- السـمراء وصـاحب العـُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
يـلدز :: ثواني وأندك بقوة رأساً امي كامت من مكانها مشيت بسرعة وفتحت الباب اسمعها تحجي وي شخص ماعرفت منو بس سمعت صوت رجال
شوي وطبت تركض:- يلدز العباية بسرعةة
هزيت راسي سحبت العباية من الباب ومعرف شكو السالفة اخذتها مني شمرتها على راسها وركضت صحت وراها:- يمة يمة شكو
ماردت علي شفتها طلعت برة البيت تمشيت مديت راسي من الباب شفتها ركبت بسيارة ماكدرت اشوف منو بيها تحرگت السيارة وراحت ضليت اباوع عليها طبيت وسديت الباب…
اخذت نفس عميق وباوعت للسماء ياالله يسر لنازدار واحفظها گون ترجع بلسلامة رجعت بلحوش افتر حوالين نفسي كل شوي عيني عل باب محد اجة ولا اي خبر…
شوي وشفت رغد واشواق كعدت بلحوش وياكلن صاحت اشواق وهي تخلي التفاحة بحلكها
:- اوييي كافي تفترين دوختيني
اخذت نضره عليها تعبت منهن ومن كلامهن ماصرت ارد عليهن وگفت على صفحة وعيني عل باب كالت رغد متسائله:- شبيچ عينچ عل باب شمنتضرة
:- يمكن نازدار راح يلگوها
:- واشعرفچ راح يجيبوها يمكن يلگوها شاردة
التفتت وباوعتلها بعصبية:- رغد ليش تخليني اجي اطلع حرگة گلبي وسنيني بيچ قسماً بالله اذا حجيتي حرف واحد على نازدار اعرف شسوي بيچ هاي اختچن
اشواق:- مانتشرف تكون عندي اخت مثل نازدار وحدة ادبسز وتشرد ويَ الزلم الله اعلم شكم واحد نامت بحض…
مخليتها تكمل تقربت عليها وضربتها راجدي فر وجها فر لزمت خدها والتفتت علي مصدومة سحلتها من شعرها بقوة وقربتها الي…
:- لچ اشواق لتطلعيني عن طوري شنو بكم حضن نايمة هاي اختچ لو عدوتچ ادبسز
عيونها صارن حمر من العصبية وشفايفها ترچف كامت رغد ودفعت ايدة:- لچ انتِ منو وتجين تضربين بينة ام السطوح
يلدز:- خاف عبالچن امي مايوم مدت ايدها عليچن هاي لان دللتچن بس هسة اني اعرف طينتچن شنو والله بس حرف واحد مااخلي شي مااحجي عاد اني صح ام السطوح بس مفضوحة والكل يدري بية بس الله يعلم الي من جوة لجوة فـ ديرن بالچن گلمة وحدة على نازدار
رجعت رغد يم اشواق وماحجن شي باوعتلهن بنظرة تهديد ورجعت اباوع عل باب ثواني وشفت الباب إنفتح وحس امي وصلني قبل لا التفتت:- يلدزززز
بسرعة التفتت بأمل شفت امي حالتها حالة والحجاب واگع على چتفها ثواني وطبت نازدار تمشي گوة وملابسة متوصخة امي شامرة فد غطى علي نازدار ولافتها بيها…
وسعت عيونها بصدمة حطيت ايدي على عيني مسحتها ورجعت فتحتها خاف حلمانة بس اي ايي ولله هاذي نازدار عيوني غرغرت دموع رجلي شلت حرگتها من صدمتي وفرحتي…
مسحت عيونة وركضت على نازدار وجهها تعبان ضعفانة حيل ضميتها لصدري بقوة واني ابچي بعدتها عني واباوعلها ملامحها خالية ونضرات عيونها تشرح كلشي:- يابعدد روحيي حبيبتي واخيراً رجعتي بلسلامة
وخرتها عن حضني ولزمت وجها بثنين ادية الدموع تجري من عيونها مسحتهن وبوست گصتها وخدودها
:- وين رحتي ماتعرفين شصار بحالي
رجعت ضميتها لصدري تعبر عن اشتياقي الها كأنو ممصدكة الي كداني منو:- بنتي يلدز خلي ناخذها ترتاح
هزيت راسي ولزمتها من ايدها بخفوت استندت علية وصارت تمشي سمعت صوتها الناصي وگوة تاخذ النفس:- مم..م..ماي
اخذتها امي مني واني ركضت للمطبخ صبيت المي بكلاص ورجعت الها شفت امي مكعدتها بلحوش وتغسل بوجها ركضت عليهن واني لازمة بطني لا اعثر يصير شي بلطفل…
كعدت يم نازدار وشربتها الماي اخذ منة بأيدي ومسحت وجهها:- يابعد روحي تعبانة بيَ ولا بيچ
اخذت نضرة على بتعب إبتسامة صغيرة باينة على وجها ضمتها امي لصدرها وهي تبچي وتنوح صارت تمسح على راسها وتبوس گصتها:- بنيتي حبيبتيي شصايرر وياچ وجهچ تعبااان الله لا ينطيي ولا يوفقة يابعد روحيي
رغد:- رجعت الخانم نازدار
رفعنه راسنه شفناهن ثنينهن واكفات ومتخصرات استغفرت ربي لا اگوم اجرم بيهن رغم هددتهن بس مافاد ميخافن ذني صلفات اخواتي واعرفن رجعت باوعت لنازدار غمضت عيونها ودموعها تنزل…
گمت من مكاني وباوعت عليهن بعصبية عطت بيها
:- امشيي لغرفتجج
رادت ترد بس قاطعتها واني ملتفتة لامي:- يمة خلي ناخذ نازدار للغرفة ترتاح شوفي التعب الي عليها
هزت امي راسها بهسترية وهي تبچي لزمت ايدها اگومها وامي گايدتها من الجهة الثانية ستونة ردنة نخطو خطوة إنضرب باب البيت التفتنة وشفناها خالة اينور ضلت واكفة لثواني تباوع لنازدار بصدمة دموعها تجري…
رأساً إبتسمت بفرح وركضت بأتجاهنة حضنت نازدار بقوة وهي تنوح وتبچي وامي مثل حالها گلنه ممصدكين نازدار رجعت كل واحد بعقلة افكار سودة اتوقعنه خلص بعد منشوفها…
بس رب العالمين گدر يرجعها النه سالمه اشوفه صافنه وماترد كأنو بعالم ثاني ووجها صاير اسمر حيل من زمان مبتعده عنها:- ياروحييي نازدارر يابعد خالتچ
صارت خالتي تبوسها بكل وجهها وهي ممصدكة التفتت الي ودموعها متتوقف:- يلدزز كوليي نازدار هاذييي صدك لو انيي حلمانةة
مسحت دموعي وباوعت لخالة هزيت راسي يمين ويسار:- لا لاا ماحلمانة هي هي نازدار
جنة كلنة فرحانين برجعوها دموعنة متتوقف لگيناها جنة مأيسين امي صارت بغيابها عبارة عن جسد بلا روح حتى فقدت الامل اليوم وبهل لحظة…
من شفنة نازدار على الرغم هي مبينة تعبانة حيل وخايفة بس فرحنة گلنة فرحتنة اكبر من اي شي امي ابتسامتها متفاركها واني هم خليت نازدار بلغرفة هي وامي وخالة اينور يسبحنها ويبدللها…
فرحانات واني ركضت للمطبخ حضرتلها الاكل وكلاص مي بارد وخبز حطيتهن بلصينية ورجعت للغرفة شفتها متمددة وحاطة راسها بحضن امي…
خطية الي عايشتة صعب وين جانت ووين صارت حطيت الصينية گبالها وگعدت:- يلا بنيتي نازدار گومي اگلي لگمة
هزت راسها معترضة رادت امي تحجي بس قاطعتها واني اهز راسة التفتت لنازدار ومسحت على شعرها
:- نازدار حبيبتي اگلي لكمة عل اقل
باوعتلي بتعب وماردت عدلت كعدتها وصرت اسويلها لفات واحط بلحگها بس متقبل تاكل بلگوة بلگوة اگلت ربع لفة جنت احاول احجي واضحك وي امي واينور حتى هي شوية تبتسم وتنسى الي عاشتة…
ولو مراح تنسى بس شوي ابعد حزنها وضوجتها
اشرتلي خالة اينور على نازدار التفتت واباوعلها متكأة عل حايط وصافنة:- نورجان تعاي احجي وياچ
:- ها اينور
:- گومي برى نحجي
هزتلها بعيونها على برة هزت امي راسها وگامت طلعت هي وخالة اينور تقربت على نازدار ومسحت على وجها:- حبيبتي نازدار
بقت تباوع للفراغ ومترد اخذت نفس وزفرت صافنة ومتجاوبني گمت بعدت الصينية وعدلتلها الفراش رجعتي لزمت گتفها ونيمتها هي متحجي شي ولا ترد…
غطيتها بلشرشف وسويت البَردة مال الغرفة رجعت تمشيت لنازدار نزلت لمستواها وتقربت على گصتها بستها ومسحت عليها:- نامي يروحي نوم الهناء اني يمچ
كعدت يمها شلت راسها حطيته بحضني وصرت امسح علي الغرفة كلش هدوء بس صوت النفس لا هي تحجي شي ولا اني اضغط عليها واخليها ضليت هيج لنص ساعة تقريباً جان عبالي نامت…
لمن حركت رجلي رفعت راسها باوعتلي والدمعه بطرف عيني رأساً دفنت راسها بحضني همست بصوت مهزوز ومكسور:- ي..يلدز حبابة لاترحين وتعوفيني اخاف يجي ويسوي الي يريدة
بست راسها وضميتها لصدري:- اشش ابد لتحجين هيج محد يكدر يتقرب الچ بعد عمو صلاح موجود
:- خ..خاف يشرد من السجن ويجي الي ينتقم حبابة لتعوفيني
اول ماانتهت من كلامها بچت وصارت تشهك بلبچي رفعت راسها بأيدي وباوعت بعيونها مسحت على خدها وگلت بحنان…
:- نازداري نمر فترة بحياته صعبة لا تخلين هل شي يضعفچ اكثر صيري اقوى من قبل واقوى العشتي صعب بس خلص انسي ولتفكرين
عينها بعيني نزلت راسها وصارت تبچي:- ب..بس هو هو حاول يتقربلي وجان يبوسني ويجردني من ملابسي ويريد يغت....
گبل حطيت ايدي على حلكها وحركت راسي يمين ويسار:- ابد لتگولين هيچ ولا تفكرين هل شاب ابو العكازة ساعدچ
ارتمت بحضني وصارت دموعها تنزل:- لو ما هو يايلدز مااعرف شجان يصير وياي هو ينقذني بكل مرة ابد معافني
مديت ايدي وصرت امسح على شعرها صارت غصة بصوتها فضلت تسكت ومتحجي ضميتها لصدري ضليت اني صافنه بلعدم لحد حسيت انفاسها انتضمت عرفتها نامت حطيتها عل فراش…
وكمت اني من مكاني طلعت من الغرفة شفت امي وخالة اينور ورغد واشواق كاعدات بلحوش ملتمات شربت مي من تلمطبخ ورجعت امشي للحوش…
اول ماوصلت قريب عليهن كالت خالتي اينور
:- ها شلونها نازدار
يلدز:- ولله مثل وضعها متحجي وصافنة حاولت وياها حچت شوي وبعدها سكتت ماكدرت اضغط عليها تحجي
ضربت خالتي على رجلها واخذت نفس بهموم
:- اي اي لا تضغطين عليها شايفه شي متكدر تحجي عوفيها تمر هل فترة
ام نازدار:- مانعرف ششافت وشعاشت طبيت عليها بذيچ الغرفة كاعدة بلزاوية وصافنه موسعه عيونها بخوف
:- مينخاف عليها شصاير يعني غير كلة من تحت راسها
اينور:- رغدددد شنو هل كلامم !؟
اشواق:- شبيچ خالة تصيحين غير هي مدري وين جانت شاردة وي حبيبها مدري ويامن الله يعلم شجانت تسوي
اينور:- ولجنننن شنوو هل كلاامم !!
:- حتى يمكن هسة هي مو بنية
وسعنه عيونه مصدومين من كلامها ردت اتقرب واجنزها بس سبقتني خالة اينور وضربت رغد راجدي فر وجهة فر:- لچ حقيرةة شنوو هلل كلااام هذااا
لزمتها من شعرها بعصبية وهي تصيح:- متستحينن هاااا شنووو هللل كلاممم والله اليوم لإربيچچ
هجمت علبها تضربها بس ركضت ابعدهن عن بعض وخالة تحاول تضرب رغد:- كاافيي كافي خالةةة عوفيهن ذني
سحلت خالة اينور من ايدها اثبتها صرخت بعصبية وتباوع عليهن:- ماتشوفينن اخواتج يطعنن بشرفها
لبدت رغد ورا اشواق تحمي نفسها صاحت اشواق بعصبية:- لعدد احنةة شنو حجينةة غيرر هيي ايام مختفيةة منعرفف شصار وياهاا
رأساً خالتي اينور هجمت على اشواق سحلتها من شعرها رادت تضربها بس گبل بعدتهن رغم حملي بس ماكدرت اشوفهن يتعاركن خاصة البيت صار هوسة بلصياح…
اشواق:- شنو تردينن تضربيني هاا كوليي !!
:- اذا ماتصمي لحلكچ اجي اني اصمة واجنزچ واكول لعمچ عليچ
اشواق:- ههه متتقبل الحقيقة نازدار مو بنية اخذوا شرفها شنو الخاطف صافن عليهااا وكاعد اخذوها بلعقلل معقولة متقربلها
التفتت لاشواق بعصبية وعيوني نار
:- لجج حقيرةةة اسكتيييي
:- كااااااافييييي
صار هدوء على صوت امي التفتنة وشفنة امي منهارة وتلطم على وجها بچت بقوة وهي كاعدة عل ماع:- كافييي كاافيي سكتننن
رغد:- يمة عليمن تبچين إذا بنتچ هي الي شردت وضيعت شرفها جم واحد اغتصبها وكم حضن نامت الله يعلم
حرت وين التفتت لخالة اينور الي تريد تهجم لامي المنهارة لو لرغد الي ماتسكت ركضت خالة اينور تهجم على رغد بس وگفها صوت هادء وتعبان:- كافي
بس هل كلمة گدرت تسوي هدوء التفتنة وشفناها نازدار وسعت عيوني بصدمة اشوفها متكأة عل حايط ومنزلة راسها بتعب اعرف بيها سمعت كلام اخواتها الي مثل السم…
حطيت ايدها على وجها وبچت بقوة صوت شهگاتها تشهد علي كل حايط وحايط ردت اتقرب عليها بس بعدت اديها عن عيونها وباوعت علينه گلنه تتلفت بلوجوه وكأن ضايعة…
:- ي..يمة والله اني ماصار بية شي والله ومحد ت..تقربليي
رغد:- وشلون نعرف دتحجين صدك ها راح يبدي حچي الناس علينه شلون نفهمهم
:- بس والله محد تقربلي ا..اني احجيلكم كلشي صار
اشواق:- شنو شتحجين !! تحجينلة شلون غامرتي ورحتي شردتي وي حبيبچ لو شلون نامو وياچ
باوعت على اشواق ودموعها خلصانات من البچي خالتي اينور تعبت من الحچي والصراخ كعدت بلحوش تستند ظهرها عل حايط وصافنه محچت ضليت اني واكفة بلحوش واباوع على نازدار…
نازدار:- ا..انتو متصدكوني اعرف بيكم
تقربت بخطوات متثاقله وكعدت كدام امي مسكت اديها وباستهن:- يمة تدرين اني بنتچ مستحيل اشرد وي حبيبي يمة والله العظيم مااعرف هل شخص منو وشيريد مني
اشواق:- هههه دكافي چذب دكافي ترا ملينه وعرفنه كل خططتچ يلدز صح جانت عدها علاقات بس ولا مرة راحت شردت وي حبيبها عاد انتِ شبيچ يلسودة
رغد:- ياريت اعرف منو الي يباوع بوجهچ ويحبچ
هذا الا يكون اعمى انتِ شايفة نفسچ شايفة وجهچ
الي حبيتي مجان يريد منچ غير شرفچ وهياته اخذة
اشواق:- يمة مستحيل نبقى هيج نبقى عايفين هاي يمنة منعرف ويامن راحت ما ويامن اغتصبوها لا مستحيل كولي لعمامي يتصرفون وياها حتى لو يگتلوها
وحدة تحجي الكلمة ووحدة تستند عليها البيت كله هدوء ومحد حجى كلمة امي بس الدمعه تنزل بدون متنطق كلمة اخذت نازدار ايد امي ومسحت على خدها:- يمة بس گليلي انتِ مصدگة بية لو لا احچي اي كلمة
جرت امي الكلمة ونطقت بهدوء:- لا ممصدكة
انصدمت من كلام امي رفعت راسها وباوعت لنازدار وعيونها حمر:- اي شبيچ ممصدگة مختفية انتِ وجنتي محبوسة ببيت مابي كم غرفة وجان البيت كلة شراب شلون اعرف شسوو وماسوو وياچ
حضنت نفسها نازدار تبچي بقوة رجعت باوعت على گالت وشفايفها ترچف والغصة بصوتها:- بس اني محد تقربلي لمن ر...اد يـ..تقربلي اجة اب…
قاطعتها امي وهي تكوم طبت جوة بدون متحجي اي كلمة نازدار باوعت علي وعلى خالتي اينور بدون متحچي اي كلمة…
رغد:- ها شفتي الي صار حتى امي ممصدكة بيچ ترة گلنة نعرف اخذو شرفچ لتضلين تغشمين بنفسچ
اينور:- رغددد اشواااق طبنن جوةة بسرعة يلاا
تأفأت وطبن جوة تقربت خالتي وكعدت يم نازدار تقربت عليهن وكعدت يمهن:- بنتي نازدار احچيلي شصار وياچ
رأساً نازدار كالت بكم كلمة:- انتن مصدگات انو تقربولي لو لا
باوعت لخالتي وهي باوعت علي محچينه كلمة رفعت راسها تتلفت بعيونها علينه كامت من مكانها
محسيناها غير صرخت بقوة وهي تجر بشعرها وتضرب على وجها…
:- والله والله محدد تقربليي محدد محددد
صارت تضرب على راسها وتصيح تقربنه ثنينه بفزع نريد نهدئها محسينه غير وكعت من طولها !!؟…
انصدمت لمن شفتها واكعة ضليت واكفة بمكاني مفزوعة محسيت غير خالتي تصرخ:- ناازداارر اصحيي
بس نازدار ماكو لا حس ولا نفس ركضت امي للحوش اول مشافت نازدار واكعة تخبلت ركضت هي وخالتي شلنها وطببنها جوة مشيت وراهن شفتها مخلينها متمددة عل سرير…
امي كعدت عل گاع تبچي وخالتي واكفة بجهة اني صافنه على حالنه شلون تغير من السماء للگاع وين جنة ووين صرنه امي متوگف الدمعه من عيونها…
تقربت وكعدت يمها باوعت علي ردت احجي بس شفت حالتها صعبة ماردت ازيد الطين بلة كمت جبت مي وعلاج رجعت عليها أشرت لخالتي تقنعها وتشربها…
طلعن هن برة واني كعدت عل سرير يم نازدار باوعت علي ومديت ايدي مسحت على گصتها:- دومچ مضلومة يانازدار ياروحي
رأساً فتحت عيونها باوعت علي بتعب ورجعت باوعت سقف بدون متحجي كمت اني من مكاني وسديت باب الغرفة رجعت اخذت العصير من على الطبلة وتقربت كعدت يمها مديت ايدي انطيها…
ركزت نظري عليها وهي صافنة علَ سقف نطقت بشرود:- انتِ واثقة بية او لا
:- شنو؟
التفتت علي وهز راسها بتعب
:- انتِ واثقة كلامي صح لو لا
حطيت العصير على جنب وتقربت عليها:- مستحيل اشك بيچ نازدار اكذب الكل واصدكچ الچ معليچ بكلام رغد واشواق
:- يمكن كلامهن يكون صح واني غلط
:- لا مستحيل اعرف كلامچ صح
:- لا يلدز كلامهن صح اني تقربولي وأغتصبوني مثل ماكالت رغد اني شردت وي حبيبي ونمت بأكثر من حضن و…
حطيت ايدي علي حلگها قاطعتها:- اشش لتحجين هيج انتِ نقية محد اتقربلچ واني واثقة من كلامي
ابتسمت تك خد ونزلت دمعتها:- بس امي ماواثقة بية امي شاكة هم تقربولي صيري مثل امي
:- لا تلوميها نازدار حبيبتي ميخالف حچت بعصبية شوي وتهدئ
نازدار:- لا ماگالت بعصبية هي صادقة بگلامها اني مخطوفة منو يعرف شصار وياي
اباوعلها تحجي وتسكت شبگت اديها كالت بغصة
:- من يوم انولدت اني فگر جايبة المشاكل وياي ماعندي حظ بوگت اطفال الناس مرتاحين جانت نازدار تركض ورا الناس حتى يشترون الباكيتات
رأساً نزلت دموعها كملت كلامها:- بوگت اشواق ورغد يشترن احلا الملابس جنه اني وياچ ننضرب من ايدن
وكت جنت اتعب بلشمس اركض من هنا وهنا جان ايدن ياخذ الفلوس وينطيهن الهن
دمعت عيوني من كلامها بلعت ريگي بغصة ونزلت راسي:- جان عندي امل قليل امي واثقة بيَ بس راح هل امل بكلامها الكل صار يشگ تقربولي
باوعت علي وهز راسها مسكت ادية:- اي اي يلدز اني راد يتقربلي نزعني حجابي وشگگ ملابسي صار يريد يتقرب بس هو ساعدني من بين ادي هو اجة حضني وكال مستحيل اعوفچ
:- منو هو ساعدچ
:- مُنقذي بكل مرة جان يساعدني ووياي بس هسة معرف راح يصدك محد تقربلي لو راح يصير مثل اهلي
:- يحبچ؟
:- اي
سكتت وماحجيت شي قربت العصير وصرت احاول اشربها بس متقبل:- يلدز عوفيني الله يخليچ مااريد اكل شي ولا اشرب شي عوفيني هيچ
:- وهيج راح تعيشين؟؟
:- خَـليني أمـوت قـابل منـو يهتـم
:- هَـو يهتـم
رفعت راسها باوعت علي ابتسمت وهزيت راسي
:- صـاحب العُـكازة
بعدت نظرها عني وماردت قربت العصير من شفايفها بس نفرته ومترد تشرب عفتها وكمت طلعت برة الغرفة رجعت الها ماشربته ولا حطت شي بحلكها…
صرت أصر عليها تشرب وتاكل بس معاندة متقبل تحط اي شي بحلكها حاجتها خالتي اينور وامي بس متقبل لحد صار الليل جنت اني كاعدة يم نازدار سمعت باب البيت اندك…
ماكمت فتحته هم يفتحوا باوعت لنازدار حاضنه نفسها ومتقبل تحچي اي كلمة تعبت وياها لا تاكل ولا تشرب ولا تقبل تحجي هل بنية حالتها النفسيه تأزمت هسة حتى عيونها كوة متفتحهن…
ثواني ماحسيت غير باب الغرفة انفتح بقوة رأساً التفتت جانت فاطمة باوعت على نازدار بعدم تصديق ركضت عليها وهي تصرخ:- نازداارر
بسرعة ضمتها لصدرها وهي تبچي من الفرح جانت وراها امها سلمت علي اشوف فاطمة شلون متلهفة
لنازدار تباوعلها تحضنها وتباوسها تحجي وياها بس اجت بوقت غلط…
بوقت نازدار جانت حالتها النفسيه مو تمام نازدار ماردت على فاطمة بأي كلمة ولا حتى باوعت عليها جانت مشاعرها باردة خاصة من بعد كلام رغد واشواق هي تحطمت حتى تهلوس…
اشوف فاطمة قلة لهفتها تقربت عليها وسحبتها من ايدها برفق طلعتها من الغرفة كعدنه اني وياها بلحوش:- فاطمة عذري نازدار بهل ايام اذا ماحجت وياچ لو كالت كلمة محلوة نازدار العاشته صعب
فاطمة:- اعرف يلدز اعرف مستحيل راح ازعل منها اشكد ماتبقى هيج اني راح ارجعها احسن من قبل
ابتسمت ومسكت ايدها:- اني وياچ راح نرجعها احسن من قبل بس هل يوم ومن باجر نبدي نرجع نازدار الاولى
فاطمة:- اي هل نازدار متعجبني باهته وتعبانه لازم ترجعلي ذيج
ضربت كف ايدي وابتسمت كمنه اني وياها طبينه جوة شفت مجتمعات بلصالة بس نازدار بلغرفة راحت فاطمة وطبت يمها عفتهن براحتهن كعدت اني يم امي يسولفن بيناتهن…
لحد تقريباَ ساعة راحت فاطمة وامها هم شوي اجة عمو صلاح علينه سأل على حال نازدار وشلون صارت ماتأخر شوي وراح عنده شغل…
بليل نمت اني يم نازدار مااكدر اعوفها تنام وحدها وخاصة صايرة حيل تخاف فـ نمت يمها مر يومين واني يم اهلي اني وفاطمة وخالتي اينور جنه نحاول نرجع نازدار مثل ماجانت واحسن…
بس مانكدر بكل مرة نفشل نازدار ماراضيه تاكل نومها قليل واكلها اقل امي تعبانه حيل روحها ماتكدر تشيلها تمشيت إطلع من الغرفة ربي سِترك حالة نازدار جاي تتأزن إكثر…
صارلها يومين لا اكلة زينة لا عصير نهار كلة صافنة عل حايط وحاضنة نفسها لو اشوفها تبچي لو تهلوس وي نفسها گلبي يتگطع على حالها ماشفت من حياتها غير الضيم والقهر والهم والغم…
شوگت ترتاحين يابعد إختچ شوگت خلصتي شبابچ ألم وضياع شوگت يبتسملچ هل وگت الاغبر محسيت بنفسي غير واصلة بلحوش واصوات رفعت راسي وشفتهن امي وخالة اينور…
تمشيت الهن وايدي على بطني تعبانة من حملي شوگت اجيب وارتاح قبل لا اكعد اجاني صوت
:- شلونها نازدار
رفعت نظري شفتها خالة اينور اخذت نفس بتعب وتقربت كعدت بينهن:- ولله شحجي ياخالة ماكو لا تحجي لا تبتسم لا تاكل لو تبچي لو صافنة
حجت امي ودموعها تنزل عشرة عشرة:
- بنتي تغيرت من يوم اجت لليوم هي هيج
اينور:- ولله مااعرف مگرودة نازدار
:- اي ولله من يوم النولدت ماارتاحت بحياتها
:- بس انتن هم لازم تتحركن خو متبقن هيج
:- شلون يعني نتحرك
اينور:- هي اذا محبوسة بين اربع حيطان ومگابلة الحايط وذني اخواتچ الحياية يذبن سمهن ويعلن صوتهن علمود تسمع شلون ترندها تصير زينة
:- ولله خالة اني هم هيج فكرت وگلت اخذ نازدار وياي للبيت وهسة ردت افاتحچن
ام نازدار:- شنو !؟
:- اي يمة اخذها وياي للبيت زوجي مسافر لاهلة واني احسن من وحدي اجيب نازدار هم تدرين اني حامل وهم نازدار شوي ترتاح من بناتچ
اينور:- اي ولله صح كلام يلدز هو هذا انسب حل انو يلدز تاخذ نازدار
شفت امي صافنة بلا شيء وتفكر ربتت على ظهرها بحنان:- يمة ولله احسن قرار نازدار ترتاح شوي تدرين هنا حالتها تتأزم
باوعتلي امي واخذت نفس هزت راسها بلموافقة
:- هاهية قابلة
:- لعد هاهية اكوم احضر ملابسي
:- وين وين من هسة !!؟
:- لا يمة احضرهن وشوي تصير العصرية ونروح
اينور:- اي هم صدك واني اكُل لعمچ صلاح يجي ياخذچن واني اروح وياچن
هزيت راسي وعفتهن تمشيت للغرفة الي بيها نازدار فتحت الباب على گيف شفتها نايمة ابتسمت بفرح واخيراً شفتها نايمة تسحبت للكنتور بدون مااطلع صوت…
حطيت ملابسي بلجنطة وحضرت ملابس نازدار هم
التفتت اطلع من الغرفة وصلني صوتها قبل لا اخطو خطوة:- وين ترحين؟
التفتت وشفتها نازدار متكأه عل حايط وتباوعلي مستغربة اباوع بوجهها التعب مابي ملامح نازدار الحلوة هسة اختفت صارت ملامح حزن وبؤس…
اخذت نفس وتقربت كعدت يمها مديت ايدي على خدها امسح علي بحنان وعيني بعينها:- راح ترحين وياي لبيتي
:- ليش؟
يلدز:- احسن هناك احلا واحسن من هنا هم تغيرين جو وحتى حديقة هناك
:- لعد وزوجج وين؟
يلدز:- مسافر لاهلة باقية بس اني بلبيت فـ ترحين وياي هم ترتاحين شوي وهم تعوفين هل بيت والاربع حيطان
:- مااروح خليني هنا احسلي
:- مو بكيفچ اني گلت ترحين ترحين
هزت راسها بأعتراض وغمضت عيونها بتعب
:- مااريد اروح خليني محبوسة هنا احسن الي
يلدز:- بيمن احسن الچ صارلچ ثلاث ايام مطالعة من البيت وحتى مدرسة مترحين ولا تقبلين تشوفين واحد ولا تحجين ولا تاكلين ولا تشربين لشووكت تبقينن هيجج
:- لحددد امووتت معليچ بيةةة عوفيني
:- ترحين وياي وغصباَ عليچ كافي ماكو نقاش
باوعتلي بعصبية وسكتت متريد تناقش گمت عنها انطيتها ضهري واني احجي:- لبسي حجابچ شوي ونروح
:- گلت مااروح ومراح اتحرك من هنا
لزمت رزة الباب فتحتة وطلعت جسمي التفتت اسد الباب قبل مينسد گلت بهدوء:- مو بكيفچ
عفتها ورحت للحوش شفت خالة وامي مثل كعدتهن
:- ها يلعجايز متشبعن سوالف
:- وانتِ حاطة عينچ علينه
:- هههه احجن احجن براحتچن عمي شعلي اني
:- عمچ صلاح جاي بلطريق حضرتي نفسچ
:- نازدار مجاي تقبل تروح وياي
ام نازدار:- ليش !
:- مااعرف ولله متقبل ورافضة
رادت امي تكوم بس وگفتها ايد خالة
:- كعدي اني اروح احاجيها راح تسمع مني
راحت خالة لغرفة نازدار دخلت وسدت الباب اكيد هسة تقنعها خالة عدها اسلوب بلتقنيع ونازدار كلش تحبها لذلك عل اغب تسمع منها إن شاء الله تسمع
لان الكعدة هنا متنراد…
صارلها ثلاث ايام ضوة الشمس متشوفة حقها تصير حالتها اسوء اذا هي حتى فاطمة متريد تشوفها وخاصة رغد واشواق مااحب وجودهن اعرف بيهن يذبن بسمهن ونازدار متتحمل…
اخاف عليها بيوم الگاها گاتله نفسها كلشي يسوي الشخص بوكت حالة نفسية وتعبان عدلت حجابي وملابسي وگفنة اني وامي نباوع للغرفة يارب هسة تطلع نازدار وهي قابلة مرت خمس دقائق ماكو…
التفتت لامي وگلت:- صدك يمة شصار بهذا الي خطف نازدار
:- ولله بنتي سمعت من عمچ صلاح حبسوا بعد ماادري
:- لازم ينحبس ويتحاسب هم حقير كلب
:- عمچ صلاح يتعامل ويا مراح يعوفه بحالة
:- اي ولله احسن خلي يسجنة ويحاسبه الله اعلم شمسوي غير هاذي الشغلة
:- بنتي الي ميخاف الله كلشي يسوي
:- ولله حرامات رحتي قبل ونضفتي بيتة لو حاطة العصا مال المكنسة بط***
:- ولج اشش اشش عيبب يا يا واني شعرفني هذا مو خوش ولد وهيج راح يسوي ببنتي ويخطفها
:- لو الزمة اموتة كلب حقير گدرته عل نسوان
ام نازدار:- ديلا كافي كافي سكتي سمعت من عمچ صلاح هل ولد مامخلي عظم بي صاحي مكسرة تكسر
:- منو ابو العكازة غير
:- اي هو وحتى هل ولد ابن صديق صلاح فرد نوب يعزه ويعتبرة ابنه بس ماشاء الله والله الولد هيبة
:- اي والله اني بس شفتها من طب للاستقبال من مشيته مبينة
:- الله يحفظة لأهلة ويوفقة أنقذ بنتي
ثواني وسمعت باب البيت إندك
:- اكيد هذا عمچ صلاح اجة روحي فتحي
هزيت راسي ورحت للباب فتحتة وصار گبالي عمو صلاح بملابسة العسكرية:- سلام عليكم بنتي يلدز
:- هلا عمو وعليكم السلام تفضل
:- لا ولله بنتي عندي شغل مكملات نطلع
:- اي عمو مكملين ثواني اصيح خالة ونازدار
رجعت للغرفة اول مامديت ايدي اريد ادك الباب إنفتح باب الغرفة وطلعت خالة اينور ونازدار لابسة الحجاب باوعتلي خالة وإبتسمت ابتسمتلها واشرتلها على باب البيت:- عمو صلاح ينتضرچن
:- طلعي انتِ واختچ اني جايبة الجنطة وجاية
هزيت راسي وتقربت على نازدار لزمت ايدها واني مبتسمة الحمدالله قبلت تروح وصلت يم امي بوستها وسلمت عليها تقربت هي لنازدار حضنتها وباستها
:- انتبهي لنفسچ بنيتي وهم ديري بالچ على اختچ حامل
هزت راسها نازدار بدون متنطق حرف هذا المتعبنة
متحجي وكلامها قليل كلمة كلمتين تسكت وصلت للسيارة شفت عمو منتچي عليها اول ماشفنة تقرب علينه وعينه على نازدار…
وگف گبالها وربت على راسها:- شلونچ بنيتي نازدار
حچت بصوت ناصي وهامس:- ز..زينة
هز راسه بيأس من حالتها والتعب الباين عليها ومشيتها المهزوزة رگبنة بلسيارة واجت خالة جايبة الجنطة رگبت تحركت السيارة بأتجاه بيتنا بعيد عن بيت اهلي…
مر الوكت وصلنة للبيت عمي صلاح عندة شغل وراح اني وخالة ونازدار فتنة للبيت فوتتهن للغرفة باردة وفرشت لنازدار فراش تسطحت ترتاح رجعت اني للمطبخ اخذت مي ورجعت يمهن…
انطيتهن مي ورجعت للمطبخ نازدار هل ايام متاكل شي واكلة قليل فـ احسن شي اسويلها شوربة طيبة وهي تحبها صدك ولله سحبت الكدرية وغسلتها وسويت الشوربة…
اخذتها ورحت للغرفة فتحت الباب وشفتهن كاعدات زين عبالي نامن تقربت وبأيدي الصينية خليتها گبالها:- اكلي نازدار
هزت راسها رافضة وهي تبتعد:- مو جوعانة
:- باوعيلها شوربة وعليها خضرة كلش طيبة مو تحبيها
هزت راسي بـ لا التفتت لخالة واخذت نفس هزت راسها خالة اينور وتقربت لنازدار:- حبيبتي نازدار اكلي شوي منها
:- لا مو جوعانة
قربت خالة الخاشوكة لنازدار وهي تأشرلها
:- لخاطري ماعندي خاطر يمچ؟
تقربت نازدار وصارت تاكل شوي شوي ابتسمت لان صارت تاكل يارب تتعدل نفسيتها وتصير احسن هل بنية تعبت حيل سمعت صوت التلفون يرن گمت عنهن ورحت للصالة سحبتة واجاني صوت فؤاد…
:- شلونچ يلدز شخبارچ
:- الحمدالله زينة انتَ شلونك شكو ماكو
:- اني بخير زين حملچ شلونة تتأذين
:- لا صرت احسن هل ايام
صار يسأل عن حالتي وعرفت من كلامة انو راح يتأخر بلجية لان اخوانة عدهم مشاكل بلشغل ويريد يتعاملون ماعارضت او حجيت شي سلم وسده رجعت التلفون لمكانة وتمشيت للغرفة…
فتت وشفت نازار متسطحة نزلت نضري للماعون زين ماكلة منة تقربت وكعدت يمهن سألت خالة اينو
ر:- هذا زوجج فؤاد مو
هزيت راسي بدون مااحجي اخذت نفس وتقربت يمي:- شلونها علاقتكم
يلدز:- مثل ماهي ياخالة ماأكدر اتقبله مو بيدي فوك ماهو جبير بالعمر بس هم جبروني عليه واني بعدني زغيرة جنت اتمنى يجي شاب احبه ويحبني ونتزوج عن الحب بس كل املي تحطم
ربتت خالة على ضهري تهديني:- حبيبتي حاولي تتأقلمين هاذي حياتچ بعد تزوجتي وانتي هسة حامل وراح يجيبكم طفل بلطريق
:- اي خالة صح كلامچ
اينور:- اي بنيتي وهو رجال زين الحمدلله ومابي شي او عيب وهياته صار عندچ بيت لوحدچ هذا اهم شي
:- الله كريم حبيبتي نازدار شتحبين اسويلچ عصير
باوعتلي وماحجت شي:- اني اترخص ارجع لان صلاح ويشار ينتظروني
هزيت راسي وسلمنة عليها وراحت مر كم يوم ونازدار يمي حالتها صح مو مثل قبل بس احسن بشوي اطلعها وياي للحديقة مال بيتنه نفتر ونفرح احاول ارسم الابتسامة على وجها…
احسن ماتبقى يم اشواق ورغد وكلامهم مسموم بلكت هالايام يرجعون لجامعة وتبدي امتحاناتهم وترتاح نازدار من سمهم بديت اشتغل واني حامل وحالتي صعبة كلش…
فؤاد جاب المسواك وراح لبيت اهله هم أمه وأبوه مييتين بس عنده اخوان هو حلال مشاكلهم وامورهم وهم كال نازدار تاخذ راحتها…
والحمدلله اشوف نازدار بدت تتحسن شوي من بعدها ماذكرت كدامها الي صار وياي ولا سألتها ولا تدخلت
إلا إن بيوم بديت اشتغل كل شوي اشوف نازدار حتى اطمن عليها لو نائمة لو صافنة بدون متحجي…
حقها مصدومة من الي صار وياها ياختي حبيبتي دومچ تعبانة وماعندج حظ حطيت جدر دولمة عالنار سمعت صوت رن الهاتف احنا حطينة بالصالون…
رحت شلته وجان كل ضني فؤاد ماكو غيرة يتصل سمعت صوت غريب وخشن بيه بحة قوية استغربت منو هذا !!…
ابـو الهـيبه:: دخلـت للمكان المحدد اخـذت نضرة عل طريق تُرابي وبيـوت قلة بيتين او ثلاثة همهت بـيني وبين نفسي هاذي البيوت من ضمـنهم اعرف بيهم جاي يراقبون ابتسمت بخفـوت بقيت اسـوق بسيارتي…
لحد ما دخلت بطريق طويل حـوالين هل طريق مزرعة تحيط بي بقـيت امشي لحد وصلت قريب عل مكان وگفت السيارة ونزلت …
وگفت وبيدي الجگارة اخذ نضرات حاولين المكان
مكانهم جـبير وحوالي مزرعة جبيرة كلها هاذي الهم
سيارات هواي اتلفتت بعيونـي حوالين المكان والمزرعة…
حلو راح نستمتع اخذت نفس وهمست بيني وبين نفسي:- رَجـعتـلكم من جـَديد وهسـه البـقاء للأقـوى
إبتسمت تگ خد واني اخـذ نضرات على كل المـكان ولله حلو مجهزين إنفسهم مينخاف عليهم يدبرون
موزعين حراس بكل مكان الحراس ملثـمين متوزعين بكل مكان…
بهاذي المنطـقة ميبونون بس اعرف بيـهم موجودين
ثواني وتقدموا حارسـين علي نزلـوا راسهم بإحـترام
عرفت راح يدخلوني للمـكان ركزت بوجـهم حيل وحفظت وجـهم…
تقدمهم واحد سمين واصلع ركز نظرة علي ابتسم ونزل راسه كال بصوت غليط ممزوج بأحترام
:- نورتَ إستاذي البُليـس بإنتضارك
نزعت النظـارة والجگارة بأيدي إبتسمت كمل كلانة وهو يفتح الطريق باوع علي الي ورا وهزلهم راسه بفد شي ركضوا هم وتبعدوا رجع التفتت علي
:- تفضل أستاذي
تمشيت وهم وراي نضـراتي عل مكان احفظ شبر شبر بي هل عصابة جبيرة حتى عدهم هواي حراس وماخذين احتياطهم من كل شي بس تركيزهم خافت العدو بنصهم ميعرفوا…
بس خلي نلعب ونستمتع بهل شـي اني وصلت لبوابة المستودع ركض الحارس ضرب البوابة حتى يفتحوها ثواني وإنفتحت خليت الجگارة بين شفايفي سحبت منها وعيني عل بوابة…
طلعوا الحارسين يترأسهم واحد ضعيف وشواربه گثيفة اخذ نظرة علي وهز راسة بفد شي ميفوتون الشخص الي يتأكدون من كلشي رأساً فتحوا الطريق
:- تـفضل أستـاذ بإنتـضارك بلداخـل
دخلت للمكان وجان كلش جبير بي هوا من الصناديگ كلها بيها بضاعتهم صرت اتلفتت بخفوت واحفظ كل شبر كل شبر هنا راح اعرف شلون اتصرف بي…
المكان ضلامه أكثـر من نوره تقدم علي شخص ركزت
كرشة جبير وشواربة قليلة شعره شبه اصلع بوجهة إبتسامة باوعت علي للحظات ورن براسي الي صار قبضت علي ايد…
حاول اهدئ نفسي يباوع بنظرات غريبة بأيدة الجگارة اخذ منها نفسي وتقرب شوي:- وصلني خبر بوصـولك وجـنت مَنتـظرك
هزيت راسي بدون ماارد على كلامة طلعت الورقة من جيبي بدون كلمة قدمتها اله باوع علي ونزل نضرة عل ورقة اخذها ورفع ايدة رأساً تقرب واحد من الحراس الورا…
لـزم الورقة وقراها تقرب للبُليس وهمس بأذنه رفع راسة وإبتسم تقرب علي وحط ايدة على گتفي
:- اهـلاً بيـك ابو الهيـبة نورتـنا
ابتسمت وإخذت نفس من الجگارة رجعت عيوني بعيونة وإردفت بهدوء:- وبـيك إكثر يـا الـبُليس
البُليس:- تفضل اكعد
ابتسمت وهزيت راسي تمشينة وكعدنة على كراسي موجودة:- تفضل احنة بلخدمـة
:- إريد مَـنك قُـطع من إسلـحة نـوعيه زينـة ورا ثـلاث أيام اريـدهن جـاهزات
البُليس:- بلتأكيد راح يوصلنك بأسرع وقت
إبتسم بشر وهو يباوع بعيوني ضرب ايد بأيد ورن الصوت بلمكان ثواني واجو ثنين إشخاص وبيدهم الصواني اكل وتحوي على شراب…
تقربوا ووزعو الاكل عل طبلة الي گبالنا اخذ البُليس الشراب فتحة وخلا بلگلاص قدمة الي:- تفضل
باوعت عل شراب للحظات ورفعت راسي باوعت علي:- احـلا إضافة وجـان ودي إشرب بس عنـدي قرحة والدكتور مـنعني من الشـرب
البُليس:- لاا شلون هيج جان لازم نعاقب الدگتور بلموت شگلت هههههه
:- أي انتَ متعود تگتلك الناس المفيدة للدولة
التفت علي مستغرب:- ها شنو؟
:- ليش كل هل اكل والزحمه
البليس:- تدلل ابو الهيبة كلشي كدامك حاضر وهذا اقل شي نقدمة لشخص مثلك
:- لا الـف عافـية إنـي قبـل شـوي اكـلت
البُليس:- شلون هيج ماتقبل الاضافة
:- شَـسوي اكلي قلـيل وقبل مااجي بلحـظات اكـلت
مـرة ثـانية
هز راسة قانع زين قنع هو اني اكل من اكلهم اتلفتت اكو حراس بكل مكان وبكل زاوية خدام يمسحون وينضفون بلاسلحة…
:- يـلا بُـليس اني اترخـص
البليس:- لا وين ابقى اكثر ماشبعنة من شوفتك
ضحكت وهزيت راسي تقربت وضربت على گتفه
:- بلجـايات هواي تشـبع من وجـهي لـدرجة تـمُل بَـس هسة عـندي شُـغل
غمز وهو يضحك:- شغل لو نسوان وهيج هههه
:- ههههههه بـليل بليـل
البُليس:- گلي خلي نستمتع سوة
:- اكـيد الـسهرة متـحلى بـدونك
گمنة سوة وطلعنة برى نتمشى وعيني تتلفت بلمكان احفظ كل شي بي وصلت لسيارتي وركض الحارس فتحلي الباب سمعت صوت من ورا:- ابو الهيبة زورنة مرة ثانية
التفتت وهزيت راسي:- اكيـد كل فـترة اني يـمك مااعَـندي ثـقة بس بيـك
البُليس:- احلا من يثق يومين ثلاثة يوصل الي طلبتة
إبتسمت بشر واني اباوع بعيونة رفعلي حاجب وابتسم نفس الابتسامة والشر الي بعيونه كل هل سنين باقي مثل ماهو عفته وصعدت بسيارتي
حرگتها ورجعت بطريقي لحد طلعت من المزرعة…
:- أحياناً الحَـياة تجـبرنا نتـلوك لنـاس ميـستاهلـون كُـلمة
شعلت الجگارة وكملت طريقي لحد طلعت من المنطقة كُلها اخذ نفس عميق هسة حسيت بلراحة احس جان ثقل على نفسي وصدري شلون مايكون ثقل وبعد كل هل سنين اني جاي لنفس المكان بس بشخص ثاني وغاية مختلفة…
• • • •
صفيت السيارة ونزلت اخذت السويج قفتلها وتمشيت اريد ادخل للبيت بس سمعت صوت شخص يصيحني من ورا التفتت وشفته اكرم تقرب مني بسرعة:- لكك هلاا بتيمور
ابتسمت وتقربت علي حضنته:- هلا بيك تفضل
اكرم:- لا ولله مشكور بس اكلك وين جنت السيارة من الصبح مختفية وانتَ مختفي شكو
:- لا مـاكو شـي جـانت عـندي شَغـلة
التفتت باوع عل سيارة شوي ركز نظرة والتفتت علي:- هاي شنو غاسلها ومنظفها مبينة الطلعة مهمة
:- لا مو شي مهم بس حبيت اغسلها
اكرم:- نسيت اكلك على شغلة
:- تفضل كول
اكرم:- ابو يشار يريد يحجي وياك بموضوع
:- ابو يشار؟
اكرم:- اي هو منتضرك گبال المحل
:- هاهية اني اروح
راح اكرم بطريق واني اخذت السيارة وحرگتها بأتجاه المحل ابو يشار بيا موضوع يحجي استغربت هو مو دوم يحجي وياي بلمواضيع وهل مرة جاي لمحلي يعني شي مهم…
وصلت لگدام المحل اخذت نضرات محد واكف حرگت السيارة شوي شفت واحد منطيني ضهرة صفيت السيارة ونزلت بسرعة تمشيت وصلت يمه عرفتة هو ابو يشار:- سلام عليكم
التفتت باوعلي وابتيم:- وعليكم السلام شلونك شخبارك
:- الحمدالله بخير انتَ شلونك
صلاح:- الف الحمد لله شكو ماكو الاخبار شلونها
:- مـاكو شي جديد كلشي تحت السيطرة رحت وتأكدت
:- ماخاب ضني بيك اجيتك اريد احجي وياك بموضوع
:- إي تفضل احجي براحتك
:- زاد فضلك بس مانبقى واكفين خلي نكعد بهل مكان
اشر على فد صبة عالية هزيت راسي وتمشيت كعدنة عليها ونباوع للناس القليلة الي تمشي بلشارع اخذ نفس وزفر:- اريد اعرف شنو علاقة نازدار بيكم او بيك انتَ بلذات
:- اي حلو
صلاح:- ترة نازدار بنت صديقي جان اعز من اخوي مااقبل احد يأذيها اريد تحجيلي كلشي شنو علاقتها بقيصر
گلت واني احط الجگارة بين شفايفي اسحب منها
:- ومـنو كـلك راح اأذيهإا لو مـتثق بـية؟؟
كال وهو يرفع حاجب مركز نظرة علي:- بس لا تلعب عليها انتَ نصار واني أفهمك !!
انداريت براسي اله إبتسمت تگ خد:- تيمور احجي انتَ تحبها لو بس تلعب عليها
حطيت عيني بعينه ورفعت حاجب باوعت عل جكارة وشمرتها:- انـتَ شتـتوقـع !!؟…
يتبع🕊️…
حسابي الانستغرام فولو حلوه من ايدكم وأي سؤال ببالكم متواجده هناك
قناتي التليغرام اكثر تواجد سوالف وحبشكلات
وهم الابطال يدخلون يسولفون وياكم انظمو لعائلتي البسيطه