بسم الله الرحمن الرحيم
'أراد القــــدر ان نلتقـــي'
للكاتبه شــاهـــَ
Shahd Hisham
لاتنسون التعليقات بين الفقرات /
التصويت بالنجمــه
والمتابعه للحساب /
::::::::::::::::::::::::::::::::::::::::::
هجران:
بعد ما اجو اهل الولد دخلنه انا ونسرين عليهم سلمنه واهنا وكفو من شافو نسرين عبالي اعتقدوها العروس بس من طاحت من ايديها الصينيه وجمدت بمكانها مادري شكول دخلن البنات يركضن مايعرفن شنو السالفه
اردف
دكتور قسام: نسرين هاي انتِ
انصدمت منين يعرفها استاذ قسام وليش هيه هيج خايفه طلعت زهراء ودقايق ورجعت وياها هشام خلاها بحضنه وهيه تسولفله كلشي ومن اردف اساذ قسام انا احبها اهنا تركها هشام وتوجه لقسام انقلب البيت بالصياح يردون هشام يوخر عن رامي دخلو الولد بعد ما غفران صاحتلهم حاوط ضرغام ضهر هشام يحاول يوخره هوه وجبر وضيغم وسبع حاولو يوخرونه الى ان طاحت نسرين على الكاع باوعلها ضرغام واردف قريب من اذن هشام
ضرغام: عضيدي ام الادهم انغشى عليها تحمل غضبك وشوفها شبيها
باوع هشام لضرغام ودار يباوع لنسرين ركض الها شايلها وطلعو بيها للمستشفى ضلينه منتظرينهم حسيت بتقلصات ببطني صدت للغرفه اخذ علاجي لكيت رامي كاعد اول ما شافني وكف وتقدم الي اجه يلمسني رفعت ايدي بوجها واردفت
هجران: وخر رامي لاتجيسني لا اندمك واصيح والم البيت عليك
رامي: هجران انا ادري انو غلطت وياج هواي بس ماجان قصدي
هجران: هه شنو الماجان قصدك بي فهمني دكتور رامي
رامي: جنت غبي وما افتهم لاكن حالياً احس روحي صرت احبج واريدج انطيني فرصه حبيبتي
هجران: كافي جذب ياخي ماتتعب انت ماتمل ماتكل الى متى تضل بهذا جذبك وحقارتك
ماحسيت بس من ضربني راجدي وجر شعري من فوك الشال
رامي: شوفي ولج عود كلت اريد اصلح كلشي بس انتِ كح***** تحبين الكتل والتعنيف والنومه وياي لذالك ماتتوبين
هجران: رامي يجي يوم اشوفك متعذب رامي حاول تتقرب من ربك لان الموت حق وباجر عكبه اذا اجاك شلون تقابل ربك
حجه وضل يكفر
رامي: ******* يارب يا موت انتِ والله بطرانه هوه لو صدك يكدر يغير كلشي جان خلاني صرت خير بعدني عن الامور الموزينه ه******
سديت اذاني من ضل يكفر بالزايد
هجران: كافي حقير لاتكفر كافي انت مابيك خير لاتحجي على قدرة رب العالمين كافي
تركني وطلع ودموعي نزلت ليش اخخ ليش مكتوبلي هيج ربي انت ارحم الراحمين وادري ماتصعب شي اله حتى تنطي الاحسن منه راح انتظر تفرج هاي السالفه وثقتي بيك قويه يا ارحم الراحمين
اخذت علاجي واخذت تلفوني اتصلت على هشام مايرد اتصلت على ضرغام قبل لاتنتهي المكالمه رد
ضرغام: ها ابويه شبيج صاير شي يمكم
من سمعت صوته نزلت دموعي ضرغام اخو ماكو منه
هجران: لا ابو الاسد بس حبيت اطمن على نسرين شنو كعدت لو بعدهي
ضرغام: لا والله بعدهي وصوتج شبي شنو جاي تبجين
ضحكت جذب وجاوبته
هجران: هههه لا يمعود مابيه شي بس تعبانه من الحمل
ضرغام: راح امشيها الج على مزاجي ادري بيج جذابه بس ديري بالج على الطفل وعلى نفسج وكولي لرامي يجيبلج الحبوب قبل لا يخلص تمام ابويه
هجران: تمام راح اكله ربي يطول بعمرك ضوضي
ضرغام: ولج انتِ شلون بيج ماتتوبين
من كال هيج تذكرت رامي
هجران: اسفه ضرغام اعذرني اخذت ميانه زايده ماتنعاد ان شاء الله
ضرغام: شبيج يابه صوتج تغير عادي شتردين تصيحيلي صيحي واوفق وانا الممنون هم بس لاتزعل ام السان شاجور
هجران: تمام يله راح اروح
ضرغام: روحي يابه
سديت الخط ونزلت يمهم ومرت الساعات واجوي للبيت دخلو رحنه لنسرين سلمنه وقبل لايدخل عمها كمنه شويه وكلهم راحو صعدت لغرفتي تمددت ورامي مارجع ب2:33باليل انفتح الباب ودخل شميت ريحه موحلوه كمت بساع لكيته رامي واكف ويطوطح مشيتله واردفت
هجران: رامي شبيك شصاير وياك
التفت عليه وتقدم حاضني واردف
رامي: حبيبتي انا اسف والله احبج
ابتسمت عبالي يقصدني وبادلته الحضن كمل
رامي: اڤياني احبج لاتزعلين عليه كمت اشرب واتعاطى كله بسبتج
وخرت عنه بساع دافعته على الكاع من كثر الصدمه والخذلان الحسيته وحق الله حسيت شي انكسر بداخلي سمعت صوت شي ينكسر دخلت للحمام توضيت وهوه بالكاع يهذي ويسولف عن حبه الها فرشت السجاده وطلعت مناجات التائبين ضليت اقره واباوعله ودموعي تنزل خلصت وكمت فتحت الباب وانا بحرام الصلاة دكيت الباب على ضرغام على ابويه الثاني انفتح الباب وره خمس دقايق فتحه يفرك بشعره ويعدل بالغالينه من شافني تفاجأ اردف
ضرغام: شبيج بنيتي شصاير وياج ليش عيونج حمر وشنو لمكعدج بهل ساعه
بجيت واردفت
هجران: يابه رامي هئ رجع هئ شارب ويطوطح هئ ويصيح اڤياني انا هئ اسف انا احبج ضرغام روح شوفه شبي انا ماعرف شلون اتعامل وياه
بهت لونه وهوه يباوعلي
ضرغام: يصيح بأسم اڤيان
هجران: اي وعادي واذا تعودت بس اخاف لايصيرله شي حباب تعال وياي شوفه
مشه دك الباب على غرفة محمد وكعده وكاله
ضرغام: رامي شارب
بساع باوعلي محمد واردف
محمد: اعذرينه خويه
هجران: عادي ابو مصطفى ماصار شي
مشو ثنينهم دخلو للغرفه شالو وخلو بالحمام ومحمد اردف
محمد: خويه طلعينه اله ملابس ضرغام راح يسبحه
هزيت راسي ومشيت طلعتله ملابس واسمع محمد وضرغام يصيحون عليه وهوه يكلهم حبيبتي اڤيانتي تريدني
طلعو وره ساعه خلو بوحده بالحمام ترخصو وتركو الغرفه وطلعو طلع وراهم راح نام وانا انتظرت الاذان اذآن الاذان صليت واردفت
هجران: ياواحد يا احد ياشافي ياغفور يا مدبر كل شي اسألك التوبه واسألك الخوف من معصيتك يا ملين الحديد لداوّد لين قلب رامي ابن عدنان ولا تخلي يتمتع بمعصيتك اذا مو لخاطري لخاطر الطفل لبطني ربي اني قد مسني الضرر وانت ارحم الراحمين
كملت ودعيت زيارة عاشوراء جان دائماً ضرغام يكلي بيها راحه نفسيه وصدك كلامه
بعدها قريت دعاء علقمه وهذا صراحه من اكثر الادعيه الي اذا قريته وطلبت شي رب العالمين حتى اذا يأخره عليك بس تأكد يحققه
وقريت الصلاة على الامام الحجه عجل الله فرجه الشريف وهذي اكثر صلاه احبها كلش حلوه
كل هاي الامور علمني عليهن هوه وهشام تمنيت ارجع صغيره وماكو بگلبي هم
خلصت وتمددت على السجاده صافنه حسيت بنفسي غفيت
شفت طفل صغير يلعب ومره ما اعرفها حتى شكلها مامبين راحلها يزحف الطفل بس هيه تدفعته وراحت ضل يبجي نزلت دموعي من شفته يبجي صحتله
هجران: ماما تعال شبيك تبجي حبيبي
دار عليه باوعلي واجه يركض توه يزحف شمر نفسه عليه يبجي
- ويكول: امه مي
هجران: كافي امي كافي حبيبي لاتبجي
فجأه فزيت من الحلم جانت الساعه 4:44دقيقه كمت عن السجاده وبالي يم الطفل والحلم الغريب نمت وثاني يوم كعدت حاجتني عمه تعتذر وكتلها ماصار شي وعادي عندي
ومرت الايام وبيوم جنت واكفه ارتب نفسي علمود الكليه تلمست بطني ولا كأني راح ادخل بالرابع كلش ضعيفه ولا عبالك بيها طفل كملت وبنزلتي صار مقابيلي رامي توه راجع من يم جماعته هه يروحلهم من وره العشاء ويرجع الصبح
هجران: صباح الخير
رامي: صباح النور
تركته ونزلت تريكنه ويه ضرغام ورحنه للكليه وصلنه وجان نلاكي استاذ قسام مداوم تجاهلنا ومشينه ومر الوقت وثاني يوم طلعو ضرغام ومحمد وعمي علمود يرحون لبيت حبيبت علي وهاي غفران طايره من الفرح
ضلينه نسولف انا وياها الى ان اجو وره ربع ساعه سألتهم عمه
ام ضرغام: ها شصار وياكم انطوكم لا
وسولفولنه كلشي وغفران ضلت تبجي وشفتها صعدت ليفوك كالت
غفران: راح اروح اخابر علي
ايدوها كلهم وراحت تركض علمود تخابره كلش احب علاقتهم تذكرني بنفسي ويه ضرغام
باليل ونزل ضرغام ومحمد يركضون كالو علي ماموجود ويدورون عليه غفران كطعت روحها بجي وتدعي وماكو وعمه تبجي وتكلها
ام ضرغام: يمه غفو على كيفج وين نفسج
غفران: يمه هذا اخوي يمه كلشي ولا عليوي يمه اذا صار بي شي اتخبل
تجي وتروح وره شكثر اله اجو دخلو بس محمد ما اجه وعمي حاني ضهره ويكول
ابو ضرغام: الله يعين گلبك ياسين الضنه غالي
رجف جسمي وصحت
هجران: ابن امي شبي عمو
كعد على الغنفه وارف بحسره وحزه هزت اركان گلبي الكلمات الكالها
ابو ضرغام: بويه اخوج علي ان_______ يتبــــع
استودعتكم الله عزيزاتي
🌺 للحكايه مسار طويل 🌺