ثأر الجموح (قيد التعديل)

البارت عشرون والاخير

#ثأر_الجموح

البارت عشرون ولاخير

بقلمي:-مـلـك الـمـدنـي

انتَ اماني وسندي وكل حياتي.
كلمه واحده فقط اقولها..
-احبك الى اخر يوم في حياتي..

لا تنسون التصويت +التعليق على كل الفقرات +
متابعه لحسابي🦋

قراءة ممتعة انساتي🦋❤️
كل
.__________________.

شمس"

انصمدت بس بنفس الوقت فرحت وحسيت بانتصار..
كسار:-لا ما اوافق

جمر:-شنو مجاي اسمعععع شكلتتتت

كسار:-كلت لااا

جمر:-شبيك كسار صدكك تحجي

كسار:-قابل مجذب

وسن:-ياا شبيك كسار الولد رايده للبنيه اطيه اياهه

كسار:-باوع اني موافقتي على موافقته اذا هيه وافقت اوافق واذا لا انسه شي اسمه خطبه وشمس

جمر:-ماشي،شمس تقبلين بيه

استحيت وشحت نظري على كسار غمض عينه وهز راسه
بـ اي،ابتسمت واردفت
-ايي موافقه

سمع هيج وما نسمع غير هلهولت علي

علي الاكبر:-صلاوات صلاوات على محمد وعلي هللللللللله صار عدنه عرس عرس عرس عروس وعريس. ومعازيم وخطوبه هللللللله يلللله الف مبروككك حبايب گلبي يلله امشو نشتري حلقات وذهب وبدلات وكعب وحذاء ونيشان وغرفه وملابس للجهال

جمر:-ستوبببببب لهنا واوكف يمعود شسالفه بعدنه ما كلنه بسم الله وانتَ خرطت كلشي

علي الاكبر:-هاي شبيك هسه اني شكلت

جمر:-لا يابه كلشي مكلت

بدو يداهرون واني ومروه رحنه للغرفه نسمع عركتهم سويه،بدت تجهيزات الخطوبه والعقد نفس اليوم،مرت فتره واحنه نحضر تقريبًا خلصنه نص الشغلات الي علينه من ملابس وترتيبات وكلشي بقه بس نعزم وبدت خاله تعزم وعزمت عمي وكلهم بالبدايه عمي زعل لان ما خطبني منه بس بعدين رضه لان كلت اله هيج وهيج السالفه ما علق هواي عليه...

اجه اليوم الي راح نعقد بيه اني وياهه الفرحه الي بداخلي ماتوسع بلد اتمنيت امي ماسوت العركه من كلت الكم عفت امي مو يرضاتي هيه طردتني لان سجنت اخويه وخالي ما حجيت كلشي اله بس صارت عركه واخره راح نرجع نتصالح،نعوفكم من هذني السوالف الحزينه ونركز بزواجي اني وجمر صح جمر جان يضايقني بس بعد ما اتبين كلشي وليش جمر حاول انو يسوي هذه الشي راح اعذره ارجعكم شويه للحظه الاولى الي التقينه بيه اني وجمر....

Flash Back:-

واكف اسمع حجي ابويه عبر التلفون اتنهدت وهوه يهدد بيه لازم اسوي هذه الشي
ابو جمر:-جمر اسمع اذا مسويته انسى عدك اخت واختك شوف شسوي بسه

جمر:-مثل ما هيه اختي هيه بتك

ابو جمر:-اني ما جنت ملزم على الطفله هيه حبلت

جمر:-يعني شنو قابل شون حبلت من زرف الحايط غير منك انتَ وياهه يعني شنو جاي تضحك على روحك

ابو جمر:-باوع عوف هذني السوالف روح حط السجينه بطنه بصدره باي مكان بس كون يصير تهديد لـ كرار حتى يعرف

جمر:-وانتَ ليش هيج اتريد اتسوي بيه وهوه اصلا خاله

ابو جمر:-صح خاله بس هوه معتبر نفسه هيج تعرف شنو يحبه يعشه لـ شمس

جمر:-شهل لعبان النفس هذه

ابو جمر:-هسه انتَ سوي الي كتلك عليه وهاهيه لو انسى شي اسمه اخت

اتنهدت وسديته منه،رحت كعدت واكبر بس يسال بيه ذبحني عفته ورحت بديت افكر شسوي حتى لا اقتله او اسوي بيه شي رجعت راسي بتعب وهم من الكل محد يفتهم شكد تعذبت حتى اوصل لهل مرحله من التفاهه وصلت بعد تعذيب،اجه يمي صديقي كعدنه سوه وبده يحجي بالخطه واني بس اهز راسي بقيت كاعد فتره طويله بعدين رجعت للبيت..

كعدت ثاني يوم حتى نسوي الخطه ورحنه اله سوينه كلشي بس استوقفني شون تتوسل ضربته برجله بس خدرته حتى لا تحس بشي بس مهما يكون سجينه واخترقت جسمه طاحت بالارض شلناهه ودنياها للمستشفى حطيناها ورحنه اطينه رقم اخوه ورحنه...

عوده"

اعتقد هسه عرفتو شون جان السبب عذرته من عرفت هسه عوفوكم خلي اكمل مكياج حتى اروح البس بدلتي الجميله والكتكوته،اجه وقت العقد احس نفسي دخت ومجاي اسيطر على نفسي جانت خاله وسن واكفه وياي اتمنيت امي موجوده او حتى اخويه بقيت افكر بيهم وحسيت نفسي غريبه بوسط ناس مو ناسي..

دخل ولبسنه الحلقات حسيت نفسي حيل متضايقه واريد ابجي بس استحملت لان ما اريد اخرب على احد،لبسنه الحلقات واني ملتني الفرحه اتغاضيت عن شعور الحزن وفقدان كل اي احد من عائلتي،جمر بس يتغزل بيه والفرحه مسايعتني من كل جهه عوضني وجود جموح ومروه وياي....

،،،،،،،،،،،،،،،
مروه"

اباوع عليه شون جمليه وحلوه بدلته الورديه وهيه ناعمه طالعه اميره تجنن شي كيوت وصغير جموح شي ثاني هيه وبطنه الي جاي تكبر،صح جموح حبلت بتوام بعده بدايت اشهره وبطنه كبيره يعني صال اله شهر او شهر ونص عليه لان همه صال الهم شهرين من ازوجو كتكوتين اثنيهم حتى جمر وشمس..

اجه علي ياخذنه صعدنه كلنه ويانه خاله وسن جموح كدام واحنه الثلاثه سويه،بقينه الطريق كله نركص واغاني والاجواء تجنن،وصلنه ونزلنه كعدنه بالصاله واكو هواي ناس منهم اهل شمس اجوي وامه وغادة تجنن ملامحه وهيه كله تجنن جانت كيوت طالعه كلهم حلوين واكيد اني هم طالعه حلوه واني احلاهن،صارت الحفله وعقدو اجه الوقت الي لازم يدخل العريس حتى يلبسون الحلقات اباوع عليه شون صارت حمره وخجوله كلش ولا عبالك نفسه الي تتعارك وياهه دائما ضحكت عليهم وعفتهم يتسامرون وحدهم اباوع عليه خدوده حمر وشكله يخبل وهوه طالع صاك وحليو اباوع عليه عيونه تلمع حسيت عليه تريد تبجي عذرته لان محد من اهله موجود لا اخ ولا ام ولا اب بس عمه واقاربه يعني مو احد من عائلته...

مر الوقت بين الركص والاكل والسوالف وكلشي،خلص العرس والفرحه مرسومه على وجهه الكل،صعدنه حتى نبدل وهيه ويانه اشوفه شون تحجي عن كلام جمر وغزله ولمساته ضحكت واردفت
-هاي بدايت العقد هيج لعد وراهه شسون

غمزت اله وهيه طكته بضحكه
شمس:-لاا عيني ما اخلي يتقرب الي عينايي

مروه:-ديللله هسه عود نشوف شون متخلي يتقرب الج عود منا شويه بوسه شويه حضنه موو

شمس:-لاااااااا مروهه شجاج تره اني مو هلكد ادبسزز بس..

قاطعته..
مروه:-بس جمرر ساقط يحضي شبيج احتوي وعلمي على الشغلات الزينه وهوه يعلمج على الشغلات الادبسزيه

شمس:-بريهههه منجج لعد خلي نشوف انتِ شسوين بـ يزنن

مروه:-انجبي كلشي ماكو كلشييي ماكووو

ضحكت وبدت تركص بحواجبهه عطت بيه
-شبيججج ماكو شيييي

شمس:-هسه شحجيت

ردت احجي واردفت جموح
-شبيجنن يمممة منجن بس تصيحن يله كل وحده تبدل وتجي تنام

شمس:-اني اريد اشوف سوشي

جموح:-ماكو روحه عيني لـ زوجج

شمس:-هو شنووو ماكو روحه زوجي اريد اشوفه

جموح:-واني ما اقبل

شمس:-جموححححح

جموح:-وجعهه امشي يللله بدلن يلله

برطمت شفايفه شمس وكامت بعصبيه من يمنه وراحت رحت وراهه اضحك بدلنه ورجعنه للغرفه اتمدت وشمس بس تحجي
-ولججج كافييي يمممة يممة حروح انام يم خاله وسن

شمس:-اوييي شبيج هسه اني شحجيت هيه كم حاجه عن الي صار اليوم

مروه:-حفظت كلشي كلشي حفظت

جموح:-كافيييي نامننن يمعوداتتت

شمس:-انتِ متولين يم رجلج

جموح:-متعاركه وياهه وما اريد انام يمهه

مروه:-من حبلتي لحد هسه انتِ بس تتعاركين ويه الرجال شبيج عيوني راح يكرهج

جموح:-شحده اذبحه غيررر

شمس:-ديلهه عيني جنج بطريق

جموح:-ادبسزز وانتِ جنج سعلوه

شمس:-يممممةة اني سعلوهه انتِ جنج خفاش اليل

جموح:-يممةة وانتِ بريعصي دباع شضعفج

شمس:-اخخ قهرتيني على لاقل ما امشي عبالك بطريق

مروه:-يممممةة كافي سطرتني كافييي نامننن عدنه كعده من صباحيات الله

سكتن ونمنه كلنه،مرت فتره طويله يعني تقريب الثمن اشهر كاعدين كلنه بالصاله انتظر شمس تجي حتى نطلع لان بعد شهر العرس مالتهم وهيه فوك معلكه جموح مقابيلي اشوفه
كل شويه تلزم بطنه ضجت وعطت بيه
-شبيج توجعج احجيي شبيج مو طك كلبي

جموح:-اخخ مروه توجعني

بس كالت هيج كمت اعيط
مروه:-ولجججج خالههه الحكييييييي حجيبببب

جموح:-اخخخخ ولججج اني اجيببب انتِ شكوو يمممة صيحي احدد يجييي

كمت ما اندل دربي حتى الطريق تيهته اصيح نزل جمر وعلي ويزن وجهم مصدوم وخايفين نطق علي بخوف
علي الاكبر:-شكوو شكوو منو داهم علينه منو فاتتت

مروه:-جموح جموح

جمر:-اييي شبيههه خر***

مروه:-حجيببببببب جموح راح تولدددد الحكوووو

صارت هوسه ومحد مندل دربه اخذناها اني وشمس وجمر بالسياره دكو على كسار الي جان بالشغل طلع وهوه مستعجل واحنه بالطريق كل شويه نريد نسوي حادث يسوق بجنون ورانه علي وخاله ويزن،شمس تبجي ويه جموح وثنينهم بس يبجن جموح من وجعه وشمس وياهه على الواهس واني اعيط عليهم....

وصلنه بعد عناء طويل فآتت لغرفه العمليات واحنه كاعدين بره ننتظره مرت ساعه وماكو خفت احس بيه شي ادعي ربي ميكون بيه شي او او العمليه ما صارت زينه،كومه افكار صارت عدي ومادري شون ارتبه بالي يمه وادعي ربي ميصير شي اله بقينه كاعدين هواي يله طلعت الدكتوره وبيده طفل والسستر كامشه الثاني،ما سوينه تحليل للجنس البيبي خليناه مفاجأة ليوم العمليه ابتسمت واردفت الدكتوره

:-الحمدلله المريضه بخير والاطفال هم

اتمشيت بهدوء يمهم وگلبي يدك سريع عبالك جهال اختي،بس.!
هيه صدك اختي واكثر هم،دكيت على روز علمود يجون هيه واهلي،ايي يعني اتزوج حسين زواج عادي خالي من اي اثاره،نرجع لجموح،اجتي هيه وامي وحسين شافوه وتحمدو اله بسلامه

جموح:-خاله مجان اله داعي تجون وتعبون نفسكم

زينه:-لا يمة شون احنه اهلج واكثر هم شون منجي على ولادج

جموح:-يعمري خاله

نزلت امي وحضنت جموح وبوسته راحت يم الجهال وشالتهم تبوس بيهم الي همه بنيه ولد

روزا:-شنو اسمائهم

كسار:-جمح هيه تختار

روز:-ايي جمح شنو اسمائهم

جموح:-ادم و ليان

كلنه سويه:-الله يخبلننن

ضحكنه على كلمتنه الي صارت سويه بو يحجون عن هواي اشياء واني بس اباوع افكر لو سديم يمنه اكيد جان هيه هسه جابت واكيد همه هسه كبار،مر على وفاته ثلاث سنين وابوسه مر على وفاته سنه ونص راحو العزيزين على گلبي واخذو وياهم روحي جنت بواحد صرت باثنين،الحمدلله والشكر على كل حال اثنين ولا افقد بعد...

باوعت عليهم واحد واحد وطلعت بره كعدت على الكراسي منزله راسي شويه وحسيت احد كعد بصفي رفعت راسي وشفته يزن ابتسم وحك ارنبت خشمه واردف
-اريد اكول شي

-ايي تفضل

-زاد فضلج مشمشه

ابتسمت من دلعني هيج واردف
-احم استحي

حطيت ايدي على حلگي وضحكت واردفت
-من شنو

-انو اكوله احس حرام

-هيه شنيه

حطيت عيني بعينه شفته شون سرح عيونه صدمني من اردف
-احبج...

بقيت صافنه بوجهه وگلبي نبضاته كل ماهيه تزيد ويه كل نظره منه شحت نظري عنه وگلبي يدك حيل اتلعثمت من الحجي ورجع اردف
-ما اريد شي اريد اجي اتقدم وهاهيه ما احب يصير شي بس اذا وافقتي اجي اتقدم

معرفت شحجي بس اتمالكت نفسي واردفت
-ايي تعال من الباب احسن

كلت هاي الكم كلمه وعفته ومشيت بتجاه الغرفه شفت شمس واكفه شافتني وبدت تركص بحواجبه وكفت يمه وكفخته على الخفيف ضحكت واردفت
شمس:-هاا مبين حبيب الگلب اعترف

مروه:-بسج وامشي جوه يله

شمس:-هاهايييي

مروه:-بطلي ضحكت السقاطه هاي

شمس:-اويي حياتي وش فيج انتِ الحين

مروه:-عوجتي حلكي كبور التلفج

شمس:-يمممة خلي اروح لسوشي يضمني منج

مروه:-ايي روحي عيني لزوجج يلفج بدال الكبر

شمس:-يممة منج بريههه منج عين البارده عليه

هزيت راسي بـ لا واني استغفر ربي منه ما اريد احجي شي زياده علمود لا اسبه هيه و رجله عفته ومشيت وهيه ورايه تحجي علمود اكول اله شحجينه اني ويزن ومقبلت اكول اله..

طلع الاربعين مال جهال وبهاي الفتره خلصنه تجهيز عرس جمر وشمس اشوفهم شون فرحانين وكتاكيت سويه اضحك على منكارتهم واشوف اكبر شون فرحان بس اعرف بيه غصه مثل الي عدي رغم الفرحه بس يبقه نقص بيه،اليوم الحنه والزفه من احلى الايام الي عشته جمر وشمس عيشونه الحب واجمل تفاصيله اخليكم ويه تفاصيلهم الجمليه...

،،،،،،،،،،،،،،،،
شمس"

واكفه اشوف نفسي اخر مره بالمرايه مال قاعه ومروه بصفي طلعنه حتى نحني وهوه ويه اصدقائه واني وياهم دخلت للقاعه ويه الاغاني والملا وكلشي اجه وقت اتحنى اجتي امي الي عانيت حتى صالحته،اشوف الفرحه بوجهه الشخص الي ما جنت اتمنى اكعد وياهه بنفس المكان او احجي وياهه صار زوجي جمر عوضني عن اسنيني واني راح اعوضه عن كل مر صار بحياته واصير اله الحلاوه مال ايامه،كلشي قليل بحق كلشي سواهه الي دافع عني ساندني سوه كلشي حتى ارضى بيه ورضيت واني كلي ملكه هسه هوه احد ممتلكاتي هسه...

اجه وقت الزفه واني واكفه على الدرج والي جاي يزفني ثائـر ايي ثائـر طلع بعد معانات درت نظري على ثائـر واكف يباوع عليه وعلى المعازيم اشوفه يدور بعينه غادة الي اخذت گلبه اول ما شافهه اعرف كلشي عن ثائـر و باهـر بعدله سنتين ويطلع،حطيت ايدي على زنده وهوه شد عليه نزل راسه ضحكت والدموع بعيني اردف وصوته بيه بحه
ثائـر:-ما جنت متخيل هيج نهايه شمس جنت متخيل كلنه سوهه

شمس:-الي صار مقدر وهذه حق كلشي سوهه همه

ثائـر:-لا تخربين عرسج بهيج تفكير فكري بالمستقبل بزواجي وباطفالج وبكلشي حلو وسعيد اتمنى ما ابتعد عنج او انقص عليج بشي انتِ روحي و الروح صعب تتفارك شمسي

شمس ودموعي مليانه بعيني:-ولا اني اكدر افاركك واحد بعد

هز راسه ومسح دموعه ودموعي،جاي ننزل اني وياهه وهوه بس يوصي بيه اهتم بـ جمر وانسه كلشي و يوصيني اهتم بيهم وما اصير مشاكسه حجه هواي وصه هواي عليه وعلى جمر واهله وصلنه يم جمر واجه يمي وكف سلم على ثائر اردف

ثائـر:-باوع جمر شمس بالنسبه الي اخت واعز هم هيه كلشي اذا زعلته ما تلوم بس نفسك جاي تسمع يعني ما اريد منك اي غلطه اريدك تحتويه وتساعده وتحترمه وتقدره دير بالك عليه هاي روح والروح ما تنعاف اذا شفت بعينه لو قطرت دمعه اكلب الدنيه عليك

جمر:-لا خويه بدون توصيه احطه بعيوني كم شمس عدي هيه وحده وصارت الي وبروحي احطه واضمه واقفل عليه ما اخلي شي يمسه

ثائـر:-عود طلعه وسفره وخليه تدرس يعني مو تحرمه من شي

جمر:-لا تخاف احطه بروحي واداريه هم

سلم عليه وباس راسي وراح،اتشبثت بايد جمر ورحنه للستيج مالتنه كعدت على الكوشه وهوه بصفي باوعت عليه وعيوني تلمع وهوه يباوع عليه ضحكت من بده يغازل

جمر:-اروح فدوه لهل عيون هاي شون اني بهل العيون

شمس:-شحسوي تشلعهن

جمر:-يممة انتِ مو مال غزل

شمس:-لا غازل اريد غزل

جمر:-انتِ اول ممتلكاتي،انتِ اعظم انجازاتي،انتِ دوه لـأيامي المتعبه انتِ اول شخص يرف له قلبي انتِ شرياني الابهري

شمس:-اخخ شكد رومسني خرب يومكك

جمر:-مو اكول مو شكول غزل

شمس:-لااا شبيك اوي شكد نحيس

جمر:-يمج اضيع وانتِ اضيعيني بعيونج السود

شمس:-اخخ شكد رومانسي جاي تقتلني برومسنيتك عود ردت اتغزل بيك بس يحسرتني بس اعرف اكول كلمه احبك

جمر:-اشو كولي احبك

شمس:-شسوي بيه

جمر:-املي مسامعي

شمس:-لاا يمممة عوفني

جمر:-حسره عليه سنه كامله اريد اسمعه ماكو ماعدج احساس

شمس:-احبك..

جمر:-شنو شنووو مسمعت

شمس:-مشكلتك

جمر:-عيديه

شمس:-كوم نركص سلو

ضحك عليه وتشبث بايدي وكفنه نركص قربت وجهي عليه ورجعت اردفت بصوت ناصي ومليان حب ومشاعر..
-احبك يا اول شخص يرف گلبي اله..

جمر:-احبج يا اعظم انجازاتي..

ضحكت عليه وحطيت راسي على كتفهه.....

فتحت عيوني على وجهه فزيت من جان فاتح عيونه ويباوع عليه
-بسم الله

-شبيج شفتي جني

-لا بس انتَ خرعتني فاتح عينك هيج

-اباوع عليج

-مو ملكت جمال كدامك

-انتِ بـ نظري ملكت جمال العالم

-جاي تخجلني انتَ

-اخخ احب من تخجلين اموت بيج شمس اموت بربح شكد حلوه اخخخ يمممة گلبي نبضه هيج يرعد رعد من نظره منج

-شبيك يولو احسك تخبلت

-ارجعي كوله

-شنيه

-كلمت احبك

ضحكت وغطيت وجهي سحب ايدي وضل يلح عليه ضحكت وتقربت منه حجيته بخفوت والضحكه بوجهي
-احبك..

-اخخخ احله احبك اسمعهه اخخخخ گلبييي يرعد رعدد

-شبيك هيه كلمه

-تدرين هاي الكلمه شنو بالنسبه الي

-شنو

-هاي الكلمه ترد روحي رد لو بنص الموت واسمعه اصحه

-لااا مو لهل درجه جمرر

-لهل درجه يمي

-يمةة احس گلبي صار يرعد

-اخخ منج بواكهه تبوكين كلامي

-احبك..

كلته وكمت تركض للحمام اسمعه يعيط
-اخخخ يممة اخخ اشتعلت مرت ابويه

ضحكت عليه غسلت وجهي وطلعت هوه دخل غسل واني بدلت،طلعنه ورحنه لبيت خاله وسن،وصلنه وكعدنه نتغدى واني انظر مكالمه من ثائـر،وأخيرا دك كمت بسرعه وجاوبته
-هااا وينكك

-اريد اخطببب اشتعل جدي بكبرههه هاي بت المسموط طلعت هيه وملابس مبينه تفاصيل جسمه

-عزهه ولك اخاف مو هيه

-لا هيه شبيج بس واكفه وره بيتهم

-عزةةةةة بعينج شمس ولكككك ادبسزز امشي وخر من بيتهم

-بلله واحد شافه

-انجب كلهم محترمين بس انتَ عينك زايغه امشي يللله امشي اطلع

-هسه شبيج هيه شويه سرقت نظره اعتبريه حلال

-اخخ منك،شوكت نخطبه باجر زين مو؟

-ايي كلش زينن كلشششش

ضحكت عليه وكعدنه نسولف سديته منه ورجعت يمهم كان الهم حتى نروح نخطب وافقو،كضينه الكعده كله بس نسولف ونحجي بالكل جابو طاري زواج يزن بس انصمدت من كالو راح يزوج بت خالته اشوف مروه كاعده وعيونه غوركت بالدموع وتباوع عليه وهوه يباوع بالارض دغيت جمر وركصت حواجبي  هوه افتهم ابتسمت برضى وكمت يم مروه كعدت
-هاا مو كلتج اخذي قبل لا يطير منج بس انتِ گلبه

-انجبي شسوييي يعني شسوي

شمس:-مروه عيوني انتِ جاي اكول الج اعترفي اله

مروه:-بسج بسج وكومي يم رجلج يلله

ضحكت وغميته ورحت يم جمر هزيت راسي بـ لا وهوه افتهم
مر الوقت واجه ليل صعدنه كل شخص بغرفته ونمنه..

كعدنه ثاني يوم حتى نروح نخطب،وصلنه وفتنه لبيت عمي سلمنه وخلصنه وبدينه نسولف وهوه ويانه وكل شويه يدغني بمعنى احجي يله ضجت اخر شي كلت لعمي
-عمو اريد اكلك شي

ابو سجاد:-كولي عمو

شمس:-عمو اني اجيت يعني كلنه اجينه حتى نطلب ايد غاده
لـ ثائـر تقبل لو لاا بس اكيد تقبل وين تلكه مثل ثائـر

ضحك واردف
ابو سجاد:-ايي والله ماكو مثل ثائـر اثنين هوه واحد ودخل السجن وطلع واجه يخطب

اباوع عليه غص بالچاي ضحكت واردفت
-صح وهوه تعلم من غلطه واحنه نريد نجمع راسين بيت واحد

كسار:-ان شاء الله بيه الخير عمي وتقبل ونجمعهم بالحلال

ابو سجاد:-اني العليه موافق بس تبقه يمه هيه

باوعت عليه بقت ساكته شويه واردفت
غادة:-الشور شورك بويا اذا انتَ موافق اني موافقه

بس كالت هيج واسمع هلوله عرفته علي الاكبر كام وهلهل بعد مره واردف
علي الاكبر:-هللللله صار عدنه عرس يلله بويه امشو نحظر اله

ضحكنه كلنه عليه وبدت السوالف وحجينه على المهر وكلشي واتفقنه على كلشي بقه بس نجيب الذهب والحلقات والشيخ وهاهيه،مشت الايام واجه يوم العقد جانت كتله من الطافه،عقدو وجانت شي جميل كلش ورقيق كلشي جان بسيط وحلو،تم كلشي من عقد السيد وتلبيس الحلقات وهيه مبين الفرحه على وجهه وهوه هم حلوين سويه...

رجعنه للبيت وحطيت راسي على المخده افكر حسيت ايده جاي تلعب بشعري فريت راسي عليه وهوه ابتسم اردفت
شمس:-هاي السنه مليانه اعراس والي جاي تحبل وووو صحيح

جمر:-ايي كلش صحيح هواي اعراس صارت ومصار وقت انو نجيب طفل

-انجب جمر نام نام صعدت عدك الحماوه او روح اغسل اذا احتريت

-هسه شبيج جاي اطي اقتراح

-خلي اقتراحك لروحك

ضحك وسحبني حط راسي بركبتي ونام ضحكت واني هم نمت....

،،،،،،،،،،،،،،،
جموح"

سحبت ادم حتى ارضعه ودخل كسار ابتسمت شفته شايل باقت ورد اتقدم يمي وحط الورد مقابيلي ضحكت سحب ادم مني لان جان نايم وهوه اجه حط راسه على رجلي ضحكت وكعدت افرك راسه اردف بهدوء
كسار:-مو كأن  هواي اعراس صارت عدنه

ضحكت وجاوبته
-ايي صح هواي اعراس صارت هاي السنه

-كلهم هجو يردون يزوجون

ضحكت
-احنه فتحنه الجبسه مالتهم

ضحك حيل وكام مني
-انتِ اجمل عروس اشوفه عيني

-ايي خلي اشوف عينك تشوف غيري اقلعه غير

-اخخ منج اخخ ولا مره غزلت ورجعتي الي هم بغزل كله معارك وياي

-اوييي كسوري شبيك

-اخخ يروح كسورج گلب كسورج اخذي كلشي تردي مني بس لا تبعديني عنج جمحه

-شون اني ويه هذول المعجبين

ضحك بصوت وسحبني اله صرت قريبه على وجهه اردف بهدوء
-شون اني ويه هاي الي ساحره گلبي

-ساحره يعني قصدك اني مشعوذه

-اخخ يممة من تردين تنكدين اطلعين ميت الف شي وتنكدين

-يعني قصدك هسه اني نكديه

-يمممة لاا. لاااا

ضحكت شويه واذكرت مروه سالته
-منو رجع مروه

-يزن رجعهه خليهم عادي يعترفون مو فته لگلبي يزن سوه گلبي قطع صغيره من وره نكه عليه وانتِ هاملتني مجاي اداوين جروحي

ضحكت واردفت
-دروح روح ابو جروح قلبك الصغير لا يتحمل اوي عيني

جاي يحجي ودك تلفونه اجانه صوت يزن وهوه يصيح

يزن:-كسارررر....

،،،،،،،،،،،،،،،،،،
مروه"

كعاده وياهه بنفس السياره وهوه بس يريد يحجي وميكدر واني نفس الحاله حسمت امري ولازم اكله
-احم يزن

-عيونه

صفنت وهوه هم صفن وياي شويه واردف
-احم اسف ايي تفضلي

سكتت بس اداركت الموضوع وحجيت بسرعه
-اني موافقه تجي تخطبني

فزيت من وكف السياره بسرعه ردت انظرب بالجامه فر راسه عليه واني اباوع عليه دنيت نفسي على الباب وهوه اردف
-شكلتي

-موافقه

-يعني اجي اخطب

-ايي تعال

-والله

-وعلي تعالي اخطب وحق ابا الفضل تعالي مو جذبه حقيقه تعال موافقه والله

-جايي باجر اني يمكم

ضحكت واردفت
-لا ما معقوله

هز راسه بـ اي وسحب تلفونه خابر كسار صدمني من كام يصيح
يزن:-كساررر باجر نروح نخطب مروه من اهله

كسار:-وانتَ شبيك مستعجل هوه كل يوم عرس او خطبه اسطبر خلي ثائـر يعرس وانتَ وراهه

يزن:-لاااا يعني لاااااا

كسار:-لاسبوع الجاي نخطب

يزن:- يا يوم

كسار:-يوم جمعه لان هاي الجمعه زفت ثائـر وانتَ خطبتك يوم الجمعه الوراهه هيج حلو

يزن:-تمام

سدته ودار عليه
-شفتي هاهيه يوم الجمعه الجايه خطوبتنه

-مو انتَ شويه مستعجل

-تره اني لو بيدي باجر اجي عادي ما عدي مشكله بس محد يجي وياي فه لازم انتظر

ضحكت عليه وعفته وصلني للبيت وراح فتت اني جوه وصعدت فوك،اجتي يمي روز وحجيت اله شصار كيفت هيه هم مو بس هيه حتى اني هم كيفت لان خطيت هاي الخطوه،مر الاسبوع الاول وازوجو غادة وثائر اجه اسبوع العقد والخطبة،صار يوم خميس وكلنه مجمعين نسولف ويمي البنات ونجهز شعور حلو بس بنفس الوقت متوتره حيل....

فزيت ثاني يوم والتوتر بعده بيه ما اخفي فرحي احبه لـ يزن بس توتر اي عروس يصير عده،رجعنه من الصالون وكعدت بغرفت امي اعدل نفسي اجتي يمي شمس وجموح هيه وجهاله
صفنت على نفسي بالمرايه وحسيت ما متقبله شكلي بالمكياج
دغتني شمس واردفت
-شبيج

مروه:-ما بيه شي

جموح:-عادي توتر اي عروس شمس شبيج انتِ احسج متوتره وياهه

شمس:-لااا ليش متوتره هيج يعني مدري ردت اكول شي

جموح:-دحجي يله

شمس:-احس بنفسي حامل مدري

مروه:-عادي احبليي يعني شراح يصير

شمس:-مو هيج مدري احس ما مستعده اني اكون ام.!

جموح:-اني مثلج فكرت سنه او اكثر يلله احمل بس صارت والله قدر اني احمل وحملت

شمس:-ما ادري والله ان شاء الله احمل لان اريد بيبي صغير

مروه:-مو ستوج متردين تحبلين شهل تناقض

شمس:-دنجبي ويلله امشي حتى تعقدين

حجت هيج وراحت كعدت يم جموح هدئت نفسي وطلعنه ثلاثتنه سويه رحت كعدت على الكرسي الي يم الباب وبده يقره حتى نعقد،كعدت انتظره يفوت وفات شكله بالقاط وهوه وشعره وكلشي بي حلو وطالع من صدك صكوك تقدم وكف يمي باس راسي وكف شركت حلگي من الضحك اخذ الحلقه ولبسني اياه وباس ايدي واني كذالك لبسته الحلقه وكعدنه اردف يم اذني
-ما لكيتي اشلح من هذه الفستان

-اويي شبي يخبل

-اشتعل جدي بكبره من خرب بهيج فستان

ضحكت وحطيت ايدي على حلگي،جان فستاني لونه وردي والضهر مفتوح والصدر هم وبس جاكه واني اموت على هيج فساتين مفتحه من كل جهه وبعد الحساب يمكم وآني صهباء جمعت كل معالم الجمال بيه وما امدح روحي ابدد مو.؟!...

اجتي يمي وفكت الفستان مر وقت الحفله حلو وكلنه استمتعنه بس فرحتي ناقصه شي واكيد تعرفون شنيه،فتحت السحابه وطلعت من الغرفه روز بدلت ورحت اغسل وجهي ورجعت للغرفه اتمدت على الفراش تعبانه ابتسمت وسحبت تلفوني ودخلت على محادثتي ويه سديم كعدت احجي وياهه اكتب اله شصار وشنو حجينه وشلون لبسني وتوتري عبالك جاي تقره جاي تسمع الي سديم...

اجه وقت الزفه ومر تقريب السنه على عقدنه جانت سنه هادئه خاليه من اي روح بس الي جان يسعدنه كلنه مرتاحين وكل شخص اكو شخص عوضه عن تعب السنين كله وكلنه هسه مرتاحين من ناحيت زواج او حيات كلنه سويه ومناقصين منه ابد شمس جابت بنوته بهاي السنه جموح حبلت للمره الثانيه واني...

اني عرسي بعد يومين راح اعوف اهلي واعرف الصغير ابن حسين وروز الي اجمل ثنائي روز عوضت الكل عن فقدان ابويه النه رجعت الحب و الروح بالبيت صنعت حياتنه ورجعته ورديه...

اليوم هوه يوم العرس او نكول حنه وزفه،وكفت على الستيج وحنتني امي وعمتي هم الي هيه ام يزن ما دخل يزن بقه على الزفه،اجه وقته ونزلني حسين اله بقو يداهرون سويه
حسين:-هاي امانه عدك وصونه

يزن:-احطه بوصت روحي

حسين:-هسه انتَ تتغازل بيه يمي دهاك اياه وغازل براحتك

ضحكت واخذني من ايدي وصعدنه على الستيج،بقينه نحجي عن هواي اشياء..
يزن:-متكولين احبك صالنه سنه سويه واني اتوسل بيج

مروه:-ما احبك

-اخخ گلبيي

-اويي شبيك هيج كاتل نفسك عليه

-اخخ او تعرفين شكد هاي الكلمه تفرق عدي

-بله شون اشو احجيي

-يممة تردلي روحي بزايد اكثر ما رادتلي روحي

ضحكت واجتي كالت النه نكوم نركص سلو كمنه حطيت ايدي ولفيته على رقبته وهوه لف ايده على خصري سحبني اكثر اله ابتسمت واردفت
-احبك يزن..

بعد راسه بصدمه واردف بسرعه
-شنو شنوو عيدي

ضحكت ورجعت اردفت
-احبك من اول لحظه شفتك بيه يزن..

-واني احبج هم من اول مره شفتج بيه..

ضحكت وحطيت راسي على صدره ونركص.....

مرت خمس سنوات على زواجي عدي بنيه ولد جموح عده ولد اثنين وبنيه شمس عده ولد وبنات اثنين يمكن قصرت هواي من السنوات وما كتبت بيهم شي بس مصار بيهم شي غير عشنه حياتنه عاديه خرج باهـر من السجن وطلع للخارج و ثائـر وغادة عدهم بنات اثنين اما بسام فه اليوم الخروج مالته اشوف شمس شون متحمسه تريد تروح حقه لان اخوه ولازم اتشوفه..

مر الوقت واجتي شمس من زياره اخوه عرفت راح لبيتهم ما دقتت هواي لان ما اريد اعرف عنه شي،مر الوقت بين شغل البيت والبنات كلهم طلعو جموح بالشغل وشمس كاعده ويه الجهال وخاله وسن راحت يم ام يزن واني باقيه انظف المطبخ سمعت صوت الباب مال مطبخ يندك سحبت الشال ورحت فتحته انصدمت من شفته واكف مقابيلي...

متغير متغيرر حيللل وجهه وهيئته كلهه متغيره اردف وصوته مبحوح
بسام:-اجيت اكلج شي

مروه:-تفضل

سكتت ويباوع عليه اجه يمي مهدي يركض
مهدي:-ماما ماما اريد ماي

شفته شون عينه عليه ابتسم وكله يروح يمه دفيته بهدوء وراح يمه شاله بسام وباس خده اردف مهدي
مهدي:-مامه منو هذه

مروه:-اخو عمه شمس

مهدي:-هلوو عموو شونك اني ابن مروه ويزن

ابتسمت بهدوء وبسام هز راسه وضحك
-ايي اعرف اعرف كلشي

نزله ودخلت مهدي جوه بقيت واكفه وهوه اردف
-اني اسف على كل حاجه سويته الج ابريني الذمه

-بسام كلشي صار ماضي ومرت كم سنه على هذه كله سنينن مرت ما اريد لا مبرر ولا اعتذار الي سويته اكيد جنت مجبر عليه مثل ما انجبرت انو تدخل هذه الشغل

-راح اكول شي واحد بس

-تفضل

-مروه اني مريض ومرضي انتشر محد يعرف غير باهـر الي اريده اذا متت شمس متعرف جنت مريض لا تخلين احد يعرف هذه الي اطلبه منج وهم ابريني الذمه واسف على كلشي

ابتسم الي واني بطور الصدمه راح وهوه مبين عليه شكله تعبان متغير حيل مو نفسه بسام لاول الي الكل يخاف من شكله صار شخص ثاني اتغير حيل...

فتت جوه وخلصت الغده كلهم رجعو واتغدينه مرت الساعات وكعدنه سويه نضحك ونسولف...

ولهنا اختم وياكم قصتنه الي اتكونت من الم ومشقه من فقدان اشخاص كانو عزيزين عليه فقدت هواي اشخاص بس ربي عوضني عن شخص رجع ايماني اكثر بربي مو بس اني كل شخص الي بلقصه عوضه ربي عن شخص ينسي تعب الايام

لهنا اختم وياكم قصتنه الي عبرت عن هواي اشياء
اتمنه نالت اعجاب الكل وحبيتوه
وشكرًا لكل شخص الى لان يشاهد القصه
تم ختم ثار الجموح بحدود الساعه 1:21 ضهراً

القيكم في وقت اخر وفي زمن اخر

في حفظ الرحمـٰن