اضريت ان اكتب البوست ده هنا بدل ما اكتبه في البوم تعالي ندردش سوي عشان حابه ان الكلام الي هقوله يوصل لاكبر عدد
كلمه معاقين بتنطبق علي الناس الي عندها اعاقه جسديه او زهنيه
و في وقتنا الحالي سموها اسم اشيك من كده ذوي الاحتياجات الخاصه او زوي الهمم
مهما اختلفت المسميات عمر ما الاعاقه الجسديه تبقي اعاقه
الاعاقه الحقيقيه موجوده في عقولتا المريضه و نفوسنا الضعيفه
روس فيلد حكم امريكا ايام الحرب العالميه لمده اربع فترات متتاليه
كان مشلول ....حكم العالم وهو قاعد علي كرسي بعجل....اعاقته ممنعتهوش ابدا انه يحقق حلمه
في واحد انا ناسيه اسمه من اكبر مدربين التنميه البشريه فالعالم ....اتولد جسم بس من غير اطراف يعني و لا عنده ايدين و لا رجلين......وهو عنده اتناشر سنه اهله حاولو يركبولو اطراف صناعيه بس كان استحاله لانهاا تقيله اوي علي جسمه وقتها.....ابوه قعد معاه و قاله مش هكدب عليك انت عندك اعاقه ...بس هتبقي اعاقه حقيقيه لو خلتها تبقي في عقلك......الولد برغم سنه الصغير الا انه كان ذكي كفايه عشان يقدر يفهم رساله ابوه....طور من نفسه لحد ما وصل للي هو فيه دلوقت.....من اكبر و اشهر مدربين التنميه البشريه فالعالم
واحده سعوديه كان عندها مرض نفسي بتعاني منه بقالها سنين و بتتعالج عند دكتور عجز انه يلاقي حل لمرضها ....اضطر انه يخليها تمشي علي ادويه طول حياتها مع متابعه الحاله كل شهر .....في مره بعد شهرين بيعمل لها الكشف و التحاليل المعتاده لقاها تقريبا طبيعيه فاستغرب حتي كلامها و طريقتها بقت طبيعيه قالها انتي غيرتي العلاج الي ادتهولك و لا زودتي الجرعه...قالتله لا مغيرتوش بس قللت الجرعه كتير
الدكتور استغرب و قالها طب ازاي بقيتي طبيعيه تقريبا
قالتله حضرتك بتكتب في اخر الروشته لا تنسي الصلاه علي النبي و فضلها
انا بقالي شهرين مداومه عليها ليل نهار و لما لقيت حالتي بتتحسن قللت الجرعه لحد ما ارجع لحضرتك
لو قعدت اكتبلكم قصص ناس اتحدو نفسهم مش هخلص
كل واحده فيكم جواها قوه هي مش عارفه تستغلها
مفيش انسان ضعيف ....بس في انسان حابب يبقي ضعيف
ليه تحبسي نفسك جوه سجن نفسك و ده اصعب سجن ...اخرجي من جواكي ...قولي رايك ....اصرخي ....اغلطي و اتعلمي من غلطك....اقعي و قومي تاني حتي لو اتكسرتي هتتجبسي و تخفي
معندكيش اغلي من نفسك عشان تحافظي عليها
انتي بتعيشي مره واحده بس ....ليه تعيشي محبوسه
محدش ابداااا يستاهل انك تضعفي عشانه
لو انتي معملتيش قيمه لنفسك ...متستنيش من حد يقدرك
لو انتي محاربتيش عشان حلمك و هدفك متلوميش ابداااا الي اخده منك
المكان الي عايزه توصليلو لو ما جرتيش بعزم قوتك عشان توصلي ...فيه مليون غيرك هيسبقك ليه
اوعي تخلي الدنيا تشوهك ...عشان انتي جميله من جوه و من بره
اوعي تخلي حد يدوس عليكي ...لو حصل ووقعتي و انتي لسه فالارض قبل ما تقومي احدفي الي وقعك و داس عليكي بطوبه عشان تاخدي جزء من حقك لحد ما تقومي و تقفي علي رجلك خدي باقي حقك
اوعي تضحي بحياتك و تطلبي من الناس انها تسقفلك
انتي قويه......و جميله ....و طيبه .....بس بميت راجل ....و مش هتسيبي حقك
هي دي ثقتي فيكي
متخذلنيش
فريده