ثأر الجموح (قيد التعديل)

البارت السادس عشر

#ثار_الجموح

البارت_16

تخلي راسَك عَلى المُخدة
تريد تغفى تلگى روحَك مانسيت
ليش ! والـ ليش شثگلها
تعاتب بروحَك تگلها
والله مابيّة انتهيت
وتشرد تدور مَكان تريد تگعد
حزنَك يوصلك والرّجعة كلفة
وتنسى إسمَك تركض تطلع هويتَك
تلگى واحد ماتعرفه
تختنگ وتريد تبچي
نصّي صوتك لا تصرّخ
وإبچي سكتة ترا هذا الوجَع
مو مالت أحد مالَك أنت ..

لا تنسون التصويت + التعليق على كل الفقرات +
متابعه الحسابي🦋

.__________________.

مروه"

حاطه راسي على المخده بعد ما كعدتني جموح باتصاله وحس امي الي اتكول نحظر نفسنه الباجر منزعجه من كل الاصوات وبالي يم شمس ما ادري شجاي اسوي هسه طردت افكار وكمت حتى اصلي صلاه المغرب،ضليت كاعده على السجاده ودنيه ليل رفعت راسي وجانت ساعه بـ ثمانيه وربع اتنهدت وبالي مو صافي افكار تجيني هواي..

طرد افكار صوت رنت التلفون بمعنى اتلقيت رساله ما اهتميت،كمت حتى اخلص صلاتي،خلصت وكعدت قريت قران
خلصت وسديته وشلت السجاده باوعت على الساعه وجانت ترمز انو قرب منتصف اليل كل هل وقت وانا محاسه على نفسي اقره قرأن،ما اهتميت كلش نزلت اكل وصعدت اكمل حياتي الروتينيه دخلت على الواتس وبقيت مصدومه من الرسالة...

جانت صوري كلهم وياهه رسايل الي ومحادثات وكان الي مصورهم اني مو شخص ثاني ولا كان شخص والي تاكدت منه انو تلفوني مراقب من طلع من الواتس وبده يتصفح بالجهاز نزلت دموعي وسار الخوف بكل ذره من جسمي شمرت التلفون وسحبت تلفوني القديم دكيت على جموح واني بس ابجي
_جموح حبابه اذا اهلي عرفو اموت

جموح:-بس اهدي وفهميني شكوو

_ء ءاحد مراقب تلفوني

جموح:-شنوو شون عرفتي

حجيت اله كلشي الي شفته ورسايل وصوري والمحادثات وكاني اني مصورتهن..

جموح:-باعي لا تحجين لاحد راح اكول الاكبر وهوه يتصرف

_ماشي

سديته منه واني افكر شراح اسوي منو الي فكرت اروح اكول الحسين بس تراجعت لاا يجوز حسين ما يلزم اعصابه ويسوي شي وابويه مو متفاهم اخخخ ياربي ليش كل فتره يصير شي شوكت ارتاح نمت وادعي ربي اكعد على خبر مريح ويفرح..

نزيت من شفت حسين فوك راسي
-بسم الله الرحمن الرحيم

-شبيج شفتي جني

-انتَ غير واكف فوك راسي شبيك حسين هوه هيج

-ايي انتِ تنبل مال نوم صالي ساعه اصيح

-اويي دولي من وجهي

-دولي لو عالمي

-يمةةةةة كرهت هاي الكلمه شبيكك ابني ماعدك غير كلمه روح من وجهي حسين تره روحي طالعه

-شبيج ست الحسن هيه هيج اصبري علينه هسه اشوفج شسوي بيج ام اويي

-شسوي يلهه شوفني شراح اسوي

جاي اكوم وشالني
-هدنيييي حسيننن

اضرب على ضهره ولا كائن جاي اسوي شي اصيح شفت امي واكفه تضحك
-يمةةةة تعالي وخري منييي يمةة

-اشش ولج سطرتيني شبيجج

-وخررر حسينننن ترههه راح اوكععع على راسييي حسيننننننن

يضحك ويمشي سريع طلع بره وشمرني شهكت من شمرني بمسبح كمت اطفر غركت طلعت وصحت بوجهه
-شبيكككك تخبلتتت حسيننن

-شبيج كبدبد هيج زعلتي شسويت شي خفيف

-حجي اهلس شعرككك حسينن

ضحك وراح يركض طلعت وكمت ابجي اردفت امي
-شبيج يااا مشموش

-مامه باعي شكد ادبسزز بله احد شافني بله هذه السرسري لابد اجه على غفله

-يااا ولج عيب يمةة

-يمة شنو عيب احجي الصدك هوه ادبسزز

-لا عيب امي لا تحجين هيج يله روحي اسبحي وصلي وبدلي ملامبسج يمه

هزيت راسي وصعدت سويت الي كالت عليه امي ربطت شعري ولبست الشال رفعت عيني اشوف النمش الي بوجهي ابتسمت من شفته واكف يم الباب دخل وحط حنجه على جتفي
اردف بهدوء
-حلوه مشموش

-حلاوة عيونك حويسن

ضحك واردف
-اسف

-لا عادي يروحي مصار شي

ابتسم وباس خدي
-ضامه عليه شي شمشون

اختفت ابتسامتي وتوترت بلعت ريكي وتنهدت عرفت ماكدر اضم عليه شي لان اكيد عرف،سولفت اله كلشي اتنهد واردف
-ليش مكلتي من البدايه

-خفت حسين اخاف يصير شي او انتَ تنفعل ما ادري يعني مجان بالي غير جوجو

-ايي يا طلابت جوجو صدك صالنه هواي مشايفيه

ضحكت واردفت
-ايي اليوم حروح يمهم

-شعجب ؟

-خاله نهله هناك

-هااا واني اكول شعجب وانتِ مصالج هواي من رجعتي

-ايي وكلت اشوفه

-سلميلي عليهم شمشون ويله كومي نروح

ابتسمت وتشبثت بيده وكفت واردفت بتسال
-شحسوي

ضحك وسحب تلفوني طلع الشريحه منه وقفله حطه بجيبه واردف
-زين هيج يله امشي اشتري واحد قبل لا نروح

ضحكت ومشينه امي سئلت ليش اشتري واحد جديد
اردف حسين
-يمة هسه خطيه شمشون مالته قديم وكلت اشتري واحد جديد

ضحك ابويه واردف
-مين نزلت عليك هيج حنيه

-لااا ابويه اني من البدايه حنون

-ديله امشو اشتريت مو

-ايي اشتريت يلهه

حط الشريحه واني نقلت كلشي لجهازي الجديد ومن رحت لبيت عمه حسين سوه الي ونقل كل الصور وختم كلشي سوه نفسه بالضبط ابتسم شون سوه هذه كله هيج بس بكم ساعه راح ورجع كلشي موجود بالجهاز الجديد عبالك تلفوني القديم تشكرته..

مر الوقت واني مزعوجه من لابد كون يسمو لاصق لان يلزك بالواحد اتنهدت بانزعاج نزين من حسين سلم جاي يطلع وطفرت عليه
-اخذتي وياك

-وين

-لبيت خاله وسن يم جوجو وخاله نهله

هز راسه ورحت كلت الابويه واخذت جنطي وصلني يم الفرع وراح هوه اتمشيت الطرق واني ادندن،فزيت من حط احد ايده على حلگي جسمي رجف اردف
-شراين گلبي

غمضت عيني وجسمي رجف اكثر
-بـ بسام شتريد

-لا عبالج غيرتي جهازج راح تخلصين مني

شهكت وخر ايده ونداريت عليه
-ليش ليشش هيج سويتتت

-هيج حبيت اشوف شبي جهازج

-بسامم انتَ انتَ صدك تحجيي تخبلتت شجاككك

-لاا شراين گلبي مو هيج حبيت اشوف بس

-بسام انتَ تحتاج دكتور

-اييي وانتِ دوايه عليش اروح دكتوره او دكتور انتِ دكتورتي

-لاا لاا انتَ صدكك تحجيي لاا لاا وخرر عني وخرر

دفعته عني ورحت امشي رجع سحبني
-لااا تلمسنييي بسامم انتَ متعرف شي اسمه حرام شبيككك

دفعته عني وجسمي بده يرجف اكثر عيني تحركني والدموع مجمعه بعيني اريد بس اوصل لبيت خاله
-بسام حباب بس عوفنييي

-خلي نحجي

-اختك ورجعتتت بساممم شتريد بعددد

-ايي هسه زينن انتِ وحجيتي وعترفتي بي

-اييي اختك جانت يمي ايي بسامم اييي ارتاحيتت هاهيه هاي الي جان هامك هذه كله هااا بساممم كل الي سويتههه علمود بس تعرف

-ليش عصبيه

-بسام تره روحي طالعه لااا تدخل

-ايي هاهيه

-حيوان مجرم ادبسزز

عفته وامشي سريع كل شوي اندار بعده واكف نفس المكان ارتاحيت اول ما شفت بيت خاله كمت ادك الباب فتحته جموح ودخلت جوه،دزت الي جموح تسأل وصرفته بشي من يمي ومن راحو هم صعدنه حجينه وصرفته بالتلفون وسدت سالفه وجهي المصوفر نزلنه ولميت البيت وياهه هيه راحت كعدت واني غسلت المواعين واسمع قصيده باسم الكربلائي

-لاترد ماضل اثر كولشي انتهى بسفركم
-لا ترد مات الورد من انقطع خبركم
-كتبت على داره دمعه انتضارك
-بوية تدري من غيابك موتي راحه
-واليسافر يبقه عايش وي جراحه
-ردت اشوفك حتى اكلك بالصراحه
-ترجع المن دنيا ماكو بس نياحه
-لا تظن نفس الوضع لازم يجي بديله
-لا تظن لمن ترد تستقبلك عليله
-ماتت بمسارك دمعه انتظارك
-لا ترد ماضل اثر كولشي انتهى بسفركم
-لا ترد مات الورد من انقطع خبركم.

طفيت التلفون وبقيت ادندن بيه واكمل القصيده حطيت التلفون على الشحن وسالتني جموح شجاي اغني وكلت اله عن القصيده
بقينه نسولف اني وخاله وجموح غافيه شفته ساعه تسعه كمت كعدته وصعدنه فوك باوعنه فلم وللثنعش نمنه.
,,,,,,,,,,,,,,
جموح"

سديته من مروه ورحت لغرفه اكبر ادك الباب،فتحه وجه مرعوب

علي الاكبر:-خيرر جموح بيج شي؟

_الا بس مروه

علي الاكبر:-شبيه؟؟

حجيت اله كلشي كالت الي مروه كالته اليه مروه،بقه ساكت،بعد دقايق من سكوته اردف
_تلفونه مهكر اكيد مو مهكر مخترقي يعني فاتح جهازه يمه

_يعني شنو هسه شنسوي؟؟

علي الاكبر:-ما ادري راح احاجي مروه باجر والله كريم

_لااا خلي اجي هنا يمنه حتى يصير شي او احد من اهله يشك وباجر هم راح تجي العصر من تجي تحجي وياهه

علي الاكبر:-ماشي يله تصبحين على خير

_تلاكي الخير

رحت لغرفتي وبالي يمه اكيد مراح تنام اليل اعرفه الشمس من يتعلق لامر بيه او بـ سديم او بيه متنام اليل اله من تنحل المشكله،كعدت ثاني يوم من الصبح نزلت وجانت بس خاله وحده استغربت
_لعد وين الباقين؟

وسن:-والله علمي من علمج كعدت ماكو احد لا اكبر ولا كسار

_ماشي،لعد طلعتي الدولمه خاله علمود نسويه

وسن:-ياااا ولج نسيته طلعيه

ضحكت ورحت طلعته من الثلاجه وحطيته على النار تستوي بدينه نحضر من زلايط ومشروبات ومن سوالف العزيمه
،خلصنه وصلينه وبديت احط الاكل على السفره بقيت وقت طويل وخاله ماكو رحت اشوفه وجانت كاعده تقره قران عفته ورحت اكمل شغلي،اجوي وبقينه نسولف للعصر رفعت راسي من اردفت خاله
نهله:-لعد مروه ماكو؟

_عده عزيمه بيت عمته كالت تجي العصر

وسن:-هاااا ايي هله خلي تجي حتى اشوفنه صالي هواي مشايفته

نهله:-ايي والله خيه اني هم صالي هواي مشايفته عاد انتِ هم اكيد شايفته بوجود جوجو

وسن:-ايي قبل اسبوع هيج جانت يمنه

نهله:-ايي باعي والله طاك گلبي عليه مروش

سمعنه دك الباب عرفته مروه،دخلت وجه مخطوف بلعت ريكه وادرفت
_منو هنا؟

_خاله نهله وخاله وسن ورقيه واني

_هااا ماشي يعني الولد ما موجودين

_ايي محد موجود تعالي يله كلنه منتظريج

ابتسمت وفاتت عليهم سلمت وكعدت بقت تسولف استغربت من شكله ورجفته وكائن جانت تركض او خايفه من شي،سحبت تلفوني ودزيت اله
_شبيج؟

_شبيه؟

-ليش خايفه

-لااا ماكو شي انتِ هيج تحسين

-لااا مروه بيج شي حتى من فتي وجهج اصفر شصاير

-ماكو شي جوجو هيج بس شويه احس ضغطي هابط

-ماشي مع اني ما مقتنعه

-نوو ماكو شي حياتي يله لا يشكون بشي احجي

سديت التلفون وعفته على صفحه كمت جبت الحلويات والچاي،قبل صلاة المغرب راحو،سحبت مروه من ايده وصعدنه فوك دفيته بالغرفه ودخلت سديت الباب وقفلته واردفت
-احجي

-شحجي جموح شبيج

-لا عبالج تعبر عليه مال هبط ضغطي ومدري شنوو لاااا مروه احجي يلهه

-جموح شجاج تره جاي احجي صدك مو جذب يااا

-هههههه ضحكتيني مروه لعد البارحه شنووو شصار اكبر شسوهه احجييي يلهه لا تشلعين گلبي مروه

-ونبي مصار شي بس عرفت منو الي هيج سوه

-منوو يله راح اطك مرارتي

-انتِ بس لا تقاطعيني اني ارتاح

-ديله فضيني

-بسام طلع مخترق جهازي ويكلب بي براحته

-عزةةةةةةةةةةةةةةة

-شهل عزة هاي جموح بس عاتي اداركت الموضوع

-شسويتي؟

-احم كلت لـ حسين

-صدوككك

-اييي وهوه حل الوضوع كسر جهازي وشترالي واحد جديد باعي

رفعت ايده ورتني جهاز غمضت عيني وحسيت صار عدي هبوط

-مالت عليج مروه سويتي بيه جلطه

-اوييي شبيج حبيت أسوي مفاجأة

-هيه هيج دروحي يلهه من وجهي

-نوووو ما اروح ابقه يمج وننزل سويه

-حتبقين هنا اليوم؟

-اييي كلت الامي وكالت ابقي

-ياهه صايره هواي تبقين هنا ماعدج اهل

-مالت عليج ولي اروح اخابر حسين يجيني

-لا جذب تعالي

-ننن قابل اسمع كلامج جنج جاموسه

-دنجبي انتِ جاموسه صايره شسمنج

-يااااا شنوو دباعي عضامي كله مبينه يا سمنانه صايره شضعفي تره حتى انتِ هم ضعفانه

-امم صح ما جاي اكل زين ما اشتهي اكل

-ليشش شصاير وايي ما تاكلين وايي؟؟؟

-ويي اسكتي ويله ننزل مالي خلك اسوي شي احس تعبانه اريد انام بس خلي يصير بليل هيج وانام

-ليش احنه هسه عصر

-لااا غبيه يعني اصير بالعشره هيج او احدعش اثنعش هيج وانخمد

-اهاااااا وانتِ شكو تنامين من وكت شعدج متسهرين

-عدي شغل قابل مثل بعض الناس تبقه سهرانه وماعده شغله وعمله

-اويي حاطه عينج عليه شبيج

-ديله الي يكول حاطه عيني على شي

-اويي دمشي خلي ننزل هسه خاله تكول صعدن حتى لا يشتغلن

-ايي صح خطيه امشي

هزت راسه ونزلنه لملمنه البيت وهيه غسلت المواعين وانا رحت للهول اتمدت اجتي ادندن ضحكت عليه وهيه ادندن
-شجاي ادندنين

-هيج شي سمعته وجاي اغنيه

-شنيه

-قصيده

-ياهيه

-مال لا ترد مات الورد

-يا رادود

-باسم الكربلائي

-هاااا ديله عود شغليه

-ايي خلي تلفوني يشحن واشغله

هزيت راسي ورجعته على الكوشه غمضت عيني اغوص بافكاري افكر بـ كسار وبكلشي حسيت نفسي ضايعه واستسلمت للنوم لان جنت كلش تعبانه.

،،،،،،،،،،،،،،،
شمس"

رفعت راسي للسما شكل الغيوم حلو اجتي يمي غادة واردفت
-ايي خيو ما تكلمين وياي

-وانتِ ايش تحجين كويتي مدري خليجي

-وش فيك شمسه تره امي سعوديه بس تتكلم عراقي

-واي نسيت

-معليش وش فيك انتِ غايبه عن الحياة

-ما صاير شي بس جاي اختنك من البيت احس مجاي اطيق الكعده ويه بسام

-ليش وش صار شمسه وش فيه بسام

-ما ادري ما ادري غادة هواي اشياء جاي اصير بعدين احجيهم الج

-شوكت ما حبيتي تعالي الي شموستي

-يروحي غدوره

حضنتني وبقت تمسح على راسي،ضلينه نسولف وفزينه من اجه سجاد كعد يمنه

سجاد:-ايي شباب نسهر اليوم

غادة:-ايي ايي خلي نسهر

شمس:-لاا غادةة

سجاد:-شبيج انتِ

شمس:-شعليك

غادة:-وش فيك شمس خلي نسهر

شمس:-انتو سهرر اني الا

سجاد:-ليش عيني مسهرين شناقصج

شمس:-بسام الادبسز مانعني اروح يمكم

سجاد:-هذه شبي شراح نسوي مثلا

غادة:-ايي والله مثلا شراح نسوي

شمس:-هاااا تعالو يمنه بسام اليوم راح للمدينه

غادة:-اييي تمام مو سجودي

سجاد:-ماشي

ضحكت وبقينه نسولف هواي لحد ما سمعنه الاذان كالو يصلون ويجيبون حبشكلات مالتهم ويجون اتفقنه واني رحت صليت ورتبت البيت شويه واطيت امي ادويته،اندك الباب وفكرت همه اجوي ابتسمت سحبت شالي وطلعت الابتسامه شاكه حكلي فتحته واختفت ابتسامتي من شفته اردف بهدوء
-موجود

بلعت ريكي واردفت
-لاا

-وينه

-بالمدينة راح اليوم عدهم هناك شغل

-ماشي

سكتنه اردف وره ثانيه
-رحتي يم مروه

-جمر روح مو مال نسولف هسه

-سالت وجاوبي

-اي رحت عدك اعتراض

-لسانج شمس

-عاجبني لساني يسد حلوك بعض الناس

-مثل منو

-والله كل واحد ويعرف نفسه ميحتاج اكول

-تقصديني

-والله بس الحمار ياخذ على روحه

-شمس لسانجج

-ديله هسه شرايد

-صاير ماعدج اخلاق

-خليت لاخلاق الك

-الحمدلله عدي اخلاق

-ضحكتني يمةة بطني كامت توجعني

-بلا تفاهه زايده

-تفاهه لو برتقاله

-استغفرالله

-ايي استغفر بلكي ربي يغفر من ذنوبك الي اكبر من شط العرب

-يمةة شمس طكيتي مرارتي

-احسنننن خليه اطك بلكي يصير بيك خير

-كلت مرارتي مو عقلي

-هوه لو يصير تبديل عقل جان سوينه

-يمة انتِ الحجي وياج..

قاطعته
-عقيمم لو تموت ما احجي وياك مثل لاوادم ويله اشطح حبيبي

ركعت الباب بوجهه ودخلت شمرت الشال ورجع اندك سحبت الشال ورحت معصبهه فتحته وعطت
-مو صخمت وكلت ولييي

-هاي شبيج

شفته غادة واكفه اتنهدت وفتت اجتي تركض
-وش في شوشو

-ما في شي غدوره

-لا بله في شي تكلمي

-لا تزنين غادة

بقت ساكته واستغربت
-وين سجاد

-هاا كال طالع ويه اصدقائه

-اها لعد باعي خلي نركص

ابتسمت هيه هم سحبت الشال وصعدنه لغرفتي شغلنه اغنيه ولفيت الشال على خصري صحت بيه
-شغلي هاي مال هزي هزي

-ايي ايي اوكفي

-يلهه

شغلته وبدينه نركص ونغني بقينه هواي بعدين كعدنه ناكل ونسولف على الكل اخذنه غيبتهم
-ديله كافي دع الخلق للخالق

-واي واحنه بقينه شي محجينه عنه

-ههههه ايي والله صحيح صدك محد سلم من ايدنه

-ايي ملكتي منو جان جاي قبلي

-هيج واحد ادبسزز

-ايي منو يعني

صفنت دقيقتين واردفت
-باهـر جان

-يااا لعد و ثائـر مجان وياهه

-لااا بس هوه

-هااا ماشي يله خلي نام باجر امي كالت نروح هناك كلنه نتغده

-ان شاء الله

-بسام يجي باجر

-شمدريني مكال شوكت يجي

-صاير هواي يروح للمدينه

-ايي صح

-متعرفين شعده

-لا والله كل ما اسئله يصرفني فد حاجه

-احسه صاير بارد

-ايي وياي كلش من طلعت منا بس اسطبري عليه كم يوم وارجعه لعلاقتنه

-ايي ان شاء الله يله حب خلي نام

ابتسمت ونامت غادة سحبت تلفوني وطلعت بره دكيت عليه
-هاا شسويت؟

-عرفت وين هوه

-وياهه باهـر و ثائـر

-ايي وياهه

-ماشي

-معرفتي شي

-بسام جاف وياي بس اسطبر عليه كم يوم

-ماشي يله مع السلامه وديري بالج على نفسج

-انتَ هم استاذ

-شكرًا شمس لان جاي تكولين الي كلشي

-لا عادي واني اصلا اريد هذه الشي جاي احسب يوم يوم شوكت تفض وكلهم بالسجن حتى انتو

ضحك واردف
-مبين هيج متحمسه على دخولنه للسجن

-ايي صح

-انتِ كلش شفافه

-وايي اشفيك

-عدج عرك خليجي

ضحكت واردفت
-ايي صح مرت عمي خليجيه

-هاا حلو

-يله استاذ اخذت من وقتك

-لا شمس عادي

-شكرًا الك

-العفو بويه لا تنسين الصلاة واذكارج حتى يتسهل امرج

-ان شاء الله تسلم.. تصبح على خير

-تلاكي الخير بويه

سديت واني مرتاحه لان اكو شخص راح يحميني من كل هذه المصايب وراح يساعدني حتى اخلص من كلشي..فتت للبيت ورحت نمت

كعدنه ثاني يوم ورحنه لبيت عمي ابو سجاد اتغدينه وخلصنه غسلنه المواعين وسوينه جاي للكبار واحنه سوينه نسكافه جانو كلهم مجمعين بيت عمتي وعمي وجهال والبيت هوسه بمعنى الكلمه بقينه نسولف حول مواضيع هواي،اجتي لبنا بت عمتي اطتني تلفوني. كالت احد جان يتصل عليه..

فتحته وشفته رقم داز رساله وداك استغربت منو هذه الرقم فتحته وقريت الرساله صوفر وجهي وكمت ابلع ريكي بصعوبه حسيت اختنكت كلهم لاحظو وبدو يتسالون واني ساكته...

،،،،،،،،،،،،،،،
كسار"

رفعت راسي وايدي ادعي ربي يسهل امري بقيت ادعي،سحبت القرآن وبديت اقرأه دخل اكبر مزعوج كعد وعيونه عليه صدقت واردفت
-خيرك

-شصاير كسار جاي تلعب من ورايه

-شبيك انتَ ياهو يمك جاي حارك روحك

-كسارر جاي احجي واجاوبب

-علي صوتك لا تعلي

-كافي كسار تره روحي طالعه

-حجي اطيح حظك الغي عدل

-واني معاجبني احجي عدل وياك

-شتريد هسه انتَ جاي والدخان يطلع من اذنك

-بس اريد اعرف شجاي العب من ورايه

-صليت

-عوف هاي السالفه

-جاي اسئل وجاوب

-لاا

-كون صلي ونحجي

-معاجبني

-اكبر .!!

-هااا

-شحجينه

-احنه مو مجرمين عليش نصلي

-اكبر المجرم الي يقتل الي يهرب الي يسوي اشياء تخالف السلام هاي يسموه اجرام انتَ شون اجيب هاي على هاي احنه جاي نشتغل بالشركه هاهيه

سكت والي جاي تحجي صدك لان احنه ما جاي ندخل بشغلهم ولا جاي نهرب او نقتل احد اردف
-زين انتَ شجاي اسوي

-اكبر جاي اقراه قران تحجي لو تتفضل بره

-صاير ولا ينحجي وياك

-ايي لا تحجي وياي احسن

-ديله ولي اشو

طلع واني بقيت كاعد على السجاده غمضت عيني بقلت صبر ورجعت اقراه خلصت وسديت ورجعته بمكانه وشلت السجاده ورجعته،نزلت جوه جان كاعد بالهول يتفرج تلفزيون وياكل  جبس عفته ورحت للمطبخ سويت اكل النه خلصت وصحته اجه ياكل ويتفرج بالتلفون نرفزني اردفت بقلت صبر
-عوف المهجوم

-شعليك

-اكبر.!

-عوز تجي تاخذ راجدي

-صبرك ربي صبرك

-شبيك عيني

-اكبر انتَ شي يوم حـ سوي بيه جلطه

-اويي صاير نحيس كلش

-ولججج يمةةة

-هاي شبيك عزيزي

-اكبر توخر من جهرتي او اجي احط القندره بحلكك

-يااا هاي من شوكت غيرت اخلاقك عزيزي

-اكبررر

-عيونه الاكبر

-كوم كوم من يمي لا اجي احط راسك بصحن الاكل

-اوي عزيزي صاير نحيس

-يمة يمة خلي اكوم قبل لا اطك مرارتي

رحت وهوه بقه يدردم دك تلفوني شفته رقمه جاوبت حجيت وياهه وسديته اجه اكبر واردف
-ويامن؟

-شنو

-ويامن جنت تحجي

-شعليك

-يااا يااا تخون جوجو الا كسوري لاا ما اسمحلك تخون جوجي

-خايب ما تنجب

-اني مو ماي حتى انجب

-صبرك ربي كون اخذ صبر النبي ايوب

-ليش

-يمةة انتَ لا فالح بشغل ولا فالح بدين ولا بشي فالح

-فالح لـو صالح

-انتَ بس بهاي فالح

-لااااا عدي شي ثاني هم

-شنوه ابهرني

-ارفع ضغطكم

-ايي دا اكول بشنو انتَ فالح بس بهذني السوالف التعبانه

-لااا كسوري ما اسمح الك تكول عنه هيج نو نوو

-روح اكبر قبل لا اجرم بيك هسه

-حبيبي شبيكك

-اكبررر

-عيونه

-راح اطك مرارتي ياهو دازك عليه اليوم

-اني دزيت نفسي كلت اجي اغثك واروح

-اكبر روح روح يم خاله يم جمر يم اي واحد بس روح من يمي

-تأمر مكسراتي

-هممم كال هيجججج

-اوييي

-وجعوييي

-روح يلهه روحح

-تأمر كسوري

-اكبررررررر

-اي اي رايح انام

-نامت عليك طابوكه

-اجرب ما منك فايده غير نضحك عليك

حجه هيج وراح طفر صحت وراهه
-لو رجال ما تحجي وتهرب ادبسزز

صاح من فوك
-اني رجال انييي رجالللل

ضحكت وعفته يحجي رحت للمطبخ لملمته وغسلت المواعين جاي امسح الميز واجه
-ايي عفيه خوش تنظف كسوري

-انتَ متعوف هذه لاسم

-لااا احبه اموت عليه واحد من جهالي هذه

-دروح روح يله انخمد باجر اكعدك من وكت

-ليشششش اخويههه حطلعني عماله

-وشبيهم العمال على لاقل رياجيل

-شتقصد اخويه يعني هسه اني مو رجال

-حشه الرجال انتَ خس ذابل

-يمةةةةةةة هاي عليه كسوري

-لا على خالتي

-لاا كسوري ما ترجيته منك تحجي على خاله تكول عليه خس ذابل

-اكبر امشي من خلقتي امشي لا اجي احط وجهك بالسنك واجلفه

-اويي كسوري انتَ جدا عنيف

-هسه اشوفك العنف على اصوله

راح يركض وركضت وراهه شلت الشحاطه واركض وراهه ضحكت من دخل للحمام وسد الباب عفته من سمعت حس الباب يندك رحت فتحته،اختفت ابتسامتي من شفته
اردف بضحكه ماكره
-اشتاقيت الك استاذ كسار....

يتبع🎲🦋....
.
.
.
.
.
.
.
.
.
.
منو الي اجه لكسار؟

شافت شمس وخله وجهه هيج يصوفر؟

مروه شحسوي ويه بسام وملاحقته اله؟

هل جموح راح اسامح كسار لو لا؟

وبس شنو توقاعتكم البارت الجاي ؟؟

لا تنسون اتابعوني على حسابي

انستا

قناة التلي