#مدينة_الحُب_لا_يدخُلها_العُقلاء
بقلم الـظل 📍
لتنسون التصويت والتعليق بين الصفحات 💙
ولكني أقع في الأشياء وقوعًا عميقًا لا أعرف الوسطية
وهذا سبب مأساتي
حل الصباح وكل شخص ذهب الى عملة الى دراستة بدت تحضيرات العرس والتوتر ملى البيت
مجوده :- حبيبة خزومه لا شيلين هم هاي بناتي خلصن تنظيف تريدين شي منهم كليلي
خزامة :- بعد روحي روحج حبيبه ماعدنه شي والله البنات مقصرن كليوميه ينظفن بس مكادره على فراك بنيتي
مجوده :- افا عليج جا احنه جيران بصفكم شنيه عوفي البنات يزوجن
قاطعتهم اسمهان :- اي عيني خل تعوفهم على حل شعرهم
صفنت بيهه مجوده دتشوفها مو على بعضها وتحمس بروحها :- شبيج بويه صبوحه وياج
اسمهان :- لا مجوده مابيه ههههه الخير والبركه انتو
مجودة :- يله اودعناكم ورانه شغل ماوصيجن شتحتاجن كللي
خزامة :- فدوه لكلبج رويحتي
سلمت عليهن مجوده وراحت
جنت كاعده بـ المكتب داحضر للاجتماع متحمسة كلششش
جمانه :- حبي المدير يريدج بغرفته
فيروزه :- اوكي قلبي
رحت للمكتب وبيدي اوراق دكيت الباب
علي :- اتفضلي عيني
دخلت لكيت الدخان مالي الغرفه وريحة عود خليجي ضليت اكحكح
:- رايدني اُستاذ
علي :- على كيفج اتنفسي
راح فتح الشبابيك
فيروزه :- اي تفضل شسوي
علي :- شبيج متشنجه على كيفج
فيروزه :- ابتسمتله ) اي
علي :- اكعدي وانطيني الاوراق الوصيتج عليهن شنو رأيج اكو غلط
فيروزه :- باوع اني قريتهن ودققت كلش زين بـ الموضوع بس لفت نظري شغله هيه الشركة المانيه
علي :- اي نعم المانيه
فيروزه :- منو المترجم
علي :- بنية تجي
باعلي بقلق :- اكو شي احجيلي
فيروزه :- اخاف احجي وتكولي تتبلين عليها
علي :- لا بويه احجي اطمئني
طلعت الاوراق كلها وطلعت الاسعار بين الاوراق مع ترجمة العقود :- باوع هنا متفقين السعر هلكد وهاي الورقه سعرها هلكد اعتقد هاي النسخه الكدامك يطلعوها وهاي واكعه من المترجم شخصياً لان شوف مكتوب اسمها وتوقيعها هم
علي :- صدك تحجين
باوعلي مندهش من الشافه وضل وجهه يكلب الوان
فيروزه :- ليش متسوي اجتماع وتكشف الموضوع
علي :- شلون اني تيهت
فيروزه :- باوع اني دارسة لُغات خليها تجي وتجتمع وياهم وخليني اكون بينكم ورح اكشفلك كلامها
علي :- صدمتيني انتي هسه اني جنت بخدعة يعني
ضرب الطاولة بـ ايده وزهك من الموضوع
فيروزه :- انتو اتفقتو ويا لولا
علي :- لابعد صار جلستين بس دنتفق على البروتوكول
فيروزه :- لعد الله سُبحانه وتعالى نقذك
علي :- ماعرف شلون اردلج هل معروف شلون مااعرف
فيروزه :- يله ميخالف تكبر وتنسى هسه محتاج شي
علي :- ههههههه لتضحكيني والله نعقجت وين جانت مضمومتلي
اباوعله متخيب ومنقهر وجهه ضحك بخيبه
فيروزه :- تره عادي مدامك انسان ناجح وطيب رح تلكه هواي نماذج مثلهم بس مدام عرفنه فـ حقك بيدي اني اعرف شلون رح اخليها بـ الحبوس تعفن
علي :- هههههه والله طلعتي قوية
فيروزه :- شغلنه هذا اُستاذ يله تريد شي
علي :- تفضلي عيني
طلعت واني كلي انتصار وفرحة اكره الاستغلال والاستغفال اكره اليتقاوه على الضعيف
رياض :- ها حبيبي بعد شعندج
سمره :- حبيبي ممغوصه
رياض :- هيه جكة ابره يروحي
سمره :- ادبسزززز
صرت حمره وهوه يحاجيني هيج يباوعلي وضحكته الحلوه ونظراته الحاده والسرسلوغيه
رياض :- اخ اقاوم كلشي بـ الحياة حته الموت اذا كرفني اوكف كدامه واكله بس سمره تموتني بس سمرتي تاخذني بيدها للموت خدودها الترفه وايدها الحلوه
انه نقطة ضعفي سمره يلمتمرده اعلى الذوق اول سمره وتلالي
يحجي بحركة ولهفة وهيمان بيه :- اني بكل مره افشل من كلامك على كد ماحلو احس ماقدمتلك شي اريد اقدم بعد اريد انطيك حب
اريد اكدر لكلبك شلون اني وياك
رياض :- الله خلقج بس اليه وهذا اكبر عوض الله ينطينيا شكد الله حبني وخلقج شكد شال حُب ونطاني
سمره :- احبك يا دوه جروحي
" نترك ابطالنه ياخذون راحتهم
مريت على المدرسه ودخلت عود تفتيش وكذاءءء
المديرة :- كل الهله والله
باهر :- هله بيج ست شلون الصحة بشرينه
المديرة :- تطمن الوضع ممتاز مُحاظراتكم دتسوي تحفيز
باهر :- اكدر اخذ لفه عليهم اريد اتطمن على بناتنه داشوف مُحاظرين هواي بهل خصوص
المُديرة :- اكيد تفضل
طلع باهر ويتمشى بهيبتة وزيه العسكري جانت فُرصة والكل طالع بين الصفوف والساحة كل البنات يباوعن عليه وهوه عيونه تدور عليها طلع بره ولكاها كاعده وبحضنها جباسه وصايره حمره من الشمس توجه عليها بـ ابتسامة جانبية
- صباح الخير عيني
جنت كاعده اكل ومندمجه وارفع راسي الكه باهر لك باهر ليش تجي بـ اوقات غلططططططط
- رفعتله تك حاجب واللكمه بحلكي :- هممهمم هاي شجابك
- لتغصين حياتي
نفضت هدومي وشلت جباستي ووكفت طول بطول ويا :- انته شكد تلحك بييييه
- ليش متدرين
- بقلق :- ليش شكو عزه
- ليش طالعه هنا
- ليش حتضربونه ننوي
حك خشمة ومدنك وجهه عليها وهيه رافعه وجهه عليه ومقوسه عيونها من الشمس والبنات الي يباوعون عليها
- فوتي جوه حبيبتي لان شمسين معناها احتركنه
نبرة صوته وهوه يكولي حبيبتي ونظراته الي تاكلني اني شلون حطلع من هل مأزق ربيييي :- ش شبيك باهر ليش تبجيني خرب
- ههههههه هسه ادري شمسويلج
برطمت وباوعت عليه بتوسل :- الله عليك البنات ديباوعولنه والله عيب اشتهرررررررنه
- هسه ردت روحي
- وخر يله ردت روحه ليكول اني سبلت كنتوري
- اوف لج انتي مكيف ابو ست اطنان
- فشلتني ونبي هاي البنات حيهجمونييييي وره متروح
جاوبني بحده :- اشك حلكها لتحاجيج
- ديله كافي روح
عدل نفسه ووكف بصوت عالي حجه يسمع البنات :- بنتي ماوصيج الاجراءات بـ ايدج وان شاءالله المستجدات ناخذها منج ديري بالج على بناتنه
باوعت عليه غير الموضوع وحجه بجدية واني بداخلي ميته ضحك على تصرفه بس همزين خلصني من ذني الدودات
- حاظر سيدي
دخل علي على المكتب والموظفين تفاجئو بطبته تقرب على طاولتي واردف
علي :- فيروزه ربع ساعه والكاج متحضره
فيروزه :- وين ليش شكو
علي :- اخذت موعد ويه مختص بـ هذاك الموضوع
فيروزه :- حلو روح شوفه
علي :- جا وانتيي
فيروزه :- شعلي انته ابو الانه غيررر
علي :- ماكدر اثق بـ احد غيرج بهل موضوع فـ يله لتدللين علينه
فيروزه :- خلي اخابر بابا
علي :- يله بين ماطلع سيارتي
اتصلت على ابويه
صُبحي :- هله ياريم الفله
فيروزه :- هله بنور عيني
صُبحي :- إمري بنيتي
فيروزه :- بابا عدنه موضوع ويه شخص مختص بخصوص الشغل وكلولي انو اروح وياهم كلت اكولك
صُبحي :- اذا شغل روحي بنيتي الله يسهلج خابريني من تطلعين حته اجي اخذج
فيروزه :- فدوه لكلبك حبيبي
سديت الخط وكمت اخذت جنطتي ونزلت جوه
طلعت بره لكيته منتظرني بـ السياره
ناصر :- كلتلج مو وكتها ليش تلحين
- اخذني الهه طكت روحي والله ارحموني فرفحتوني
ناصر :- اكلج هيه بيدي شو اني منعول والديه من وراها ومن وره حظي
- انته اخر املي متأملة بـ الله وبيك
ناصر :- صدكيني تعرفين شكد مكانتج غاليه عندي بس بتج رعنه عنوديه اذا عرفت ت.... خواتنه عبالج تاخذج بـ الاحضان ست امل افتهمي صارلج 24 سنه ساكته هسه حبكت تحجين
امل :- انته تعرف بس انته تجينه حته صُبحي عافنه
ناصر :- والله لو تشوفين حاله اله تبجين هاي اسمهان الكح .... شمسويه بيهم عمي اني منه انتحر
امل :- تعال هيثم جيب لناصر الورقه الي وصلتلنه
صفن ناصر شنو ورقه شصاير طب هيثم وانطاه الورقه ولكه بيهه رصاصه ومكتوب صُبحي
ناصر :- هاي شوكت اجتي
امل :- قبل شهرين هيج
ناصر :- محجالكم صُبحي خطفو ولعبو بي لعب طلعنا من حلك الموت
امل لطمت وهيثم لازم امه ويهديها
- يعني ابويه بي شي
ناصر :- لا حبيبي جا انه وين طلع والحمدالله
امل :- زين شلون لعد مكللنه
ناصر :- اعذري عمه اعذري بس اطينه مجال نفض عرس رياض واني احاجي
هيثم :- ماعندك صوره الهه نشوفها
شاف لهفتهم عليها طلع صورتها من محفظته وانطاها الهم يشوفوها
امل :- يمه بنيتي هاي معقوله كبرتي هيج
ضلت تبجي وهيثم يباوع ع صورة اخته ويبجون عليها طكت دمعته على اخته وناصر يباوع بقلة حيله عليهم
كعدنه بـ مكان عام كوفي بداخل مول
علي :- مازن يعني هاي الي مكتوب عندي بـ الكومبيوتر مُزيف
مازن :- اي نعم وهاي الملفات كلها هم
فيروزه :- بس ممعقوله وحدها اكيد اكو من ساعدها
علي :- يعني اكو جاسوس بشركتي
فيروزه :- لان ماعتقد وحدها تكدر تسوي هذا كله
مازن :- اتفق وياج الموضوع موسهل هذا لعب كبار لان المناقصه جبيره
علي :- وشلون حعرف اني شسوي هسه
فيروزه :- اعتقد لازم نعقد اجتماع طارئ بين كل الجانو موجودين بـ الاتفاقيه الاولى وهيج رح نكشف منو متعاون وياها
مازن :- عفيه تفكيرج سليم
علي :- مازن فيروزه الموضوع بيناتنه لحد مااحاول استوعب واعقد اجتماع اريد ثنينكم موجودين
مازن :- ماكو مشكله علي لتشيل هم احنه وياك بس لازم تنتبه بلشركة لان الواضح اكو عميل الهم يوصل كُلشي
فيروزه :- صحيح خلي الوضع طبيعي
علي :- ماشي هسه خل نرجع ويصير خير تعبتكم ويايه
مازن :- ادلل ضلعي شوكت متريد حاظرين
فيروزه :- واجبنه هذا
كمنه من الكوفي وراح مازن وضل علي يمشي ويايه فـ اكو محلات بـ المول كلش حلوات ابحوش بعيوني على الملابس بلكي الكه فستان لعرس سمرمر
تمشي وانتبهت على عيونها تتفحص بـ الغراض
علي :- تريدين تشترين شي
فيروزه :- عندي عرس بت عمتي باجر فـ دادور فستان لهسه ملكيت
علي :- عندج عرس ومتكليلي تعاي نفوت هذا لمحل
دخلنه لمحل كله فستاتين شي احلى من شي
فـ طلعت فستان لونه اصفر فاهي هذا الي لونه فاتح بي جاكه ودلعته مربعه ونص ردن متحركة فد مرتب ونازك
علي :- ها عيني بشري
فيروزه :- اريد اخذ هذا يجنننننن
علي :- ذواقه والله يله امشي
اخذت قياسي ورحت لابو المحل
الولد :- الحساب 45 الف
علي :- هاك عيني
فيروزه :- لا اني ادفع
علي :- اخصمهن من راتبج
باوعت عليه بحده :- ماريده
علي :- هاي شبيج
فيروزه :- والقران مااخذه
علي :- فيروزه شبيييج تخبلتي شنو قيمته هيه
فيروزه :- خلص طلع من كلبي ماريده
علي :- صدك تحجين
فيروزه :- ونبي
باوعت لابو المحل :- اخويه ماريده تسلم
عفته وطلعت وعلي ورايه يمشي متعصب :- لج شبيج شبيججج
فيروزه :- اني ماحب احد يشتريلي او ميسويلي اعتبار ليش تحسسني انك تشفق عليه شناقصني وماشتري الروحي
باوعلي بقرب :- موقصدي والله مجانت نيتي هيج والله
فيروزه :- اي يله امشينه
علي :- اسف
فيروزه :- عادي
- لج هاي مو فيروزه منو هذا الوياها
- هههه كواااا.... قابل منو
صار العصر وكلشي تمام البنات مرتبات وضعهن وديعدلن ملابسهن
الاء :- شوكت تفضنها عاد
رفل :- دفضيها انتي عاد
منار :- صايره عركه عل فضه ههههههه
سمره :- باجر طركاعتي الحنه منو تجي وياااااي
منار :- احنه طبعاً هاي العايززززه منجي
الاء :- اي نروح ويااااج
رفل :- غير رياضج ي.... خوات خواتنه اذا نعوفج
فيروزه :- طالعه عيييينج خرب شلون تعلوم
رفل :- حبيبتي انتي فرزوتنه
الاء :- غطي عله عمايلج بلسانج لحلو حبيبتي
رفل :- الشغل يريد حوبي
سمره :- هههههههههه تافل بحلكج روضي معلمج كل سوالفه مبروك عليج حياتي
الاء :- بنات البارحه صارت شغله خنكللكم عليها
منار :- سولفي خاله
كعدت الاء تسولف على تصرف فرهود وشوفتهم اللبسه الي جابهه الهه تفاجئو البنات وفرحو
- طلعنه كلنه بصاله يم امي وخاله اسمهان ولتمينه نسولف ونضحك فجئه ندك لباب طلعت اشوف منو فتحت لباب
منار : تفضل
لمندوب : هذا بيت ست فيروزه صُبحي
منار : عكدت حواجبها ) اي هوه اتفضل
لمندوب : هذا طلب الها ممكن تجي حته توقع
منار : لحظه
دخلت ولفضول ذابحني ركضت ع فيروزه
فيروزه : شبيج لج شكو
منار : اكو مندوب وجايب الج شي بسرعه اطلعي
رفل : الله شنو جايب
الاء : هديه من موعجبب عتقد
سمره : هسه سكتن كومي انتي بسرعه
فيروزه : كمت واني افكر منو طلعت ) تفضل عيني
لمندوب : ست فيروزه
فيروزه : اي اني
لمندوب : هذا لبوكس الج هديه ممكن توقعيلي هنا
فيروزه : بستغراب ) من منو هذا لبوكس
لمندوب : ماعرف اختي وقعيلي ع طلب
فيروزه : تمام وقعت ع طلب واخذت لبوكس وفتت للبنات واني مستغربه منو يجيبلي هيج بوكس
منار : ها بشري شنوو
فيروزه : ماعرف خل افتحه ونشوف
رفل : يله فتحيي شمنتضره
فيروزه : فتحت لكيته مغلف وخرت لغلاف لكيت نفس لفستان الي عجبني من جنت طالعه ويا علي ستغربت لكيت ورقه صغيره مكتوب بيها
" الصراحه اني اعتذر ع تصرفي مجنت اعرف راح تزعلين او ترفضين تاخذين الفستان بس نيتي جانت صافيه والله شاهد ع لعموم حبيته عليج ومحبيت يبقه بخاطرج واكرر اعتذاري انسه فيروزه "
الاء : ياااايييي حبيتتت باع لاعتذار ولكياته ولفستان يملخ
منار : معجبب ويكول انسه مستحيل ذبتت
رفل : اريد اخو هذا هيج عنده اخلاق وحترام اخو شلون
سمره : خربت ضحك عليهن ) ولجن صبرن لبنيه صارت حمره
فيروزه : نصدمت ) بنات شنو ماعرف شسوي صدمني
منار: فاهيه ماعليج عتب ديعتذر منج
فيروزه : بتسمت ) ماكو داعي اصلاً اني عفته
رفل : هوه شنو لموضوع دسولفينه
فيروزه : حجيت لموضوع كله الهن وهنه فاتحات حلكهن ) وهاي هيه
الاء : لزموني معت من لطافه يعمرييييي
منار : ولعباس متربي مرتين هذا لطافه وجمال
رفل : اذا متريدي انطينيا فيروزه ولا اكلج اريد اخو
سمره : مبين خوش ولد لان عرف غلطه وهم جانت نيته صافيه ف حبيت موقفه
فيروزه : ماعرف بس هم ماريده شسالفه ماحب هيج شخص ينطيني شي منه احس يعطف عليه
منار : خاب دنجبيي متعرفين بلمسلسلات انتي هاي اقوه لقطه جنت اتمناها تصير وعبالي جذب طلعت صدك
الاء : اي ولعباس عبالي اتفاق عشت وشفتها ومضلت بنفسي يايابه
اسمهان : هاي شديصير هنااا
رفل : ماكو شي يمه
اسمهان : تقربت لزمت لفستان بقوه ) منين هذا
الاء : شبيج يمه فيروزه وصته وهسه وصل
اسمهان : تضحكن عليه ادبسزيات منو هذا يا كوا... جابلجيا
فيروزه : بغصه ) مديري بشغل جابليا
اسمهان : اييي مو اني عرفت حتصير مكو... بس عاندنييي الرجال
سمره : شسالفه خاله تره اعتذر منها
اسمهان : يعتذر منها ع شنووو يجيبلها فستان تريدين تجيبلنه لعار لج قندره
فيروزه : ميجي ليوم الي اجيب بي لعار اني بنت صُبحي وتربيته عمري مراح اسوي شي غلط وتحلمين بهل شي
اسمهان : نجبي عايقه بربوك كح.. من هسه خليتي زلم دك بوبنه باجر عكبه الكيج بنصهم
منار : جانت هاي لحجايه صدمه النه فيروزه فتحت عينها بكل وسعها ) صدك جذب شهل حجي خاله
الاء : كافيي يمه طوختيها تره ع اقل شغله وحجيتي هيج شنو جايه من شارع هيه فيروزه هاي تره اشرف من شرف
اسمهان : نلصمي لج انتي ثانيه اشك حلكج اذا حجيتي اي هيه جايه من شارع بلاء جاي ع راسيي وراس جابني
فيروزه : كل كلمه تطلع منها تكسر كلبي كسرر اباوعلها ولازمه دموعي ماخليها تنزل وبكلبي نار ) جيبي
اسمهان : تريدي موو صبريليي ام زلم
" راحت جابت مكص وجرت فستان وكصكصته كله خلته وصله وصله تكص وتحجي
اسمهان : وهيه تكص بلفستان ) تريدين زلم توكف بابي باجر عكبه يصيحون علينه يفوتن زلم مشايفه رعنه عينج فارغه تركضين ع زلم علمود ملابس
رفل : لا جيبي ليش تكصيي حرام عليج
الاء : دكافييي شهل ظلم هذا وين عايشه انتيي وحق الله لو ما امي جان عرفت شسوي
اسمهان : بصدمه ) لج توكفين بوجهي علمود هاي لعار
الاء : اوكف بوجه شكو واحد يحجي ع فيروزه كأن من يكون واحط اصبعي بعين كل واحد يباوع لفيروزه بنظره وصخه
اسمهان : هوه معرفت اربي عفتجن يم هاي لعار صرتن كح.. مثلها
فيروزه : نكسر خاطري ودمعه نزلت غصب عنيي احس روحي شتعلت نارر دائماً فرحتي متكمل لازم تخربها عليه وتخليني اتحسر ع فرحه
سمره : هاي ليش خاله تره عيب شهل تصرفات
منار : تره ماله داعييي هل لحجي كله الي يسمعج يصدكج عيب خاله كسرتي خاطرها علمود شنو
اسمهان : لحد يدخل اني وهاي لعار اعرف دواها شنو تريد تجيبلي لعار راحت شتغلت مصارلها يومين بدت لمكو.. وزلم دك لباب
رفل : حقدت ع امي بسبب هل تصرف ) دكافييييي
الاء : عبالج كسر لخواطر هين الله يشوف تره خلي الله بين عيونج
اسمهان : تره وحق الله هسه افنيجن فنييي كح..
فيروزه : عفت كلشي ودرت وجهي وصعدت فوك فشلتني وخلتني هلكدوتني كبال لبنات
سمره : كسرت خاطرنه فيروزه صعدت ودمعه بعينها وكلنه متنه قهر عليها
الاء : هسه زين خرب بدنياا هسه رضيتييي
اسمهان : صوتج لاتعليي حيوووانه طبها مرض
رفل : هاي عود انتي امنه وهيج لعد لغريب شيسوي
منار : كافي بنات اهدو
خزامه : صلو ع محمد شصاير هنا
سمره : خاله اسمهان دارت وجهه وراحت وخلتنه ميتين قهر ماكو هيج ام مرات احس فيروزه مو بنتها ولو هيه حته ع الاء ورفل شامرتهن بس فيروزه دائماً تكسر بخاطرها دوختنه
منار : ماكو شي يمه اهدي
خزامه : بحركه كلب ) شبيها هاي لمره نجلبت ع لبنيه متخاف ربها
الاء : لازمه دمعتها وتحجي ) لو تخاف مجان هيج سوت وكسرت خاطر فيروزه
رفل : بغصه ) تعودنه دائماً نشوف فيروزه مكسوره بكل فرحة
منار : تقربت حضنتهن ) امشو نصعد فوك لانعوفها وحدها
سمره : اصعد خل الم لهوسه واجي
" صعدن لبنات فوك وبالهن يم اختهن الي مستحيل بيوم تكمل فرحتها
" دخلت للمركز ادور ع هذا لكوا.. ماهوه سئلت لعسكري
فرهود : شلونك عيني
لعسكري : دكله تحيه وجاوبه ) اهلاً وسهلاً سيدي بخير اذا انته بخير
فرهود : بعد روحي دومك اكلك لنقيب باهر وين
لعسكري : ماموجود سيدي طلع
فرهود : مكال وين راح
لعسكري : لاسيدي طلع هوه ودوريه
فرهود : خوش من يجي كله يريدك بلمكتب
لعسكري : حاضر سيدي
فرهود : خوما محتاج شي كول حبيبي لاتستحي
لعسكري : ب احراج ) والله سيدي محتاج
فرهود : كول شنو تريد
لعسكري : بتردد ومستحه ) سيدي فدوه رحتلك مرتي راح تولد باجر ورايد اجازه واخاف نقيب عمار مينطيني
فرهود : هزيت راسي ) عتبرها وصلتك حبيبي
لعسكري : صدك سيدي
فرهود : افااا كلمتي ماكررها
لعسكري : اعتذر سيدي فدوه رحتلك الله يخليك ويحفظك
فرهود : بتسمت ع فرحته ) حبيبي نشاءالله يتربى بعزك
لعسكري : تسلم سيدي يوم الي الك
فرهود : بتسمت ) حبيبي نشاءالله يله عود لاتنسه
لعسكري : صار سيدي
- توجهت لعمار لخايس صاير يخوف ولناس تحترمه معرفته لكوا.. فتحت لباب ودخلت كبل
عمار : وجع دك لباب شبيك هيلك
فرهود : كعدت ع لكرسي ورجلي فوك لطبله ) دنجب لك شلون نعال واحترمك وادك لباب
عمار : كوا... ماعليك عتب شرايد خير شعجب ذاكرني
فرهود : شكد خايس منو يوميه يدزلك غده ويذكرك
عمار : اي بعليي بس هم تبقه نذل شتريد فضني تره شغل لراسي
فرهود : شصار ع لمهمه
عمار : وهوه يدخن ) كملت بقه بس نباشر بيها بس ورياض رايدي
فرهود : ك..ي رياض ملتهي بزواجه
عمار: حرامات يضيعها لان بيها ترقيه
فرهود : لا شيضيعها هسه ناصر يرتبها
عمار : صدك شو ماكو همه
فرهود : ناصر بمهمه ليوم وماكو مختفي تعرفه من يختفي
عمار : يعني الله يستر اكيد ديخطط يسويهم تشريب
فرهود : اي وعلي ورياض ملتهي ديكمل جهاز عرسه مخبوص
عمار : الله يسعده يوم الي النه وننخبص هم
فرهود : سحب نفس من جكاره وتنهد ) اي والله طكنه جفاف
عمار : خويه حياتنه خطر خل نأمنها ياله نأمن نسوان بركبتنه
فرهود : هوه هذا لمصبرني بس مبقه شي وتترتب
عمار : نشاءالله اشوفك عريس ضلعي وتصير رجال
فرهود : ك.. اختك لعد هسه اني شنوو لاتخلينيي افشكلك
عمار : ضحك بصوت عالي ) نجب لك خزي كول شتريد
فرهود : اكو عسكري بره اسمه حازم احمد
عمار : اي هذا حمايتي شبي
فرهود : انطي اجازه خطيه مرته عندها ولاده ولازم يحظر
عمار : لا ماكدر غيرر شغل فوك راسي ومهمه شلون انطي
فرهود : نجب لاتتحيون سهل امر ناس الله يسهل امرك لاتوكف بطريقهم
عمار : صار يابه هاي اجازه اله يومين شتريد بعد ادلل
فرهود : كسرت عيني كوا..
عمار : شعدنه غيرك ابو لفراهيددد لتاج ولباج
فرهود : بعد روحيي يله اني رايح
عمار : وين بعدك هسه اجيت
فرهود : لا منتضر باهر اريد اشوفه وين وله غير مره اجيك
عمار : تنورنه ضلعي
- طلعت وبلغت لعسكري ب الاجازه فرح وضل يشكرني ويدعيلي عفته ومشيت شكد افرح من اسهل امر ناس احس بفرحتهم واسمع دعائهم هذا احلى شي ويهون لتعب
" صعدنه لكينه فيروزه حاطه راسها بلمخده وتبجي سوده عليه كسرت كلبنه رحنه يمها
الاء : فيروزه حبيبي لاتبجين فدوه الج والله
رفل : لاتنقهرين مو تعرفيها هيه عليج الله كافي
منار : سوده عليه حبيبتي والله اله اجيبلج احلى منه
سمره : شو رفعي راسج خل نشوف لكمرر
فيروزه : رفعت راسي وشفتهن يمي مسحت دموعي ) مابيه شي بنات
رفل : لعد ليش تبجين
فيروزه : هيج طب شي بعيني
منار : دنجبي تضحكين علينه طب شي بعينها وهيج شلال لدموع
فيروزه : هوه اني اصلا ام دميعه
الاء : لا محبيتها منج شوكت انتي ام دميعه شو دمعتج اعز من عدنه
سمره : لاتنقهرين حبيبتي نجيبلج الاحلى
فيروزه : بغصه ) مانقهرت ع لفستان طز بي الي قهرني تعاملها وياي
الاء : معليج احنه يمج محد يكدر يكسر خاطرج والله
منار : فدوه يروح كلشي الج ميخالف تهون
سمره : ماعرفناج هاي انتي فيروزه الي دمعتها عزيزه وميهزها شي هيج تبجي
فيروزه : بس امي كسرتني
الاء : تقربت حضنتها ) محد يكدر يكسر فيروزه بنت صُبحي ع سن ورمح
رفل : حضنها من جه ثانيه ) واخت رفوله طبعاً لان اطيح حظهم
منار : رحت حضنتها اني هم ) وصديقه منار اشك حلك الي يتقربلج وعلي
سمره : واني شنو سولي مجال تقربت حضنتها ) نكلب لدنيا علمود بس نشوف ضحكتج
فيروزه : شكد القهره بكلبي بس فرحني بكلامهن لوما هنه جان محد بحالي ) دتخجلوني بنات
رفل : افا عليج نخجلج شنو فروزه
سمره : وخرت منهم ) لكم عيني هاي بخطرر رياض مهكرها
منار : هسه يطلع رياض بشكل رفوله ويسمع علينه
الاء : لا لو هوه جان من هسه شاف لوضعيه طكنه ب علو صوته
رفل : وهيه تكملها ) تسكتون لو ان.. خواتكم
" خربن ضحك لبنات عليها وهيه تحجيها "
سمره : يمه عزززه موكتلكممم داخاف
فيروزه : طالعه عينج رفل كلشش
رفل : بتمسكن ) اني شعليه همع علموني اني اصلاً ماعرف
منار : لحيه مومثلج من تتمسكن يمه منج
رفل : وداعت نضوري همه علموني
الاء : لا صارت بيها نضوري خلص صدكناج
منار : حربحظي رفل تحلف ب كراشها واني ماحلف امداني
الاء : وهيه تغمرلها ) حلفييي بهورييي
منار : كمزت عليها اضرب بيها وهيه تضحك ) جلبه حقيره
فيروزه : عزه ولج عوفيهاا ههههههه يمه حموت
سمره : لج لخبله عوفي لبنيه
الاء : يبووو ولكم حتموتنييي وخري اريد البس فستان وبعدها موتيني
منار : اي طبعاً مال فرهودج طبعاًً تلبسي
الاء : وهيه تعدل نفسها وتحجي بدلع ) طبعاً غير فرهودي جابه الي
رفل : لخايسات بعد وحده عدها بهوري وثانيه فرهودي عبالك عركه مو اسامي
الاء : وانتي نضورييي وسمسم رياضووو
سمره : خل يسمعج دكليله هيج يلطم ع راسه
منار : تغمز وتحجي ) بس هذيج لوحده لهسه منعرف علاوي لو نصوري
فيروزه : نجبي معليه بهل سوالف اني
رفل : بنات شنو شتاقيت لناصرر ماهوه
الاء : قصدج شتاقيتي لحلويات ناصر
منار : لاصدك شو هوه هل الايام ماكو ميجينه قبل يوميه يمنه
فيروزه : ماعرف ليش احس صدك مشتاقتله لان ماكو قبل يجي اسولف ويا نتناكر من هذاك لموقف وبعد مشفته ) اي صح
سمره : شوف وين يجوز عنده شغل
الاء : كمت وكفت بنصهن وحجيت بصوت عالي ) ب ما انو ليوم توديع عزوبيه سمسم ف شنو كومو نسوي ماسكات وتنضيف بشره ونشغل اغاني
منار : بس انتي تفهمينيي يله بنات خل نودع لعزوبيه
رفل : انتي شكوو هيه تودع
منار : نجبي اني هم اودعها هسه يله كومو
سمره : وحق الله من جبتو طاري توديع لعزوبيه صار عندي مغص
فيروزه : مالي خلوك اني روحو انتو
منار : جني سحلتها ) شو انتي اول وحده كومي يله الاء ضلع
الاء : كلبي وغراضه امرني ضلعيي
منار : فدوه لكلبك اغاني ع ذوقك بعد روحي
الاء : وهيه تشغل ديجي ) تأمرني أمر ضلعي
رفل : طلعت غراض ولماسكات ) يله نلبس كلنه نفس الشي
منار : خل نلبس وردي بجايم كلنه
فيروزه : صح جنت مقهوره بس مكدرت اكسر فرحه لبنات كمت وياهن وطقمنه ) داحسنه سيت مواعين
سمره : غير هذني لخبلات صدك جذب اذا تضيع وحده بينه منلكاها
الاء : وهيه تشغل اغنيه ) نجيب غيرها عيونيي
منار : شدت لوصله ع خصري ) وخاله ويا خاله
الاء : شديت وصله ع خصريي ) خاله شلون بيه مادريتييي
رفل : كمت وياهنن ونركص ) مالومج ياخاله شما حجيتي
الاء : لعبنه لعب بلهز وجرينه سمره
سمره : كمت اركص وفرحانه ويا لبنات ) انتي الي كضيتي لعمر راحه
فيروزه : كمت وياهن وغنيت ) ماشفتي ملامه ولاهويتيي
لبنات بصوت عالي ) شيصبر لعاشك ياخاله
الاء : الله حيوووو فيروزه لعلم
منار : لتاج ولباج وحق لعباس كلللللووووش
رفل : وشلون ركص لعماره هيج وهيج ( واتمايل ويا لغنيه )
- كعدنه نركص ونغني ونسوي ماسكات وتنضيف بشره ونضحك ونسولف نسينه فيروزه قهرتها ولو كلنه نعرف تضم بكلبها بس شويه نخفف منها
" رجعت للمركز من بعد ما رحت وشفتها ونشنشتت تلكاني لعسكري
لعسكري : دكله تحيه ) سيدي الملازم فرهود رايدك
باهر : اي عيني وين هوه
لعسكري : بغرفه نقيب رياض سيدي
باهر : هزيت راسي ) تسلم حبيبي
" رحت لغرفه رياض شعدهم سرسريه ملتمين دخلت عليهم
رياض : ها لكوا.. وين مختفي
فرهود : لك عارر وين جنتت ياهو اسئله يكول مادري
باهر : طلعت مي من ثلاجه لصغيره وكعدت ) وجع شبيكم
فرهود : شو منشنشش وين جنت لك اعترف
رياض : اذا جنت يم بنت ليل مترهم لان دنيا عصر ف احجي
باهر : لك كوا.. مو باجر عرسك خليني محترمك
رياض : ك..ي ذكرتني عود معزوم انته وفرهود
باهر : ك... عرضك عود مو يعني تشرفنه
رياض : لا شتشرفنه هاي شكول واحد يشرفنه
فرهود : نجب انته اني عازمه تشرفنه حبيبييي نطرد رياض وتبقه انته
باهر : بعد روحييي فدوه يروحلك رياض وعشيرته
رياض : لكم كواو... تحجون عليه كبالي اروحله فدوه شنو هذا لخايس
فرهود : لعد ناخذذ ذنب ع لفاضي خو نحجيها كبالك خايفين
باهر : عوفه يمسلت بعد روحي لاتهتم
رياض : كومو اطلعو بره بسرعه
فرهود : باوعله من فوك ليجوه ) ك...ي
باهر : امدا لوكت اي والله لخلا رياض يطردنه
رياض : واشك حلكك لك عار
فرهود : نجب يمعود انته ثاني وين وليت
باهر : رحت للمدرسه مال بنات جان عندي شغله كملتها وبعدها اخذت دوريه بمكان فتشنا وجيت
فرهود : قلص عيونه وحجه ويا بشك ) شعندك شو مدارتاحلك
باهر : وهوه يدخن جماره وجاوبني برود ) مو مهم
رياض : شو تمسلت دحجي شصار
باهر : يمعود هيج علمود هذوله لخياس واحدهم بطول نعال يتحارش
فرهود : هسه يطلع الاخ واكع بحب بنيه هناك ويروح ويجي
باهر : غص كح كل قوته باوعله ) دنجب عار
فرهود : كتلي يتحارشون مو
باهر : اي لك واحدهم لوصخ كاتله يركض ورا لبنات
فرهود : شو كلبي كرصني ونار كبيت بيه معقوله غرت لا يابه شنو ) كوا...
باهر : لك حته لبنات الي بلخط يتحارشون بيهن بلماطورات
فرهود : خرب كوه مصبر روحي ) وبناتنه شلون
باهر : نتفض بعصبيه ) اشك حلكه الي يتقربلهن
فرهود : افصمه فصم وحق لحسين الي يتقرب يم طيره كلبي واختي
رياض : ك...ي ابجو بعد ابجوو وها هذا ( يأشر ع باهر ) يحب وحده مناك مبين
باهر : ب ارتباك ويغير موضوع ) نجب شصار ع لمهمه
فرهود : رايدين رياض بهل مهمه
رياض : ك..ي اموت وما معرس خربحظي
باهر : لا تضيعها بيها ترقيه يول
رياض : هسه نشوف يجوز اكمل لعرس واباشر بيها ماخذ اجازه
فرهود : ايي احسن حرامات هذوله لعارات ياخذوها وهيه من لاول تعبك
رياض : هزيت راسي ) انشاءالله اني ارتبها
باهر : بليل عود نلتقي بمكانه جيبو ناصر لكوا.. لمختفي
فرهود : شعدنه رايحين هناك شكو
باهر : شنو نسيت ليوم توديع عزوبيه هذا لعار
رياض : رجع ضهره ع لكرسيي ب اريحيه ) اي وعلي ونسوني ليوم
فرهود : ندكك ب لنعال ليوم صبرلنه
رياض : ان... خواتكم
باهر : يله اني رايح للبيت محتاجين شي
فرهود: يله اني هم رايح لان تعبت وخلصت شغلي
رياض : روحو اني عندي جم شغله اخلها واجي
" طلعو باهر وفرهود يسولفون وكلمن صعد بسيارته ونطلقو لبيوتهم "
" كاعدات وحده تحط للثانيه ماسك وصارت ساعه ب 8 وملتهين
رفل : ولكم متت من جوع شنيه سولنه اكل
منار : هسه يجي فرهود يجيبلنه من بره عليمن ندمر رواحنه
فيروزه : دخل تكوم سمره تسويلنه
سمره : وهيه نايمه وحاطه خيار ع عيونها وماسك بوجهه ) سكتي مني لا اسحلج عروس اني عروس
الاء : هسه واذا عروس شصار عميي
رفل : وين فرهود اليي فزعلنه
الاء : كمت ولماسك بوجهي ) اني حروح اسوي اكل مانتضركم
منار : وياج سويلي بشرفج
رفل : اني هم حبابه
فيروزه : اني انتضر الاكل دسم ماحب هاي حبشكلات
سمره : اني هم روحن اكلن
الاء : اني حروح اسوي صبرن
" نزلت جان لبيت هدوء عمه وامي وبابا راحو لبيت ابوخالد فتت للمطبخ ولماسك بوجهيي يفتر وياي ضليت افتر بلاخير صفنت تذكرت شغله
الاء : رحت طلعت اندومي ) بس انته ابو لوكفات الي تفزعلنه
" طبيت للبيت ماكو احد بس اسمع طكطكه بلمطبخ فتت جان تطفه كهرباء
الاء : دافتر وطفت كهرباء كلبي وكع بطنيي شلون نجره اني وما اخاف ) يمه
فرهود : سمعت صوتها بلمطبخ طبيت ادور ضلمه مشيت شويه ادور عليها
الاء : احس اكو شي يمشي يمه خرطت لعافيه كمت ارجف ) منو منو هنا
فرهود : اسمعها تحجي وترجف شتغلت عندي لخباثه ضليت ساكت
الاء : خرب باعي منار هاي لو انتي اسحلج وحق الله احجي
فرهود : كوه لازم ضحكتي ضليت ساكت واسوي طكطكه
الاء : يمه خرب يمه منار لاعبالج اخاف بس خل تجي كهرباء ع حظيي متجي بس صبريلي اذا ما اسحلج
فرهود : حتموت لبنيه واني ميت ضحك كوه ضام صوت ضحكتي حمحمت بصوت ) احممم
الاء : يمه صخام صخمني صوت رجال هذا حرامي وحق لحمزه شوف ماعدنه شي تره الله وكيلك بطرك الاندومي روح لغرفه فرهود بوك عنده كومه
فرهود : هنا متتحملتت ضحكت بصوت عالي ) هههههههه خرب
الاء : كلبي وكع بطنيي وعطت ) يمه
فرهود : شغلت فلاش وتقربتلها واني ميت ضحك ) لج شبيج ترجفين
الاء : منداره ولازمه كلبي من سمعت صوته حيلي نهد ) يمه كلبي
فرهود : تقربت عليها خفت صار بيها شي ) شو نداري خل اشوف شبيج
الاء : نداريت بكل عصبيه ) صدك تحجي انته خرطت لعافيه كلبي راد يوكف هوه هذا شقه
فرهود : ندارت ولفلاش بوجهه فززتني ) لج اقسم بالله خوفتيني انتي منو
الاء : لجنيه الي راح تاكلك خخوشش
فرهود : ضحكت بصوت عالي فحطتت ) شمصخمه بوجهج
الاء : بعصبيه ) ماسك هذا من صخام لصخمني ع هل نزله
فرهود : ضميت ضحكي من شفتها تعصبت صدك ) دهدي حبينه نشاقه
الاء : دمعت عيوني من لخوف ) صدك تحجي فرهود هوه هذا شقه
فرهود : تقربت عليها ) ليش خفتي
الاء : وحق الله كلبي وكع بطني من لخوف هاك شوف ايدي دترجف
فرهود : مدت ايدها واشوفها ترجف ) شتعلت عشيرتي اي والله سوده عليه
الاء : وخر شويه خل اصعد كوه واكفه
فرهود : جتي كهرباء جريتها كعدتها ع كرسي ) اهدي بويه هاج مي
الاء : شربت مي بس لهبطه بيه اني بدون شي اخاف من ظلمه نوب هيج ) وخر لتحجي وياي
فرهود : ضحكت تقربت كعدت يمها ) شو بله ايدج
الاء : مديت ايدي بعدها لهسه بيها رجفه ) هاك
فرهود : جريت ايدها وبستها ) فدوه يروحلج فرهود وعشيرته عذريني بويه
الاء : رتبكتت وكلبي كام يدك بكل قوته من باس ايدي ) خوفتني والله
فرهود : عمت عيني لاتخافين واني بظهرج
الاء : هوه غير انته خوفتني
فرهود : ضحكت بصوت عالي ) اني عادي غيري لا اطك ظهره
الاء : باوعتله بربع عين ) خوش
فرهود : عينج لج لاتباوعين هيج
الاء : بله شسويي
فرهود : تقربت عليها وحطيت وجهي بوجهه ) ابوسهن
الاء : كمزت من مكانييي ودم صعد راسي من لخجل ) شنووه
فرهود : ضحكت بصوت عالي ) لج شبيج تطفرين
الاء : وخر يمه صاير مو راحه انته
فرهود : كمت تقربت يمها وهيه ترجع ليوره ) شلون يعني
الاء : يتقرب واني ارجع ليوره ) يعني شوف فرهود
فرهود : مستمر امشي وهيه ترجف ) روح فرهود
الاء : نركعت بلحايط وهنا دك لانذار ) فرهود لاتخوفني خلي اروح
فرهود : تقربت وشميت خدها وبسته خفيف ) اوف يا راحة سنيني لفاتت
الاء : كلبي يدك بكل قوته ماعرف شنو هل لمشاعر لكبت عندي كوه واكفه ع رجلي باوعتله ) اريد اروح
فرهود : باوعت بعيونها ذبتت بيها ) لاتخافين مني اذي روحي وما اذيج
الاء : اباوعله عيونه ذبلانه هزيت راسي ) تمام وخر شويه
فرهود : كوه جريت روحي منها بدي اضمها ضم ) تعشيتو
الاء : ب ارتباك ) لا منتضريك تجيبلنه
فرهود : ضحكت ) بما انوو نشنششت فـ احلى عشه الكم
الاء : بعدها لهبطه بيه ) تمام اروح اكلهن
فرهود : خوش اني رايح
" صعدت للبنات واني ارجف رجف كوه ثبتت حته مافضح روحي وكتلهن اجه وكتله ع لعشه "
" طلعت من لبيت واني كلبي فرحان وكلشي بيه فرحان فرحة سنيني الي عشت بيها متعذب اجه عوضهن ويا محلى هل لعوض ربي لاتحرمني منها
___________{ يتبع }__________
لتنسون التصويت والتعليق بين الفقرات 🪫