خطوات نحو الموت
#للكاتبة جيهان آغا
لا تنسون الصلاة والسلام
على سيدنا محمد وعلى ال محمد
حبايبي تعليق بين الفقرات وتفاعلكم مع الرواية
و قراءة ممتعة
_____________
الأب - اي بويه خيرج شكو
بهار - احم لا بس بابا حبيبي
اكو شاب تقدملي شتكول انت
اني كتله هيج وهذا تغير ملامحه
وكال
الأب - شنو هذا الحجي مو وكت شقه بابا
تركي سوالف الشقه هذا
بهار - لا بابا مو شقه صدك احجي والعذره
الأب - شنوووو هذا الحجي تعرفين نفسج
شنو تحجين لو لا
بهار - بس خليني اكمل
الأب - منووو هذا ومن وين عرفتي
بهار - مو بابا هذا م م مسلم شيعي
نرسمت لصدمه على وجه ابويه وحسيته تعصب
الأب - شنوووو شكاعد تحجين شنو شيعي وانتِ تعرفين كلش زين انتِ ممنوع تزوجين انتِ راهبه
اذكرج لو نسيتي بنيتي شلج بهل حجي
بهار - طفرت وحجيت وكتله تره هذا شي غلط شلون تسوون هيج بكيفكم تنذرون واني
شنو ذنبي وحقي احب وازوج واستقر والعذره
مايصير هيج
الأب - ولج بنيتي تخبلتي انتِ لا تخبليني وياج
اخر زماني ازوج بناتي الراهبات ولا من دينه
ولا من اصلنه تخبلتي اكيد
بهار - كمت ابجي ومسكت ايده
وبستها وكلت
اريده فدوه اقبل خليني ازوج حالي حال البنات
بويه حرام عليكم النذر ماكالو هيج تسوون بيه
شنو ذنبي واني ما راضيه على هذا النذر
فدوه اقبل كافي تعبت من هذا الوضع ليش تخلونه نحس اني واختي احنا مو مثل باقي البنات ليش
حرام نحب وننحب ونزوج ويصير عندنه جهال
ونستقر حالنه حال العالم ترا حرام عليكم النذر مو هيج تضلمونه علمود نذركم
الأب - كاافي انتِ راهبه وخلص بدون حجي
زايد
بهار - كمت اصيح وابوي يصيح اجت اختي وخذتني وكالت
انسون - سويتيها عرفتج مارح تكعدين ولج شلون تفكرين هيج من شوكت حاجيه وياه
ولا واصله وياه هيج مرحله شوكت
علاقتكم اطورت مو كلتي
بس نظرات من بعيد
بهار - ابجي واحجي
مووو كتلج احبه حسو بيه
وجان اسمع صوت
سيبان ويكول شكو شصاير وابويه حجاله
اجه كسر الباب مال غرفه وضربني جرني
من شعري وبقه يضرب ويضرب ورم كل وجهي
من الضرب جنت متوقعه هذا الشي بس جنت اكول ابويه هوايه يحبنه هسه يوكف ويايه
بس ماوكف ويايه التفتت على الان
اخويه الحنون اشوف
دموعه تنزل ومايحجي شي معقوله اني لهل درجه مسوي جريمه حسسوني كاتله واحد سيبان ذبح
الرجال ابو الكاع محد حجه وياه ولا هيج
ضربو بس اني لأنو بنيه هيج يسوون بيه
ليش البنات هيج دوم مظلومين ليش
البنيه وصلت مرحله تكون لعبه بيد الكل
لو تزوج غصب لو ما تزوج مايصير تحب
ولا يصير تنحب
التحب صارت مجرمه بالمجتمع مع العلم احنا
حبنه طاهر جان مو مثل حب هذا الوكت
كله جذب وخيانه وسوالف طايح حظها
حبنه مو هيج احنه حبنه حب حقيقي
مو حب مصلحه ولا حب شهوه
بس لا اني جان حرام عليه ابسط شي ازوج
بقه سيبان يضرب ويغلط عليه واني من الوجع
ماكمت احس غير بس دموع وتنزل بدون صوت
الان - كااافي راح تموت عوفها
سيبان - الموت الها دوه عووفني اخلص منها
قبل لا تفضحنا
الأب - ولك كااااافي شنو تفضحنا
الأم - يمه كافي البنيه راح تموت ولك سيبان
شوكت يصير عندك كَلب مثل الناس حرام عليك
البنيه راح تموت
انسون - ابجي واريد ادفعه ماكو هذا فاقد من الأعصاب اجه الان سحبه وضربه
وتعاركو سوه واني وامي سحبنه بهار الصارت
مثل جنازه للغرفه وامي كالت قفلي الباب عليكم
قفلت الباب علينه وهيَ بس تبجي
حبيبتي كافي لو بس اعرف ليش هيج سويتي
بنفسج
بهار - بدموع /
انوش فدوه سكتي مالي خلكج
انسون - خلص راح اسكت نشوف تالي وياج
بقينه هيج تقريباً 3 ساعات وهيَ تبجي
واني ابجي وهوسه برا بعدين كالت
بهار - بدموع /
تساعديني مو فدوه اروحلج اني مو اختج
احبه اريده عفيه ساعديني اموت روحي والعذره اموت روحي اذا ماقبلتو نزوج
انسون - ولج سكتي صوتج هسه سيبان
يجي مره ثانيه بس هدي وحجيلي شكلج هوه
بهار - حجيت كلشي من البدايه لنهاية
لطمت على راسه وكالت
انسون - وتردين تزوجون بالسر شلوووون ولج احنه وين كاعدين بكيفج هوه ولج انتِ نسيتي لجنوب شنو بيها وطائفه لهناك ولج لمسيحيين معدودين على الاصابع تردين تموتين روحج وتموتين الرجال وياج تخبلتي اي اكيد تخبلتي صخام الصخمني
بهار - وانتِ جايه تساعديني لو جايه تخوفيني
انسون - وشلون اساعدج يمه
بهار - اريد اطلع منا عفيه اكيد راح يجي فدوه
عسى ولعله اهله يقبلون واذا لا مايهمني
المهم نزوج
انسون - فدوه انسي لموضوع كافي فكري بروحج راح تنحرمين من هوايه اشياء
ليش هيج تسوين بنفسج
بهار - حرب ما يحرمني من شي هوه يمي
فدوه ساعديني انوشه فدوه فدوه ساعديني
مالي غيرج
انسون - اااخ وين انطي وجهي
من قهرج وووين
بهار - كمت ابجي اكثر كتلها
ليييش شمسويه اني اذا انتِ هيج
تكولين لا عتب عل غريب
انسون - انقهرت عليها كلت
تمام بس شسوي كولي
بهار - بدموع /
اريد اروح اشوفه بس اريد منج شغله ترحين وتكليله بهار تريد تشوفك
انسون - شوكت اروح
بهار - وره يومين نشوف اهله شيكولون
يجوز يقبلون
انسون - هسه اهلج نار وشرار واذا اجه سيبان وسمع صدكي راح يذبحج وما ابعد الفكره سيبان كلش عصبي وكلشي اتوقع منه
بهار - ليش هيج تحجين
انسون - شوفي حبيبتي فدوه فكري زين
بهار - لا تقنعيني ماكو فايده اريده
انسون - ولج عقلي كافي
باوعت عليه ما عاجبها كلامي عفتها وطلعت ادري بيه ماكو فايده لو منا لباجر اقنع بيه لبراسها تسوي
راسها يابس بس خايفه من موضوع زواج وسر
صعبه شلون راح ترهم ماعرف
_
_
_
____________
في مكان اخر
حرب - من بعد ما طردني ابوي من لبيت رحت لبغداد بنفس اليوم وكملت كلشي بيومين
ابغداد جان عندي شقه وكلت خلص
على تفاقنه انه بهار عسى ولعله اهلها قابلين
صار الصبح غسلت وجهي وبدلت ورحت ل اربيل
بالطريق الكهوه بيدي واحس دموعي الصارله سنين
ما نازله تريد تنزل كلام ابويه حيل اذاني كل شويه
اذاكره من يكول
ريتني ربيت جلب ولا ربيتك
لا بارك الله بيك
وانه اكول هذا عزوتي هيج يطلع
اذكر واختنك ااخ يابويه كسرت
خاطري ماجنت اتوقعك بيوم
من الايام هيج تحجي
بين الأفكار وبين حبي لهل بنيه وصلت اربيل
رحت للمخزن ونتظرتها تجي ماكو مر يوم يومين اربعه هم ماكو بده كَلبي يلعب وكفت اباوع على فرع مالهم وكول
شجرالج يبت لعذره روحي لهفة عليج وينج يولفي مشتاكلج وربي
_
_
_
___________
في مكان اخر
انسون - صار الصبح كل شويه تجي وتروح وتكول
ليش ما تروحين جنت تعبانه من صدك لأنو
اني هم ضربني سيبان يكول شحدج مثلها
هيج تفكرين بيوم من الايام
حبسونه اني وبهار 4 ايام وبعدين
امي قنعته وكالت خلي انسون تروح للكنيسه
خطيه شنو ذنبها هيَ لا بيها ولا عليها ويلا قبل اروح للكنيسه
وصدك ثاني يوم رحت للمخزن ولكيته واكف بس ودي اكله بسنوني من حقدي وكرهي اله
من شافني اجاني ملهوف
حرب - ها خويه وين بهار شو ماكو وياج
انسون - باوعت عليه وعلى لهفته كتله
اختي تريد تشوفك اهلي ما قبلو بسالفة زواجكم ومنعوها تطلع لو اليوم بالليل لو الفجر تطلع وتشوفك وماعرف شراح تسوون
حرب - كليلها باجر بالليل انفذ الخطه الثانيه
خلي تجي يم السده
انسون - شنو هيَ
حرب - بهار تكلج بعدين
انسون - هيج كال و عفته
ومشيت مسافه ولتفتت صحت وكتله بوجه مكسور
بهار امانه عندك لا تبجيها ولا تأذيها حتمال
راح تنحرم من عدنه انت لا تحرمها من الحنان والحب فدوه
حجيت هيج وعفته ومشيت بدربي وفكر شنو نهاية هاي المشكله رحت بدربي للكنيسه ما رجعت للبيت شغلت شمعه وكعدت ادعي لهم انو يتم هل زواج على خير رجعت للبيت
اول ما دخلت البيت جتي تركض شفت
وجهه كله مورم مال ضرب انكسرت ايدك
يا سيبان شمسوي بيها خطيه جتي بالهفه
بهار - ها شفتي شكال هوه زين مو
انسون - ولج صوتج وتالي وياج تعالي
رحنه للغرفه وكتلها
شوفي يكول كليلها حرب يكول انفذ الخطه
الثانيه باجر بالليل
بهار - يعني نزوج بالسر
انسون - صخام الصخمني ولج بعدج على هل حجايه لا تخبليني
بهار - ولكم كاافي ليش هيج تسوون بيه
فدوه اروحلج ساعديني باجر اروح بالليل
انسون - سيبان مستحيل يعوفكم مرتاحين
بهار - وكتها اصير مسؤولية حرب وهوه
راح يوكف بوجه الناس كلها علمود حبنه
انسون - بهار راح اشتاكلج اذا رحتي
تكدرين على فراك توأمج
حضنتها وهيَ تبجي واني ابجي
بهار - انوشه والعذره احبج شلون ما اشتاكلج
انسون - يلا اني اروح احضرلج شي تاكل صارلج
جم يوم لا اكل ولا شرب شوفي وجهج
شصاير بيج
بهار - رادت تروح مسكت ايدها وكلت
انسون عمري ما راح انساج فدوه اروحلج
لا تنسين بهار بيوم من الأيام راح ابقه احبج
وكل مره اكلج نبقى سوه للموت انتِ اختي
وامي
انسون - من هيج كالت نار وحرك كَلبي
كتلها
شلون انساج وانتِ اختي وامي وحبيبتي وصديقتي وبنتي صح اني وياج توم بس
دوم احسج بنتي
بهار - بضحكة حزن /
يمكن لأنو انتِ اكبر مني بالدقايق هههه
انسون - هههه اي يمكن
فدوه اروحلج اني تعالي احضنج
اريد اليوم نبقى لصبح نحجي اريد اشبع منج قبل
لا تروحين وتعوفيني
بهار - اي اكيد بس تعالي نروح ناكل شي
جوعانه وساعديني احضر الجنطه
انسون - اي يلا
_
_
_
______________
في مكان اخر
حرب - راحت اختها واني رحت فرغت المخزن
كله ورتبت كلشي اهنا عمي عادل سلملي الشغل
كله لأنو هوه مريض هل فتره واحتمال اخر ايامه
جنت كلش مقهور علي دوم ادعيله بصلاتي
بس خلي ازوج بهار ونروح سوا ان شاءالله نزوره
مابقالي اثر باربيل لأنو بهار هوايه حجتلي على
اخوها المجرم علمود لا يأذيه هيج سويت ولا
اني شحده يتقربلي
رتبت كلشي اهناك وخابرت صديقي ابغداد
كتله تروح تسوك كلشي وتحضر البيت ماريد
بي نقص فنجان كهوه كال ادلل
نمت بيومها بالمخزن متكسر تكسير
اذن الصبح رحت اصلي
بالجامع بين صلاة وقراءة القرآن ودعاء
صار الليل وهنا رحت قفلت باب المخزن
خلص بعد ماكو شي يربطني بأربيل
ورحت يم السده اتفاقنه اهناك نلتقي
_
_
_
__________
في مكان اخر
بهار - حضرت الجنطه قبلها بيوم
صار الليل اليوم الثاني ساعدتني
انسون اطلع من البيت بس قبل لا اطلع
رحت على كيفي يم امي بستها من راسها وخذت
قطعه من ملابسها هيَ وابويه وانسون والان
علمود من اشتاكلهم اشم ملابسهم واحسهم ويايه
قبل لا اطلع من البيت التفتت على انسون
حضنتها كل قوتي وكلت
انوشه شكرا انتِ احسن واحلى اخت
فديت توأمي اني
انسون - يابعد عمري منو عندي غيرج جم
اخت عندي ولج بهار راح اشتاكلج هوايه
بهار - اني اكثر
بدموع ودعتها ورحت لي السده
امشي وحدي والدنيا ليل صوت الجلاب يجي
من بعيد واني متوتره وخايفه من سيبان
لا يطلع كل شويه التفت اكول هسه سيبان
يجي ورايه متت من الخوف لحد ما وصلت
بنفس المكان الكال علي حرب اول ما شفت
ضوه السياره وهوه جان داير ظهره كلت بصوت
مخنوك من البجي والخوف
حرررب التفت بلهفه وركض يمي كال
حرب - شبيج ليش هيج وجهج وصوتج
بهار - من الخوف اريد احضنه احس
بأمن من اكون قريبه منه تقدمة اريد احضنه
سحب نفسه بسرعه وكال
حرب - انتضري بس يومين وتصيرين الي
واحضنج براحتي وكتها بس هسه ماكدر
انتِ بعدج محرمه عليه
بهار - حرب ميته خوف
كعدت ابجي نزل لمستواي وكال
حرب - كومي صعدي بالسياره نحجي
ورانه طريق طويل
بهار - كمت واني ابجي وارجف
شغل السياره ورحنه لبغداد بالطريق ابجي
وهوه يسكت بيه
حرب - ولج كافي بجي ما اتحمل اشوف دموعج
بهار هسه اني يمج ليش البجي
بهار - خايفه خايفه على انسون وامي
حرب مرعوبه منه هذا مجرم كلشي يمه عادي
حرب - افا تخافين وانه يمج
بهار - حرب لعيونك راح اضحي بكلشي
بس ماريد أئذي احد على حساب سعادتي
حرب - لا ان شاءالله محد يتأذه بس
لا تبجين كافي ماسيطر اسوق واسمعج تبجين
بهار - خايفه اريدك ويايه للموت فدوه
لا تعوفني بيوم من الأيام
حرب - من هيج كالت وكفت السياره والتفتت
اشوف هل عيون الحلوه مغركه بالدموع
بويه كافي تبجين وشلون هيج تحجين
انه ماعوفج للموت ولج ميت بحبج
شلون اكدر اعوفج
بهار - احبك شنو انت ماتحبني
شو ماتكول احبج
حرب - بضحكه
بس صيري حلالي واشوفج حب حرب
شلونه
بهار - بخجل /
يصير امسك ايدك لو لا
حرب - ههه وربي انتِ ماتكعدين راحه
لازم نفسي بالكوه ما اتقربلج وانتِ
مره تريدين احضنج ومره امسك ايدج
بس خلي نروح لبغداد
والشيخ خطيه راح يجي اهناك
واعرف شغلي وياج
بهار - ههههه ليش مو كلت الشيخ من البصره
حرب - اي ست بهار مو اني هم انطردت
من بيتي غير اخذ الشيخ هناك علمود نزوج
بهار - صدك نسيت
اكلك يعني الشيخ مالكم راح يجي لبيتنه
حرب - شنو شنو بيتنه ههه
عيديها
بهار - هههه كافي استحي
حرب - هههه عيديها اكلج
بهار - بيتنه ههه
حرب - ااخ لو مامحرمه عليه جان عرفت
شسوي
بهار - مثلاً مثلاً
حرب - بعدين تعرفين حقاً وليس مثلاً
بهار - هههه نعسانه
حرب - نامي حبيبي
بهار - ماكدر
حرب - ليش
بهار - خايفه
حرب - بهار اني مو يمج ليش تخافين
بهار - شكد باقي ونوصل
حرب - والله حب بعد باقي نامي احسن
بهار - لا ماعوفك وحدك
حرب - استغفر الله هسه شلون
لا تحجين احسن ماتحمل دلعج
بهار - تأمر أمر عيوني انت
حرب - هاي عود موصيج مايفيد
مو اكول ماتكعدين راحه
بهار - بدلع /
هاي شبيك عيني هسه شكلنه
حرب - ابد فقيره
بهار - كلش ها نسيت اكلك
من توم زؤر خوش ئه وي
حرب - ههه وهذا شنو سب لو غزل
بهار - غزل حبيبي اكلك اني كلش احبك
بالكردي قوربانه
حرب - لحظه هسه ذاك عرفنه وقوربا
شنو
بهار - بكل برائه -
مو قوربا قوربانه يعني فدوه وصدك قوربانت بم
يعني فديتك هههه
حرب - اني شمسوي بحياتي وربي رزقني بيج
اااخ بس خلي نعقد ولج بهار اشبعج غزل قوربانه ههههه
بهار - فديت اليحجي كردي
حرب - واني فديت بهارتي الكرديه
بهار - ههه حبيبي
حرب - بقينه نحجي طول الطريق
شويه واشوفها نامت مثل الطفل
مرات احسها صدك طفله شكلها بريء
بشكل
بعد تعب طريقه وصلنه بغداد
بهار بويه كومي وصلنه
بهار - بنعس /
لا لا هسه انوش تكوم اليوم مو دوري
حرب - انقهرت عليها عبالها بالبيت ويه
اهلها كتلها
بهار حبيبي كومي ماكدر اكومج اني
بهار - ها اي بس شويه نعسانه
حرب - اي كومي بالشقه كملي نومتج
بهار - جنت نعسانه وماجنت اعرف شنو دحجي
شويه وكمت على صوته
نزلنه اخذنه الجنط قفل السياره وصعدنه
فوك بالشقه فتح الباب وجان اشوف شقه كلش حلوه ومرتبه وكل الأثاث بيها ما ناقصها شي كال
حرب - حبيبي اسف بس شغل استعجال
هيج يكون شلون ما جان كتلهم حضرو الشقه
بهار - لا ولعذره كلش حلوه
حرب - مو احلى منج
بهار - هههه ولا منك
دخلنه جوه سمعت صوت قريب علينه حرب
كال اذن شفته راح غسل واجه
فرش سجاده وصلاه واني صافنه علي
وعلى حركاته بهدوء يصلي يخبل وخبلني وياه
خلص كلت
حبيبي يعني هيج تصلون انتو
حرب - اي
بهار - حلوه صلاتكم
حرب - نظر عيني
يلا كومي حضري شي ناكله شويه ويجي الشيخ
بهار - ادلل من عيوني
رحت بدلت ملابسي لبست تراك
بس مستور جان و علي جبه كال هسه
الشيخ يجي
رحت حضرت الريوك الثلاجه
مليانه من اجبان وعسل وفواكه وخضره
مسواك كامل سويت بيض عيون وطلعت اجبان
وصمون وجاي وزيتون صار ريوك ريفي كردي
مثلنا راح يسبح هوه شويه وطلع ينشف شعره
واني عفت البيض عل نار وصافنه على حركاته
وجماله
التفت عليه وكال
حرب - بهار ريحة حرك لو اني غلطان
بهار -
حرب - ها حب تسمعيني
بهار - ها اي اي
التفتت عل طباخ اشوف البيض صاير
فحم عزه بعيني عود هاي اول مره اسويله
شي ياكله التفتت وشفته ورايه توترت وكلت
ال ال
حرب - ههه ال شنو كملي
بهار - البيض احترك
حرب - هههه معذوره
بهار - متوتره وهو قريب عليه كلت
مو جنت راح اطلعه بس
كله منك احترك البيض
حرب - هههه ها ولج انه شكو
بهار - عيوني بعيونه وكلت
صافنه عليك ونسيت البيض
حرب - ليش هيج اني حلو
بهار - كلش
حرب اريدك بس الي
حرب - وانه هم
بهار - ههه وهسه ممكن تبتعد شويه لأنو
متوتره علمود اسوي بيض ثاني
حرب - هسه منو كاضج ماتسوين
وربي مامتقربلج واكف في امان الله واشوف
نعم ربي مايصير
بهار - ههه يصير
التفتت اكمل وهوه واكف
سويت بيضه ثانيه وتريكنه بس اني ما اشتهي
احس نفسي مخنوكه ومامرتاحه
حرب - ليش ما تاكلين
بهار - مخنوكه
حرب - حبيبي ماباقي شي ونخلص من كل
المشاكل ان شاءالله اكلي
بهار - ماشتهي والعذره
اندك جرس الباب راح فتحه
طلع الشيخ وثنين رياجيل
حرب - هلا بيك شيخنه نورت
تفضل هلا بالشباب
الشيخ - هلا بيك وليدي
- هلا بيك استاذ
- هلا بيك عريسنه
بهار - رحت قدمتلهم مي
مرحبا هلا بيكم
الشيخ - هلا بيج بنيتي
اي حويرب بويه هسه لازم تدخل
الإسلام ويلا نعقدلكم احسن
حرب - اي شيخنه
بهار بويه روحي سوي جاي
بهار - اي ادلل
رحت اجه ورايه كال
حرب - بهار بعدج على كلامج ماريد اجبرج
بويه اذا تحبين نخرب كلشي ورجعي لهلج
واذا تريدين خلي ايدج بيدي ونكمل لنهايه حياتنه بس ماريد اجبرج على شي
بهار - بدموع /
كَلبك جبر كَلبي يحبه
بعدني على كلامي اريدك واريد للموت نبقى سوه
حرب - وللموت راح نبقى سوه
بهار - ابتسمت راح هوه واني صبيت الجاي ورحت
قدمتلهم وكعدت يم حرب والشيخ يحجي واني احجي وراه وصلنه يم نطق الشهادة نطقتها
وكال الشيخ مبروك عليج دخلتي دين الإسلام
بقه يدعيلي وكلهم يكولون امين واني هم وياهم
اكول امين حسيت بحساس غريب وحلو كلش
احساس ما ينوصف بس ماجنت اعرف شنو
هذا الاحساس وبعدين بده يحجي اخر شي سمعته كال
تقبلين بحرب ابن .... بزوج لكي على سنة الله ورسوله صل الله عليه وآله وسلم
كتله اي اقبل
ونفس السؤال كال لحرب
وبعدين كال اللهم صل على محمد وعلى ال محمد الف مبروك الزواج شايف كل الخير الذريه الصالحه ان شاءالله
حرب - تسلم شيخنه الله يبارك بيك
بهار - صار الزواج وراحو الشهود ويه الشيخ
واني ابجي حرب وصلهم يم الباب ورجع
حضني وجانت اول مره احضن حرب وامسك
ايده ويكون قريب مني حضنته واني ابجي
وهوه يسكت بيه كتله
حرب اريدك تصيرلي زوج و ام واب واخت واخ
اريدك تصير كل اهلي اريد احس وياك
بالأمان احبك
كام يشم بشعري وكال
حرب - افيش يرحت هلي شكد جنت
منتظرج تصيرين حلالي بهار اعشكج وربي
احبج احبج احبج مو جنتي منتظره هيج اكلج
وهاي كتلج احبج احبج ولج اااحبج
بهار - واني هم احبك ماراح تنساني
هيج كلت وسحبني اكثر اله وعيونه بعيوني
ولمسة يده على خدودي وكال
حرب - اكو نقطة بسواد
لعين بهاي النقطة خليتج شلون انساج .......................................
_
_
_
_________
ترقبو البارت القادم احداثه تخبل
وشنو توقعاتكم راح يصير شي
لو تستمر حياتهم بشكل طبيعي
لا تنسون قلبي انتم حق تعبي
____بالتصويت بالنجمة
_______و تعليق بين الفقرات
__________وتفاعلكم مع الرواية
ومتابعة حسابي................... واتباد ⬇️
وحسابي انستجرام ⬇️
انشر اهناك كلشي يخص الرواية وكلام الأبطال وموعد نزول البارت ومحادثات بيني وبين الأبطال وعن قريب راح انشرلكم حساب الأبطال اهناك
الان دمتم بخير
في أمان ألله قلبي
<<<<<<<
سبحان ألله
ألحمد لله
لا إله إلا ألله
ألله أكبر
<<<<<<<
#خطوات نحو الموت
#للكاتبة جيهان آغا