#قـوة_ايسون
البارت التاسـع
ولـدي الحلوين لتنسون تصوتون وتابعـوني 🫦💅🏻
حسـابـي الأنستا zahraa_Loay
دَاوَيتُ بِالأَمْسِ أَروَاحَاً مَجرُحَةً
وَالْيَومَ تَرجُو رُوحِي مَن يُدَاوِيهَا
______________________________ ♡︎
فتحت عيـوني بصدمه وانا اشوفها حاضنته وتگله اموت عليك ! همست بصوت ناصي مادري بنفسي
ميـار:سُلطان !
گبل باوعلي وخرها عنه وحجه بصوت يرجف
سُلطان : ميار
اريد استوعب الصدمه ماكو حاولت اتمالك نفسي وگتله برود بدون ماحط عيني بعينه
ميـار : اعتذر منكُم دخلت لغرفتكُم بالغلط
باوعلتي الي نور ورفعت حاجبها وگالـت
نور : ياريت المرة الثانيه ادگين الباب
عيوني صارت بگُصتي وانا اريد حجه حتى اعيط بيها حجيت بين اسناني وگتلها
ميـار : تعذريني مادري بيج تتختلين بالغرُفه ولازمه ابن عمتج وتحضنين بي
سُلطان :ميـار والله فهمتي غلط معندي شيء وياها وراس اُمي
ميـار : ليش راس امك امام وتحلف بي دروح ، وهسه من رخصتكُم
نزلت احجي بيني وبين نفسي واضح تحبني واضح هه لازم نور ويتحاضنون ويگول معندي شيء وياها وييجيني يصيرلي هوَ وبس الله يعثرك على هالدكه الناقصه
رحت گعدت يم أيسـون عرفتني بيه شيء مبوزه سألتني
أيسـون : بيج شيء؟
ميـار : بعدين اسولفلج
نزل سُلطـان ويـا هالعوبه هاي ضحكت وگالت
نور : منـار انضل اليوم يم بيت خالو
منـار : ماما نبقى اهناء
باوعت الهن وضحكت وگالـت
-أبقنى حبيباتي بس خاف عيب
أم الأكبـر : لا افا عليج من منو عيب صدك جذب كلنا اهل
-حبيبتي ليلى تسلمين
شهل صلافه هاي يربي حاضنته وهسه تريد اضل عندهم
باوعت الـ أيسـون اول مرا ينذكر أسم خاله وكلش حلو ابتسمنا حمحم سُلطان وگال
سُلطـان : ميـار ممكن تجين شويه عندي موضوع وياج
ميـار : لا ماگدر گاعدة يم خاله والبنات بعدين عود
سُلطـان : ضروري ميـار
أيسـون : سُلطـان أجلها بعدين
هز راسه وطلع من البيت ونور بس تخوزر بيه جنها ابو خزيره تغسل لهل خلقه الخايسه فوك شينه گوة عينه على گوله ايسون
كمت رحت دخلت للغرفه لحگتني ايسـون
ايسـون : شبيج شصاير
ميـار : لكيت نور حاضنه أستاذ سُلطـان وتعترفه بحُبها
ايسـون : شنووو؟ تشاقين اكيد
سولف الها ضلت فاتحه حگلها مصدومه كرصتني وگالـت
ايسـون : اتطمني انا متأكده ميحبها سُلطـان وهاي تلگيها تحبها واستغلت الفُرصه واعترفت اله
ميـار:ميهمني ايسـون بس ضجت لانُ يسوي نفسه يحبني وهو يحب نور
ايسـون:لتصيرين غبية سُلطان يحبج اعرُفه كل الزين
ميـار:مادري ايسون
اندك الباب الغُرفه فتحناه طلع الأكبـر
الأكبـر : اعتذر خاف ازعجتكُم
ايسـون: لا عيني تفضل
الأكبـر : شنو رأيكم نطلع نغير جو
ايسـون : والبنات الي عدكم نور ومنار شلون؟
الأكبـر : ماكو مشكله ناخذهم ويانه
ميـار : تعذرني انا ماطقت بنات خالك
ضحك حك انفه وگـال
الأكبـر : ليش؟
ميـار : مادري ماحبيتهن ياخي شنو هاي ملعبات
ايسـون : والله الصراحه انا همين ماجذب عليك
ضحـك وتقرب من يم ايسـون وگـال
الأكبـر : مو مشكله لتحبوهم بس عيب ميصير نطلع ونعوفهم وحدهن
ميـار : تمام ماكو مشكله
ايسـون : نحضر نفسنه ونجي
الأكبـر :واحنا بانتظار الأميـرات اخذو كل وقتكم
طلع راح وبدلنا انا وايسـون لگينه الاثنين الغثه ريا وسكينه
باوعت النا نور وگالت
نور : طالعات حلوات
ايسـون : انتِ الاحلىٰ عمري
صعدنا بالسياره الأكبـر صاح ايسـون تگعد يمه بالصدر وانا ونور ومنـار ورا وسُلطان الحقير ماخليته يشوف وجهي اصلاً صعدت ويا نبأ ومريم ورحنا
𖥕᷂ 𖥕᷂ 𖥕᷂ 𖥕᷂ 𖥕᷂
ايسـون
صعدت يم الأكبـر بالصدر وطلع أُغنيه قيس هاشم شمسويلك يغني وياها ويباوعلي
شمسويلك كل يـوم مسـهرني بالـيـلي
وانتَ بسابع نومه بليلك بيش ادعـيلك
ياربـي يـخلـيك تحبـني وتـسهر مثـلي وينهـد حيلك
تتفنن ليـش بتعذيبـي وليـش براسي تزيد شيبي
ياابن النـاس ارحمـني دخيـلك دخيـلك
گلـبي ادروس قسوة انطيته وعلمته يعوف ميـريدك
بس تمـوت گبـال عُـيونـي ينسـىٰ دروسـي ويرجع بيـدك
حايـر بيك وشاغـل بالـي وشوف بدونـك صـرت شحـالي
يا ابن النـاس ارحمنـي دخـيلك دخيـلك
نضراته اكلتني جاي يبسمرني الافندي لو تموت ماحبك نوبه ذني بس يباوعن ويتهامسن انا اعلمك اكبـر بس خلي نوصل
نوبه يضحك الافندي وصلنا نزلنه بالمطعم
طلب الأكبـر طاوله عائليه لان احنا عشيره ههههه گعدنا وسُلطان يريد بس ميـار تحط عينها بعينه ماكو ادري بيها زعلانه ومصدومه منه بس شيقنعها انُ مايحب هاي نور مدري منين طلعت حاضنته وتعترف
همس الأكبـر بأذني
الأكبـر : وين صافنه نجـرتي
ايسـون : بالي يم ميـار
الأكبـر : سولفلي سُلطـان على الي صار واكيد سُلطـان ميحبها بس هنه بنات خالي هيج من زمان كل همهن نحبهن او نزوجهن بس بحياتنه كلها ماصار هذا الـ شيء لانُ معتبرينهن حالهن حال نبأ ومريـم مثل اخواتنا ولو سُلطـان يحب نور جان حبها ومحد وگف بوجه من زمان بس احنا علاقتنه بيهن قليله بس هن قليلات ذوق ورخصيات صحيح ميصير احجي عنهن وذني عرضي بس ماجاي احجي الـ أحد غريب انتِ خطيبتي واتمنىٰ ميـار تسامحه تفهم منه
ايسـون : شنو هل قله الذوق شبيهن ذولي الله اعلم بعد ياربـي احفضلي عقلي وانا متأكدة سُلطان يحب ميـار
ابتسم بحُب وگلـي
الأكبـر : جعلني عقلج حتى يحفظني الج
ايسـون : انطم
الأكبـر : اذا ننطم سويه ماعندي مانع
ايسـون : اعوذ بالله دروح روح
جاوبوا الاكل وتعشينه نصدمنه من دخل أيهم للمطعم شافنه واجه سلم علينا كل عاده ميـار اكلته بالسلام وسُلطان كوا لازم نفسه
ميـار : بعد راح تستقر اهناء؟
أيـهم : اي لانُ شغلي يطلب هيج اشتاقيتلج فراشتي
ميـار : روحها الـ فراشتك انا اشتاقيتلك اكثر والله ياريحه هلي
باوعت الـ سُلطـان راص على ايده كل قوته لزمت أيده نبأ ومدري شهمست بأذنه وهز راسه باوعت الـ نبأ وگلتها
ايسـون : نبأ ترحين وياي للحمام
نبأ : اي جايه
گمنه للحمام باوعت الـ نبأ وگتلها
ايسـون : مقهوره عليهم ثنيهم
نبأ : فهميني شصاير بين سُلطـان وميـار
سولفت الها فتحت عيونها بصدمه وگالت
نبأ : لا يا ادبسززز نور لجج ذني الحقيرات الأخوات حاطات عينهن عليهم وأشگد حجن وياي يحبهم بس وجنت اكلهم هيج هيج وهم يرفضونهن لانُ يعرفون هن شنو ماتوقعتهن باهلرخص
ايسـون : شرأيج تصيحين ميـار تصعد وياجن بالرجعه وتخليهم يحجون سويه ويتفاهمون
نبأ : اي خوش فكره ، نوبه سُلطـان مات من الغيرة من أيهم
ايسـون : لا أيهم كلش حباب والله ومعتبر ميـار اخته
نبأ : اي مبين خوش ولد وأبن أصول
ايسـون : اي ، تعالي يلا نطلع
رحنا طلعنه وگعدت يمهم أيهم كل شويه يباوع الـ نبأ بس لا حاط عينه عليها ها ها ضلينه نسولف وگاعدين ونضحك
قاطع ضحكتنا أيهم وهو يگول
أيـهم : سُلطـان ممكن احجي وياك على انفراد
فتحت عيوني بصدمه شيريد هذا
سُلطـان : تفضل عندك شيء تريد تحجي
أيـهم : اي نعم بس على انفراد كون
هز راسه سُلطان وطلعوو برا
𖥕᷂ 𖥕᷂ 𖥕᷂ 𖥕᷂
سُلطـان
طلعنا برا انا وهذا الي يسمى أيهم باوعتله وگتله
سُلطـان : تفضل شتريد
أيـهم : شوف سُلطـان انا من خلال طريقه كلامك وياي بالمُستشفىٰ عرفتك انُ انتَ حاب ميـار وانا صفتي أبن خالها وأكبـر منها اتفهمك واتفهم مشاعرك تجاها ميـار انسانه نقيه كلش وحبابه وانا معتبرها اختي الصغيرة واخاف عليها اكثر من نفسي وايسـون كذالك اختي الصغيرة واخاف عليها معزتها من معزه ميـار اذا انتَ فعًلا حاب ميـار خلي علاقتكم تكون رسميه انا ماحاب گعده ميـار وايسـون عدكم بالبيت لانُ انتَ تحبها وانتوا غيربين يعني بس ماگدر اكسر بخاطرهن انا ثاق بايسون وميـار واعرفهن هن شنو مُستحيل يسون شيء غلط وهن فاهمات وكبـار رغم كل هذني بس همين ماحابها وانا اريد همين اريد اخذ ميـار وياي بشقتها تگعد وايسـون همين اذا يحبن واذا صارت علاقه بينكم رسميه عود اذا ميـار حابه تُبقىٰ يمكم ويم ايسـون ماكو مُشكله
ابتسمت وگتله
سُلطـان : اول شيء شُكرًا على تفهمك ولانُ ثاق باايسـون وميـار وانا ميـار الله يشهد اخاف عليها اكثر من نفسي وايسون همين وانا رايد ميـار على سنه الله ورسوله وحاب اتقدم الها بس خلي هالفترا لانُ احنا صايره بينا مشاكل وحزازيه بس اقنعها انطيك خبـر واعتذر على سوء الفهم الي صار بالمُستشفى
ابتسم وگـال
أيـهم : ماصار شيء وشُكرًا على حُرصك وخوفك عليهن وها ترا انا لا عبالك ماسألت عنكم لا غلطان سألت عنكم انا من اجيت للُمستشفى وعرفت ايسـون مخطوبه وگاعدات عدكم وسولفتلي ايسـون عن المشاكل ضليت ابحوش وراكم هههه وطلعتوا خوش ناس بس رُغم كل هذا اخاف عليهن
سُلطـان : حقك يابه اي واحد مكانه سوا هيج ،
أيـهم : وهسه نحل سوء الفهم؟
ضحكت وگتله
سُلطـان : نحل يابه نحل ، ندخل تلگاهم عبالهم تعاركنا ههههههههه
أيـهم : هههههههههههههه عبالهم صايرين دمايه هسه
دخلنا جوا نضحك مثل ماتوقعت كلهم مصدومين من عدنا
𖥕᷂ 𖥕᷂ 𖥕᷂ 𖥕᷂
ميـار
من طلعوا سُلطـان وأيهم وانا الوب شعدهم وشريد ايهم
نصدمت من دخلوا يضحكون ذولي يضحكون اي اي يضحكون شنو ذولي شبيهم شاخطين؟
باوعت الـ نبأ وايسـون ومريم كذالك مصدومات خوب منار ونور نسينه وجودهن ويانه هههههه
الأكبـر : ضحكه خير ان شاءالله ضحكونه وياكم
سُلطـان : لا خلوها سبرايززز عن قريب
باوعلي وغمز گلبت عيوني عنه
مريـم : يارب معقوله الي جاي اشوفه
ايسـون : اي حبيبتي معقوله هههههههه
نبأ : ايهم وسُلطان ثنينهم لا لا ماصدك
باوع ايهم الـ نبأ ضحك وگال
أيـهم : صدگي صدگي اقصد صدگو
ميـار : هاا هاا صدكي صدكي ، صدكو صدكو حلو
گال الأكبـر
-يالله تأخرنا هسه اكيد امي ضل بالها يمنا
أيـهم : ليش ماجت وياكُم
الأكبـر : مابيها حيل تتروح گالت روحوا انتوا تونسوا
گمنا طلعنا گالت نبأ
-ميـار تعالي ويايه ومريـم روحي ويا الأكبـر
ميـار : لا حبيبتي ماروح اروح وي ايسـون
ايسـون : روحي انتِ مريم ويانه نريدها
دفعتني ايسـون الـ زماله وگتله
ميـار : حسابج بعدين ايسـون
ضحكت بصوت عالي وگالت
ايسـون : شوفي أشگد صار حسابي هههههههههايي
حقير انا اعلمها صعدنا بالسياره ورحنا ...
𖥕᷂ 𖥕᷂ 𖥕᷂ 𖥕᷂
ايسـون
وديت ميـار بالكي تتصالح أيـهم راح الـ بيته صعدت بالسياره وگالـت نور
-ليش خليتي ميـار تروح هيه مو ما رادت تروح
بدون مالتفت الها گتلها
ايسـون : بكيفيي حَبيبتي عندج مانع
نور : لا لويش عندي مانع بس كتلج هيه مارادت تروح تصرفج غلط
ايسـون : عفواً منج وانتِ شنو جايه تعلميني شلون اتصرف ؟جاي اكلج بكيفي
اجه الأكبـر جان يشتري جگاير باوع وگال
-شكو شصاير؟
ايسـون : جايه تعلمني حضرتها شلون اتصرف لان خلت ميـار تصعد وي سُلطـان
الأكـبر : شنو واذا صعدت وي سُلطـان وبعدين شنو انتِ جايه تعلمين ايسـون شلون تتصرف
نور : هسه انا شحجيت وشگلت اكلتوني
خزرها وگلها
الأكبـر : ياريت مرة الثانيه من تحجين وي ايسـون تحسبين لكل كلمه تحجيها خوش لو لا
نور : هه نعتذر ازعجنه انستك
الأكبـر : اي عفيه هيج اعتذري مدامتي هاي والي يمسها بحجايه تعرفيني شسوي
انا مانطقت ولا كلمه خليته هو يرزلها طبها مرض
وصلنا للبيت نزلنا فتح الباب الشارع بالمفاتح الأكبـر اندك باب الصاله ماجاي خاله تفتحه صاح الأكبـر
-يمه تسمعيني افتحي الباب
گالت مريم بخوف
-اكبـر خاف صاير الـ ماما شيء
الأكبـر : لا بس خاف جوا ماجاي تسمع ثواني اتصل عليها ، ماجاي ترد
عطرنا الباب ماكو قلقنا كلش وخفنه عليها
الأكبـر : شلون نسيت المفتاح مال الصاله ماجيته خرب وخرن خلي اكسر الباب
الباب خشب حاول ويا شكم مرا نكسر ، دخلنا ملهوفين ندور على خاله ماكو بالصاله رگضنه للغرفه مالتها انصدمنه من الي شفناه
ماگدر انطق شيء بس مُبايلي يرن مادري منو وشنو فتخت خط خليته على اذني اجاني صوت ميـار وهيه تبجي وتگول
ميـار : ايسـون سوينه حادث تعالوا
للحكايه بقيه ...
___________________________________ ♡︎
اعتذر عن التأخيـر البارت ولـدي بس والله الوتباد ميصير اكتب بي لانُ حدثته وهسه كتبت بالمُلاحضات منو تعرُف الـ سبب؟؟
شنو رئيكُم بالبارت؟🔥♥️
وشنو صايـر وي أم الأكبـر 🥲💔؟
لا تنسون تصوتون وتابعون ولـدي الحلوين
حسـابي الأنسـتا : zahraa_Loay
مُتابعة جميلـة✨
___________________________ ♡︎