#ثار_الجموح
البارت_19
بقلمي:مـلـك الـمـدنـي
لاتسئل على الحال خليه سكته
تسئل على المكتول والكاتل انته؟
لا تنسون التصويت + التعليق على كل الفقرات +
متابعه الحسابي🦋
قراءة ممتعة انساتي 🦋❤️
.__________________.
علي الاكبر"
بقيت واكف بمكاني والصدمه بيه،اجه صوت من جوه فزيت من صفنتي ونزلت اركض شفت يزن واكف والسلاح بايده واحد نايم بالارض خوفني شفته واكف ويباوع عليه نزلت واردفت
-شكو شصاير
-كلت الك احد بالبيت وانتَ ولا يمك ولا كان واحد يحجي وياك يعني هسه لو ما اني موجود جان انتَ هسه بخبر كان
-كان واخواتها
-بطل تفاهه
-تفاهه لو برتقاله بطل ببسي لو سفن
-يعني اني وين احجي وانتَ وين تحجي اني بالغرب وانتَ بالجنوب
-شمال شرق غرب جنوب
-يعني تفضل تفضل هسه اني شسويي بيك متكول اليه هااا متكول الي احجي اصلخك اعذبك احركك شسوي بيك علعلت گلبي وحق هوه الله
-اوي شبيك يزوني خليني استمتع بعدين ستونه ها شفنه روحنه صال النه اربع ايام ندور على مشمش وما هيه وعرفت وين هيه
-وينن وينن
-شعليك شي ميخصك حبيبي
-اهوو اهووو
-هسه عوفنه هذه الي مربطه شنو موضوعه
-ها باوع هذه جاي يبوك مدري يقتل ما ادري شنو موقعه
-ايي وهسه شنو نسوي
-باوع كل تالي يعني شنسوي نخابر على كسوري ويجي يحل السالفه عاتي
-صحح وينن كسورييي كسوريي وين انتَ
-بطي***
-طلعه خلي يشوف هذه شبي
-شكد سرسري بس احبكك اخويه الحنيننننن
حضنته وسحبت تلفونه وخابرت على كسار يجي نشوف هذه شنو موضوعه،اجه وسحبت الولد للصاله سحب كسار الثام وطلع ولد منتصف العمر هيج اردف كسار
-شعدك هنا
:-ونبي ما عدي شي والله ما عدي شي اجيت ابوك حتى ابيعهم واوكل اهلي حباب. لا تشمرني بالسجن اهلي محد عدهم غيري حباب الله يخليك
انقهرت عليه شاب مسكين ومبين معيل لعائله سكت كسار شويه واردف
كسار:-باوع عليه راح اعوفك واطك فلوس زين وهم راح اشغلك يمي
:- وينن اي مكان اشغل استاذ اي مكان
كسار:-يمي عدي محل واريد احد يكعد بيه وانتَ الله جابك يمي وراح اشغلك ومبين عليك امين
:-استاذ والله ما اسوي شي ولا ابوك لو ما محتاج ما امد ايدي على اي احد والله محتاج استاذ احلفلك بثنعش امام اني محتاج حتى امد ايدي
يزن:-جان مديت رجلك هم
كسار:-مو وقت ضحك يزن
هز راسه وسكت بقيت واكف يمه وكسار طلع فلوس واطاه وراح لغرفته طلع ملابس ثخينه وصوف وهواي حطهم اله ويه اكل من الثلاجه حط اله كل المسواك مالتنه اطاهه اياهه وطلع الولد منا ومبين الفرحه على وجهه..
اجاني اشعار من عده بقيت اباوع وهيه اتكول اليوم راح اسلم كلشي لجموح ما كلت شي عادي هيه شوكت ما تريد اسوي وافقت وكلت اله اجي العصر ونروح يم جموح وافقت وسديته بقيت لليل وهيه دزت رحت اخذته ورحنه لبيت جموح..
مرت فتره طويله واني ادور وره ابو جمر اريد اعرف بشنو يشتغل لان ما عاجبني هيج احس وراهه مصايب والي اكدلي اكثر سكوت حمر صاله فتره مو على بعضه حتى هادئ وما اله حس لا مثل قبل يسطر الواحد ويضل بس يحجي ولا هسه الي خانس مال اله اي خبر او حس يختفي بالايام وما ادري وين يروح...
اليوم جان كاعد ومو على بعضه كام طلع واني وراهه اريد اعرف وين يروح سقت وبده يبتعد عن الميدينه اخذ مجراهه للريف!!؟ ليشش وهناك هيه شمس جانت انصدمت من شفته واكف وياهه شخص وهذه هوه خاله انصدمت اكثر بقيت واكف وبديت اتقرب وكفت وفتحت تسجيل سجلت حجيهم يحجون عن هواي اشياء كرهته بس سرعان ما راح كرهي من سمعت كرار اردف
-اذا مسويت الي كلت الك عليه انسه تعيش
جمر:-شسوي بيه عوفه طفله تعرف شنو طفله
كرار:-هههه ضحكتني تره اكدر اسوي بيه كلشي
جمر:-كلشي اتوقع منك بس اذا لمسته انسه تبقه عايش
كرار:-جيب الي هاي المعومات واكلك وينه وبعد ما اريده
جمر:-زين زين اسويه واذا صار شي مخالف للتفاق اندمك
هز راسه وراح بقه جمر واكف كمت من مكاني واردفت
-منو الطفله
اندار مصدوم من تواجدي هنا بقه سكات بعدين اردف
-اختي من ابويه تعرف لا ابويه داير باله عليه ولا امه بس اني ومحد يدري بيه هيه مختفيه
-عود صدك
-والله شبيك وهوه اخذه وخلاني اسوي شغل اله مو بس شغل اشغال اروح اخذ معلومات منه اريد اعرف وين مكانه بس وين ياهو يكلي شون اعرف
بقيت واكف حاير بعدين كلت اله كلشي دار حجي بينه وعرف شنو جنت اسوي هذيج الفتره وافق انو يحجي كلشي ويطي الدله هم وافقت وبدينه ندور على اخته وعرفته مكانه،ثاني يوم رحنه للمكان واخذناهه محد يدري غيري وغيره اخذناهه مكان بعيد وهوه يم عمتي الي كاعده بمنطقه بعيده عنه اخذته وهيه مرتاحه لان بس هيه ورجله يزن كاعد يمنه رجعنه للبيت واليوم لازم ياخذوهم للسجن...
................................
شمس"
صافنه على الوراق ومقابيلي مروه اتنهدت بضيق واردفت
-مروه احس ما أكدر البارحه كال اتوقع من العالم كله بس منج ما اتوقع شي احس تحز بخاطري
تقربت وكعدت يمي مقابيلي واردفت
-شمس انتِ راح اسوين هذه مو لشي الا هذه لكل شخص قتله بسام
-مروه اعرف بس ما اكدر مهما يكون بسام ما خلاني اصير مشرده او بحضن خالي الي لازم يكون الي سند مروه صعب اكون الشخص الي يدمر اخويه مو بس هوه باهـر و ثائـر همه كلهم اخواني
-اعرف شموستي اعرف بس هذه جزاهم لازم ياخذو لان قتلو وهربو اشياء حرام وجانت الهم ايد انتِ مو بس اخوانج حتى خالج وكل شخص جان اله ايد انتِ سلمي هذه بيد جموح واكبر راح يهتم بالباقي مثل ما ساعدج اكيد راح يكمل وانتِ حتكونين شاهد الهم
سكتت افكر بكلامه منطقي اني مراح اسجنهم ضلم الا هذه جزاهم واقل هم غمضت عيني ودزيت اله انو يجي ياخذنه ونروح لـ جموح اسمله كلشي،سديته وكمت لبست وشمس هم بسام جان طالع حضنت غادة وطلعنه لـ علي الاكبر واكف بالباب غمضت عيني واستشقت نفس راجعه هنا اكيد لازم اعالج امي من السحر الي بيه بس خلي افض سالفه اخويه..
وصلنه لباب البيت وطرقته فتحت الباب جموح وسلمته الملف،دخلنه وسولفت اله كلشي عن حياتي من النهايه وهسه انتو لازم تعرفون اني بشنو مريت من مصاعب والي خلاني ما استغني عن بسام مهما كان مجرم...
Flash Back:- قبل خمس سنوات
حاطه الكتاب مقابيلي،اجتي امي تصيح
ريمة:-كومي يمممة شمس خالج كرار جاي
ابتمست لان هذه خالي احبه يجب وياهه حلويات وجباسه كمت اسوي چاي وحطيت كعك خلصت وسمعت الباب يندك رحت اركض فتحته وجان هوه خالي،باسني من خدي وبتسم وفات راح يم امي كعد يمه واني رحت صبيت الهم چاي وديته رحت بالمطبخ واجتي امي
ريمه:-يممة باعي اني رايحه يم عمج شويه واجي خليج يم خالج
-تمام
راحت واني انضف الكاونتر حسيت ايد نحط على خصري فزيت وانداريت جان خالي واكف ورايه ابتسم وبده يقرب احاول ادفعه بس هوه قوي حسبني من ايدي لغرفه امي اصيح بس محد يسمعني سد حلكي وفوتني للغرفه اصيح ويسد حلكي دفعني على الچربايه وصار فوكاي جسمي كله بدا يرجف من بده يصعد البلوز مالتي دموعي تنزل شلالا حط وجهه بركبتي وايد على خصري وايد على حلكي بده يريد يسوي فعلته واجه صوت الباب ومنه صوت بسام الي حسيته منقذ الي،عضيت ايده وخره وصحت باعله صوتيي
-بسامممم
وخر مني سمعت الباب انكسر انفتحت الباب ودخل منه بسام شاف خالي مبهذل واني بالفراش وجهي احمر ودموعي ما توكف سحب خالي من ياخته وكامو يضاربون سحبت نفسي على اخر الغرفه وسحبت رجلي لـ صدري دموعي تنزل عشره عشره وهمه يتكاتلون واحد يضرب الثاني خالي دفع بسام عنه وطلع يركض بره البيت كام بسام واجه بتجاهي حررت رجلي عن صدري وشمرت نفسي بحضنه شدني اله اكثر وخله جسمي كله بحضنه انفاسه ذكيله ويجر النفس بحيل صدره يصعد وينزل اردف بثكل
-شراد يسوي
-يغتصبني
-اشش هاهيه انسي حبيبتي اني يمج بعد ما اعوفج
-دحست راسي بصدره وهوه يمسح على راسي غفيت بحضنه واني تعبانه،كعدت من النوم تعبانه نزلت وشفت بسام كاعد على القنفه رحت يمه وحطيت راسي على صدره اردف
-ما كلت الامي شي وانتِ هم لا تكولين لامي
-ماشي
بقينه ساكتين فتره طويله هوه راح واني بقيت كاعده على القنفه اجتي امي يمي تسال
-شبي خالج راح الضهر
-صار عده شغل
-چا اخابر عليه ما يجاوب
-يممة شمدريني هوه اخوج روحي شوفي جاي عليههه
-شبيجج انتِ مو جنتي تحبي
صحت باعله صوتي
-لااا اكرهه اموت منه بعد اذا عتب باب بيتنه وربي اذبح روحي يمممة وحق جفين العباس اكطع وريدي واموت اروح لجهنم ولا تبقه وياههه بيت واحد يممة ما اريد جيبين الي طاريه ابدد ابدد لو تحبيني وعدي معزه يمج لا جيبين طاريه
بقت ساكته واني كمت للغرفه،مرت فتره طويله يعني كم سنه واني ما شايفه خالي بسام بده يتغير من جسم من تصرفات بيوم أجو باهـر و ثائـر حسيت اريد اتصنت الهم حطيت الچاي الهم ورحت للغرفه بس بقيت واكفه استمع الهم اردف باهـر
باهـر:-بسام انتَ متاكد هذه بعد ما يكيس شمس احسه مو راحه خصوصًا من كلك اذا متشتغل وياي زوجني اختك بللله هذه هم خال
ثائـر:-هذه خر** مو خال
باهـر:-كلامك حجي واقوال
بسام:-دكافي هسه اشتغلنه بعد وقلت ونهبت وسرقت وانتَ وياي باهـر
ثائـر:-الحمدلله اني مو وياكم
باهـر:-دنجب لكك انتَ جنت تراقب
ثائـر:-بس ما نكست ايدي بشي مو زين او هيج
باهـر:-صح بس هم تعبتر مشارك ويانه
بسام:-انتَ تعرف اني قتلت اهل بنيه علمود لا خر** يسوي شي صح هوه ابوه جان زمال ابن زمال وبس يشرب حشيش وسكير وغيره بس هم مو لازم اقتله وقتلت وياهه مريه هم يعني بدال الواحد اثنين هاي شسوي بروحي اني.
بقو ساكتين واني اني سجلت كل محادثتهم هاي من سمعت باهـر يحجي لحد اخر كلمه الهم يحجون. بالشغل وكلشي حجو دموعي تنزل اسمعهم يحجون عني شون يسون كلشي حتى خالي لا يسوي الي شي حسيت نفسي انانيه وديت اخواني للهلاك بايدي بسبب خالي الحقير الله ينتقم منه..
عوده"
بقو كلهم ساكتين سمعو كلشي اطيت لجموح كلشي واردفت
-سوي بيهم اي شي تردي صح اخواني بس لازم ياخذون جزاهم لان قتلو وسوو كلشي ظد القانون
ابتسمت واردفت
جموح:-تمام شمس
علي الاكبر:-ايي واني وياج مرت اخويه لا تنسين نطبخهم على نار هادية
جموح:-صحيح فه خلينه نبدي من هسه
هزينه راسنه كلنه وبقيت اني يمهم،مرت فتره واجتي جموح يمي جنه بس اني وياهه اردفت
-شمس باجر الموعيد
أبتسمت بحزن واردفت
-ماشي سوي كلشي بايدج منطيتج مطلق الصالحيه
ابتسمت وحضنتني حسيت شويه من همي انزلل لان خالي حينسجن بس اخواني سندي وكلشي الي بالدنيه انصدمت من اردفت جموح
-ابو جمر هم وياهم مرتبط وهم راح يدخل السجن صالنه شهرين اني واكبر ندور وراهم ولكينه كلشي وراح ندخلهم باجر نروح كلنه
هزيت راسي وهيه طلعت بقيت وحدي افكر نمت بعد تفكير طويلل،اجتي مروه كعدتي حتى نروح عرفت البارحه اخذوهم للسجن رحنه واني الطريق كله افكر شراح يصير بعد بسام شون راح نعيش بدون سند النه تفكير عميق ردت اتراجع بس لاا اكيد جموح مراح تخليني وحدي حتى عمي ابو سجاد مراح يخليني وحدي غمضت عيني بارتياح ودعيت ربي و نخيت اهل البيت...
كاعدين ننتظر سرانه شوكت اتنفست بقوه من صاحونه حتى ندخل دخلنه كعدت مقابيل جموح وهيه كاعده على الميز مالته دخل القاضي وكلنه كمنه اردف بعد دخوله بقائق
-دخلهم
راح الشرطي ودخلهم شفت بسام و باهـر و ثائـر وخالي وابو جمر وياهم دخلو وبالسره بده ياخذ اقوالهم اعترفو كلهم من جرائمهم وتهريبهم كلشي،اجتي عيني بعين بسام شفته الخيبه بعينه نزلت دموعي طلبو شاهد وكمت شهدت على كلشي وكلت كلشي للقاضي نزلت وكعدت بمكاني دموعي تنزل وگلبي معصور اتخنكت بس ما طلعت بده القاضي ينفذ الحكم
-تم الحكم على المتهم بسام بن سياف ب 10 سنوات
تم الحكم على المتهم كرار بن احمد ب 30 سنه
تم الحكم على المتهم سعدون بن حمد ب 30 سنه
تم الحكم على المتهم باهـر بن سعد ب 4 سنوات
تم الحكم على المتهم ثائـر بن جاسم ب3 سنوات
نهى الحكم وراح اخذوهم طلعت وصار بوجهي بسام اردف بكلامات ما انساهم بحياتي
بسام:-جنت الج دوه وانتِ صرتي الي جرح
"توقعته من الكل بس منج ما اتوقعت بس الخير ديري بالج على نفسج شمسي كون هسه انتِ مرتاحه لا تشغلين بالج عليه راحتج من راحتي "
ابتسمت بانكسار وراح طحت بالارض وحسيت خنت كل ذره بيه دمرته ودمرت نفسي اخسرت اخر شخص وجان الي اب واخ واخت وام جان الي كلشي خنت ثقته بيه لمصلحتي خنته ودمرته وهوه سوه كلشي علمود دخل بهذه الشغل حتى يحميني واني بشنو جازيته بالسجن هاي مجازاتي اله..
سحبت رجلي لـ صدري واباوع على الغيوم حسيت احد كعد بصفي اردف بهدوء
-شمس
-همم
-اذا خطبتج توافقين
انصدمت من كال هيج
-جمر شجاي تخوط
-احبج..
انصدمت اكثر من كاله طول هاي السنه الي مرت وهوه ما عافني وحدي كله وياي تخرجي من السادس هوه جان حاضر عوضني عن فقدان بسام بحياتي،رجع اردف
-احبج واموت عليج انتِ ويه النفس تصعدين لريتي ومطلعين بعد
بقيت ساكته ابتسمت واردفت
-ايي بس اريد خاتم غالي
صاح بعلو صوته
-يعنيييي موافقههه
ابتسمت
-اشوف كسار اذا وافق عليك نزوج
-بويه بـ كسار بكلشي مدخل روحه
-انجب كسار ما يقبل تحجي هيج تره كسار صالي ابو لا تنسه حتى مرات اصيحه بابه
-بوياااااااا لو بيدي انعنع عضامه
-يهووو جمر تره ارفضك
-لا يابه شنو السالفه ورده مسار ورده مال الله
-ايي بس باوع عمو علي بعده السنويه مطالعه سديم طلعت بس عمو بعده عيب من شمش
-ايي عاتي انتظر بس اهم شي تكونين الي
-ايييي اكون الك عيوني
-اخخ گلبي ميتحمل هيج سوالف مال حلوين
ضحكت من گلبي دخلنه جوه وهوه راح يركض للغرفه مال علي الاكبر يسولف اله احب علاقت اكبر وجمر ويزن
صح نسيت اكول الكم اني بقيت عايشه يم جموح اما امي تعالجت بصعوبه بعد عناء عرفت منو الي مسوي هيج هيه مرت خالي كرار سوت الامي ومن دخل خالي رحت وتعاركت وياهه قبلت تفكه بس منسوي اله شي وقبلنه..
من صحت امي على نفسه واني ما بقيت هناك حسيت المكان يخنك ويذكرني بكلشي فضلت ابقه هنا يم جموح وكسار الي زواجهم بعد فتره تطلع سنويه عمو علي وراهه بشهر يزوجون احبهم لان عرضوني عن كلشي احسهم اهلي ما فد يوم حسسوني اني غريبه لاا بالعكس احتوني وعتبروني وحده من اهل البيت ما فد يوم يمر ويجي كسار اذا مو بايده شي الي ومن اجي مروه يمنه يجيب اله هم اما جموح كل يومين يجب اله باقت ورد احب علاقتهم لان جميله بشكل كلش حلو..
ما ننسه نظرات يزن لـ مروه ونظرات مروه لـ يزن احب علاقتهم بشكل حلو حلوين كلشش وكتاكيت هم،اما اني وجمر علاقتنه حديثًا اخر اصحاب وحبايب واخوان وكلشي يخطر على بالكم عوضني عن بسام بس مو بشكل كامل محد يعوض مكانه احسب يوم يوم حتى يطلع حياتي بدونه فارغه فارغه بشكل لا يوصف اريد ارجع لحضنه محتاجه مواساته وطبطبته على كتفي ولعبه بشعري وكلشي ما تكدر انسه اي لحظه مرت وياهه ولا لحظه بدونه كلهن بالي ما انساهم ابد ولا راح اكدر انساهم...
اجتي الفتره الي لازم نحضر بيه عرس جموح وكسار شكد حلوين من يختارون الذهب والبدلات وكلشي حلوين بشكل فضيع،اجه يوم العرس جان بالبدايه حنه بعدين زفه واخيرا لبست الفستان الي بالي من زمان جان ازوك ضهره مفتوح على شكل دائره الصدر بيه فتحه صغيره وبيه چاكه من الجهتين تكدرون تكولين مو محتشم كلش بس عجبني البس الي يعجبني صح..
مروه لبست فستان سمائي مابي اسقيات ومن يم الصدر يصير على شكل قلب ومفتوح من النص بيه جاكه ونازك،جموح جانت تجنن من فستانه الماروني من شغل وشكله كله تجنن هيه جميله اعجز عن جماله حلوه بشكل لا يوصف،،حنينه وركصنه واجه وقت الزفه لبسنه فساتين حجاب اني ماروني ومروه نفس الون اني وياهه حتى نفس الموديل اخذنه صور،بدو يركصون سلو وهسه اجه وقت جموح تحجي الكم شصار....
،،،،،،،،،،،،،،،،،،،،،،،
جموح"
اجمل لحظات هيه هاي دخل كسار باناقته ورزانته شكله وتسريحت شعره اعجز عن وصفه،وكف يمي واردف
-تخبلين يا اجمل عروسه
ابتسمت واردفت
-وانتَ اجمل عريس شفته
-مو بـ جمالج عزيزتي سكرايتي صدك طالعه سكرايه
الضحكه شاركه حلكي كالو ننزل حتى نركص سلو نزلنه وهوه بس يغازل بيه كلشي بيه يجنن حطيت راسي على كتفه ورجع يغازل
-وَأغار اَن يغرَم أحد بِعَينَيكِ
وَلا يعلم انهَا لِي ؟
وَأغار مِن عَين تَتَأمل عينَاك
وَانا المغرَم بِها !
شلت راسي من كتفه واردفت بغزل اله
- فِي بَحر عَينيك هَامت كل أشواقِي،
يَاسَيد الحسنِ هَل تَنوي إغرَاقي؟.
ضحك واردف
-طلعتي تعرفين تتغزلين بالفصحى
-لا تتحده محاميه
-صح اجمل محاميه شفته
ضحكت،ومر الوقت وصار وقت الزفه جانت جميله وهادئه رحنه للفندق كعدت وهوه جاب عشى اتعشينه وكمت بدلت....
وصلنه لباب البيت ودكينه الباب فتحت الباب وجانت شمس ضحكت وصاحت
شمس:- اجوووو اجووو العرسان
ضحكت وطلعت خاله من الصاله تهلهل الضحكه مرسومه على وجهه الكل دخلنه واتغدينه،صار العصر واشوف جمر كل شويه يريد يكول شي ويسكت اخر شي اردف بسرعه
جمر:-ما اكدر اسكت بعد
كسار:-خيرك شكو
جمر:- اريد اخطب شمس...
الكل بقه ساكت وصدمنه اكثر رد كسار.....
يتبع🎲🦋.....
،،،،،،،،،
تابعوني على حساباتي
في حفظ الرحمـٰن🦋❤️