက်ပြီးခပ်တည်တည်မျက်နှာဘေးဖြင့်ပြန်လည်တုံ့ပြန်သည်။
"ငါ့မှာပိုက်ဆံတစ်ပြားမှမရှိဘူး...အဲဒီတော့ငါ့ဆီကနေပိုက်ဆံရဖို့အိမ်မက်မက်မနေနဲ့တော့"။
ဤအခြေအနေတစ်ခုလုံးကလျှိုချန်အတွက်မယုံနိုင်စရာပင်။ သူကြားနေရတာတွေကအမှန်ပဲလား။ ဖူကျားကဘယ်သူ့အားကိုးနဲ့ဒီလောက်အထိရဲတင်းပြီးသူ့ကိုပြန်ခံပြောနိုင်ရတာလဲ။ လျှိုချန်တစ်ယောက်လက်သီးကိုတင်းတင်းကြပ်ကြပ်ဆုပ်လိုက်မိပြီးဖူကျားအားခပ်ကြိတ်ကြိတ်ပြောလိုက်သည်။ "မင်းလိုကောင်ကများ...သေချင်လို့လား"။
ဖူကျားဓားအိမ်ကိုချွတ်လိုက်ပြီးမြေပြင်ပေါ်သို့လွှင့်ပစ်လိုက်သည်။ ထို့နောက်ဓားမြှောင်ကိုသူ့လည်ပင်းအနားထောက်ကာလျှိုချန်အားခြိမ်းခြောက်လိုက်သည်။ "မင်းကဆရာတွေကိုမကြောက်ဘူးဆိုတော့ရဲတွေကိုတော့ကြောက်တယ်မလား...အခုနေငါ့လည်ပင်းငါဓားနဲ့မွှန်းပြီးရဲကိုခေါ်လိုက်မယ်လေ...သူတို့မင်းကိုဖမ်းမဖမ်းဆိုတာလောင်းမလား"။
သူ့စကားအဆုံးလျှိုချန်ကဒေါသတကြီးဆဲရေးပြီးသောက်လက်စစီးကရက်ကိုမြေပြင်ပေါ်သို့ပစ်ချလိုက်သည်။ "ငါကမင်းခြိမ်းခြောက်တိုင်းကြောက်သွားမဲ့သောက်ကလေးအရွယ်ကျောင်းသားလေးလို့ထင်နေတာလား"။ ထို့နောက်ဖူကျားအနားသို့ဒုန်းစိုင်းပြေးကပ်လာရင်းဓားမြှောင်ကိုဆွဲယူလိုက်သည်။
အားပြင်းပြင်းနှင့်ဆွဲယူသောကြောင့်ဖူကျားလည်းမတတ်သာပဲဓားမြှောင်ကိုလွှတ်လိုက်ရသည်။
လျှိုချန်ကအရှက်ခွဲခံလိုက်ရသလိုရှူးရှူးရှားရှား
နှင့်အတော်လေးဒေါသထွက်နေသည်။ ထို့နောက်ဖူကျား၏ဝမ်းဗိုက်ဆီသို့အရှိန်ပြင်းပြင်းဆောင့်ကန်တော့သည်။
ဖူကျားကသစ်ပင်ကိုမှီပြီးခန္ဓာကိုယ်ကိုအားယူကာပြန်ထိန်းမတ်လိုက်သော်လည်းအဆက်မပြတ်ရောက်လာသောကန်ချက်များကြောင့်မြေပြင်ပေါ်သို့လဲကျသွားရသည်။ လျှိုချန်ကသူ့ကိုပြန်ထခွင့်မပေး။ ကန်ချက်များက
ပိုပိုပြီးအကြိမ်ရေစိပ်လာသည်။
ထိုအခိုက်တွင်သူတို့ရှိရာသို့တဖြေးဖြေးချဉ်းကပ်လာသောခြေသံများကိုကြားလိုက်ရသည်။ ဆရာများကကသိုက်ကရိုက်အပြေးတစ်ပိုင်းနှင့်သူတို့နှစ်ဦးခိုက်ရန်ဖြစ်ပွားနေသည့်နေရာသို့ရောက်လာကြသည်။ လျှိုချန်၏လက်ထဲတွင်ဆုပ်ကိုင်ထားသောဓားမြှောင်ကိုမြင်သောအခါဆရာနှင့်ကျောင်းတာဝန်ရှိသူများကအလန့်တကြားအော်ဟစ်တားဆီးကြသည်။ "မင်းဘာလုပ်တာလဲ....အဲဒီဓားကိုအခုချက်ချင်းချထားလိုက်"။
ဖူကျားလည်းမြေကြီးပေါ်မှကုန်းရုန်းထလိုက်ပြီးဘေးရှိကျောင်းအဆောက်အဦး၏နံရံကိုယိုင်နဲ့နဲ့မှီကာအလွန်အမင်းကြောက်ရွံ့နေသည့်ပုံစံဖမ်းလိုက်သည်။
ဆရာများကလျှိုချန်ကိုအမြန်ဖမ်းချုပ်ကြပြီးလက်ထဲရှိဓားမြှောင်ကိုလည်းသိမ်းလိုက်ကြသည်။ လျှိုချန်တစ်ယောက်အားကုန်သုံးကာရုန်းသော်လည်းအများနှင့်တစ်ယောက်ဖြစ်သောကြောင့်အချည်းနှီးသက်သက်သာ။ ဖူကျားဆီသို့အကြည့်ရောက်မိစဉ်သကောင့်သား၏မျက်ဝန်းထဲတွင်ဝမ်းသာအားရနေသည့်အရိပ်အယောင်တို့ကိုမြင်လိုက်ရသည်။
ဒီအချိန်မှတော့ငြင်းခုံနေလည်းအကြောင်းမထူးတော့ပေ။ လျှိုချန်အနေနှင့်ဖြေရှင်းချက်များပေးနေသော်လည်းဆရာအားလုံးကသူ့စကားကိုနည်းနည်းမှမယုံကြည်ကြ။ သူကဆိုးသွမ်းလွန်းသောမထင်မရှားကျောင်းသားတစ်ယောက်ဖြစ်သည့်အပြင်ဖူကျားအားသူကိုယ်တိုင်ကန်ကျောက်နေသည့်မြင်ကွင်းကိုဆရာများလည်းမျက်မြင်တွေ့လိုက်သည်။
ဆရာများကလျှိုချန်ကိုခေါ်သွားကြပြီးဖူကျား
နှင့်အတူဆရာတစ်ယောက်သာကျန်ခဲ့သည်။
ထိုဆရာကသူ့ပခုံးကိုခပ်ဖွဖွပုတ်ပြီးနှစ်သိမ့်ပေးရှာသည်။ "မင်းတို့ရန်ဖြစ်နေတဲ့အကြောင်းကျောင်းသားတစ်ယောက်ကဆရာတို့ကိုအသိပေးလို့ကံကောင်းသွားတာပေါ့...ချွန်ထက်တဲ့ပစ္စည်းတွေကျောင်းကိုမယူလာဖို့တားမြစ်ထားရဲ့သားနဲ့အရဲကိုးပြီးယူလာသေးတယ်"။ နံပါတ်၁၆အထက်တန်းကျောင်းရှိကျောင်းသားအများစုကဆိုးသွမ်းပြီးပရမ်းပတာနိုင်ကြသော်လည်းသွေးထွက်သံယိုဖြစ်မည်ကိုတော့ကြောက်ကြပါသည်။
ဖူကျားလည်းဆရာ၏စကားကိုခေါင်းညိမ့်ရင်းထောက်ခံသည့်အမူအရာပြလိုက်သည်။ အမှန်မှာသူတို့ရန်ဖြစ်နေသည့်အချိန်နှင့်ဆရာများရောက်လာသည့်အချိန်ကွက်တိကျအောင်သူအကွက်ကျစီစဉ်ထားခြင်းဖြစ်သည်။ အတန်းဖော်ကျောင်းသားများကိုမုန့်ဝယ်ကျွေးကာဖားယားပေါင်းပြီးဤအခြေအနေရောက်အောင်သူတမင်ဖန်တီးယူခဲ့သည်။
"ကျေးဇူးတင်ပါတယ်ဆရာ...ကျွန်တော်အခုမကြောက်တော့ဘူးမလို့အတန်းထဲကိုပြန်သွားလိုက်ပါဦးမယ်"။
ထိုအခါမှဆရာသည်လည်းစိတ်အေးသွားသည့်အမူအရာဖြင့်ပြုံးပြလာသည်။ "အေးပါ...သိပ်ပြီးလည်းစိတ်ပူမနေနဲ့ဦး...ဆရာတို့လျှိုချန်ကိုဒီတစ်ခါကောင်းကောင်းဆုံးမလိုက်ပါ့မယ်"။
ထိုသို့နှင့်ထိုဆရာကဖူကျားကိုစာသင်ခန်းထဲအထိအသေအချာလိုက်ပို့ပေးခဲ့သည်။ ဆရာမထွက်သွားမီအထိဖူကျားကသူ့နေရာတွင်နာခံရိုကျိုးစွာဖြင့်ထိုင်နေပြီးလိမ္မာသည့်ကျောင်းသားကောင်းတစ်ယောက်နှယ်ကျောင်းစာအုပ်ထဲခေါင်းနှစ်ထားသည်။ သို့သော်သူ့မြင်ကွင်းမှဆရာပျောက်ကွယ်သွားသည်နှင့်စာအုပ်ကိုချက်ချင်းပိတ်ကာအောက်ထပ်သို့မရပ်မနားပြေးဆင်းတော့သည်။ သူ့ခြေလှမ်းများကကျောင်းအနောက်ဘက်ရှိတောအုပ်လေးဆီသို့သာ။
လျှိုချန်ချနင်းပစ်ထုတ်ထားသည့်စီးကရက်လက်ကျန်လေးကထိုနေရာတွင်ရှိသေးသည်။
ဖူကျားတစ်ယောက်ထိုစီးကရက်ကိုအင်္ကျီအိပ်ထောင်ထဲကောက်ထည့်ကာကျောင်းကန်တင်းတွင်မီးခြစ်တစ်ခုပြေးဝယ်လိုက်သည်။ နောက်စာသင်ချိန်အတွက်ကျောင်းခေါင်းလောင်းထိုးချိန်တွင်သူအတန်းထဲသို့ပြန်မသွားမိပဲသန့်စင်ခန်းဘက်သို့သာခြေဦးလှည့်ခဲ့သည်။
သန့်စင်ခန်းထဲရောက်သည်နှင့်သွေးများအနည်းငယ်ပေကျံနေသောသူ့နှုတ်ခမ်းတစ်ဝိုက်ကိုအင်္ကျီလက်ဖြင့်ဆွဲသုတ်လိုက်ပြီးအိပ်ထောင်ထဲထည့်ထားသောစီးကရက်ကိုထုတ်ယူကာနှုတ်ခမ်းနားတေ့လိုက်သည်။
လျှိုချန်စီးကရက်သောက်သည့်ပုံစံအတိုင်းလိုက်ပြီးအတုခိုးရန်ကြိုးစားကြည့်သော်လည်းအနည်းငယ်ကပေါက်တီးကပေါက်ချာဖြစ်နေသည်။ မီးခြစ်ဖြင့်မီးညှိပြီးတစ်ဖွာဖွာလိုက်ချိန်တွင်မီးခိုးငွေ့များကသူ့အဆုတ်ကိုမွှန်ထူသွားစေသည်။ စီးကရက်အခုမှစသောက်ဖူးသူများကဲ့သို့တစ်ဟွတ်ဟွတ်ချောင်းမဆိုးမိအောင်သူမနည်းအောင့်ထားရသဖြင့်မျက်ရည်များပင်ဝဲလာရသည်။
ကျောင်းဆင်းခေါင်းလောင်းထိုးသည်အထိသန့်စင်ခန်းထဲတွင်ထိုအတိုင်းသူနေဖြစ်သည်။ ကျောင်းဆင်းတော့မှလွယ်အိတ်ကောက်လွယ်ကာ လင်မိသားစုဗီလာသို့ပြန်လာခဲ့သည်။ ဗီလာသို့ပြန်ရောက်သောအခါတစ်ခုခုထူးခြားနေသလိုခံစားလိုက်ရသည်။
"သခင်မကြီးရဲ့တူလေးရောက်နေတာလေ"။ ဒေါ်ဒေါ်ချန်းကသူ့အတွေးကိုသိနေသလိုပြောလာသည်။
ဒေါ်ဒေါ်ချန်း၏စကားကြောင့်ဖူကျားအနည်းငယ်အံ့ဩမိသွားသည်။ "ဘယ်တူလေးကိုပြောနေတာလဲ"။
ဒေါ်ဒေါ်ချန်းကသူ့ကိုထူးဆန်းစွာကြည့်လာသည်။ "တူလေးပါဆိုနေ...ဘယ်တူလေးရှိရဦးမလဲ"။
ဖူကျား၏ပါးလျလျနှုတ်ခမ်းသားတို့တင်းတင်းစေ့သွားသည်။
သူ့အားစိုက်ကြည့်နေသောဒေါ်ဒေါ်
ချန်း၏မျက်ဝန်းတို့ကသနားဂရုဏာသက်သည့်အရိပ်အယောင်များလွှမ်းမိုးနေသယောင်။ "သူပန်းခြံထဲမှာဖုန်ဖုန်းနဲ့အတူတူရှိနေတယ်"။
ဖူကျားလည်းဘာတစ်ခွန်းမှစကားမဆိုပဲသူ့အခန်းထဲသို့ပြန်လာခဲ့သည်။
ကိုယ်ပိုင်အိပ်ခန်းကောင်းကောင်းကန်းကန်းလေးတစ်ခုလောက်တော့သူပိုင်ဆိုင်ချင်မိသည်။
အစေခံတန်းလျားရှိသူ့အခန်းလေးမှာအလင်းရောင်ကောင်းကောင်းမရသလိုလေဝင်လေထွက်လည်းမကောင်းပေ။ မိုးရာသီရောက်တိုင်းအိမ်ခေါင်မိုးမလုံသောကြောင့်သူ့စောင်များကအမြဲလိုလိုစိုထိုင်းထိုင်းဖြစ်နေသည်။ သို့သော်
အခန်းပြတင်းပေါက်ရှိအက်ကွဲရာများမှတစ်ဆင့်
လင်ဗီလာ၏ပန်းခြံလေးကိုကောင်းကောင်းမြင်ရသည်။
သာယာလှပလွန်းသည့်ထိုပန်းခြံထဲတွင် လင်ဖုန်းရွှင်းကသူ့ကိုကျောပေးထားလျက်ဝီးလ်ချဲလ်ပေါ်တွင်အေးအေးလူလူထိုင်ရင်းစာဖတ်နေသည်။ သူ့ဘေးတွင်လူငယ်တစ်ဦးရပ်နေသည်။ ဖုန်ဖုန်းကခေါင်းလေးစောင်းငဲ့ကာတစ်စုံတစ်ခုပြောလိုက်ချိန်တွင်ထိုလူငယ်ကကိုယ်ကိုညွှတ်ကိုင်းပြီးအသေအချာအာရုံစိုက်နားထောင်သည်။ ဖုန်ဖုန်းပေါင်ပေါ်မှစောင်ကိုလည်းပခုံးပေါ်အထိရောက်အောင်ဆွဲခြုံပေးနေသည်။
လင်ဖုန်းရွှင်းမွေးထားသည့်ရွှေအိုရောင်ခွေးလေးသိုသိုကပါးစပ်ထဲတွင်ဘောလုံးအသေးလေးတစ်လုံးကိုင်လျက်အမြှီးလေးတစ်နှံ့နှံ့ဖြင့်သူ့သခင်အနားပတ်ပြေးနေသည်။
ဖုန်ဖုန်းဘေးတွင်ရပ်နေသောယောကျာ်းပျိုကခွေးလေးသိုသို၏လည်ဆံမွေးများကိုချစ်စနိုး
ဖြင့်ဆွဲဖွလိုက်ပြီးသူ့အကြည့်တို့က ဖူကျားရှိနေသည့်အခန်းဘက်သို့ရောက်လာသည်။
ထိုယောကျာ်းပျိုကိုတစ်မြေ့မြေ့တောက်လောင်ဆာလောင်နေသောအကြည့်တို့ဖြင့်ဖူကျားစိုက်ကြည့်နေမိသည်။ သူ့ရင်တွင်းတစ်နေရာမှအပူမီးကလည်းပြင်းပြစွာတောက်လောင်နေသည်။ ထိုယောကျာ်းကိုသူပိုင်ဆိုင်ရမှဖြစ်မည်။
ထိုစဉ်လင်ဖုန်းရွှင်းကနှုတ်ခမ်းလှုပ်ရုံမျှဖြင့်တစ်ခုခုပြောလိုက်သည်။
ထိုအမူအရာနှင့်နှုတ်ခမ်းလှုပ်ပုံကိုဆယ်နှစ်လောက်တွေ့မြင်ခဲ့ရပြီးဖြစ်သောကြောင့်ဖူကျားဖတ်တတ်နေပြီဖြစ်သည်။
"ကိုကိုချမ်"
သူ့အမူအရာအတိုင်းဖူကျားလိုက်တုပြီးသူမြတ်နိုးရသောနာမ်စားလေးကိုခပ်တိုးတိုးရေရွတ်မိသည်။
နှလုံးသားထဲမှပိတ်ပိန်းအောင်မည်းမှောင်နေသောအသူရာချောက်နက်ကြီးကသူ့ကိုဆွဲခေါ်နေသယောင်။ အနှီလူသားကိုတွေ့မြင်လိုက်တိုင်းသူကိုယ်တိုင်ကထိုချောက်နက်ထဲလိုလိုလားလားခုန်ချသွားခြင်းပင်။ ။