خطوات نحو الموت
#للكاتبة جيهان آغا
لا تنسون الصلاة والسلام
على سيدنا محمد وعلى ال محمد
حبايبي تعليق بين الفقرات وتفاعلكم مع الرواية
و قراءة ممتعة
_____________
حرب - من هيج كال بهار كلش انصدمت
وحالتها تعبت تبجي بدون صوت بس دموع
وتنزل وانه كلشي ولا دموعها وكفت بينهم
كلت وانه صاير عصبي
اذا انت زلمه تعال والازم شعره منه
بعدك ماتعرف منو حرب وشنو يكدر
يسوي بيك بهار خط احمر وممنوع
انت بالذات ماريد اشوفك بحياتنه
سيبان - هههه تعيش وتشوف سيبان
شنو يسوي اذا ما اهجم بيتكم ما اطلع
ابن راهب
حرب - مسكت ايد بهار ورحنه
طول الطريق هيَ تبجي بدون صوت
وانه نار بكَلبي
بهار بويه فدوه اروحلج لا تبجين خلي يحجي
انه موجود مايكدر يسوي شي
بهار - بدموع /
حقك بعدك ماتعرفه
حرب - هذا شنو ومنو علمود اعرفه
حب انه يمج ليش تبجين
بهار - مسكت ايده وكلت
انت المصبرني احبك حرب
حرب - وربي انه هم احبج
بهار - مسحت دموعي
اكلك حبيبي شنو تحب يصير عندنه
دنفوشه لو دنفوش
حرب - هههه كلشي من الله حلو
الحمد لله اهم شي خلقه الكامله والذرية الصالحه
بهار - اي صح كلامك على كولتك ان شاءالله
يصير عندنا ثنينهم بنات وولد حلوين
حرب - هههه مستعجله عل جهال حبيبي
بهار - ها لا لا ماقصدي شي بس هيج سؤال
حرب - ههههههه
بهار - ليش تضحك
حرب - احبج و على حبي الج اضحك هههه
بهار - التفتت علي وهوه التفت كلت
خوش زين اذا هيج اضحك
صفن واني صفنت وجان انطكها ضحكه
قويه وماعرف ليش وعلى شنو نضحك
حرب - ههههههه
بهار - هههههههه
باقي هوايه نوصل مو
حرب - ههههه اي بعد باقي
بهار - ماشي راح انام شويه
حرب - نامي حب
بهار - بعد ساعات وصلنه بغداد
ومرت حياتنه بهدوء مر سنه
على زواجنه اجمل سنه واحلى سنه بعمرنه
حسيت بأعراض الحمل رحنه لدكتورة
وعرفت اني حامل
جانت اجمل فرحه بحياتي
حرب من عرف طار من الفرح
شالني ويفر بيه ويضحك
ماجان اكو سونار
وكتها ماعرفنه بنيه او ولد
بس كلش فرحنه من عرفت حامل كعدت ابجي
بعد تعب ومشاكل راح اصير ام
حرب - هل مره انه اكلج ابجي ماكو
احلى من دموع الفرح
بهار - اريدك دوم ويايه
حرب - دوم حب
_
_
< بعد مرور شهر >
بهار - واني نايمه حسيت بالمساته
بوجهي وشعري واسمعه يكول
حرب - ماعرف شلون حبيتج وماعرف
شصار وشنو راح يصير بس اعرف انه كلش احبج
وماكدر اعيش بدونج الله وحده يعرف
شكد حبي الج طاهر جان من البدايه وان شاءالله
للنهايه ماقصر وياج انتِ مرتي وحبيبتي واهلي
وبنتي
بهار - تقدم باسني من خدي وكمل
حرب - بهار انتِ فرحتي
بهار - من هيج كال كعدت ابجي وهوه
مستغرب عباله نايمه حضنته وكلت
حرب خايفه والعذره خايفه من سيبان
خايفه اموت وماشوفوك بعد
حرب - لا تبجين حب انه يمج لا تخافين
بهار - راح اكبر جهالي واشوفهم مو
حرب - اي ونسميهم احلى اسامي
بهار - راح يصير عندنه احفاد مو
حرب - اي وبالعيد عركه عل عيديه
بهار - ههه واطبخ طبخ هوايه ويجون يمنه
هما وجهالهم
حرب - يوصخون البيت وتتعبين من التنظيف
ههههه
بهار - هههه صدك اذا صار عندي ولد وبنات
من يزوجون راح اركص وهلهل بعرسهم
مو
حرب - ان شاءالله حب ماكو شي مستحيل
بهار - تخيل ويايه اني وانت كاعدين وجهالنه
واحفادنه يجون ويلتمون يمنه وتصير هوسه
ناكل سوه نضحك ونسولف نطلع ونسافر شكد حلو
حرب - ههههه مخيلتج واسعه ما شاء الله
بهار - والعذره واني احجي حسيت بفرحه
جا لو صار شسوي
حرب - ان شاءالله كلهم تشوفيهم
بهار - هسه اكول اللهم امين مو
حرب - اي ياحلو
بهار - رفعت ايدي لسما مثل حرب وكلت
اللهم امين
مرت ايام واشهر كبرت بطني شويه
و دخلت الشهر ال3 حرب كلش فرحان واني اكثر كلش يهتم بيه ابد ما قصر ويايه
بس الحركه بدة تصعب عليه
وكل شويه اتحجج على حروبي
وهوه خطيه مايحجي شي بس يكول حقج
هرمونات حمل
وبيوم جنت اسوي زلاطه اجه حضني
وكال
حرب - الحب شلونه ويه الدنفوش
بهار - هسه الحب اكيد اني والدنفوش ابنه مو
حرب - ويجوز بنتنه
بهار - اي صح احبك
حرب - وربي انه اكثر
بهار - لا اني اكثر
حرب - لا انه اكثر
بهار - لا اني اكثر قوربانه
حرب - ههههه ليش ما تعلميني كردي
بهار - خلي اتعلم عربي مضبوط وكتها اعلمك كردي
حرب - هههه اي والله اللغه العربيه يمج بخطر
بهار - هههه كافي مو زين اعرف احجي شويه
حرب - اي صح احسن من ابوج
بهار - ههههه
خلصت الغده واحنه ناكل دك موبايل
حرب اول ما شاف الاسم تغير كل شكله
حرب - جنت اتغده دك التلفون اشوف من كلت
الو سمعت صوت ابويه
ماعرف شصار بيه كلش مشتاكلهم
حسين - ها حويرب مسحت عقلك بت اربيل
حرب - بويه شلونك شخبارك
حسين - عوف اخباري حويرب جاوبني
حرب - مو حرب التمسح عقله مره بس لذبيت عمري عليهم عافوني بيوم واحد
بويه انه سنين اقدم روحي بطبق من ذهب الكم ما اذكركم بزينياتي ولا اعيركم بس لو مره وحده وكفتو وياي جان حسيت صدك اهلي يحبوني ويفرحون على فرحي جبت عمري معلعل من عمري 14 ولحد هذا ليوم شغل تعب دراسه
ومن جيت افرح كلها تبرت مني
حسين - هذا اختيارك بويه مو اختيارنه
حرب - ردتك عون يا بويه بس عفتني شذنبي حبيت بنيه وعشكت
بس انته شنو سويت جبرتني اعوفكم
يا ابو حويرب انته ضكت طعم الحب وشفت عذابه من ما اخذت التحبها وتزوجت وخلفت وانته تريد امي وما هديت لمن خذتها
كول بويه شلون جان وجع الحب وياك
حبنه بل فطره مو بل حرام
وعمري ما لازمتها بالحرام ورحت اخذتها بشرع الله
وهسه عندي مرت ابنك حامل وراح يجيك حفيد ما تريد تكحل عيونك بشوفتهم لو جهال حرب
مثل حرب مو مهمين عندكم
اهنا من هيج كلت ابوي ضل يبجي وكال
حسين - بدموع اب مشتاك لي ابنه /
جيب مرتك وتعال بيت ابوك مفتوح
حرب - من هيج كال صدمه فرحه شوك
كلش مشتاكلهم دوم جنت اعرف اخبارهم من
اسد ابن علاء هيج كال كتله
احلف بويه احلف تريد ارجع
حسين - ولك حويرب شايفني اجذب عليك
حرب - بويه والله ما ادري بس احلف
حسين - لا بارك الله بيك ما تصدك ببوك
نوريه - ههههه
حرب - من هيج كال سمعت امي تضحك
بووويه يا ضحكتها شكد مشتاكلها كلت
ولج يمه شلونج مشتاقلج
نوريه - يبعد امك ولك يمه البيت وحشه عليه
يمه يرحتك يالغالي ارجع يمه البيت واهله مشتاكين لسوالفك حبيبي
حرب - وضلت تنعه بجيت على نعاويه وكلت
يمه ابوي صدك يريدني
ضحكت امي وكالت
نوريه - ها ولك حويرب تخاف بعد امك
حرب - افا وانه ابن بطنج ما اخاف بس من الله
وبعده ابوي طبعاً اخاف منه
وجان نضحك وحته ابوي يضحك كال
حسين - ولك حويرب شايفني اخوف
حرب - ههه لابس من تالزم الحزام الله وكيلك تنسه انه ابنك
حسين - هههه هسه انه هيج
حرب - اي والله
نوريه - يمه مرتك وين اريد احجي وياها
حرب - اي ادللي يمه
بهار - جنت كاعده اسمع سوالفهم وابجي
حسيت بذنب اني جنت السبب بتفريقهم
مسحت دموعي انطاني الموبايل احجي ويه
امه ضلت تحجي بسرعه واني مافهم عليهم
زين اكو كلمات ماعرف معناها
جاوبتها بعربي مكسر ضحكت امه
وكالت
نوريه - هههه ولك حويرب ماخذلك وحده خرسه
بهار - هيج كالت وهما ماتو من الضحك
بعدين كال حرب
حرب - لا يمه كرديه وبعد حجيها مكسر هههه
نوريه - الله يحفظكم يايمه
يلا حبيبي في امالله باجر تعالو ان شالله
توصلون بالسلامه على كيفك سوق يمه
حرب - ان شاءالله حبيبه
بهار - سد الموبايل وهوه طاير من الفرح
يوم عرسنه مافرح هلكد
تقرب وباسني من راسي كال
حرب - ولج احبج
عيونج تنعشك كوة
يمن كون لسلف يندارلج فدوه
بهار - من هيج كال دمعت عيني كلت
شكد حلو تصير من تفرح
حرب - انه من شفتج وكل حياتي فرح
بهار - باسني من خدودي وشالني
للغرفه
صار الصبح بدلنه وكل 5 دقايق شامرله غزل
كلت
عيب امي تتحارش ببنات الناس
حرب - ههههه بس انتِ مرتي مو غريبه
بهار - هههه فديت اليحجي مثلي
حرب - وفديت اليقلد كلامي
بهار - هههه
بعد طريق متعب وصلنه البصره اول ما دخلنه
البصره فتح جام السياره وكال
حرب - اهلاً وسهلاً بكِ ياعزيزتي
البصره ترحب بكِ يا اميرتي
بهار - ههه تسلم ياعزيز
وانا سعيده جداً معك في البصره
حرب - هههه والله زين عرفتي هيج تحجين
بهار - هههه انته معلم واحنا منك نتعلم
حرب - اي خوش معلم حباب كلش
بهار - وحلو كلش
حرب - هههه ويحبج كلش
بهار - واعشكه كلش
حرب - زين هسه شسوي
بهار - مافهمت
حرب - حسي بكَلبي جاي اسوق
بس نوصل يصير خير
بهار - ههههه يااء شنو السالفه ما اغازلك
حرب - احسن
بهار - ماشي يدلل حروبي
حرب - الله يساعد حروبج على جمال عيونج
بهار - ههههه حبيبي
شويه وصلنه بيتهم
بيت جبير كلش وهوسه
يم الباب
_
_
__________
في مكان اخر
عبير - جنت انظف البيت رحت لغرفة امي
اشوفها تبجي كلت
يمه خيرج ليش تبجين
نوريه - بدموع /
اخوج صار سنه ماشايفي هسه متغير مو
ياكل زين لو لا خاف ضعفان
عبير - يمه حبيبتي ان شاءالله بخير
لا تخافين على حرب
نوريه - من تصيرين ام وكتها تحسين بيه بنيتي
عبير - حضنتها وهيَ تبجي امي كلش فقيره
مو مثل رغده ومن راح حرب البيت تغيرر
هوه جان ويه ابوي يصرف عل بيت ويصرف
علينه جان كل شهر ينطينه مصرف جوه ايدنه
كل شويه يبوس راس امي وياخذه لسوك
ولدكتور ويهتم بينه كلنا
احنه وجهال رغده ما جان يفرق بس هما
ناس خبثاء كلش
وانه اهدي امي اجه ابوي شافها تبجي
عرف على شنو تبجي كعد مسك ايدها وكال
حسين - ام حرب لا تبجين
نوريه - بدموع /
ماتعرف كَلب الأم يا ابو علاء
حسين - وانه كَلب اب لا تنسين
نوريه - مشتاكتله صار سنه الله اكبر
سنه وانه ماشايفه وليدي شنو ذنبي
حسين - ان شاءالله تشوفي
عبوره بويه شلون تستخدمون
هذا الجهاز ماعرف شنو اسمه
عبير - قصدك التلفون
حسين - اي بويه خابري على حرب
عبير - من هيج كال كلش فرحت
رحت جبت التلفون هسه حرب راح ينصدم
من يسمع صوت ابوي ههههه
خابرت علي واهلي حجو وياه
اكيد واحد يعاتب الثاني بجو وضحكو
وانه بس ابجي من الفرحه ابويه كله
باجر ترجع لبيتك طفرت من الفرحه وهلهلة
وامي فرحانه وابوي فرحان
ما شاءالله قل أعوذ برب الفلق
هسه رغده اطكنه عين
رحت اكمل الشغل وانه فرحاااانه وكل شويه
اكول
راح يرجع ينور البيت بحويرب ومرته
ارجع خويه البيت بدونك مايسوه شي
هههههه
انه هيج اكول ورغده ونسوان ولدها
ما عاجبهم اسمع يكولون
- اهووو راح يرجع صار سنه مرتاحين
- ولج القهر مو اهنا القهر المره وياه
- صدك حرب راح يرجع بنات شتكولون
مرته حلوه مثل حرب لو لا
امل - اسد ابني جان يكول يمه كلش حلوه
عبير - اسمع كلامهم واضحك وجان تجيهم
رغيده
رغده - كاااافي كل وحده تروح لشغلها
عبير - راحو الباقي بس بقت امل
كالت
امل - عمه راح يرجع حرب ومرته
رغده - هههه خلي يرجع مشتاكه للمشاكل
امل - بس مو وحده مرته وياه
رغده - خلي يجون اذا ما اسوي حياتهم
جحيم اسود ما اسمي رغده
عبير - من هيج كالت طفرت عليهم كلت
انتِ بس جربي وشوفوي شنو راح يصير
بيج
رغده - روحي كملي شغل احسن من الحجي الزايد
عبير - رغده والله العظيم اذا اعرف
بيج مسويتلهم شي اذا ماخليت ابويه
يسود عيشتج ما اسمي عبير
رغده - يمه يمه خفت امل لحكي عليه
هههههههههه
امل - ههههه خلي تحجي لصبح عمه
ماتكدر تسوي شي
رغده - ولج عبير بعدني مامخليتج براسي وربي اذا
خليتج برأسي ادمر حياتج صدكي
فا كعدي راحه
عبير - هيج كالت وراحت حسبي الله ونعم الوكيل
عليكم الله ينتقم منكم كلكم
صار الليل ابوي جمعنه كلنا بالديوان
وكال
حسين - ابني حويرب باجر راجع
هوه ومرته
علاء - شنووو والمسيحيه تجي وياه
حسين - انه من احجي الكل تسكت
باجر هوه ومرته يرجعون وراح أعزم
عمامكم وعماتكم خلي كلهم يجون
علاء تروح باجر تذبح عجول
وانته الثاني تروح تجيب سمج
اريد كلكم باجر تشتغلون اريد السفره
مال اكل يكفي العراق كله خوش
علاء - بويه ليش تصرف هلكد علمود وحده
مسيحيه
رغده - ههه لا والقهر كرديه
حسين - علاء اخر مره هيج تكول
احنه نحترم كل الاديان عيب تحجي هيج
وانتِ ست رغده ماعرفانج حضرتج من وين
عبير - هههه من القريه
حسين - كااافي سكتي
عبير - اعتذر بويه
حسين - اي ست رغده ماكلتي من وين انتِ
رغده - من وين ما اكون بس على الأقل
مافاره عقول الزلم
حسين - انجبي وطلع من الديوان
عبير - طلعت وهيَ تحجي ويه نفسها هههه
ما عاجبها الوضع
صار الصبح ذبحو كومه عجوله ونسوان وهوسه
عماتي وعمامي جهال جهالهم كلهم جاين
واحنه هوايه كلنا مشغولين بالطبخ
وجان اشوف سيارت حرب بسرعه غسلت
ايدي ولفيت الحجاب
وطلعنه نزل حرب من السياره
شكد صاير حلو فدوه اروحلك اخويه الورد
التفتت اشوف نسوان اخوتي كلهم صافنين
على حرب بعدين راح فتح الباب لمرته
نزلت وهيَ لبسه فستان اسود قصير شويه
جوه الركبه بيضه بيضه ثلج ما شاء الله
جانت فاتحه شعرها مرتبته بالسشوار امبين
وشعرها اشكر خاله مكياج كلش حلو وخفيف
حلوه كلش بيضه وعيون زرك مشت جوه الشمس لخدود صارن حمرررر طماطه كلنه تفاجئنه على جمالها ورقتها نسوان اخوتي كلهم ماتو قهر
خلت النظارات على راسها وعطرها ترس البيت
كلنا مصدومين كال حلوه بس ماتوقعنه لهل درجه
تكون حلوه تخبل ما شاء الله باست ايد ابوي وراس امي اشوف كلهم مصدومين عمامي وعماتي
ولدهم وبناتهم طشينه على راسها جكليت
خطيه متوتره امبين وجان يمسك ايدها حرب
وشاورها ابتسمت شكد حلوه
التفتت على امل تكول لنسوان
امل - ها بدينه جا هذا اليمي شبي
- شوفي شلون ماسك ايدها عزه العزانه امل
امل - سكتي وخليها راح اموت من القهر
شوفوها شكد حلوه
عبير - اسمع كلامهم واضحك
نوريه - الف الصلاة والسلام
عليك يا حبيبي الله محمد
كلووووش صلو على الرسول صل الله عليه وآله وسلم
عبير - من الفرحه كامت امي تهلهل اجه حرب حضنته وكمت ابجي
حرب - خويه لا تبجين
عبير - بدموع /
لو تعرف شكد مشتاكتلك
حرب - انه اكثر الله لا يحرمني منكم
سجاد - هلا بحويرب خويه البصره توها نورت
بيكم
حرب - منوره بيكم حبيبي
قتيبه - خويه شلونك انرتو بعد اخوك
حرب - الحمد لله انه بخير اذا انتو بخير
سالم - ههههه ولك حويرب شصار بيك خويه
صاير تخبل
حرب - ههههه تسلم
_
_
بهار - اول ما نزلنه من السياره كلهم
صافنين عليه توترت بس هوه مسك ايدي
وكال
حرب - لا تخافين انه يمج بس ابتسمي
بهار - من مسك ايدي خف التوتر
رحت بست ايد ابو حرب وبست راس امه
التفتت اشوف كومه بنات وولد التمو على حرب
ويحضنون بي ويبوسو ويحجون ويضحكون
حسيت نفسي غريبه بينهم حس بيه رجع مسك ايدي وعرفني عليهم
هذا فلان وهذا مرت افلان
كلت
مرحبا شلونكم
عبير - هلا حبيبتي هلا بمرت الغالي
قتيبه - شلونج خويه
سالم - هلا بمرت حويرب
سجاد - هلا بيج خيه
عبير - سلمنه عليها كلنا
بس الجناين وجهال رغده من وره خشمهم
سلمو عليهم
و صارو شريفين براسنه كامو يحجون
على ملابس مرت حرب
علاء - حرب شني هاي مرتك وشني لابسه
حسن - عيب احنه وين كاعدين
علاء - فشلتونه كدام الوادم
حسين - اذا اسمع كلمه وحده اطردكم بره كافي بسكم حجي ماله معنى جبتو عمركم كله واحد يكره الثاني
حرب - رحت بست راس ابويه وحضنته
كلت
معليك بويه تركهم انه جاي من السفر
وتعبان مالي خلك مشاكل
عبير - كعدو وتغدو وضحك وسوالف
ورغده وجهالها مطنكرين شويه وسمعنه
صوت صياح طبعاً لازم رغده تسوي سالفه
ليش تخلينه نفرح مثل الناس
رحنه نشوف شكو
والصدمه شفنه .......................................
_
_
_
__________
يكول الأستاذ حرب
______________
عيونج تنعشك كوة
يمن كون لسلف يندارلج فدوه
______________
ومثل ما وعدتكم صورة
الأستاذ حرب طبعاً الصوره جديده
مو كلش قديمه
حبايبي لا تنسون التصويت بالنجمة وتعليق بين الفقرات وتفاعلكم مع الرواية
ومتابعه لحسابي واتباد
Jehan-Stories
وحسابي انستجرام ⬇️
انشر اهناك كلشي يخص الرواية
والان دمتم بخير قلبي
في امان الله
<<<<<<<
سبحان ألله
ألحمدلله
لاإله إلاألله
ألله أكبر
<<<<<<<
#خطوات نحو الموت
#للكاتبة جيهان آغا