تـراتـيـل الـمـوت
الكاتبة: رحـاب صـدام
(بسم الله الرحمن الرحيم)
لاتنسون التصويت + التعليق بين الفقرات 🫶
مشاهدة ممتعة فراشاتي🦋
________________________________________
نار
نزلن دموعي واني اتذكر ذيج الأيام مسحتهن وضميت الدفتر بالمجر خليت راسي ع مخده وصفنت بالسگف ذبيت حسرة وانداريت ع جهة الثانية
اجة على بالي الأبتر وأبتسمت وأني اتذكرو غمضت عيوني وأجت صورتو گبالي ابتسمت واني اتذكر شكلو
كان حنطي وعيونو عسلي ورموشو طوال. وكلش حلوات لحيتو سودة وخفيفة لبسو كلو أسود وأيدو. بيها وشوم چثيرر. وطووييل اطول مني بهواي
تذكرت موقف ألنه وضحكت
نار:- چنه نمشي بالشارع واشوف فرق الطول بينه گتلو
- هاي شكد طولك بتار نكسرت رگبتي واني ادحكلك
الأبتر:- ههههههه طولي 192
نار:- عزااا وأنيي طولي 166 وأكول طويلة
الأبتر:- دوخري بابا وخري طويله هوه غير من أريد احجي وياج اوطخ يلا اشوفج
نار:- ديلا احسن منك ترا على اقلها طولي مناسب
مو مثل ذولاك الناس عبالك من جماعة جوج وماجوج
الأبتر:- هههههههههههه بوية اللسان هوه منو يگدر للسانج بابا
- ضحكت ونزلت عيوني بالكاع
نار:- تنهدت وگعدت على. حيلي
كمت على حيلي الضاهر التفكير مراح يخليني انام اليوم باوعت ع ساعة بـَ3 بالليل صليت وقريت قرأن حسيت براحة شغلت قرأن بموبايلي ونمت
كعدت الصبح بدلت ملابسي واتريگت وطلعت ع شغل تعرفت على وحده بالشغل. وياي اسمها مرام بنيه طلش حبابه وخلوقه
بدينه نشتغل اني وياها. وخابرن البنات ع گروب جاوبتهن واني اشتغل
ادحك على زهراء تاكل وتحجي وزينة كاعده تخلي ميكب والبنات نايمات
زهراء:- هااايي يحلويننن
زينة:- هلووو گايز
صبا:- وسم زرفتن اذاني
يُسر:- نجبي انتِ ...هلاااوو ناااروو
نار:- هلااا ضلعاتي مشتااقين
يُسر:- اني أكثر
صبا:- احنه اكثر عيني شجاي تسوين ولج
نار:- اشتغل واحجي وياچن
زينة:- وأني داروح ع كليه ايييع ماا اريد اروح بس عندي امتحان
نار:- غمزتلها وحچيت ...علش روحيي لازم اداومين
زينة:- نار حبيبي ممكن تنجبين؟
البنات:-ههههههههههههه
نار:- أمشن ولن مو صوچن والله
يلا باي تأخرت ع شغل
البنات:- باي عمري
سديت الاتصال. وحچت هيه
مرام:- اويي فدوه مبينات حبابات
نار:- كلشش فديوم تعاي علي واعرفج عليهن
هزت راسها ورجعنه نشتغل واني مالي واهس بشي وتعبت كلش وكلساع جاي زبون يريد غير شي حرفياً جلطوني
فزيت ووگعت من ايدي الوصله واني چنت امسح
رفعت راسي شفت مره تطلع بـ الثلاثينات رفعت انضاري عليها من كعبها اللي صاير عبالك نبلة قلم ورجلينها اللي كلهن طالعات گمت لحيلي وشفتها لابسه فستان ازرگ گصير وضاب على جسمها وشعرها اصففرر عبالك شبثه
وخرت نضارتها وباوعتلي من فوگ ليجوا وحچت بصوت ينرفز
:- وخري عن طريقي
باوعتلها باستغراب واخذت الوصله وبعدت عنها راحت واني كملت شغلي اريد بس اخلص واروح ؏ البيت
بعد تعب چبير كملت واخذت الراتب اليومي ابتسمت وخليتو بجيبي
واخذت بطل ماي وطلعت برى المطعم گعدت ؏ المسطبات وطخت اشد الگيطان مال البوتين بقيت شويه گاعده وگمت شربت البطل وكملت طريقي
رفعت موبايلي شفت الساعه 3:33 شهگت وركضت بسرعه واني احاول اصل للشغل بالوقت المحدد گبل لا يبدأ واترزل
ضليت اركض وادحگ للساعه لبين ماوصلت المحل واني اركض دخلت بسرعه وانضربت بشخص وراسي انكسر كام يوجعني رفعت راسي شفتو واحد طوويل ولابس قبوط اسود وجگاره بحلگو خليت ايدي على راسي ومنزعجه بس صدمني من گال
:- اسف
طلع من المحل وعافني بصدمتي هاي اول مره احد يگلي اسف بالشغل بدون مايسوي عرايك فزيت من سمعت صوت رجال خشن باوعت لداخل المحل شفته واگف ويحچي بعصبيه
:- يللله مو گلت بده الشغلل ليشش تتأخرين
تقدمت بخطوات واباوع منو هذا وليش يصيح عليه
ضرب الميز بيده قوي وصاح بيه
:- هيوووو شنو خررسهه؟؟
فركت ايدي بخجل واني اشوفهم كلهم يدحگولي شلون يعلي صوتو عليه
نار:- اا مادري وتأخرت خمس دقائق بس منو حضرتك ومنو سمحلك تعلي صوتك عليه؟!!
:- حلو هه صلفه وقويه
اندار على ام حسن وحچه باسهزاء
:- هاي اخلاق الموضفات عدكم!!
ضرب ايده بالميز مره ثانيه واجه تقدم ناحيتي مبتسم ورافع تك حاجب وصل ليعندي وباوعلي من جوه ليفوگ وخله عينو بعيوني وحچه
:- من اليوم اني صرت بمكان عمتي ام حسن وشأگول تگولون حااضر وماريد اي كلمه من بعد ما اني اسكت كلشي تگولون مفهوم .. وانتي حسابچ بعدين هسه كملي شغلچ
خزرتو وردت احچي بس صارت عيني على خاله ام حسن وزهراء يخزرن بيه ويعضلي شفه يريدني اسكت واني سكتت وعفتو مالي خلگ المشاكل وانفصل من الشغل بسبب ابو راس مربع چنه ثور ماعنده گرون
رحت وگفت يم ام حسن وزهراء واخذت الصدريه مال الشغل ولبستها وهنه يحچن وياي نزلت راسي وهمست لخالتي
نار:- خاله منو هذا
ام حسن:- هذا ابن اخوي باهر اتحملي چم يوم لخاطري ليما يجي ابوه ويروح
نار:- هوه وين ابوو؟
ام حسن:- سافر علمود يتعالج وأمن باهر عندي
نار:- زين ليش أمنو عندچ هوه مو جاهل تره زلمه مشورب معقوله مايگدر يعتمد على نفسو بي بس يصيح ويجعر
زهراء:- سكتي ولچ اشش هههه هسه يسمعچ بيچ حيل تنفصلين من الشغل؟
نار:- طبوو مرض
عفتهن ورحنه اني وزهراء نشتغل وهيه تحاول تضحكني علمود تنسيني كملت الطلب وغلفتو زهراء وكملت 3 طلبات وزهراء تغلف وهيه اللي تطلع ؏ الزبائن من يجون وهذا باهر مدري شبي چنه نعال گاعده ومرتچي ويخزر بيه عبالك چاتله ابوه
اجه وگف يمي بيناتنه الميز وهوه يباوعلي وياكل تفاح اييع مقرف واني ما دحگتلو خل يولي اخير شي نرفزني من شافني مسحت الميز ونضفتو خله التفاحه ؏ الميز والميز رجع توصخ
تنهدت بنفاذ صبر ادري بي جعد يسوي هيچ علمود يستفزني ويخلص صبري بس اصبرلي يا راس الثور
اخذت الوصله وبديت امسح بالميز واباوعله اخزر بي وهوه ولا همه كملت المسح وشمرت الوصله وبديت اجهز الطلبات وهوه نرفزني بس يباوعلي وياكل
نار:- شكوو؟؟
رفعلي تك حاجب واني تجاهلتو وكملت شغلي وكل سَـآعــهْْ اتنهد علمود يوخر شكو لازگ بوجهي شني اني انجلينا لو لوحه فنيه!!!
انطيت الطلب لزهراء ورجعت شفت الميز عباره عن تفاح وگشور برتقال وهوه يباوع ببرود
عصبت ورحت عنده وحچيت بصوت عالي
نار:- شنوو هذااا مو هستووني خلصت شغل؟
ولا اهتم لكلامي دار راسو واخذ فواكه وگعد ياكل تنرفزت حييل ودفرت الطاوله برجلي صح توجعت بس سكتت
نار:- مخبللل انتَ هيووو مو دااحچي وياك؟!!!
عض شفته وگال ببروود مستفز
باهر:- شكو
سديت ايدي حيل ورجعت لمكاني گمت انضف وادحگ علي اخزرو وهوه ولا مهتم بس يباوعلي وياكل وينثر بالمحل عبالك هايشه
كملت الميز ونضفت الگاع وجت زهراء بسدي
زهراء:- ناروو
نار:- همم
زهراء:- شبيچ مو على بعضچ
نار:- ماشفتي هذا راس الثور شاد عقلو وياي
زهراء:- عوفچ منه الغثيث المهم باعي باچر العصر تعالن عليه انتِ وزينه
رجعت الوصله لمكانها وتنهدت وحچيت
نار:- مالي واهس حبيبي لاتزعلين
زهراء:- اهووو نار تره ازعل عليچ والله وباچر عطله يعني تگدرين تجين ماعندچ شغل حباابه نتونس بالبيت
نار:- اشوف ان شاء الله
طفرت زهراء وحضنتني وحچت بصوت عالي
زهراء:- اييي ايي ولچ
سمعنه صوتو جدامنه يصيح
باهر:- شنووو هااي الفووضه ارجعو لشغلكم
وخرت عني زهراء وبقيت اني اخزر بي وكالعاده نضراتو البارده تستفزني
كملت شغل ورجعت الصدريه وغسلت وجهي وطلعت بره گعدت ؏ المسطبه استراح شويه
وادحگ ؏ العالم حسيت احد گعد بسدي درت وجهي شفتو هوه گلبت عيوني وردت اگوم وجرني من ايدي رجعت ؏ المسطبه
نار:- وخررر عني منوو سمحلك تلمسني
باهر:- اعتبريني حبيبچ
عصرت ايده قوي ودفعتها عني
نار:- اكل خرررا ولاتتجاااوز ومره ثانيه ممنوع تلمسني تره بلگوه مصبره روحي ما انهد عليك
انتچه ؏ الحايط ووخر الجگاره من حلگو وگال
باهر:- حبيتچ
نار:- حبتك حيه ام سبع روس كون
ابتسم ونفض الجگارة وحچه
باهر:- قوية وأموت بالقويات
غمضت عيوني بنفاذ صبر. ومشيت عنو شگد اكرهو راس البغل ......
__________
يتبع 🤍🦋
رأيكم؟
خلو نجمـهہ حلوه مثلكم فراشاتي 👄🔥