Unicode....
"အကိုပဲကျနော့်ကိုရူးအောင်လုပ်နေတာ!!!"
သူ့လက်ကိုဖိညစ်ထားတဲ့ဟာရုတိုရဲ့လက်အားကပြင်းထန်တာကြောင့်ဂျွန်ဂယူရုန်းထွက်လို့မရပေ။
"ငါ့ကိုမင်းပဲမမြင်ချင်၊မတွေ့ချင်ဖြစ်နေလို့အမြဲရှောင်နေတာမဟုတ်ဖူးလား အခုငါ့ကိုထပ်ရှောင်စရာလဲမလိုတော့ဖူးလေ တကယ်ပဲမင်းငါ့ကိုဘာဖြစ်စေချင်နေတာလဲ"
ဟာရုတို့ကိုအသံကုန်အော်ဟစ်နေတဲ့အကိုကြောင့်ဒေါသတွေဟာငယ်ထိပ်ပေါ်အထိအထွတ်အထိပ်ရောက်နေကာ စိတ်ထဲကစိုးရိမ်ရေမှတ်ကလဲပိုတိုးလာလေသည်။
ဟာရုတိုကအစွဲအလမ်းကြီးတဲ့သူမို့လို့ အတတ်နိုင်ဆုံးအချစ်မကြူးမိအောင်လို့နေထိုင်ရင်းနဲ့မှအကိုဟာမေတ္တာတွေကိုရေစီးကမ်းပြိုယူဆောင်လာလေသည်။နောက်ဆုံးမှာတော့ဟာရုတိုကပဲပူလောင်ရတယ်။
"လက်ကိုလွှတ်!!"
ဟာရုတိုရဲ့လက်ထဲကနေရုန်းထွက်ဖို့ကြိုးစားနေပေမဲ့ စိတ်ဆောင်နေတဲ့ဟာရုတိုရဲ့အားကိုဂျွန်ဂယူမလွန်ဆန်နိုင်ခဲ့။
"ကျနော့်ဆီကနေထွက်သွားလို့ရမယ်ထင်နေလား!"
မျက်လုံးတွေကနီရဲနေပြီးအသက်ရှုသံတွေပြင်းထန်နေတဲ့ဟာရုတိုကအတော်ကိုဒေါသထွက်နေပုံရသည်။အခက်မသင့်ရင်ဂျွန်ဂယူကိုတက်ခုန်အုပ်တော့မဲ့အနေအထား။
"ရူးနေ...အွန်း!"
ဂျွန်ဂယူရဲ့မျက်နှာကိုလက်ဖဝါးခပ်ကြီးကြီးတဖက်ကအုပ်မိုးထားပြီးကျန်လက်တဖက်ဖြင့်ဂုတ်ပိုးကနေဆွဲယူကာအတင်းနှုတ်ခမ်းတွေအားနမ်းရှိုက်စုပ်ယူနေတော့သည်။
သူ့ကိုထုရိုက်နေတဲ့လက်ကလေးတွေကိုလက်တဖက်ထဲနဲ့ဖမ်းချုပ်လိုက်ပြီး နံရံမှာအတင်းမှီကပ်ကာချုပ်ထားလိုက်ရင်း စိတ်ရှိတဲ့အတိုင်းကြမ်းရမ်းမိုက်မဲနေမိတော့သည်။
စိတ်တိုတယ်။ကိုယ့်ဘက်ကခြေတလှမ်းတိုးလာဖို့လုပ်တိုင်း အနောက်ကိုတလှမ်းဆုတ်ဆုတ်သွားတတ်တဲ့အကို့ကိုကြောင့်ဟာရုတိုတကယ်အသက်တိုရတယ်။
"အွန်း!"
အသက်ရှုကြပ်သိပ်လာကာ မခံနိုင်တော့လို့ကြံရာမရတဲ့အဆုံးခြေထောက်အားတက်နင်းချလိုက်တော့မှ လွတ်မြောက်ခွင့်ရတဲ့နှုတ်ခမ်းဖူးဖူးလေး။
သူ့အပေါ်ကိုဟာရုတိုကဘယ်လိုသဘောထားနေခဲ့တာလဲ။အခုလိုမျိုးသူ့စိတ်တိုင်းကျကြမ်းရမ်းပစ်နေတာ၊သိပ်စိတ်ကုန်စရာကောင်းသည်။ဂျွန်ဂယူဝမ်းနည်းလွန်းတာမို့အသံထွက်တဲ့အထိငိုချမိလိုက်တော့တယ်။
"ဟင့်!!"
"ကျနော့်ကိုကြည့်စမ်း!!ဒီပွဲကိုအကိုအရင်စခဲ့တာ အကိုစခဲ့တဲ့ပွဲကိုအဆုံးသတ်မဲ့လူကဟာရုတိုဆိုတဲ့ကောင်ပဲရှိတယ်"
နံရံမှာကျောကပ်နေတဲ့ဂျွန်ဂယူမှာငိုရလွန်းလို့ ဂျွတ်တွေထိုးကာနှာခေါင်းတရှုံ့ရှုံ့။
"မှတ်ထားလိုက် အခုကစပြီးတော့အကိုကကျနော့်အပိုင်ပဲ"
"မင်းကစောက်ရူးပဲဟာရုတို!!"
ဂျွန်ဂယူရှိစုမဲ့စုအားလေးနဲ့အော်လိုက်တော့ ဟာရုတိုကတဟားဟားနဲ့အော်ရီလေတယ်။
ထို့နောက်ကျလာတဲ့မျက်ရည်တွေကိုတချက်ဖိသုတ်လိုက်ရင်း...။
"ဟုတ်တယ်ရူးနေတာ အကို့ကြောင့်ကျနော်ရူးသွားတာ"
"အာ့တာကြောင့်အကိုကျနော့်အပေါ်တာဝန်မမဲ့နဲ့ ကျနော့်ကိုဂရုမစိုက်ပဲနေလို့မရဖူး"
မျက်ရည်တွေလျှံကျလာတဲ့ဟာရုတိုကဂျွန်ဂယူအားရင်ခွင်ထဲဆွဲသွင်းလိုက်ပြီး အသံထွက်တဲ့အထိငိုကြွေးနေမိတော့တယ်။
သူဒီခေါင်းဝါလေးကိုဘယ်လောက်ချစ်မိခဲ့သလဲဆိုတာကိုနားလည်ပေးရင်ကောင်းမည်။သူနဲ့ဝေးရမည်ဆိုတဲ့အတွေးအားတွေးမိလိုက်ရုံနဲ့ပင်ပူလောင်ရပါတယ်ဆိုမှ အမှန်တကယ်ပင်ဟာရုတိုနဲ့ဝေးရာကိုထွက်ပြေးဖို့ကြိုးစားနေခဲ့တော့ရင်ဘတ်ကြီးတခုလုံးကွဲထွက်တော့မည့်အတိုင်းပင်။
အာ့သလောက်အထိကိုသူ့ဘက်ကစတင်လေးနက်လာပြီဆိုမှဂျွန်ဂယူဟာသူ့အပေါ်ကိုရက်စက်ချင်သေးသည်။
ဂရုစိုက်ခံရတဲ့ခံစားချက်၊အတူရှိနေစဉ်ကရခဲ့တဲ့ပျော်ရွှင်မှုအစရှိတာတွေကို သဘောရှိပြန်သိမ်းချင်တိုင်းသိမ်းလို့ရနိုင်မည်တဲ့လား။
"ကျနော်အကို့ကိုချစ်တယ် ဟင့်~ ကျနော့်ကိုထားမသွားပါနဲ့ ကျ~ကျနော်ကြောက်လို့ပါ"
သူ့အားဖက်တွယ်ရင်းရှိုက်ကာရှိုက်ကာငိုနေတဲ့ဟာရုတိုကြောင့်ဂျွန်ဂယူပါဝမ်းနည်းလာရတော့သည်။ဟာရုတိုဟာအဆုံးအထိတောင် သူ့ရဲ့စိတ်ကိုစိုးမိုးထားနိုင်တုန်းပါပဲလား။
"ငါလဲစောက်ရူးပဲထင်တယ်ဟာရုတို စောက်ကျင့်မကောင်းတဲ့မင်းကိုအခုထိချစ်နေတုန်းပဲ"
နှစ်ယောက်သားလေတိုးမပေါက်တဲ့အထိတယောက်ကိုတယောက်အချိန်အတော်ကြာပွေ့ဖက်ထားကာ နားလည်မှုဆိုတဲ့အရာကိုတိတ်တဆိတ်ပုံဖော်နေခဲ့ကြသည်။
************************************
"မင်းနှုတ်ခမ်းတွေဘာလို့ညိုလာတာလဲ"
"ဆေးလိပ်သောက်လို့ထင်တယ် ဘာလို့လဲအကိုမကြိုက်ဖူးလား"
"အင်း"
ရာသီဉတုက တောင်ကိုရီးယားမှာအပြင်တောင်ထွက်မရတဲ့အထိအေးစက်နေတဲ့အခြေအနေမို့နှစ်ယောက်သားကုမ္ပဏီတောင်မသွားနိုင်ပဲအိမ်ကနေပဲစီမံနေရသည်။
အအေးကြိုက်တဲ့ဟာရုတိုတောင်မှခြေအိတ်၊လက်အိတ်စွတ်ထားရတဲ့အထိ။ဂျွန်ဂယူဆိုမပြောလေနဲ့။အလုံထုတ်ပိုးထားတာမို့မျက်လုံးဝိုင်းဝိုင်းအစ်အစ်လေးနဲ့နှာခေါင်းရဲရဲကိုသာမြင်ရသည်။
ဟာရုတိုရဲ့နှုတ်ခမ်းတွေကိုကြည့်ပြီးအမေးထူနေတဲ့အကိုကစကားတွေအများကြီးဆက်မပြောတော့ပဲသူ့ရင်ထဲကိုခေါင်းမှီလာသည်။
"တနေ့တလိပ်ပဲသောက်ရင်ကော?"
"အာ့တာကျတော့..."
"ဘာလို့လဲ"
ရင်ခွင်ထဲကနေခေါင်းမော့ပြီး ဘာလို့လဲလို့မေးနေတဲ့အကိုဟာသိပ်ချစ်စရာကောင်းသည်။အမှန်တော့ဟာရုတိုကတမင်အကိုဘာများပြောမလဲဆိုတာသိချင်လို့သာရစ်နေတာ။အာ့တာကိုအကိုကဘာလို့လဲဆိုပြီးဆူထော်နေတော့ သိမ်းကျုံးနမ်းပစ်ချင်တော့တာပဲ။
"ဆေးလိပ်ကမင်းနဲ့လိုက်တယ် မှတ်မိလားမင်းနဲ့စသိတုန်းကဆေးလိပ်ကိုမင်းနှုတ်ခမ်းမှာခဲထားတာလေ"
ဆေးလိပ်ခဲထားလျက်နဲ့ဂျွန်ဂယူဆီမှာမီးခြစ်တောင်းခဲ့တဲ့ဂျစ်ကန်ကန်ကောင်လေးတစ်ယောက်ရဲ့ပုံရိပ်ကမျက်လုံးထဲထင်ဟပ်လာလေသည်။
သိပ်ကိုရေစက်ပါလိုက်ပုံများ။
"ဆေးလိပ်ခဲထားတဲ့မင်းပုံစံကအရမ်းမိုက်လွန်းတယ် မင်းနဲ့လိုက်ဖက်တယ်"
"မင်းနဲ့လိုက်ဖက်တဲ့အရာဆိုလို့တကမ္ဘာလုံးမှာငါတယောက်ထဲပဲဖြစ်ချင်တယ် မင်းနှုတ်ခမ်းညိုညိုကငါ့အတွက်ပဲဖြစ်သင့်တာလေ"
ဟာရုတိုမျက်ခုံးအပင့်သားနဲ့ရင်ခွင်ထဲကလူသားအားငုံ့ကြည့်လိုက်သည်။
ဒီနေ့မှစကားအတော်တတ်နေတဲ့အကို့ကြောင့်ဟာရုတိုစိတ်ထဲမရိုးမယွဖြစ်လာရသည်။
"အကိုဗျာ"
ခပ်တင်းတင်းပွေ့ဖက်ထားလိုက်တော့ အင့်ခနဲအသံနဲ့အတူရင်ခွင်ထဲကကိုယ်လုံးလေးကလှုပ်ယွလာသည်။
"ချစ်လိုက်တာ"
လာဗင်ဒါအနံ့ထုံသင်းနေတဲ့လည်တိုင်လေးအားအနမ်းတချက်ပေးလိုက်တော့ ကိုယ်လုံးလေးကတွန့်သွားသည်။သေချာပေါက်ဟာရုတိုရဲ့နှာခေါင်းချွန်ချွန်ဟာလဲအအေးဓာဏ်လွှမ်းမိုးမှုကြောင့်အေးစက်နေလေသည်မလား။
"ရာသီဉတုကဘာလို့အာ့လောက်တောင်အေးနေတာလဲမသိဖူး"
"ဒီဇင်ဘာမို့လို့လေ အရူးလေးရဲ့"
"ဟုတ်ပါ့နော် ဒီလိုရာသီမျိုးမှာသွေးပူလေ့ကျင့်ခန်းလေးဘာလေးလုပ်နေရမှာ"
သူဘာပြောချင်လဲဆိုတာသိသွားတဲ့အကိုကရင်ခွင်ထဲကနေမျက်လုံးအဝိုင်းသားနဲ့ကြောင်ကြည့်လာလေသည်။ဟာရုတိုမျက်ခုံးပင့်ပြလိုက်ကာ မိုက်ကြည့်ကြည့်ပေးလိုက်တော့ အတန်ငယ်ယောက်ယက်ခတ်သွားတဲ့မျက်စံတွေနဲ့အတူ ရင်ခွင်ထဲကနေထပြေးဖို့လုပ်တော့သည်။
ဒီလိုတော့ဘယ်ရမလဲလေ။လူလည်ပတ်ကားလုပ်ချင်သည့်အကို့အားရုန်းလို့မရအောင်ဆွဲဖက်ထားလိုက်ရင်း လည်တိုင်ဖြူဖြူလေးအား အနမ်းတွေဖြန့်ကျဲနေလိုက်သည်။
ရင်ခွင်အောက်မှာထွန့်ထွန့်လူးနေတဲ့အကို့ရဲ့ပုံစံလေးကသူ့ရဲ့စိတ်ကိုပိုပြီးထိန်းရခက်စေသည်မို့ ချက်ချင်းထိုင်ရာကထကာရင်ခွင်ထဲကကိုယ်လေးကိုဆွဲပွေ့လိုက်တော့သည်။
"အား!!!ငါ့ကိုလွှတ်ပေး!"
"လေးလာတယ်နော် အစားပုတ်လေး"
ဂျွန်ဂယူ သူ့ကိုပွေ့ချီထားပြီး ပြုံးစိစိလုပ်နေတဲ့ သမင်အယောင်ဆောင်ကျားကြီးရဲ့ရင်ဘတ်အားကိုက်ချလိုက်တော့သည်။
"အား!!အကိုနော် ကလေးကိုဘာလို့နှိပ်စက်နေတာလဲ"
"အင့်!ဟေ့ကောင်လွှတ်ပေးလို့ဆိုနေ ငါအားမရှိရတဲ့အထဲ"
လွှတ်ပေးလို့သာပြောနေတာ။တစက်ကလေးမှတောင်ရုန်းမနေပဲ လူကိုဟိုကိုက်၊ဒီရိုက်နဲ့။
သူအာ့လိုလုပ်လေ၊ဟာရုတိုပိုဆိုးချင်လေဆိုတာမသိတာလဲမဟုတ်ပဲ။
"အကိုအားမရှိလဲရတယ် ကျနော့်ဘာသာကြည့်ကြပ်လိုက်မယ်"
အိပ်ခန်းထဲအထိပွေ့ချီခေါ်လာခဲ့ပြီး ကုတင်ပေါ်အသာချပေးလိုက်တော့ အကိုဟာရင်ဘတ်ပေါ်လက်ကလေးတဖက်တင်ပြီး မျက်စံလေးတွေဂဏာမငြိမ်။
ခဏခဏဒီအခြေအနေကြုံဖူးလဲအကိုဟာအခုချိန်အထိရှက်တတ်သေးတာတဲ့လေ။
"အကိုကကျနော့်အပိုင် ကြားလားဝါတာနာဘယ်ဂျွန်ဂယူ"
"အာ့လိုမခေါ်နဲ့"
ရှက်နေတဲ့အကို့အားပိုတိုးလို့စချင်တာမို့ လည်တိုင်လေးအားငုံခဲထားရာကနေလွှတ်ပေးကာမျက်နှာတည့်တည့်ကိုကြည့်လိုက်သည်။
"ဘယ်လိုခေါ်ရမလဲ ယောကျာ်းလို့လား"
"ဟာ့!ဟာရုတို"
အပေါ်ဝတ်အကျီအထူကိုဖြည်းဖြည်းချင်းချွတ်လိုက်တော့ supremy hoddieအနက်ရောင်လေးကအရှင်းသား။
လည်တိုင်တလျှောက်မှာလဲဟာရုတိုရဲ့စနက်ကြောင့်ခရမ်းရင့်ရောင်အမှတ်အသားတွေကဟိုတကွက်ဒီတကွက်။သိပ်ကိုလှရက်လွန်းတဲ့အကိုကြောင့်ဟာရုတိုမှာအပေါ်စီးကနေရီဝေဝေဖြစ်နေရတော့တယ်။
"ကျနော့်နှုတ်ခမ်းညိုညိုကအကို့လည်တိုင်နဲ့မှသွားလိုက်ဖက်နေတယ်ဗျာ"
ထိုသို့မချင့်မရဲပြောတော့ အကိုဟာခပ်ပြုံးပြုံးနဲ့သူ့အားစိန်ခေါ်သလိုလေးမျက်ခုံးပင့်ပြလာသည်။
"အာ့တာဆိုပြောကြည့်လေ"
"ကောင်းပါပြီ တရက်တလိပ်ဆိုလဲတလိပ်ပဲပေါ့"
တိုးဝင်လာတဲ့လက်တွေကဂျွန်ဂယူရဲ့အသွေးအသားတွေကိုစုတ်ယူစားသုံးပစ်နေတဲ့အလား။အောက်နှုတ်ခမ်းကိုခပ်ဖွဖွကိုက်ရင်းချွေးတွေစို့လာတဲ့အကို့ရဲ့နဖူးရဲရဲလေးပေါ်ကဆံပင်တွေကိုသပ်တင်ပေးလိုက်သည်။
ဖြူဖွေးဖွေးကိုယ်လုံးလေးကိုကြည့်ရင်း ချစ်စိတ်တွေလျှံကျလာတဲ့အခါမှာ ဟာရုတိုအချိန်ဆက်ဆွဲမနေတော့ပဲ အကို့အားတယုတယချစ်ပစ်လိုက်ဖို့သာတွေးလိုက်ရင်းဟာရုတိုရဲ့ကိုယ်ပေါ်ကအကျီခပ်ထူထူကိုချွတ်ပစ်လိုက်တော့သည်။
တယောက်နဲ့တယောက်အသွေးအသားဆန္ဒတွေရဲ့အလိုအတိုင်းပူနွေးတဲ့အထိအတွေ့တွေနဲ့အတူ အချစ်တွေကိုကြင်နာစွာပုံဖော်နေလျက်ရှိသည်။
ဆောင်းလေအေးနေပေမဲ့ အကိုနဲ့ဟာရုတိုရဲ့အိမ်လေးကတော့အနွေးဓာတ်နဲ့ရနံ့တချို့ကနေရာအနှံ့ထုံသင်းပြန့်နှံ့နေလေရဲ့။
****************************************
ဆောင်းတွင်းမှာတယောက်ထဲရှိတဲ့singleတွေကတော့ စောင်ထူထူပဲခြုံကြပါရှင့်။
The End....
Zawgyi....