العراق :للكاتبه فاطمة العساف
Ins : fm.f21
______________________
عيونها چنها رواية قديمة وشعُر بغداّدي
______________________________
ناي : جنت بوقتها بدوام بالمدرسة بس ماجان اكو عدنه محاضره
كلمه وحيده الي نطقها كاملة
_يوسف مات
يا يوسف؟ شنو يوسف مات؟ انت وين هسه
من درجه الارتباك الي اني بي ودرجه الخوف صرت مثله مااسيطر على كلامي
وره دقيقه سد الاتصال ودزلي موقع المستشفى إلى هو بيها
سحبت جنطتي و نزلت ركض حتى
أروح لمستشفى
حاولت اطلع من المدرسه بدون ميشوفني أحد الأساتذة
اضحك على نفسي لو شنو
اذا ماشافوني هسه راح يشوفني بكاميرات الي موجوده بالممرات
مو مهم خلي يشوفوني
المهم اوصل لمستشفى حتى اشوف إسلام ميهون عليه اتركه بهيج وضع وحده
طلعت من المدرسه ركض
ومشيت شويه مبتعده عنها حتى احصل تكسي
انتظرت كم دقيقه
وكفت الي سياره
ترددت بالبدايه اروح ويا وبعدين كلت شنو راح يصير مثلا
انطيته عنوان مستشفى
وصعدت بالكشن الي وره بقى السايق يباوع الي بنظرات مافهمتها
بده بالكلام هو من كال
_If you are at the beginning of your pregnancy, there is no great risk of miscarrying the baby
ناي _ اخذت صفنه بكلامه حتى استوعبه شنو يعنى إذا جنت بدايه الحمل مو صعب عليه الإجهاض
دباع حظي عباله حامل
اريد هيج فد يوم الزم حظي بصونده وغرفه فارغه وين توجعك ومحد يتدخل
تجاهلت السايق هو وكلامه وسويت نفسي كانو مااسمعه اما هو بقى مستمر يحجي
من وصلت لمستشفى
نزلت بسرعه اريد بس انزل من سياره واخلص شنو الي ورطني ويا هيج سايق
دخلت لمستشفى واني ماأعرف اسلام اي غرفه موجود تصلت على إسلام حتى اعرف رقم الغرفه
بقى هو ويايه على خط واني امشي لغرفه الي هو بيها
من وصلت شفته كاعد بالممر وساند ظهره على حايط
جانت اول مره اشوفه هيج عن قرب بعد كل الفتره الي هو اختفى بيها
مشيت بخطوات بطيئه على رغم اللهفة الي بنفسي
ماعرفت شنو اكول بضبط اله
مااعرف أواسي شخص ماأعرف اخفف عن شخص اشوفه متاذي
احس الكلمات ما تنجمع عندي تختفي فجئه
كعدت وسندت نفسي على الاحايط المقابله
صرنه كاعدين واحد مقابيل الثاني بس كل واحد بينه ساند نفسه على حايط
باوعت عليه جان منزل راسه وماد وحده من رجلي ورجله الثاني طابكها ومخلي ايده عليها
وعلى جانبه باكيت جكاير وجداحه وجهازه
بديت الكلام بسوالي وين يوسف هسه؟
إسلام : جوه بصاله العمليات
_ليش هو شنو بي
إسلام :ماأعرف بضبط
قبل كم ساعه مجان بي شي ونضحك سوه لدرجه كاعدين ندرس امتحان
وهو يصنف يكلي لو عندي هذا عقلك امتحن عشر امتحانات مو بس واحد
_وبعدين
إسلام :نزلنه من شقه حتى نشتري شي سريع ينوكل لان بوقتها جوعانين بس متعاجزين نطبخ شي
_وبعدين
إسلام : ردنه نعبر شارع حتى ندخل محل
_ بدون ميكمل اني عرفت شنو صار من وحدي
من سمعت كلمه شارع اول احتمال اجه بالي يوسف ندعم
وهسه صاحب السياره وين؟
إسلام : ماأعرف اصلا ماوكف النه كمل سياقه بدون ما حتى ينزل يشوف شنو صار النه
اني وحدي الي بقيت محتار بيوسف وهو غركان بدمة وصلنه لمستشفى واخذو مني ولسه مااشفته
وقتها ماأعرف لمنو اكول ولا لمنو احجي
خفت ابقى وحدي لامكان مكاني ولا ناس اعرفهم ولا بيهم واحد راح يساندني ماأعرف هنا غيرج
_ منو كلك هو مات
إسلام :اني وحدي كلت لنفسي المنظر الوصل بي يوسف لمستشفى مااعتقد يساعد حتى يبقى عايش واذا بقى عايش مراح يكون بصحه كامله
لو شلل او يفقد عقله او عجز عن حركه
_لا تفقد الأمل بهاي الطريقه ويسيطر عليك التفكير السلبي
بقى إسلام ساكت مجاوبني شي
مر وقت واثنينه ساكتين
إسلام :تعرفين اشلون التقيت بي
_اشلون؟
إسلام : اول موصلت على لندن سكنت بشقه كلش غاليه وحدي وصاحب شقه استغلالي
بديت ادور على شقق ارخص
ومره جنت اريد ادخل وحده من شقق المخصصه للايجار وهو جان طالع
ف عود احترمته سويت اله مجال حتى يمر جان كال وهو يمشي بس احسه يضحك
_ عفيه هيج الناس تحترم اسيادها
إسلام : اي صح مثل ما احترمتني انت
يوسف : طاح حظك طلعت عراقي
إسلام :سبحان الله
يوسف :لعد ليش مو اجلح واملح مثلنه
إسلام : قضاء وقدر
يوسف : اي مو هو زواج
المهم اكلك يمكن استفاد منك
اني عندي شقه واريد شريك بالسكن
إسلام : عليك نور واني هم جاي ادور على شقه حتى انتقل الها
يوسف : وعلى نياتكم ترزقون
لك دشوف نيتي شكد صافيه
إسلام :بوقتها حسيت الولد شارب شي
بتسمت اله اني اسمي إسلام
يوسف : يوسف
تعال خلي نروح اني وياك لشقه حتى تشوفها
إسلام : مو كانو لقاء صار بسرعه بسرعه
يوسف : احسن مانبقى سنه يلا ناخذ على بعض
خلي اكلك سر
إسلام :سر ومن اول يوم اشوفك بي
كول
يوسف :جنت احب وحده وانفصلنه
إسلام :ليش
يوسف :طلعت تصوم أربعين يوم
إسلام : من كلي هيج ضحكت يعني طلعت مسيحيه
ناي : من سوالفه مبينه شخصيته تنحب
إسلام :كلش هواي
تذكرين اول مره شفتج بيها من جذبت عليج
_اي
إسلام :الجذابه جانت فكرته
جان هاي اول مره واخر مره اخذ رأيه بشي
وراها تبت
_الحمد لله من تبت
حبيت اغير من نفسته شويه
سولفلي موقف صار وياك يضحك
إسلام :غير مره
ناي :لا هسه عفيه
إسلام : شوفي هاي العام بالزيارة الأربعينيه رحنه مشي
اني ومجد اخويه واثنين ولد اصدقائنه
ابن جيرانه شويه مريض عقله مو تمام
قفل الا يروح ويانه
اني والولد ما قبلنه بس هذا مجد كال خلي يروح
يمعوده وين يروح انت مشوف وضعه
مجد : كلشي مابي وضعه
اني اخلي بالي عليه
وتكفل بي الطريق كله
إسلام :الطريق طويل وبمشي راح تتعب
وتمل منه
خلي نقنعه وميروح ويانه
مجد : لا انتم مالكم علاقه اني مسؤل عنه
متكولون خطيه محد ياخذه لزياره تفكرون بس بنفسكم
إسلام : قفلت بعد
خلي نشوف نهايتها وين
صدك راح ويانه
عبرنه ناصريه ومجد مداري الولد زين يوكله
وباله يمه خاف يضيع لو يمشي بعيد عنه
اكتب رقمك وخلي على ايده
خاف يصير شي يتصلون عليك
مجد : اي هسه عجبتني من بديت تفكر
راح اكتب رقمي واكتب عليه والده
الله طلع شعور الابوه حلو
بس مااتزوج خاف واحد بيكم يكلي جا ماتزوج
إسلام :اذا نبقى على سوالفك هاي وتسخيتك سنه ما نوصل
عبرنه ناصريه سلامات واحنه الولد كلنه سوه
وصلنه لديوانيه
اكو طريقين واحد بيهم يوصل لنجف
واحد يوصل لحله
مشينه بشارع الي يروح لنجف
وره ساعه هيج باوعت على مجد ملتهي بسوالف وضحك ويا ولد ويشاقه ويا الزوار
مجد أحمد وين؟
مجد :يا احمد
إسلام : ليش احنه كم احمد جاي ويانه
أحمد الولد المريض وينه
مجد :هذا يمي التفتت يمنه يسره ماكو الولد
إسلام : ها وينه
كال واحد من الولد الي ويانه
_ اني اخر مره شفته قبل لندخل النجف
مجد : انا اخوك يا إسلام
إسلام : انجب انت انجي كله منك
رجعنه كم متر حتى ندوره يمكن نلكا
ماكو
بقينه نتظر يتصلون على مجد من الرقم الي كتبه مجد على ايد أحمد
ناي :وبعدين شنو صار
إسلام :وره ساعتين اتصل رجال على مجد ايبلغه عن مكان أحمد
اخذنه سياره ورجعنه لحله لكينه أحمد نايم
من كعد سولف النه
_ شنو كال
إسلام :كال اني بقيت امشي وشفت كدامي قبه جبيره وعبالي هذا الإمام الحسين كلت جا وين اخو الثاني
بقيت ادور على اخو بعدين دخت وكعت
ناي :مافهمت
إسلام : ولج هو طالع على طريق الحله شاف كدامه قبه القاسم ابن الإمام الكاظم
عباله قبعة الامام الحسين وباقي يدور على قبه الإمام العباس
ناي : من كلي هيج اريد الزم نفسي من ضحك مااكدر
وبعدين
إسلام : رحنه لزياره بس مو مشي بسياره وزرنه ورجعنه لبيت
ناي: فكره حلوه
إسلام : ياترى كم شخص جاي يموت باليوم الواحد من حول العالم بسبب سايق متهور ويسوق سريع او إنسان ماعنده اي مسؤليه تجاه حياة باقي الناس
شنو ذنب الشخص حتى يموت بسبب إنسان متهور بالسياقه
شنو ذنب الأم حتى تخسر ابنها
شنو ذنب العائلة حتى تفقد ابنها
ناي : ليش كل تفكيرك انو هو راح يموت فكر شويه بشكل إيجابي
إسلاماً :هو الحيوان ما خلص من ظلم الإنسان
ناي :اشلون يعني
إسلام : تعرفين قصه الفيلة ماري الي ماتت مشنوقه !
_ لا
إسلام : من تختفي الرحمه بقلوب البشر يصير القتل اسهل من كلشي
ناي :اشلون يعني شنو قصه هاي فيله
إسلام : بعدين اكلج
ناي :بعدني جاي الح عليه يسولفلي القصه
طلع واحد من الدكاتره
تقرب إسلام من الدكتور وهو يسئله عن وضع يوسف
جان جواب الدكتور عباره عن
_ I'm sorry, we have lost the patient.
إسلام :مو كتلج راح يموت هذا دكتور بنفسه يكول فقدنا المريض
ناي : جان الموقف اصعب من انو اكول اي كلمه بقيت ساكته
إسلام : من وين اكدر استلم الجثه؟
ناي : مراح تستلمها انت
إسلام :لعد مراح اقبل تنشمر بوحده من حاويات البلديه
ناي: لا لحظه اسمعني
بعد تلقي السفاره خبر الوفاة ورغبة اهل اقارب المتوفي دفنه داخل العراق تطلب شهادة الوفاة مصدقة من الجهات المختصة
وراها ترسل السفاره برقية إلى الدائرة القنصلية بديوان وزارة الخارجية تطلب بيها الموافقة على دخول الجثه على أن تتضمن البرقية المعلومات مثل اسم المتوفى_ جنسية المتوفى _ مواليد المتوفى _ تاريخ الوفاة _ سبب الوفاة_ مكان الوفاة وهيج اشياء
وره ما يرجعون جواب المركز بالموافقة ( موافقة وزارة الصحة )تبدي البعثة بالإجراءات
تصديق شهادة الوفاة للأجنبي وتسليمها لاقاربه وتصديق شهادة الوفاة للعراقي وإصدار شهادة وفاة عراقية وتسليمها لذويه
إذا رغب اقارب المتوفى الاجنبي الي أصله مو عراقي دفنه في العراق هذا يتطلب أستحصال موافقة الجهات العراقية المختصة
(وزارة الصحة) على الدفن وبعد حصول الموافقة
البعثة تصديق شهادة الوفاة
الاجنبية وأستحصال مبلغ (3200) باوند كرسم لدخول جثمان غير العراقي أستناداً الى المادة (61) من قانون الصحة العامة المرقم (89) لسنة 1981 ومنح مرافقة سمة دخول الى العراق
إعداد كتاب تسهيل مهمة دخول الجثمان موجه إلى السلطات الصحية المختصة في نقاط
الحدود أو المطارات مع ذكر ( حصلت موافقة وزارة الخارجية / الدائرة القنصلية ببرقيتها المرقمة والمؤرخة )
حضور القنصل أو شخص عنده صلاحيه دخول هيج مكان وجود الجثمان لغرض على مود التابوت بالشمع الأحمر بعد ملاحظة الجثمان داخل التابوت وبعد إغلاق التابوت(يختم الشمع في نقاط فتح باب التابوت)
إذا تعذر نقل الجثمان لاي سبب كان فلا يجوز اخراج الجثمان من القبر ونقله الى العراق الا بعد مرور سنة من تاريخ الدفن وحسب تعليمات قانون الصحة العامة
إسلام :كل هاي الإجراءات تهلك الشخص
تعب من مستشفى لسفاره لبلديه
لوزاره الصحه خلال أسبوع جان التعب مينوصف جان التعب النفسي اكبر بهوايه من تعب الجسدي
شعور فقدان شخص جان مشاركك بكل يومك مو سهل حتى اتقبله بيوم وليله
فكره انو يوسف مو وياي مجانت فكره طبيعيه
كل الي صار بجهه
ومن شفت يوسف بتابوت ومتروس ثلج حتى جثه مالته لتعفن
الثلج مغطي ومغطي وجها الي جان دائما يضحك
حتى جسمه كله ملفوف بكطن وثلج
الموقف جان اصعب بهوايه من موقف وفاته
اشلون يعني اشلون بعد مااشوفك؟
ولا اجي لشقه والكاك
ولا نركض بشارع سوه
ياريتك ماتصلت عليه حتى اجي لهنا واشوفك تموت كدام عيوني
وياريت لو منازلين من شقه واخسرك واضيعك من ايدي
وياريت ما جاي لهنا ومتعرف عليك و يصير هل وجع بروحي
وهواي من الياريت وكلهن ما يتحققن ويصيرن
جانت اخر لحظات الي ويا يوسف بالمطار
من صعدو تابوت جثته بالطياره حتى يوصل لعراق
هسه شنو المفروض اكول توصل بالسلامة؟
لو المفروض اكول توصل جثتك بالسلامة؟
ناي : مر اسبوعين و إسلام شبه مختفي جهازهه دائما صامت او مغلق
شكله متغير لحيته طولانه حتى ملابسه تغيرت صار لونهن اسود
ترف :شو انت متستحي
مرتجى :شنو مسويلج
ترف :بسرعه اخذت ميانه ويا البنيه
مرتجى :شنو عبالج كل البنات نفسيه مثلج
امشي خلي نرجع لقسم اذا خلصتي
ترف :لا راح أروح لبيت اتصلت على ابويه
فد شويه ويوصل
مرتجى :يلا نتظر شنو ورانه
ترف : متروح انت شنو عندك باقي
مرتجى :وانتِ مقتنعه اعوفج وحدج واروح
ترف : بقيت ساكته محجيت شي
ابويه تأخر اتصلت عليه
كلي صارت عندي شغله ضروريه خلي مرتجى يرجعج
اني هنا صرت موقف سوف اصمت قليلاً
مرتجى :وين صار ابوج ليش تاخر
ترف :اسكت بلا دعني اتكلم قليلاً
مرتجى :مدام بديتي تمسلتين يعني صاير شي كولي شنو
ترف : ابويه يكول مو اني تذكر ابويه كال
خلي مرتجى يوصلح
مرتجى :اي لعد متكولين شنو خايفه اكلج
ترف : بده مرتجى ياشر لسيارات حتى توكف اله سياره
اكلك
مرتجى :ها
ترف: راح اكولك شي وانت كول در
حلو؟
مرتجى :حلو
ترف :ياولدي
مرتجى :در
ترف :علمتك
مرتجى :در
ترف :اكل القنا
مرتجى :انجي
ترف :ضحكت لانو عرف بالموضوع غلطه
اي شبيك تكملها
مرتجى :انجبي لا اضربج بهذا الكتاب الي بيدي على راسج اخليج تصيرين تشبهين الكلمه الي ترديني اكولها
ترف :بقيت ساكته بس اضحك
أجر مرتجى تكسي وصلني لبيت
بين ما بدلت وتغديت وصليت ردت انام اجت امي يمي
_بليل نروح لبيت عمتج
ترف : شنو نسوي؟ جاوبتها واني اعدل كعدتي حتى اركز بالسالفه زين
_على مود زواج سما
ترف : قصدج خطوبه او عقد قرآن
_ لا حنه
ترف : مو قبل شهر كالو لو نوافق لو نرفض
وهسه كبل حنه
_ تكول عمتج كلشي صار بسرعه
ترف : قبل سنتين من اشترو بيت هم مكالو
وبعدين كالو بسسرعه اشترينا
وهسه خطوبه وعقد قران وعقد محكمه ومهر وكله بسرعه
تره مراح نحسدهم بس على الأقل خلي يكولون
سبحان الله بيت عمتي عدهم زمن السرعه
_ميخصنه بيهم
الي علينه نفرح الهم ونبارك الهم
ترف :الله كريم
تركتني امي وراحت بقيت اني وحدي
ياتره شنو شعور قيصر
وحبيبته راح تزوج
معقوله قيصر ماحب سما وانما بس راد يدخل علاقه وياها
نمت ساعتين وراها كعدتني امي حتى نروح لحنه
مجان هامني شي غير انو اشوف شنو شعور سما
رحنه اني وامي للقاعه الي صارت بيها الحنه
جانت سما
فرحانه نوعا ما
يعني مثلها مثل اي بنيه بيوم حنتها فرحانه تركص
وتضحك حسيت الموضوع غريب شويه بس عادي جان هو حنه وهو عرس بنفس اليوم
ناي : اتصلت على إسلام اكثر من مره مرد عليه
اخذت تكسي ورحت لشقه الي هو ساكن بيها
جنت متوقعه ساكن وحده بعد وفات يوسف
بس مجان توقعي صح من فتح الي ولد ماأعرفه باب الشقه
حتى معرفت شنو اكول لولد
_ تفضلي
ناي :إسلام موجود؟
_ اي موجود تعالي ادخلي
ناي :ها لا بس بلا زحمه صيحه إلى
إسلام : جنت جاي ادرس اريد اتخلص من التراكمات الي عندي واجه الولد الي ساكن وياي نفس شقه
كال
_ اكو بنيه حلوه بره تسئل عليك
وتنتظرك
إسلام : هذا كلامك مره ثانيه لتعيده واحجي عدل
تركت الي بيدي وكمت حتى اشوف منو هاي البنيه ابد مجنت متوقع ناي
شنو عندج هنا منو كلج تجين؟
ناي : شفت إسلام اجه اتجاهي وطلع مو شقه وسد الباب وكال كلام بسرعه رديت عليه
دتسلم بالبداية وبعدين تعارك
إسلام : اخر مره تجين لشقه لهنا
ناي :تره اتصلت عليك هوايه وانت مترد
إسلام : حتى لو بعد متجين
ناي : تمام
المهم انت اشلون صرت
إسلام :ليش اشلون جنت
ناي : من شفتك اخر مره قبل مده جنت تعبان
مرد عليه بشي
وانما مشه كدامي
مشيت ورا وصرت امشي ويا نفس مستوى
إسلام : لندن شكد ماهي جبيره بس ضيكه بالحقيقة
تاخذ النفس
ناي : لانو متعرفها مااخذت وقت كافي بيها
إسلام : مصار الموضوع يهمني كله شهرين وتنتهي السنه دراسيه هنا وارجع للعراق
ناي : ليش مراح تكمل سنه ثانيه هنا
إسلام:مستحيل ماعندي أحد اعرفه هنا حتى يوسف راح وهوايه اشياء اختلفت عن ما جنت متخيل
صار الوقت ممل من دونه حتى الشقه تخنك
اليوم صار اطول
ناي : تره كل الناس الي ساكنين قريب من شقه مالتك يحبونك
إسلام : بس هذا مو يعنى مشاركيني حياتي
مراح تفهمين وضعي مدامج مامريتي بي
مجربتي يموت شخص بين اديج
يوسف مات وهو بيدي
اول يوم دخلت لشقه وهو مجان بيها مكدرت ابات بيها
جان شخص وحيد الي اشاركه يومي و احجيله عن داخلي
جان صاحب روحي
يوسف جان يحبني بدون اي مصلحه او استغلال
ناي :اني هم أحبك