أبلغ عزيزا فى ثنايا القلب منزله
أني وإن كنت لا ألقاه ألقاه
وإن طرفي موصول برؤيته
وإن تباعد عن سكناي سكناه
يا ليته يعلم أني لست أذكره
وكيف أذكره إذ لست أنساهُ
يا من توهم أني لست أذكره
والله يعلم أني لست أنساه
إن غاب عني فالروح مسكنه
من يسكن الروح كيف القلب ينساه؟
♡♡♡⚖️
خيـالـي الأسود 11:11
فاطمـة عبـد
التصـويـت، متابعـة الحـساب MM16fofo، التعليـق بيـن الفقـرات فكـتوريـاتـي ♡
♡♡♡
ردوينـه
- أتدري ماذا تفعل رسائلك بي؟
ترسل لـي يومياً عشرات الرسائل، وتكتب لـي فيها وتخبرني ماذا شربت وماذا أكلت، وماذا قرأت وبماذا
حلمـت، كنـت تكتب لـي عن كل ماتقوم بهِ،وتنقل لـي كل شيء، تسطر لـي يومك كلهُ برسالة هاتفية لأعيش معك وبجوارك طوال الوقت!
حينما نتشاجر وتقاطعنـي، وعندما أعاقبك بغيابي، أعود الى رسائلك القديمة فيمزقني الفقد عودتني
عليك وع أهتمامك المفرط وعندما اعدت عليك حرمتني منك تركتني أعطش بلا تفاصيل لأكثر من اسبو؏،
كان سبب الشجار للي دار بينا هو تحكمك وتسلطك وغيرتك الزائدة قلت لك حينها:
:- كافـي أشيـان ترا كاعد تخنگني والله شهل تصرفات الغيرة الزايده ياخيييي؟؟
آشيـان: شنو شنووو غيرة زايده ردوينه!.
هاي لأن أحبج وأخاف عليج وأنتِ ماشاءالله طالعتلي الكراعين وفالتلي الشعر و واكفتلي بنص السياسين الكوا..؟.
چا كوليلي خلي كرون أحسن!
:- شنوو تحجي شهل تصرفات والالفاظ آشيـان ترا انت تعرف بحياتي انو كلها سياسه وتعرف بشغل بابا!
آشيـان: وياريـت ما اعرفةة ولج شلوون يخليج بيناتهم ويقدمج ويعرفج عليهمم موو والله راح تخبلينييي؟؟
:- هسه شنوو شبيك واذا قدمني الهم شيصير؟ بس كول ماتحب احد يشوفني وتريدني بس ألك.
تقرب مني ويحجي وهو كاز ؏ أسنانه:
آشيـان: اي أنتِ ملكـي وشي يخصني وأنه ماأقبل أحد يتقرب من ممتلكاتي ويللي يحاول مجرد محاولة انو يتقرب يعتبر نفسة بعده مامخلوق ok؟
- عافنـي وراح خلاني أريد أنفجر من الأعصاب شهل تملك هذا؟ شهلل سلطةة الشايلهاا الخاطر الله.
أتصلت علية سـدن صديقتي بالجامعة:
سـدن: الو ردوينه شخبارج؟
:- هلا حبيبتي الحمدلله بخير وانتِ؟
سـدن: الحمدلله عيوني، أكلج ردوينه
:- كولي
سـدن: شوو مااجيتـي حتى نحضر للمشروع يللي كلفنا بي دكتور راون؟
- يبووو نسيتت هو بقة بية عقل من ورا آشيـان وتصرفاته!
:- ياا نسيتت والله لان جان عندي مناسبة وبابا ماقبل إلا احضرها وهسه خلينه نلتقي بالمقهى القريب من الجامعة وهناك نتفاهم عليه.
سـدن: تمام يلا عيني مو تتأخرين مثل العاده عفيةة لان عندي كم شغلة اريد اسويها.
:- لا ما اتأخر هسه الساعة بـ 3 العصر بـ الـ 6 أنه يمج
بالمقهى تمام.
ردت عليه بالغة الإيطالية:
سـدن: "Bene, ti sto aspettando, mia bella"
"حسناً انا بانتضارك جميلتي"
:- أبتسمت ؏ جمال الإيطالية وهي تكوله بصوته الناعم جاوبته بالغه الإيطالية:
Anch'io, Hasnaa
"وانا أيضا ياحسناء "
- غلقته منها ورجعت ركبت السيارة وانه مشغلة غنية josh groban صوته القوي من احب المغنين لقلبي
سقت السيـارة بـكل سرعتي وانه أسمع كلمات الأغنية
- ضليـت اسوق وانه مركزه ويه كل حرف كاعد يكوله جوش وصلت للبيت ركنت السيارة بالكراج ودخلت
شفت روينه تؤمي الجميل كاعد بالصاله يرسم ابتسمت ع شكلها وهي مندمجه بالرسم من تبدا بالرسم تفصل عن العالم الخارجي كله وتبقى بعالمها الخاص.
- بصراحه احسدها مرات ع هدوءها واستقباله للاشياء بهدوء عكسـي تماماً أنه استقبلهم بعصبية وبطريقة طايشة لابعد الحدود مع العلم انو انه وروينه تؤم بس توؤم مختلفينن لدرجه كل احد يشوفنه ينصدم انو احنه تؤم!
- حتى انه مرات انصدم واسال بابه اكله عود صدك انه وروينه تووم؟ شوو مانتشابهه لا بالشكل ولا بالطبع حتى بالاخلاق مختلفين!
- تقربت منها وحجيت ببتسامه:
:- ها شكاعد تسوي ملكه الجليد؟
رفعت نضرها باتجاهي وحجت ببتسامه واسعه وهي دكوم من مكانة تمشي باتجاهيي وشبكتني:
روينه: وينج لج اشتقققتتت شتقتتتت
:- هاي شنووو المشاعر الجياشةة تحكمي بيهن رورو
روينه: لج عبالك صارلي سنه ماشايفتج منو يكول ليوم الصبح شفتج؟؟
:- أووووي عيني داده راح أكرط فنانتنه الحلوووة تعيي أكلج تعيييي
- راحتت تركض بالصاله وانه اركض وراها اريد الزمها وهي تشرد مني لان تعرفني من أكزكز عليها إلا اعضها إلا قلبيي يبرد.
:- ولج تعايييي بالحسينن اليوم إلا الزمج شهللل لطافةةة العندج ليش انه ماعندي؟؟
روينه: ماا مااا وخرري مني ولكمممم يبوووو الحكوووني ردوينه انجلبتت تريد تعضنييي
:- منوو يللي انجلب اصبريلييي اليوم ما الزمج
روينه: شوفي بعد والله ما اتغزل بيج ولا افتقدج ولاا اسئل عنج بس عوفيني فدووووووة
:- شوفيي بصراحة كسرتي خاطري راح اعوفج هل مره بس بشرط تعاليي انطيني حضنن شوو هاي الفطيرة صدكت وجتي حضنتني وانه استقليت الفرصه وجريت كف ايدهاا وعضيتها خليتها تكمز.
روينه: ولجج لاااا عفيةةة ليشش هيج عضيتينني والله تأذيت!
:- حتى بعد ماتصدكين بسرعه يالفطيرةة
روينه: انجبي انه مو فطيرةة
:- بلاا واكبر فطيرة همم
روينه: كلتتتت مو فطيرةة لاتلحين
:- بلى
روينه: لااا
:- بلييي فطيرة
روينه: وانه كلت مو فطيرة!
:- وانه كلت أنتِ فطيرة!
روينه: كلتتت لاااا
:- بليييييييي
::- وأنه أكول السبع يطلع دم.
- التفتنا ؏ صوته وشهكنااا واحنا نعيط ونركض عليه شبكنااا هوو يضحك:
:- خيال هاي شوكت أجيتتت مشتاقتلك كومةةة والله
::- جيـت من بدتت خبالات فد وحده تعبر عن حبها بالاعض.
:- هايي شبيكككم غيرر اعبرللكم عن حبيي؟؟
روينه:- تعبريلنه عن حبج من تنجلبين وتكومين تعضين موو؟
- شووو تعاي اعضج انوب شوو ما توبين انتِ مو كفوو والله الواحد يحترمج دتعاي اجر بيها اريد وخيال حضنها قوي وهو يصيح
::- ولجج عووووفييي هدوءييي الجميل
:- اي وأنه انشاء الله شنيييي اذا هي هدوئك.؟؟؟؟
::- أنتِ عاصفتـي المدمرة.
- حجاها ببتسامه مريحة وحنونه:
:- يعني هسه اعتبرة مدح ذم شنيي السالفة؟
::- كيفج بعد شتريدين تعتبرينه اعتبري عاصفتـي
:- راح اعتبره مدح لان حبيته للقب.
- ابتسم الي، وسألته زين شجابك من العراق الكندا بهل سرعه البارحه جنت احجي وياك كتلي مو هسه اجي.
::- جنت بالمطار من جنت احجي وياج البارحة وحبيت اشوفجن وانتن متفاجأت بجيتي.
:- اذا مو احلى من يجيي ويفاجئ ما اطلع اسمي ردوينه مو هيج روينه.
- سألته لان شفتها تريد تحجي ومتردده
روينه: اي صح، خيال مالكيت سيلفـا؟
- سالته وهي متردده حولت نظري باتجاه خيال يللي تغيرت ملامحه من الفرح الى الحزن ورفع نظرة الي وبعدين وجهه نظراته لـ روينه وهو يكول:
::- لاا مالكيتة بس عرفت انو اخذها أمجاد ومسافرين لسويسرا وبعد ماعرفت شيء عنهم لان تعرفين سويسرا بلد كلش جبير ما اكدر الكاها بهل سهوله!
روينه: زين هي ابوها بالسياسة وبابة هم ليش ماتكله بالكي يساعدك؟
::- هدوءي تعرفين رأي الوالد بهل موضو؏ لاتعبين نفسج انه الكاها لويكلفني هذا الشيء حياتي وعيونج اجيبها يمنة بس اصبريلي.
:- خيال بس هسه هي عند اهلها شلون ينطوها الك؟
وخاصة أمجاد تعلق بيها بعد وفاة امة اهواي!
::- خلـي يولي هسه تذكر عنده اخت وصارت غالية عليه!
:- بس انت تعرف بضروفهم خيال ليش اطولها وهي قصيرة؟
::- ماعرف عاصفتـي ماعرف خليها ؏ الله وهي تنحل يلا أنه اصعد ارتاح عندي كم شغلة احلهم باليل.
- صعد للغرفة حتى يرتاح وروينه لملمت سوالف الرسم مالتها والاوراق وراحت الغرفتها واني كعدت بالصاله اتصفن ع حالنه
طلعت من صفنتي ع وصول رسالة من سـدن كاتبة بيها:
سـدن: لا تتأخرين مو تنسين موعدنه!
:- يبووو نسيت صابني زهايمر من وراا روينه وخيال
رديت عليها بثقة ولا عبالك جنت ناسية السالفة لو ما مذكرتني:
:- لا يابة شنوو السالفة ساعة وانه بالمقهى انه واوراق المشرو؏.
- كمت ركض بدلت لبست بلوز أسود وبنطرون اسود وجاكيت بُنـي لأن شتاء كندا كلش بارد واذا مالبست معناها يضربني المرض والازم الفراش اسبوع كامل.
كملت نثرت شعري الكيرلي وطلعت صعدت بالسيارة متوجهه للمقهى القريب من الجامعة واكيد الطريق مايخله من صوت جوش!
- اول ماوصلت توجهت لبوابة المقهى تلكتني جاكلين وهي ترحب بيه دخلت وكعدت بمكاني يللي متعوده دائماً اكعد بي واحضر لمقالات الجامعة جابتلي الـ قهوة مالتي وتشكرت منها وراحت تلبيي طلبات الزبائن.
شوية ودخلت سـدن بجماله الي يسحر تحولت نظرات الزبائن كلها عليها وهي تمشي وماعايره اهتمام لاحد كعدت وهي تكول:
سـدن: اليوم شنوو ولكم ردوينه مامتأخرة شعجبب خاف اليوم يوم القيامة وانا مادري؟
:- شنوو نتأخر مانعجبج نجيي بوقت مانعجبج وين انطي وجهيي هسه؟
سـدن: لا عيني اكعدي ضلي ملتزمة بالوقت حلوو هيج اجي والكاج كدامييي كاعده
- تحجي بحماس ومنفعلة وانه اباوعلها بطرف عيني
:- خاب ماتبدين بالمشرو؏ يللي خبصتيني بي مو لعبت روحي وانتِ كضيتيها تبجبجين علية.
سـدن: يلا نبدي بي وبعدين نطلب اكل
- بدينه بالمشرو؏ ساعتين واحنه ؏ الكعدة الوحده بس نشتغل بي كل وحده مگابلة الابتوب مالتها وتشتغل عليه.
كملنه واخيرا وانه احس ضهري نكسر من كثر ماكتبت!
:- ولج يمةةة وأخيرا خلصنا هل مشرو؏ ايعععع شكد يغث والدكتور هم يغثث والجامعة والتخصص والناس والكرة الارضية كلها همم تغثثث
سـدن: شبيج ولج احمدي ربج انو كملنا بهل ساعتين لان اشتغلنا عليه وماتلهينا لعد شتكولين ؏ مشرو؏ احمد وآشيـان طولوو بي يومين.
:- من جابت طاري أسمة أحس صابني مغص غلست عليها وماجاوبتها واردفت:
يمعوده وصينه ؏ شيء ناكلة مو متت جوووو؏!
سـدن: تمام بسس لا تعيطين هسه اوصيلج
- وصتلنه ؏ أكل كاعدين ناكل ونضحك لان نتذكر مواقف مضحكه صارت ويانة بالمرحلة الاولى وهسه احنا مرحله اخيرة اعلام ماتوقعنا تمشي السنين بهل السرعة!
التفتت ؏ صوته وهوو يكول:
آشيـان: اووو الأنسات كاعدات اهناا اليوم
سـدن: اهلا بيكم شباب تفضلوا ويانه
- التفتت عليها خازرتها شعدها تعزم بكيفها فوكاها وياه احمد شبيها هاي؟
كعد هو كبالي وسـدن حولت بالكرسي يللي بجانبي وكعد أحمد مقابيل سـدن انه ضليت منزله عيوني مااباوعله بس احس عيونه عليه رفعت عيوني من سأل أحمد عن احوالي وابتسمت بوجهه
أحمد: شخبارج ردوينه؟
:- الحمدلله بخير انت شلونك؟
أحمد: الحمدلله بخير ونعمة
:- دومك يارب بخير.
- سكتت مكملة اكلي متجاهلة نضراته الشرسة باتجاهي وسـدن وأحمد منطلقين يحجون عن حفلة التخرج وشراح يسوون ووين يطلعون
كملت اكلي واستأذنت منهم حتى أرجع للبيت ودعتهم وطلعت من المقهى متوجهه للكراج حتى اخذ سيارتي
ما أحسس غير ؏ سحبة أيدي قوي باتجاهه وهو يكول:
آشيـان: تبتسمين وانه احسد الكـل؏ الابتسامة يللي تقدمينها الهم.
...
العودة للحاظر:
...
فزيت من أفكاري ؏ ايد طفولية انخلت ؏ وجهيي بدون ماافتح عيوني عرفتها منو سمعت صوته وهي تكول:
أفاطـم: رودي كومـي أريد أحجي وياج رودي كومييي
- تحجي وهي ضايجه وتهز بيه وانه كاتمة ضحكتي احب استفزهاا
أفاطـم: رودي عفيةةة كوميي كافيي نوم اريد احجي وياج.
- كسرت خاطري وهي تحجي بتوسل فتحت عيوني وباوعت عليها توسعت بتسامتها وهي تكول:
أفاطـم: رودي الحلوووة يلاا كافيي نوم.
- ولج مو لحيتي بلقب رودي؟
أفاطـم: لاا حلوو رودي تابوتي
- حطتت ايدها ع حلكها تضحك وانه اجتني لحظه ادراك انو هذا القب من افلام الكارتون يللي تشوفة هي وتحبةة
:- ولج مسميتني ؏ اسم الكارتون يللي تحبينه؟؟
أفاطـم: اي بس والله حلوو، عالم الطباشير!
- ولجج أفاااااطممم اوكفيلييي اليووم
هيي تركض وانه اركض وراها ما احس إلا عاثرة وكعت ؏ ايدها رحت اركض عليها اريد اشوف شبيها لكيتها غاصة بالضحك!
:- اكيد خبلةة ولج غير تبجين مو تضحكين فاهمة الموضو؏ غلط والله
أفاطـم: مابيه شيء
:- شوو تحولت ضحكاته الى شهكات وبدت تشهك بالبجي وانه مصدومة ماعرف شسوي! شبيج فاطمه ليش تبجين حبيبتي؟ شبيج أمـي أنتِ
أفاطـم: مشتاقه لبابا ولماما وينهم ليش عافوني وراحوو صارللهم اهواي ماشايفتهم
:- يروحي انتِ مسافرين هسه من يرجعون ياخذونج كم يوم وتروحين الهم.
حجيت هيج حتى اهديها بس خيال كالي انو اهلها مسافرين لسعوديه لان ام امها مريضه وهي ساكنه هناك ومايكدرون ياخذونها هسه لان ماعدها جواز
ومانعرف شكد يبقون اهناك!
- مسحت دموعها وكلبت وجهه وضلت ساكتةة اخذت ايدها ونزلتها وياية وهي ضايجة ما عرفت شلون اغير من نفسيتها
سمعت صوت خيال وهو هستوه يدخل البيت وهو يصيح:
::- رمُانتـي وينج يُبا
- بتسمت ؏ لقب أفاطم يللي اختاره الها لان شعرها أحمر من كثر الحنةة، باوعت عليها ماكامت مثل العاده تتلكاه من الباب ولا حتى ابتسمت من سمعته يصيح رمانتي!
::- وينها رمانتـي اليوم وين مختفيةة شوو ماتلكتني من الباب؟
- انتبه ؏ أفاطم وعكد حواجبة واردف بقلق:
::- شبيها لحليوة زعلانة وليش باجية؟
- ضلت ساكتة منزلة راسها ماجاوبته!
باو؏ عليه وهز راسة بمعنى شبيها
:- مشتاقه لاهلها وضلت تبجي ومطنكرة!
::- اهاا وانه اكول ليش الرمانه اليوم ليش وجهاا زايد احمراره تالي من وراا الشوگ!
يابةة خلي يولون انه اهلج وابوج وامج هم
أفاطم: ماا اريدهم
::- الحليوة من صدك زعلانه!
- التفتت علية وهو ومبتسم وكال:
::- عاصفتي تعرفين شلون نراضي الزعلان احنا؟
:- شلون.؟
- التفتت ؏ أفاطم شالها ؏ كتوفة وبده يغني:
-هيله يرمانه.. هيله يرمانه
الحلوه زعلانه.. الحلوه زعلانه
منوو يراضيها.. منوو يراضيها
الحلووة زعلانه يُبا.. الحلووة زعلانه
- فدد كزكزت عليهم وهو شلون يغنيلها حتى يضحكها وهي ضلت تضحك وياه وغيرللها جوها من الزعل للفرح، ابتسمت وانه اشوفة شلون متعلق بيها اهواي
- اهواي مرات ابوها يتصل ع خيال حتى يجي ياخذها يم اختها لان رجعت من السفر بس هو يرفض رفض قاطع انوو يخليها تروح كل مايكله ليش يكول:
::- تعودت عليها مااكدر ادخل البيت اذا هي ماتتلكاني وتسولف ويايه وهي توثوث بسوالفها!
- نزلها وكعد يضحك بيها وهي تضحك سكت ؏ صوت روينه وهي تسأله:
روينه: خيال شصار ؏ سيلفا ترا سنين وانت تكول كاعد ادورللها وانا راح اموت وانت بعدك مالكيتها اريد اشوفها.
- صاح خيال لـ ماري تاخذ أفاطم وكال:
::- روحي رمانتي وية ماري بالمطبخ.
- راحت ويه ماري وهو التفت ؏ روينه وجاوبها:
::- لكيتها وحجيت وياها ولج لو تشوفينها شلون كبرانه ولون عيونه الزمُردي شلون صاير غامق صايرة شابة مقبلة للجامعة مو ذيج الطفلة يللي جانت بكد كف الايد.
- يحجي عنها وهو عيونه تلمع ويشرح عنها بتركيز ومركز بكل تفاصيلهة!
روينه: زين ليش ماجبتها وياك حتى اشوفها؟ تعرف هي الوحيده يللي صارتلي صديقة من احنا واطفال ومن بعدها حتى صداقة ماكونت ويه احد!
::- وداعتج عندي هدوئي حاولت وياها بس ماتقبل ولاتدري بصلة القرابة يللي بينه بس امهدلها السالفة شوية شوية..
روينه: تمام ان شاءلله خير
- كامت روينه دخلت الغرفتها وضليت انه وياه حبيت اغير الموضع وسالته:
:- خيال شوكت اهل افاطم يرجعون لان كطعت گلبي وهي يومية تسأل عنهم وتبجي، تنهد وجاوبني:
::- مايرجعون استقروا هناك وقبل كم يوم ابوها خابرني مطلعلها جواز السفر ويريد يجي ياخذها
:- اي وأنت شكلت؟
::- رفضت، شنو ياخذها يريد يسفرها اهناك هي بكيفةة؟
:- أكيد بكيفة غير ابوها ياعيني، زين وهو شكال من رفضت؟
::- ماقبل وكال بنتي اريد اخذها يمي ماكاعد اكدر أنام عدل وهي مو يمي وبعيده عني وانه كتلة وانه ماكدر اذا أفاطم ماتعيش يمي لان تعودت عليها وصارت مثل بنتي واعز!
:- بس ميصير خيال ابوها يريد بنته وهي تريدهم لاتحرمها منهم وبعدين تكرهك!
:- لعد تريديني أخسرها ومااشوفها تكبر كبالي مثل ماصار ويه سيلفا والحد الان كاعد احارب حتى ارجعها؟
:- والله مااعرف شنو اكلك حيرتني، زين وشكالك ابوها من طلبت منه تضل؟
::- نحرج مني الرجال وماكدر يرفض طلبي ووافق انو تضل يمي بين مايرجع من السفر.
:- جيـت اجاوبة وستوقفتني صرخه افاطـم وهي تصرخ بالم جاية من المطبخ حولت نظري لـ خيال
يللي يريد يكوم بس حيلة كله راح اديناته يرجفن
- صرخت بي لك خيال كوم انشوف شبيها ويه صرختي طلع خيال يركض للمطبخ وانه وراه دخلنا للمطبخ وانصدمنا واحنا نشوف فاطمه واكعه بالارض ورجله محتركه واكع عليها جدر المرگه من الطباخ
فززني صوت خيال وهو صوته يرجف:
::- دخيلك ياعلي لك هاي شلون وكع عليها؟
:- عفيةة عوف شلون وكع تعال شيلها لبنية روحها راحت من الألم...
.. راح عليها شالها وطلع يركض من البيت وانه طلعت وراه بالبجامه البيت وحتى شعري مالامتة اهم شيء
أفاطم هسه..
... طلعنا نركض صعدت بسيارتي وصعد وياي خيال لان مايكدر يسوق حيلة كله يرجف ومخلي أفاطم بحضنه وهي روحها مفرفحة من الوجع وخيال متخبل ميعرف شيسوي روحه فرفحت عليها يسكت بيها ويقره أيات بوجهه حتى يخف الالم وتهدأ بس ماكو
اسمعها تحجي وياه من بين شهكاتها تشكيلة من الوجع:
أفاطم: عمو عمو رجلي موتتني توجعنيي وحيللل تحرگني.
::- بعد عمـج أنتِ عسى الوجع بيه ولا بيـج تحملي شوية رمانتـي.
- وصلنا للمستشفى وهي روحه مفرفحه اخذها خيال ونزل يركض بيها ويعيط بعلوو صوته ؏ الدكاتره.
اخذها الدكتور من ايده ودخلها للغرفة ودخلنا وياه
الدكتور كال الـ خيال:
الدكتور: رجلها حيل متأذية ولازم ونخر الجلد المحترك كله ونخرطه وبعدين نعقمة بس راح تتوجع حيل ساعدوني حتى نهدئها.
.. خيال بس هز راسة بالموافقة وعيونه ؏ أفاطم يللي تعيط من كل قلبها موجوعه
بده الدكتور يخرط برجلها وينضف وهي شاغت روحها كل صوت تصرخه تحسه يجرح الاحبال الصوتية من قوته انتبهت ؏ خيال وهو قابض ايده كل قوته وصاد ؏ الجهه الثانية
حتى مايشوف وجعها وكل ماتعيط يشدد ؏ قبضته
اخر شيء فاض صبرة وصرخ بالدكتور..
::- دكتوور هو هيج ماتشوف طلعت روحها خلي مخدر خلي شيء مو فرفحت لبنية!
الدكتور: مخلي استاذ خيال بس هو مايمضي بي المخدر هم يوجع.
... كمل من تنضيفها وهي وكعت بحضني مهدود حيلها من الصراخ شالها خيال وهو يبوس براسها ويحجي وياها بصوت مبحوح ماليته الغصة:
::- يُبا رمانتـي شتحسين بعدها توجعج؟ ليش ماتحجين بيج شيء؟
:- يحجي وياها وهي ماترد علية ساكته مهدود حيلها
باوعلي بنضرات قلق ؏ حالتها هزيتله راسي مطمنته
رجعنه للبيت وأفاطم نايمةة بحضن خيال دخلنه للبيت
دلكتنه ماري باوعلها خيال بنضرات توعد ودخل ينوم أفاطم لغرفته.
رحت ؏ ماري حتى استفسر شلون صار هيج وشلون تأذت افاطم قبل ما احجي دخل خيال وهو كتلة نار من الاعصاب وعاط بـ ماري:
::- شهل اهمال هذا هااا شهل الاستهتار امنتج ؏ لبنية كتلج خليها يمج ماتنتبهين الهااا؟
ماري: والله استاذ كلتلها لاتقربين من الطباخ وخليج كاعده ؏ الطاولة وانا اجيبلج أكل رحت اصبلها أكل
وهي ستغفلتني وراحت ؏ الطباخ جرت الجدر عباليها
بارد ووكع عليها وانا بسرعه سحبتها حتى مايوكع عليها بس مع اللاسف تاذت رجلها وتأذت ايدي انا هم
... انتبهت ؏ ايدها متأذية خطية بس مو مثل افاطم خفيفة بس هم الحرق يوجع، لانت ملامح خيال من العصبية للاسف لحاله ماري واردف بقلق:
::- خوما متأذية ماري بيج شيء؟ اعتذر مانتبهت عليج واعتذر لأن عليت صوتي عليج فوك ماتساعدينا بالبيت اجي واعلي صوتي اتمنى تقبلين اعتذاري.
ماري: لا استاذ ماصار شي وانا هم جنت مهملة بعد ماتتكرر اسفه.
.. هز راسة خيال وناده زكريا المساعد مالته وايده اليمين بشغله.. وكاله ياخذ ماري للمستشفى ويجيب مساعدات وياها هي رفضت بس ماقبل إلا تروح استسلمت اللامر وقبلت وراحت وية زكريا.
... دخلنا كعدنه بالصاله وهو ملامحة كلها قلق وخوف ويفرگ أيد بأيد واردف بقلق:
::- خاف بيها شيء ليش نامت؟ خاف متأذية؟
ليشش ماكعدت الحد هسه؟
:- كل شيء مابيها بس نهد حيلها من الصريخ والوجع ونامت لاتخاف مابيها شيء ان شاءلله
::- رودي هاي أمانتـي شلون اهمل امانتـي هيج انه!
:- شنوو هايييي حتى أنت صاير تصيحليي رودي؟؟؟
- ضحك بخفة وجاوبني:
::- سمعتها تناديلج بي لأن تحبه وانه اناديلج بي هم لا رمانتنه تناديلج بي ونعوف اسم عاصفتي.
:- لا والله هل عنونه جتي البارحة وصارت تغير بلقبي
ماا خلي ؏ عاصفتي احلى من رودي..
- كاعدين نحجي وسمعنا بجيتها كام خيال لغرفتها يركض وانه وراه دخلنا لكيناها تبجي بهدوء وتلوب من وجع رجلها
::- شبيج يبعدهم ليش تبجين؟ متوجعه؟
افاطم: عمو رجلي توجعني وتحرگني حيلل
... باوعلي خيال بنضرات قلق واردف:
::- يلا هسه الوجع يولي تعالي انومج واقرالج قران مو تحبينه بصوتي؟
:- هزت راسها بايجاب ومددها بحضنه وبده يمسد ؏ شعرها ويقرالها قران بتسمت ؏ شكلهم وحنية خيال
وشكد متعلق بيها ضليـت واكفة أستمع لصوت خيال وهو يقره قران صوته يشرح الصدر كلش حلو وهو يقره قراءن...
:- ضل يقرالها الى مانامت خلاها ؏ سريرها وباسها براسها وغطاها وطلعنه من الغرفة بتسمتلة وصعدت لغرفتي وهو أجاه اتصال وطلع يرد عليه..
..........
سيلفـا
- دائماً جنـت اهرب بأوقات خذلاني ويأسي الى المي
جنت أكعد تحته وأتركه ينهمر فوكي حتى ينقطع او يتبخر خذلاني وانكساري من الحولي جان المي دائماً يكون بارد..
دائماً جان هذا الشيء يزعج مامه حنان لأن من اسبح اضل فاتحة المي واخلي ينزل علية جانت تنزعج وتكول:
حنان: مامه سيلفـا ميصير بنيتي تضلين فاتحة المي وانتِ كاعده طول الوقت حرام الاسراف عيون امـج أنتِ..
- جنـت اقابلها ببتسامة وهز راسي بإيجاب بس مااتوب وارجع اسوي هل حركه واخليها تلطم وتكضيها تصيح حرام الاسراف بس هي ماتعرف شكد بي فائده الي
جانـت هذه الحركه تنتشلني وتزيح احزاني من افتح المي واخلي ينهمر فوكي..
ضليت تحت المي فتره وبعدها طلعت لبست ملابسي واتجهت لغرفتي نشفت شعري ومشطته تركته مفتوح
ونزلت لكيت البيت هدوء دخلت للمطبخ لكيت سجاد وامجاد كاعدين اول مادخلت رفعوا انضارهم باتجاهي
... وانا متجاهلتهم اثنينهم طلعت الكهوة كعدت اسوي بيها اجتي المساعده طلبت هي تسويها ماقبلت وانا سويتها كملتها تحت نضراتهم المتوسلة يريدوني احجي وياهم!
.. بعد شنوو إن شاءلله وفوكاها يريدوني احجي وياهم ؏ شنو بالله ؏ صخامهم؟ ايضلون يجذبون عليه وانا اسامحهم؟
ردت اطلع من المطبخ صاح وراية أمجاد التفتت عليه
اشرلي بأيده أكعد يمةة تمشيت بهدوء وكعدت يمةة
وانا منزله نضراتي عنه ضليت بس اسمع شنو يحجي:
أمجاد: سيلفـا "بنت اخوها "أنتِ تدرين بيه مااريد مضره ألج ولا بيوم فكرت اضرج كل يللي سويته هو سديت السالفة حتى مايتأثر مستقبلج بشيء!
::- وليش هسه ما تأثر مستقبلي؟؟؟ وماتأثر حاضري وماضيي؟؟ جنت بانية احلاميي للمستقبل من خلال ذكرياتي من الماضي من خلال اهواي أشياء صارت وياي!
أمجاد: ادري يعيون اخوها والله ادري بس شنو بأيدي غير أنو اضم عليج ماهنتي علية واني اشوفج مكسورة القلب والخاطر وخاصة من عندي اني وسجد ماتوقعت قلبج هيج قاسي سيلفوو!
::- الدنيا والخذلان والانكسارات تعلمك ؏ القساوة أمجاد!
- سكتت مطول نضراته ؏ أيدي الجرحتها ضل يدحك بيها وبعدين شال ايده يمسد عليها واردف:
أمجاد: جنتـي تريدين تموتين ومافكرتـي بأمجاد شراح يصير بي ولافكرتي بقلبة شكد خسر وتعب؟.
ماكلفتي نفسج تكولين هذا اخوية خلي افهم ليش سوا هيج لو شاطرة بس تاخذين موقف وهاي هيه
قررتي تنهين حياتج من دون تفكير وتريدين افقدج مثل مافقدت امي مو؟
- التفتت ؏ سجاد يللي بالكوة ضام ضحكته ضحكت بعلووا صوتي وهو انفجر من الضحك.
... تحت انضار أمجاد المستغربة احسه يكول شبيهم هذولة مخابيل ابتليت بيهم والله يالله..
أشرت لسجاد يحجيلة وانا أريد اسكت ما أكدر تهسترت بالضحك شبية كمت أكرص بأيدي حتى اتوجع واسكت
عادي شوية وسكتت وبده سجاد يحجي الأمجاد:
سجاد: ولك مجود معقولة تصدك أختك المصكوعه تنتحر؟ ومن ورا منو من ورا سالفة ماتستاهل؟
أمجاد: لعد ؏ شنو انتحرت؟
سجاد: شوفي المسعد بعده يكول أنتحرت ولك يابة مانتحرت جانت تريد تخوف خيال حتى يرجعها للبيت لان جان قافل مايريد يرجعها وهي سوت هاي الخطوه حتى يقبل يرجعها..
::- اي والله انكسر گلبي وانا اشوفة شلون يرجف وخايف علية سوده بوجهك سجد.
سجاد: وانا شدخلنيييييي غير هاي خطتج وهوو اثول أكو واحد يموتت من جرحه كزازهه وين لاكيها وخاصة سيلفـا هاي بزونه بسبع ارواح مايصيرللها شيء..
.... أنا اكول أنطم اعرف مو هذا قصدك تقصد انو العار مايموت صح؟
سجاد: تعاييي ابوسج اختيي الذكية عرفت شنو اقصد بس جنت خايف لو تسلكيني بدفرة لان اعرفج خبلةو..
- بعده مامكمل سالفته لزكته بدفرة ع الكرسي مالته ووكع هو وياه.. كام يعيط وانا ميته ضحكك
سجاد: ولججج سيلـفا وين أحترامج الي واني أخوج الجبيرر هااا؟؟؟
::- اخوي الجبير هييي تهييي هو ضل جبير غير الهيبة تطشرت بالكا؏ وتكومت..
... صار يركض وراي وانا أركض داير مداير أمجاد وهو كاعد ومخلي راسة بين ادية ويستغفر وهذا يصيح
سجاد: يطركاعةة ولججج اليوم اكسرج شلون تضربيني
- كضيتها اركض واضحك حتى هيبة الزعلة طارت خربحضي..
اخر شيء لزمنيي وعضنيي من خدي حيللل شاغت روحي كمت ارافسس ولككك وخرر يبوووووووو
اهنا امجاد فاض صبرة وعاط بينه بعلوو صوته:
امجاد: ولكمممممم انا مو بعينكمم شهل الستهتار هذاا؟.
تتمضحكون وتتمركضون واحد ورا الثاني شهل تصرفات؟
::- انا وسجاد نزلنا روسنا سوينه نفسنه فقرة لابيها ولا عليها.. دحك عليه واردف:
أمجاد: اي أنسه سيلفـا شهل خرطط يللي سمعته شنو تلعبين وتجرحين نفسج علمود يرجعج؟؟
::- شوف هذا ماجتي ؏ بالي غير هذه الفكرة وطبقتها وهو حجه كلام نرفزني ولزكته بهل تصرف.
امجاد: بعد لاتشغلين عقلج تمام ول أكلج كبري عقلج هذااا كبريييي..
- يضرب باصابعة بخفة ؏ راسي ويحجي بعصبيه وانا اردفت بهدوء وانا ادحك بعيونه.
:- لا مجود أنت صغر عقلك وافهمني!
شوو هذا ضرب ؏ وجهه حيل وصار يعيط بنفاذ صبر اوووي شبي مايتحاجه!
أمجاد: ولجج شنوو هل لسان دخيل ربج شهل سوالف العندج؟؟
حولت نضري ؏ سجاد يللي لكيته منجطل بالكا؏ يرافس من الضحك ضحكت ؏ شكله التفت علية أمجاد وعاط بي..
امجاد: كووووم كووم علساس اخوها الجبير الله يجرممم؟
سجاد: شنوو مو بعينك كدامك دكتور سجاد محمد
- يحجي بثقة وهو يرفع بياخة قميصة.
جاوبة امجاد؛:
أمجاد: والنعل
سجـاد: تقصد والنعم بس خانك التعبير أكيد!
أمجاد: لا ماخاني والنعل يانعال
::- أمجاد يحجي بعصبية وسجاد يرد علية ببرود
ضليت ادحگ عليهم واردفت:
علساس انتوو مثقفين وكذا وابوكم سياسي وانت ضابط وذاك دكتور شيكولون عليكم الناس اذا شافاكم هيج تتعاركون عبالك اطفال؟؟
سجاد: الله وكيلج يضربونه زيـج يعبرونه القارات من خلاله.
ضحكت وانا أمجاد عليه وامجاد طلع يستغفر دخلناه للجنة من ورانه شكثر أستغفر!
سجاد: هسه حاجزله قصر بالجنة يم الحوريات الصاكات من ورانا الله وكيلج.
::- شكد تصرف كلمه الله وكيلج يخيييي؟
سجاد: شدخلج شدخلجج ناسس ماتستحيي تدخل بكلشي والله يالله امشي ولي
::- دولي لو عالمي ههههههههه
سجاد: ه ه ه تافهه تراا!
::- عليمن اطلع ؏ اخوي الجميل غير.
سجاد: اللهم طولج يارووووح اللهم طولج ياروح شهل صكعه يللي عدنا؟
- طلع من المطبخ يدردم معاجبة صحت ورااه بضحكةة
::- لك عيوني داده أذا مو احلى صكعه بالحرام
سجاد: وعيونها تسحلل هممم وزركه!
::- ماكووو غيرك ازرگ والله، عافني ودخل الغرفتة يضحك هو مو ازرگ بالعكس أبيض وعنده طگه شقار بلحيته وشعره، ومن يتنمر ع سماري اتنرفز واكوله يالزرك..
- مرت الأيام بعدها هادئه انا اتجنب أمجاد مااحجي وياا بس ؏ كد الجواب والسؤال وأسكت وصارت متحاناتي وكملت من الخامس وصرت صف سادس أعدادي انا وسـدره وهيلينا.
- جنه كاعدين بالصاله انا وأمجاد وسجاد وماما حنان أمجاد تحمحمم وكال:
أمجاد: اسمعوني يجماعة الخير أنا گبرت واريد أستقر وأكمل نصف دينـي واريد أخطب!
::- التفتت عليه باهتمام أريد أعرف منو يللي يخطبها؟
سألته مامه:
حنان: خير إن شاءلله بس منو بنت الحلال وليدي؟
أمجاد: هيلينا صديقة سيلفـا.
::- كاله وهو يدحگ عليه وانا سويت نفسي مامهتمه بس جذب ردت أطير من الفرحةة گضيتها أكمز بداخلي
، بس مانطيت اي رده فعل بس ارمش بعيوني وادحك عليه.
- وهو كمل كلامة ةهو يدحگ ؏ مامه حنان وكال:
أمجاد: اريدج تروحين ويايه حتى اخطبها من عمها.
حنان: والنعم ماختاريت وليدي بس شراح تكول لعمامك وهم مايقبلون لأن امها مسيحية؟
أمجاد: طز بيهم منو مهتم ألهم ولرأيهم "أدوس ؏ العشيرة كلها واخذها"
::- كمت ارافس من كلامة عليها وشلون حابةة شگد حلوووويييين.
ابتسمت مامه حنان واردفت:
حنان: بيها الخير وليدي إن شاءلله العصر نروح انحاجي عمها ومرته وإن شاءلله خير.
- كامت مامه حنان وضليت انا وأمجاد بالصاله هو يناضرلي بنضرات شاخصه بمعنى شنو رأيج؟
ردت اكوم واستوقفني سؤاله:
أمجاد: شنو رأيج سيلفا؟
::- ماعندي رأي والله ربي يسعدكم هذا هو
أمجاد: أريدج تروحين ويه حنان تخطبوها ألي
::- چؤ چؤ أعذرني ماادخل انا بحياتك الخاصه ولا اروح مشاية ولا شيء من جذبتوا عليه وماتقبلون تحجون ألي الحقيقة انا هم طلعتكم من حياتي والمنصب يللي جنتو بي بيها!
- هو جذب أكيد اروح بس مو بالخطبة أريد اضغط علية حتى يحجيلي كلشي ضامه عني ولا مو بهاي الطريقة مراح يحجي شيء أبد!
ضل ساكت وانا كمت بهدوء من يمة وكوه مسيطرة ؏ نفسي حتى مااركص كدامة اول ماسديت باب الغرفة طلعت الرقاصة يللي بداخل وضليت أهز قاطع الهز مالتي أتصال من سـدره اول مافتحت الخط عطت بيها
بنفس مكطو؏ من الهز:
::- ولججج سـدره هلااا هلااا يبااااااااااووووووو
سـدره: شبيج ولج ليششش تصركعتييي؟؟
::- ولج أمجاد راح يخطب هيلينا يباااااااااووووووو
- أختفى صوت سـدره ثواني بعدت الفون عن اذني اتاكد هي بعدها وياي ؏ الخط شفته بعدها شويه وضربتني بهلهوله طرشت أذني من علاتها.
سـدره: كلللللللووووووووووووووووششسششش
ولكمممم يمةةةة راح تصير عدنه حفلة ونركصص شو مامصدكه عبالك احنا موتى دخيلك يالحسيننن استجابت دعواتي وراح يتزوجون واخلص من هاي الفاهيةةة.
::- يمةةة طرشتي أذني، وعقبال ماازوجج وأخلصص منج بجاه محمد يمة يوم السعد والهنا يللي راح ازوجج بي واخلص!
سـدره: اليسمعج يكول كاعده ؏ قلبج!
::- حمضتي مو بس كاعده ؏ قلبيي ربتيلي عله والله
سـدره: ألج الله ياسـدره محد يتحملج بداية شبابج اذا بتاليتة شلووووون يبوووو ؏ حضج المصخم يسـدره
::- شبيج يعيوني أنتِ، عوفينة من هل السوالف وتعالي ا...
بعدني مامكملة حجايتي صاحت بيه صوت نزيت من ورا..
سـدره: احترميي نفسج رجاءا.
::- شبيج ولج هو انا شنو حجيت حتى احترم نفسيي سـدره؟؟
سـدره: شنوو شكايلة غير كلتيلي نعالي هسه.؟
::- ولجججج يالثولةة كتلج تعالي مو نعالييي!
سـدره: هااا أعتذر صار خطأ مطبعي لعد استمري.
::- مو هو هذا النعال يعرف نفسة قبل مااحد يحجي
سـدره: ليش ماتخليني محترمتج هسه اني قبل ماابدي أقسمم شبيجج.
::- لاا كل شيء ولا يبدي لسانج، شوفي..
سـدره: قصدج أسمعي؟
::- استغفرالله ربيي استغفرالله
سـدره: اي عفية عليج أستغفري حتى تخففين من ذنوبج.
::- ضربت وجهيي حيل وعطتت ولجج شمسووية شمسووية حتى يخففن ذنوبي؟؟؟
سـدره: شبيج طلعتي ماتتحملين الشقة اوووعععع
::- اوووعععع بوجهج اي والله.
سـدره: هسه أنجبي وكولي شعندج من فوايننن؟
::- هذا هم حضي جابني احجي لصخمه ؏ خطتي بس يلا سمعي سـدره اليوم أمجاد ومامه حنان وعمتي ميسون راح يرحون ؏ بيت عم هيلينا حتى يحاجونهم
سـدره: المطلوب منيي شنهييي؟
::- خليي أكمل مسلتة شبيج
سـدرة: مسلتي ؏ راحتج حووووبي.
::- استغفرالله، اي فالمطلوب منج ماتروحين وياهم اليوم.. بعدني أسولف شو هاي عاطت
سـدره: شنييي شنيييي، تريدني افوتت هيج مناسبه ام الحلك الفاهييي ولي ولي لابارك الله بيج ولابخططج.
::- وسممم شبيج ولج غير حتى نضغط ؏ أمجاد!
سـدره: وانه شدخلني اضغطي عليه وحدج عسى ماصاير جدر ضغط شدخلني أنه اريد اهلهل اهناك من يوافقوون من زمان كاعده اتدرب ؏ الهلهوله.
::- ؏ بختج سـدره خلي تكمل هاي السالفة ؏ خير بدون مسلته منج بداعه العزاز وخليي يحجيلي كلشي ووعد مني انروح انا وياج بقراية الفاتحة مالتهم ونهزز هز ماصاير بس ماشيني بهل خطةة
سـدره: ولج هوو شطاب بجيسة غير احنا راح نكعد ونسكت وتروح علينه الونسة؟
::- ولجج لاا لان هيلينا راح تضوج وهو راح يضوج ؏ ضوجتها وانا راح اكوله حتى بالعرس والقراية الفاتحه
ماحضرهم وهوو راح يكت كل شيء عنده.
سـدره: شنييي لا بلسه تريدين مااحضر العرس هم وياج؟؟
::- يبوووو عليج يسيلفـا الغباء عندج وراثة لو مستورد؟
سـدره: ورثته من عائلتكم قلبيييي.
::- ربتلي علةة وحق كلمة لا إله إلا الله، ولج مال الثول هو صدك مراح نحضر غير جذب حتى نضغط عليه!
سـدره: أهااااا وانه عبالي تريدين تخربين ونستي يلاا عادي عادي مراح اروح بس أجي يمج ويه ماما
::- الف الحمدلله والشكر لان وصلت ويلاا ولي ورمتيي قلبييي وصار هلكده منج!
سـدره: يلاا حووووووبي بايي، اووععع حلگي نعووج من ورا الدلع الخايسس.
::- صبر الارض عليج يلاا عيني روحي باااي.
- غلقتة منها وذبيت الموبايل ولفيت راسي ونمت بعد فترة حسيت ؏ أحد دفر الباب قوي فزيت فزة إلا طفرت من الجرباية مالتي فركت عيوني حيل اريد اصحصح حتى اشوف منو هل همجي يللي دخل هيج.
سـدره: ولج بنت خالييي الصاكه الحد الان نايمةة كوميي الناس تريد تطلع وهي لسه نايمةةة
::- مو حتى قلبيي أدعبل بين رجلية هو هيج يللي يكعد ويدخل غرفة غير ادكين الباب مثل الاوادم؟
سـدره: هسه شلحيتيي كومي كوميي نبلشش بخطتنةة شوو تحمستت..
- تفرگ أيد بايد بطريقه الاحماء ومبتسمه أبتسامة واسعة وتكمز بمكانه ضحكت عليه:
::- يلاا ننزل نشعل الجوو بنتت عمتيي.
سـدره: يلاا بنت خالي
- نزلنه أنا وياها شفت عمتي ميسون كاعده صحت:
::- سلامووون عليناا ياقوم.
سجاد: وعلينااا السلام ياختاه
ميسون: ولكمم حرام شنو تحورون بالسلام.
- غلست ورحت بوستهاا حيلل وانا أضحك:
::- طاكني الشوووگ عمه وينج عني مشتاااگةة
ميسون: يبعد عمتج موجوده والله بس مخبلتنيي سـدره بسوالفها مادري شوكت تعقل.؟
::- عمةة عوفيها الوقت الاغبر يعقلها.
سـدره: حابةة أبشركم أنو ماراح أعقل ديلاا
ميسون: شوفيي يعمة شوفت عينج مااصدك يجي يوم وتعقل
أمجاد: عوفيها عمةة متونسين ع سوالفه الحلوةةة
سـدره: لك أروحننن فدوةةة الك بس أنت الكفوو والله
سجاد: لاتتغزلين بي راح يتزوج مرتة ماتقبل
سـدرة: ليشش انت مرتة حتى ماتقبل أتغزل بي؟
::- وهنا لازم اتدخل أنا لأن سـدره بدتت تثرد بصف الماعون ولجج سكتي فضحتينه يلاا روحوو مابقى وقت وانتوو كاعدين تتمضحكون
ميسون: ليش عمةة ماتروحين انتِ؟
::- لاعمةة ماروح ولا أنا ولا سـدره عدنا شغل نكملة
- انا احجي وأمجاد عينة علية هز راسة بمعنى ماراضي وطلع كالب خلقته طلعووا كلها وياهم وجاية نص العشيرة مدري شعدهم هي بس مشاية، حسيت ؏ سـدره تندسني
::- هاا شبيج؟
سـدره: اريد واحد دليمي
::- ليش؟
سدره: حتى يجيب العشيرة كلها وياه من يريد يخطبني ويلبس الدشداشه والعكال يمةة كزكزت ؏ سجد هذا شطالع بالدشداشه يبووووو يطك بالكا؏
::- يعني هاي رسالة مبطنة معناها أخذيني لأخوج مو؟
سـدره: بالعباس ذكيةة فديتج ولجج
::- نجبي نجبي تريدني اخذها الاخوية حتى يصير عندي مخابيل أثنين مو؟
سـدره: قابل هسه ميتة ؏ اخوج أنه
::- تموتين ؏ دينة هم
- دحگت علية بطرف عينها ونترت بيه وهي متوجهه للمطبخ:
سـدرة: أمشي أمشي هو هذا يللي يحجيلج سر هم أنه ثوله احجيلج امشي نسوي كيكه شوو ضغطي هبط من وراج
::- والضغطة يهبط يسوي كيكة؟
سـدره: اي عيوني شدريدين مني حبستيني وياج لو مخليتني أروح جان هسه ماكله كيكة وباو؏ ؏ نعمة الله لمطشرة.
::- اي هي هاي دكج ومدكوكج الصاكين موو؟
- كافة ردانها واطلع بالمواد الكيكة وتسوي بيها هي والمساعده ؏ ايدها وتحجي:
سـدره: لعد شعدنه غيرهم قلبيي ناكل نشرب هو مانسوي شي غير نباو؏ ونتحسر ؏ النعمة يللي كدامنه.
- كملت الكيكه وحدها وانا كاعده ؏ ميز الطعام أكل تفاح وأدحك عليها خلتها بالفرن واجتي كعدت يمي
سـدره: مادري يامكرود يللي راح يبتلي بيج وانتِ بيضة ماتعرفين أطكين النفسج!
::-مامجبور والله ياخذني يللي يريدني يرضه بيه وهاي انا كدامة يقبل يقبل مايقبل الف محمد وعلي وياه.
سـدره: لا تخافيينن عيوني حظ الجايفات كاعد وانتِ راح يكعد حضج
::- ولججج سـدره شتقصدين اليوم امردغج وحق الله السانج طولانن ام السوووس
- كمت عليها ادغدغ بيها وهي تضحك رجت البيت بضحكتها ماتوقفنه إلا ؏ صوت الجرس مالت الفرن بمعنى ستوت الكيكة كامت طلعتها وزينتها وخلتها بالفريز حتى تبرد
وكعدنا ساعة نسولف عن السادس وشنو نريد انطلع وشنو نريد نصير كملنه سوالفنه وطلعنه الكيكة وكطعناها واخذت القطعة وكعدت اكل واحجي
::- نادره نادره بنت عمتي هنيال يللي ياخذج.
- تدحكلي بطرف عينها ماعاجبه الوضع واحنا انسولف نسمعهم دخلوا للبيت دخل سجاد للمطبخ وهو يحجي
سجاد: ياخاينات تردنه نروح حتى تسون كيك ورانه وتاكلن موو؟
سـدره: مو اكلتوو اهناك وانه سويت النه اهنا
- شو هذا طلع من جيبة جكليت ونطاهن السـدره
سجاد: هاج بنت عمتي جبتلج جكليت منهم حتى تنفتح قسمتج واخلص منج
سـدره: اي مو انه كاعده ؏ قلبك مووو؟؟
سجاد: لا طلعين جبار يللي بداخلج ام الغيرة بس كسرتي خاطري لان اعرف هاي سوالف سيلفا حبستج وياها اهنا وجبتلج ويايه حتى ماتبقى حسره بقلبج
سـدره: ولكك والله أنت كفووو احسن أبن خالل وحق الحسينننن.
::- والله يالله بطرانين دورون جكليت، هسه عوفنه شكالولكم؟
سجاد: كالوا نشوف رأي لبنية ونردلكم خبر.
سـدره: شنييي هي لبنية موافقة ليش يطولونها؟
::- كرصتها حتى ماتفضحنه أكثر لان بدتت تجفص
سـدره: اوووووي شبيجج
::- وعلووووي شبيج الزمي السانج الزمييي
سجاد: هههههههههه ماحاجه تلزمةة فهمنه كل شيء بعد
::- طلع سجاد من المطبخ وهو فاحط من الضحك صديت ؏ المصكوعه لبصفي وانا خازرتها شبيجج ماتكدرين تلزمين السانج الخاطر الله شبييج؟؟
سـدره: شبيج شمدريني ماكدرت اكض الساني ونهديت، بس صدك ليش يبيعون ثكل بروسنه
هي لبنية مو قابلة؟
::- ولج ياصكعة غير من العادات والتقاليد يسألونها، وهمين همه شمعرفهم تحب امجاد يحضي؟
سـدره: والله ماعرف بس لو انه كبل اكوللهم موافقه مااخليهم يرجعون إلا واحنه عاقدين.
::- دخيل الله شبيج شهل خفة ديريبالج تكسرين وجهنه بيوم الخطوبتج وتصيرين معدية والله اكسرج!
سـدره: هوو وينه مكموعيي وينةةة؟؟
::- انتحر قبل مايشوف وجهج، كومي نطلع عليهم انشوف شنو يحجون.
-طلعنه للصالة لكيناهم كاعدين وعمة ميسون تحجي رأيها عن هيلينا
ميسون: البنية اللهم صلِّ على محمد شنو من جمال شنو من ادب واخلاق بس مو تحسوها ناعمه حيل
انعم من أمجاد؟
::- لاعمة عادية بس انتِ تحبين لمربربات وعدهم خدود.
سـدره: اي بالعباس هاي أمي تحب يللي عدهم خدود هو انه بنته وتجيب وتخلي بهل مشهيات لعبت نفسي
ميسون: ليش هنه مضن بيج؟ ولا مضن بعدج معصعصة عبالك صرصر لازك ؏ العود.
سـدره: هااي شبيجج مامة مو هيج تكسرين بخاطري!
ميسون: واحلى معصعصة لاتزعلين بنيتي.
::- تكسر وتجبر عمتي..
- راحت عمتي لبيتها واني جلبت باسدره ماقبلت تروح ردتها تبات يمي وعمتي وافقت و تعشينا وكل واحد راح لغرفتة بقينه انا وياها سهرانين جان تكول:
سـدره: ولج اليوم نلعب جولةةة امشي للمطبخ انسوي اكل لان ماتعشيت عدل.
::- امشي يلا امرنا الله.
نزلنا رحنا للمطبخ اول مادخلنا لكينا امجاد وسجاد مطلعين اكل من الثلاجة وكالبين المطبخ يطبخون بتيتة ؏ بيض وجاي وسجاد يسوي زلاطه لان مايحب الجاي باليل.
سـدره: هاي شنيي شمسوين بالمطبخ ليش هيج كالبينه؟
سجاد: غير كاعدين نسوي اكل ماكوو احد يسويلنا
::- ليش المساعده وين؟
أمجاد: نايمة المرة تعبت كل اليوم واحنا نجي نكملها عليها بطلباتنة بنصاص اليالي!
- سكتت ماجاوبته اكلنه وكملنه وماحجينه شيء غسلنا المواعين اني وسدره ونضفنا المطبخ وردنا نطلع استوقفني امجاد وهو يناديني:
أمجاد: سيلفا بنت اخوها زعلانه مني؟
::- انت تعرف ؏ شنو زعلانه وتعرف شلون تراضيني!
- صار سجاد يغني وسـدرة ترد ورا:
سجاد: زعلان الأسمر ومايكلي مارحبا..
زعللان الأسمر ومايكلي... مرحبا
يمعود هي بس كلمه... مرحبا
وزعلان الاسمر... ومايكلي مرحبا
وزعلان الاسمر... وزعلان الاسمر
سـدره: دكله مرحباا... كله مرحبا وخلصنةةة
- صاروو يلحنون بالغنية وگلبووا نص كلماتها بس مستمرين يغنون!
- دحكت بطرف عيني عليهم وردت أطلع صاح وراية أمجاد وكال:
امجاد: باجر تعرفين كل شيء سيلفا.
- هزيت راسي اله بإيجاب وطلعت من المطبخ وسحبت وياية سـدره اول مادخلت الغرفة ذبيت نفسي ؏ الجرباية وغفيت ماكعدت إلا ؏ ندهات سدره تندهني الصبح كمت غسلت وجهي ونزلنا انا وياها تركينه
ومشه اليوم عادي بين خبال سدره وعركاتنه وضحكنه صار العصر كاعدين انا وسدره دخل أمجاد علينا وهو يكول:
أمجاد: هسه راح تعرفين كلشي البسي حجابج والحكيني للصاله.
- هزيت راسي بايجاب سحبت الشال لبسته وسدره جلبت إلا تنزل وياي نزلتها وياية أول مادخلت الصالة انصدمت بالي شفتة:
::- عمـو خيال.؟
.
.
.
. للحكـاية بقيـة"⚗️"
ـــــــــــــــــــــــــــــــــــــــــــــــ
(إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ)
ـــــــــــــــــــــــــــــــــــــــــــــ
◆التصويت ياقوم وعلقوا بين الفقرات ♡
◆التنزيل البارتات بين يوم ويوم عيناااااي♡
▲حسابي الأنستا[fofo_i156]
قناة التلي[fatmahAbdmoter]