الـسـلام عـلـيـكـم
#الـهـمرة الـمـنـهمر
بـقـلـمـي أنـا :-قـتــم ألـ تـمـيـم
insta:-qatum_al_tamim
TiK ToK:1lns6
_Part: "5"
لاتـنـسـون ألـتـصـويـت +مـتابـعه لـحـسابي +الـتعليـق بـين ألـفـقـرات
𖦹𖦹𖦹𖦹𖦹𖦹𖦹𖦹𖦹𖦹𖦹𖦹𖦹𖦹𖦹𖦹
نـشـوة:- امي خلصت الاكل وبدينا نرتب شوي وأردفت أمي
:-يلله يلله نونة بسرعة الولد جوعانين وتعبانين
:-أي يمة بعد وكت
:-بـعـيـاط ولچ اكلچ جوعانين
:- ع كيفك يحلو اهم شي الاعصاب
:-يلله يلله روحي خل يفرشون السفرة چان بدينا نحط ونرتب بل اكل الولد گعدو وصاحو
:-يلله ما تجن كتلنا الجوع أردفت امي
:- لا يمة اكلو الف عافية احنا بعدين ناكل
:- رفع راسة اباذر وگال خالة تعالو اكلو على الواهس فدوة جان أردفت
:- لا يمة اخذو راحتكم
:- والله ما اكل الة كلنا ع سفرة وحدة
:-امي گعدت واني گعدت أردف حمزة
:-رقيوة وين
:-أردفت برا يمكن تلعب وية الجهال نكت ايدة وكال راح اجيبة واجي رح واجة شايلة ويبوس بية وهية تگلة
:-اوعع اوعع شعر وجهك يبزز بوجهي يضحك ويعض بركبتهة وهية تضحك بقة يلعب وياة وامي تگلة
:-حميزة تعال اكل يمة عوف هاي
:-ولج يمة هاي الروسية مالتنا صدك تحجين ويعضعض ويكرص بية بعدين كعدة بصفة ويوكل بية تمن وهية تگلة
:- اريد روبة روبة احبة
٬ ٬ ٬ ٬
حـمـزة :-كاعدين كلنا ع سفرة وفتقدت رقية هاي رقيه روحي من الدنيا رحت طلعت واني اشوفة تلعب طوبة وية ابولد صحتلة وكتلة
:-تعالي رقية نتغدى اجتي تركض وأردفت
:- اي والله جوعانة جان
:-يخسي الجوع بوية شلتهة واني ابوس بيهة رقية رغم عمرهة ١٠ سنوات يمكن بس كلش ناعمة ولحد وشكرة بشكلل شعرة اصفرررر وبيضة يشتهي واحد يباوع عليهة ويلعب وياهة دخلنا واني اوكل بيهة وكل شوي اباذر ذابلة كلمة وهية تردف
:- روح روح العور
:-وهوه يطيح ع ضهرة من الضحك وهب يكللهة
:-بعد اخوچ وگلبة ترباتي وهية تردف
:- لا اني تربات فاطمة
:- ونضحك رقية لسانهة طويل وترادد وما عبالك عمرهة عشرة ومحبوبت الكل بسبب جمالهة وهية صغيرة وشگارهة اتذكر موقف
مرة جدي الله يرحمه جدي جان شيخ عشيرة كلش معروف ولحد الان احنا ابهاتنا واجدادنا شيوخ المهم مرة عدنا كعدة وجانت صيف رقية جان عمرة ٣ سنين ولناس برا وفصل جان عدنا ودخلت رقية لابسة بدي صلوخ وشلون الشورت كصير وبيضة ولشعر وية الشمس يلمعع وملولو واجتي تمشي جدي صاح
:-عليهة روحي روحي
:-ما قبلت جان اجة وكتلهة ولرياجيل البرا يصيحون علية
:- تكتل هاي الحلوة عمي احنا بناتنا زرك ومحد يوصلهن وانتو عدكم هيج بنية وتكتلوهة ومن ذاك الوكت جدي عندة رقيه لا تروح ولا تجيي وطلعت عرامت رقية علينا
٬ ٬ ٬ ٬
وهـب :- كاعدين ناكل والوضع مايخله من المشاجرات مال الولد وكلنا كعدنا ع سفرة وحدة وشوي وأردفت امي
:- يمة وهب خالك عدي جاي من السويد قبل يومين واريد اروحن اشوفنة بلكي تاخذني باجر ما نطول يومين والثالث
:-اه شوكت اجة شنو ما سامع
:- أردفت والله يا يمة محد يدري بي جاي بشغل وما يطول يرجع حمزةأردف
:- كال خلاص يمة اذا وهب ما يكدر بعيوني اني اخذج
:- وهـب الله كريم منا الباجر نشوف منو بينا ياخذچ بس حضري غراضچ أردفت رقية
:-والله والله اروح اشوف خالو عدي
:- وهـب يمة تاخذينهة أردفت
:- اي يمة ما تسكت اذا رحت اتضل تبچي وجيب ليسكتهة
:-كتلهة خوش للعصر واجاني حمزة أردف
:- وهب اني صارت عندي شغلة بغداد راح اروح بسيارتي واخذ امي وياي تروح انتة
:-والله ما ادري اشوف وضعي لليل جان أردف
:- بس انطيني اتصال حتة اذا ما تروح صديقي يريد يروح لبغداد اخذة وياي
٬ ٬ ٬ ٬
نـشـوة:- واحنا كاعدي امي جابت طاري عدي احس شي بداخلي يريد يتعرف علي اريد اشوفة اريد اعرف اسلوبة شكلة بل حقيقة ولد عمي عمامي كلهم من يحجون ويكولون عدي من تكعد يمة ما تمل من سوالفة ما بودك تگوم ومن اسلوبة وثقافتة بعيد كل البعد عن سوالف العشاير وهل مجتمع هواية امور ابالي اريد اعرفة علي بس جنت استحي اكول الامي اروح وياج لو اريد اشوفة مرات مجرد اشوفلة صور عد وهب لو عد ابوي بالفيس ينشر چنت گاعده أمي أردفت امي
:- ولج نوشة
:-ها يمة
:- روحي راسلي خالچ على الفيس كليلة خل يدزلي تحاليل جهاد الي عدة
:- يمة يا خال منهم
:- عدي خالج عدي
:- اي يمة رحت وهوه صديق امي ع فيس رحت وكتبت
:- هلو خالو تگول امي صورلي التحاليل مال جهاد انريد ناخذة للدكتور خاف يحتاج هذن التحالير شوي ورد علية
:- هلا والله اني حاليا مسافر للجنوب شي سبع ساعات
:-رحت لأمي وگتلها يمة يكول هيج جان أردفت گوليله
:- ما ترجع منا الباجر
:-كتبتله نفس الحچي
:- دز مسـج والله احاول بلكي وجانت هاي اول مرة نحجي بيهة اني وعدي..
:-حضرت امي غراضهة وملابسهة واني گاعدة يمهة أردفت
:- يمة نوشة التليفون راح اخلي يمچ خاف ابوچ يطلع واتصل عليج وهب راح يروح ويضل يمچ هم خاف وحشة عليج
:+أردفت هاهية يمة اذا كلش كلش هم اروح يم بيت عمي نيروز ومن يرجع ابوي يجيني
:- خوش حجي طلعت امي الصبح الفجر يومين امي هناك باليوم الثالث اتصلت ع خالاتي ولا وحدة ترد الولد هم ما يردون وهب وحمزة كلة ما ترد بالي ضل واني وحدي بل بيت جنت اكلب بل ماسنجر وشفت عدي فاتح نت تردتت اراسلة كلبي يرفض وعقلي يكلي اي ضليت حاية اخر شي دزيت
:-هلو چان بنفس الثانية رد
:-هلو يابة فطيم جان
:-اني مو ماما
:-رقية
:-لا
:-دز علامة استفهام
:-بس حببت اسئل امي ادك علية وع اخوالي وخالاتي محد يرد حتة وهب جان شافة ورة شوية
:-انتي منو
:-اني نشوة
:-يا نشوة فاطمة عدة بنية اسمة نشوة
:-لا بت رجلة جا كال
:-ها اتذكرتچ كبرتي ماشاء الله عفتچ عمرچ اربعين يوم مدري شكد
:-اي يلا باي اخذ راحتك
:- كال الله وياج
٬ ٬ ٬ ٬
زيـنـب:-مشت الايام وعلاقتي يوم بعد يوم تصير أقوى بكاضم ويجي كل كم شهر يمنا يوم ويروح وهم لازم اطلعلة فد عشر دقايق وارجع من احلا ايام حياتي خلصتهة بعشگ كاضم چنت نوم ما اشبع علمودة حلو الحب من تحس حبيت الشخص الصح الشخص الي راح يعوضك ع كلشي ع مرات الايام ع الناس ع كل شخص اذاك دمرك تلگاة بالحلوة ولمرة
وبكل مرة ومرة
تحس الامان
الحب الطمئنان الراحة الهدوء الساعدة كلهم بلشخص الصح بلشخص الي يروحك تريدة مجرد تسمع اسمة تحس روحك طاير هذا جان شعوري وية كاضم ومع هذا كلة جنت هوايةةة اعاني من اهليي لانو امي جانت تدري وجان ع كلشي تحاسبني متخليني انفرد وحدي متخليني الزم جهاز اخواني كذالك تعبت من هلوضع
٬ ٬ ٬ ٬
ابـاذر:-چنت طالع واتصل وهـب أردفت
:-هلا
:-هلا أكلك ذاري
:-گول هاولك
:-احنا طالعين على بغداد اني وحمزة عود بدربك مر على البيت بين فترة وفترة نشوة بوحدهة بقت واني بلشغل بس اطمن عليهة
:- بعيوني اختي هاي ضلينه نحچي سلمت عليه وراح
ورة فترة بليل بدت تضلم رحت ع بيت وهب دگيت الباب وطلعتلي نشوة جان تستقبلني بابتسامتهة الحلوة وأردفت
:- هلا هلا بذاري
:-ضحكت وأردفت محتاجة شي عيني أمنوني عليج
:-ضحكت وأردفت لا سلامتة وبابا شوية ويرجع خابرني
:-أردفت اي شي ممحتاجة
:-سلامتك خوية
:-رفعت راسي وضحكت وأردفت لا تحرميني من هاي الكلمة
:-ضحكت وأردفت چانو عندي أربع اخوان هسة صارو خمسه
ضحكت وأردفت الله ما يحرمني منكم شوي وأردفت يالله استودعج بالله
:- باي
:-مشيت شوية وأردفت
:-استاذ ذاري اتذكرت ما عندي حلويات أشتريلي
:-ضحكت وأردفت بعيوني رحت للأسواق وأشتريتلها حلويات رجعت ولكيتهة بعدهي بلباب منتضرتني تقربت عليها وسألتهة
:-ليش بقيتي بالباب يا عيني
:- عادي اباوع على الجهال
:- أردفت يلا ادخلي واي احد يدك لباب لا تفتحي
وانطيني رقم خالتي خاف تحتاجين شي اخذت الرقم ورحت طبعا اني اجرت شقة قريبة من بيت وهب طابق ثاني هوه بيت وقاسمي كلش حلو وصغير ع گدي وجان مأثث لان اهل البيت عايشين بالخارج طالعين قبل فترة قصيرة والجوة مأجر والفوك بي غرفتين واستقبال وحمام وكلش حلو ومرتب واجرتة هم قريب من الولد وهم احس روحي قريب على اهلي
٬ ٬ ٬ ٬
نـشـوه:- أتصلت على امي جاوبت
:-أردفت هلاا يمة شلونج
:-ضحكت وأردفت هلا بناتي هلا بيج يا عيوني
:- يمة البيت فارغ من دونكم والله
:- ما نطول يروحي يومين بل اكثر ونرجع
:-واني اشوف رقية تكمز أردفت يمة انطيني بيبي احچي وياهة حجيت وية بيبي وسلمت وبيبي درة مال الله وسلمت على خالتي چنت دااحچي كامرة جان كتلة يمة فدوة خل احجي وية جدو حيل مشتافتلة جان انطتة الرقية وأردفت
:- أخذي الجهاز لجدچ گليلة هاي نشوة أاخذته وهية تصيح
:-جدو جدو هاي نشوة تريدك اخذه الة وهوه لازم الجهاز بس خشمة وعيونة طالعة واني اضحك أردفت
:- جدو جدو بعد الكامرة خل اشوفك كل وجهك
:-بضحك يا بعد جدچ ما اعرف
:-ماچان عبالي اكو احد يمة
:-أردف جدي بوية عدي تعال الزملي التليفون ما اعرف
:- بسرعة اني بعدت وجهي ع كامرة وهوة بقة لازمة وطالع بس شوية من شعرة واسودددد واكع ع كصتة شلون الخصل چان أردف
:- بوية هيج الزمة وبعد ايدك شوية وتطلع
:-سمعت صوتة واحد كلبي صار بي خفقان صوتة عبالك مال رجال جبير ويحجي بل فصحى يعني لهجتة تنطي للفصحة وشوي بي خشونة يعني حرفيا صوتة احسة دخل لروحي واحس روحي عركت وتوترت
:-أردفت جدو حبيبي الباب يندك بعدين اخابرك
:- الله وياج جدو حبيبتي مو تكطعين
:- بعيوني يا روحي باي ورحت
:-اثناء ماجاي اقطع الاتصال وصلتني رسالة ع فيس فاطمة خلي وحدة منج تسوي كهوة صديقي راح يجي جان شفتة
:- وأردفت هذا مو يدري الجهاز عندي ضليت صافنة دز علامة استفهام كتبت
:-خالو الجهاز عندي امي يمكم شوي ودز
:- ضحكة وكال اسف بوية والله نسيت وانتي لبارحة تحجين وياي منا ما منتبه
:- دزيت عادي وقفلت الجهاز
𖦹𖦹𖦹𖦹𖦹𖦹𖦹𖦹𖦹𖦹𖦹𖦹𖦹𖦹𖦹
يـتـبـع ↯
الـتـصـويـت يـا شـاهـيـنـات ᴥ︎ᴥ︎
الـتـنـزيـل بـيـن يـوم ويـوم
تـابـعـو حـسـابـي انـسـتـا tzjji
اسفه تأخرت عليكم بس تدرون الضجه الصارت بالوتباد وماگدرت انزل لهذا السبب وهم چانت زياره أباعبدالله الحسين (عليه السلام) ورحت مشايه تعبت وأخذت ريست راحه وعلمود الموضوع مال الوتباد طبعا اني گلت الرئي مالتي بالقناة معرفها ztjji ان أني ويا ومو ويا شلون؟ ويا لأن المراهقات دمرو ألواتباد يعني مثلا اني بنفسي بحسابي چنت اتصفح بالريلز مالة الانستا شفت منشور لشخص ضابط البنات هاي شنو انت شارد من الواتباد هاي شنو تشبه كذا شخصيه كذا شخصيه ميصير يابناتي ياحبيباتي احنه هذا البرنامج نستلى بي مو نروح نطلع السلبيات خارج البرنامج احنه وحده تحب الثانيه انتي تجين تشوهين سمعة الوتباد ليش بأي حق؟ شوهتي سمعة الكاتبات من كم وحده مسمومه يعني اني چانت نيتي انطيكم حساب الابطال بس من شفت الشغله هيچ لا غيرة رئيي وهم تره مو حساب الابطال حسابي بس البطلات راح يفتحنه يمهن بس وربي لازم اتخذ هاي الخطوه وادرسها سلبياتهة وايجابياتهة اني حذفت قصتي الدرماء بسبب كم وحده حشاكم جاهله؟ متعرف قرت قصه عن الخطف طفرت وگالت الله اتمنى واحد يخطفتي! لو فصليه تگول اتمنى واحد ياخذني فصليه؟ لو ضابط تگول اتمنى اتزوج ضابط ؟ انتي تدرين اذا خطفچ عبالچ كم واحد رحيم بالوتباد يطلع الكل مثله؟ لو شنو تره وربي انتً مامتابعات الاخبار ؟الي يبيعون اع**ضائهة لو يستافادون براسها ويكتلونها ؟ ولي تريد تصير فصليه بابه شبيچ شنو عبالچ الفصليه سعيده تره كلهن يچذبن لا اكو هيچ ولا ابد كفيلچ اخو زينب العباس يگومچ بكتله يگعدچ بكتله كاتله واحد من گرايبه يحترمچ؟ مثلا اسم الله على اخوي لو مكتول وتجين انتي تره وربي اني اتخبل لاتگليلي هيه شدخلهة لو شنو تره اخوچ او ابوچ او اقربائج كتلو اخوي لاتصيرين بس انتي براسي وتگولين قضاء وقدر تره تشوفين اخت قاتل اخوچ تفتر گدامچ مو يحترگ گلبچ هسه تخيلي انتي بمخيلتچ ؟ والله الي تريد تتزوج ضابط انتّ شايفات كم خوف المرأة اتجاهة رجلها خاف يجي مستشهد خاف هيچ خاف هيچ؟لو ألام ولو ولو الخ . تره مو كل ضابط حلو والله اني شايفه بعيني بعيني دخلت مركز وشفت كرشهم ليگدام وسنونه يلعبن النفس وريحه الجكاير تكتل تره ذاك من ذاك تلگينه حلو هذولي الي بلاانستا تره علمود النشر وهم فتحو عينهم هسه ؟ ف شاهنياتي انتً مثل اخواتي والله مثلهن واعز كلچن احبچن لا تسون هاي الاشياء اخذي شخص يحبچ لاتاخذين واحد تحبي اخذي واحد يخاف عليچ شلون جوهرتة 🔥♥️♥️♥️♥️♥️♥️♥️♥️♥️♥️♥️♥️♥️♥️🌵👄
:-المهم هذولي يا أبطال يلله احزرو بالتعليقات
🥺🔥♥️🫂
هذي 😔🔥♥️
وهذا شاهينات طبعا احفضو مكان الشامه 🔥 لأن راح يصير بيها موقف كلش حلو 🫂♥️
يلله في أمان الله شاهينات 🦅♥️