اوف بيبي اسكتي فاقده شغفي بالحياه
شنيييي
( حجت هيج و دخل خالو إسلام باوعت عليه )
ملكه: الحك ييمه راح يطين راسنا بالكاع
اسلام: خير شبيج يمه
بنت نسرين طينت روسنا
عزا بيبي شدتحجين
ها ولج تنكرين والله ييمه ستوها كالتلي فقدت شرفي
ايلا: ( كالت هيج خلتني مصدومه اباوع خالو اسلام جان منطي تعابير طبيعيه لان مبين ماله خلك سمع جملتها بسرعه نضره تركز عليه واني حتى كلامي اختفى
إسلام: يمه شجاي تحجين
انه شعلي هاي المسودنه كالت
( باوعلي رافع حاجبه ) شغفي والله شبيكم يااا حتى الكلام تحورونه
ملكه: جا هيه شغفي مو شرفي
ايلا:( اباوع خالو اسلام واخيرا شفت عنده شبه ابتسامه مو ابتسامه شبه ) يوو بيبي شغف يعني واهس
ملكه: خو كولي واهس ونلطمي
اسلام: اوف يمه منج
ملكه: اكول يمه اسليم ما تزوج هاي المسودنه بلكي تعكل ما ياخذها أبن عم أبن خال مو راحه شكلها
ياااا بيبي هاي كدامي هيج تحجين وراي شنو لعد
هنه نفسهن خايبه انه ما احجي وجهين اطيها بالكصه
اي واضح وبعدين لو اموت ما ازوج ابن عمي
خايبه لاتعلين صوتج هوه راضي بيج ابن الطامج
عشتو والله اصلا الف واحد يتمناني
جا وينهم محد دك بابنه وكال رايد المسودنه العدكم
لا بيبي الي عدكم من ستايلي
ستاينج شني ولج
أيلا: ( عزا توني انتبهت خالو موجود وجهي صار ينطي الوان من الفشله ماكدرت ارد عفتهم و مشيت بعدني شويه اسمع صوتهم و اسمع بيبي تحجي ويه خالو)
إسلام: لا يمه شطلعت شبيج
وك يمه ماشوف سوالفها شرف و ستيان اخافن تكسر وجوهنه زوجها لواحد من معارفك
استغفرالله يمه عيب هل حجي بعدين منو يرضى بيها هيه جسم مال مراه ماعدها حتى وينها وين الزواج شيشوف بيها الرجال رحمه الدينج
جا مو هاي رحاب بنت جلال وياها
يمه رحاب اكبر و انضج هاي حتى عقلها مو شي
ايلا: ( طبعا من بيبي تحجي اني مهتم لان عاشرتها عرفتها بس السان و قلبها طيب حتى من ما اكل الوحيده الي تضل تصيحيلي على سفره ومن عدة جوانب اشوف اهتمامها بيه لذلك ميزعلني كلامها بس من حجه هيج خالو اسلام عبالك وهدم بيه خلاني كولش احقد عليه لان فتره المراهقه بدايه للانثى حتى تبين انوثتها و تحب المدح و اقل كلمه تاثر عليها وتمشي وياها للكبر لان تصير من كلام ناس تاخذ تفاصيل عن شخصيتها مو هيه التبني النفسها الاساس وهذا شي الخطا الي خلاني اسعى ورا خالو اسلام هوه عدم الثقه بالنفس بس اريد ابين النفسي العكس عفتهم يحجون وهوه ينتقد بيه بس كلت والله لخليك تندم على كل حرف كولته اذا ما خليك تركض ورايه طبيت للمطبخ لكيتهن نسوان وبناتهن و من ضمنهم ماما كاعدات يسولفن و يضحكن كعدت يم ماما صارت تمسح بشعري و تحجي وياهان واني بغير عالم لسه كلاماته يرنن بأذني
نسرين: شبيج ماما صاير شي
هئ مصاير بس راسي يوجعني
انطيج حبايه
لا خليني هيج هسه شويه يصير زين
اسماء: ولج رحاب راح تصيرين مراه
رحاب: ههه عمه لاتخجليني
اسماء: بس بسام انه اعرفه خوش رجال والله
منى: اي يختي والله ياهوه التسالين يكول انطي و لاتباوع وراك
هديل: ولج رحاب من يجي يشوفج الشوفه الشرعيه لبسي شي يبرز الخريطه
منى: هديل لاتعلمين بنتي ههه
اسماء: والله يداده تلكيهن يعرفن احسن مني و منج
نسرين: لا شي مرتب بس شويه يجذب هوه الرجال بصري
منى: اذا يشوف الورا والكدام منفخات و الحمره الحمره يضل يركض ورا النثيه
هديل: هههههه خرب يومج منى
نسرين: هههه ولجن يمنا ذني اسكتن
ايلا: ( يحجن واني بالي وياهن ) ماما
نسرين: ها
شلون اصير مراه
ههههه انعل ابليسج هوه تكبرين يمه و تصيرين
امم( عفتهم و طلعت للغرفه صار بوجهي هوه فركش شعري بطفوليه و صعد باوعت وراه والله لعلمك هاي طفله لخليك تتوسل مني الحب طبيت للغرفه و مددت كتب على اليوتيوب كيف اجعل طلعولي عدت خيارات
كيف اجعل رجل يقع في شباكي
كيف اجعل زوجي راضي عني
كيف اجعل الرجل يلاحقني
كيف اجعل نفسي اكثر ثقه
ضغطت على كيف اجعل رجل يلاحقني ضل يحجي فيديو طويل بس الي فهمته النضرات الابتسامه المضهر الجيد و شفت عدة فيديوهات كولشي شكل كولت اطبقهم كولهن انفتحت الباب اني صافنه
اريج : كومي اتغدي
عابت دكي الباب صخمي
ليش انتي ادخلين بدون مدكين فانجبي
يلا جايه ولي
طاحضج فوك ما اصيحج
( طلعت وكفت على المرايه رتبت شعري بدلت تراك حلو لون جويتي حطيت شويه مكياج خفيف سمعتهم يصيحون طلعت لكيتهم كولهم كاعدين
ملكه: خايبه ماتجين انضل نصيح وراج
اجيت بيبي اجيت ( باوعت كاعد و بصفه كاعده خاله هديل و من الجهه الخ رجاء باوعت كدامه صاير جدو رحت كعدت يمه سوالي مكان و ابتسملي)
جلال: يابه بيت ابو بسام كالو اليوم العصر يجون علمود يحددون المشيه وهاي الامور
هلال: خل يجون هلا بيهم اسلام خابرلنا صاحبك يدبرنه سوالف المشيه الكراسي وهاي
إسلام: ان شاء الله يابه بعد وكت هسه
هلال: هوه اليوم اذا حددو انت خابره
إسلام: خوش بس انه اليوم عندي شغله العصر ماكدر احضر يمكم
جلال: شجاك اسلام لاتفشلنا عيب الزلم جايين بس انه و ابويه ويعرفوك انت نزلت من البارحه حتى ابو بسام سالني عليك
إسلام: قابل متغاوي يول عندي شغله ضروريه
جلال: لا بس انت دائما الشي الي يخصني ما تحضره
اسلام: جا ليش انت الجاي يخطبوك هاي بنتك لا تخربط
هلال: اشش كافي عيب عليكم على زاد و تتناترون
إسلام: سكت ابنك العود
جلال: والله واذا ما سكتت شسوي
لاتخليني هسه
هلال: والله ان ما سكتوا لكوم اكسر العكال على روسكم بزر انتو كل واحد هل عرضه
ايلا: ( صاروا يتعاركون واني بالعالم الموازي انطي نضرات و اوزع ابتسامات هوه كمل اكل و رفع رأسه لكاني اباوع و ابتسم باوعلي باستغراب كلت اي راح يصير آي كونكت يعني تبادل نضرات انتضرته يرتبك ينزل نضره هوه ضل يباوعلي عاقد حاجبه لحد محجه وياريت محاجي)
إسلام: شبيج انتي مكشره
أيلا: ها اني
إسلام: اي شكو مكشره
هلال: عوفها شني تريد بس تسويلك طلابه
إسلام: استغفر الله
ايلا:( ضلو يحجون واني خجلني كلامه زايد هذا مينفع وياه هيج سوالف مخبل والله اكل شويه و كام صعد و صاح )
إسلام: هديل عود صعديلي جاي من تخلصين
هديل: اي تدلل
ايلا: ( يعني شلون هسه هذا مينفع وياه هل اشياء شسوي)
هلال: جدي ما تاكلين
ايلا: دا اكل جدو ( خلصنا و شالو الاكل و كعدوا يشربون جاي شفت خاله هديل دصب جاي اكيد اله )
احم خاله المن هل جاي
الخالج
هاا زين كملي شغلج اني اصعده اله
ها تكدرين
اي عادي بطريقي
عفيه بنيتي
( ابتسمت الها واخذت الجاي صعدت جان اكو صاله بيها مرايه عدلت نفسي بيها دكيت الباب ماكو ميرد رجعت دكيت ماكو فتحتها على كيفي لكيت الغرفه ضلمه و بارده ثلج ومن ضرب عليها نور الصاله شفته نايم و مغطي نفسه كليا حطيت الجاي على طبله و رحت على جهته باوعت عليه وجهه كولش صافي بس بيه ندبه على جانب جبهته رموشه كولش طوال نسيت نفسي اوف هسه شكوله خالو لا لا شلون اريده يفكر بيه واكول خالو اكول اسلام عزا صعبه يجوز يشيلني و يشمرني ندسته يطرف اصبعي هوه صحى بسرعه باوعلي بعدم فهم تاثير النوم
ايلا: امم الجاي جبته الك
إسلام: وين الجاي
ايلا: هذا
وين
شبيك هذ .. اباوع عزا حاطه الجاي على طبله الي بالصاله واكوله هذا خاف عنده نضره اني نص مجنونه صرت مجنونه بالكامل) هسه اجيبه ثواني
ديري بالج الباب
( حجه هيه واني انضربت بالباب ) آييييي يالله راسي راح
شبيج مو جاي اكلج على كيفج شو وخري ايدج
( وخرت ايدي هوه ضل يتفحص جبيني هنه ثواني حسيتهم ساعات نزلت نضري شفته لابس برموده بس و جسمه كوله مبين عضلات سداسيه عنده بلعت ريكي بخجل وخر مني هوه)
عمي بعد لا جيبين شي طلعتي الجاي من خشمي
شسوي اذا انت شوفتك تلبكني
شني
يعني تخليني ملتبكه
اوف روحي بابا انزلي ناوشيني الجاي الاكشر
اي اتفضل ( لازم ابينله خجلانه كالوا يحبون الابنيه الخجوله)
شبيج تباوعين جوه مضيعه شي
لا بس احم
طلعي شو انتي مدري شبيج اليوم
( شو هذا طلعني لا اهتم لا صخم هفففف اني اعلمك هففف يربي شلون الغيره اي لازم اخلي يغار بس من منو من ثامر ابو ثرب لو مصطفى الوجهه ملعوب اكس او بيه ملهم اي هذا وجهه يساعد )
.......
اريج: جاي اكلك ماكدر شبيك
حمزه: شبيج حبيبتي بس ورا البيت والله محد يشوفج
لا حمزه تعرف اذا لكفنا عمي اسلام الله شاهد يكطعنا و ما يرفله جفن
ولج شيطلعه هيه شويه وتروحين
لا لا أبد ما أسويها
تمام حبيبتي ما اضغط عليج
فديتك
امم شلابسه بله
دشداشه
هاا بنت الاردن بعدها يمكم
اي طبعا هيه و عمتي
هاي شتلبس بالبيت
عزا هاي كله تراكات و دلع
صيري مثلها ترا اذا ازوجتج ماكو بعد دشاديش
ههه لاتخجلني بس تعرف عمي اسلام مايقبل هيج لبس
استغفرالله و الله بليتيني بعمج صخمان
لا تحجي عليه ما اقبل
مو موتكم مشي البيت بايده زين شمعنى يخلي بنت عمتج تلبس بكيفها
ههه جدتي حاجته يكللها ما اعدها معالم
ههههه خرب يومه ضل بنفسي اشوفها
تره اغار ها
لو ولج انتي غير شبيج
ههه
...........
ايلا
( ضليت احاول وياه فتره طويله بس هوه و لا يمه حتى ما شيفني بنضرة شابه يحسني طفله ومن احاول اسوي الحركات دلع وهيج يفشلني لو يكولي هاي شتسوين يعني ماكو امل منه فدمره انو يصير باله يمي خلاص
نسرين: شبيج مدلغمه
ايلا: شنو يعني
يعني كالبه وجهج
ها مابيه شي راسي بس
متاكده
ماما اريد اروح للسوق عفيه
ماشي اني اخلي جلال يوصلنه العصر بطريقة
اي عفيه لان كولش محتاجه اطلع
بس مو تاخذين وياج اريج وغيرها اهلها مايقبلون و تسويلنا اطلابه مثل ذيج المره
لا ما اخذها
يلا تعالي نساعدهم بالغدا
جايه وراج ( طلعت بقيت وحدي افكر لازم اعدل نفسي اكثر من هيج نمشي معقوله محلوات اذكرت موقفه ذاك اليوم......
( حدث ماضي)
كاعده بالحديقة انتضر وقت رجوعه شويه و سمعت الباب الخارجي انفتح يعلن عن تواجده بالمكان دخل سيارته و نزل منها بكامل اناقته ليش هسه صرت اشوفه انيق وحلو مدري ليش اعرف عادته يشرب جكاره بالحديقه وبعدها يدخل ينام
ها انتي اهنا
امم
شعندج لهسه
مجايني نوم و مختنكه ( كعد على كرسي بجانبي)
انتي شعندج و مختنكه الي بعمرج مايعرف كلشي عن الحياة غركت شركت
تؤ كلامك خطا كلمن الله معطيه هموم على كد طاقته
حلو صايره خوش تحجين
اريد اطلع ممتعود انحصر بالبيت
شوفت عينج ياهو الفارغ يفرفر بيج
دفرغلك يوم شبيك( حجيت بدلع و باوعت العيونه زفر الدخان بوجهي )
ما فارغ ام الخرز
شنو خرز
ههه عندج خرز بوجهج هواي
يااا ذولي نمش اصلا من علامات الجمال
اي حلوات
( كال هيج واني قلوب صارت تطلع من عيوني)
احم صدوك تشوفهم حلوات
اي مسويات ديكور بوجهج
اوف ياا شنو ديكور هسه كلتها حلوات لويش تخربها( ذب الجكاره رفع ايديه ليفوك )
اخخخ يلا كومي انام
( من كال هيج ضليت صافنه تخيلت غير تخيلات)
شبيج كومي اتاخر الوكت مايصير تضلين كاعده اهنا
سؤال
أستغفر الله
اني شنو بنضرك ( حد حواجبه باستغراب)
شلون يعني
يعني شتحسني
طفله حالج حال اريج و حوراء بس الفرق عندج خرزات
امم ( عفته و مشيت )
رجعت من صفنتي كمت اساعدهم دننقل باغراض الغدا و هوسه كولش طبعا حايرات بخطوبة رحاب و يحجن و يضحكن اني ما اشارك
رجاء: شجاج عاوجه بوزج تغارين مو هسه اني ورا رحاب ازوج و البقيه وانتي اضلين مدمومه اهنا
( هيه تحجي واني عيوني صارت دم بدت الحاله القديمه ترجع حاولت اسيطر على نفسي ماريد ابين الهم بيه شي)
ههه اي تزوجوا شعدكم باقيات هوه انتن ممنوعات من الكليه انتن لبسن الاطفال بمبرز واني اطب و اطلع و اخذ فلوس فوكاها شفتي الفرق الي بيني و بينجن( عفتها و طلعت مسحت جبيني بقوه هاي حركتي من تجيني هاي الحاله احس راسي ينمل كعدت يمهم طبعا هوه جان ماكو لان التحق )
ملكه: شكالك ابو بسام شو اسمعنك تحجي وياه
هلال: كال على العقد النسوان يجنكم باجر يحددن الوكت
منى: مو جنهم مستعجلين عمي
هلال: هم يالله بويه
جلال: اي جا شتريدين ينتضروها سنه
منى: شجاك اكلتني جاي اكول البنيه هم عدها هواي شغلات تعتاز
نسرين: ام ثامر عود كلنا نساعد وياكم ماعليج
منى: ما تقصرون
هلال: عفيه بنيتي اكولن صفاء شمالها ماتجي
......
هلال: اشو سكتو
منى: جا عمي ماتدري اهل رجل صفاء يردون لمى الاسلام و من صارت هاي سالفه مالت بنت نسرين وهيه البنيه بعد تخجل تدخل البيت و صفاء اخذت بخاطرها جن اسلام ما دار بال ألهن و اعتذر
ثامر: ههههه هاي عمتي هم بطرانه عافت الدنيا كلها و تريد اعتذار من عمي اسلام
ملكه: اوف منج انتي
ايلا: شبيج بيبي فوك محجيت الحق
ملكه: اي ام الحكوك انتي دحكو انه اريدن ازوج اسلام
ايلا: ( كالت هيج والانضار صارت على بيبي و خاله هديل اني الصراحه لان ماحبه اريد بس اعاقبه على كلامه عليه واريد اثبت نفسي كدامه اني ابنيه و كبيره ضليت اكل و هم صاروا يتلاطخون لحد ما كالت خاله هديل)
هديل: انه هم اريد يزوج حكه يحتاجله طفل و انتو اعرف بالوضع
هلال: بس
هديل: لا عمي هم يالله هوه كبر مايصير احرمه من هيج شي
هلال: اوف بارك الله بيج بويه و ياهي تردوها
ملكه: لمى هم بنت عمه وهم خوش ابنيه و التعرفه احسن من الي ماتعرفه
ايلا:( ضلو يتناقشون واباوع خاله هديل بغير عالم اني مره سمعتها تكول كولشي و لا لمى ماتحبها وهمه مرشحيها خلصو بعد عدة مناقشات رحت الغرفتي طلعت فلوسي و ملابس حتى نطلع لان ضلو هواي يحجون تقريبا صارت 4 ونص اليوم منامو رتبت نفسي لبست جينز و بدي اسود بيه قلاده فضي ورتبت وجهي و شعري
نسرين: ها خلصتي
ايلا: اي ماما وانتي لسه ماشبعتو حجي
نسرين: اني حبدل هسه على سريع ولج شسوي اذا الكلام ميخلص ناس تجر طول و ناس تجر عرض
ايلا: ( طلعت وهيه تبدل طبعا ماما حلوه و صغيره يعني عمرها توها صارت 30 )
نسرين: ها يلا امشي خالج ينتضرنا
ايلا: يلا ( طلعنا ماما كعدت بالصدر واني وره طبعا اتقصدت اخذ فلوس وحدي بجنطتي لان راتب بابا جاري علينا و راتبه خير من الله الله يرحمه)
جلال: يمعوده هوه تلكيه كاعد يم الكح** بحال زواج الغيره هسه عشرين جاهل وراه ما شوفي ما مفكر بهيج سالفه
نسرين: لا تضلم حضك و بختك جلال تره إسلام تاب من هاي سوالف من زمان
جلال: دروحي والله ابو طبع اسالي عن سلامته
نسرين: عيفه مو هم من يجي تعاركه يمعود بزعنا من المشاكل
جلال: لا يختي شعلي بيه يلا انزلن ودكي عليه من تخلصين
نسرين: تمام مشكور يلا ماما
جلال: كل هلا يابه
ايلا: ( نزلنا ماما هم محتاجه اشياء ضلت تختار كوتلها راح اروح لابو الاعشاب الي اهنا
نسرين: تمام مو تروحين بعيد
ايلا: لا اهنا ( رحت بسرعه )
ايلا: مرحبا
اهلا
عمو عندك شي يسمن
اي هواي عندج شي معين لو تريدين انه انطيج
لا لا اريد احسن شي و مفعوله قوي
شيسمن تردين
الوجه و تكبير الاشياء يعني
فهمتج عمي فهمتج بس اذا ترديه يبين من اول اسبو سعره غالي
عادي اي سعر بس اريد يبين بسرعه
خوش هاج هذا تخلطي و تشربي قبل الاكل الصبح و بليل و لا تشربين اي منبهات من تاخذي
تمام عمو شنو سعره
الجيس ب 90 بس صدكي ماتلكين شي فعال بكده
تمام اتفضل ( اخذته ورجعت )
ها شاخذتي
اخذت اعشاب تقوي الشعر تعرفين شعري صاير يساقط هل فتره
همم يلا تعالي اخذي ملابس
( اشترينا عدة ملابس للدوام و للبيت و طلعه و ماما اخذت اشياء اسود طبعا اني ماقبلت البس اسود و حتى اني ماعندي ملابس اسود خابرت و ضلينا نتضره اجه كبل صعدنا )
جلال: هاي شني شارين السوك كله
هههه لا خالو اشياء نحتاجها ( وصلنا نزلنا الاغرض و بقى بس كيس واحد طلعت اخذه وشفت واحد شاب لازمه )
عفوا لويش ماخذ كيسي
شني
الي بايدك ماتي
ههه قصدج علاكتج
امم
اتفضلي
انتي من يا عمام
شنو يعني يا عمام
وجهج منقش مو جنج بنتنا
..........
للروايا بقايا ❤️
حبايبي تابعوني انستا انشر اشياء تخص الابطال mi_itss5 تعبوا نفسكم شويه دعموا القصه
وتابعوني أهنأ علمود نكبر اهم شي تعليقاتكم اتشجعني اكمل و تصويتكم حبايبي تفاعلو