هلو جمراتي عود ليش بس تقرون وما تصوتون ولا تعلقون راح ابجي
الكاتبة جمرة الزيادي
شريان :خف علينا يا براد بيت هو منو مكلبك
سادن: يبووو مو لسان لسان دلاله الله يكون بعون الي ياخذج
شريان :سوده عليه فكرت بالي ياخذني اصلا هنياله وهنيال أمه بهيج خلقه
سادن: اذا أشبه القرد بيج اجرح مشاعره
شريان:ماقرد غيرك يا سطل يا ابن السطل
سادن : هاي عليمن
شريان:عليك طبعا اكو غيرك بالله
سادن: هنا اكبر غلطه سويتهه ضربتهه راجدي وياريتني ما ضربتهه
شريان: شو هذا ضربني راجدي بس والله يوجع بس اني الك انت جبته لروحك 😈
سادن :صارت نظراتهه شريره كلش الله يستر خلي اروح للبيت افضل
شريان: وين رايح بعدنه ما صفينه حسابنا شو تعال وانطيته دفره بطنه وذبيتله رجل وكعته بالطين وشيعته دفرات
سادن:خرب بطني متت هاي مو بنيه احلف عليه زلمه
شريان:خليته مدد بالكاع ورحت للبيت وكانه شي لم يكن ماماااا افتحي الباب
وريد: ولج جايه. شهل صياح جنج دلاله
شريان:مو ثلجت والله
وريد: ولج هاي شصاير بيج ليش مطينه هيج ادخلي لا تتمرضين
شريان:جلب مجلوب ركض وراي واحد أجلب منه وخره عني
وريد: الجلب المجلوب عرفنا الاجلب منه منو
شريان: سادن يمكن اسمه الحقير
وريد: ولج ام لسان لا تتجاوزين ع الولد موزين ساعدج صدك نكارة جميل
شريان:جميل تزوج وعنده جهال اربعه
وريد:بلا تفاهه اكول
شريان:تفاهه لو برتقاله
وريد: امشي ولي بدلي لا تتمرضين
شريان:حاضر يست الكل
في مكان آخر
سادن : شهل بنيه صدك خبله مو بشر حمار
سناء:هاي عن منو تحجي يمه
سادن :وحده خبله اسمعه شريان
سناء :بنت وريد
سادن :شمدريني بيهه
سناء: هههههههه اي شمدريك مو
سادن :اي ما ادري ولا اريد ادري خليهه تولي صوجي ساعدتهه اصلا
سناء:يلا يمه بدل خلي أصب الغده اني
سادن : يمه كولي لفرح تغسل ملابسي
سناء:صدك جذب تدلل ولج فراح. فررح وينج
فرح :ها يمه كولي شكو هبطتيني
سناء:كافي عياره عرج ميطبج
فرح :المهم امريني مامي
سناء:عدلي حلكج ولج اغسلي ملابس اخوج
فرح :يدلل سدونه شعندي غيره
سادن :بيهه مصلحهه احجي من الاخير
فرح:ممكن نتعرف
سادن:لا ما تعرف على هيج خلق حلوه ذبي البحصه
فرح :حباب تشتريلي الله عليك
سادن :جاي تحسسني اني ابد ما مشتريلج
فرح :هههه يا عيني هاي تكتيكات الاخت الصغرى ادم اليتيمه مع دمعتين مؤثرتين
سادن:هههههههه ما تكعدين راحه ابد
فرح :المهم اريد جبس ليز وروبه بليززز
سادن :تدللين عيوني
في مكان آخر
محمد : اكلج وريدي خلي جايه عطلة نص السنه خلي نسوي سفره لاربيل
وريد : والله خوش فكره خلي اكول لبيت ام سادن حتى يرحون ويانه لان ملل اذا رحنا وحدنا
محمد : خوي رأي
شريان : سمعت اكو اراء حلوه وتنمدح اطربوني
محمد :بالعطله نروح لاربيل نتونس بس مو من هسه تحضرين جنطج
شريان :افى اله اخذ الكنتور كله لا توصي حريص هههه
يتبع
هلو جمراتي ادري بعدهه القصه ما باينه احداثهه بس لا تنسون التعليق والتصويت حتى استمر