ملك الفهد
الحلقة الثلاثون
🦋🦋🦋🦋🦋🦋
في قصر البارون
🦋🦋🦋🦋🦋🦋
توقفنا عندما وقفت همس الشريف امام غزل
اقتربت همس من غزل و رفعت اديها على وجهها حتي تتأكد انها صغيرتها و معذبتها التي جعلتها تجن من البحث عنها في كل مكان
ضمتها همس لحضنها بشدة و اخذت تقبلها بلهفة و حب و اشتياق و نزلت دموعها
غزل بدموع غزيرة : همسي
همس بدموع و حنان : قلب همس و حياتها يا عمري انتي
ضم البنات بعض بقوة و علت اصوات شهقاتهم تحت صدمة الجميع
بعد فترة بعدت همس عن حضن غزل و لكن اسرعت بامساك اديها و جعلتها تجلس بجوارها و ضمتها لحضنها
دهب بابتسامة : مامي ابح اهب
انحنت غزل و حملتها و قبلتها
همس : اذاي غزلي اذاي انتى مرات فهد و اذاي مخلفة انتى صغننة طفلتي
غزل بحزن : انا مش مرات فهد بس ديه بنوتي و بنتة
همس بغل : بنت الكلب باعتك صح
غزل بدموع غزيرة : ااااااااااااه همس فضلت اصرخ و دور عليكي بس انتى مش كنتي معايا سبتيني
همس بسرعة : و الله العظيم مسيتك
غزل بدموع غزيرة : عارفة انها باعتك ذيي
شاور فهد لاحدي الخدم بأخذ دهب و بالفعل اخذتها للعب مع الصغار
عاصم : انا عاوز اعرف اذاي يا همس عارفة غزل
همس بابتسامة جميلة : غزل غزل حبيبتي و صحبتي و بنتي و اختي و طفلتي الحلوة
فهد : عاوز اعرف كل حاجة
همس : انا اهلي ماتو و انا عندي ٥ سنين و اهلي رفضو يستلموني فالمحكمة امرت اني ادخل دار الأيتام لغاية ماكبر و فعلا دخلت دار أيتام و هناك شفت غزل طفلة حلوة اوي و عسولة كانت شبة دهب بالظبط هي الوحيدة اللي خرجتني برا حالة الحزن و الكسرة اللي عشتها عشنا مع بعض ١٠ سنين كنا بنام بميعاد و بنصحي بميعاد ممنوع نطلع في حفلة او حد يتبنانا كان الدور بتاعنا مليان بنات أشكال و الوان بس كلهم حلوين اول البنت متبلغ كانت بتتجهز و بتختفي ممنوع نتعلم بس كنا بندرس و بنتعلم لغات إنجليزي و فرنساوي و ألماني و اتكيت و رقص شرقي و غربي لغاية مبلغت كنت مرعوبة مش علي نفسي لا ابدا كنت مرعوبة علي طفلتي الصغيرة غزل هسبها لمين و هما مش بيرحمونا بس الغريبة اني فضلت سنة لغاية مبقي عندي ١٥ سنة و غزلي ١٤ و وقتها اختفيت الحيوانة باعتني لواحد اسمه اريان و هو سفرني لايطاليا و اكيد هو عمل كده مع غزلي
مرام : مين ديه اللي عملت كده
ه
مس بغل : مايسة اللي دورت عليها في كل مكان و ملهاش اثر
فريد : معلش انتي حصل معاكي ايه يعني مين دفع حقك و رحتي مع مين
همس : انا كنت متمردة و ده سبب عقابي في الدار و لما سافرت مع اريان هناك ضربت الحارس و قدرت اهرب بس استخبيت في البيت علشان معرفتش اخرج من كمية الحرس لغاية مجمع الحرس و خرجو يدورو عليا وقتها انا قدرت اخرج بس كنت سرقت فلوس و هربت و فضلت اجري لغاية مدخلت جنينة بيت و فضلت مستخبية و غصب عني نمت أو اغمي عليا و لما صحيت لقيت نفسي في اوضة و واحد قاعد قدامي و كان نايم علي الكرسي و اول مجيت اتحرك هو صحي و فضل يتكلم معايا و انا حكيت ليه علي كل حاجة و هو بسلطاته قدر يخرجني برا البلد و سافرت معاه روسيا و هو السيد الفونس و مراتة فرحت بيا جدا و بالعكس جابت ليا ناس اتعلم ديني الاسلامي و طلبت من واحد من الحرس ينزل مصر و يدور علي الحيوانة ديه علشان من خلالها هوصل لغزل بس الصدمة الكبيرة ليا ان مفيش حد باسم الحيوانة صاحبة دار أيتام كنت هتجنن انا كنت في نفس الدار و كنت بشوفها بس اذاي اختفت قولت اكيد زمان غزلي بلغت و اكيد باعتها للحيوان اريان فضلت مرقباه بس قدر يختفي فترة و رجع تاني مارس نشاطة كنت بأمر رجلتي يدخلو مزداته علشان اقدر انقذها و جبها ليا بس للاسف مقدرتش اوصل ليها خليت رجلتي يدورو في كل بيوت الدعارة و اخر مكان مكنتش متوقعة القيكي فيه هو هنا
و بدموع غزيرة : انا اسفة غزل اسفة اني فرطت فيكي و موفيتش بوعدي ليكي اسفة يا روحي اسفة لاني سمحت للحيوانة ديه تاذيكي
غزل بدموع غزيرة و هي تحضنها : انا مش زعلانة منك همسي انتى عارفة اني بحبك انتي اختي و صحبتي و مامتي
همس بحنان : احكيلي حصلك ايه
غزل بدموع غزيرة : انا لما بلغت رجلي مبقتش تتحرك و هي انصدمت من اللي حصل و جابت دكتور و قالها من الحالة النفسية بس فضلت فترة و كانت بتضحك عليا و بتقولي اني اخف بسرعة علشان هي قدرت تقنع العيلة اللي اخدتك تخليكي ترجعي علشان تشفيني و طبعا كدب و بعدها نقلتني انا و كام بنت مكان غريب و فضلت قاعدة فيه لغاية قبل مكمل ١٨ سنة و وقتها قررت تبعني لاريان اللي باعني لواحد و الواحد ده باعني لفهد و فهد ضحك عليا وفهمني اني مراتة و حصل بينا علاقة و مدام مسك و سالم بيه جم و عرفوني الحقيقة اني مش مراتة و اني عاهرة لقيطة و خفت و هربت و كنت حامل في بنوتي دهب و عشنا سنتين لغاية مهو لقاني من شهرين و رجعت عشت هنا
همس بحنان : خلاص يا روحي كفاية عياط همس رجعت ليكي و هترجعي تعيشي معايا و في حضني و هنربي دهبي الحلوة مع بعض
مسك بحده : انتي بتقولي ايه
همس ببرود : بقول هاخد اختي و بنتها و هنرجع روسيا و نعيش مع بعض
مسك بغضب : حفيدتي مش هتسيب البيت
همس ببرود : مسك هانم بلاش انا
مسك بغضب : هقول ايه مش شوية عاهرات
همس بغضب و صوت كالرعد : مسك يا بارون احنا مش عاهرات
عاصم بغضب : مسك اسكتي خالص
فهد بغضب : اميييييييييي كفاية بقي غزل مراتي و همس اخت مراتي قبل متكون صديقتي
همس بغضب : انا بقي هعرفك شغل العاهرات علي اصوله
فريد : اهدي همس ارجوك
غزل بخوف : همس اهدي انا خايفة
اغمضت همس عيونها بشدة
غزل ببراءة : همسي
همس بحنان : طفلتي الجميلة اهدي انا كويسة
ضمتها لحضنها بحنان و اخذت تمسح علي ظهرها بحنان
فهد بهدوء : همس اهدي ارجوكي
همس : تمام انا كويسة
غزل ببراءة : همسي
همس بابتسامة : قلبي
غزل بابتسامة : تعالي اعرفك علي دهبي
سالم : يا ريت الكل يقعد
جلس الجميع و لم تترك همس يد غزل
سالم بجدية : همس فهد طلب من غزل الجواز و كمان مراد قالها انه هينسبها ليه يعني هتحمل اسم مراد و هيكون ابوها بس هي رفضت
همس بجدية : ليه هنسبها ليكم هي بنت فاروق مختار الشريف اختي بنت امي و ابويا
غزل : لا همس انا مش هنتسب لاي حد انا عوزة اهلي
فريد : تقصدي ايه غزل
غزل بكسرة : انا عوزة أعرف مين اهلي و ليه رموني و لا انا اتخطفت منهم انا من حقي اعرف انا مين اهلي
همس بحنان : يا حبيبتى انتي مش محتاجة تعرفي حاجه انا موجودة معاكي
فهد بحنان : غزلي انسيهم و وافقي لو مش قابلة عمي يكون والدك انتي بتحبي همس و هي موافقة انك تبقي اختها بجد
فريد : غزل بلاش تدوري علي الحقيقة و ممكن تصدمك و تتعبك عيشي ربي بنتك و عيشي مع فهد اللي بيحبك
معاذ : علي فكرة غزل انا هقولك حاجة فهد بيعشقك من يوم مسبتيه و هو قفل البيت بتاعة و رجع عاش هنا اقسمك بالله فهد ملمس اي واحدة طول السنين اللي فاتو
عاصم بحنان : وافقي يا بنتي انتي عشتي ٢٠ سنة وحيدة و حزينة اهو ربنا بيرجعلك حقك و عدله و رزقة بعيلة كبيرة بتحبك يشهد عليا ربنا اني من اول لحظة شفتك فيها و قلبي حن ليكي شفتك ذي مرام
م
الك : و انا و الله حبيتك و عتبرتك بنتي
امير بمشاكسة : و انا يا ستي متنازل ليكي عن ابويا
سليم بابتسامة : شايفين و النعمة انتي حنينة عن أختي الواطية ديه
مريم بغيظ : انت يا حيوان
جنة برقة : وافقي غزل
غزل بدموع : و حضرتك سالم بيه لسه مش عاوز تقارني بواحدة من احفادك الغاليين
سالم بحزن : حقك عليا يا بنتي انا عارف اني زعلتك و كسرتك بكلامي بس انا لم قعت مع نفسي عرفت انك ملكيش ذنب و جتلك تاني يوم بس كنتي اختفيتي
غزل بدموع غزيرة : كلكم قبلتم غزل اليتيمة بس مدام مسك البارون هتقبل غزل اللقيطة العاهرة
التف الجميع و نظر علي مسك التي تجلس بغضب شديد و تنظر لغزل بكره
وقفت غزل و توجهت إلي مسك و جلس أمامها علي الارض
غزل بدموع غزيرة : ليه بتكرهيني ليه قلبك متحركش ليا ليه انا عملت ايه اذاكي قولي انا مين
لميس : و هي هتعرفك اذاي غزل
غزل بدموع غزيرة و صراخ : لااااااااااااااا هي عرفاني انا واثقة من كده اول مرة شافتني فيها عند فهد انصدمت و بكل غل و عنف ضربتي و كسرتني قوليلي انا مين امي عملت فيكي ايه و مقدرتيش تاذيها علشان كده بتاذيني انا هي خدت منك مين و انتي كنت عوزاه ليه بتكرهيها اوي كده و مستمتعة بعذابي
لاول مرة تهتز مسك و تتغير ملامح وجهها
مسك بتلثم : ااانا معرفش هما مين
فهد بحنان : تعالي يا روحي
غزل بضعف و كسرة : فهد خليها تقولي مين اهلي
فهد بحنان : تعالي
حاولت غزل ان تقف و لكن لم تستطيع فنحني فهد و قام بحملها بين أحضانة و هي استكانت و تنهدت براحة و صعد بها الي الأعلي
عاصم : مسك انتي تعرفي اهل غزل
مسك : لا طبعا
معاذ : بس طريقتك معاها بتأكد انك عرفاهم
مسك بغضب : هو في ايه يعني هي بتمثل و بتعمل كده علشان تصعب عليكم خلاص غزل هانم بقت المظلومة و انا الشريرة بتاعة الحكاية
وقفت مسك بحده و غادرت المجلس و صعدت الي جناحها و اسرع خلفها عاصم
مالك : مسك فعلا تعرف حاجة
مراد : فعلا اول مرة اشوفها كده
لميس : تفتكرو هي مين
هيا : انا واثقة ان اهل غزل و خصوصا امها جرحت مسك جرح جامد
في جانب اخري كان يجلس الشباب
فريد : تفتكرو فعلا طنط مسك تعرف اهل غزل
مريم : ١٠٠ % عرفاهم
جنة : انا غزل صعبانة عليا اوي
امير : انا ممكن اعرف كل حاجة عن اهل غزل
همس بلهفة : اذاي امير
امير : السوشل ميدا
سليم : تقصد ااااا
امير : اه غزل تعمل فيديو و تظهر فيه و تقول كل حاجة و تسيبة و اكيد انها هتكون شبة امها صورة طبق الاصل
مريم : فكرة جامدة
مرام : طيب مامي ممكن تغضب اكتر
سليم : مش هتقدر قدام فهد واقف ليها
معاذ : فهد ممكن ميقبلش
فريد : لا جيه الوقت ان فهد يثبت انه بيحب غزل و عاوز يكمل معاها و لا لا
همس : انا معاكم
جنة بابتسامة : و انا كمان
فريد بعشق : بعشقك جنتي و منايا
مريم : شباب هو ممكن يكون اهل غزل مؤذيين
جنة : مفتكرش لان لو كده كانت طنط مسك هتبقي خايفة و اه غضبانة بس هي مغلولة و غضبانة منهم و منها
مرام : طيب ايه رايكم نكلم لوسي علشان تيجي معانا
معاذ بغمزة : لوسي بردو و لا سولي
مرام بكسوف : بس بقي
همس : فين دهب عوزة العب معاها
سليم بابتسامة : تعالي نروح نلعب معهم
غادرت همس و سليم للتوجه لمكان الأطفال
امير : رومانسي اوي سليم
مريم : ااااااااه اوي اوي
معاذ بمشاكسة : حبيبة قلبي اللي مقلباني فين ١٠٠ الف
مريم بدلع : صرفتهم زعلت
معاذ بحنان : مقدرش ازعل منك يا روحي
🦋🦋🦋🦋🦋🦋🦋🦋🦋
في جناح مسك
🦋🦋🦋🦋🦋🦋
دخل عاصم خلف مسك التي جلست علي الكرسي و اغمضت عيونها
عاصم : هي مين
مسك : مين ايه
عاصم : مسك مين اهل غزل
مسك بحده : يوووووووه بقي هو مفيش سيرة غير كده
عاصم : لا فيه بلاش تاذي غزل بكلامك اللي يوجع بلاش محدش عارف الظروف
مسك بغرور : لا بلاش تقلق احنا عيلة البارون و عيلة الشيخ
عاصم : يمكن عيلة مسك اقوي و اكبر و اغني من عيلة البارون و الشيخ
مسك بغرور : مفيش حد يكبر علي عيلة البارون و الشيخ
نظر عاصم لها و تنهد بغضب و غادر الجناح
اما مسك فاخرجت صورة فتاة و بتسمت لها
مسك بابتسامة : وحشتيني اوي حبيبتي اوعي تخافي انا هنا و مش ساكتة شوفتي مسكك عملت ايه حسرتهم زمان علي روحهم و دلوقتي بكسر روحهم و مش هسكت خالص لغاية موصلها لقبرها حبيبتي اطمني مش هسكت
و بغل : بس الكلبة لفت لفتها و جت لغاية هنا بس اطمني مش هسكت
🦋🦋🦋🦋🦋🦋🦋🦋
في جناح فهد
🦋🦋🦋🦋🦋
دخل فهد و هو يحمل غزل و وضعها علي السرير بحنان و نزع الحذاء و رفع المفرش عليها و جاء يبتعد عنها و لكن اسرعت غزل بمسك اديه
غزل بدموع غزيرة : خليك جمبي انا خايفة
فهد بحنان : حاضر حبيبتى
غزل بدموع غزيرة : انا مش حبيبتك و لا عمري هكون انا وافقت اني اعيش هنا علشان خاطر بنتي و بس علشان انا عارفة انك ممكن تخدها مني و تحرمني منها و انا من غيرها اموت
فهد بحنان : غزلي انا فعلا بحبك
اغمضت غزل عيونها و نامت و هي تدعي ربنا ان تعلم من هم عائلتها و ان يقبلو بها
تنهد فهد و اخذ يمسح علي شعرها بحنان و يفكر في ما حدث بالاسفل و علم ان والدته تعلم من هم عائلة غزل
فهد لنفسه : ربنا يستر من اللي جاي
ظل فهد علي وضعه فترة و بعد ذلك ترك غزل تنام و نزل الي الاسفل عند الشباب في الجنينة فهو قد رئاهم من جناحة لذلك قرر النزول
🦋🦋🦋🦋🦋🦋🦋🦋🦋
في الجنينة
🦋🦋🦋🦋🦋
كان الجميع يجلسون في صمت تام
فهد : مساء الخير
الكل : مساء النور
أمير : غزل عاملة ايه دلوقتي
فهد بتنهيدة : نامت بعد عياط كتير
معاذ : فهد انت ملحظتش حاجة في امنا
فهد : للأسف الشديد امنا شكلها عارفة مين هما اهل غزل
همس : طيب انت مش ناوي تساعها
فهد : في ايدي ايه و انا اعمله
فريد : انت بتحب غزل و لا مجرد واحدة معجب بيها و بعد فترة هتسبها
فهد : انت اكتر واحد عارف اني حبيت غزل و يستحيل اسبها
مرام : يبقي جيه الوقت انك تظهر ده للكل و اولهم غزل بنفسها
جنة : صح علشان غزل تستحق ده
فهد : و انا مستعد لأي حاجه
سليم : السوشل ميدا
فهد : مش فاهم
أمير : الكلمة السحرية لحل لاي مشكلة
فهد : بردو مش فاهم
مريم : الشباب تقصد ان غزل تعمل فيديو و تظهر فيه و تقول كل حاجة حصلت معاها و تطلب ان اي حد يقدر يوصل لاهلها يكلمها
امير : و احنا هنحط ٣ ارقام للتواصل و بإذن الله هنوصل
همس : في حاجه كمان الحيوانة مديرة الملجأ لازم نبلغ عنها السلطات المصرية
جنة : يبقي لازم نجيب رسام جامد و تقوليلة المواصفات و ننشرها
سليم بابتسامة : بلاش تقلقي همسي انتى بس تامري و انا انفذ
مريم : مش وقت نحنحة يا موكوس
همس بابتسامة : شكرا سليم
سليم بابتسامة : قلب و روح سليم
امير : احنا ممكن نهكر سيستم مركز المعلومات الخاص بالمواطنين و نعرف هي مين و اسمها و سنها و عنوانها الحقيقين
مرام : حلو ده انا هتصل علي صحبتي و نتقابل بكرا في اي مكان و نروح نقابلها انا و همس
همس : و غزل لأنها عاشت معاها بعد سفري كذا سنة
مرام : اشطا
فهد : فين دهب
جنة : بتاكل نوتيلا او بتاكل ليندا او الاسد عادي
فهد بابتسامة : عسل انا نفسي اعرف هي غزل كانت بتتوحم علي ايه
فريد بثقة : انا من واقف خبرتي احب اقولك انها كانت بتتوحم علي عسل قشطة حلويات كده يعني
فهد : اروح اخذ بنتي و نام
معاذ : فهد انت موافق علي موضوع الفيديو و الاعلام
فهد : و هتصور في مكتبي كمان
همس : طيب تصبحو علي خير ابقي نيم بنتك
نظر لها فهد بغيظ و توجه إلي مكان طفلتة و اخذ يقبلها و يلعب معها
اما همس بعد ان سألت احد الخدم عن مكانها و دخلت وجدتها تحتضن نفسها فقبلت خدها و رأسها و ادخلت لها الخادمة ملابس لها من ملابسها و بدلت ملابسها و نامت بجوارها و ضمتها لحضنها بشدة
🦋🦋🦋🦋🦋🦋🦋🦋
يتبع
الي لقاء جديد في الحلقة القادمة
توقعاتكم بالقادم
من هم أهل غزل ؟
هل ستظهر مايسة و اتباعها ؟