.
#فاطمه_fatmia
#قصه_في_يمين_يدهُ
#متابعه_لحسابي🤎.
#التصويت_والمشاركه_لاتنسوهم🤎.
{اٰللـــٌّٰـهًٌُمٓ صَلِّ عٓـلٰىٰ مُحَمَّدٍ وُاّلِ مُحَمَّدٍ وٓعٓجٓلِ فٓرٰجٰهٌٓمّ}
^^^^^^^
الـــ يمين الـــخامس عشر 《 هدوء ماقبل العاصفه 》
^^^^^^^
ملاك : امشي بلممر وبس صوت الكعب مالي ينسمع
دخلت للمكتب خليت اوراقي ومساطري والاقلام
وكعدت اصمم المشروع الجديد
مطلعه اغنيه لهيثم يوسف
ادندن وياها واشتغل يسويلي واهس اكمل الشغل بسرعه
خلصت شغل من بعد تعب ساعتين نكسر ضهري يلا خلصت
طلعت ودخلت لمكتب ال مرشد العام على شغلنه (مشرف )
ملاك : هذا المشروع دكتور خلصته
انطيته اله ضل يباوع بتركيز
اشرلي اخذه واردف بكم ملاحضه اعدلها بلمشروع
طلعت وفعلا عدلتهن ومريت على مرتضى دخلت لمكتبه شفته كاعد بتركيز ويشتغل
مرتضى : هاا خير شو يمي
ملاك : شنو.. خلصت شغلي واجيت يمك ضايجه
مرتضى : ايي مو احنه بلبيت امشي ولي لمكتبج غبيه يروح يجي عليج احد وميلكاج
ملاك : هففف شبيك .. طلعت واني اتمشه ودندن بأغنيه سمعتها بفيديو حيل عجبتني بس مدأذكرها بس الالحان
: السلام عليكم
ملاك : لتفتت على مصدر الصوت واردفت : وعليكم السلام
: ال مرشد *** موجود بلا زحمه ؟
ملاك : اي موجود
: اذا مابيها زحمه ممكن دليني مكتبه
ملاك : اي تفضل .. اخذته للمكتب مال المرشد
: شكرا
ملاك : هلا
دخل للمكتب واني رحت لمكتبي كعدت
ارسم واشخبط
ندك الباب مال مكتب
: تفضل
دخل نفس الشخص الراد ال مرشد
_ حضرتج المخططه للمشاريع ؟
ملاك : نعم تفضل
تقدم وكعد كدامي خله رجل على رجل واردف
_ الي عرفته انتي داخله بمشروع جديد وجاي تصممينه ؟
ملاك : ايي بس ماعرفتك منو حضرتك ؟
_ وياج المستَشار نوح علي .. اشتغل بلنفط
ملاك : اهلا وسهلا استاذ .. شجابك علينه لعد
بتسم واردف
_ اهلا بيج ... اني مدير هاي الشركه
نصدمت بعده شاب ويدير شركه كامل وملاحضه الشركه الاشتغل بيها من احد اهم الشركات بلعراق (ماكدر اذكر الاسم حفاضاً على خصوصيه الابطال )
ملاك : وشنو محتاج مني هسه ؟
_ اريد اشوف المشروع واطِرق أله !!
ملاك : طلعت النسخ وانطيتهيا ضل يكلب وترني نوب يدقق
رفع عينه عليه ضل يتأملني شويه ورجع دنك
رفع نفسه وطلع الجكاير من جيبه
شغل الجكاره واردف ... طريقه رسمج وتصميمج للمشروع تحُفه والواضح انو متمرسه مشتغله بغير شركه قبل ؟
ملاك : شكرا .. لا اول شركه اشتغل بيها
لتفت واردف
نوح : هواي تصرفين شكرا
ملاك : شكرا التعبير عن الامتنان والشكر للمقابل ف لازم تُذكر هواي بكل حديث
نوح : اممم
سكت شويه ورجع اردف ... انتي شسمج ؟
ملاك : احم ملاك .. من كلت اسمي رفع راسه وبتسم
وهمس
نوح : اسم على مُسما
ملاك : ضليت صافنه هذا شبي ايع
نوح : يلا اني اترخص ممنون على وقت
ملاك : لا ولو استاذ تنورنا بكل وقت
نوح : تسلمين
ملاك : طلع وسد الباب وراه تنفست براحه هفف حسيته ثقيل على المعده حيل ..
اول مارجعنه للبيت اني ومرتضى كل واحد راح الغرفته اني بدلت وطلعت صبيت غدن وكعدت اتغده اجت زمرده وهيه تغني وتهوس
: اششش اشش شبيج يعني متكول واحد جاي من الدوام وراسه يوجعه ساعه السوده عليكم
تخصرت واردفت وهيه تعوج بحلكها
زمرد : صرنه منعجب ست ملاكككك ليش تخليني احطج واكتلج هنا يعني شنو غير دأرفه عن نفسي من وراكم .. من وره ضيمكم امداكم
: اووو دنجبي ولي شكد تلغين
زمرد : غمه تغمج يالعوبه
: راحت وهيه ضايجه خرب يومج غير الها خلك .. كملت غده وكمت غسلت المواعين ودأطلع صارت بوجهي نرجس الحيه
نرجس : ها عيني واخيرا نورتي
: وخري نرجس مالي خلكج
نرجس : شبيج عيني م**** مني كلجن
: فتحت عيوني على وسعهن من حجايتها ... انتي شو متستحين .. زايعتها كلشش
نرجس : بدت الشرفيات علساس هسه انتي هناك محد يحجيها يمج
: لا محد يحجيها لان هناك كُلهم متربين مو مثل بعد الناس
نرجس : ههه
: دفعته وصعدت الغرفتي غير بشر ماعنده كرامه ذاك اليوم رجلها نسجن وهيه لمت غراضها وراحت لهلهة
وره 3 ايام طلع وراح عليها من بيت اهلها لبيتنه تكفخ وكتل ولا عبالك رجعت هيه هيهه ولا تتغير ..
تصفحت شويه بلموبايل
دخلت على الانستا لكيت شخص بدون صوره وبدون اسم دازلي رساله
محتواى الرساله :
. أول ماشفت طولك على الباب .
. اول ماجت عينك بعينـــي .
. جن تكول اعرفك صارلي سنين .
. وجن عشرة عمر بينك وبيني .
. عشت مطلوب عمري الشوفتك دين .
. وهسه بجيتـــك وفيت دينـــي .
ملاك : حرفيا من شفت الرساله خربت من الضحك هذا منو متيه خاف ؟
حضرته وطفيت النت ونمت
ماكعدت غير ثاني يوم على صوت الباب تفلش
بصوت ناعس
: منوووو
مرتضى : يلا كومي خلصيني راح اعوفج ومحمد واروح فضيني
: كمت كمت هوا هيج ليدك الباب .. كمت غسلت وبدلت بلكوه
ماتريكت ماشتهي الصبح
طلعت ومرتضى خبصني بلهورنات
: شبيككك العالم شعليها تكعدها من وره هورناتك
مرتضى : ترا دمرتيني يعني يوميه نوصل متأخرين بسببج حيوانه خلي منبه
: دروح هوا مال منبه .. درت وجهي على الجامه
وكلساع اغفه وافز
لحدما وصلنه نزلت وركض للمكتب
بديت اصمم على مشروع اليوم .. دخلت السكرتيره
جابتلي النسكافيه
وطلعت
رجعت دنكت اشتغل وماحاسه بلعالم الخارجي
احمم
ملاك : رفعت راسي وستغربت لمدير واكف يم الباب
عدلت كعدتي واردفت .. نعم استاذ محتاج شي ؟
نوح : لا .. شنو ماكو تفضل ؟!
ملاك : اءء اي ي تفضل استاذ
نوح : شيلي استاذ ماحبها
ملاك : لعد شكول ؟
نوح : كولي نوح
ملاك : بس .. قاطعني وهوا يكول
: بلا بس نوح افضل ماحب احد يناديني بغير اسمي
ملاك : تمام براحتك اس .. العفو نوح
: بلسم على جروحه
بفهاوه
ملاك : ها
: سهم تحط بكلبي الفاهيه من تكول ها
ملاك : عفوا .. شنو محتاج ؟
نوح : ممحتاج شي بس اريد اشرف على تصميمج عندج مانع؟
ملاك : لا بس شويه ماحاخذ راحتي ..
وبتسمت اريده يحس ويطلع ماكو
نوح : لا ماراح ازعجاج ولا احجي مجرد اشوف حركتج بلرسم حلو
ضجت ودمي حترك شنو هل لزكه
ملاك : تمام
دنكت اكمل التصميم وهوا يناضرني
يبووو غير حسيت بفشله واني احب من اشتغل اشمر الاقلام والمساطر واكول الحمدلله منزعت حجابي هل مره لان دائمن من اصمم واذا المشروع يطول بلتصميم انزع الحجاب واخذ راحتي لان اعرف محد يدخل بس السكرتيره ..
: ستمريت ارسم وهوا بعده صافن شويه ولاخ ارفع عيني عليه
اشوفه ميباوع على المشروع يباوعلي
ضليت كلساع ازفر بضوجه وواضح عليه بس هوا ماعنده احساس
خلصت المشروع بألف ياعلي
وشوفته : شنو رئيك حلو
نوح : كلشي منج حلو حته الرزايل
ملاك : بتسمت ودنكت ... هذاااا شبيييي حرفيا هذا الصوت الي بداخلي
نوح : ابداع اهنيج على هذني الانامل الجميله
ملاك : تسلم
شويه واردف بكلمات مجنت اتوقع راح اسمعها مره ثانيه نفس الشعر
نفسه الدزليها الشخص المجهول البارحه ؟؟؟صار عندي تشوش بعقلي شكو هذا منو وشنو يريد مني وشنو هل شعر هذا . معقوله صدفه ؟ واصلا ليش ديحجيلي هل شعر شنو هذا ميستحي ؟
اردفت بضوجه وواضح على ملامحي
: استاذ اني كملت المشروع وشوفته ألك ف اني اترخص هسه
كمت وهوا ضل كاعد ومبتسم شنو عباله من هذني الرخيصات ؟ الي بشعر يوكعن كبر اي ولله كبر
طلعت من المكتب ورحت المكتب مرتضى دكيت الباب سمحلي ادخل ..
: مرتضى كملت شغل لو بعدك ؟
مرتضى : لا بعد عندي بس تخطيط شكو شبيج
: اريد ارجع للبيت ضجت
مرتضى : ههههه انتي شبيج بابا شنو هوا لعب بكيفج تطلعين وبكيفج طبين غير وقت محدد
: ماريد اني هسه اريد ارجع للبيت تاخذني لو ارجع بتكسي ؟
مرتضى : اللهم طولج ياروح شلون وية الطسات
: حترم نفسك هييي
مرتضى : ههههه وجهج جنه طسه بعلي
: هسه فضني حتاخذني لووو ارججع وحدييي
مرتضى : هاهيه يابه هسه بس اخلص تخطيط واكوم
: خوش انتضرك بمكتبي
طلعت ورحت المكتبي جان ماكو همزين
كعدت اشخبط كلعاده دائمن اخلص شغل من وقت واضل حايره شسوي والهي روحي
وره تقريبا ١٠ دقايق اجه مرتضى وطلعنه بعد ما اخذنه اذن من ال مرشد
مرتضى : شنو شبيج ليش معبسه ؟؟
: ماكو شي هيج تعبانه
هز راسه وادر وجها مرتضى كلش احبه احسه اخويه مو ابن عمي وحته اهلي يحبونه
ولا مره سوه شي ضوجني بي او صدر منه تصرف مزعج ابدا
_ وصلنه للبيت نزلت اتطوطح من التعب مال كعده الطريق تقريبا ساعه ونص
دخلت للغرفه بدلت ملابسي وحته ماشتهي الاكل لفيت راسي ونمت
^^^^^^^^
أوبال : فزيت اباوع حواليه المكان عباره عن غرفه
وكلشي مابيها فارغه .. اسمع صوت رمي وصوت زلم تحجي بعياط
ايدي ملفوف حواليها زنجيل حديد
ورجلي هم
حجيت ببحه
: منووو هناا .. سااعدووونييي منوووو هناااااا
أوبال : ايدي ترجف وجسمي كله يوجعني عبالك مكتوله
وره دقايق نفتح الباب ودخل منتضر بيده كلاص مش،**
تقرب عليه اردفت : ياااحقيررررر افتحي ايييدييي حيوانننن الله ياخذك الله لا يوفقككك افتحلييي ايدييي يانذل اني عرضك هيج تسوي بيه الله لا ينطيك لا صحه ولا عافيه
تقرب وكمبص مقابيلي ووجها متغير صاير يخوف
يباوع علين بنضارت مقرفه
قرب ايده من وجهي درت وجهي بسرعه منقرفه
مد اصبعه على حنجي ورفعه
واردف : ليش متجرين عدل
أوبال : فكك ايدي ولا تصير حيوان ولو انته حيوان افتح ايدي
: واذا مافتحتها شتسوين ؟
أوبال : راح انعل والديكك افتح ايديييييييييي منتضررررررر
: مافتحها
اوبال : منتضر اني اوبال اوبال بنت عمك حرام عليك الدتسوي بيه ولله حرام
: ولج ادزين عليه هذا الحثاله يدافعلج ؟؟
اوبال : تاج راسكككككك
: هههههه من شوكت بلا صار عندج خوان وكمتي تتكاوين بيهم ابوش
اوبال : انعل ابووككك لابووووو ابويه لا ابو حته الخلفكككك افتتتتتتحححح ايديييي اذا انته رجال مو تتكاوه على مره يالنثيه
: تدرين كلما تصعدين مرحله .. تحلوين ويصير عندج مفاتن تخليني اذوب
اوبال : تففففووو عليك وعلى الخلفكك يالمستنثي امداككك الله يحرحك بنار جهنم كول امين
: عسل
أوبال : تنرفزت حيل كمت اشيل روحي وركعها بلكاع
اردفت : انته هسه ماواعي على الدتسوي
بس من راح تصحه راح تتندم صدكني
: ماتندم على شي اني
اوبال : لااااا غصبا عنكككك تتندمممم وانته المممنووننن فهمتتت والقران وحشه ماكول اسمه بهيج مكان قذر بس وحق القران اذا ماندمك ميطلع اسمي اوبال
: هههههههه لا خفت
اوبال : تقرب عليه كمت ادفع بيه برجلي واعيط حنجرتي يبست من العياط
يتلمس بيه بطريقه مقرفه .. صرت اشهك من كل كلبي مجنت متوقعه يصير هيج موقف وياي بحياتي كلها متخيلت حته
يحجي بكلام ممفهوم لزم ايدي وصار بصفي كعد نفس كعدتي وخله راسه على كتافي
حجيت بترجي : وخر مني منتضر الله يخليك منتضر اني بنت عمك عرضك فدوه لا تسوي هيج
هوا ساكن ولا حركه
ثكل نفسه وراسه على كتفي كمت ارفع بكتافي حته يوخر وفعلا وخرته بس بعده لازم ايدي من المعصم
حجيت بصوت مبحوح : منتضر منتضرر
انغ بيه ميتحرك سكتت وبس دموعي تجري
رجعت راسي للحياط دموعي اخذت مسارها اووف ياحسره البكلبي شلون بهل انسان يعني اني ماخلص منه الله ياخذه ويخلصني
مر تقريبا ساعه ونفتحت الباب ونصدمت بسلطان دخل وهوا يباوعلي مصدوم
سلطان : انتي شعدج هنا ؟
اوبال : حجيت بغصه .. هذا هذا منتضر جابني هنا خطفني الله عليك سلطان طلعني
سلطان : ولج وهوا منتضر هم شعده هناااا انتي شجاي تحجين
اوبال : ولله مادري حباب بس تعال افتحلي هذا الزنجيل واخذني حباب قبل ميكعد
طلع وره شويه دخل يركض فكني وطلعني من الباب الخلفي ماكدرت اشوف المكان الجنت كاعده بي
طلعنه بسيارته واني انحب وابجي من كل كلبي وهذا الطرن الثاني خايف ووجها اصفر مدري شبي وكلساع يندار عليه
وصلني البيتي ونزلت وهوا مافك حلكه بحرف
نزلت واني مهدود حيلي وكانو جان هم جبال على صدري
دخلت وقفلت الباب جانت الدنيه ليل الساعه ب ٢ بليل
بوجهي دخلت اسبح احس نفسي وصخه دخلت اني وملابسي جوه الدوش اختلط الدمع وي المي
ابجي واشهك والطم مخليت شي مسويته
الموقف صعب شكد ماشرحلكم عنه مراح تصدكون يعني هوا ابن عمي بدال ميصيرلي سند وعون طلعلي فرعون
ومتوحش قذر يحاول يرضي رغباته وغريزته الحيوانيه ببنت عمه اليتيمه
دعيت عليه من كل كلبي دعوه يتميه محترك كلبها
طلعت من الحمام بدلت ورحت الفراشي كبل راسي يأذيني من البجي ودايخه
نمت بوكتها وخايفه كلساع افز خاف اشوفه بوجهي .
ثاني يوم كعدت من وقت بدلت اي شي
وطلعت للشركه اليشتغل بيها عون
اول مادخلت سالت عليه كالو ماكو من زمان بطل اني ادري بطل بس عبالي رجع
ردت بس اخذ رقمه الجديد الان القديم غيره
وصلت للسكرتيره مال المدير وكلتلها اريد اشوفه
وفعلا دخلت كلتله وشويه وطلعت كالت : الاستاذ يكول خل تتفضل
دخلت شفته واكف يم الشباك ايده اليمين بجيبه واول مره انتبه عنده وشم بأيده اليمين على شكل ايد وايد ثانيه حاضنتها
حمحمت هوا اندار وبتسم من شافني اردف : اهلا وسهلا
افرك بأيدي واحجي .
: اهلا بيك استاذ
_تفضلي
كعدت على الكرسي وهوا ضل واكف يباوعلي اردفت واني مدنكه
: اءء اني اجيت
علمود عون بس كالو ماكو
_ اي استقال
: ايي كالو
_بشنو محتاجته ؟
: اريد اخذ رقمه حته احجي وياه بخصوص موضوع
_وشنو الموضوع اكدر اني احله ؟
: لا والموضوع خاص
لزم لحيته ويمشط بيها بأصابعه واردف
: امم بيناتكم خصوصيات ؟
_ لا بس موضوع يخصني اني وبس عون يعرف بيه وهسه ماعندي اي طريقه اتواصل وياه بيها
فاجيت عليك حته تنطيني رقمه لا اكثر ولا اقل
الكثعمَ : ومنو الاقرب الج لازم ابن خالج لو الغريب ؟
رفعت راسي وعكدت حواجبي
اوبال : ابن خالي ؟ عن اي قريب تحجي انته ؟
هوا انته عارفني سال عليه هلى امي اشو حته بوفاتها محد منكم اجه ودك الباب وكال اخر الاحزان انشالله عن اي قريب تحجي انت ؟ وبعدين هذا الغريب التحجي عنه على الاقل سمعني ولبه الاريده انتهش نو قدمت ؟
الكثعمَ : واني شمعرفني امج ماتت اذا ابويه مات قبلها وانتو وامج ماجيتو وعزيتونه ؟
اوبال : هوا غير ابوك الطرد امي ؟؟
الكثعمَ : هسه انتي شتريدين ؟
اوبال : مارايده منك شي عزيزي .. مجرد تنطيني رقم عون وهاهيه لامنه الله عليك
الكثعمَ : مانطيج اله تحجيلي شنو الموضوع
اوبال : اهووو
رفعت راسي خزرني رجعت نزلته هذا شبي ايعع عيونه تخوف
نوب اني هم مدري شبيه شكو نزلت راسي . اردفت
: انطيني الرقم كثعمَ مالي خلك مشاكل
الكثعمَ : مانطي الرقم زوجتي متقبل
رفعت راسي عليه مصدومه اردفت بلا وعي : انتتته متززوووج
الكثعمَ : هههه اييي وعندي 7 جهال
اوبال : لا صدك عود ؟
الكثعمَ : شعجب لا مو لاع
اوبال : هسه تنطيني الرقم عون لو شلون
الكثعمَ : دحجيلي شنو الموضوع واني احله الج
اوبال : متكدررر انته شبيك مدتفتهم ماعندك سلطه مثل عون حباب انطيني الرقم ماله وخلي اولي عاد
كعد على الكرسي وطلع جكاره دخنها ونفخها بوجهي .
الكثعمَ : منوه الماعنده سلطه !!
اوبال : انتته وحته اذا ردت تساعدي ف ماريد مساعدتك الله لايعوزني عليك انشالله
عض السانه وكور ايده بعصبيه
الكثعمَ : لج انتي شو متعرفين تحجييين يعني تفضلين الغريب عليههههه جاي اكلج اني احلج الموضوع معليج اذا عندي سلطه او لاااا
اوبال : كمت اريد اطلع
ماحس غير جر ايدي ولواها بحيث سمعت صوت الطكه مال ايدي عطت بصوت كمت اكمز من وجع ايدي
الكثعمَ : اكعدي
اوبال : الله لا ينطيك ياااحيووواننن
الكثعمَ : لزمت ايدها ولويتها مره ثانيه كامت تكمز : منو الحيوان ؟
اوبال : اني اني بس عوفففف ايدييي اخخخ خرب راح اموت ولككك وخرر
الكثعم : تتركتها واردفت : اكعدي بمكانج حركه ماريد
اوبال : كعدت واني اخوزر بيه وافرك بأيدي لو بيدي اكوم امسح وجها بلكاشي اردفت : شتريددد
الكثعمَ : شنو الموضوع التريدين تحجينه ال عون هاي اخر مره اكول اذا ماحجيتي اخليج وا*** هنا ومحمد
اوبال : فتحت حلكي على كلمته بلعت ريكي وحجيتله شنو سوه بيه منتضر
وهوا طول ما اني احجي هوا قابض ايده حيل اخر شي لما كتله لزم ايدي وجها صار احمر وعيونه نطن من العصبيه
الكثعمَ : ايي وشنو التريدن يسويله عون ؟
اوبال : كلت احاجي اكيد ميردني اكله يلزمه ويذبه بلسجون ولله تعبني نوب هسه داخل بعصابه مدري شنو
الكثعمَ : وانتي شمدريج داخل وي عصابه ؟
اوبال : ماعرف بس المكان الماخذني بي جنت اسمع صوت رمي وصوت رياجيل يحجون بصوت عالي
الكثعمَ : امم زين انتي هسه لا تكعدين ببيتج بعد رجعي وية اهلج احسن
اوبال : اي اني هم كلت هيج لان منتضر بعد ماله امان
الكثعمَ : زين انتي من البدايه ليش ماسجنتي من اول موقف سواه بيج ؟
اوبال : شتكيت عليه مره واخذوه بس ثاني يوم طلعو اهله
الكثعم : تمام هسه انتي رجعي لبيت عمامج واني احلج الموضوع لا تخافين
اوبال : باوعتله صفح واردفت .. ليش دتسوي هيج ؟
بتسم تك خد واردف وهوا يحك خشمه
الكثعم : مامسوي شي مجرد جاي اساعد
عشيقتي المتمرده
اوبال : حترم نفسك شنو عشيقتكككك .. هم شويب وهم يتغزل خرب حضي المشخط
الكثعمَ : هههه الشويب يتعبج رجفهِ ڪـــلبي
اوبال : ماريد اي شي منك حته لا تساعدني شكرا ولله يالله شلون ناس
الكثعم : اكرطهن خدودج اكرطهن وماشبع
اوبال : اييعععع شكد مقرف يعني هسه خلص الاكل بلدنيه نداريت على خدودي .. وبعدين انته مو شويب ف اكيد بيك سكر وموزين عليك السكريات .
الكثعم : ههههه فعلا بهاي حقج .. ولا تتغيرين نفسج شنو هل غرور عليمن ؟
اوبال : تنهدت واردفت .. احب نفسي واقدسها ..
الكثعم : حقج ومحمد
اوبال : ليش اجيتني هذاك اليوم وانته لابس لثام ؟
الكثعم : جنت اريد اشوفج تعرفيني لو لا
: وعرفتك !
الكثعمَ : شلون عرفتيني واني مطلع بس عيوني ؟
اوبال : امم شكلهن مختلف وخاصا حواجبك ورموشك الكثيفات ميتغيرن من جنه صغار تذكر لما جنت تكصهن ههههه لان يضحكون عليك ويسموك مكناسه
الكثعمِ : ههههه ايي الك*** جانو مسوين بيه حاله نفسيه
: صفنت وتذكرت اني هذا ليش داحجي وياه واخذ وانطي ؟
اردفت بسرعه : يلا اني اترخص مشكور
هز راسه وكام وصلت للباب
دخلت بنيه واول ماشافته راحت تركض عليه وشمرت نفسها بحضنه : حبيبيييي مشتاقتلك
^^^^^^^^
مرجان : يمه مالي خلك ولله ونفسي مطايقه شي فدوه عوفيني انام
الام : ولج بت الزماله مو جاي يزيد المرض عليج من تضلين مطموره كوميي شويه تحركي
مرجان : ماريد عوفيني لفؤت الغطه على راسي ونزلت دموعي صارلي سبوعين على هل حاله لا ليلي ليل ولا نهاري نهار اربع وعشرين ساعه ابجي
لو نايمه حته اكل ماكل
تدمرت نفسيتي وتعبت حيل منا زعل عون عليه ومنا كلساع يجي ببالي منذر
واحاول اتخطى بس مجاي اكدر
اتصل على عون من موبايل امي ميرد
ومنا حته دراسه ماكو عون مخبر امي بهل شي طبعا بيومها متت من البجي طكيت كلشي ماستفاديت غير انو خنت ثقه اهلي وزعلتهم مني واغضبت ربي وزعلته عليه
هواي طول عون برجعته هواي
بيوم جنت كاعده بره وابجي انفتحت الباب ودخل عون وهوا تعبان وشايل جنطته على ضهر اول ماشفته شهكت ورحت اركض عليه حضنته بس مابادلني ودفعني
مرجان : باوعت بوجها واني مبرطمه اردفت بحزن وأسف : الله عليك سامحني عون حباب ولله بعد ماعيدها اني اسفه ونبي اسفه اعرف غلطت بس ولله لحضه طيش وصارت بس بعد متنعاد اوعدك
عون : وخري من دربي اريد ادخل
مرجان : لزمت ايده وردت ابوسها بس بعدني .. حباببب عوون لتسوي هيج بابا فدوه انته مو تكول اني ابوج اكو اب يزعل من بنته
عون : يي من تسوي الغلط يزعل ويكسر راسها هم
مرجان : واني راضيه تكسر راسي بس لا تزعل حباببببب
عون : كسرتي ضهري مرمره
مرجان : اسفه اسفه ولله
عون : اذا نعادت لا اني اخوج ولا تعرفيني الزمج ادكج واصلخ جلد من جلدج فتهمتي ؟
مرجان : لا لا ولله توبه والقران
عون : يلا امشي طبي جوه تعبان اريد اتمدد
مرجان : لزمت ايده ودخلنه جوه حسيت حته المرض راح مني
صحت .. يمههه اجه عوون
تلكته امي وتبوس وتحضن بيه
تمدد على رجلها واني افرك برجليه وكتافه
وكعد يسولف على هاي البنيه التسمها هيفار وشنو صار وياها
نكسر كلبي عليها وهوا يحجي ويباوعلي ماعرف شيقصد بس ضليت مدنكه حاسه بذنبي وحاي احاول اكفر عنه
نوب سولف على دخلت هذوله العصابه البيته ولازميه
عون : لزموني وربكو ايدي جانت الغرفه مكلوبه وملابسي مطشره
اخذو الفلوس البلقاصه وشكو شي ثمين اخو وعافوني وراحو
حانو ملثمين وكلشي ماشفت منهم بلكوه كمت اخذت موبايلي واتصلت على كثعمَ اجاني بسرعه وهوا خايف
الكثهمَ : ولكك هاي شمسوين
عون : دتعال تعال فتحني شك** ابو الخلفني
الكثعمَ : باكوك ؟
عون : اي شكو فلوس بلقاصه اخذوهن والساعات والعطور
الكثعمَ : شكد جانن بلقاصه ؟!
عون : مو هواي كول الحمدلله من جنت مودي فلوسي كلهن بلمصرف جان هسه كلهن نباكن
الكثهمَ : الحمدلله
عون : لميت الهوسه وراح كثعمَ واني هم نمت كلت باجر ارجع للبيت بعد مابيها شتاقيت المرجانه وامي
من رجعت وعتذرت مني مرمر رتاح كلبي لان عبالي راح تشيل بكلبها عليه وماراح تحس بغلطها بس عرفت هيه عرفت انو غلطانه
سولفتلها على قصه هيفار حته تاخذها عبره
صعدت لغرفتي ونمت نومه اهل الكهف
^^^^^^^
زمرد : ماما عوفيني رحمه ال الله ماريد اروح لهل قسم هيه كوه ؟؟
الام : امداج روحي شوفي بنت خالتج محاميه وانتي ضلي فنون جميله هسه من حورها حته مستقبل مابيها
زمرد : عاجبتني
الام : طاح حضج ولج دخلي قانون احسنلج حته فلوس تجيج هواي
زمرد : ماريييدددد
غمتني وطلعت هففف شهل ملحهههه
ايععع
نمت على بطني واراسل بصديقتي سولفتلها على امي وسوالفها ولله تغث شاكالت بنت خالتج وشحجت بنت خالتج هسه من حورها حته عيونها يمن خرب حضي
نهيت المحادثه وقفلت الموبايل لفيت راسي ونمت باجر وراي كعده من الصبح اخر متحان بلسادس وراح اخلص واخيرا
ثاني يوم رحت للمدرسه خوف على فرحه
جان متحان عربي صعب وحته الاساله صعبه
بس حليت وخليتها على الله
طلعت من الامتحان وقررت اني وصديقاتي نطلع شويه نفرفر نوب نرجع توديع للاخر يوم بلمدرسه
طلعنه نتمشه ونسولف
ساعه ورجعت للبيت
اول مادخلت للبيت انطيت دفره للاسئله والاقلام وطشرتهن بلطرمه دخلت واني اهوس
: ولله والكضت كضاها
والله والكضت
احوووووووو احوووووو
والله والكضت كضاها
والسادس خلصنه منه
والله والكضت اها اهاا
وشلون ركص العماره
هيج وهيج
احو احو
والله والكضت كضاها
الام : خايبه الصمي سطرتينه من دهر صابج كون اكعدييي
زمرد : فرحانننههه فرحانننه واخيراااا
الام : دكعدي كافي تهجولين جنج سليمه ام البن
تربعت يمها واردفت
زمرد : وسفه عليج يوم اني سليمه ؟ هذا الجمال كله وتالي تسميني سليمه ام البن وسفه والف ياحيف على العشره والزاد والملح
شالت الجفجير وركضت وراي طكيتها ركضه للغرفه
بدلت ونزلت كوه وكساع اذبلهم هوسه
رجع ابويه من الشغل قطيته ب خمسه
وكلت الامي تاخذني اليوم تكافأني بما انو خلصت من السادس وفعلا بليل رحنه لمنتزه يمنه اني وملاك وسلمى و در
مر سبوع على العطله
عزمنه عمو فؤاد بسفره للجزيره وفعلا رحنه تونست ونسه اخت الجذب
طلعنه اني وسلمى نتمشه وهما بقو كاعدين
سلمى : هذا الفستان دمر نفسيتي
زمرد : ليشش شبيي
سلمى : طويل وكلساع ادوس عليه واريد انجبح على وجهي
زمرد : اكلج عيوني هوا انتي اسمج دشاديشج وفساتينج يسحلن وراج جدبده مثلا ؟
كفختني على علباتي واردفت : شكد جذاببه وحقيرا ولج انتي
زمرد : ونبي جا ماحاجيه جذب
سلمى : هسه اودي لام منصور تاخذلي منه اصبعين شويه
زمرد : اي هيه بس ام منصور حايره بيجن الله ياسعدها للمره
سلمى : لعد شسوي غير كتله لهذا عمج المشعوذ كتله خل اجيب مكينه بس للبيت اخيط على الاقل الكفه التخصيره بس هوا ميقبل
زمرد : اكحب عمي
سلمى : هههههه يمه يلسانج بسرعه تلكطيها
زمرد : كلمه بيبي المشهوره
كعدنه نسولف شويه ورجعنه للحديقه كعدت بين امي وبين عمو فؤاد لزمني من راسي واردف : ولج انتي العنونه راح تصيرين طالبه جامعيه
زمرد : ايوا للاسف
فؤاد : هاي الذاك اليوم نفطمت من الممه تصير جامعه وانتي بعدج تلبسين حفوضه .. وياشر على دره وهيه تكمز وتلعب بلثيل
زمرد : عموووو شنو ذاك اليوم صار عمري ٢٠ تدري لو لا بعد يومين العيد ميلادي على فكره
فؤاد : بسمارج وصل وعبر الحدود سوريه ورجع طب بخشمج
زمرد : اييييي داكلكم من هسه كلكم تجيبولي هدايه والله الميجيبلي مثل هذيج السنه قشمرتوني بقراصات وعطر ام الاف احرك البيت عليكم
كلهم كالو انجيبلج وبعد مادري صدك يجيبون لا
رجعنه للبيت هلكانين كبل للفراش
مرن اليومين وامي بدت تجهز لعيد ميلادي لان وعدتني انو تسوي عيد ميلاد جبير الي
بمناسبه دخولي ال 20 سنه
صار عيدميلادي تحفه يجنن كلشي مرتبينه
والكيكه جاهزه باقي بس اني البس واطلع
خاله مكياج خفيف وتسريحه بسيطه
ولبست فستان طويل لون سمائي
طلعت ملكه بي كلش حلو طلع عليه
طلعت وطكو فوك راسي مفرقعات ومن هل سوالف
تمنيت وطفيت الشمعه
كصيت الكيك واكلنه وكل واحد راح الغرفته جابولي الهدايه وكعدت بغرفتي افتحهن اشكال والوان
صفيت غرفتي وكمت سبحت وبدلت ملابس فضفاضه ونمت
ثاني يوم عزمتني صديقتي على المطعم
ورحنه بس اني وياها اول مره يقبلون بس لان كبرت وكذا
طلعنه تغدينه
وجعت للبيت دخلت للبيت واني اشمر بحذائي (تكرمو ) والجنطه والحجاب كل قطعه بجها
: ولكك مصيفي جيبلي مييي عطشانه اركض
سويت دخوليه للاستقبال مال مداهمه وكفت نصدمت بلشخص الكاعد
هذا شجابه ؟؟ ........
للحكايه بقيه "
هذا البارت هديه لكل متابعيني الجديدين
نورتوني حبايب لاتنسون التصويت والمشاركه بين الفقرات يهمني رئيكم
استودعتكم بالله ♥️ "