الفاتنة والذيب

الجزء الثاني عشر

#الفاتنة و الذيب

البارت "12"

بقلمي:تبارك ياسر

حلوات لا تنسون التصويت +تعليق بين الفقرات ومتابعه الحساب

                             İnsta: to20_mo
                            TikTok:to20_mo
_______________________________

مهيمن :احبج فراشتي

حجا هيج وطلع واخذ روحي وياه

حاولت اهدا وما اكبر الموضوع لان بنهايه هذا شغلا رحت صليت ودعيتله  ونمت

كعدت الصبح واني ما لي نفس لان بلعاده هو يتصل لان عندي امتحان كعدت من وكت ودرست  طلعت سلمت على شمس ورحنا عجامعه

اول ما فتت التقيت ابان سولفنا شويه وحجينا وكل عاديه ايمر يومي عادي

مر يومين على التحاق مهيمن  واني مشتاقتلا وما حجا وياي ولا بعثلي شي

جنت متمددا وجان يمان بحضني اليوم اجو عدنا ونامو واني اخذتا وهو نايم بحضني اتصل يمان كلش فرحت ورديت واجاني صوته كان روحي ردتلي

_حبيبي

مهيمن :يا بعد حبيبج وطوايفا وعشيرتا كلها شلونج فراشتي

_مشتاقتلك

مهيمن :واني بعد مشتاكلج يا روحي بس شسوي هذا شغلي بعد

_الله يحميك ويقويك ان شاء الله انت اشونك

مهيمن :من سمعت صوتج صرت زين بس ليش صوتج ناصي ويامن كاعدا

_يمان نيم بحضني وخيفي لا يقعد

مهيمن :يا كو* هذا

_حبيبي يمان الي اخذتو مني وبوستو لما كنت تتلتحق تذكر

مهيمن :وهسه هو بحضنج جا واني

_حبيبي انت مكانك موجود بس تعال واشبعك احضان

مهيمن :ها يعني اتنوميني بحضنج

_اي ويمان اطردو

مهيمن :جذابه وعلي هو اخذ مكاني وهسه كاعدا واتبوسين بي شيلي من يمج

ضحكت على حجيا وحجيت

_حبيبي اتغار من طفل

مهيمن :اي اغار اني بضيم وهو شابع حضن وبوس اني اعلمج من اجي

_اي انت تعال وكلي الك

مهيمن : فراشتي

_ها ذيبي

مهيمن : هسه اني كاعد اباوع عل كمر وكلما اباوع عليه اذكرج واذكر سوالفج ولج شسويتي بيها ها رجال شكبرني شكدني فصعون ام شبر ونص اتخليني افكر بيها اربع وعشرين ساعه

_كل هلقد اتحبني ؟!

مهيمن :ولج كلمه احبج ما اتعبر على الحب الشايلا بكلبي الج اذا هسه بعد ما ازوجنا ودولبتي حالي لعد من نزوج شلون

_اخليك تمشي وتحكي مع نفسك يعني اش اعمل ارقصلك مثلا

مهيمن : والله كلشي اتوقع منج اتريدين تجلطيني

_اسم الله اشبيك

مهيمن :فراشتي اعشكج حيل

_اموت عليك انا

حجينا شويه وراح

واني باوعت على يمان وضحكت على تفكير مهيمن شبعتا بوس ونمت

مر هذا السبوع واني يوم اداوم وما اداوم لان قربت الامتحانتا فما اكو محاضرات هواي وهسه اتحدد نيشان خالتي اسبوع الجاي واني كلشي ما محضرا

وكلت بس يتصل مهيمن اكلا  وبل فعل من اتصل كتلا وما عندا مشكلا بس موتني وهو ايكلي

مهيمن :اتغطي زين من تطلعين وترجعين ولا تكفين كدام العريس ضلي خالا الحجاب على راسج ولا تركصين

_تمام حبيبي

حجا هواي ونبهني وما خلاني اروح الا اعيد وراه  رحت مع ماما اجرتلي فستان  وحجيت مع بنات خالتي واتفقنا

اجا النيشان واني متحمسا كلش ما ركصت ولا اجيت يم العريس هاي حسب توصيات مهيمن واني جنت لابسه فستان سمائي مفتوح من الكتاف ويجي من الاسفل منفوش شويه وطويل وبي فتحه الرجل تطلع اني صح ما ركصت بس كاعدا وجق صور بس خالتي طلعت اجنن وبنات خالتي هم اجرو وطلعو حلوات كلش واني تركتهم يركصون

ورحت على بنات عمامي جانن معزومين وكتلهم ايصوروني حتى ادزهن المهيمن والله اخذت كل صوره ولا الخ كلش حلوات  خلصت الحفلا

وكلش اتونسنا رادو نرجع على بيت جدي
بس ما قبلت ورجعت على بيتنا ما بيا حيل وباجر  دوام بس رجعت وياي بنت خالتي اسراء حتى تجي وياي علجامعه نتونس

طبعا مرت خالي شفتها بس ما سلمت عليها لا اني ولا امي من رجعنا

سولفنا اني واسراء وبعثت صوري المهيمن بس هو مشغول ما شافم رحت سبحت واجت

اسراء :ولي هسه مهيمن ايمتي ينزل

_وي ما اعغف ايمتي بس مشتاقتلو كثيغ والله اذا جا ما اتركو

ضحكت وحجت

_ما انت رتي ضابط استحملي لكن

باوعت عليها بطرف عين وحجيت

_اي غتوه ضابط بس انت زي غتي ضابط هسه من يجيكي انشوف

اسراء :والله من جاكي مهيمن ومثل ما تتمنين ايقنتو انو الله تعويضو احلا بعد من الي اتمنينانو فاكيد الله غاح ايعوضني مثلكي الله يحفضكم البعض

_حياتي تسلمين ان شاء الله

اشويه واجت شمس وهي واسراء اتفقو بس ما ادري شلون كلش حبو بعض  شويه وشوفتها الشمس الصور والفديوهات الي اخذتنهن كلش عجبوها

شمس :ولج طاله اتشكين شك والله ومكياجج اجنن بل فعل نيال اخويا عليج

ضحكت وهي اتقلب شافت فديو 
جان يمان شايلتو وهو اكلو بسوني من هنا واشرلا وهو ايبوسني  وضحك بل اخير بستا قوي وهو ضحك صورتلي يا اسيا واني ما اعرف بس كالت شكلج حلو بي وانت جاي اتبوسين بي وتلعبين وياه

شمس :ولج هذا الفديو اذا شافا  مهيمن ايعصب كلش عليج

_اعغف قبل كم يوم عغف منيمتو بحضني ضاج

شمس :مهيمن كلش غيور من هاي الناحيه ايحب الاستملاك ديري بالج هسه لا اتشوفيه هيج حتى وياي ايعصب اذا شاف مني شي طالع ايعصب وايضل يغلط والعباس حتى اذا شاف حمرا او اي شي على بشرتي ما ايخليني انزل الا امسحا ايكول  لمنو حاطتهن  تقبلين احد يتمعن بخلقتج ويشتهي جسمج

_اعغفو واعغف سوالفو  عل نيشان فجعني فجع 

شمس:اي حبيبي  فهو ليش اختارج لان انت متعلمة على هاي الشغلات هو كاره جنس حوا من وراه هذني السوالف ايكول اتشوفا كمر بس بلا مكياج جنها راس بصل ايكول البنيه اشكد ما اتكون على طبيعتها وما تتصنع تحلا بعينا اكو صنف يحجون وحبون هذني بس لما ايردن يتزوجن ما ايلاقن الا الي ما تتصنع ترا هو راح اينام وياها ويصبح بوجها اذا بلمكياج جهرا وبلا مكياج جهرا شلون بالله

_بالله يعني اختارني الهل سبب ويكره البنات على مود هشكل

شمس:لا اكو سبب ثاني بس هذا واحد منهم

_ليش احس مهيمن مخبي شي علي

شمس:لا عادي

هزيت راسي وهي اردفت

شمس :اي المهم فكتلج انو مهيمن غيرتو كلش صعبا هو اني ما متحملا روحي هلمره انت ومرتا يبوه

_اي غيور الدرجه  اتصل على امي وكبل لا نطلع لفتني لف سالتها ما حكت شي وهو دازلنا سياره حتى تاخذنا واترجعنا  الهدرجه هيه صح ما قالت ليش بس اعرف سوالف مهيمن هاي

شمس : مو كلتلج

اسراء :اي بس لو ما ايحبكم ما ايغار عليكم

شمس :اي صح لان هسه بنات عماماي لو يمشن مصلخات هو ما يحجي وياهن حرف

_وهو اش دخلو بيهم خيولون

شمس :كمثال لا تحمين

حجينا شويه وهي راحت واني واسراء شوي ونمنا وثاني يوم رحنا عجامعه ورا المحاضره رحنا كتدنا بكفتريا الزراعه واني حجيت

_جوعاني اغيد اكل

بان :ليش ايمتي انت ما جوعاني

ضحكت وشمس حجت

شمس :اني ارد جاي راسي راح ينفجر

_اي لكن انا اغوح اشتغي لفات وبان انت اشتغي عصي وشمي انت جيبي جاي

اسراء: وانا

_انت ضلي هوني ما نتاخر

هزت راسها وكل واحد راح على موقعا

واني واكفه انتبهت على بان رجعت بس شمس ما ما اكو اخذت الفات ورحت عليها وانصدمت

شمس

ردت اشرب جاي لان راسي يوجعني قصيت وصل ورحت وكفت وانب ما لي نفس شي اشو على غفله انيحب مني الوصل باوعت عليه جان ولد كلش كلو ابيض وعيونه وشعره سود ومو كلش طويل وجسمه رياضي

مسكني جنطا وهو راح اشترا جاي ورجع واني مصدومه وهو حجا

......:امسكي اشتعلت ايدي

اني فزيت وحجيت

شمس:منو سمحلك اتخوح وتشتغيلي

.......:غشعتوكي ويقفي  وكلا اولاد ويقفين قتو اساعدكي

شمس:ما يحتاج وهذا الجاي خليه الك

حجيت هيج ورميت الجنطه بل ارض ردت اروح شفت تماره

تماره

شفت شمس تحجي ومعصبه باوعت على الي تحجي وياه زانصدمت هذا ابن عمي محمود رادت تمشي واني رحت هوه شافني وضحك

محمود :هلا تماره اشونكي

_هلا محمود

حجيت هيج ودرت راسي على شمس وحجيت

_اشكو اش صيغ شمس

محمود :والله ما حكيتو شي معاها بس جبتولا جاي لان ازدحام

درت راسي عليه ورجعت على شمس وضحكت هي معصبه من راسها وطلعت الفشه بمحمود وهي راحت وهو حجا

محمود :تماره اسف بس والله ما عملتو شي غلط وهذا الجاي مالتا

اخذت الجاي منا وحجيت

_لا والله ما صاغ شي بس شمس شويه معصبي هسه

محمود :هاي صديقاكي

_اي صديقتي واخت مهيمن

هز راسه واني رجعت وعطيتها الجاي واضحك اكلنا وكلش اتونسنا واسراء اجا ابوها اخذها وراح وبان راحت واني وشمس رجعنا

لما رجعت علبيت انصدمت شفت كم مكالمه من مهيمن علواتس لان الشبكه ما تصل هنك هواي

اني خفت فتصلت عليه واجاني صوتا وهو يصيح

مهيمن :وين جنتي ها مو جاي اخبرج ما اتردين وشبكه خر* ما اكو  فما عدكدر احصلج

_حبيبي اشبيك والله كنتو بدوام

مهيمن : وهذا الخ* الي دازتهن شنو ها ما كتلج ما تركصين وما تشلحين حجابج ها ما كتلج

_حبيبي والله شلحتوه  وهو كان ما موجود والله واخذتو هذولي الصور وهو ما موجود

مهيمن :وهذا ابن عمج ال كو* ليش جاي يبوسج لا وانت اتاشريلا على وجهج ايبوسا شلون كو*

_مهيمن ترا هو صغيغ اشبيك

مهيمن :لو حتى صغير المهم ولد بعد اذا شفتا هيج تتعاملين وياه اشيلج انت وياه واطركم من السطح

كلش ضجت ما كلاما عبالك ما ادري شسويت اذكرت كلام شمس  وحجيا عل غيره وبل فعل غيرته كلش قويه ولا كان هو

حجيت واني ضايجا

_تمام انا غاح اغوح ابدل دير بالك على نفسك

حجيت هيج وسديتا  بوجها رحت بدلت واتغديت ونمت كلش ضوجني واني والله زعلت منا

لي المغرب  كعدت اشتغلت اشويه مع ماما واتعشينا وطلعت درست شويه وردت انان شفتا يتصل ما جاوبتا كم مره بتصل ما اجاوبا واسدا رجع دز

💬حبيبي الزعلان

💬رويحتي

💬عرج كلبي 

💬فراشتي

اشوف وما ادز رجع دز

💬عليج الله بداعتي اتردين راح اخابرج

اتصل وفتحت الخط وما رديت

وهو حجا

مهيمن :اروح فدوه للي زعلان مني

_لارد

مهيمن :حبيبتي

_لا اتقول حبيبتي ما احبا

مهيمن :اروح فدوه الهصوت حاضر اني حبيبي بعد شتريدين

_مهيمن اغيد انام تعباني

مهيمن :لا اتنامين وانت زعلانه مني

_ليش ايهمك ؟!

مهيمن :افاااا اذا ما همي زعلج زعل منو يهمني

_لا رد

مهيمن : والله ما هان  عليا اتنامين وانت زعلانا وما اراضيج 

_مهيمن هسه انت اش اتغيد

مهيمن: ترضين

_ما ارضا اشون والله كنتو عدنتضرك بدقايق اتخبر وبعثتولك الصور والفديوهات فغحاني بل اخير اتصيح علي

مهيمن: ولج اي ذكرتيني اشطالعا اليوم فراشتي وعلي لو يمي انتي الا اكلج واني من هنا مشتاكلج ومشتعل فشوفي حصتي شكبرها تطلع

_ما اكو حصا بعد عزلنا خلصت فلوسك

مهيمن: اجدد اشعندي

_ان شاء الله يا مهيمن يجي الامر ويدقق بعقوبا

مهيمن:مقبولا منج فراشتي  مقبولا بس المهم ترضين

_واشون ارضا ما عندك مغريات

مهيمن :شنو رايج نتراضا بحلك

_هذا الحل ايرضيك وانا اش مستفادي لازم اخسرك

مهيمن :هو انا بلحالتين ماخذ حلك اي شنو اتريدين اجيبلج

_اي شي

مهيمن :اي شي

_اكو ملابس اجديدي شفتوها كلش عجبتني بس بلانستا بيج اغيد اوصي منا

مهيمن :يجرالج وبعد

_اغيد بوكس من هذا المكياج والمستحضرات اوصي واعطي رقمك

مهيمن :يجرالج وبعد

_اممممم اغيد من تجي اجيبلي نوتلا ونساتل وجبوسب واندومي وهشكل تشكيلا نمنميات

مهيمن :يجرالج وبعد

_هذا هو

مهيمن :سهلات ذني جان كتي هيج من البدايه مو شلعتي كلبي

_اي ما انت اتقول ادللي

مهيمن :ولج راح اشبعج دلال بحيث محد ما يكدر يتحملج غيري  هوه على القط سهلات ذني

_لا حبيبي هاي هسه لان ما متزوجين هشكل ازعل من نتزوج  اتشوف اشون ازعل واترضيني

مهيمن :اشتعلو عشيرتج ولج انت ناويا عليا بس عادي كلشي منج مثل العسل على كلبي

ضحكت بصوت عالي وهو حجا

مهيمن :اشعليني بعد اشعليني  من اشتعلو عشيرتج على هاي الضحكه

_احبك غوح غوحي

مهيمن :اعشكج حيل فراشتي

سكتت شويه وهو حجا

مهيمن :اسف فراشتي  لمن عصبت عليج بس والعباس لمن شفتج شلون بستيه وهو باسج وانت شلون طالعا وعلي غرت علج واني اسف اذا خربت عليج ونستج

_اتعيش واتخرب واتراضي حبيبي

مهيمن :والله حقج لان ما اضمن روحي

_احبك لو اش ما كنت

مهيمن :احبج عرج كلبي

حجا هيج وما اسمع غير صوت ويكول

....مهيمن العاشق الولهان ميت مره تسوي ضغط باجر وعشمس وطابوك على ضهرك خلص مكالمتك وبعدين نحجي

من راح سمعت صوت مهيمن

مهيمن :هاي حوبتج ولج بعد ما اخليج  اتعصبين هسه اتكولين ان شاء الله تموت وتجي تريلا تدعسني

_ اسم الله اسفه بالله ما كنت اعغف هشكل غاح ايصيغ

مهيمن :ولج اني بحياتي ما ماكل عقوبه وتجي منج اني اعلمج بس اكضج الا اطلع القضا والمضا

_اعرف ما تسخا بيا

مهيمن :بربوك اعرفج تلعبين عل وتر الحساس

_اكذب اذا  اقول ما تستاهل لان صيحت عليه تصبح على خير حبيبي

مهيمن : مقبولا منج عرج كلبي مقبولا

من سديتا صفنت وكلش انقهرت عليه ضحكت
و نمت ومر هل يوم وتحدد الامتحانت نهايت الكورس اسبوع الجاي واني اطول سبوعين طبعا كلش تعبت وشمس وياي امتحاناتها فاثنين ملتهيين ومهيمن خطيه يتصل علينا بين فتره وفتره يطمئن علينا وما عافنا واني  دالحمد لله جاوبت باجر جان اصعب شي وكلشي ما جاي افتهم وبس ابجي  اتصلت على مهيمن بلكت ايرد ضليت اتصل  والحمد لله رد

مهيمن :فراشتي

من حجا هيج اني بجيت

مهيمن:هاي شبيج ولج ليش هلبجي ها

حجيت واني ابجي

_مهيمن اشتقتولك ايمتي تجي ها والله تعبتو اغيدك

مهيمن :يا روحي والله ما ضل شي ان شاء الله وانزل

_اشتقتولك

مهيمن:واني اكثر يابعد المايرمشن من ايشوفنج

_اغيد انام بحضنك وتلعب بشعغي

مهيمن:صار حبيبي بعد شنو اتريدين

_بس اغيدك

مهيمن :ما جاي تكدين تدرسين مو

_اشون عغفت

مهيمن :عرفت غيري مكانج وروحي اكلشي ورجعي درسي

_تمام هسه اغوح

مهيمن :اروح فدوه الج فراشتي

ضحكت ورحت سويت مثل ما حجا والله صرت احسن درست وخلصت ونمت

   ثاني يوم رحت عجامعه اني وشمس بس شفت شمس وبان جاي يحجون بس من اجيت سكتو اني ما اهتميت بعدين فتنا على قاعت الامتحان وامتحنت وكلش زين جاوبت فرحت كلش من طلعت شفت شمس وبان وامنه متجمعين من رحت غيرو السالفه وسالوني عل امتحان وحجيت عادي

استغربت كلش من حركاتهم

استغربت كلش من حركاتهم ردت اطلع مسكتني بان وكالت

بان :تعاي لي هنك اريد احجي وي البنات ونطلع اني وياج

_ترا اكو شي عتعملونو وانا ما اعغفو

بان:يعني شكو انجبي ولا تحجين من عندج امي تا انروح

هزيت راسي  ورحنا قريب الربع ساعه واحنا واكفين نحجي مع البنات اشويه وبان اجاها اتصال وحجت

بان:يالله تماره امشي انروح امنه اتنادينا

هزيت راسي ومشينا بلممر واول ما طلعنا شفت مهيمن كدامي فز قلبي وضحكت وهو فتح ايديه واني نزلت ركض عدرج وهو اشويه نزل وحضني واني حضنت ركبتا وهو حملني بين اديه

_حبيبي كلش اشتاقيتلك

مهيمن :واني بل اكثر فراشتي

ضلينا حاضنين بعض والكل يصفك ويصفر واني ناسيا كلشي ما همني بس هو رفعت راسي وباوعت بعيونه وبست خده وهو ضحك ونزلني وعطاني بوكيه ورد ضحكت وشفت بطاقه بداخلها شفتا مكتوب عليها

واكثر ما يزيد الوردُ حُسناً
بأن يُهدى أيا قمري إليكِ
كأن الودَ قبل لُقياكِ غصنٌ
فيزهرُ حينَ تلمسهُ يداكِ

ضحكت ورجعت حضنتا من صدرا وهو مسك ايدي واجو علي البنات وبسوني وحضنوني واكو مستغربين وعيونهن غيره وحقد اجا علي وحسن هنا كلش مقربين وحبالين وياي كلش اعزهن بعيدا عن كنت معجبه بعلي  بس ما غير كونو اخ وصديق وهو وحسن ما صارتلم فرصه انو يهنوني بخطوبتي لان حسب توصيات مهيمن ابتعد منهن فمن اجو سلمو وباركولي واني جاوبتهن واجو على مهيمن وسلمو عليه شفت مهيمن كوه جارعو فضحكت على شكلو هنا راحو وهو مسك ايدي وحجا

مهيمن :يا جماعه اسمحواي بمرتي هسه وانت شمس اتصلت على صديقي هو يجي ياخذج

شمس :تمام

ضحك مهيمن وسحبني ورحنا على سيارتو جان مفوتها الجامعه اول ما طلعتا حضنتو وهو بادلني الحضن جانت سيارتو مضلله فما اهتميت

ابتعدت من حضنه وهو حضن وجهي وباس راسي وعيوني وخدودي وطبع بوسات سطحيه على شفايفي وحجا

مهيمن :من شفتج ردتلي العافيه

ضحكت وابتعدنا وهو شغل السياره

_حبيبي وين راح انروح

مهيمن :راح اخطفج

_اي عادي

مهيمن:شو انت بايعه روحج

_وي ملاقيتا ويحد صاك يخطفني

مهيمن :شو تتحرشي

ضحكت ومشينا واني حجيت

_ايمتي جيت

مهيمن :الفجر من حجيت وياج جنت بطرق ووصلت ورا الاذان

_ما تعبان

مهيمن :عادي حبيبي كلشي ايهون الج

ضحكت وحجيت

_ليش عملت هشكل

مهمين :شمس حجتلي شلون البنات يحجن وياج ويسمعنج كلام فكلت اسوي هيج حتى يعرفن

ضحكت واذكرت
حجيهم جنت كل ما اروح يسمعني كلام وبل اخص هسه يامن ايوصلنا فهما يحجون علي وهاي غير نضراتهم الي لان ما يدرون مخطوبه وهنا مره ايشوفن يامن ومره مهيمن فصارو يحجون عليا

جنت كلش اضوج بس ما احجي شي وخطيه مهيمن سوا هيج لان مره شمس سمعتهم وحجتلا

انتبهت وكفنا يم مختبر باوعت وحجيت

_لليش جينا هوني اش دنعمل

مهيمن :نسوي فحص دم للمحكمه

حجيت بفرح

_ليش ايمتي

مسك ايدي وباسها وحجا

_اسبوع الجاي اتصيرين مرتي شرعا وقانونا

ضحكت ونزلنا وماسكين ايدين بعض ودخلنا وما انتضرنا كلش لان مهيمن حاجز هو راد اني اكعد

فكعدت وهي تشتغل عينها على مهيمن وهو واكف يمي نغزتا حتى يروح بس ولا اهتم ضجت منا وهاي البومه ما اتباوع عليا بس اتباوع عليه

نغزت الابره بيه ولا عقمت ولا شي شاطت روحي  مسكت ايد مهيمن وحجيت

_الاهي  تنكسر ايدكي قولي امين

مهيمن :على كيفج وياها

حجا هيج وباوعت بوجهو وحجت بكل مياعه

.....:اسفه ما قصدي

سحبت الابره مني وايدي كلش توجعني كمت وباوعت عليها ضحكت من كعد مهيمن بمكاني باوعت على ايدي جاي ايصير زراك خفيف

وتوجعني هواي بس ما اهتمين بقدر هاي الخنزيره الي اكلتو اكل بعبونها وهو ما باوع عليها وما عطاها مجال بس هي كلش خفيفه مسكت ايد مهيمن وبكل رقه تشتغل شاطت روحي واني اباوعلها هيج شلون تمسح على ايده وبكل هدوء ومياعه حجت

.....:ما شاء الله  حلوات الدماراتها الي ابيدك كلش واضحات 

حجت هيج وباوعت بوجهو وبتسمت وهو ابتسم واني رحت يمه بهدوء وكرصتا من كتفا واني مشهوره بقرص ما اعوفها الا تزرك واستغليت الوضع وهو ما يكدر يحجي بعدت منا وهو باوعلي وخزرني ويهز براسه

هي من خلصت سحب دم قربت منا حيل اشويه واتبوسا هي رادت بس اتشيل الشريط عليش تتقرب هيج ما ادري واني حجيت

_هييي وجع فد مره بوسي

هي باوعت علي وخزرتني باوعت على مهيمن وهو هم خازرني وهي حجت

....:ترا هذا شغلي شبيج

_لكن علوه تشتغلين صح ابدال هتقرب الي مالو داعي

حجيت هيج واخذت جنطتي وطلعت وهو على نفس الخزره نزلت ومشيت والدمعه بطرف عيني شويه ما احس غير ايد خشنا مسكت ايدي التفتت شفتا ردت اوخر ايدي ما كدرت ومشينا ووصلنا السياره

فتح البواب واني كعدت وسديت الباب بقوه هو باوعلي واستغفر واني لزكت روحي بلباب ودرت وجهي عنا وما حجيت شي مشينا مسافه

واني ما باوعت عليه اصلا وبس تنزل دموعي غرت كلش هاي اول مره اتصرف هيج تصرف بس هو خزرني واني ضجت منها ومنا

شويه وما احس غير وكفت السياره ضلت واكفه عرفت ايريد التفت عليه واسئله بس ضليت مكاني ولا التفتت وابج بكل هدوء

ما احس غير ايدين حاوطت خصري وتسحبني عليه ضليت اقاوم بس هو قوتو اكثر فسحبني وكعدني بحضنه واني ما باعوت بعيونا بس ابجي ومبرطمه

خلا ايده على حنجي ورفع راسي صارت عيوني بعيونه مسح دموعي بيده وباس شفتي وحجا

مهيمن :شبيج ؟!

_لا رد

مهيمن : فراشتي الحلوه شبيج

_لا رد

بس ابجي ما اعرف شنو احجي بس صفنت بعيونه الي اكلتني اكل وحجيت

_بعد ما احبك

مهيمن:افاااا فراشتي  بعد ما اتحبني ليش شمسوي

حجيت بمياعه اقلد عليها

_ما شاء الله  حلوت الدماراتها الي ابيدك كلش واضحات

ضحك ضحكه عاليه ورفع راسه رجع نزلا وباوع عليه والضحكه على وجها حجا

مهيمن:غرتي عليه  ؟!

_لا وعليش اغاغ بس انت كشي ما عملت ولا حكيت معاها وهي هلشويه دتبوسك

مهيمن: يعني كل هذا الحجي وما غرتي

_لا ما غغتو وانا بعد ما احبك غوح

حجيت هيج وردت اكوم وهو حضن خصري وما ايخليني اكوم

مهيمن :جؤ ما اكو روحا لا اتحاولين

_خليها هي تجي تقعد بحضنك الحقره والبومه كنيها ابو قاط الرصاصي ليبسي قميس مخطط بت الخوش اوادم

مهيمن:ولج السانج

_ها اتخاف على ست الحسن

صفنت شويه وحجيت

_عيع ست الحسن منيلا غدي اي والله

مهيمن :هسه انت عليش ضايجه

_ما ضايجه خليني اقوم ووصلني علبيت وغوح عليها ام المياعه اشقد كرهتوها خر* بيها اي الله

ضحك مهيمن وحجا

مهيمن:ولج السانج راح اكصه

_نننننن انا هشكل السيني ولا بور السيني طويل وهي تتمايع حبيتا ها اذا حبيتا قول اغوح اخطبا

مهيمن :انجبي

_انجبيت

مهيمن :عفيه وهسه نحجي هسه انت عليش معصبه

_اء...

ما خلاني احجي وهو حجا

مهيمن :خليني اني احجي اولا انت غرتي لان جاي تباوع عليا بس شفتيني جنت اباوع عليج وما باوعت عليها وبعدين من كعدت هي اتغزلت بيا واني بتسمت بس واللعباس مو الها لان شفتج شلون عصبتي بس انت اجيتي وكرصتيني مو مره جن عكرب كرصني

خزرتا وهو ضحك وكمل

مهمين:اي فمن اتقربت مني ردت  احجي وابعدها وانت ما قصرتي  ومن رحتي اني هم  رزلتها رزاله غسل ولبس وكتلها اسمع عنج شي راح اطردج وهي خافت وما حجت شي
ردت ارزلها من انت موجودا بس انت رحتي

_تستيهل ام الولاد خر*بيها اي والله
اشوف ايدك ويني

حجيت هيج وشفت ايده الي سحبت منها الدم كلشي ما بيها هو عقد حواجبا وحجا

مهيمن :شبيها ايدي

حجا هيج واني رفعت ردن القميص وشوفتو جانت بقعا بنفسجيه هو باوع عليها وحجا

_شلون وحدا كح* وانت شلون استحملت ما جاي توجعج

هزيت راسي بقبول وهو جر ايدي وباسها

مهيمن :اسف حبيبي وعلي ما جنت اعرف هيج ديصير

_هسه انا زعلاني منك

مهيمن :وبيش اراضيج

_اغيد اتوديني عديديات (مراجيح )اغيد العب وانت اتهزني

ضحك وحجا

مهيمن :حاضر اني بس مو هسه 

_لكن ايمتي اخاف لا اتاخر وبابا يفجعني

مهيمن :لا حبيبي كلشي ما يسويلج اني اتفقت وياه اليوم كلاه انتي وياي بس هسه لازم اعطيج الي وعتج بيهم

عقدت حواجبي وهو كال

مهيمن: شبيج نسيتي جبتلج السوت والفستان والقميص الي وصيتيني عليهم وبوكس الي بي غراض مال وجه ومكياج والحبشكلات هم جبتهن

من حجا هيج فتحت عيوني وحجيت

_ قول والله

مهيمن :والله

انا حضنتو وبست خدودو وحجيت

_والله كنتو نيسيتم

ضحك وهوه حضني وحجا

مهيمن :اني ما انسا وعدي الج فراشتي وكتلج شنو تطلبين يجرالج

ضحكت وباوعت بوجها وحجيت

_الله لا يحرمني منك ان شاء الله

مهيمن :جا اذا هيج تفرحين جان حجيت من البدايه هيج

ضحك ورجعت حضنتا وهو حجا

مهيمن :جا انطيني حصتي

بعدت من حضنا وحجيت

_اشنو ؟

حجيت هيج وهو باوع على شفايفي وحضن وجهي واخذهن  بكل حب واني كلعاده بادلتا

يمكن صح زودتها عليه من نكددت عليه بس والله ضجت منها وهو خطيه مستحملني وهم لان جان ضغط الامتحانات فردتها حجه حتى اطلع الي ابداخلي فهو ما قصر وفرحني بلهدايه لان اني جنت  ناسيتهن بس هو ما ناسيهم 

بعدت منا وخليت راسي على صدرا وهو لمني بين اديه اسمع دقات كلبه ومو اهون من دكات كلبي

مهيمن :اعشقج حيل

رفعت راسي عليه وحجيت

_احبك يا عوض ربي الي

ضحك واني حجيت

_حبيبي وين غاح انغوح

مهيمن :اول شي راح اخذج عسوق نشتري اني وياج ملابس للجهاز مو انت ما قبلتي اتروحين ويه امي وامج الا اني وياج فهسه نشتري شويه وغدا هم ننزل نشتري لي حد ما انخلص  وبعدين نتغدا وبعدين نتفتل شويه ونشوف وين نروح

_تمام حبيبي اول طلعه معاك هذي

مهيمن :اي اعرف لان اني مقصر وياج من عقدنا  ما طلعتج بس لما تروحون عجامعه اوصلكم وارجعكم ومرات اشتريلكم اسف وعلي بس راح اعوضج وعد

حجا هيج وباس ايدي واني حجيت

مهيمن :كشي ما اغيد حبيبي المهم انت معاي

ضحك واني بستا من خدا وكمت من حضنا ورجعت بمكاني 

مشيت السياره شويه وهو شغل اغنيه
خالد الحنين "حبك اكبر"

مهيمن :هاي الج

ضحكت وهو سحب ايدي ومسكها ويسوق ابيد وحدا واني استغليت الوض واخذت تلفونه لان ايفون وفتحتا لي هسه نفس الرمز والصوره اخذتا وصورت ايدينا وهو ضحك وباس ايدي وصورتا

طول ما تشتغل الاغنيه هو ايغني وياها

شايف الدنيا شكبرها حبك اكبر
يمكن مكد المجره ويمكن اكبر

حب ولا موجود منا وميتكرر
بيك افوز ومو مهم كل شي اخسر

دامك يمي ما يهمني اي بشر
يالله احضني بعد ما اريد انتضر
جيت ابوكتك  وعوضت كل الصبر

كلش حلو صوتا ضل ايغني ويبوس ابيدي  

انت تدري انا احبك زين تدري
انا احبك اكثر اكثر من ما تدري

يا عوض ربي اليه بعد صبر سنين
يوم تبعد تلعب بعداد عمري

من حجا هيج علا صوته من كال يا عوض ربي حسيت بكبر هلكلمه وكلش حبيتها انو اني ومهيمن واحد اجا عوض للثاني والله ايقول وعلى نياتكم ترزقون فالله جمعني اني ومهيمن على صفاء نيتنا سوا بحيث اني وهو انكول عوض ربي

حتى بتلفوني سميته هيج كلش احبه ودايما ادعي واكول الله لا يحرمني منا
ويرزق كل شخص مثلا

وصلنا المول الي بزهور صف السياره ونزلنا هو دخلنا اثنينا ومسكنا ايدين بعض وكلمن يمشي ايباوع علينا جنت شكد اباوع على الي ماسكين ايديهم واكول الله يحفضهم واليوم اني عايشه احساسهم

ضحكت وضلينا نفتر ونشتري وما يقبل اشتري قطعه لا اكثر من قطعه ويخزرني لاما اكول ما اريد ويجي ياخذ قطعه ويحطها عليا ويشوفها حلوه وتلوكلي لو لا وياخذها اخلي فساتين اكثر من واحد وسوتات  اكثر من واحد واشترالي بناطيل وسويترات وهو ينسقلي ياهن واشترالي رسمي ثنين واني حجيت

_مهيمن خلي ناخذ الشمس كم شي

مهيمن :تمام هسه اخذلها بس مو نفسج اعرفجن اتموتن ولا وحدا تلبس نفس الثانيه

ضحكت وهو اخذلها كم قطعه ومشينا ودخلنا على محل الاحذيه وكعدت اريد انزع الحذاء هو نزل ايريد ايساعدني حتى الرجال ضحك كلش  خجلت هو ولا اهتم اشرتلا ايكوم ما قبل كومني وخلاني اروح واجي بي رجعت كعدت وردت البس الثاني  وهم هو ساعدني ودخلت مره هي وبنات ثنين وياها جانن

لابسين لبس حصر ومطلعين شعرهن من الحجاب  باوعو علينا وعقدو حواجبهن هو باوع عليهم ورجع مسكني من ايدي وخلاني امشي بي وضحك لان صرت قريبه يم وجهو بعدني وحجا

مهيمن : يوجعج شي ؟!

_لا كثيغ مريح

هز راسه واني كعدت انزعا وهو راد يساعدني هزيت راسي لا وهو ضحك نزعتا وباوعت ع المره شفتها تعبانه وهذولا بناتها على اساس يشترون بس اكلو مهيمن اكل بعيونهن بس هو ولا مهتم  كمت لبس الحذاء مالي وحجيت

_خالي تعاي اقعدي انا خلصطو

ضحكت واجت كعدت وباوعت علي وعلى مهيمن وحجت

.....:اللهم صلي على محمد الله يحرسكم يمه

ضحكت اني ومهيمن اخذ الاحذيه حتى يشتريهم  اجن البنات عليا  وهنا ايطكطكن بلعلج

وحده حجت

.....:اكول منو السحاره الي رحتى عليها حتى جبتيه طول وجمال وفلوس وفوق هذا ينزل على رجليج ويلبس فوكاها شنو الي شاف بيج وما شاف بيا مثلا شنو فرقج عني

باوعت بستغراب عليها من حجت واني ابتسمت وحجيت

_ كل واحد الله يرزقه على قد نيتو والله عطاني  هوه ما عملتو مثل تفكيركي وبعدين نحنا علاقتنا عن حب ما اقول ضروري يعمل هشكل بس من حبو الي عمل هشكل لان  يحترمني ويقدرني  عمل هشكل  ومثل ما هو يحترمني ويقدرني انا هم احترمو واقدرو واش ايغيد اعملو ولو يغيد اعيوني اعطينو هيم والفرق بيني وبينكي انو انا ما اعمل مثلكي واراقب بناس واقارن نفسي بيهم بلعكس اتمنالم الخير حتى يجيني  هذا الفرق بيني وبينكي

من حجيت هيج حسيت بايد  اتحاوط ابدي التفتت مهيمن شفتا يضحك

باوعت على هاي الحجت شفتها معصبه ما اهتميت طلعنا من المحل ورحنى  على ابو الشالات طبعا اني ما ادخلت بكلشي هو نسقلي وهو اختارلي الالوان وذوقا اجنن  وضحكت من ايطلع القطع ويشوف الون نفسا لو لا

تقريب الساعه 2:00 طلعنا من المول  ردت اركب بس هو حجا

مهيمن :حبيبي اركبي انت اني نسيت شي اجيبا واجي هزيت راسي وركبت وهو حط الغراض ورا وراح

شويه وشفتا اجا وشايل بوكس استغربت اجا وصعد وحضن وجهي ويبوس بي وباس شفتي بوسات سطحي واني مستغربا منا بعد وحجا

مهيمن :ولج شنو انت هااا شنو انت والعباس اموت عليج

ضحكت مستغربا وحجيت

_حبيبي اش بيك ليش هل حكي

مهيمن :حبيت حجيج كدام هلبنت فجبتلج هديه

عقدت حواجبي وحجيت

_حبيبي ليش تعمل هشكل ترا انا ما حكيتو ي حتى اجيبلي هدي  ما ايكفي كل هذوي اشتغيتلي هيم وبعد اكو الي جبتم من البيج كل هذوي والله كثيغ بعد ما اطلب شي هشكل عتخجلني

ضحك وحجا وهو يباوع بعيوني

مهيمن :شعندي غيرج احبل اجيب انت بنيتي ونور عيني اذا ما اجيب الامي و الج والشمس المن اجيب لكن اني ليش اتعب بشغل غير حتى من تطلبون شي اجيبلكم هوه هااا احجي

_بس هذوي كثاغ ما ايصيغ هشكل بعد ما اطلب  شي

خزرني وحجا

مهيمن :حتى اكسر راسج  دخلي اتريدين شي وما تطلبيه والعباس ابو فاضل  اموتج اشكد حلو اتريد وما اتكول وعلي  اذا اعرف اتريدين شي يا تماره  وما اتكوليلي الا اكسر راسج

هو من ايكول اسمي معناتها الموضوع جدي وما لازم اناقشا هزيت راسي بقبول وهو ضحك وباس راسي وحجا

مهيمن : عفيه ببنيتي يلا هيه ما اتريدين اتشوفين هديتج

ضحكت وفتحتها جانت .....

مهيمن ايكول ....

انا  عصبي لدرجه
انني حطمتُ وجه جارنا
حينما رمى عود الثقاب امام دارنا
وذبحت ُجميع عصافير القريا
لانها ازعجتني صباحاً
واحرقتُ شجرة بقرب بيتنا
لانها كانت تحجب عني الشمس
ولكني رغم كل عصبيتي وغضبي
ما لي اتحول طفلا بين ذراعيها ؟!..

يتبع ...

____________________________________

#الفاتنة و الذيب

بقلمي:تبارك ياسر

حلوات لا تنسون التصويت +تعليق بين الفقرات ومتابعه الحساب

                             İnsta: to20_mo
                            TikTok:to20_mo