منطقه 13
البارت الخامس
،،،،،،،، ♥،،،،،،،،،
سلمان: ماجنت اتوقع بيوم حشوف اختها تتحشك بالزلم وتتمضحك الهم
محل صياغه دخلت هيه وامها وتباوعله وتتحشك بي وتضحك وهوه يجاوبها ويبتسم عرفت من سالت عنها معروفه وصبحه بيتي
شسوي لزمت راسي مسطور وهذه ينك
راجح: ولك ولله صبوحه مو مثلهم
راجح: لك خطيه لتحجيلها
سلمان: باوعتله وسكتت هزيت راسي موافق انبهه بنضره تعب
سلمان: الشافته عيونه اني وياك ميحجي بي لسانك راجح
راجح: لا عمي لااحجي ولا ابد
سلمان: بلعتها وسكتت ولا تغيرت عليها رغم اشوفها متغيره بصفناتها وسكوتها من يشاقيها راجح لو محمد متضحك بس تتصفن وتباوع بالوجوه
كم مره ومره دااسولف ويه الولد لو ويه امي وابويه والمحها صافنه عليه عيونها مدمعه
اني اعرف البيها شنو
اعرف تأنيب الضمير.
بس ماراح احجي دامها ضميرها حي هوه يمشيها
بقت امها كل شهر تجي وكل يوم تنكص من الفلوس
كمت اضمهن يم امي بحجه اني ماريد اصرفهن وابقي شي بسيط بالمحفضه
اليقهرني جانت
من تاخذ وكت نومتي منها تصفن عل فلوس وترد تسد المحفضه لان بيها قليل تنقهر عليه وترد ترجع تاخذ ورقه وحده او نوبات ٢
تجمعهن حد وقت جيه امها وتنطيها هل طالع بيدها
شهور مرت وراجح خطبناله بنت عمتي وبدينا نبني فوك
ملاحض علا صبحه حته اكلها قل وبس تشتغل ونوبات اسمعها بليل تبجي
سلمان: فلوس امي وفلوس راجح الي لميناهن بنينا بيهن وسوينا الغرفه وجبنا الاخشاب وبقه الذهب
راح راجح للديوانيه وكال من ارجع نشتري الذهب وضم فلوسه عندي لان امي باتت هل فتره بيت خالي كون مرت خالي مريضه حته تداري الولد هناك خالي ماعنده بنات بس 3 ولد
ضميت الفلوس دفنتهن وطبت هيه للغرفه فزيت خفت لا تشوفهن وتاخذ منهن صفنت عليه حست بيه ومحجت شي عيونها التعبانه تعبت روحي حيل بس اريدها تصحى حقها اهلها عزاز بس مو تبوك ومكدرت اجرحها وافهمها انو اني اعرف او شاك ابددد
بقيت مداريها بماي عيني وكلما تطلع ويه امي اخلي بيدها فلوس تشتري الي تريده من غير راجح الي كلما طلع جابلها شغله
دااحاجي ابويه وافهمه عل عرس مال راجح كال
ابو سلمان: وينها فلوسه
سلمان: همست يمي يابه
ابو سلمان: جيبهن داشوف صاحبي يبيع خشاله ذهب
سلمان: صعدت اجيبهن اباوعلها ارتبكت بالمطبخ وتباوعلنا تعبتني عيونها كافي ياعيني دجوزي
صعدت لفوك وفتحت جيس الكاغد وطلعت الفلوس نزلت واعد بيهن والكه بيهن نقص والنقص مو شويه الدنيا اندكت براسي ردت اموت بس بقيت منصي وابويه يردد
ابو سلمان: شبيك يابه
سلمان: ها حجي ماكو شي
يا صبر ايوب سكتت بس بين عليه مكدرت اخفي بعد وجهي غيم حيل اربع ايام حجايه مامحاجيها حته متقربت منها وهيه مستمره بدلالها ومداراتها اكثر من قبل
سديت النقص من فلوس امي وتداينت من عمتي هم
طلعو امي وعمتي اشترو الذهب
طبت امي مكيفه تنتضر جيه راجح
باوعت بعيني واني مبتسم وداخلي اضلم حيل اضلم
فتحت امي جيس القديفه البي صندقجه الذهب
همست مليكه: يوم سلمان هاي خليها بأادين مرتك
باوعت معاضد ثنين رفاع
سلمان: لا يوم ليش مااشتريتي لراجح كلهن
مليكه: عمتك مقبلت كالت كلش كافي 6 مثاقيل هوه ابنج ذهب واني بالباقي اخذت لمرتك شوفهن حلوات خشاله ذني والي لبستهن مبخوته يوم
سلمان: فدوه لعمرها عمتي اخذتهن منها وبست راسها لامي صعدت فوك طبيت لكيتها صافنه عل سكف واللحاف عليها تموز تسمط سمط والغرفه موجره وهيه متغطايه وهادئه
تقربت منها وكلبي ملجوم
همست: صبوحه
كمزت كبالي فازه
صبحه: بلي
تقربت منها وجهيي مغيم فتحت الجيس تباوعلي وتباوع لايدي
صبحه: شنو هذه
سلمان: جريت نفس باوعتلها بعتب همست
هاي معاضد ثنين حبيت افرحج بيهن
صفنت عليه فكت حلكها مكدرت تباوع بعيني بعد
بس اشوف حنكها يرجف تريد تبجي
سلمان: جريت نفس بتعب اخذت ايدها ولبستها وشلتها لايدها وبستها
سلمان: الف عافيه
ماردت بقت مختنكه وتركت الغرفه عفتها تحاسب روحها صبوحه داخلها ابيض بس اهلها ديشوهه
اذا واجهتها راح تتاذه و تخجل مني دوم خليها تواجه مرايه روحها وتعرف غلطها
نزلت روحي لايبه لشوكت جم دوب وانخي بالله ورسوله واهل البيت دخيل اسمك اهديها
اجه راجح من الديوانيه الوجه يضوي ومزين ومحمل
تلكيناه بفرح وامي تشوفله الذهب وتهلهل وهوه طاير من الفرح باوعلي وكال
راجح: وينها صبحه
راجح: صبوووحه
سلمان: شرايد منها عوفها ترتاح
راجح: ليش تعبتوها يوم شوكت جيتي من بيت خالي
مليكه: البارحه ليش
راجح: هاي المكروده عايفتها بعدها صغيره يوم خطيه
لججج صبوووحه
مد راسه من عالدرج يصيحلها ويباوعلي ابتسم وكال
راجح: خاف مريضه
سلمان: لا هيه تنزل من وحدها
عفت راجح ومنعته يصعد خل تشوف معزتها بينا بلكت تبطل غلط مدت راسها وكصيبتها نزلت
صبحه: بلي راجح
راجح: ولج تعاي شوفي شجايبلج تعاي يحجي ويحرك بحواجبه
ابتسم ونصت نزلت الدرج بهدوء
فتح راجح العلاكه طلع منها عبايه خلاها علا راسها
راجح: اهااا مثل ماتوقعت فيت اني كتله بكصر الحب مالت المي
باوعتله عيونها دمعت تلاشت ملامح راجح التضحك
باوعلها ورجع باوعلي واني اباوعلها شحتسوي شحتحس
التفتت عليه وبجت وصعدت ركض لفوك
نتر راجح: شبيها شبيك وياها سلمان بروح جدك
سلمان: عوفها راجح
امي تباوعلنا صافنه
مليكه: يمه شبيها متنحسه صار فتره عليك الله محاجيها بشي غاثها بشي
سلمان: لا يوم هيه مشتاقه لاهلها عوفيها لتحلون عليها
راجح انسطر ويعاين عليه بس راحت امي جرني من قميص بجامتي
راجح: بروح جدي كتلها علا اختها
سلمان: لا ولله راجح ماكو شي شوي بينا
راجح: ليش ولك هاي صبوحه شبيك وياها مو حب كلبك هاي
ابتسمت: ميخالف خويه ميخالف مهنننه يارررب
ابتسم مره لخ وتنهد وكال
راجح: نصعد نشد الاخشاب
سلمان: يلا امشي
صعد طاير ومحمد كوه سحلنا يمشي ويانه كملنا شد وهوه يتمشه بالغرفه ويضحك
راجح: سلمان بربك غرفتي يم غرفتك شتسمع ابلع واسكت استر عليه واستر عليك
سلمان: ماشي ههههه ماشي
نزلنا وصبحه مابينت ابويه كم مره سال عليها وامي هم واني ارد واكلهم
عوفوها تعبانه
كلهم يردون يصعدون يشوفوها واني ماقبل
تالي غافلني محمد جايب موطه ام الجيس وصعد دك الباب
صعدت بسرعه وراه بقيت عل درج اسمع مو شك بأخوتي لو بيها بس ردت اعرف شنو تكله طلعت مدت راسها
محمد: عليج الله شبيج ضايجه
صبحه: مابيه همست وصوتها مطبك
محمد: خرب اليوم اكول لابويه سلمان غاثج
صبحه: لاع ولله العضيم مو هوه اني مريضه شوي
محمد: زين توديج امي للطبيب
صبحه: لاع اريدن انام
محمد: كيفج وسكتت'''خاف مو زين عليج موطه يولي اجيبلج زعرور
صبحه: لا ماريد فدوه محمد روح
محمد: حنتعشى
صبحه: اي جاهز العشه بس امي ترتبه بالصينيه
محمد: يلا براحتج عود انزلي باجر لتضلين ضايجه البيت كله ضاج لج راجحح جايب كومه مسواك وفاكهه انتي تحبينها
سكتت
سمعته جر نفس وكال
محمد: كيفج يلا ارتاحي تصبحين علا خير
سلمان: كملت الدرج صار بوجهي دار وجهه ضايج مني
محمد: متريد تنزل مدري شمسويلها حضرتك
سلمان: ماجاوبته طبيت للغرفه لكيتها لازمه العبايه وكاعده عل مندر وعيونها تكت دمع
بس طبيت مسحت دموعها وكامت علكت العبايه وفاتت للحمام
ذاك الوكت جنت انتضر منها رد فعل عل صار جنت انتضر ضميرها الصاحي شحيسوي
تمددت انام حته ما شتهيت اتعشى توني اغفى وسمعت طكه معاضدها نامت بصفي
روحي رادتها حيل بس مردت اتقرب الها حدما تصحى كافي هواي سامحت
غفيت جنت حيل تعبان منها ومن شغلي
حسيت نص اليل علا صوت شهكتها مكدرت ابقى كمت باوعتلها مشغله اللاله لان الكهرباء طافيه واني فاتح باب البلكون الهوه طيب تقربت منها كعدت يمها وهيه زادت بالبجي لازمه بتوتها بيدها
فركت وجهي ساكت مدري شلون ابدي احجي
كتلها بصوت ناصي
سلمان: ماعجبنج البتوت
زادت بجيها وغطت وجها بأايدها
جريت نفس يمكن عدم سوالي شبيج خلاها تتاكد اني اعرف كلشي خليت ايدي علا راسها كد تعبها تعبان قاطات
ماريد ثقه اهلي تنهز بيها
طبت بحضني وتشهك بتعب حضنتها قوي واهمس
سلمان: كافي كلبي كافي
قابضه ايدها قوي ودافعه كل روحها بحضني وتشهك همست
سلمان: كافي الولد وامي وابويه حيسمعون
لزمت ايدها وبستها وهي علا قبضتها بقوه عاصرتها
سلمان: شكو بيدج بقيت ابوس بيدها
فكت ايدها وكامت تشهك صفطه فلوس لامتها معقجه غمضت عيني ودرت وجهي عكس صفحه وجها
صبحه بهمس: اريد اموتن كون
سلمان: اسم الله عليج
صبحه: من وراها مو الي ولله
سلمان: ميخالف يكلبي بسج بجي عيونج راحن
صبحه: ماريد اعيدهة انوب اخافن الله ياخذك مني وارجع لايام ابوي
كالت هل كلمه وزادت بالبجي
صبحه: النوب اخذت من رويجح بكت منه وجايبلي عبايه
ابتسمت وبست راسها وابعد خصلات شعرها عن وجهه باوعت بعينها
صبحه: ماريدك تهدني سلمان
سلمان: اهد روحي وماهدج
صبحه: ماعيدها النوب
هزيت راسي غمضت عيني
انطتني الفلوس وهمست
صبحه: انوب من تجي
جرت حسره بشهكه بجيها
صبحه: النوب من تجي كلها بنتج ماتت
كالتها وماتت بجي
حضنتها قوي واهدي بيها للفجر
اذن كمت لزمتها وكومتها
سلمان: نصلي حبيبتي وندعي الله يغفرلنا
هزت راسها وجرت نفس براحه وكفنا صلينا واحس روحي طايره رغم كلبي ملجوم بس بينت زينتي اني واهلي كدامها
كملنا والتفتت عليها وجهه متفح يلمع من البجي ابتسمت وتلمست خدها نصت راسها
سلمان: كافي يكلبي مو كافي
هزت راسها وباوعتلي
سلمان: ماريدها توصل حد حوشنا من تجي كليلها ماعدي فلوس وخلص
صبحه: تضل تبجي وتشكي تعور كلبي
سلمان: هزيت راسي هذه ابوج دازها
صبحه: ابوي انكس منها بي كل العافيه وينطو خير ويصرفهن ويصيح ماعدي تعلم عل جديه
سلمان: تنهدت ميخالف من تجي وتكولج كليلها ماعدي وخلص
صبحه: وانت تسامحني
سلمان: اسامحج طبعا هوه الله يسامح ادعي يغفرلج بصلاتج ادعي
صبحه: انشالله
طبكت السجادات وكمت وياها تقربت نامت يمي وعيونها لابسها الخجل لميتها بحضني وابوس بيها وهيه مغمضه تبتسم براحه حدما فقدت عليها وتقربت منها
غفيت بعدها مباشره وحلمت احلى حلم
طفل يتلمس بخدي ويبتسم شاورني
... يابه كعدت لو لسه بنومك
جان اشكراني نفس جهره راجح وينحب يدخل للكلب ومبتسم فزيت من نومي مستبشر نفس يوم الشفت صبحه بي
حسيت صبحه هالشهر حتشيل بس خليتها بيني وبين ربي
راجح تزوج وره اسبوع واني مكدرت اعوف البيت اخاف علا صبحه ادري بيها متدير بال من تشتغل بهميه
خفت اخليها تشيل شي وحته امي حست بيه تشتغل وطكطك بمعاضدها مكيفه بيها
البيت كله يصيح صبحه بيت عمتي انتبهو علينا شكد اخوتي متعلقين بيها تالي مرت راجح بصباحيه العرس كالت
...شنو صبحه مامحجبه من الولد
مليكه: منين تتحجب من اخوتها
سلمان: اباوع لوجهه صبحه باوعتلي وشالت شعرها النايم علا ضهرها بلفلفات تشبه لفات متسلق النبات من تنزل منه لفلفات شكد ناعمه ومرتبه بلفتها
مروه (مرت راجح): بس هذه حرام شعجب خالي وسلمان راضين
كلها سكتت وصبحه نصت راسها
مروه حلوه بس متنحب نفس صبحه
ييمكن غيره مروه منها بسبب حب اهلي لصبحه خلاها تحجي هيج بس ابويه بعدها كالي
ابو سلمان: يابه حجبها حرام باوعلها وابتسم عمي شعرج بس لرجلج ولو انه من اشوفه ترد عافيتي هلكد ماحلو شوكت الله يبارك بيكم وتجيبولنا وحيده نفسج
ابتسمت صبحه ونصت باوعتلي وباعت لامي كالت بخجل
صبحه: يمه تجيبيلي باجر فوطه
جاوبتها امي مكيفه بيها
مليكه: احلى فوطه تسترج ست البنات
سلمان: صبحه كانت عفويه متعلقه بينا رغم اغلاطها الي بس اني اعرفها بالنسبه لاهلي مابيها كل لوله والكل يموت عليها حته محمد الي ميهمه زعل اكبر واحد بس صبحه يتخبل ولا احد يجي يمها ويغثها كل هاي وجانت ميانتها محدوده بس يمي ضحكتها العاليه ودلعها وحركاتها الانثويه
شهر مر وماكو حمل عد صبحه مرت راجح شالت وحبيبه كلبي انزوت خايفه وتباوعلي بقلق في حين اني الثاني قلقت مروه بالغت بفرحتها وكلساع تتنعوص علا راجح وابويه
مروه: خالي جيبلي وياك علاجي
مروه: خالي اريد كشوه و عسل هافه روحي عليه
وصبحه تروح بصفناتها كانت
رغم وجود مروه بس نفس شغلها ابد مغيرته وسالفه حمل مروه من السبعه كامت تتحجج وتتأخر عن اداء واجبها بحجه حامل
وراجح ميقبل اسمعه يرزلها
راجح: مروه حرام عليج
مروه: اي ياعيني غير اني حامل ووحام
راجح: ابويييه ميصيييير هيج حرام اهدومي بعد انتي تغسليهن وتكويهن
مروه؛ صار لاتزعل مني
اسمعهم الصبح من انزل ودوم تسمعني
مروه: شنو صبحه متنزل تسويلك ريوك اسويلك اني
سلمان: لا مسويتلي من اليل
مروه: ماتكعدها لعد شون تطلع وهي نايمه ولله لو اموت
راجح ذب الخاشوكه من ايده بعصبيه وخزرها
جاوبت
سلمان: اني احب اشوفها دفيانه بفراشها وممقصره شي ثاني اني اخذ السفر طاس واتريك بالشغل
سلمان: يلا فيماللا راجح اقفل الباب وراك
راجح: اي اي الله وياك
جاوب بنتره وعيونه تنفض غضب لمروه
بيومها بليل طبيت وحبيبتي تلف كبه وتكلي
ومروه كاعده تثرم بالخضره
مليكه: صبوحه يوم روحي بدلي ريحه هدومج بيها ريحه كباب
صبحه: اي يوم هسه كملت
سلمان: طبيت ابتسم الها كرصتها من خدها وايدها كلها عجين كباب
وشعرها النازل علا وجهه
سلمان: ابتسمت ها الله يساعدج
صبحه: هله عيني
تحجي وتوخر بنتره شعرها عن عينها وخرته خليته وره اذنها وخليت فوطتها علا راسها همست
سلمان: راجح اجه
ركضت عل سنك غسلت ايدها وعدلت فوطتها وطفت الطاوه وصعدت فوك ويايه طبيت سبحت وطلعت ابدل هيه طبت ورايه ونزلنا نتعشى
ابويه كلما نلتم عل عشه يحجيلنا
اول مااجه عيونه كلهن غضب وتعب بس من التمينا تحولن للحنيه والتعب
ابو سلمان: انته عليش ماتكعد لصلاه الفجر امك مو تكعدك انه تالي عمري ابني بطولي مايصلي
محمد: لا يابه صليت
ابو سلمان: تكذب النوب ماتستحي ولك
سكتنا
ابو سلمان: اله قرٱن الفجر والصلاه هله هله بيها كل الخير تلكو لا تخلوها قضى حريمه العمر يكضي وانته مضيعها منك كنز هاي كنز
سلمان: واحنه نهز راسنا بالرضى كال
ابو سلمان: القرٱن يخضر اقرو قرٱن هواي لا تهجرو
سلمان: اباوع لصبحه تستنشق كلام ابويه مو بس تسمعه
ابو سلمان: هاي كل خليه ميته بجسمكم تحي بالقرٱن اقرو وتمعنوو بي شوفو ربكم شذاكر بي حاولو تختمو مرتين بالسنه اقل شي
نطت صبحه: يااا هوه جبير شيختمه
ابو سلمان: ينختم بنيتي كل يوم ساعه من وكتج وهالصوت الحلو الي تحبو الملائكه وتوصلها لربج تلكين بيها شكو ذنب ينغفر ومن تنغفر الذنوب ذاك الوكت حته الدعاء ينقل
مروه: لعد انتي ماخاتمته اني خاتمته عشر مرات
ابو سلمان: هي مو مسابقه خالي مره وحده اذا تمتعتي بي وبكلماته تعادل عشرين مره مو ركض ركض مو فاهمه شي
اللهم اجعل القرٱن ربيع قلوبنا
سكتو ورجعت سالت صبحه بخجل تباوعلي وتباوع لابويه وامي
صبحه: شنو يعني يابه ربيع قلوبنا
ابتسم ابويه واحسه وياها يريد يحجي ويفهمها لانها تريد تتعلم مو رياء
من يوم البطلت تمد ايدها واحسها تريد تتعلم واني ممقصر عدلت صلاتها بقه بس الوضوء مدتحفضه موتتني
ابو سلمان: يابه اسمعو هل قصه
ابوي السيد الله يرحمه قبل لا صير انه كعد ويه امي وكلها كد مابيج اقري قرٱن كالتله عليش
كالها المره مثل الكاع شتزرعها تخضر
صفنت صبحه وتباوعلي ورجع ابويه عاد
ابو سلمان: المره مثليش ويباوع بوجهنا
محمد ياكل ويصيح حديقه يابه
سلمان: خزرته لمحمد وجاوبت كاع يابه كاع
ابو سلمان: اها كاع ف هاي الكاع شتريد قبل الزرع تريد سماد وتريد ماي حلو يسكيها وتريدتكلب وهوي الطينه مالتها يلا عود نذب بذورنا ونزرعها ذاك الوكت شيصير الزرع مالها
يصير يانعع ونضر لان الكاع مداريها
سلمان: صبحه بس صافنه فاكه كل عينها ردت أكلها كزكزت عليها مثل الطفل شكد نقيه
ومحمد يياوعلها ويضحك حته راجح يباوعلها مبتسم
كمل ابويه كلامه
ابو سلمان: ابويه الحجي راح لامي كاللها اقري كد مابيج اقري داري تربتج يلا نسوي جاهل حته يطلع حنين ونوراني ورحماني
همست صبحه: بس هوه بعده مااجه غير وحده من تحبل يلا تقره باوعت لامي وكالت
ابو سلمان: احجيلج سالفه لخخ
هاي فد نوبه اجه رجال من اهل كبل كال لسيد ال....
كاله سيدنا اني صار عندي ولد واريد اربي تربيه صالحه واريد من هسه مدام توه جاي للدنيا شنو اسوي اقره يم اذنه لو احجي وياه بالتلاوه اريده يطلع خير
شجاوبه السيد
سلمان: شجاوبه يابه
همست وكلها صنته واني يمكن هل حديث سامعه خمسين مره واحب اسمعه بعد
ابو سلمان: كاله تاخرت عمي جان المفروض قبل لا تحبل بي امه
سلمان: باوعتلي صبحه متفاجئه وباوعت لابويه ابتسم وكال
ابو سلمان: ها صبوحه استغربتي هههه مو
صبحه: بلي يابه
ابو سلمان: اقري قرٱن بنيتي اروح فدوه لهل كلب الابيض سلمان يابه
سلمان: كول حجي
ابو سلمان: صبحه اذا ختمت القرٱن هالسنه برمضان تلبسها نشالله علا كد فليساتك واني اعاونك بيهن
سلمان: صار حجي وباوعتلها تدلل
مروه: همزين اني كل سنه مرتين 3 اختمه امي معلمتني من اني وصغيره
باوعلها ابويه ابتسم وراجح سوالها لفه
راجح: هاج اكلي زين
سلمان: صبحه من يومها تعلقت بالقرٱن ليل نهار تقره واني اعدللها اغلاطها وترد تعيدها صح كلما اكعد الفجر عالصلاه الكاها كاعده قبلي تصلي وقره قرٱن
اكثر من مره اكعد مالكاها ومن انزل ادورها الكاها كاعده وره ابويه يقره بالقرٱن وهيه تقره وياه بصوت هادئ وامي بصفها تعلقت حيل بأمي
اكثر من مره تجي امها وصبحه تنزع بتوتها فوك وتنزل تكعد شوي وياها وتكولها ماعدي انطيج وترد تروح حدما انكطعت رجلها
شهرين مرت وفزت مره بليل وفززتني
سلمان: شبيج صبحه
صبحه: انه حبله وداعتك وداعت غلاتك انه حبله
سلمان: شمدريج
صبحه: حلمت حلمت وحده مغتره بغتره خضره كالت هذه بزر سلمان تسمينه احمد
ابتسمت وهيه ميته بجي حضنتها وبست راسها
سلمان: لتحجين لاحد حبيبه كلبي
صبحه: فد امي فدوه فد امي أفرحها
سلمان: خوش خوش
صبحه: دتنزل
سلمان: يا وين صببحه
صبحه: اروح لامي اكلها
سلمان: باجر الصبح
صبحه: يا وانه يضل عندي صبر غير اموتن
سلمان: هههههه
موتتني ضحك ونزلت تركض غمضت براحه شويه وصعدت وتباوع بوجها بالمرايه
سلمان؛ تعالي نامي ياعيني
صبحه: لا اقره النوب الجزء الاخير عبن ابويه حيختم واريدن وياه
سلمان: ماشي روحي بس من تخلصين اصعدي نامي
صبحه: صار
نزلت ويه سجادتها وجادرها،،،،،،
يتبع...........